روايه عشق الصخر
الفصل الخامس عشر ......
بمرور الوقت صخر كان وصل للقصر اخد شاور وغير هدومه واخد هدوم لـ عشق وطلب من سعدية تجهزله اكل عشان ياخه معاه
خلص ولسه هيركب عربيته ويطلع من القصر بس اتفاجئ من اللي شافه .. بنت محجبة بس حجابها مش لايق مع لبسها اللي مجسم تفاصيل جسمها .. قرب منها ومسكها من ايديها بغضب: انتي جايه هنا ليه وايه اللي منزلك من بيتك في الوقت دا وكمل بسخرية: يامحترمة
البنت بمياعة وهي بتلزق نفسها فيه: ايي ياصخورتي براحة على ايدي ..انا جيت اطمن عليك اصلك من ساعة مااتجوزت وانت مش بترد على تليفوناتي غلط في حاجة انا؟!!
بعدها عنه بقرف: انا مش قولتلك اني مش عايز اشوف وشك تاني انتي ايه مبتفهميش؟!! متخلنيش اتصرف معاكي تصرف مش هيعجبك نهائي
البنت وهي بتلعب في زراير قميصة: انا اي حاجة منك بتعجبني ياصخر
صخر وصل لاخره وبقوة زقها بعيد عنه لدرجة انها وقعت على الارض: ايدك لو لمستني تاني هقطعالك فاهمة يا دينا وخلقتك دي مش عايز المحها قريبة من القصر تاني
دينا قامت من ع الارض ولا كان الكلام موجهه ليها وببتسامة مستفزة: ايه خايف منها معقول صخر السيوفي خايف مراته تشوفه مع طلقته!! اوبس نسيت هي صحيح متعرفش انك كنت متجوز وكملت بمكر: ومخلف كمان
صخر بغضب: اخرسي انا وانتي عارفين كويس اوووي الولد دا يبقى ابن مين لولا عضم التربة انا كنت خلصت عليكي من زمان اوووي .. لكن للاسف عمي الله يرحمه موصيني عليكي قبل ما يموت
دينا بصراخ: انت ليه مش عايز تسامحني على غلطة واحده غلطها في حياتي غلطه ندمانه عليه لحد دلوقتي انا بحبك ياصخر بحبك ليه مش عايز تصدقني
صخر بسخرية لازعة: واضح فعلا انك ندمانة! هو انتي نسيتي تبصي لنفسك في المراية قبل ماتيجي!! انا رايي انك تقلعي الحجاب ده .. بصراحة ملهوش لازمة بلبس الرقصات اللي انتي لبساه ده ولا البويا اللي ممحره بيها وشك
انتي كل اللي يهمك الفلوس واعتقد اني فالموضوع ده مش مقصر ويلا بقا وريني عرض كتافك
قال كلامه وركب عربيته واتجه للمستشفى
اما دينا بصت للقصر ورجعت بصت لعربية صخر اللي ماشيه بسرعة رهيبة وهمست بغل: هتكون ليا ياصخر بمزاجك او غصب عنك والحلوة اللي انت متجوزها وفرحان بيها دي نهايتها هتكون على ايدي
___________________استغفرك ربي واتوب اليك
عند كريمة .. علي ومريم كانوا معاها
كريمة: وديني عند عشق ياعلي عايزة اشوفها واطمن عليها
علي بتوتر: بلاش تروحيلها دلوقتي سبيها شويه تهدى
مريم بتأييد: علي معاه حق ياماما بلاش تروحي لعشق دلوقتي
كريمة بأصرار: هتوديني ياعلي ولا اروح لوحدي
علي بـ استسلام: هوديكي وامري لله
وفعلا اخدها ووصلها قدام اوضه عشق .. كريمة طلبت منه ياخد مريم ويمشوا وانها عايزة تقعد مع عشق لوحدها
خبطت على باب الغرفة لحد ماعشق سمحتلها بالدخول .. كريمة دخلت واول ماعيونها وقعت على عشق وشافت الجروح اللي ماليه جسمها دموعها نزلت زي الشلال .. عشق بصتلها بسخريه وقالت بتريقه: مش لايقه الدموع دي على واحده سابت بنتها 22سنه ولا انتي رأيك ايه؟!
كريمة ببكاء: يابنتي اسمعيني انا ا
قاطعتها عشق بغضب: متقوليليش يابنتي انا مش بنتك سمعاني مش بنتك
كريمة قربت منها وحاولت تمسك ايديها بس عشق سحبتها بسرعة
كريمة بمحايله: طب اسمعيني وبعدين احكمي بس اسمعيني
عشق برفض: مش عايزة اسمعك مهما تقولي عمره ماهيكون مبرر انك تسبيني طول المده دي! عملتي ايه يوصل ابويا لدرجة انه يقول انك ميته!! هو سؤال بس وعايز اعرفه
كريمة بدموع: اسالي
عشق بوجع حاولت تداريه: انا بنت ناصر عمران ولا انتي خنتيه وكنتي مقضياها
كريمة شهقت بصدمة ووجع ودموعها غرقت وشها: انتي بنته والله العظيم بنته وانا عمري ماخنت ابوكي ولا عمري فكرت اني اخونه متظلمنيش زي ماهو ظلمني متبقيش زيه ياعشق متبقيش زي يابنتي
عشق بعياط: قولتلك متقوليليش يابنتي .. لو انا بنتك فعلا ليه سبتيني؟! لييييه!! ليه ابويا يقول انك موتي؟! ليه ابقى يتيمه في الوقت اللي غيري عايشين ومتهنين بحضن امي؟! امي انا!! انا عمري ماهسامحك .. حتى لو عايزه اسامحك مش هقدر ولا هعرف .. ياريتك كنتي موتي فعلا ياريت موتي وريحتيني من اللي انا حساه دلوقتي
كريمة ضمتها بقوه وعشق بتحاول تبعد عنها بس جسمها واصابتها مش مساعدنها
كريمة بنهيار: انا اسفه .. اسفه يانور عيني .. اسفه عشان وجعتك بالشكل ده والله كان غصب عني والله غصب عني كل ده بسبب نريمان هي اللي دمرت بيتي ونهت حياتي وقضت عليا منها لله .. منها لله
عشق بعدت عنها: قصدك ايه
كريمة بدموع: هحكيلك كل حاجة بس انتي اسمعيني
عشق سكتت كعلامة على موافقتها وابتدات كريمة تحكي: انا وناصر اتجوزنا بعد قصة حب كبيرة جدا .. كنا مع بعض في الجامعة .. ناصر مستواه الاجتماعي كان كويس جدا غني بمعنى اصح ودا كان مشكلة لان ابويا كان مجرد موظف حكومي فـ اهله كانوا معترضين عشان كده .. بس ناصر كان متمسك بيا جدا وكان بيحبني اووي .. بعد ماتخرجنا عمل كل حاجة ممكن تتخيليها عشان اهلوا يقتنعوا بيا واخيرا وافقوا واتجوزنا .. حياتنا كانت هادية وعايشين في سعادة وحب .. وسعادتنا كبرت اكتر واكتر لما عرفت اني حامل فيكي .. كل حاجة كانت كويسة لحد ما نريمان ظهرت في حياتنا .. كانت سكرتيرة ناصر الجديدة اول معرفتي بيها كانت في حفلة عملها الشركة
اتقربت مني بسرعة رهيبة وبقينا صحاب .. عرفت انها مطلقة وعندها بنت يادوبك سنتين .. بقينا دايما مع بعض .. وعرفت بعد كده انها كانت معايا فالكلية .. دايما كانت موجودة عندي في البيت سواء هي او بنتها .. اعتبرتها اختي .. حقيقي كانت اقرب حد ليا اكتر حتى من اختي منال الله يرحمها والده صخر .. مع ان منال حظرتني كتير منها بس مشوفتش حاجة وحشه منها لحد ماابتدت تسال وتتدخل في تفاصيل علاقتي بـ ناصر ابتديت المح لها اني متضايقة من النقطة دي بس هي فضلت مستمره ودايما كنت بتهرب من الاجابة وبعد فتره بقا في رقم ديما بيرن عليا خصوصا بعد رجوع ناصر من الشغل .. مره واحده لقيت ناصر اتغيرت معاملته معايا .. بقى دايما عصبي واول لما يلاقي تليفوني بيرن يتجنن ويفضل يزعق والموضوع تتطور لدرجة انه ضربني وكنت هسقط بس ربنا ستر وحماكي .. من بعديها وانا بعدت عنه خالص نزل من نظري بعد ماايده اتمدت عليا وكنت هخسرك الايام والشهور بتمر ونريمان حتى مسالتش عليا ولا مره كان فاضلي خوالي اسبوعين واولد فكرت اني لما ابعد عن ناصر واتجنبه هيرجع زي الاول بس اللاسف بعدي عنه ماعدلهوش دا بوظ الدنيا اكتر مابينا وصلت معاها انه اتهمني اني مبقتش احبه واني بخونه وبقى يقفل عليا الشقة بالمفتاح .. حلفتله ميت يامين اني لسه بحبه وعمري مافكرت اني اخونه ..هخونه ازاي ونا محبوسه في البيت مبخرجش منه بس ولا فرق معاه .. لحد ماجيه اسوء يوم في حياتي كلها .. بعد ماناصر نزل الشركة بحاولي ساعتين لقيت باب الشقة بيخبط
فلاش بااك
كريمة: مين!
نريمان بعياط: انا نريمان ياكريمة الحقيني
كريمة اتفاجئت ان باب الشقه مش مقفول بالمفتاح فتحت الباب نريمان رمت نفسها فـ حضنها .. كريمة بخضه: مالك ياحبيبتي فيكي ايه
نريمان: بنتي بتموت ياكريمة ومش عارفة اتصرف ازاي تعالي معايا نوديها اي مستشفى انا هتجنن مش عارفة اتصرب
كريمة: طب اهدي خير ان شاء الله هتصل بناصر وقوله الاول وبعدين انزل معاكي
نريمان بلهفه: لا انا استاذنت منه انك هتيجي معايا وهو وافق وكملت بعياط: بسرعة ياكريمة بنتي هتمووت
كريمة لبست بسرعة ونزلت مع نريمان ركبت عربيتها .. استغربت من الطريق المقطوع اللي ماشين فيه
كريمة بـ استغراب: احنا رايحين فين؟! دا مش طريق بيتك
نريمان بأرتباك اصل انا نقلت في شقة جديدة
كريمة: تمام
الوقت بيمر واخير وصلوا لـ شقة نريمان كريمة كانت قلقانه بي حاولت تطمن نفسها
ادخلي ياكريمة واقفة ليه .. دا اللي نريمان قالته بعد مادخلت شقتها وكريمة واقفة ع الباب .. يدوب كريمة دخلت من هنا وحست بحد بيكتم نفسها وبعد كده غابت عن الوعي
فاقت على صوت تكسير فتحت عيونها بالعافية بتبص حواليها اتفاجئت انها نايمة على سرير .. اتصدمت لما لقت نفسها من غير هدوم ومش بس كده لا .. دا في راجل نايم كلها .. لسه هتصوت لقت باب الاوضة اللي هي فيها بينكسر وناصر واقف قدمها ملحقتش تتكلم وتدافع عن نفسها وكان ماسكها من شعرها ونازل فيها ضرب وللاسف ملحقش اللي كان معاها .. فضل يضرب فيها لحد مانزفت وفقدت الوعي .. خدها المستشفى وهناك عرف انها لازم تولد وان وضعها خطر
بااااااااك
كريمة بعياط: محستش بحاجة من بعدها غير لما فوقت وعرفت اني ولدت بس مسفتكيش ولا حتى لمحتك لقيت ناصر داخل عليا وملامحه كلها شر وشايلك بين ايديه وقالي بالحرف: هقتلها واحرق قلبك عليها هندمك على اللحظة اللي فكرتي تخونيني فيها .. حلفته واترجيته يسمعني بس رفض وسابني ومشي واخدك معاه حاولت اقوم اجري وراه مقدرتش انهارت في العياط ونمت من غير ماحس وف نص الليل حسيت بحد في الاوضة وصوت انا عارفاه كويس .. نريمان وناصر كان موجودين فالاوضة وانتي نايمة ف حضن نريمان كنت لسه هقوم واشوفك بس اتجمدت مكاني من اللي سمعته
نريمان: انا اسفه ياناصر مكنتش احب اشوفك بالمنظر ده بس اعمل ايه ضميري مسمحليش اني اشوفها بتخدعك وبتخونك واسكت كان لازم اصارحك بالحقيقة انت متعرفش انت غالي عليا قد ايه
ناصر بتعب: بالعكس انا مش عارف اشكرك ازاي مش احسن متسبيني عايش مغفل لحد دلوقتي مش قادر اصدق ان حبيبه عمري تعمل فيا كده بس ورحمة امي لهندمها ندم عمرها وهخليها تتحسر على بنتها
نريمان: انا عارفة انت حاسس بايه بس عايزاك تعرف انا هفضل معاك وف ضهرك بس ناوي تعمل ايه في البنت دي
ناصر بجنون: هقتلها
كريمة: وقتها متحملتش وقومت زي المجنونة وخطفتك من ايد نريمان وخرجت بره الاوصة بجري وكل اللي بفكر فيه ازاي احميكي منهم قدرت اخرج بره المستشفى استخبيت واتصلت بـ نبيل والد صخر وحاكتله على كل حاجة وقولتله يلحقني اتفاجئت بـ ناصر ونريمان ورايا قمت اجري بس وقعت ع الارض حاولت اقوم معرفتش ناصر اخدك من حضني وداكي لنريمان اللي نظرات الحقد كانت ملياه عنيها قمت اخدك منها زقني بقوة وقعت على دماغي محستش بنفسي الا ونا نايمة ع السرير والدكتور بيسالني اسمك ايه؟ وايه اللي عمل فيكي كده! معرفتش ارد .. معرفتش اسمي ايه
او ايه اللي حصلي .. مفتكرتش اي حاجة فقدت الذاكرة
عشق: كفاااية مش عايزة اسمع حاجة تانيه مش عايزة سبيني لوحدي ارجوكي سبيني .. سبيني
ايه اللي بيحصل هنا بالظبط
دا كان صخر اللي كان لسه واصل واتفاحئ بصريخ عشق .. قرب منها وضمها بقوة: في ايه ياامي
كريمة بـ بكاء: انا بحكيلها اللي حصل معايا مش عارفة حصلها ايه فجأة مش عارفة
صخر: روحي اوضتك استريح ياامي وخلي عشق تهدى وتستوعب اللي قولتهولها
فعلا كريمة مشيت وهي مش مبطلة عياط
صخر لعشق وهو بيضمها اكتر: كفاية عياط ياحبيبتي كفايه
عشق ببكاء: انا موجوعة ياصخر .. موجوعة اووي ومش عارفة اعمل ايه عشان ارتاح مش عارفة رغم كل اللي قالته بس مش عارفة اصفلها مش قادرة اسامحها مش عارفة والله ماعارفة ابعدني عنهم ياصخر .. خدني بعيد عن عنها مش عايزة حد يشوفني ولا عايزة اشوف حد .. خبيني منهم انا خايفة
صخر ضمها اكتر بحماية: حاضر ياروح صخر حاضر .. انا معاكي متخافيش .. مش هسمح لاي حد انه يأذيكي انا جانبك
روايه عشق الصخر
الفصل السادس عشر ......
عشق ببكاء: انا موجوعة ياصخر .. موجوعة اووي ومش عارفة اعمل ايه عشان ارتاح مش عارفة رغم كل اللي قالته بس مش عارفة اصفلها مش قادرة اسامحها مش عارفة والله ماعارفة ابعدني عنهم ياصخر .. خدني بعيد عن عنها مش عايزة حد يشوفني ولا عايزة اشوف حد .. خبيني منهم انا خايفة
صخر ضمها اكتر بحماية: حاضر ياروح صخر حاضر .. انا معاكي متخافيش .. مش هسمح لاي حد انه يأذيكي انا جانبك
خرجها من حضنه وحاوط وشها بايده وبحنو قال: ايه رايك نروح نقضي يومين تلاته في الشالية بتاعي فـ شرم تريحي فيهم اعصابك
عشق بصوت ضعيف: ياريت ياصخر .. ياريت
وفعلا في اليوم التالي صخر اخد عشق وراحوا شرم .. ودا طبعا بعد مااتكلم مع كريمة وفهمها ان عشق محتاجة تبعد شوية عشان نفسيتها تتحسن وتعرف تفكر في هدوء .. وراحوا شالية صخر اللي اقل ما يقال عنه انه روعة .. الجو عجب عشق جدا وخصوصا ان مفيش اي حد فـ المكان اللي هما فيه وهي في اشد الحاجة انها تكون لوحدها .. كل واحد فيهم بينام في اوضة لوحده بناءا على طلب عشق .. صخر وافق بس عشان حالتها النفسية والصحية مش اكتر بس دا ممنعهوش انه كل ليله يستناها لحد ما تنام ويدخل ينام جانبها ويصحى قبل ماهي تقوم من النوم ومن حسن حظه ان نومها تقييل جدا
الايام بتمر وصخر مهتم بادق التفاصيل الخاصة بـ عشق .. بداية من مساعدة ليها فتغير هدومها وسط احرجها وخجلها .. مرورا بتسريح شعرها واطعامها بايده ودا طبعا بسبب ايديها المكسورة .. جروحها قربت تختفي .. ويومين وتفك خياطة راسها .. صخر بيباشر شغله من خلال اللاب توب .. بيحاول يقضي اكبر وقت ممكن مع عشق ومبيتكلمش معاها في موضوع كريمة خالص منتظر هي اللي تبتدي
_________
في صباح يوم جديد ومشرق
عشق صحيت من النوم .. قامت من السرير بـأعجوبة .. خرجت من الاوضة وراحت ناحية المظبح لقت صخر موجود
صخر انتبه لوجودها وببتسامة حب قال: صباح الخير ياعشق
عشق بهدوء: صباح النور ياصخر .. بتعمل ايه ع الصبح كده
صخر: بحضر الفطار لست البنات كلهم
عشق بخجل حاولت تتداريه قالت بتريقه: وياترى طعمه زي كل يوم ولا اتعدل
صخر بثقه: لا اطمني هتاكلي صوابعك من حلاوته
ردت ببتسامه لطيفة: ربنا يستر
صخر وهو بيحط الاطباق على السفرة: بطلي لماضة وتعالي افطري
الوقت عدى وعشق وصخر خلصوا فطار
صخر بفضول سألها: ها! ايه رايك في الفطار
عشق : بصراحة ومن غير زعل .. صخر بصلها بتوتر وكانه تلميذ مستني نتيجة الامتحان ودا خلى عشق تكمل وهي تبتسم اكتر: يجنن ياصخر تسلم ايدك
صخر بغرور مصطنع: دي اقل حاجة عندي
عشق: لا والله
صخر: اه والله
بصوا لبعض بتحدي ومره واحدة انفجروا في الضحك .. صخر بصلها اووي وقال بحب: تدوم ضحكتك طول العمر ياعشقي
عشق بخجل وابتسامة صافية: بقالك كتير مقلتليش ياعشفي
صخر قرب منها اووي: لو مقلتهاش بلساني فـ قلبي دايما بيقولها
عشق بتوتر ذايد عن حده: صخرر
صخر هيام: عيونه
عشق بخجل: اتلم
صخر بتنهيده: اتلم
ينا .. ها عايزة تقولي ايه
عشق بتوتر: لحد امتى هتفضل هنا؟ هترجع الاقصر امتي
صخر مسك ايديها الاتنين وركز نظراته في عيونها وبحنان قال: انا مش هرجع الاقصر من غيرك ياعشق .. انتي شايفه نفسك مستعدة لرجوع القصر؟! انتي طول الوقت حابسه نفسك لاما في اوضتك او قاعدة على البحر! لوحدك متتكلميش حتى معايا! علطول سرحانه! هنرجع في الوقت اللي تكوني مستعده فيه ياعشق! مستعده بجد .. تمام
عشق بتنهيدة عالية وهي بتسحب ايدها من بين ايده وبتفكر فى حاجة : تمام
صخر: عندي ليكي سؤال وطلب
عشق بستغراب: خير .. ايه هما؟!
صخر: اولا السؤال .. انتي ليه وافقتي تيجي معايا هنا! ليه بتكلميني؟ ليه حتى بتبتسمي في وشي هل لانك سامحتيني او لاني كشخص مفرقش معاكي فـ اصلا مزعلتيش مني؟
عشق: مسمحتكش ياصخر بس في نفس الوقت معرفتش اخلي غيرك جانبي في الوقت دا او بمعنى اصح انا معنديش اصلا حد يقف جانبي فـ تقدر تقول استغليتك
صخر: زي ماانا استغليتك؟!!!
عشق: ليه بتقول كده؟ انت استغلتني ازاي
صخر: تفتكري انا اتجوزتك ليه ياعشق
عشق بتفكير: عشان تجمعني بالست اللي ربتك
صخر بتوضيح: الست دي تبقى مامتك ياعشق
عشق بمرارة: بأمارة ايه؟! ها تبقى امي بامارة ايه!! تقدر تقولي هي عملت ايه يحسسني انها امي فعلا!! انا سمعت الحكاية منها الله اعلم هي صادقة ولا لا .. اوك اتظلمت ..
وبعدين!!! تخلت عني كان ممكن ببساطة ترفع قضية ضم ليا وكانت هتكسبها كان ممكن تبرا نفسها وتثبت لبابا انها مظلومة كان ممكن حاجات كتيرة اووي ياصخر بس هي معملتش اي حاجة من الحاجات دي! هي اتجوزت وخلفت وعاشت حايتها بالطول والعرض ونسيتني ببساطة نسيتي
صخر بتأكيد: هي فعلا نسيتك ياعشق
عشق بـ استغراب من رده: تقصد ايه؟!!
صخر: اقصد ان مامتك نسيتك فعلا ووحتى نسيت نفسها ببساطة فقدت الذاكرة ياعشق
عشق بصدمة: ايييه!! فقدت الذاكرة؟؟
صخر: ايوه ياعشق ماما كريمة كان عندها فقدان ذاكرة طويل المدى قعدت سنين كتيرة مش فاكره هي مين .. لو انتي متصورة انها اتجوزت والدي عشان تعيش حياتها وكل الكلام اللي انتي قولتية ده!! .. تبقى غلطانة .. بابا الله يرحمه
اتجوزها عشان كلام الناس لان انا ووالدي كنا عايشين لوحدنا بعد ماامي الله يرحمها توفت وقتها مكناش اغنية زي دلوقتي كنا عايشين في حي الي حد ما شعبي الكلام ابتدأ يطلع على ماما كريمة وانتي عارفة اناس وكلمها بابا فهمها وشرحلها انهم لازم يتجوزوا ان شاالله على الورق وبس .. عشان كلام الناس مش اكتر
عشق: ازاي اتجوزت والدك وهي على ذمة بابا؟
صخر: ناصر عمران طلقها في نفس اللحظة اللي شافهما في الوضع اللي كانت فيه بسبب نريمان الـ*****
عشق بدموع: طب هي افتكرتني امتى؟ اقولي بصراحة ياصخر افتكرتني امتى
صخر بتنهيدة: ماما تقريبا عمرها مانسيتك ياعشق كانت دايما حزينة وحاسه ان في حاجة نقصاها صدقيني والله العظيم دايما كنتي في قلبها بس عقلها للاسف مش فاكرك .. افتكرتك بعقلها لما مريم دخلت 6ابتدائي وفي اول يوم تطلع من المدرسة كانت ماما مستنياها بره المدرسة
فلاش باك
مريم طلع من المدرسة بتجري ناحية كريمة ومش منتبه ابدا للعربيات .. وللاسف في عربية كانت هتخبطها بس كريمة جريت عليها وزقت مريم على الرصيف بس للاسف هي ملحقتش تبعد والعربية خبطتها ودماغها اتخبطت في الارض بقوة
باااك
صخر: ودناها المستشفى والدكتور طمنا عليها ودماغها اخدت غرزتين بسبب اصتدامها في الارض بقوة غير كده كانت بخير الحمدلله
قعدنا مستنينها لحد مافاقت بس مكنتش في حالتها الطبيعية ابداا
عشق بقلق: ايه اللي حصل
صخر: فاقت بتصرخ وبتنادي عليكي متتخيليش حالتها كانت عاملة ازاي وبعدين عرفنا ان الذاكرة رجعتلها .. بعد ما خرجنا من المستشفى صممت تروحلك بي والدي اقنعها تصبر لحد ماجرح دماغها يخف وبعد كده تعمل اللي هي عايزاه
عشق بوجع: بس مجتش ياصخر فات كتير ومجتش
صخر: دا لان بابا اتوفى بعد الحادثة بـ3 أيام
عشق بحزن: الله يرحمه
صخر:امين .. بعدها مريم تعبت جدا بسبب وفاة بابا وانا كنت اثبت نفسي في مجال رجال الاعمال وفكرت في فكره جوازي منك عشان اجمعك بـ ماما وسبب تاني احب احتفظ بيه لنفسي وانتي عارف الباقي
عشق حط دماغها بين ايديها: المفروض انا اعمل ايه دلوقتي ياصخر
صخر بمرح: تطلعي تغيري هدومك عشان خارجين
عشق بـ استغراب: دا بجد؟ خارجين فين!
صخر: السوبر ماركت عشان نجيب كل حاجة نقصانا وكفاية اكتئاب لحد كده .. وخدي بالك
عشق: ايه
صخر وهو بيحاوطها من خصرها: انا مبحبش الست النكدية هبص بره وهبهدلك
عشق برفعة حاجب: لا والله
صخر بحب: والله والله .. انتي حره بقى .. حافظي على جوزك واتلمي
عشق: طب تمام اووي .. ابعد كده وانت طابق على نفسي خنفتني ياشيخ
بعد عنها بذهول: الكلام ده ليا انا
عشق بتريقه وهي بتطلع اوضتها عشان تغير لبسها: لا لخيالك
صخر لنفسه بذهول: البت دي خطر!! كل شوية بحال لازم احرص منها
_________________^^
في قصر السيوفي فـ اوضة كريمة حابسه نفسها فيها ليل ونهار .. تقريبا مبتكلش الا بعد الحاح مرير من مريم .. دبلت وتعبت نفسيا وجسديا .. احساسها انها خسرت بنتها للمرة التانية قتلها .. فقدت الامل انها تعوض نفسها وتعوض عشق
عن كل حاجة اتحرموا منها .. لسه فاكره اليوم اللي الذاكرة رجعتلها فيه .. فاكرة انهيارها لما افتكرت بنتها بنتها اللي ملحقتش حتى تضمها .. افتكرتها بس بعد ايه بعد! وبعد كام سنه .. كرهت ناصر واليوم اللي شافته فيه سواء هو او نريمان .. قاطع شورودها صوت خبط الباب
كريمة بصوت مبحوح: ادخل
دخلت مايا ومعاها صنية عليها الفطار وببتسامة جميلة: صباح الخير على احلى ام في الدنيا
كريمة بحنان: صباح الخير يانور عيني
مريم باستها من جبينها: الجميل هيفطر هنا ولا تحبي ننزل نفطر في الجنينة
كريمة بتعب: الجميل مش هتفطر خالص
مريم بزعل: ليه بس ياماما حضرتك مش شايفة بقيتي عاملة ازاي .. انا كده هضطر اتصل بصخر و اقولوا على اللي انتي بتعمليه ده
كريمة: انا مش صغيرة عشان اخاف من صخر يامريم وبعدين انتي وعديني مش هتقولي لصخر حاجة
مريم: بس ياامي
قاطعتها كريمة: مفيش بس اسمعب كلامي وريحي قلبي
مريم بمكر: يعني دا اخر كلام عندك تمام وانا كمان مش هاكل وادي قاعدة .. قالت اخر جملة وهي بتقعد جانبها على السرير
كريمة بتعب: اقومي يابنتي كلي
مريم بدرامة: ياناكل سوا يانجوووع سواا 😂
كريمة: طب هاتي الصنية دي وناكل هنا
مريم برفض: لا هناكل في الجنينة واساسا غلي مستنينا تحت
وفعلا كريمة نزلت مع مريم لـ جنينة القصر وقعدت تفطر مع علي ومريم
________________
بمرور الوقت عشق وصخر وصلوا السوبر ماركت وابتدوا يشتروا كل حاجة محتاجنها
عشق لاحظت شاب بيبصلها بنظرات غريبة ضايقتها ومركز معاها اوووي قالت بهمس: مجنون دا ولا ايه؟!
صخر: بتقولي حاجة
عشق بخضه: لا مفيش
صخر مسك ايديها الاتنين وبحنان قال: مالك ياعشق فيه حاجة مضيقاكي
عشق بأحراج وخجل: لا ابدا مفيش وسيب ايدي الناس بتبص علينا
صخر بص حواليا ولاحظ ان في شاب مركز معاها ودا ضايقة جداا وفكر يروح يشلوا عنية من مكانهم بس حاول يتحكم في اعصابه ورد على عشق وهو بيمسك ايديها بتملك: انتي مراتي علفكره وعادي امسك ايديك وكمل بمكر: او حاجات تانية
عشق بشهقة عالية: اه ياقليل الادب تقصد ايه
صخر ببراءة: اكيد اقصد شنطتك .. جاكتك ..قلمك .. كراستك.. انتي دماغك راحت فين! انا هبتدا اقلق منك
عشق بصتله بغيظ ومره واحده داست على رجله بكعب جزمتها .. صخر وشة احمر من الوجع بس حاول مايبينش وقرب منها وهمسلها في ودنها: حسابك لما نروح ياعشقي
بصتله بغرور: مبخفش منك علفكرة
صخر: غبية .. وغبية اووي كمان لازم تخافي وخصوصا من العقاب اللي بفكر اعاقبك بيه
عشق اتوترت بس حاولت ماتبينش: هنفضل واقفين كده روح يلا ادفع الحساب عايزة اروح
صخر: امرك ياعشق هانم امرك
صخر راح يدفع الحساب وعشق واقفة بعيد عنه بمسافة مش كبيرة واقفة بتفكر بقلق: ياترى صخر هايعقبها ازااي؟!!
قاطع شوردها حد خبط فيها بتبص لاقته نفس الشاب السمج اللي كان مركز معاها .. بصتله بغضب: مش تحاسب
الشاب ببحاجة: مكنتش اقصد ياقمر .. اتعرف بيكي
ملحقتش ترد عليه وكان في بوكس بيسلم على وش السمج اللي كان بيكمها .. واكيد صاحب البوكس كان صخر!!
صخر بغيرة وغضب وهو بيضربوا تاني: عشان تفتح المرة الجاية يا***** ودي عشان كلمتها ودي عشان قولتلها ياقمر .. ياو***** يابن**** .. كل كلمة بيقولها كانت مصحوبة بضربة ..
عشق بصريخ: كفاية ياصخر كفايةهيموت في ايدك
الناس اتلمت حواليه وبالعافية خلصوا الشاب من ايده
عشق قربت من صخر ومسكت ايده وبدموع قالت: بالله عليك كفاية ياصخر يلا نمشي ارجوك .. وحياتي عندك ياصخر خلينا نمشي
سمع كلامها بعد مالقاها خايفة والدموع مالية عنيها خرجوا من السوبر ماركت وصخر محاوط عشق بتملك لسه هيركبوا العربية بس فية صوت واحدة وقفهم: ضخوووورتي
عشق بصت بصدمة للبنت اللي قربت من صخر وحضنته: صخورررتي!!! بصت لصخر وبتريقة قالت: مين دي ياصخورتها
صخر بعد البنت عنه بشمئزاز حاول يدارية: دي تبقى دينا بنت عمي الله يرحمه .. ودي عشق مراتي
عشق بغيظ لنفسها: بنت عمه اااه وهي بنت عمه تحضنه بالشكل دا ليه لا وقدام مراته كمان اما قليله الادب صحيح .. بنات عايزة الحرق
دينا بمياعة وهي بتمسك ايد صخر : ازيك ياصخورتي وحشتني موت
عشق بنفاذ صبر: لا دي زودتها اووووي شدت صخر ناحيته وبعدت ايد دينا وببتسامة مستفزة بصت لدينا: سوري اصل انا وصخورتك مستعجلين باي باي
بصت لصخر المصدوم من تصرفها: مش يلا نمشي ولا الوقفة عجبتك
صخر ابتسم اووي: لا نمشي احسن .. وبلا مبالاه قال: باي يادينا
وركب هو وعشق العربية ومشيوا
دينا بغضب: ااه ياناري بقا البت دي تكلمني بالطريقة دي! انا مش عارفة عجبه البت دي في ايه؟! لا انا لا انتي ياعشق اما خليته يطردك بنفسه من قلب بيته مبقاش انا دينا السيوفي
____________
في عربية صخر ..
صخر مبتسم وبيصفر وعشق قاعدة هتموت من الغيظ
عشق: ممكن اعرف انت فرحان كده ليه اللي يشوفك دلوقتي ميشوفكش من كام دقيقة وانت بتضرب الشاب المسكين بكل همحية
صخر: اممممم شاب ومسكين لا وايه بضربة بهمجيه .. الشاب المسكين دا كان قاصد يخبطك انا شايفه بعيوني دا غير انه بيقولك ياقمر!! بيقول لمراتي انا كده
عشق بغيظ : وهو انا مش قمر ولا ايه؟ ولا انت بتعجبك الحاجات الملزقة وبس
صخر بتسليه: وهو فيه احلى من الحاجات الملزقه
عشق بغضب: تصدق بالله انت واحد قليل الادب وبنت عمك معندهاش ادب اصلا واقولك على حاجة طلقني ياصخر