ياخدام هذا الطلسم بروح بطين.. مهينآآ مهين أقسمت عليكم بقسم الأولين بحق عد سليمان الحكيم يا أقرب الجالسين بحق حياه الملك زهرائيل وبكلمات براقيه نصرفكم وبكلمات براقيه نحضركم ونؤذيكم اقلعوا آمنين واهبطوا سالمين الواحه.. الواحه
العجل.. العجل.. الساعه.. الساعه بحق حيآآه الملك طهرائيل وبين المسخوط والحجاب هتنفذوا كلامي ومش هتعصوا أمري 👿👿
اي ده ياملاك انتي بتعملي اي يخربيت دماغك بس ياشروق مالكيش دعوه انتي يالا ارجعي على البيت
لا طبعا مش هسيبك الا لما تقولي جيبتي الكتاب ده منين وايه اللي بتقوليه ده خالاتي لو عرفوا انك فتحتي اوضه المكتب واخدتي الكتاب من المكتبه ممكن يدبحوكي فيها.. ياستي هيدبحوني انا مش انتي ابعدي بقى انا مش عايزه أأذيكي
تأذيني انتي اي اللي جرالك ده انا شروق اختك حبيبتك طيب ممكن تعرفيني بتعملي اي مش يمكن اقدر اساعدك ياملاك
هتقدرى تساعديني ياشروق هعمل كل اللي اقدر عليه بس عرفيني بتعملي ايه.. بعمل تعويذه ياشروق.. تعويذه عن ايه
وليه ياملاك عشان محبش ياشروق مش عايزه احب ابدا مهما حصل في يوم مش عايزه احب راجل ويسيبني زي ما بابا ساب ماما وعرف واحده تانيه عليها وحرق قلبهاوماتت من القهره ولا عايزه ابقى زي خالاتي
اللي كل واحده حبت واحد اللي مات ولسه لحد دلوقتى عايشه على ذكراه والتانيه محبهاش وسابها ومشي انا بكره الرجاله اوي ياشروق ومش عاوزه في يوم قلبي يتكسر ولا اني ابقى ضعيفه قدام راجل
انتي عندك حق ياملاك.. أنا هساعدك.. بجد ياشروق ازاي؟
تعالي معايا انا شفت خالتك حكمت قبل كده وهي بتعمل تعويذه لجارتنا ام محمد بس الكتاب ده لوحده ماينفعش
طيب اي اللي ينفع لازم مكونات نطحنها كلها على بعض عشان نعمل التعويذه دي وبعد كده نقرأ عليها الطلاسم اللي في الكتاب طيب بس هنجيب المكونات ازاي ما انتي عارفه خالتك دايما معلقه مفتاح الدولاب في رقبتها اللي في كل المكونات بتاعت الطلاسم
مالكيش دعوه ياملاك هي زمانها في سابع نومه انا هتسحب وهاخد المفتاح منها بالراحه
استنيني انتي هنا ياملاك
حاضر ياشروق بعدها بشويه لاقيت شروق جت وهي بتجري وفرحانه انها جابت المفتاح وفتحت انا وهي الدولاب واخدنا كل المكونات اللي مكتوبه في التعويذه عشان عمري ما احب
راجل ابدا وابتدينا نخلط المكونات كلها على بعض وبعدها اريت في الكتاب اني لازم اكتب ٧ مواصفات في شاب متكونش موجوده ابدا كلها في راجل واحد في ورقه 💌
_هاااا ياملاك اي المواصفات اللي هتكتبيها فكرت شويه وقولت اول حاجه يكون لون عنيه واحده لبنى والتانيه خضرا
تاني حاجه يكون دكتور كبير وناجح في شغله
تالت حاجه يكون زي الناس الخارقين يعني الضربه من دراعه
تموت اللي قدامه يكون قوي جدا
رابع حاجه بيحب الطيران زي عنيه
خامس حاجه ابوه يبقى مشلول 🙂
وليه ده بقى ياملاك ؟ عشان مايخونش امه ابدا
ايوه ياملاك بس الحاجات دي ممكن كلها تتجمع في واحد بسهوله وممكن تلاقيه وتحبيه
فكري في حاجه صعبه متكونش موجوده في بني ادمين.
مممممم عندك حق ياشروق اي رايك يكون بيحب يشرب دم البني ادمين
قصدك مصاص دماء يعني ياملاك
لا مش بالظبط بس يكون بيحب يشرب الدم وخلاص اهو بالمواصفات دي كلها لايمكن يكون موجود في الدنيا وبكده عمري ما هحب ابدا طالما المواصفات مش موجوده في انسان
واحد طيب تفتكري بعد كل المواصفات الصعبه دي ياملاك لاقيتيه هتعملي ايه ما دي بقي هتبقى امنيتي السابعه اي اللي هي ايه بقى 🤔🤔اني يوم ما احب وقلبي يضعف قدام راجل
واعترفله بحبي يموت في الحين يااااه للدرجه دي ياملاك بتكرهي الرجاله اوي اوي اوي ياحنين.. اصلهم مش كويسين طيب يالا بقى بسرعه نقرأ التعويذه عشان نرميها ونحرقها هي والورقه اللي فيها كل المواصفات دي في النار
يالا ( احنا الاتنين في صوت واحد)
ياخدام هذا الطلسم بروح بطين.. مهينآآ مهين أقسمت عليكم بقسم الأولين بحق عد سليمان الحكيم يا أقرب الجالسين بحق حياه الملك زهرائيل وبكلمات براقيه نصرفكم وبكلمات براقيه نحضركم ونؤذيكم اقلعوا آمنين واهبطوا سالمين الواحه.. الواحه
العجل.. العجل.. الساعه.. الساعه بحق حيآآه الملك طهرائيل وبين المسخوط والحجاب هتنفذوا كلامي ومش هتعصوا أمري بأن عمري ما احب وأفضل طول عمري اتحب انا ملاك بنت سفيرا
بؤمركم ما تعصوني في يوم
ولا في ساعه ولا في وقت وتسمعوا كلامي في اللحظه والحين
وبعدها رمينا الورقه والخلطه في النار وقتها سمعنا صوت رعد في السما والدنيا ابتدت تمطر بعد ما رمينا الورقه والخلطه
اللي عملناها والنار انطفت خفنا انا وشروق وجرينا على البيت الكبير بتاعنا وطلعنا على الاوضه بتاعتنا واخدت البطانيه
وغطيت نفسي بيها وانا فرحانه ومبسوطه اني عمري ما هحب في يوم.. تاني يوم لاقيت خالتي حكمت بتصوت وتصرخ وتقول مين فتح الدولاب بتاعي وخالتي فريده التانيه بتقول
مين دخل المكتبه واخد كتاب الطلاسم بتاعي خفت ما بقيتش عارفه ارد بس كان لازم ارد عشان شروق ما تتأذيش وقولتلهم انا اللي عملت كده شروق مالهاش ذنب انا اللي حضرت تعويذه
امبارح واهو المفتاح خالتي حكمت ضربتني بالقلم وقالتلي انتي عندك كام سنه عشان تعملي كده وعملتي كده ازاي وخالتي فريده خدتني في حضنها بسرعه وقالتلي ما تزعليش
من خالتك حكمت هي خايفه عليكي انتي لسه عندك ١٣ سنه وكان ممكن تتأذي احنا بقالنا سنين شغالين الشغلانه دي عشان كده فاهمين فيها كويس قولتلها ياخالتي فريده انا بشوفكم كل
يوم وانتوا بتحضروا عفاريت وبتعملوا الطلاسم انا بقيت حافظه كل حاجه بتعملوها وحكيتلهم على اللي عملته امبارح واني عملت كده عشان مش عايزه اكون زيهم ولا زي امي الله
يرحمها خالتي حكمت حضنتني وقالتلي ماتزعليش مني اني ضربتك بس ده من خوفي عليكي خليكي في مذاكرتك ياملاك انا مش عايزاكي تبقى زيي انا وخالتك انتي شايفه احنا
ساكنين فين ساكنين في مزرعه بعيده عشان الناس خايفه مننا ذاكري وانجحي واللي ربنا عايزه هيكون وعدتهم في اليوم ده اني هذاكر وانجح وابقى دكتوره كبيره ومش هفكر في السحر ولا الشعوذه تاني وتعدي الايام كنت دايما بتحب بس عمري
ماحبيت وبقيت دكتوره في سنه التخرج بتاعتي وباخد التدريب بتاعي زي كل مره.. وانا ماشيه في ممر المستشفى اللي بتمرن فيها خبطت في دكتور والسماعه وقعت مني وطي
بسرعه عشان يجيبها وانا كمان اخدها قبلي وادهاني وقالي اسف مكنتش اقصد اخدت السماعه وقولتله ولا يهمك ببص في عنيه لاقيتها عين خضرا وعين لبنى 🙂🙂
غرام مشعوذه 💕
بقلم ماهي احمد
(الفصل التاني)
بصلي كده وبقي مادد ايده ليا وبيقولي اتفضلي السماعه بتاعتك وانا مكنتش مركزه في حاجه الا لون عنيه وبعدها قالي يادكتورة.. يا انسه انتبهتله وقولتله نعم انت بتناديلي
قالي ايوه بناديلك اتفضلي السماعه بتاعتك قولتله اه انا متشكره اوي بعد اذنك وبقيت أمد في مشيتي لحد ما وصلت لآخر الطرقه ولاقيت زمايلي متجمعين في الاوضه وانا مستغربه وقولتلهم ماتعرفوش الدكتور ابو كل عين لون ده ياجماعه مين؟
لاقيت راندا البيست بتاعتي بتقولي بس ياملاك اسكتي قولتلها في اي انا قولت حاجه غلط ولا اي؟
لاقيته واقف ورا ضهري و بيرد عليا وبيقولي لا ماقولتيش حاجه غلط ولا حاجه انا كده كده كنت هعرفكم على نفسي لاقيت زمايلي في الدفعه كلهم بيقولوا طبعا حضرتك غني عن التعريف يادكتور وبعدها قال معلش احب اعرفكم بنفسي عشان اللي ميعرفنيش يعرفني انا دكتور فهد
دكتور جراحه وابن صاحب المستشفى دي انتوا هنا طول فتره تدريبكم هتبقوا معايا هنتعلم سوا اسلوب التشريح هتدخلوا معايا العمليات وتشوفوا كل شئ على الطبيعه مش في الكتب بس هتتقسموا لمجموعات
وان شاء الله تستفادوا مني بشئ
كل البنات اللي معايا كانوا معجبين بي جدا دكتور وناجح وكمان مشهور وغني واعزب وسنه صغير يعني في كل المواصفات اللي اي بنت تتمناها
بس انا كنت خايفه اوي معرفش ليه؟ لون عنيه كان مضايقني اوووووي اول ما روحت البيت جريت علي شروق احكيلها اللي حصل بس قالتلي بحزن كالعاده ماتحطيش في بالك اكيد صدفه مش أكتر 🙂
قولتلها شروق أمتي هتطلعي من اللي انتي فيه ده بقى انسيه ياشروق انسى حسام ده خالص ده شخص مؤذي محبكيش قالتلي اسكتي ياملاك انتي هتحسي منين النار اللي جوايا انتي عمرك ما حبيتي قبل كده قولتلها الحمدلله ولا عمري هحب في يوم واوجع قلبي زيك كده انا اهم حاجه عندي مستقبلي وبس 😊❤️
روحت تاني يوم المستشفى واحنا في التدريب لاقينا ام دخلت وبتعيط وبتصوت وبتقول ان ابنها هيضيع منها ولاقيناه عنده نوبه صرع شديده ضحكه مستمر وفقده لتوازنه بعدها دكتور فهد قال دخلوه على الاشعه المقطعيه بسرعه وعرف انه عنده ورم في الغده النخاميه وللاسف ورم كبير علشان كده أعراضه
بتظهر على شكل نوبه صرع وفي وقتها شخص الحاله وقال لازم نخرج اللوزه والهيبوكامبوس في نفس الوقت حد يكلم اهل المريض ويقوله ان احنا لازم نعمل العمليه فورا رضيت
بسرعه وقولتله انا هتكلم مع مامته قالي اتفضلي روحت اتكلمت مع مامته ووافقت فورا انها تعمله العمليه وبعدها دكتور فهد قرر انه ياخدني انا واتنين من زمايلي تانيين عشان نساعده في العمليه
ونشوف ونتعلم هو بيعمل اي؟
دخلت اوضه التعقيم وفتحت الباب بسرعه لاقيته بيلبس قولتله اسفه مكانش قصدي ود عليا وهو متعصب وقالي في حد يدخل كده من غير ما يخبط يا انسه قولتله بجد اسفه
مكنتش اعرف قالي وحتى لو ماتعرفيش لازم تخبطي الأول قولتله اسفه يادكتور قالي اتفضلي ادخلي انا خلاص كنت خلصت بقيت ابرطم بالكلام واقول في سري وطالما خلصت عامل حوار ليه؟
لاقيته رجع وبيقولي بتقولي حاجه يا انسه قولتله لا ابدا مفتختش بوقي قالي خمس دقايق وتحصليني على اوضه العمليات لبست
واول ما دخلت وابتدت العمليه فعلا معرفش ليه صعب عليا الطفل اللي قدامي جدا لبس الميكروسكوب وابتدي يشرح في
دماغه دي كانت أول عمليه حقيقيه اشوفها قدامي بقى يقولي المشرط كنت ببقي خايفه وانا بديله اي حاجه هو بيطلبها وبعدها طلعني وطردني بره وقالي ماتحضرليش اي عمليه بعد كده قولتله يادكتور بس.. قالي انا قولت بره..
طلعت من العمليات وانا الدموع كلها في عنيه وبحاول اتماسك على قد ما اقدر ومعيطش ودخلت اوضه تغيير الملابس قديمه وبعيده عشان محدش يشوفني وقعدت في ركن بعيد وفضلت
اعيط زي العيال الصغيره مش متخيله ازاي هو عمل كده مش يراعي ان احنا لسه بنتعلم ودي اول مره لينا في كل حاجه وبقيت اتكلم واشتم عليه وادعي واقول يارب يحصل معاه كل حاجه بتحصل معايا انا كده مستقبلي هيضيع من كتر
العياط ما اخدتش بالي اني في حد دخل الاوضه اللي انا فيها وبيغير هدومه لاقيته وقف قدامي وقالي انتي بتدعي عليا قولتله دكتور آناآآ. أناآ ماقصدش
قالي لا تقصدي ياأنسه وبعدين انتي اي اللي جابك هنا دي الاوضه بتاعتي الخاصه قولتله معرفش انها اوضتك الخاصه انا لاقيتها اوضه محدش بيستعملها وشكلها قديم دخلت فيها
شويه وبعد اذنك انا لازم امشي ولسه همشي وبلتفت مسكني من دراعي جامد اوي وشدني لي قربني منه اوي وبقي وشي
في وشه لدرجه اني بقيت سامعه صوت نفسه وقالي انا محدش يسيبني ويمشي وانا بكلمه وكان دايس على دراعي جامد اوي قولتله ايدي اه ايدي ارجوك ابعد وزقيته لورا لاقيته
بيقول اه ومسك جنبه روحتله بسرعه قولتله اي في اي فضل حاطط ايده على جنبه وقالي مافيش اطلعي بره قولتله لا مش هطلع عرفني في اي قالي مابحبش اقول الحاجه مرتين انتي
مابتفهميش رديت وانا مخنوقه منه وقولتله مش هطلع الا لما اعرف مالك ولاقيت ايديه كلها بقت دم شيلت ايده بسرعه من على جنبه وفكيتله زراير القميص ولاقيت انه مجروح والغرز
اتفكت قولتله اي ده الغرز دي متخيطه وحش جدا قالي عارف قولتله طيب استناني هنا ثواني هاروح اجيب قطن وشاش وحاجات عشان اخيط بيها الجرح قالي مالوش لازمه انا
هتصرف بصيتله كده وقولتله ليه العند ده اوعي تتحرك من هنا واخدت المفتاح معايا وقفلت الباب عليه بالمفتاح وجيبت الحاجه بسرعه وجيت وفتحت الباب ومن لخمتي سيبت
المفتاح من بره وقفلت الباب علينا لاقيته بيتوجع اوي قلعته القميص خالص وابتديت انضفله الجرح كنا قريبين من بعض اوي وقولتله معقول دكتور كبير زي حضرتك يبقى مجروح
جرح زي ده والخياطه تبقى بايظه كده قولتله مين اللي خيط لحضرتك الغرز دي قالي انا.. قولتله بس الخياطه بايظه اوي والغرز مش مظبوطه رد عليا بزهق وقالي عشان كنت بعملها اي كلام عشان مستعجل
قولتله وليه ماخليتش اي حد يخيطهالك زعق وقالي ا نتي هتحققي معايا بصيتله وقولتله على فكره انا مش مجبره خالص اني اخيط الجرح لحضرتك ولا مجبره ان حضرتك
تكلمني بالاسلوب ده اتفضل داوي جرحك بنفسك ولسه جايه امشي قالي( عشان مابحبش حد يعملي حاجه) عرفتي ليه؟ وقفت واتلفت وبصيتله تاني وقولتله
فين القطن اللي أديتهولك قالي اهوه ورجعت انضفله الجرح تاني واخيطهوله خياطه نضيفه
واخيرا خلصت وحطيتله اللازقه عليها وجيبت القميص بتاعه عشان البسهوله بالراحه بس لاقيته ماليان دم مكان الجرح قولتله وبعدين هتلبسه ازاي دلوقتي قالي ممكن تناديلي عم حسين الفراش قولتله اه اكيد ثانيه واحده واكون عندك بفتح
الباب مش راضي يتفتح بدور على المفتاح مالقيتهوش معايا افتكرت ان انا سيبت المفتاح من بره قولتله وبعدين هنعمل اي دلوقتي قالي الباب ده ما بيتفتحش غير بالمفتاح قالي كلمي
الريسيبشن تحت وقوليلهم قولتله مش معايا الفون نسيت شنطتي في الاوضه التانيه حطيت ودني على الباب وسمعت صوت ممرضات بره بقيت اخبط جامد واقول حد يفتح الباب
من بره لو سمحت واخبط على الباب ولاقيت الممرضه فتحتلي وقالتلي انتي بتعملي اي هنا قولتلها الباب اتقفل عليا انا ودكتور فهد الحمدلله ان انتوا فتحتوا قالتلي دكتور فهد..
دكتور فهد مين قولتلها دكتور فهد سعد الدين قالتلي حبيبتي دكتور فهد لسه في اوضه العمليات ماطلعش منها قولتلها ازاي اومال مين اللي معايا ده ببص ورايا مالقيتهوش وعرفت اني كنت في الاوضه لوحدي