رواية يوميات عريس مجنون
الفصل السابعه
سبحانك اللهم وبحمدك..
حياه قاعده مع مراد بيضحكو و ليلي هتموت من الغيظ هي وسلمي
حياه شخصيتها مرحه وجريئه بس برضو لسه صغيره.
بعد وقت ممدوح اتصل بيهم
حياه : هات رقمك بقي يا باشا عشان اتصل بيك
مراد : ها . اصل
غمز لسلمي عشان تنقذه
سلمي : مش كنت لسه فاتح بوقك من الودن دي للودن دي زي بوجي اللي مع طمطم
مراد : ما البت دمها خفيف بس بصراحه لسه صغيره
سلمي : امري لله . هتصرف بس ابق افتكرها
مراد : حاضر .. يا ساتر منك .
سلمي : يلا بقي يا حياه بيتك بيتك يا حبيبتي عشان العشه هتقفل
حياه : وانتي مالك انتي انا بكلم مارد
سلمي : مسم ، مين مارد ده يا ختي
حياه : مارد . يعني مراد يا جاهله
سلمي : طب امشي يا زفته من قدامي . ولو جيتي هنا هضربك بالشبشب علي بوقك ..
حياه : برضو انت مالك يا سلمي
سلمي : انزلي بدل وديني ما انادي لاخوكي يجي يجيبك من شعرك
حياه : ماشي يا سلمي. نازله
خرجت ورقه وكتبت فيها رقمها : خد يا مارد . كوول مي بقي
خرجت مع ليلي وسلمي قفلت الباب : بنات في منتهي قله الادب . الله يحرسني بجد .جمال وأدب واخلاق
مراد : ما شكر في نفسه إلا ابليس
سلمي : ايش عرفك انت انت في الاخلاق يا بتاع الفرنجه ...
مراد : عيله هبله
....
دخل أبو سلمي. وهو حزين : يا ام سلمي . انتي فين
ام سلمي خرجت من المطبخ : انا هنا يا خويا . اخبارك ايه
ابو سلمي : الحمد لله
ام سلمي : مالك كده يا حج زعلان ليه
ابو سلمي : جوز اختي مات وعايزين نروح ندفنه في البلد
ام سلمي : لا حول ولا قوه الا بالله . البقاء لله يا خويا
ابوسلمي : ونعم بالله ..
مراد : استني يا عمو انا هلبس واجي معاك
بعد وقت
سلمي : ايه ده يا جماعه انتم رايحين فين
ام سلمي : هنروح ندفن جوز عمتك
سلمي : ليه هو مات
مراد : لا هندفنه عشان هو قليل الادب
سلمي ضحكت: أتصدق انت رخم
ام سلمي : عيب ابوكي يشوفك بتضحكي يقول ايه . فرحانين في الراجل
سلمي : لا . انا هسكت . طيب ينفع اجي معاكم
ام سلمي : لا مينفعش . ابق روحي العزا .
.. وبعد الدفن . راح مراد عند جده في البلد مع ام سلمي اصلهم من بلد واحده
الجد : الله اكبر يا ولدي . كبرت وبقيت راجل
مراد : ربنا يبارك في عمري يا جدي ..
ام سلمي : وكمان بيدور علي عروسه يا بوي
الجد : يا ما شاء الله . عروستك عندي بجي
مراد : احم .. اصلي انا صرفت نظر علي الموضوع ده
الجد : وه اجعد بس انت معاها وشوفها دي بنت عمك اسماعين
مراد نظر لخالته : ماشي نشوفها
طبعا ام سلمي قعدت اليوم ده مع مراد في البلد وسلمي قاعده في البيت وأبوها رجع بعد العزا
اليوم التالي
كان مراد لابس جلابيه صعيدي ووقف مع جده وسط الزرع والخضره
مراد : يا جدي . انا حياتي في امريكا وشغلي هناك . مينفعش اسيب كل ده واجي اعيش هنا
الجد : وه . ومالها أهنأ . دي الأرض عرض يا ولدي . الغربه مره . مهما لفيت مش هتلاجي غير أهنأ .
مراد :. إن شاء الله يا جدي . يمكن في يوم ارجع واعيش هنا ..
الجد : يلا بجي نروح نأكل الفطير المشلتت
مراد : يلا يا جدي
. بعد الاكل شربو الشاي و مراد قاعد مع جده وخالتهم معاهم ..
ودخلت بنت صغيره وسننها مكسرها وشعرها منكوش
البنت : جدي ..جدي . الواد عماد ضروبني
الجد : يا واكله ناسك انتي لساتك بتلعبي مش جولت تتطلعي تتحممي
البنت : وه . يعني ملعبش
الجد : له . كفاياكي لعب . انتي كبورتي دلوقيت . ويصير كمان مين أهنأ
شاور علي مراد الذي يتابع الموقف بعدم فهم
الجد : ده عريسك
شهقت مراد وام سلمي .
ام سلمي : عريسها ازاي يا بابا
الجد : كيف الناس . البت هديه دي بت اخوكي اسماعين ومراد أولها بيها من الغريب
مراد : يا جدي . دي شكلها صغير وبتلعب في الشارع كمان
الجد : لع . مش صغيره .
مراد : تعالي هنا يا شاطره
البت : متقوليش يا شاطره
مراد : طيب تعالي هنا يا كتكوته
البت : متقوليش يا كتكوته
ام سلمي ضحكت : انتي يا بت يا بت اسماعيل.. اتكلمي بأدب
البت : اسمي هديه ما تجولش شاطره والكلام الماسخ ده
مراد : ماشخ !! . ما علينا . انتي عندك كام سنه
البت : عندي ١٢ سنه
مراد : دي طفله يا جدي . عايزني اتجوز طفله
الجد : بينك وبينها ١٤ سنه مش كتير
مراد : لا كتير يا جدي . انا مش عايز اتجوزها
البت : وانت تطول يا جحش انت تتجوزني
ضحكو كلهم ما عدا مراد : هي العائله دي كلها لسانها طويل . انا جحش يا معزه من غير ديل
هديه : وه وه. عتقل ادبك عليا كومان . خابر انت لو مكنتش قريبي كنت قطعتك حتت قد أكده
مراد : يا شيخه روحي . كنك نيله
البت : شايف يا جدي . هو اللي ابتدي اهو وانت قولتلي متضروبيش اللي اكبر منك
الجد ضحك : امشي يا هديه . وشيعي امك
عشان تجيب الغدا
هديه : هتجوزني أمتي يا جدي من الواد ده ..
الجد ضحك : وه وانتي مستعجله ليه
هديه : اصل معيزاش اروح المدرسه .
الجد : هتروحي غصبن عنك . و انجري يا جاموسه من أهنأ بدل ما اضروبك
هديه وهي تجري : خلاص يا جدي . كنت بهرج معاك
ضحك الجد . مراد : انت بجد يا جدي عايزني اتجوز الطفله دي
الجد : لا يا ولدي انا كنت بهرج معاك . عندك سلمي بنت خالتك .. هي لسانها طويل بس متربيه وتكون سندك وضهرك
ام سلمي انجرحت : انت بتقول ايه بس يا بابا ؟
الجد : وه بقول الحقيقه . سلمي اولي بيها ابن خالتك احسن ما تتجوز واحد غريب منعرفش أصله وله فصله
ام سلمي : يا بابا مينفعش . بلاش وحياتك الكلام ده .. يلا يا مراد خلينا نمشي عشان الحق اروح العز كفايه مروحتش امبارح
مراد : حاضر يا خالتي.
طلع مراد في الاوضه يغير هدومه ..
ام سلمي : ليه بس يا بابا . كسفتني .
الجد : وه وإياه بس اللي يكسف في حلال ربنا. ده جواز
ام سلمي : بس مراد نازل علي اساس يتجوز واحده غريبه بمواصفات معينه . مش معقول اقوله تعال اتجوز بنتي. هدلل عليها . واقلل منها برضو مينفعش
الجد : وانتي قولتي حاجه . انا اللي بقول . وبعدين هي اختك لو ناصحه كانت قالتله اتجوز بنت خالتك وزيتنا في دقيقنا
ام سلمي : هما احرار يا بابا .
بعد الوداع سافر مراد مع خالته للقاهره مره تانيه
. مرت ايام العزاء ..
خبطت بوسي علي الباب وسلمي فتحتلها بغيظ ؛ بوسي . مش ملاحظه رجلك خدت علي هنا كتير
بوسي : انا جايه عشان خالتي ومراد . هو عامل ايه دلوقتي
سلمي: كويس . كنت هتموتيه بالمحشي بتاعك
بوسي : ما احنا كلنا منه محصلش حاجه . هو اللي شكله معدته حساسه للاكل المصري
سلمي: برضو معرفتش انتي عايزه ايه دلوقتي يا بوسي
بوسي؛ كنت عايزه اطمن علي مراد وجبتله معايا بسبوسه وكنافه بالمهلبيه
سلمي : هاتي الحاجه وامشي
بوسي: لا ..
سلمي نفخت: يا ماما . يا ست ياللي اسمك ماما
خرجت ام سلمي من المطبخ : بتزعقي ليه يا سلمي
سلمي: كلمي بوسي
مراد كان في أوضته سمع اسم بوسي حس بوجع بطنه تاني : يادي اليوم اللي مش فايت ايه اللي جبها دي ..
ام سلمي : تعالي يا بوسي . اخبارك ايه يا حبيتي
بوسي : الحمد لله يا طنط . انتي اخبارك ايه ومراد ازي صحته دلوقتي
. ام سلمي: يا ختاااي ده كان شكله تعبان اوي يا حبه عيني أمه ووشه اصفر اتفزعت عليه
بوسي: تلف سلامه عليه . طيب هو فين عايزه اشوفه
ام سلمي: نائم في اوضته . اصله تعبان وخد العلاج ومش هيصحي غير بليل
بوسي: اه . طيب اديله البسبوسه والكنافه وانا هاجي يوم تاني اشوفه
ام سلمي: حاضر يا حبيبتي . يوصل
خرجت بوسي وقفات ام سلمي الباب. خرج مراد من الاوضه : كويس انك سربتيها يا خالتي .
ام سلمي ضحكت : متخفش يا حبيبي ده انا عمري ما أضرك
مراد : طيب بالله عليكي ارمي البسبوسه دي قبل ما حد يأكلها منعرفش المره دي ايه اللي هيحصل
سلمي بضحك: يا عيني الواد اتصدم
مراد : حرمت اكل من ايد حد تاني .
ام سلمي : هخلص الاكل ومنزل نروح للعروسه اللي قولتلك عليها ...