رواية الاختيار الصحيح
الفصل التاسع
بقلم زينب سعيد
نور بغيظ: سيبك من الأكل دلوقتي وخلينا بقي في المهم أيه رأيك في كلام سلمي.
سميرة بعدم إهتمام :كلام ايه.
نور بغيظ:أنتي هتشليني يا خالتو بتاع سمر.
سميرة بتذكر:اه أفتكرت مالها.
نور بنفاذ صبر:يا خالتو ركزي أحنا مش كنا بندور علي حاجة نخلص بيها من سمر.
سميرة بفهم:أه بس هنعمل أيه.
نور بخبث:بصي يا خالتو أحنا نخلي البت سلمي تبقي في صفنا ونخليه توافق سمر أنها تنزلك تمام كده أنتي بقي تقعدي تهزأيها
تمام وتقوللها لو مش عايزاني أزعل من أيمن وأصلحه تنزلي بعد أيمن تخلصي شغل البيت كله وتطلعي قبل ما يجي.
سميرة بسخرية :وسلمي هتوافق أزاي يا حلوة.
نور بخث :سلمي بتكره شغل البيت جدا لو زودنا الشغل عليها هنخليها توافق عشان تريح نفسها هي اه بتحب سمر لكن بتحب نفسها أكتر.
سميرة بإنتباه:صح كلامك طيب هنعمل أيه بعدين.
نور بخبث :بعد ما نطمن أنها بقت بتنفذ الكلام وتخلص قبل أيمن ما يجي نتصل أحنا بأيمن في مره ونخليه يجي وتخيلي أنتي أيمن هيعمل أيه لما يعرف.
سميرة بمكر:يا خربيتك ده أنت طلعتي داهية ويضحكوا بصخب .
يقطعهم دق علي باب الشقة يتبعه دخول أيمن بهدوء :السلام عليكم.
نور بهدوء:وعليكم السلام.
أيمن بهدوء وهو ينظر لوالدته المتجاهلة أياه:أخبار حضرتك أيه يا ماما.
سميرة بسخرية:يعني أخباري تفرق معاك يا بشمهندس.
أيمن بهدوء :طبعا يا أمي.
سميرة بسخرية:عشان كده نصرت مراتك عليا.
أيمن بهدوء :يا أمي أنتي عارفة كويس أني منصرتهاش عليكي لكن شوفي معاملتك ليها عاملة أزاي.
سميرة بغضب :خلاص يا أيمن متحرقش دمي خلاص الموضوع أنتهي.
أيمن بهدوء :خلاص يا أمي أهم حاجة متزعليش مني لكن نزول سمر تاني مش هيحصل تاني خلاص وحقك عليا يا ست الكل.
سميرة بهدوء:خلاص يا أيمن أنا مش زعلانة منك خلاص أنت أبني حبيبي إلي مقدرش أزعل منه أبدا.
أيمن بإبتسامة:ربنا يخليكي ليا يا ست الكل وميحرمنيش منك.
سميرة بحنان:ولا يحرمني منك يا حبيبي.
ويغادر أيمن إلى شقته تحت نظرات سلمي المتغاظة و أمه الحانية.
.....................
تقف سلمي بهدوء علي باب غرفة والدها وتتركه بهدوء ثم تدخل الغرفة وتنظر لوالدها الذي ينظر لها بعتاب وتتحدث بأسف:أنا أسفة يا بابا والله ما كنت أقصد أقول لما وقعت بالكلام غصب عني.
الحج علي بعتاب:وقعتي بردو بالكلام غصب عنك ولا أنتي إلي مقدرتيش تخبي حاجة عن أمك.
سلمي بحزن :والله غصب عني يا بابا ماكنتش أقصد متزعلشي مني.
الحج علي بهدوء :أنا مش زعلان منك يا سلمي أنا صعبان عليا اليتيمة إلي فوق دي أنتي تعرفي بكلامك ده بتكرهي أمك فيها أكتر.
سلمي بحزن:أنا مفكرتش في كده بصراحة يا بابا.
الحج علي بهدوء :خلاص يا بنتي الموضوع خلص بس ميتكررش تاني.
سلمي بتردد:بابا كنت عايزة أقولك حاجة.
الحج علي بهدوء :قولي يا سلمي عملتي مصيبة أيه.
سلمي بحزن:كده يا بابا علي طول فهمني غلط.
الحج علي بسخرية:عشان عارف أنك هبله وبتعملي مصايب دايما.
سلمي بدموع :كده يا بابا أنا هبله وبعمل مصايب دايما.
الحج علي بنفاذ صبر :اه يا بنتي هبله وبنت أهبل كمان أنجزي بقي عملتي أيه.
سلمي بدموع بتردد:سمر كانت عايز تنزل تعتذر لماما من وراء أبيه أيمن بس أنا رفضت وقولتلها هقول لابيه.
الحج علي بفرحة:ما شاء الله عليكي أول مرة تعملي حاجة صح في حياتك.
سلمي بفرحة:بجد يا بابا.
الحج علي بهدوء :بجد يا قلب بابا.
سلمي بتردد:بس في مشكلة.
الحج علي بنفاذ صبر:أيه تاني أنتي هتنقطيني يا بنتي ما تقولي إلي عندك مرة واحدة علي طول.
سلمي بحذر:أنا قولت لماما علي إلي سمر عايزة تعمله وأنها عايزة تصلحها عشان أحنن قلبها عليها.
الحج علي بصدمة وخيبة أمل:أعمل فيكي أيه قوليلي أنتي عايزة تشليني يوم ما تعملي حاجة صح متكمليهاش للأغير وتنيليها .
سلمي بدموع:والله كان قصدي خير.
الحج علي بسخرية :خير وأمك كان رد فعلها ايه
سلمي بعدم إهتمام :ماقلتش حاجة ولا هي ولا نور عادي قعدوا يستفسروا وخلاص.
الحج علي بسخرية :قعدوا يستفسروا وخلاص ربنا يستر وميحصلشي مصيبة من وراء دماغك دي.
سلمي بدموع:طيب هنعمل ايه.
الحج علي بهدوء :مش هنعمل حاجة ومتفتحيش الكلام ده مع حد تاني ولا مروان حتي وربنا يستر.
سلمي بخضوع:حاضر يا بابا إلي حضرتك عايزه هعمله.
الحج علي بهدوء :ربنا يستر ويهدي الحال.
سلمي بدعاء: يارب يا بابا.
.........................
في الخارج بعد مغادرة أيمن تحت نظرات نور المتغاظة :عجبك كده يا خالتو أيمن بيه متجاهلني ولا كأنه شايفني أصلا.
سميرة بهدوء:إهدي يا نور كله من العقربة إلي أتجوزها .
نور بخبث :عندك حق يا خالتو خالينا في ختطنا عشان نخلص منها وعروسته عندي كمان.
سميرة بغل :نخلص منها بس وأجوزهه ست ستها.
نور بخبث :يبقي نبدأ من بكره علي طول.
سميرة بخبث:بإذن الله.
ويصمتون بعد دخول مروان من بابا الشقة وهي يحمل جوري الصغيرة ويحمل عدة أكياس بيده ويجلس بوهن ويجلس الصغيرة علي قدمه :السلام عليكم.
سميرة بهدوء: وعليكم السلام كنت فين.
مروان بهدوء :ملقتش حاجة تتأكل جوه في التلاجة نزلت جبت بيتزا نتغدا بيها كلنا.
سلمي بغل:متشكرين يا سيدي أن وخالتو أتغدينا كل أنت .
مروان بعدم إهتمام:تمام هقوم أنا أكل جوه مع بابا وسلمي بعد إذنكم.
سميرة بهدوء :أتفضل يا حبيبي.