رواية عشق الاسد
______بقلم /أمل نبيل _____
_______الفصل التاسع _____
كانت تنام بفوضوية ليدخل عليها الغرفة ويجدها تغط في نوم عميق ليصرخ قائلا
إسمها
:تسسسنننييييييييييمم
فزعت هى من نومها لتجده امامها لترتمى بين أحضانه قائلة بفرحة
وبكاء وحشتنى اوى وحشتنى اوى كده تغيب عنى ست سنين يا بابا
رائد:معلش يا حبيبة بابا انتى عارفة انى كان لازم انى اسافر علشان الشغل
تسنيم:بس انا عيزاك تفضل معايا ومتسافرش تانى
رائد:اميرتى عليها تطلب وانا عليا إنى انفذ طلبك مجاب يا اميرتى ومش هسافر تانى وهفضل هنا معاكى على طول
تسنيم بفرحة:بجد يا بابا
رائد:بجد يا قلب ابوكى
قامت تسنيم بإحتضانه مرة اخرى:أنا بحبك أوى يا بابا
رائد:وأنا كمان يلا بقا غيرى هدومك وانزلى علشان نفطر سوا وبعد كده تروحى الجامعة
تسنيم:لاء جامعة ايه بقا ابويا العزيز رجع ولازم افضل معاه
قام رائد بشد أذنها وقال:بقا بتتحججى بيا علشان تغيبى من الجامعة يا تسنيم، لاء يا حبيبتى انتى هتروحى الجامعة عادى ومافيش غياب بعد كده تانى
تسنيم بضحك:بابا انت ايه اللى رجعك تانى بص يا بابا سافر تانى عادى وارجع كل خمس ست سنين اسبوع زى الاول
رائد:لاء وحياة امك أنا قاعد على قلبك
تسنيم:على قلبى زى العسل يا احلى رائد
رائد:طيب يلا يا قلبى غيرى وأنا هستناكى تحت
تسنيم:اوك
خرج رائد من الغرفة ونزل إلى الأسفل بينما اتجهت تسنيم إلى الحمام وأخذت شاور ثم ارتدت ملابسها ونزلت إلى الأسفل حيث يوجد والديها لتجلس بجانب والدها على طاولة الطعام
رغد:ممكن يا تسنيم تناولينى المية
تسنيم:حاضر.......اتفضلى
أخذت رغد الماء واثناء تناولها لها قالت تسنيم:بابا هيستقر معانا هنا يا ماما ومش هيرجع يسافر تانى
لتشرق رغد ليقول رائد:مالك يا رغد
رغد بكحه:ما..لليش
رائد:شكلك مش مبسوطة من القرار ده
رغد بتوتر:لاء ازاى طبعا مبسوطة
نهضت تسنيم وقالت:طيب انا فطرت هطير أنا بقا عالجامعة تشاو يا رائد
رائد:تشاو يا قلبى
_________
كانت تسير في الطريق لتصطدم بشخص ما لترفع رأسها ونظرت لتلك التى امامها لتجدها تلك الفتاة التى تشاجرت معاها من قبل لتقول:مش تفتحى
ماريهان:انا اسفة والله مختش بالى
:مختيش بالك ليه عامية
سيلين:خلاص يا ماريا مافيش مشكلة
ماريا:تفتح بردو
ماريهان:أنا اسفة مرة تانية ثم نظرت إلى سيلين وقالت:انا اسفة علشان الموقف إللى حصل منى فى اول مرة اتقابلنا فيها
سيلين بتذكر:عادى ولا يهمك
ماريهان:متزعليش منى بليز على الكلام اللي قلته
سيلين:Don't worry, No problem
ماريهان:Shall we be friends
سيلين:Sure
ثم مدت يدها لمصافحتها
ماريا:متزعليش مني علشان الكلام اللي قلته من شوية
ماريهان:لاء عادى مش زعلانة
ثم صافحتها
سيلين:انتى رايحة الجامعة
ماريهان:ايوة
ماريا:طيب يلا Come on with us
ثم ذهبوا بعدها معا إلى الجامعة
بعد مرور بضع دقائق وصلوا إلى الجامعة ليجدوا ملاك فى انتظارهم
ملاك:إتأخرتو كده ليه
ماريا:عشق العرة فضلنا نصحى فيها وفى الأخر مصحيتش
ملاك:يعنى هيا مش هتيجى النهاردة
سيلين:ايوة
ماريا:اما اروحلها الحيوانة دى
عشق وهى تركض بإتجاههم:مين دى الحيوانة يا كلبة البحر
ماريا:ايه إللى جابك يختى مش كنتى مخمودة
عشق:ما تحسنى ملافظك يا حلوفة
سيلين:يخربيتكم افصلوا شوية انتم على طول كده ناقر ونقير
ملاك:خلاص بقا يا جدعان
انتبهت عشق لماريهان التى تضحك لتقول:ينفع كده يا عرر تخلونى اخرج عن شعورى قدام الناس
ماريا:لاء يا حبيبتى دى بقت مننا وعلينا عادى
عشق:والنبى البت شكلها كيوت اوى مش هتاكل معانا
ماريهان بمرح:لاء ميغروكيش الشكل الكيوت ده ،ده انا ممكن اقلبلكم الألمانى هنا
"الألمانى فيلم محمد رمضان علشان الناس اللى متعرفش"
سيلين:اللهم صلى عالنبى ده انتى طلعتى زميلة بقا
ليضحكوا
لتقول ملاك:انتى كنتى خطيبة محمد صح
ماريهان:ايوة انت تعرفيه منين
ملاك :اصل انا خطيبته
ماريهان:الف مبروك ،اكيد ربنا عوضه بيكى علشان انتى أحسن منى
ملاك:الله يبارك فيكي
ماريهان:على فكره محمد طيب جدا وبيحبك خلى بالك منه.
ويقضو اليوم عادى
_________
رن جرس الباب ليقوم بفتح المنزل ليجد أسد وعمر ومحمد امامه ليبتسم بسخرية ويقول:اسد باشا وصحابه جايين يزورونى بنفسهم
محمد:على فكره إحنا صحابك انت كمان
سليم بسخرية:من امتى انتو فاكرينى نسيت إللى عملتوه فيا زمان
عمر:انت يابنى مبتفهمش إحنا مقلتنهاش
سليم:رغم السنين دى كلها مش قادريين تبطلوا كدب
أسد:سليم أنا جاى أتكلم معاك فى موضوع مهم وياريت تركن الماضى ده على جنب شوية
سليم بسخرية:وايه هوا الموضوع ده إنشاء الله وبخصوص ايه إحنا مافيش ما بنا مواضيع
محمد:لاء فى سيلين أختك
سليم بصدمة:سيلين.....
____________
فى المساء
:ايوة يا سعيد زى ما بقولك كده رائد رجع وقرر إنه يستقر هنا
سعيد:يعنى ايه طيب والشغل ايه إللى هيحصل فيه انتى عارفة ان كل حاجة كانت بتم عن طريق الشركة بتاعتكم هنعمل ايه دلوقتى
رغد:مش عارفه يا سعيد اتصرف انت
سعيد:ماشى يا رغد أنا هتصرف سلام
رغد:سلام
________
كانت تجلس في الشرفة تنظر إلى النجوم اللامعة في السماء الداكنة وتتأملها ليأتى إليها والدها قائلا:أميرتى قاعدة لوحدها ليه
تسنيم:علشان حضرتك مشغول ومش فاضى تقعد معايا
رائد:ياه يا بنتى كل ده شايلاه فى قلبك وساكته
تسنيم:ما انا هعمل ايه بقا
رائد:قومى إعمليلى قهوة ولا مبتعرفيش
تسنيم بفخر:أنا وبلا فخر أحسن واحده تعمل قهوة
رائد:هتاخدى مقلب في نفسك على فكرة
تسنيم:هقوم أعملك قهوة وأثبتلك إنى أحسن واحده بتعمل قهوة
رائد:اما نشوف😂😂😂😂
__________
عند عصافير الحب 😂
أسد :وحشتينى
عشق:شكرا
اسد:شكرا ايه دى
عشق:اومال ايه
اسد:بقولك وحشتينى
عشق:شكرا
اسد:أنا شكل امى داعية عليا أساسا وقايلة روح إلهى يارب تحب واحده هبلة كل ما تقلها بحبك تقولك شكرا
عشق:لاء يا أسد أنا مقبلش
أسد:ما تقبليش ايه
عشق:إنك تكون حبيب الهبلة😂😂😂
اسد:تصدقى أن أنا غلطان انى بكلمك
عشق:غلطان ولا صحان
اسد:مالك يا عشق مهيبرة كده ليه
عشق:م الهيبر ولا من كارفور 😂😂😂
اسد:عشق يا حبيبتى انتى مالك النهاردة انتى سخنه
عشق:لاء باردة 😂😂
"هموت"
اسد:سلام يا عشق
عشق بضحك :خلاص والله خلاص
اسد:انت مالك النهاردة فى اى
عشق:مافيش
اسد:طيب بحبك
عشق بضحك:يا واد بس بقا علشان بتكسف
أسد بضحك:بغض النظر عن واد دى هوا انتى بتتكسفى زى البنات
عشق بصوت شبه صوت الرجالة:ليه كنت شايفنى راجل
اسد بضحك:لاء يا حبيبتى هوا فى حد يقدر يقول كده
" نسيبهم بقا شوية إفرضوا عايز يقولها كلمة سر مينفعش كده خلو في خصوصية شوية 😂😂😂 مع انى هموت وأعرف هيقولها إيه 😂😂"
__________
فى اليوم التالى
فى منزل سليم
ماريهان:سليم يلا علشان تفطر
خرج سليم من الغرفة
سليم:ماريهان هوا انتى تعرفى واحده اسمها سيلين فى سنه اولى
ماريهان بغباء:سليم أنا وحده فى جامعة إيه إللى هيعرفنى فى واحده فى أولى ابتدائي اسمها سيلين ولا لاء
سليم:يابنت الغبية أنا بقولك فى اولى جامعة مش فى اولى إبتدائى
ماريهان:ايه ده بجد ،اه فى وحده صحبتى اسمها سيلين
سليم:سيلين ايه
ماريهان:مش عارفة الحقيقة
سليم:تمام
ماريهان:طيب همشى أنا علشان متأخرش
سليم:مش هتفطرى
ماريهان:لاء سلام
سليم:سلام وخلى بالك من نفسك ،وخودى مفتاح العربية اهو علشان تروحى بيها
ماريهان:شكرا يسطا سلام بقا
ثم نزلت وركبت السيارة وأثناء طريقها إصطدمت سيارة بها من الخلف لتنزل ماريهان من السيارة وتقول:يا نهار ابيض بقا العربية أول مرة حد يسوقها وتتخبط الخبطة دى
ثم نظرت بإتجاه السيارة الأخرى وقالت:ربنا يخدك يا بعيد انت السبب وكادت أن ترجع إلى السيارة مرة أخرى ولكن اوقفها
نزول صاحب السيارة الأخرى لتنبهر بكتلة الوسامة التى امامها فهو كان ذو ملامح جذابة فكانت
بشرته بيضاء وشعره أصفر ممزوج باللون البنى وعيونه رمادية اللون طويل القامه ذو جسد رياضى
نظرت إليه بإنبهار ليقول:خلصتى وصلة التأمل ولا لسه
لتقول :ايه البجاحة إللى انت فيها دى ده انت المفروض تعتذر .
نظر على جانبيه ثم أشار لنفسه وقال:انتى بتكلمينى انا كده
ماريهان:لاء بكلم الهوا مش بكلمك انت اما واحد بارد صحيح كانت نقصاك انت كمان
الشاب:فى ايه يا زفته انتى مالك عالصبح يا مدام قردة
ماريهان بصدمة:مدام إيه يا بابا ،ليه شايفنى مشمرة ركبى ورابطة العباية على وسطى ولفة إيشارب على راسى ومعايا ست عيال فى إيدى
الشاب بإبتسامة:أنا اسف على كلمة مدام بس عجبتك قردة يا عسل
ماريهان:انت واحد لا تطاق اقسم بالله أنا ماشية قبل ما أطق
ثم ركبت سيارتها وذهبت
وركب هو الأخر سيارته وانطلق إلى وجهته
______________
دخل إلى شركته بغروره المعتاد ...وعند دخوله وقف جميع الموظفين احتراما له وكانت الفتيات تتهامسن على رجولته ووسامته ومدى جاذبيته لهم ولكنه لا يبالى بكل هذا ....
صعد إلى مكتبه وأشار الى السكرتيرة التى أسرعت بالدخول خلفه ليقول:إيه مواعيد النهاردة يا رقية
رقية بعمليه:حمد الله على سلامتك حضرتك الأول يا فندم
اسد:الله يسلمك
رقية:النهاردة حضرتك عندك اجتماع الساعة ١٠ غدا مع العميلة الفرنسية الساعة ٣
اسد:طيب تمام تقدرى تتفضلى وياريت تبعتيلى قهوة
رقية:تحت امرك يا فندم
خرجت من الغرفة و جلبت القهوة إلى أسد ثم خرجت مره اخرى
__________
انتهوا من اليوم الدراسى لتقول عشق طيب يا بنات هنمشى إحنا علشان نروح الشغل باى
سيلين:استنو أنا كمان رايحة الشغل خلونا نمشى سوا
ماريا:وانتى يا ملاك انتى وماريهان
ماريهان:أنا هروح.
ملاك:أنا هستنا محمد علشان هيعدى ياخدنى أصله عازمنى عالغدا
ماريا:الله يسهلو
ملاك:الله أكبر الله أكبر
عشق:ما تخافيش مش هنحسد
ملاك:والله أنا إللى المفروض احسدك على إللى اخويا كان عامله ليكى
عشق:يلا بينا يا ماريا اصل شكلى هولع وأنا واقفة .
ماريهان:مش للدرجة دى يعنى .
وفى هذا الوقت جاء محمد
الذى ما أن رأته سيلين قالت له:هوا انتو مش قلتو انكم هتودونى لسليم
محمد:ما تقلقيش ،اسد هيظبط كل حاجة
ثم نظر إلى ماريهان وقال:إزيك يا ماريهان
ماريهان:تمام، ثم قالت ماريهان إلى سيلين :سليم مين
سيلين:اخويا
نظرت ماريهان بشك وتذكرت أن اليوم قام سليم بسؤالها عن سيلين لتقول:اخوكى سليم فهد الحسينى صح
سيلين:ايوة
قامت ماريهان بإحتضانها وقالت:بجد
عشق:ايوة يا بنتى فى اى مالك فرحانه كده ليه
ماريهان:على فكره انا عارفة سليم وعارفة مكانه.
سيلين:بجد
ماريهان:اه والله
سيلين :ممكن تودينى ليه
محمد:انتى تعرفيه منين يا أنسة
ماريهان:لاء دى حكاية طويلة جدا
سيلين:هتودينى ليه يا ماريهان
ماريهان :اكيد طبعا
سيلين :طيب يلا
ماريهان:يلا باى يا بنات اشوفكم بعدين
ثم ركبوا السيارة وذهبوا وأيضا ذهبت ملاك برفقة محمد واتجهت عشق وماريا إلى المطعم.
_____________
وصلت ماريهان وسيلين إلى المنزل لتقول ماريهان خليكى هنا وأنا هدخل اقوله ان فى حد عايز يقابله ونعملها مفاجأة إيه رأيك
سيلين بفرحة:اوك
دخلت ماريهان إلى المنزل
وأخذت تبحث عن سليم وذهبت إلى غرفة الجلوس لتجد سليم يجلس برفقة احد ما
طرقت الباب ودخلت وقالت:سليم فى حد مهم جدا عايز يقابلك بره
نظر لها سليم والشخص الذي معه لتقول ماريهان بصدمة:انت
أشار لها الشاب إشارة ترحيب وقال:أهلا مدام قردة
ماريهان بغضب:ايه مدام قردة دى متحترم نفسك يا بنى ادم انت
الشاب:هدى أعصابك شوية يا مدام قردة
ماريهان:ده انت واحد بارد ورغم وغتت
سليم:خلاص يا جدعان استهدوا بالله كده
ماريهان والشاب:لا إله إلا الله
وفى هذه اللحظة رن جرس المنزل لتركض ماريهان وهى تقول:يالهوى ده انا نسيت البت بره
ضحك سليم والشاب الذى معه ليقول سليم:يا بنت الهبلة يخربيتك .
عادت ماريهان مره اخرى ولكن هذه المرة كانت برفقتها سيلين لتقول ماريهان:حزر فزر يا سليم مين دى
سليم بسخرية:وأنا هعرف منين وبعدين انتى تعرفيها منين
سيلين ببكاء:وحشتنى أوى يا سليم
سليم:هوا انا أعرفك
قامت سيلين بنزع الشعر المستعار والأسنان والنظارة الكبيرة والعدسات التى تضعها ليدخل سليم فى حالة من الذهول،فهذه الفتاة تشبه والدته كثيرا ليقول:سيلين
ركضت سيلين وإحتضنته وقالت ببكاء:وحشتنى أوى يا سليم
سليم وهو يشدد من إحتضانها:وانتى كمان وحشتينى اوى يا سيلى وحشتينى اوى .
ظلوا يحضون بعضهم بضع دقائق، وكانت سيلين تشعر بالأمان فأخيرا قد وجدت أخيها وسندها بهذه الدنيا
وكان سليم يشعر بالسعادة فاليوم قد وجد اخته وحبيبته وايضا ابنته فهى كانت كل عالمه لتقاطع لحظتهم ماريهان:يعنى خلاص كده بقا سيلين إيجت وانا هتنسى صح
الشاب:ليه كان خلفك ونسيكى
ماريهان:وانت مالك ده انت بارد اوى
الشاب:هخليهم يحطونى بعد عالنار علشان أسخن وأعجب حضرتك
ماريهان:مستفز
سليم:خلاص بقا يخربيتكم إللى يشوفكم يقول إنكم دراير
سيلين:شكرا يا ماريهان انتى بجد اجدع صحبة شكرا ثم إحتضنتها
ماريهان:بس يا عبيطة إحنا مافيش بنا شكر
سليم:بس إنتى ليه يا سيلى كنتى لابسة الحاجات دى
ثم أشار إلى الأشياء التى قامت بخلعها
" قصده الباروكة والنضارة والسنان اللينسس"
سيلين:انت بعد ما سافرت عمتك بقت بتعاملنى معاملة زفت اوى كانت بتصحينى من بدرى أجهز الأكل لعيالها وأنضف وأكنس وأعمل كل حاجة لوحدى عيشتنى في مرار لولا جوز عمتك مكنتش كملت تعليمى
ومن فترة سمعتهم وهما بيتكلمو ويقولو ان بعد ما اخد الورث هيخلونى أتنازل عليه ليهم وبعدها يقتلونى ،أنا بعد ما سمعت الكلام ده هربت منهم و استخدمت الحاجات دى علشان لو شافونى ميعرفونيش لانهم بيدوروا عليا
سليم بغضب:ولاد الكلب والله العظيم لدفعهم تمن إللى علموه ده غالى أوى
،ومتستخدميش الحاجات دى تانى خلاص معدش ليها داعى
سيلين:حاضر
سليم:بتبقى قمر وانتى مطيعة كده
ضحك الجميع وقال الشاب:بقا دى المفعوصة إللى كنت قارفنى بيها.
سيلين:مين حضرتك.
ماريهان: ده البارد المستفز
سليم بضحك:ده تيم صحبى ،ودى يا سيدى سيلين اختى، ودى ماريهان أختى بردو
سيلين:اختك ازاى هوا ابوك كان متجوز على امك او امك متجوزة على ابوك
ماريهان:يخربيت تفكيرك، ده انتى تفكيرك شمال
سليم:دى ماريهان واحده صحبتى بس أنا بعتبرها أختى زيك بالظبط
ماريهان:وأبقا بنت الراجل اللي كان السبب في إنك يتيمة وخلاكى تبعدى عن اخوكى الفترة دى كلها
سيلين:إيه ده انا مش فاهمه حاجه
سليم بجدية:مافيش حاجه يا سيلين وانتى يا ماريا مش عايز اسمع حاجة فى الموضوع ده تانى فاهمه
سيلين:بس انا عايزة افهم فى اى
تيم:مش وقته يا سيلين
ماريهان:لاء وقته لازم تعرف يا سليم،
انا ابويا هوا اللى قتل ابوكى يا سيلين
سيلين بصدمة:انتى بتقولى ايه
ماريهان ببكاء:انا والله مكنتش اعرف ان ابويا كده مكنتش اعرف انه شغال فى المخدرات والقتل مكنتش اعرف انه تبع المافيا وبيتاجر في السلاح.
سيلين بصدمة:طيب انا ايه علاقة ابويا بده كله
ماريهان:ابوكى وابويا كانو يعرفوا بعض وابوكى لما عرف ان ابويا شغال فى
المافيا مسك عليه ورق وكان عايز يبلغ عنه وابويا قتل ابوكى علشان كده، أنا اسفة والله يا سيلين
ثم سقطت على الأرض وهى تبكى
سيلين ببكاء:يعنى ابوكى هوا إللى قتل ابويا وامى
سليم:خلاص يا سيلين .
ساعد تيم ماريهان فى الوقوف
بينما سيلين إقتربت من ماريهان وقالت: متزعليش انتى مالكيش ذنب فى كل اللى حصل
ماريهان:يعنى مش زعلانه مني
سيلين:لاء مش زعلانه انتى معملتيش حاجة
تيم:خلاص يا مدام قردة متعيطيش
ماريهان:والنبى حد يبعد البارد المستفز ده من هنا
سليم:هههههههههه أطفال وربنا
سيلين:طيب انا همشى بقا علشان اروح الشغل وهرجعلك تانى
سليم:شغل إيه
سيلين:الشغل بتاعى
سليم:انتى من هنا ورايح هتيجى تعيشى معايا ومافيش حاجة اسمها شغل تانى
سيلين:بس..
سليم:مافيش بس
سيلين:تمام مافيش شغل تانى بس حكاية إنى اعيش معاك دى مش هينفع لان أنا عايشة فى بيت بابا
سليم:ازاى مش كل حاجة معاهم
سيلين:البيت ده بابا إشتراه وكتبه بإسمى محدش يعرف عنه حاجة غير بابا وماما الله يرحمهم وانا والدادة بتاعتى بس
سليم:ماشى يا سيلين براحتك
ماريهان:طيب أنا جعانة اطلب لينا اكل
تيم:بذمتك ليكى نفس تاكلى
ماريهان:انت مالك انت واه ليا نفس اكل جعانة، اموت من الجوع يعنى
سيلين:اطلب لها اكل يا سليم أصل شكلها هتقوم تاكلنا
سليم:اوك هطلب اكل لينا كلنا
تيم:طيب همشى أنا بقا
سليم:تمشى ايه استنا بس
تيم :لاء همشى اشوفك بعدين سلام
_________
فى المطعم
محمد بسخرية :بالهنا والشفا يا ملاك اطلبلك حاجة تانى
م
لاك:لاء يا حبيبى مش عايزة أنا أصلا ماليش نفس
محمد:اه ماهو واضح الحقيقة ده انتى ناقص تاكلى الطبق وتاكلينى
ملاك:انت بتحسدنى ولا إيه
محمد بضحك :لاء خالص
وفى هذه اللحظة جائت فتاة وقالت:ايه مش معقول محمد
ثم قبلت خده وجلست بجانبه
محمد بتوتر:إزيك يا سوزى أخبارك ايه
سوزى:تمام وانت مبقتش بشوفك يعنى ولا علشان سبت ماريهان فمش هتسأل علينا
محمد:لاء مش كده والله بس كنت مشغول شوية
نظرت سوزى إلى الجالسة أمامها تنظر إليها بغل لتقول:اه كنت مشغول بدى ،على فكرة زوقك مبقاش حلو خالص يعنى الأول ماريهان وبعدين دى.
محمد:دى تبقا..
قاطعته ملاك قائلة:انا أبقا خطيبته يا حلوة وقريب أوى هبقا مراته ،وبما إن باين عليكى إنك عرفاه وعارفة زوقه فممكن
احتاجك لما ابقا عايزة أجيبله هدية ولا حاجة أصلى مش حفظاه زيك، وعن إزنك بقا أصلنا إتأخرنا .
ثم نظرت إلى محمد وقالت:يلا يا حبيبى علشان اتأخرنا عن إذنك يا سوزى.
وضع محمد الحساب على الطاولة وذهب برفقة ملاك التى ما إن خرجت من المطعم قالت:حلو اوى إللى حصل جوه ده
محمد:حصل ايه
ملاك بعصبية:محمد ماتتغباش انت فاهم قصدى كويس
محمد:اه قصدك سوزى
ملاك:اه قصدى زفته
محمد:مالها
ملاك:مالهاش كان عندها شوية برد وراحو أنا بسألك ايه إللى حصل ده وازاى تبوسك كده وتعرفها منين اصلا
محمد:والله أنا إتفجئت باللى هيا عملته ودى يا ستى تبقا صاحبة ماريهان
ملاك:ولو مينفعش تبوسك كده قدامى
محمد:خلاص هخليها تبوسنى من وراكى
ملاك:محمد متنرفزنيش
محمد:والله أنا إتفجئت باللى هيا عملته ده وبعدين انا عيزك تعرفى ان قلبى مافيهوش غير ملاك تمام.
ملاك:وأنا قلبى مافيهوش غير محمد وبس ومش هيبقا فى حد غيره
محمد:بس كان شكلك حلو وانتى غيرانه عليا
قامت ملاك بضربه بخفه على صدره وقالت:بس بقا
بينما فى داخل المطعم
قالت سوزى بحقد:انت هتبقا ليا أنا يا محمد ومش هسيبك تضيع تانى
_________
فى اليوم التالى
كان يجلس في مكتبه برفقة صاحبة إحدى الشركات يتناقشون معا فى امور مهمه
ليتفاجيء بدخول عشق بوجه لا يبشر بالخير
قال بقلق وهو يعتدل واقفا : عشق... في أية. ؟في حاجة حصلت؟
رمقت عشق تلك التى امامها بنظرة من راسها حتي اخمص قدميها بثوبها القصير الذي يبرز جمال سيقانها وكعب حذاءها العالي ثم نظرت له شرزا وهي تسحق أسنانها قبل ان تتوجه ناحيته قائلة بدلال : جيت اشوفك... مش مبسوط انك شفتني ياحبيبي
رفع أسد حاجبه لا يفهم شيئا ولكنه هز راسه :لا طبعا مبسوط ياحبيتي
نظرت عشق إلى التى قالت بدلال:مش تعرفنا يا أسد بيه ولا إيه
أسد:اه معلش دى تبقا ساندى صاحبة شركة كبيرة ودى عشق تبقا
عشق :ابقا حبيبته وخطيبته
ساندى بحقد:اهلا يا عشق
عشق :اهلا بيكى يا حبيبتى
ساندى بلال:طيب عن إذنكم همشى أنا ونبقا نكمل كلامنا بعدين يا اسد اصل لسه فى كلام كتير مهم.
تغنجت ساندي بمشيتها وهي تغادر لتشتعل نيران الغيرة بقلب عشق التى التفتت نحو اسد الذي ابتلع لعابه بتوتر فهو هالك لامحالة فيكفي نظراتها القاتله نحوه.... :عن إذنكم نكمل كلامنا بعدين يا اسد ... ضحك اسد عاليا علي عشق التي قلدت ساندي للتو...
لتلكمه عشق بغضب : بتضحك علي اية... عجباك اوي
امسك يدها ورفعها لشفتيه يقبلها :محدش عاجبني غيرك انتي وبس
رفعت حاجبيها بابتسامه .. حسنا استطاع ان يهديء من ثورتها قليلا.. قليلا فقط فمازالت ستقتله..!
تراجع اسد ينظر نحو ملامح وجهها التي تغيرت وهي تقطب جبينها..
اسد:مش مطمن
عشق:انت ازاى تقعد معاها ولوحدكم كده
أسد بسخرية:معلش المره الجايه هبقا اجيب امة لا اله الا الله تقعد معانا علشان متزعليش
عشق بغضب:اتريق اتريق
اسد وهو يضمها إليه:يا حبيبتى احنا بنتكلم في حاجات مهمه فكان لازم اقعد معاها
ابتعدت عشق عنه ليقوم بجذبها من الجاكت الخاص بها ويقول:حبيبى غيران عليا
عشق بإبتسامة:طبعا لازم اغير عليك مش انت حبيبى
اسد:طيب تعالى في حضن حبيبك
ويضمها اليه، حاولت عشق الإبتعاد عنه وقالت:بس يا أسد حد يشوفنا
عشق:مايشوفونا واحد وحبيبته فيها حاجة دى .
عشق:مينفعش على فكرة
اسد:بس ايه سر الزيارة السعيدة دى
عشق:ملاك قالتلى ان هيكون معاك النهاردة حبة بنات صواريخ علشان كده جيت
تذكر اسد انه اخبر ملاك بالأمس بأن لديه اجتماع مع ساندى
اسد:اه يا ملاك الكلب كل ده علشان نسيت اقول لبابا على حفلة Bts بتوعك
عشق:همشى أنا بقا
اسد:لاء خليكى شوية
عشق:لاء ورايا جامعة ولازم امشى تشاو
اسد:سلام
خرجت عشق من المكتب ليقول اسد:بحبك يا عشق يا إللى مجننانى
بعد قليل دلفت رقية وقالت:اسد بيه فى واحد بره بيقول ان اسمه تيم وعايز يقابل حضرتك
اسد:دخليه بسرعة