رواية فتون 💞
بقلم ماهي احمد
انتي يا انسه ؟
_انت بتكلمني انا
ايوه
_نعم
( بنرفزه )قلع الجاكيت بتاعه وقرب منها ولفه علي وسطها
_ انت بتعمل ايه يااذستاذ انت ؟!
( قرب منها وهمس في ودنها بصوت واطى وقلها )
هو ( بعصبيه ) : خللي بالك في بقعه دم كبيره عليكي من ورا
_ايه انت بتقول ايه 😳😳؟
( حسست علي الجيبه بتاعتها من ورا وبتبص وراها لاقيت شباب واقفه وراها بيهمسوا عليها وبيضحكوا )
لسه هتقول للشاب ده شكرا حقيقي مكنتش واخده ب...
بقلمي مآآهي آآحمد
الشاب ده ركب عربيته و سابها ومشي
اميره : ايه يافتون اتأخرتي كده ليه ده المدير لو عرف مش هيسيبك
رهف : اميره اسكتي علي اللي حصلي انا لازم ادخل الحمام بسرعه
اميره : طيب خودي ( اديتها حفاضه ) باين عليك متبهدله وانا لازم اطلع الصاله عصام بيه جاي الكباريه النهارده وحجز الصاله كلها لي لوحده
فتون وهي بتغير جوه في الحمام
فتون : ياساتر يارب مبقبلهووش الراجل ده
اميره : ده بييجي ويحجز الصاله مخصوص عشانك
بقلمي مآآهي آآحمد
مدير الصاله : ( بنرفزه ) هي فييييييين ؟
اميره : خلاص جت اهيه بتغير هدومها جوه
فتون بتكلم المدير بتاعها : ( بتوتر ) انا .. انا .. خلاص لبست اهوه
المدير : اطلعي علي البار بسرعه 😡
فتون : حاضر .. حاضر
فتون وقفت علي البار وبتاخد الطلبات عشان تقدمها لعصام بيه
اللي واقف علي البار : فتون عصام بيه عنيه مانزلتش من عليكي من ساعه مادخلتي
فتون : ربنا يعمي عنيه عني يارب ده بارد وانا بكرهه
بقلمي مآآهي آآحمد
فتون راحت علي طرابيزه عصام بيه
فتون : اتفضل
عصام بيه ( غمزلها بعنيه وهو مبتسم ) : مش ناويه تيجي بقي 😉
فتون : عصام بيه قولت لحضرتك الف مره انا مش بتاعت الحجات دي وبعدين عندك البنات ماليين الصاله اختارلك واحده منهم
(وجت فتون تلف وتديله ضهرها عشان تمشي )
عصام بيه : ( بعصبيه شدها من ايدها وقلها ) اسمعي يابت انتي انا صبرت عليكي كتير انتي فاهمه لو ماجتيش معايا النهارده مش هيحصلك كويس
فتون : اللي عندك اعمله بس مش هاجي معاك ( وسابته مشيت )
عصام بيه : بقي كده ماشي
عصام بيه : ( بعصبيه وصوت عالي ) هو فين اللي مشغلك هنا عشان اطربقها علي اللي جابه
بقلمي مآآهي آآحمد
المدير طلع يجري بسرعه وقاله
المدير : هنا يافندم تحت امرك هدي نفسك ياعصام بيه حصل اي لده كله حد ضايقك ولا عكر مزاج حضرتك ولا حاجه
فتون وقتها كانت بتشوف شغلها علي البار وعصام بيبصلها من بعيد وقال لصاحب الكباريه في ودنه
عصام بيه : اسمعني كويس انا عايز البت
دي النهارده وصدقني هدلعك وهروق عليك انت والكباريه كله
مدير الصاله : بس كده ياعصام بيه انت تؤمر
اميره سمعتهم وجريت علي فتون
اميره : فتون .. فتون الحقي اهربي بجلدك بلاش تبقي زينا انا والبنات اللي هنا
فتون : في ايه يااميره
دخلت عليهم ساره زميلتهم : بسرعه يافتون مافيش وقت غيري واطلعي من الباب اللي ورا بسرعه المدير هيسلمك تسليم اهالي لعصام بيه زي ما عمل معانا كلنا وسلمنا لغيره وغيره 😥😥
فتون : طيب اطلع من هنا اروح فين
ساره : مش مهم تروحي فين المهم تبعدي عن هنا اجري يافتون
فتون بسرعه لبست الجاكيت اللي الشاب ربطه علي وسطها علي يونيفورم المحل وطلعت تجري من الباب اللي ورا
مدير الصاله ومعاه اتنين بودي جارد جه بسرعه
مدير الصاله : هي راحت فين بنت الكلب دي .. حد يرفص النعمه بأيديه
اميره وساره: مانعرفش بس شوفناها بتستخبي هنا وشاورلوا علي طريق غلط
بقلمي مآآهي آآحمد
فتون وقتها طلعت تجري في الشارع تجري ومره واحده لاقيت عربيه jeep سودا فرملت قدامها ووقفت ونزل منها اتنين بودي جارد اخدوها وشالوها بالعافيه دخلوها العربيه
بتبص لاقيت فيها عصام بيه
عصام بيه : ( ببرود وثقه ) انتي فاكره انك ممكن تهربي مني
فتون : روح ربنا ينتقم منك
بقلمي مآآهي آآحمد
وقتها عصام بيه اتنرفز وضربها علي راسها مافاقتش الا وهي في الفيلا عنده في اوضه نومه
( ما تصلوا علي النبي )
فتون وهي ماسكه راسها وبتحاوا تفوق
فتون : انا فين
بتبص لاقيت عصام قاعد قدامها وماسك الكاس بتاعه وبيلعب فيه
فتون : بقولك ايه اوعي تقرب مني انت فاهم
عصام بيه : انتي لسه فيكي نفس تقاوحي وشرب اخر بوق في الكاس بتاعه ورماه في الارض واتهجم عليها
فتون : اوعي كده سيبني .. سيبني
فتون جابت الفاظه اللي جنبها وخبطته في دماغه وطلعت تجري من باب الفيلا من غير ما حد يشوفها بقت تجري في الشوارع مش عارفه هي فين بتبص لاقيت عربيه عصام بيه وراها وهي بتجري الكعب بتاعها اتكسر قلعت الجزمه ومسكتها في ايدها وبقت تجرى حافيه لحد ما بعدت شويه عنهم وقفت وسندت علي حيطه وهي بتنهج قالت
فتون : الحمدلله بعدت عنهم
لسه هتجري عشان تبعد اكتر بتبص لاقيت عصام ورجالته في الشارع بيدوروا عليها رجعت تاني سندت علي الحيطه وهي بتنهج وقالت
فتون : وبعدين في عصام للزفت ده بقي
اعمل ايه ياربي
بتبص لاقيت شاليه قدامها جريت عليه بسرعه وحاولت تفتح الباب اللي ورا مفتحش راحت وطت و دخلت من باب صغير اوي لاقيت بابه موارب دخلت فيه بسرعه وقفلت الباب كانت خايفه جدا لا يكون في حد جوه بقت تمشي علي طراطيف صوابعها وهي ماشيه بتبص لاقيت الشاليه كله مضلم ومافيهووش اي نور قالت
فتون : بس الحمدلله مافيش حد هنا
اول مره يبقي حظي حلو ولسه بتكلم كلامها سمعت حد طالع من الاوضه قالت
فتون : يادي النيله هعمل ايه دلوقتي
لاقيت مكواه جنبها خدتها وطلعت تجري تستخبي ولاقيت شاب طالع ومعاه كتب واول ما الكتاب وقع منه بيبص لقاهل فتون قالتله
فتون : بص انا عارفه انت هتقول ايه ؟
فتون : بس والله انا مش حراميه هحكيلك كل حاجه
الشاب ده بقي يقرب عليها وبقت هي تبعد خطوه لورا
فتون : انت بتعمل ايه
والشاب بقي يقرب اكتر وفتون مش شيفاه ملامحه قدامها من الضلمه
شايفه حد بيقرب عليها مش اكتر
فتون : اسمع بقولك اوعي تقرب عليا
وهو برضوا بيقرب راحت فتون لزقت في الحيطه ورفعت المكواه عشان تضربه بيها راح هو مد ايده عشان يشغل كبس النور والشاليه نور
فتون وقتها شافته وهو كمان شافها
فتون. : هو انت 😳😳
الفصل التاني
فتون : هو انت 😳😳
الشاب ده بصلها ولا اهتم واداها ضهره ومشي
فتون : خد هنا انت رايح علي فين بقولك .. اه انت باين عليك هتسلمني للشرطه ومشيت وراه وبقت رافعه المكواه وبتكلمه وهو مابيردش عليها ..
فتون : طيب استني .. انت اكيد رايح تتصل بالشرطه صح ..
طيب هتتصل بيهم ولا هتروح تجيب البوليس وتيجي
( برضوا مابيردش عليها )
فتون استغربت
فتون : هو انت اخرس ولا ايه 😏 ماترد
( رجع اداها وشه وبقي عصبيه الدنيا ماليا وشه)
فتون : خافت منه وقالتله .. انا .. انا ماقصدش والله بس اصل .. اصل .. انت مابتردش عليا
فتون : طيب انت مش فاكرني انا اللي انت اديتها الجاكيت بتاعك من شويه حتي بص انا لابساه اهوه انا بقي عرفت انت ساكن فين وجيت عشان ادهولك
وقتها امير ضحك ضحكه سخريه كده وقلها
امير : اول ما الناس اللي بيجروا وراكي دوول يمشوا من الشارع بره امشي انتي كمان من هنا فهماني
وبص علي اليونيفورم بتاعها لقي مكتوب اسمها عليه قلها
امير : فهماني يافتون
بقلمي مآآهي آآحمد
فتون : ايوه طبعا فهماك
بس هو انت مش هتسألني هما بيجروا وراكي ليه وايه اللي دخلك هنا وتعرف وتبقي فضولي
رجعلها تاني وقلها اسمعي انا مابحبش الدوشه ولا الرغي الكتير يعني الساعه اللي هتقعديها هنا مش عايز اسمع فيها صوتك انا داخل انام
فتون : ( بقت تبرطم وتقول ) ايه ده يا اختي ده هو فيه كده متنك علي ايه ده
امير من بعيد : سامعك علي فكره وطي صوتك وانتي بتبرطمي بعد كده
فتون حطت ايدها علي بوقها وبقت مستغربه جدا انه سمعها دي اتكلمت بهمس وبقت تقول في عقلها ازاي سمعني ده انا مطلعتش صوت
بقلمي مآآهي آآحمد
فتون بقت كل شويه تبص من ورا الشباك عشان تشوفهم مشيوا ولا لاء بس عصام بيه كان سايب بودي جارد في الشارع عشان كان متأكد انها موجوده في الشارع ده
فتون : وبعدين ياربي اعمل ايه انا دلوقتي .. ماينفعش البني ادم اللي جوه ده يصحي يلاقيني هنا يارب الزفت اللي بره ده يمشي كده ولا كده خليني اخرج
فتون وقتها حست بالجوع دخلت علي المطبخ وهي بتتحرك علي طراطيف صوابعها عشان امير مايسمعش وفتحت التلاجه بالراحه اووووي وبقت تطلع الاكل علي طرابيزه المطبخ وقعدت تاكل اصلها طول اليوم مكانتش أكلت اي حاجه ومره واحده وهي بتشيل الاكل .. الطبق وقع منها اتكسر
فتون : يانهار اسوووووود
بقلمي مآآهي آآحمد
جت تلم الطبق بسرعه عشان ترميه قبل ما امير يصحي رجعت لورا اتكعبلت الطرابيزه اللي عليها الاكل كلها وقعت وبقي المطبخ كله متلخبط علي بعضه وكل حاجه في الارض
امير طبعا سمع صوت التكسير في المطبخ صحي من النوم وجري لقي فتون واقعه في المطبخ والطبقه كلها مرميه عليها والمطبخ كله متكسر
امير : ( بغضب شديد ) انتي عملتي ايه 😡
فتون وهي خايفه : انا .. انا .. اسمع بس هقولك .. اصل انا كنت جعانه اوي والله وبعدين من غير ما اقصد راحت الطبقه كلها وقعت مني
امير : اتنهد والتنهيده كانت طالعه من قلبه وحط ايده علي وشه وقلها
بقلمي مآآهي آآحمد
امير : اطلعي بره
فتون : ثواني انا .. انا هلملك كل حاجه وجت عشان تلم الطبقه ايديها اتعورت وبقت ماسكه ايديها وكلها بقت دم راحت ماسحه الدم في المفرش
امير بص للمفرش اللي بقي ماليان دم واتعصب اكتر وقلها
امير : ماتعمليش حاجه ..
فتون برضوا بتشيل في الطبقه المكسوره ومش بتسمع كلامه
راح امير زعق وقلها
امير : قولتلك ماتعمليش حاجه انتي فاهمه 😡
ومسكها من ايديها وحطها تحت الحنفيه وقلها اشطفي ايدك من الدم لا توسخي حاجه تاني
فتون : ( بتوتر ) حاضر ..حاضر
بقلمي مآآهي آآحمد
فتون غسلت ايدها وامير قلها اطلعي بره المطبخ
فتون : ايوه بس مين اللي هيشيل الحاجه دي
امير : مش شغلك
امير بقي يبص للمطبخ المتبهدل ده وبقي مش عارف يعمل ايه مره واحده فتون تليفونها بقي يرن
فتون حطت ايدها في جيبها وطلعت الفون
فتون : ايوه يا اميره
اميره : انتي .. انتي فين يافتون
فتون : انا في شاليه من الشاليهات بس قوليلي انتي اللي فين انا لازم امشي من هنا ضروري
اميره : انا علي البحر علي شاطئ بردايس تعاليلي علي هناك
فتون بتبص من الشباك لاقيت البودي جارد مشي قالتلها
فتون : انا جيالك حالا علي شاطىء بردايس ماتتحركيش يا اميره
فتون راحت لامير وايدها بتنزل نقط دم علي السجاده ودي حاجه مضايقه امير جدا راح لسه هتتكلم راح امير بسرعه جاب مناديل ومسك ايدها ولف المناديل علي ايدها
فتون : ابتسمتله وقالتله متشكره ليك اوي
امير : ده عشان الدم بتاعك ماينزلش علي السجاده
فتون بصيتله بصت غيظ وقالتله
فتون : انا عارفه .. انا اقصد متشكره انك مش طلعتني من بيتك رغم كل الدوشه اللي عملتهالك دي
امير : لا عادي مافيش حاجه
بقلمي مآآهي آآحمد
فتون : انا ماشيه واه اتفضل الجاكيت بتاعك جت تقلعه عشان تدهولوا قلها
امير : لا خليه
فتون : لا متخافش انا مش سقعانه انا كويسه اتفضل خده 😊
امير : بقولك خليه عشان ماينفعش اخده بعد ما دمك بقي عليه
فتون : اتضايقت اكتر وقالتله بقي كده وانا بقي مش هاخده وقلعت الجاكيت ورمته علي الارض وسابته ومشيت امير شاف الجاكيت علي الارض وبرق 😳
فتون : اه سورى نسيت بهدلت الارض ومش هنضفها وفتحت الباب ورزعته وراها ومشيت
امير : طلعتلي منين دي
ودخل علي المطبخ ينضف اللي فتون عملته اصل امير ده نضيف جدا وبيكره الكركبه ودايما بيته مترتب
بقلمي مآآهي آآحمد
فتون بقت تبص شمال ويمين في الشارع وهي ماشيه مالقيتش حد وبقت تجرى تروح لصحبتها علي شاطىء بردايس
وقتها امير وهو بيشيل الجاكيت بيبص لقي فيه محفظه فيها كل حاجه تخص فتون كارنيه الجامعه وفلوسها وبطاقتها وكل حاجه تخصها حرفيا
بقلمي مآآهي آآحمد
فتون اول ما راحت كانت اميره مستنياها بتبص لاقيت اميره وشها كله دم وكدمات وشعرها منكوش وهدومها متقطعه
اميره ( بعياط ) : انا اسفه يافتون حقك عليا
فتون : اميره مين اللي عمل فيكي كده
عصام ظهرلها وقلها
عصام : شوفتي عرفت اجيبك ازاي ☺️
راح شدها من شعرها ناحيته وقلها
عصام : انا عصام بيه اللي الدنيا كلها تحت رجله حته بت زيك ماتسواش تلاته ابيض تعمل فيا انا كده ولسه هيضربها بالقلم علي وشها ورفع ايده
امير وقتها مسك ايده وقاله
امير : مش عيب لما ترفع ايدك علي بنت
وزقه برجله في بطنه وقعه في الارض فتون وقتها جريت علي امير واتخبت فيه
عصام : امير 😳
عصام : انت بتعمل ايه هنا وازاي تضربني كده
امير : مش من الذوق انك تضرب بنات الناس كده ياعصام وخصوصا لو حد يخصني زي فتون
عصام : ومن امتي فتون تخصك بقي يا امير
امير : من اللحظه دي ياعصام فتون تخصني ولو قربتلها اكنك بتقرب مني انا شخصيا وانا زعلي وحش وهتزعل مني
عصام : ده كان زمان يا امير قبل الحادثه مش دلوقتي خالص وقت نفوذك وقت ما كنت قوي برجاله ابوك وبأبوك شخصيا لكن دلوقتي
تؤ تؤ ما بقيتش تخوف خلاص
امير : بص لفتون اللي متخبيه ورا ضهره وشاف نظره الرعب في عنيها هي وصحبتها اداها المفتاح بتاع العربيه وقلها خودي صحبتك واستنيني في العربيه
فتون خدت المفتاح ولسه جايه تمشي عصام قام وقال للبودي جاردات اللي معاه البت دي لو اتحركت من هنا فيها موتكم
البودي جاردات ابتدت تتحرك ناحيه فتون وفتون رجعت تاني تتحامي في أمير وبقت ماسكه فيه مش عايزه تسيبه امير رجعها ورا ضهره وفك الحزام بتاعه من البنطلون وبقي
كل اللي يقرب منه يضربه بالحزام ومسك البودي جارد موته من الضرب هو والتاني لحد ما وقعوا في الارض وعصام وقتها اتضايق جدا ومره واحده بعد ما خلاص امير خلص عليهم تقريبا ظهر اربعه بودي جاردات تاني جايين علي امير من بعيد
بقلمي مآآهي آآحمد
امير مسك فتون من ايدها وطلع يجرى علي العربيه
فتون : استني اميره مش هينفع نسيبها
امير شال اميره وحطها علي كتفه وركب العربيه بسرعه وبعدها لسه هيركب لقي .....