رواية الحب كله
💥 بقلم سلطان زماني
اول ما دخل فضل ينادي عليها
نهي يا نهي انتي نايمة ولا أي يا حبيبي يفتح كل الغرف
مفيش نهي
...معقول تكون نزلت تجيب حاجه من تحت وطلعه أو راحت
لمامتها.بس كانت قالتلي غريبة دي
مسك موبيله اتصل مفيش رد ساب الموبيل ودخل الحمام
اخد شاور وطلع بيسرح لاقه الورقة قراها اتعفرت رجع قد ع
السرير وف ايده الورقه
..وبعدين بقا معاكي يانهي مش هتبطلي لعب العيال ده هو
انتي كل ما مامتك توحشك وتحبي تقعدي معها يومين
تحبيها بزعله علشان تقعدي واسمك غضبانه برحتك خليكي
لحد ما تشبعي منهم برحتك
----------------------**-*******--------------------------------
في بيت نهي :
الام ..مش هتكلي برضو يابنتي
_ لا ياماما مليش نفس اول ما هعوز هاكل هقولك هو أنا هتكسف
الام..مش هتقوليلي مالك طيب ..وشك مخطوف وحسه انك
مخبيه عني حاجه
_ لا. يا امي مفيش حاجه أنا بس كل ما افتكر موضوع
الإجهاض بزعل وبحس بخنقه جوايا
الام ..ربنا يعوضك ياحبيبتي انتي لسه صغيره والعمر قدامك
انسي حبيبتي وعيشي حياتك وسنك
_ بحاول والله ياماما انتي بس ادعيلي علشان أنا نفسيتي تحت الصفر
الام بدعيلك والله ياحبيبتي في كل صلاة ده انتي البكريه حبيبة امك
حضن امي اكني اخدت مسكن هددددديت خالص وبحاول
اجمد قلبي اني مضعفش وأكمل في طريقي وهعرف بابا اول
ما يجي وهو يبقا يتكلم معه وانا افضل بعيد لحد ما يطلق
رحت مسكت الموبيل علشان اكلم ايمان بنت عمتي تيجي
تقعد معايا لقيته اتصل بيا 28 مره اتخضيت عمرها ما
حصلت وانا لسه بطلع الرقم بتعها لقيته بيتصل فتحت ومتكلمتش
..الووووو يانهي يابنتي انتي يازفته
_ أنا ليا اسم علي فكره
..نهي انتي بتستعبطي اي الي بتعمليه ده
_ اي الي بعمله يا ادهم
..تسيبي البيت من غير ما اعرف وتقوليلي
ده انتي عمرك ما عملتيه واكلمك ومترديش واي الي مكتوب في الورقة ده
_ اولا أنا سبتلك البيت من غير ما اعرفك ده علشان أنا مش رجعه بيتك تاني اصلا
وثانيا تكلمني واردش دي حرية أنا مش مجبره اني ارد
وثالثا بقا الي مكتوب في الورقه ده ده الي سيادتك هتعمله
..ورابعا ايه بقا يانهي
_ رابعا أنا عايزة اقفل ولو سمحت متتصلش تاني
..الوووو الووووو دي قفلت بنت المجانين هي البيت دي
مالها اتهبلت ولا عقلها ضرب ...كل ده علشان مرضتش اروح
معها عند امها وعلشان البنات ركبو عربيتي وعلشان كلت
الحمام ونمت ..امال لو تشوف البلاوي الي صحابي بيعملوها
كانت عملت اي فيا ....البت دي علشان عارفه انك بتحبها
اتفرعنت واخدت في نفسها مقلب علشان ع طول هدايا ومش
حرمها من حاجه بتعمل كده
خليها تتربي وتتعملم الادب عند امها لحد ما تقول حقي برقبتي .
.أسامة صحبك ما قالك لما مراته غضبت
وراحت عند اهلها وشافت الويل هناك رجعت تمشي
علي الصراط المستقيم فكك منها خليها تتعمل الادب
.........---------------...........-------------...........---------------
اتصلت ب ايمان حكتلها الي حصل
ايمان ..احسن يستاهل ما هو البني ادم الي ميقدرش النعمه
الي ربنا انعم عليه بيها بتزول منه اوعي تنخي ولا تحني اثبتي
_ اثبت اي بس ده ده انا سبحان ما قواني وعرفت اقوله الكلمتين دول ادعيلي باله عليكي
ايمان ..بصي أنا نصحتك كتير وانتي الي قلبك ده موديكي
في داهية الرجل يحب الست الي يجري وراها مش الي
بتجري وراه الي تشغله مش الي مشغوله بيه
كل ده ومفهمتيش ومتعملتيش يا نهي
_ أنا نفسي اعرف اي غيره كده ادهم مكنش كده ..ادهم
مكنش يرتاح غير وهو في حضني كنت أنا صحبته واخته
ومامته وبنته وكل حياته أنا بقول اكيد الشلة بتاعته دي
ايمان .. شلة اي الي تغير راجل ميغيرش الرجل علي مراته كده الا وحده زيها
_ قصدك أنه
ايمان ..هو صنف كله خاين ياحبيبتي اساليني أنا
_ بصي أنا اصدق عنه اي حاجه الا الحاجه دي
ايمان ..أنا كنت بقول ذيك كده واكتشفت أني حماره ونايمه ع وداني
_انا مش عارفه هقول لبابا أي لما يسالني ع السبب أنا عمري
ما حكتلهم حاجه عن المشاكل وديما كنت بشكر فيه قدامهم
وبتظاهر اني احنا كويسين مع بعض والحياة زبادي في الخلاط
ايمان ..قوليله انك تعبتي وانك حاولتي تكملي وتعيشي بس
مقدرتيش وانك كاره العيشة معه ومش مطمنه ولا مرتاحه
هو انتي مش خدني هدومك ودهبك وحاجتك من هناك
_ لا مختش حاجه قولت هلبس من هدوم ندي اختي لحد ما اشوفهم هيعملو اي
ايمان ..ياخايبه دلوقتي ياخد الدهب ويقول انك اخدتيه
معاكي زاي ما عمل معايا طارق
_انا مش فارق معايا الكلام ده ..وادهم ميعملش كده
ايمان..ادهم ادهم ادهم ده شكل واحد كارهه وعايزة تطلق
والنبي شكلك هتفضحينا وهترجعيله في الاخر
_ ارجع ده اي ياماما خلاص خلصت يا ايمان ادعيلي بس ربنا يصبرني هروح اشوفه عمال يتصل كتير
ايمان.روحي ياموكوسه روحي
_ ايوا ياادهم خير