رواية الحب كله
💥بقلم ✍️ سلطان زماني
الفصل الاول والثاني
..نهي ابوس ايدك نفسي يوم واحد يعدي ياحبيبتي من غير ما تنكدي عليا
_ أنا مش نكدية انت الي بقيت لا تطاق أنا مبقتش مستحمله خلاص العيشة دي طلقني
..انتي اتجننتي رسمي اطلقك علشان مش عايز اروح معاكي
عند مامتك ياحبيبتي ده يوم اجازتي وما بصدق ارتاح فيه
واشوف صحابي
_ وهما صحابك دول اهم مني ومن امي
يارب خدني وريحني لا ياحبيبتي مفيش حاجه في الدنيا دي
كلها أهم منك ومن امك
_ امك اسمها مامتك ياريت ناخد بالنا من الكلمة
..نهي هتيجي اوصلك في طريقي ولا هتركبي اوبر 😐
_ لا ما أنا خلاص غيرت رأي وقاعدة قولت يابت مينفعش
تسيبي جوزك حبيبك يوم إجازته لوحده وبالمره اونسك
..يعني انتي بعد ما اقعدنا نهري بقالنا ساعتين وصدعتيني
ولبسنا هدومنا غيرتي رايك
_ لو عايز تسبني يوم إجازتك الي هي اصلا من حقي أنا
وتروح لصحابك الي هما مش اهم مني اتفضل روح أنا مش
همنعك😡
..لا اروح فين بقا يولعو صحابي ....انتي عايزة اي يانهي انتي
مش شايفه انك بقالك فترة مش بتعملي حاجه في حياتك
غير انك بتنكدي عليا يانهي
_ومخدتش بالك أنا بنكد ليه ..وانا ليه بقيت كده يا ادهم انت
مبقتش تقعد معايا ولا تتكلم زاي الاول ولا تهتم بيا أنا فين
من يومك وفين من حياتك
عايزة تقدير عايزة احس اني نمبر 1 زاي زمان عايزك تبادلني
نفسي الشعور انت مفيش مره تقولي تعالي نزور اي حد من
اهلك الا واروح معاك وكمان أنا الي بشجعك علي ده
عمر مامتك ولا باباك اشتكي اني مقصره في سؤالي عليهم
أو زيارتهم عمري انا حسستك انهم ناس غير مرغوب فيهم
وانا مسترخماهم أو مستصعبه المشوار أو أنهم تقال علي قلبي
مش عايزة غير المساواه
و المعاملة بالمثل مش اكتر ولا اقل يا ادهم
غضبت واتعصبت وجريت دخلت اوضتها وقفلت
وانا مش عارف هي مالها وبقالها فترة نكد وخصام وزعل
وتلكيك ده انا بقيت بحب الشغل علشان ارحملي من قعدتي
معها ونكدها بستنا يوم الإجازة علشان تروح تبات عند مامتها
واترحم من نكدها يوم وبعدين معاكي بقا يانهي أنا تعبت
رواية الحب كله
💥 بقلم ✍️ سلطان زماني
الفصل الثانى
_اعملك اي ياحبيبي علي الغدا
..اي حاجه من ايدك حلوه يا قلبي
_مش عايز اعملك حاجه معينه يعني بتحبها
معرفش بقا يانهي قولتلك اي حاجه يلا سلام ياروحي عايز الحق الشغل
..كلمتني وانا في الشغل في وقت البريك بس انا كنت
مشغول مع واحد صحبي كان بيحملي لعبة علي موبيلي
وبيعلمني العبها ازاي
_ حبيبي أنا عملتلك الاكله الي بتحبها حمام محشي فريك
وحماتي قالتلي الخطوات كلها تعبني اوي في عمايله
..تسلم ايدك مقدما ياروحي لما هرجع هبقا ادوقه
_متتاخرش بقا وتعالي ع طول وهات معاك بيبسي
..حاضر حاضر سلام وقفلت
رجعت كلت الحمام من هنا ولا اكني خدت منوم نمت صحيت
الساعة ٨ لقتها قاعدة في نفس المكان الي بتنكد منه كل يوم
عرفت اني في محاضره قبل ما تتكلم هي قولتلها
..بس بصراحة تسلم ايدك ع الحمام
احسن من المره الي فاتت بكتير ده انا كنت هاكل صوبعي وراه يا روحي
_ الف هنا ع قلبك نمت كويس
اه محستش بنفسي علفكره أنا كنت داخل اجيب السجاير
بتاعتي من جيب القميص اي الي نيمني مش عارف ده انا
اتخضيت لما لقيت الساعة ٨ مجتيش نمتي جنبي ليه
_لا ما أنا لميت الاطباق وغسلت المواعين وقولت اكيد البيه
هيقعد معاكي دخلتلك لقيتك نايم
كنت تعبان اوي ما تيجي نروح نقعد عند بيت بابا شوية
_ اه عايز توديني وتطلع تسلم عليهم وفجأة ملقكش زاي كل
مره وتروح تقعد مع صحابك ولما تخلص تعدي عليا نروح مع
بعض وتسبني وتدخل تنام علي الشغل الصبح
..مالك يا نهي ليه كل حاجه كده تعملي منها حوار وحكاية هو
أنا بسييك في الصحراء ما انتي مع اخواتي وبتقعدو تهزرو
وتضحكو وبتبقي مبسوطه معاهم بجد دي مبقتش عيشة
_ انهي عيشة دي الي بتتكلم عنها ده انا لو شغاله في البيت
ده هتعاملني احسن من كده مش واخد بالك انك بقالك مدة
كبيرة مقعدتش معايا مقولتليش كلمة حلوه حتي مشاكل
الشغل مبقتش تحكيلي عنها لردجادي يا ادهم أنا مبقتش
فارقه عندك 🥺
سبتها ولبست ونزلت رحت قعدت ع كافيه لوحدي من الخنقة
وكاره نفسي وبقول اشمعنا هي الي كده ما كل صحابي
متجوزين وعايشين حياتهم وبيخرجو ما تكلم أهلها ولا
صحابها تنشغل عني أنا مبقتش فاضي بقا ل جو النحنحه
والرومانسية ده انا قرفت
جاني واحد صحبي فضلنا قعدين لحد الساعة ١٢ جبت لبن
وزبادي وشوية حلويات هي بتحبها وطلعت لقتها نايمه
مرضتش اصحيها ونمت في الاوضه التانية