الفصل التاسع
والعاشر
بقلم ملك ايمن
عدي اليوم واشرقت شمس صباح تعلن عن مولد يوم جديد
صحي ليث بص ملقهاش جنبه قام وقف نده عليها
وخبط ع باب الحمام ومفيش رد فتح الباب ومش جوه خرج سال كل
واحد من الشباب وبردو مفيش لها اثر نزلو الشباب سالو الاستقبال
غيث: لو سمحت شوفت بنت قصيره وشعرها احمر خرجت
الشاب: ايواه يافاندم الصبح خرجت
ليث: مقلتش رايحه فين
الشاب: لا ولله يافاندم
حاله من الجنون تملكت منهم هتكون فين دي في بلد غريبه عنها واول
مره تخرج لوحدها عدت ساعات ومفيش اثر لها
بلغو الشرطه ولكن مينفعش بلاش الا بعد اربعه وعشرين ساعه
ليث: انا هتجنن هتكون راحت فين لي تخرجي لي
مسلم بتوهان:
م ممكن تكون بتدور ع اهلها
معتصم: مظنش لي هنا كانت هتستني لما ترجع القاهره
غيث: مفيش حد هنا عشان تروحله دورنا عليها
حوالين الفندق وبردو برج من نفوخي هيطير اي الارض اتشقت وبلعتها
قاطع حديثهم دخول شاب من الاستقبال
الشاب'في مواصفات البنت دي تحت
نزلو كلهم جري اتلفتو ملقوهاش
غيث: فين دي
الشاب: معرفش كانت هنا يا سلطان فين البنت الي قلتلك خليها قصادك
سلطان: جوه عند البسين راحو عند البول كانت قاعده ضامه رجلها لصدرها وباصه للبول وسرحانه ليث قرب منها بسرعه
مسكها من دراعها وقفها
ليث: انتي كنتي فين ازاي تخرجي لوحدك ازاي وشدها حضنها وكمل
كنت هموت حرام عليكي قلبي وجعني اوي لي يانجمه تعملي كده كنتي فين
نجمه بصتله وفجأه فقدت الوعي شالها بسرعه قبل ما جسمها يلمس
الارض وطلع ومسلم جاب الدكتور وطلع وراهم جه الدكتور وكشف عليها وبعد فتره طلع
غيث: ها فيها اي
الدكتور؛ الانسه مكالتش حاجه من امبارح وده
سبب لها هبوط في الدوره الدمويه انا علقتلها محاليل واول ما تصحي ياريت تاكل كويس وكمان ابعدو عنها التوتر الفتره دي
معتصم: مفهوم شكرا يادكتور اتفضل حضرتك
مشي الدكتور ودخلو قعدو ع السرير جنبها
مسلم: ياتري اي الي خلاها تمشي
معتصم: مفيش حاجه في دماغي لكن الاكيد انه شئ كبير
غيث: تفتكرو بوسي وراه الحوار ده
ليث: لو ده صح انا هندمها ع اليوم اللي اتولدت فيه جهزو نفسكو ياشباب هنمشي من هنا
مسلم: ع فين
ليث: هنفسحها بس بعيد عن المدرسه لازم نفهم اي الي بيدور في راسها كويس
غيث: ايواه لازم تخرج من التوتر ده
ليث؛ طيب يلا روحو خرجو الشباب وليث كلم
الاوتيل بعتلهم اكل وقعد جنبها بيلعب في شعرها بحنانه الموعود
ليث: نجمه نجمتي يلا قومي عشان تاكل يلا
نجمه: امممم اعااا قامت مفزوعه بصت لاركان الغرفه وبعدها بصت لي ليث بخوف
ليث: ههششش ده انا انا ليث اهدي انتي خلاص ياروحي هنا في حضني
متقلقيش خلاص وحضنها واتنهد وقال خلاص ياروحي بقيتي في حضني اهو
نجمه: اي الي حصل
ليث: بعدين نتكلم بعد ما تاكلي يلا
نجمه: لالا موش حعانه
ليث: لا لازم تاكلي عشان ورانا مشاوير كتيره يانونو وقرص مناخيرها يلا وابتدي ياكلها
نجمه: هوا الباقي مش خايفين عليا
ليث: لا طبعا خايفين عليكي بس بيلمو هدومهم هنروح اوتيل تاني
نجمه: يعني هما اطمنو عليا قبل ما يمشو ولا سابوني ومشيو
ليث بابتسامة: دول مكنوش عاوزين يطلعو من هنا
غير لما تصحي بس انا قلتلهم يجهزو تفسهم عشان نتفسح
نجمه بابتسامة: بجد
ليث: اها يلا كملي اكل
نجمه: لالا مش قادره اتمليت
ليث: دي عشان خاطري
نجمه: حاضر واكلتها
نجمه: احم هوا انا ممكن اطلب طلب صغنن قااااد كده
ليث بضحك: قد اي
نجمه: كده
ليث: امم واي بقا يا ست البنات الطلب الي قاااد كده
نجمه: ممكن تنسبني ليكم
ليث: مش فاهم
نجمه بخجل: ممكن تغير اسمي ل نجمه بدر الشيمي
ليث بعفويه: لا طبعا
نجمه بدموع: لي انا عاوزه اكون منكم
دخلو الشباب في اللحظه دي وهما بيهزرو مع بعض
معتصم: اي ده نونو فاقت الف حمدله ع سلامتك
ياست البنات وباس راسها والكل عمل كده
نجمه: تعالو احضرونا
ليث: نجمه خلاص
نجمه: لا هقولهم انا عاوزه انسب نفسي ليكم يعني
اكون نجمه بدر الشيمي مش احمد عاصم
غيث: ايوه يانجمه بس انتي عارفه ان ده صعب جدا
نجمه: بس انا عاوزه كده عاوزه اكون منكم واكون شئ يخصكم حتي ولو بالاسم
ليث: انا مستعد انسبك لينا لكن بطريقه تانيه
الكل اي هي
ليث يتردد: هتجوزك
بوووووم
فتااه واربع شباب
الفصل العاشر♡
ليث: هتجوزك
صدمه اللجمت لسان الكل
غيث: تتجوز مين انت اتجننت
ليث: لا هنسبها لينا
مسلم: الكلام ده لو احنا مطرين
ليث: هي عايزه تتنسب لينا
معتصم: بس اكيد مش عاوزه تتجوز دلوقتي ولا اي يانجمه
اكبر حصه من الصدمه كان من حظ نجمه الي كانت بتبصله وهي مش عارفه تنطق
غيث شد ليث وخرج معاه ومعتصم وراهم ونجمه قعدت ع السرير مسلم راح قعد جنبها
مسلم: نجمه اي رايك في الكلام ده
نجمه: انا مش عارفه
مسلم: محدش هيغصبك ع حاجه الي انتي عوزاه هوا الي هيحصل
نجمه بصتله وسكتت
꧁꧂
عند. الشباب
غيث: انت مجنون عارف بكلمتك دي حتي لو محصلش نظرتها ليك هتتغير
ليث: ده هيبقي جواز صوري يعني شكليا بس عشان النسب
معتصم: انا خايف من النتيجه تفكير نجمه هيكون اي
ليث: اوووف خلصنا بقا انا هتكلم معاها وراح لاوضت نجمه دخل وطلب من مسلم يخرج وفعلا خرج
ليث بتوتر: اسمعي يانجمه الجواز هيكون صوري يعني شكليا وبس و ولو مش موافقه اعتبريني مقولتش حاجه فتره بس لحد ما تجيبي سنك القانوني و اطلقك
نجمه: انت مش مجبر تعمل كده
ليث: السنه الي جايه هيطلب منك اثبات قيد و وقتها هيتعرف انك من ملجأ
نجمه: حتي لو وافقت مفيش حاجه هتتغير
ليث: هتكوني مراتي هتتنسبي ليا يانجمه هااا موافقه
نجمه بصتله كتير واخدت نفس: موافقه
ارتاح من جواه ع موافقتها وانه قدر يقنعها
بلغ الشباب وقالهم كتب الكتاب لما يرجعو القاهره وفعلا اخدو حاجتهم وراحو فندق تاني وقضو وقت حلو جدا ونجمه نسيت موضوع الجواز ده زعلت من جواها لما قال هيطلقها لكن مفيش في ايديها حاجه محتاجه انها تتنسب لحد عشان تتخلص من التنمر الي بتتعرض له وانهارده هيرجعو القاهره
ليل: الو انتي فين يابت
نجمه: في القاهرة ياليل روحت
ليل: حصل حاجه ولا ايه
نجمه: بعدين هحكيلك كل حاجه
ليل: خلاص ماشي ابقي طمنيني عليكي ياقلبي سلام
نجمه: سلام وقفلت معاها
دق دق دق
نجمه: ادخل
دخل غيث وقال بجمود
غيث: اللبسي يلا رايحين للماذون
نجمه: حاضر هوا خرج وهي قامت طلعت دريس بعد الركبه بشويه شتوي اسود وتلبيسه سودا وسابت شعرها ونزلت
كان كان ليث لابس چاكيت جملي وتيشرت ابيض وبنطالون فراني
خرجو الشباب وهي كانت خارجه مشي جنبها
ليث: مش شايفه ان الطقم ده ضيق شويه
نجمه: لا مناسب وخرجت وهو خرج وراها بضيق ركب غيث وليث ونجمه في عربيه ومسلم ومعتصم في عربيه ومشي ورا بعض وبعد شويه وصلو للماذون وطلعو وقال الماذون جملته الشهيره
بارك الله عليكم وجمع بينكما في خير)
نزلو وغيث قال انه هيركب مع معتصم ومسلم ونجمه ركبت مع ليث
نجمه: احم هنعلن امتي
ليث: بصلها ورجع بص للطريق: شويه كده
نجمه: تمام
وصلو البيت وهي طلعت اوضتها وليث اوضته كان متضايق من تصرفات نجمه معاه والشباب قعدو في الصالون
غيث:: تفتكرو صح الي حصل ده
معتصم: مش عارف الواحد دماغه مش راكبه
مسلم: عشان اغبيه
غيث: نعم ولي بقا يافيلسوف عصرك
مسلم: عشان ليث بيحب نجمه
الكل ايه
معتصم: اي الجنان ده
مسلم: انتو بجد لسه مفهمتوش تفتكرو لي كان بيتعصب لما اقرب منها او هي لي زعلت لما قرب من بوسي ده كله لسه مفهمتوش
غيث: حاجه متدخلش العقل
معتصم: طب وبعدين
مسلم: ولا قبلين هنسويهم لحد ما يعترفو بكده
