رواية حكاية نور
الفصل الاول1والثاني2والثالث3والرابع4 والخامس 5
بقلم امل سليم
فى الصباح ... فى حى من الأحياء الشعبية فى الاسكندرية ...
تستيقظ فتاة على منبها الصباحى ....
((نور فتاة ذات ٢٢ عام .. متخرجة من كلية التجارة ..
فتاة غاية فى الجمال بعينيها العسلى وقوامها الممشوق وشعرها الذى يشبه خيوط الشمس ... هى تعمل بمطعم نادلة لعدم وجود فرصة عمل بشهادتها
لديها اب قاسي كل همه فى الحياة المال .. )))
نور : يا ربى اسكت بئا .. تقول للمنبه ..
الاب وهو محمود : اصحى يا موكوسة عشان تروحى الشغل ... .
نور : حاضر حاضر ..
تقوم نور وتتجه للحمام وتأخد دش وتتوضى وتتجه لأداء فريضتها ...
وبعدها تلبس ملابسها ..
نور : صباح الخير يا بابا
محمود : صباح الزفت يا ختى .. سيبى فلوس قبل ما تنزلى ...
نور : ممعيش فلوس ..
محمود وهو يمسكها من يديها بقوة : نعم يا ختى معكيش ايه ..
نور : يا بابا نفسي اشترى جذمة سيب الفلوس ال معايا انهاردة ..
محمود : هانى الفلوس بدل ما جيب الجذمة ديه فوق دماغك ..
نور : اتفضل ايه .. انا نازلة ..
محمود : فى داهية ...
فى شركات الجارحى ...
حسام : ايه يا بوص .. عامل ايه ...
ادم : بوص مرة واحدة .. تمام يا خويا ..
حسام : طبعا بوص لما تاخد الصفقة على اخر لحظة من هشام الألفى تبقى بوص ..
ادم : هههههه ما انا عاملها على اخر لحظة عشان تبقى مفاجأة ..
حسام : ديه مفاجأة فى الجون ...
ادم : عشان تعرف بس ..
حسام : ايه اخبار ولاد اعمامك ..
ادم : تعبت يا حسام من تفكيرهم ..
حسام : معلش يا ادم بكرة يعقلوا ...
ادم : يارب يا حسام ..
(( ادم الجارحى .. شاب ذو ٢٥ عام .. وسيم
لأقصى حد .. كل الفتيات تتمنى نظرة منه .. من عيونه الرمادى الرائعة .. لكنه لا يريد ولا واحدة منهم .. يتميز بالصرامة فى عمله ... ونجاحه أيضا .. وذكائه الحاد ... ))
وصلت نور المطعم الذى تعمل بيه وتقابل صديقتها سهى ..
سهى : نور حبيبتى عاملة ايه..
نور بحزن : كويسة يا سهى ..
سهى : مالك يا نور .. اوعى تقوليلى ابوكى ..
نور : هو فيه غيره ..
سهى : عملك ايه تانى ..
نور : كنت شايلة فلوس اشترى جذمة .. ضربنى وخدها منى ..
سهى : معلش حبيبتى .. ربنا يهديه ...
نور : يارب .. انا هروح اغير ..
سهى : ماشي حبيبتى روحى ...
نور راحت غيرت هدومها عشان تستلم عملها ...
سهى : نور خدى العصاير ديه وديها تربيزة ٥ ..
نور : حاضر. ...
نور كانت ماشية مش مركزة بسبب ال هى فيه ..
عند تربيزة ٥ ...
مشيرة : الواد دة أنا تعبت منه مش عارفة نعمل معاه اقتله واخلص ..
حازم : أهدى يا مشيرة بئا ما كلنا بنفكر اهو ..
مشيرة : وانت يا حسام ساكت ليه ..
حسام : مستنيكى تهدى .. عشان اكلم ..
مشيرة : وادينى هديت .. انطق ..
حسام : انا فى خطة فى دماغى لسه برسمها لو خلصتها .. هقولكوا عليها وننفذها .. ساعتها هنخلص من أسطورة ادم الجارحى ...
نور راحت لتربيزة ٥ وهى بتحط العصائر وقع عصير على مشيرة ..
مشيرة بغضب : انتى يا متخلفة مش تحاسبى ..
نور : اسفة يا هانم اسفة ..
مشيرة : فين المدير ال هنا فين ..
نور ببكاء : ابوس ايدك لو عرف هيرفدنى انا اسفة ...
حسام : خلاص يا مشيرة محصلش حاجة اقعدى بئا ..
روحى انتى يلا ..
نور : شكرا ..
ملحوظة (( مشيرة عمة ادم ... حازم ابنها .. حسام ابن عم ادم التانى ...))..
عند نور وسهى ..
سهى : مالك يا نور بتعيطى ليه ..
نور حكت ل سهى ال حصل ...
سهى : معلش حبيبتى الحمد لله ... هما الناس ال معاهم فلوس كدة ..
نور : ااااه تعبت يا سهى تعبت يارب ارحمنى بئا ..
سهى : أهدى يا نور أهدى .. يلا قومى عشان الزفت المدير ميزعقش ...
نور : حاضر ...
الفصل الثانى ٢
فى شركات الجارحى ..
مشيرة : ادم عايزة ٥٠ الف جنيه ..
ادم : ليه يا عمتى..
مشيرة : عيزاهم وخلاص ..
ادم : عمتى حضرتك بتصرفى كتير اوى صراحة ..
مشيرة : حقى يا ادم .. ادم مش عشان جدك كتبلك كل أملاكه .. هتتحكم فينا ..
ادم : عمتى مش هنخلص من الموضوع دة أنا عارف .. عن اذنك عندى معاد ...
مشيرة فى نفسها : حسابك تقل اوى يا ادم ..
فى المطعم ...
مشيرة : بقولكوا ايه .. انا تعبت شفولى حل بئا. .
حسام : انا عن نفسي خلصت خطتى فاضل تعرفوها وننفذ ..
مشيرة : ما تنطق ...
حسام : حاضر .. أهدى ..بصوا احنا نجيب بت ل حسام يحبها واحنا نبقا متفقين معاها انها تمضيه على أوراق التنازل بطريقة احنا هنقولها عليها ..
مشيرة : وهتبقا مين البت ديه ..
حسام : لسه مش عارف .. بس لازم نمسك عليها حاجة عشان تبقا فى ايدينا متكشفناش وتبقا حلوة كمان ..
حازم : وديه نجبها منين ديه ..
حسام : هنلاقى متخافش ..
ونفس الوقت تدخل نور وتضع المشروبات ..
ومشيت ..
حسام : شكلى لقيتها ..
مشيرة : هى مين ..
حسام : البت ال هتوقع حسام ..
حازم ومسيرة : هى مين ..
حسام : البت ال جابت المشروبات ..
حازم : صراحة هى مزة .. بس تفتكر متوافق ..
حسام : نخليها توافق .. ولا ايه يا مشيرة ..
مشيرة فهمت ما يلمح إليه : طبعا يا حسام ..
حسام : بس الاول اجيب قرارها ونتقابل بكرة ننفذ يا مشيرة فهمانى طبعا ..
مشيرة : تمام نتقابل بكرة .. نهايتك قربت يا حسام ..
فى فيلا الجارحى ..
ادم : اذيك يا جدى ..
الجد : ادم حبيب جدو عامل ايه ..
ادم : تمام يا جدى ..الحمد لله ..
الجد : مالك يا بنى ..
ادم وهو يبتسم : مفيش يا جدى ..
الجد : هتكدب على جدك يا ادم ..
ادم : تعبت من ولادك واحفادك يا جدى ..
الجد : ادم يا حبيبى انا كتبت أملاكى ليك مش عشان احرمهم لا .. انا يا ادم تعبت عشان اعمل اسم الجارحى لو هما مسكوها اوعدك هتتهد فى
ثانية .. لكن انت هتكبرها وانا واثق من دة وكمان هتحافظ على اسمى .. استحملهم عشانى ادم ..
ادم : والله مستحمل عشانك يا جدو .. ربنا يهديهم ...
الجد : يارب .. المهم. سيبك منهم .. مفيش حاجة كدة ..
ادم : حاجة ايه ..
الجد : يا واد على جدو ...
ادم : ههههه والله انت كارثة يا جدو .. لأ مفيش ولو فيه هتبقى اول واحد هيعرف انا حاليا
بشوفلك عروسة ..
يا شقى ..
الجد : هههه لأ يا خويا بعد فيروز لا يمكن اشوف بعدها .
ادم : ياه يا جدى نفسي الاقى واحدة اعشقها زى ما كنت بتعشق تيتة فيروز ..
الجد : مفيش حد زى فيروز .. حب حياتى ادم .. بس فعلا بدعيلك تدوق العشق ..
ادم : يارب يا جدى يااارب ...
تانى يوم فى المطعم ..
مشيرة : ها جبت اصل البت ديه ..
حسام : عيب دة أنا حسام ... بصي يا ستى اسمها نور محمود ٢٣ سنة خريجة كلية تجارة
ملقتش فرصة تشتغل بشهادتها ابوها كلب فلوس بيضربها وعينها عشان تجبله فلوس ساكنة فى منطقة شعبية واقرب حد ليها سهى وشغالة هنا فى المطعم معاها وبت غلبانة ماشية جمب الحيط .. كفاية كدة ..
حازم : هههه كفاية لا جدع يا حسام بس قولى ال ماشية جمب الحيط هنقنعها ازاى ..
غمز حسام ل مشيرة : ديه مهمتتنا بئا بس العامل الرئيسي مشيرة ..
بص يا سيدى وابتدا يشرح ليهم الخطة ...
جت نور وهى بتقدم اكل ومشروبات وكانت
واقفة جمب مشيرة ..
مشيرة حطت فى جيب نور خاتم الماظ ...
ومشيت نور ...
بعد شوية ....
مشيرة بزعيق : فين مدير الزفت دة
وجه المدير : مشيرة هانم خير يا فندم ..
مشيرة : مش عيب اعدة فى مطعم المفروض أنه محترم .. اتسرق فيه ..
حازم : ايه التهريج دة ازاى ..
حسام : أهدى يا مشيرة هنشوف حل ..
المدير : أهدى يا مشيرة هانم ... هنلاقيه حالا ..
الكل يجمع هنا ... الجميع هيتفتش ..
جاء جميع الموظفين وقام المدير بالتفتيش حتى وجد الخاتم بجيب نور ..
المدير : معقولة انتى يا نور تعملى كدة ..
نور ببكاء : والله ما اعرف جيه فى جيبى ازاى انا مش حرامية والله ما حرامية ..
مشيرة : يعنى هيكون عفريت ال جابه فى جيبك ..
نور : والله ما حراميةةة ..
المدير : اولا بعتذر لحضرتك يا مشيرة هانم .. ثانيا انتى يا نور مرفودة .. وحضراتكم عايزين
تبلغوا بلغوا شوفوا عايزين تعملوا ايه .. وتاتى بعتذر لحضراتكم ...
نور ببكاء : لأ ونبى انا مش حرامية والله ..ونبى ..
المدير للأمن : ارموها برة ..
جاء الأمن وسط صراخها : سيبونى معملتش حاجة .. معملتش حاجة ...
ورموها أمام المطعم ..
وطلع مشيرة وحازم وحسام ...
مشيرة : طبعا انتى عارفة احنا ممكن فى. ثانية نوديكى فى داهية .. بس احنا هنسامحك ..
نور : بجد ربنا يخليكى يا هانم .. بس والله مش حرامية ...
مشيرة : مش مشكلتى .. المهم هنسامحك بشرط ..
نور : شرط ايه اى حاجة هتقولها انا موافقة عليها ..
حازم : خلاص يا ماما تعالوا ندخل الكافية نتكلم بدل الشارع ..
ودخلوا كافية بجانب المطعم ...
حسام : بصي بئا يا نور ..زى ما قولتلك احنا عائلتنا كلها ضباط. على مستشاريين يعنى لو
بلغنا رايحة فى داهية رايحة فى داهية .. بس لو سمعتى الكلام هتعيشي عيشة فل ..
نور بخوف داخلها : انتو عايزين اعمل ايه بالظبط ..
مشيرة : تسمعى عن شركات الجارحى ..
نور : اه طبعا ديه اشهر شركات فى اسكندرية ..
مشيرة : عارفة مديرها ..
نور: على ما اظن ادم عز الجارحى ...
مشيرة بغيظ : أيوة هو ..
نور : أيوة يعنى ايه المطلوب برده ..
حسام : بصي يا نور .. ادم ابن عمنا ضحك على جدنا وخلاها يمضى على تنازل عن كل أملاكه .. وبئا بيتحكم فينا ... ف احنا عايزينك تدخلى
حياته وتعيشى عليه دور الحب لغاية ما يثق فيكى وتخليه يمضى على ورق تنازل عن كل أملاكه بطريقتك .. ها فهمتى..
نور : انتو اتجننتوا عايزينى اضحك على صاحب اكبر شركات اسكندرية بالسهولة ديه دة غير كدة انا اخلاقى متمحليش ابقى نصابة بالحب ..
حسام : خلاص نكلم اللواء رفعت يتصرف ..
حازم : يا نور دة انتى هتاخدى ٥٠ الف جنيه ..
نور : ولا فلوس الدنيا كلها ..
حسام : الو يا سيادة اللواء ... بخير الحمد لله .. الا قولى يا سيادة اللواء لو حد سرق خاتم الماظ وفى شهود عليه ياخد كام سنة ... ٥ سنين .. امم طب شكرا يا سيادة اللواء ..
حسام : ها تقضى ٥ سنين حلوين كدة فى
القناطر ولا تاخدى ٥٠ الف جنيه وتعيشي ملكة ..
ممكن انفذ حالا وتلاقى البوليس فى ثانية هنا ..
نور ببكاء : موافقة ...
مشيرة : أيوة كدة برافو عليكى بس عايزين الموضوع فى الانجاز ..
حسام : ساعة ما تبقى واثقة أنه هيمضى على اى حاجة هديلك الورق ..
نور :حاضر ..
حسام : دلوقتى يا مشيرة تاخدى نور وتجيبلها لبس وتظبطيها عايزها مزة ...
نور : ياريت تحترم نفسك ..
حسام : هههههه حاضر يا ..يا نور ..
لما تخلصوا .. هقولك هتتعرفى عليه ازاى ..
نور : ماشي .. بس ممكن تبعتوا جواب وفلوس لابويا قولوا انى سافرت ..
حسام : من عنيا يا ستى ..
نور بداخلها : يارب خلصنى من الناس ديه على خير...
فى شركات الجارحى ...
ادم : مريم هاتى ورق الصفقة ..
مريم : اتفضل يا فندم ..
كريم وهو يدخل : هاللو ..
ادم : يا بنى نفسي مرة تخبط ..
كريم : عيب بردوا اخبط وانا داخل ل ادم ..
ادم : اكيد يا عنى ...
كريم لمريم : اذيك يا مريم ..
مريم : الحمد لله يا استاذ كريم عن اذنكم ..
ادم : انت يا بنى ..
كريم : ايه يا فصيل ..
ادم : انا فصيل يا جذمة .. ايه حكايتك كل ما تشوف مريم تسبل ...
كريم : الله يا دومى بحبها ..
ادم : طب ما تقولها ..
كريم : خايف تكون مش بتبادلنى نفس المشاعر ...
ادم : لأ دى لازم تكتشفها بنفسك .. حاول ..
كريم : والله بحااول بس انشاء الله اكيد هعرف ..
ادم : بقولك ما تيجى نشرب حاجة فى الكافية ...
كريم : روح انت وانا هحصلك فى شوية ورق هخلصهم مش هتأخر ..
ادم : ماشي ... سلام ...
الفصل الثالث3
فى كافيه فى أحد مولات اسكندرية ...
حسام : هما اتأخروا ليه ..
حازم : وانا ايش عرفنى ما انا قاعد معاك اهو ..
وتدخل عليهم نور ومشيرة ...
نور بعد ما اخدتها مشيرة وجابت ليها لبس روعة عشان تبهر ادم .. كانت لابسة فستان رقيق جداا .. نور اصلا جميلة جداا لكن كان جمالها متخفى وسط هدومها البسيطة ال كانت. بتلبسها .. ف مع اللبس الجديد بقت قمر بمعنى الكلمة ))
حسام : اوبا ايه الجمال دة ..
مشيرة : ايه رأيك ...
حسام : دة ادم هيقع من أول لحظة ..
حازم : مالك ساكتة ليه ..
نور : هقول ايه يعنى ..
حسام : تعالوا اقعدوا عشان اشرحلك هتعملى ايه ..
....
حسام : دلوقتى هتروحى تقابلى ادم .. مقابلة مجرد أنه يشوفك .. دلوقتى هنروح كافيه دايما بيقعد فيه هتكونى انتى جوة وهو برة هيدخل فى نفس الوقت انتى تطلعى تخبطى فيه وتوقعى اى حاجة فى ايديكى المهم تخليه يشوفك .. مفهوم ..
حازم : هنستفاد ايه لما يشوفها ..
حسام : هتفهم بعدين ... المهم فهمتى ..
نور : اه فهمت ..
حسام : يلا بينا ...
دخلت نور الكافيه وهما استنوا برة .. طلبت حاجة تشربها ومستينة ادم ...
نور فى نفسها : يارب .. يارب انت عالم بحالى عدينى من ال انا فيه دة على خير ..
رن عليها حسام عشان تطلع لأن ادم وصل ..
اتوترت جداا بس حاولت تبان طبيعية ..
فى نفس الوقت ...
ادم : ايه يا بنى مش هتيجى انا داخل اهو ..
كريم : خلاص نازل من الشركة يا عم ايه الزن دة ..
ادم : زن طب وحيات امك لما تيجى ..
فى نفس اللحظة نور خبطت فى ادم وكانت ماسكة كتب فوقعت منها ..
نزل هو وهى يجيبوا الكتب ..
ادم : اسف مخدتش بالى كنت بتكلم فى التليفون ..
نور بتوتر : احم ... لأ محصلش حاجة ..
ورفع عينه يديها الكتب .. وهى كمان رفعت عينها واتقابلت عنيهم .. كل واحد فيهم حس احساس غريب ..
نور فى نفسها : يلاهوى ايه العيون ديه .. عينه حلوة اوى ..
ادم فى نفسه : ايه الجمال دة يا جدعان .. هو فى كدة بس عيونها حلوة اوى ..
بعد لحظات محسوش بيها ..
نور : احم .. عن اذنك ..
فاق ادم على صوتها : احم اه اتفضلى ..
فضل مراقبها بعنيه لغاية ما ركبت تاكسي ومشيت ..
وبعدها طلع وراها عربية حسام ال كانت مراقبة الموقف ..
نور لسواق التاكسي : لو سمحت نزلنى هنا ..
نزلت وركبت عربية حسام ..
حسام : لأ برافو طلعتى ممثلة هايلة..
نور كان نفسها تصوت وتقول انها مكنتش بتمثل كانت نظرتها حقيقة .. عمرها ما عرفت تكون ممثلة ..
نور بصتله بإستحقار : شكرا ..
حسام : دلوقتى هوديكى فندق تقعدى فيه .. كل يوم تروحى الكافية دة لغاية ما تقابلى ادم وبعد كدة هقولك تعملى ايه ..
نور : ماشي ممكن بئا نطلع عشان تعبانة وعايزة نام ..
حسام : ماشي .. نطلع ..
فى الكافيه ..
ادم قاعد سرحان فى عيون نور : اه يانى مشوفتش عيون حلوة كدة .. يا ترى اسمك ايه .. يا ترى هشوف العيون ديه تانى .. وفجأة فاق على صوت كريم ..
كريم : ااااادم ..
ادم : ايه يا متخلف بتعلى صوتك ليه ..
كريم : بقالى ساعة بكلمك وانت ولا هنا ..
ادم : سرحت شوية فى ايه .. يخربيتك فصيل ..
كريم : و ادم الجارحى من امتى بيسرح .. الا إذا
ادم : الا إذا ايه ..
كريم : شوف انت ..
ادم : قوم يا كريم بدل ما اديك فى وشك ..
كريم : يا عم ما براحة ولا عشان شوية العضلات دول هتخوفنا ..
ادم : امشي يلا ..
كريم : خلاص ماشي ..
ادم : يارب اشوفك تانى...
وصلت نور الفندق بعد ما حسام وصلها وطلعت اوضتها .. غيرت هدومها واعدت فى البلكونة ..
نور : اااه يا ادم هعمل معاك ايه هقدر امثل عليك الحب .. وهيحصلى ايه فى الأيام الجاية .. يا ترى انت فعلا مفترى زى ما قالولى ولا لأ .. عندى أسئلة كتير بس اكيد الحليم الجاية هتجاوب عليها ... بس الغريبة أنى لما بصيت فى عنيه حسيت بأمان غريب انا عمرى ما حسيت بالامان اشمعنا حسيته لمجرد بصيت فى عنيه .. بس عنيه جميلة اوى الصراحة ...
فاقت من كلامها مع نفسها .. : انا ادخل انام احسن ..
تانى يوم ..
صحيت نور لبست وجهزت عشان تروح الكافيه ..
دخلت وفتحت الاب توب ال عطاهولها حسام ..
ومستنية أن ادم يدخل ..
فضلت مستنية ساعة اتنين .. تلاتة وكانت هتقوم تمشي لكن فى نفس اللحظة دخل وهو بيكلم في التليفون رجعت بصت للاب ..
وهو خلص تليفونه ونده على النادل وطلب قهوة ...
ورجع يبص على البحر لأن الكافيه إزاره مكشوف للبحر وفجأة لمح نور ..
ادم فى نفسه : ايه دة معقول دعوتى استجابت على طول كدة شوفتها تانى .. بس هتعرف عليها ازاى ..امم مش عارف بس لازم اتعرف عليها. ... غريبة ايه الإصرار ال عندى دة .. انا اروح وربنا يستر ..
نور حست أنه خد باله منها بس مكنتش عارفة هيعمل ايه ..
وركزت فى اللاب ..
وفجأة حست. بحد واقف ادام اللاب أيقنت أنه هو ...
رفعت عينها وهى بتقول : نعم فى حاجة ..
ادم : احم حضرتك مش فكرانى ..
نور : حاسة انى شوفتك قبل كدة .. اااه احنا خبطنا فى بعض امبارح ..
ادم : غريبة ..
نور : هو ايه ال غريبة ..
ادم : اولا ممكن اقعد دة لو مش هيضايقك...
نور : احمم لأ طبعا اتفضل ..
ادم : شكرا .. اولا الغريب انك قولتى خبطنا فى بعض توقعت هتقولى زى اى بنت مش انت ال خبطنى ..
نور : اها فهمت .. بص يا ..
ادم : ادم زين الجارحى .. ادم قال اسمه كامل عشان يشوف اللمعة ال بيشوفها فى عنين اى بنت لما بيقول اسمه على أساس أنه غنى وصاحب اكبر شركات فى البنات بتترمى تحته عشان فلوسه لكن ..
نور : حضرتك صاحب شركات الجارحى على ما اظن .. قالتها بنبرة عادية جداا ..
ادم : اها ..
نور : وانا نور ..
ادم : نور اسم جميل ..
نور : ميرسي .. المهم نرجع لموضوعنا .. امبارح حضرتك ماشي بالموبايل مكنتش مركز وانا كنت ماشية الى حد ما سرحانة فى احنا الاتنين غلطانين يعنى ولا انت خبطنى لوحدك ولا انا خبطك لوحدى ..
ادم : ياريت كل البنات تفكر كدة ..
نور : اتمنى .. عن اذنك ورايا مشوار ... قامت ومدت تسلم عليه اتشرفت بمعرفتك...
ادم بإبتسامة تسحر : وانا. كمان ... بس ممكن قبل ما تمشي سؤال ..
نور : اتفضل ..
ادم : انتى بتقعدى هنا على طول ..
نور : اه .. ليه يعنى ..
ادم : عادى سؤال ..
نور : تمام عن اذنك ...
خرجت نور وركبت تاكسي ولقت حسام بيرن عليها : اعوذ بالله عاوز ايه دة ...
نور : الو يا حسام خير فى حاجة ..
حسام : مستنيكى فى الفندق متتأخريش .قفل ..
نور : يارب ايه الناس ديه .. بس يااه عيونه يخربيت عيونه ولا شياكته ولا وسامته كله على بعضه حاجة كدة مش ممكن .. فى الاخر اقفل ب حسام طب والله حرام .....
ووصلت الفندق لقت حسام مستنيها ..
نور : خير ايه سر الزيارة ..
حسام : عملتى ايه انهاردة ..
نور : جه عشان يتعرف عليا واتعرفنا على بعض بس وسألنى إذا كنت باجى على طول ولا لأ قولتله اه .. دة كل ال حصل ..
خلصت التقرير .. انا طالعة انام ...
وطلعت الاوضة ..(( اااه .. انا ليه قلبى بيدق بطريقة غريبة لما بشوفه معقول اكون .... )) لا لا أكون يلا ادخلى نامى ..
فى فيلا الجارحى ..
ادم فى اوضته قاعد سرحان فى نور ..
وفاق على صوت جده : حبيبى سرحان فى ايه ..
قام بتقبيل يده ..
ادم : ولا حاجة يا جدى ..
الجارحى : على جدو يا ادم ..
ادم : يعنى فى الشغل يا جدى ..
الجارحى : شغل اه .. عايزك تبقى تعرفنى على الشغل دة ..
ادم : طبعا يا جدى يا سوسة ..
الجارحى : بتقول على جدك سوسة يا ادم ماشي
الفصل الرابع4
تانى يوم ..
نزلت نور عشان تستنى ادم فى الكافية ..
وصلت لقيته موجود بس عملت نفسها كأنها مشافتهوش ..
فتحت الللاب بتاعها ...
هو راح عليها ..
ادم : صباح النور يا نور ..
نور بإبتسامة : صباح الخير يا استاذ ادم اتفضل اقعد ..
ادم : استاذ ..
نور : اه فى حاجة ..
ادم : اصلى مبحبهاش .. ممكن تقوليلى ادم ..
نور : مكنتش فاكرة انا ادم عز الجارحى متواضع كدة ..
ادم : اديكى عرفتى .. المهم هو انتى بتيجى هنا كل يوم ..
نور : اه ..
ادم : انا حابب نبقا صحاب تقبلى ..
نور : ليه ..
ادم : هو ايه ال ليه ..
نور : اشمعنا انا عايز نبقا صحاب ..
ادم : احم .. عادى حسيت انى عايز اعرفك اكتر ..
نور : وانا قبلت ..
فضلوا يتكلموا ويتعرفوا على بعض اكتر وكل واحد حابب شخصية التانى ... نور وواحدة واحدة بتتأكد أن كلام مشيرة وحسام وحازم مش صح .. وكل مدى بتندم من ال بتعمله ... لكن الغريب أن كل مقابلة مابينهم عمرها ما مثلت كل ابتسامة كل ضحكة كل حركة كانت بتعملها بجد مش بتمثل ..
وكل يوم بتكدب إحساسها انها بتحب ادم ..
لأنها واثقة أنه لو عرف حقيقتها عمره ما هيحبها بالنسبالها مش هيحب
واحدة ساكنة فى حى شعبى وكمان ضحكت عليه بالحب عشان شوية ورق ..
(( ادم كل يوم حبها بيكبر فى قلبه .. ميقدرش يوم يعدى من غير ما يشوفها .. نفسه يعترف لها أنه بيعشقها بس خايف تكون مش بتحبه بس هو لاحظ على الأقل اعجاب .. ))..
فى يوم ادم قرر قرار ..
كانوا فى الكافيه ..
ادم : نور ممكن اطلب منك طلب وارجوكى توافقى ..
نور : اطلب يا ادم ..
ادم : عايزك تيجى معايا مكان ..
نور : مكان ايه ..
ادم : لو جيتى معايا هتعرفى ..
نور : ماشي .. يلا ..
طلعوا من الكافيه وركبوا عربية ادم ..
نور مستغربة هو هياخدها فين ..
وصلوا ادام ڤيلا الجارحى ..
نور بخوف هو لاحظه : ديه ڤيلتك يا ادم ..
راح مسك أيدها : انتى مش بتثقى فيا يا نور ..
نور : لأ طبعا يثق فيك .. بس افهم جايبنى الفيلا ليه ..
ادم : نور اسمعينى كويس .. هنا انا عايش انا وجدى الجارحى .. انا وعدته انى لما احب هجيب حبيبتى اعرفها عليه ...
نور بخجل : حبيبتك !!
ادم : أيوة حبيبتى وروحى وحياتى كلها .. انا بعترفلك انهاردة انا عشقتك من اول ما خبطتى فيا .. انتى ال قلبى دقلها من اول مرة .. وانتى يا نور ..
نور : ادم ممكن ندخل لجدك واوعدك هرد عليك بكرة ..
ادم : انا اسف لو ..
حاطت ايديها على بؤه تمنعه أنه يكمل ..
نور : صدقنى هرد عليك بكرة وانا مش زعلانة انك صرحتنى بحبك بالعكس أنا طايرة من الفرحة بس سيبنى استوعب... ممكن بئا نطلع لجدو..
باس ايديها ال حطها على بؤه .. : حاضر يا قلب ادم ... يلا نطلع ..
طلعوا وهما ماسكين ايد بعض ...
وخبط على الباب : ادخل ..
دخل هو و نور : اذيك يا جدى ..
ال جارحى : تمام يا قلب جدك .. مين القمر ديه يا واد يا ادم ..
ادم وهو ينظر إليها بحب : القمر ديه تبقى حبيبة حفيدك يا جدو ..
الجارحى : بجد يا ادم .. تعالى يا حبيبة جدو فى حضنى ..
اد ايه حست بأمان جريت اترمت فى حضنه كأنه ابوها .. ال كان نفسها طول عمرها تحس معاها بالأمان ..
الجارحى : من انهاردة انتى فى مقام ادم بالظبط ..ادم ابنى وانتى كمان بقيتى بنتى ..
نور : وانا مبسوطة أنى هبقى بنتك ..
الجارحى : خلى بالك منها يا ادم ..بس صحيح انا اسم بنتى ايه ..
ادم : ههههه اسمها نور يا جدى
الجارحى : هى فعلا نور ..
اعدوا يتكلموا ويضحكوا .. وقضوا احلى وقت قضوه فى حياتهم هما التلاتة ..
نور : انا لازم امشي عن اذنكم ..
ادم : استنى يا نور هوصلك ..
نور : عشان خاطرى يا ادم سيبنى اروح انهاردة لوحدى وبليل هكلمك اقولك بكرة نتقابل فين ..
ادم : مش هنتقابل فى الكافيه ..
نور : لا بكرة مش هنروح الكافية .. راحت باست ايد الجارحى .. باى يا احلى جدو ..
الجارحى : مع السلامة يا قلب جدو ..
نور: بااى ..
بعد ما داليا راحت الفندق .. اتصلت على ادم ..
ادم : حبيبتى .. وصلتى بالسلامة .
نور : اه الحمد لله .. ادم بكرة قابلنى ادام االكافية على البحر عند الصخور .. ماشي ..
ادم : حاضر ..
نور : تصبح على خير .. سلملى على جدو ..
ادم : وانت من اهل الخير يارب .. وحاضر هسلملك عليه.. خلى بالك من نفسك ..
نور : حاضر .. باى ..
تانى يوم ....
ادم صحى ولبس (( لبس كاچوال بس روعة مخليه وسيم جداا )) ..
عند نور (( لبست فستان قصير لحد الركبة رقيق جدا كان اوف وايت ومنقوش بالفراشات عند الركبة .. كانت فى قمة الرقة )) ..
نزلت راحت على البحر وواقفت على الصخور مستنية ادم ..
ادم راح على البحر لغاية مالقاها واقفة وشها للبحر وضهرها ليه ..
يدوب بئا بينه وبينها خطوتين ومن غير ما يتكلم أو هى تلف ..
نور : انت جيت يا ادم ..
ادم : أيوة جيت يا قلب ادم ..
لفت نور وقربت منه اوى وهمست فى ودنه : بعشقك يا قلب وعقل وروح نور ..
وباسته من خده ..
بعدت عنه ..
وهو مسك وشها بكفى يديه ..
ادم بنظرة عشق : بجد بتحبينى يا نور ..
نور بنفس النظرة : بعشقك يا قلب نور .. من اول يوم شفتك فيه وقلبى دق .. مع كل مرة بشوفك فيها دقات قلبى بتزيد .. لغاية ما اكتشفت أنى بعشقك ..
....
و فى ثانية كان شايلها وبيلفها بجنون ...
بحبببببببببببببك يا نور حياتى ...
نور : بعششششششقققككككك يا قلب نور ...
وفجأة افتكرت وسط. فرحتها بإعترافهم لبعض بالحب افتكرت أنه لما يعرف انها ضحكت عليه بس هى دلوقتى مش بتضحك عليه بالعكس كل كلمة بتقولها صادقة فيها .. فأبتدت تبكى ..
نزلها على الأرض وقال : مالك يا قلب ادم ..
نور بدموع : مفيش يا حبيبى ..
ادم : مفيش يا ايه ..
نور : يا حبيبى ..
ادم : انتى ال حبيبتى وروحى وعقلى وحياتى ونور قلبى .. قوليلى بتعيطى ليه ..
نور : مكنتش فاكرة انى هلاقى حد يحبنى الحب دة كله ..
ادم : حبيبتى انا لازم مبعدش عنك من انهاردة عايزك تاخدى معاد من أهلك عشان نتجوز ..
نور وزادت من بكائها ....
ادم : مالك فى ايه .. أهدى يا قلبى ...
نور وسط شهاقهات بكائها : مش .. هتبعد .. عنى ... يا ادم صح ..
ادم : عمرى ما ابعد عنك .. فهمينى بس ..
نور : انا عيلتى كلها ماتت وانا عندى ١٥ سنة فى حادثة بعدها خالتى خدتنى ربتنى لغاية ما بقى عندى ٢١ سنة بعدها ماتت ومبقاش ليا حد خالص ..
ادم : انا عيلتك ودنيتك كلها ولا ايه ..
نور : طبعا انت ال مليت عليا حياتى الفاضية ..
ادم : قومى معايا ..
نور : هنروح فين ..
ادم : لجدو..
نور : ياريت يلا ..
وصلوا الفيلا ودخلوا ..
ادم : نور حبيبتى يضايقك لو قلتلك استنى هنا شوية ..
نور : لأ يا حبيبى عادى انا مستنياك ..
ادم : مش هتأخر عليكى يا قلبى ..
نور : ماشي حبيبى ..
اثناء انتظار نور ل ادم .. اضأء هاتفها برقم حسام ..
نور فى نفسها : اعوذ بالله دة بيتصل ليه دة .. طب ارد ولا لأ .. لأ انا مش هرد لما اروح ابقى اتنيل أكلمه ..
بعد شوية ...
ادم : نورى اتأخرت عليكى ..
نور : لأ يا حبيبى ..
ادم : طب يلا نطلع لجدو ..
نور : يلا ..
وطلعوا غرفة الجارحى ...
فتح الجد ذراعيه ... ل نور .. قائل : حبيبة جدو وحشتينى ..
نور : انت اكتر يا جدو والله ..
الجد : بقولك يا حبيبة جدو فى واحد كدة قالى انا عايز اطلب ايد نور حبيبة جدو ..
نور بخجل واستعباط : مين يا جدو ..
الجد بضحكة : واحد كدة بارد ورخم وغلس ودمه تقيل اسمه ادم ..
ادم بصدمة : نعم دة أنا ...
نور : لأ حرام يا جدو .. ممكن نقول بارد بس ...
الجد : ههههه ماشي عشان خاطرك بس ..
ادم : والله .. صح انا غلطان انى عرفتك عليه .. اهو اتفقت معاها ..
نور : طبعا مش جدو حبيبى ...
الجد : طبعا يا حبيبة جدو .. المهم موافقة ولا لأ ..
نور : ال تشوفه يا جدى ..
الجد : خلاص عشان خاطرك هوافق ..
ادم : عن اذنك يا جدى هاخد نور تحت فى الجنينة ..
الجد : ماشي يا حبيبى بس خليك مؤدب ..
ادم : هههه حاضر يا جدى ..
بعد ما خرجوا ..
الجارحى فى نفسه : ربنا يسعدكوا يا ولاد يارب ..
فى الجنينة ...
ادم : نور تقبلى تشاركينى حياتى ..
نور : انت لسة بتسأل .. طبعا اقبل ..
ادم نزل على ركبة واحدة وطلع علبة بها خاتم الماس و دبلة فضة ..
ادم : تتجوزينى ..
نور بدموع وفرحة : موافقة ..
قام ولبسها الخاتم وهى لبسته الدبلة ...
ادم : اوعدك انى هعيش عشان اسعدك وبس ..
نور : ومش هتبعد عنى ..
ادم : عمرى ما ابعد عنك ..
قام بإحتضانها ...
ادم : جميلة فى حاجات انا معرفهاش عن حياتك وتجلت انى اعرفها لغاية ما اعترفلك بحبى ..
نور بتوتر : حاجات ايه ..
ادم : انتى بتشتغلى ايه يا جميلة ..
نور : انا مبشتغلش ..
ادم : ليه ..
نور : اصل ملقتش وظيفة خالص ..
ادم : طب مقولتليش ليه .. ما انتى ممكن تشتغلى معايا فى الشركة ... مش انتى خريجة تجارة ...
نور: _________
ادم : ساكتة ليه يا جميلة ..
نور : خايفة اقولك تزعل ..
ادم : لأ مش هزعل قولى ..
نور : اول مرة اتقابلنا فيها .. كنت حاسة انك بتختبرينى .. ف قولت لو قولتلك انى اشتغل معاك هتفتكر انى طماعة زى باقى البنات ال تعرفهم ... ف فضلت انى اسكت وادور على شغل فى اى حتة تانية ..
ادم : بس انا من أول لحظة شوفتك فيها وانا عارف انك مش كدة.. على العموم هعديلك تفكيرك دة .. .. تحبى بئا تشتغلى وتتدربى الاول ولا نرتب ل فرحنا الاول ..
نور : فرحنا ..
ادم : اها .. ها عايزة ايه الاول ..
نور : امم افكر ..
ادم : ماشي يا نورى .. تانى سؤال انتى ساكنة فين ..
نور : احممم لازم اقول ..
ادم : اكيد يعنى ...
نور : انا اصلا كنت عايشة فى القاهرة وجيت اسكندرية من شهرين .. وعايشة فى فندق ...
ادم بصدمة : فندق ..
شدها من أيدها ودخلها على اوضة الجارحى ..
الجد : مالك يا ادم ماسك نور كدة ليه ..
ادم : عشان تعرف يا جدى انها مش بتعتبرنا ولا حاجة ..
الجد : حصل ايه مش فاهم ..
ادم : قولى حضرتك ساكنة فين ...
الجد : قولى يا نور ..
نور بدموع : ساكنة فى فندق ..
الجد : فندق يا نور ..
نور ببكاء : انا مالييش حد وجيت اسكندرية ... عشان ادور على شغل مكنتش عارفة هفضل فى اسكندرية ولا لأ ...
نور : انا عايزة اروح ..
ادم : على الفندق ..
نور : أيوة ..
الجد : ادم من بكرة تجيب نور هنا الفيلا وتحضر لفرحك بسرعة .. الليلة هسمحلك يا نور تباتى فى الفندق لكن من بكرة هتباتى هنا ..
نور : امرك يا جدى ..
ادم : يلا عشان اوصلك ..
خدها وركبوا العربية ووصلوا الفندق وقبل ما تنزل ..
شدها براحة من ذقنها وباسها من خدها وهمس فى ودنها متزعليش منى ..
نور بإبتسامة وخجل : مش زعلانة ..
ونزلت جرى على الفندق ..
لقت حسام ومشيرة وحازم ..
نور فى نفسها : استر يارب ... الثلاثى هنا يبقا فى كارثة ..
حسام : اقعدى ..
حسام : شكل الهانم حبت التمثيلية ..
نور : أه جداا ..
حسام : ممكن افهم ايه المشهد الرومانسي ال كان على البحر دة وثانيا مرواحك للفيلا مرتين ..
نور : اصل ادم خطبنى وورتهم الخاتم ..
مشيرة : نعم يا ختى .. خطوبة ايه احنا اتفقنا توقعيه فى غرامك عشان تمضيه ...مش تتجوزيه ..
نور : اعمل ايه وقع فى غرامى على طول وطلب يخطبنى ..اه وكمان هشتغل معاه فى الشركة ..
حسام : هعديلك موضوع الخطوبة دة وكويس انك هتشتغلى معاه عشان تقدرى تمضيه ... والا اتصل باللواء وادم يعرف حقيقتك ..
نور : لأ لأ خلاص ..
حسام : ايوة كدة ...
نور بغضب : انا طالعة انام ...
طلعت نور عشان تنام معرفتش وقررت اهم قرار فى حياتها و ال هيقرر مصير بقية حياتها ...
الفصل الخامس5
بعد ما نور طلعت اوضتها مش عارفة تنام من التفكير ..
قامت لبست ونزلت راحت على فيلا الجارحى ...
البودى الجارد : اهلا نور هانم .. ثوانى ابلغ ادم بيه ..
نور : لا لا .. هو نايم ..
البودى الجارد : أيوة يا فندم ..
نور : تمام انا عايزة اقابل الجارحى بيه ...
البودى جارد : ثوانى أبلغه ..
نور : من غير ما تبلغ ادم بيه ..
البودى جارد : تحت امرك يا هانم ..
راح بلغ الجارحى فى التليفون ...
البودى جارد : اتفضلى يا هانم الباشا مستنيكى ..
نور : شكرا ..
دخلت غرفة الجارحى ..
الجد : نور حبيبتى جرالك حاجة ..
نور : اطمن يا جدو انا كويسة .. اسفة أنى ازعجتك ..
الجد : دة احلى. إزعاج يا حبيبة جدو ..
نور : انا جاية عايزة احكيلك حاجة ادم مينفعش يسمعها ..
الجد : قولى يا حبيبتى ..
نور وهى تأخذ نفس طويل : انا نور محمود ساكنة فى حى شعبى فى اسكندرية ليا اب كل همه انى اجبله فلوس ..
بيضربنى ويشتمنى عشان ياخد مهيتى .. بشتغل فى مطعم .. فى يوم وانا بشتغل ... وحكت له كل الحصل يومها ...
وفعلا قابلت ادم عشان ياخد باله منى .. وابتدت تحكى كل حاجة حصلت ..
وكملت بدموع .. بس والله كل نظرة حب وابتسامة وحركة كانت بجد مش تمثيل لما كنت ببقى مع ادم بنسى انى فى اتفاق اصلا .. حبيبته وعشقته حاولت كتير انى
محبوش بس قلبى اعمل ايه .. ولما عرفنى على حضرتك .. اتمنيت انك تكون ابويا وجدى بجد .. لما انهاردة ادم اخد اول خطوة فى علاقتنا اكتشفت انى لازم اقولك .. وببكاء شديد اسفة سامحنى ..
شدها لحضنه : يااااه يا نور دة أنا مستنى اليوم دة من زمان ..
نور : يوم ايه ..
الجد : انا يا نور براقب حسام ومشيرة وحازم على طول وحاطط ليهم حد يعرفلى النفس ال بيتنفسوه .. وعرفت بإتفاقهم معاكى .. وكنت مستنى ادم يجيبك .. لكن اكتشفت انى ادام وش برئ عمره ما يمثل أو يخدع نظراتك ل ادم بالحب كانت حقيقة .. حبك ليا كان حقيقة مكنتيش بتمثلى .. حتى ساعات كنت أقول شكلك بارعة فى التمثيل وقولت اكيد لو مش بتمثلى وظنونى فيكى صح اكيد هتيجى تقوليلى ... والحمد لله طلعت صح ..
نور : يعنى مسامحنى يا جدى ..
الجد : طبعا يا قلب جدك .. امسحى دموعك بئا ..
نور : بس ادم هيسامحنى ..
الجد : لازم نجيب دليل الاول على اتفاقهم وبعد كدة نقوله واكيد هسامحك .. اتفقنا ..
نور : اتفقنا يا اعظم جارحى فى الدنيا ..
الجد : وانتى أعظم نور فى الدنيا ..
نور : جدو ممكن أسألك سؤال ..
الجد : طبعا ..
نور : انا شايفة حضرتك مش بتمشى خالص هو حضرتك يعنى ..
الجد : لأ يا قلب جدو انا مش مشلول .. انا بس رجلى محتاجة علاج طبيعى عشان لما بمشى خطوتين بتعب جداا .. بس انا ال بكسل اعمله وكمان بيتعبنى ..
نور : بس انا عايزة جدو حبيبى يسلمنى لعريسى ولا هتسلمنى وانت فى السرير ..
الجد : هههههههه لأ طبعا ..
نور : طب ايه رأيك نعمل مع بعض شوية تمارين ..
الجد : هتعرفى..
نور : بص يا جدو انا كان عندى اوقات فراغ كتير ف كنت بقرأ واتعلم حاجات كتير منهم انى قريت عن العلاج الطبيعى وشوفت فيديوهات شرح .. ف عرفت حاجات كتير عنه .. ها هتعمل ولا ايه ..
الجد : يلا ..
وابتدوا يعملوا تمارين للصبح .. وكانوا مقضينها ضحك .. ونور حست براحة وفرحة كبيرة انها حكتله ..
والجد مبسوط ان ربنا رزقه بيها ..
ادم صحى مبسوط .. بسبب ال حصل امبارح .. قام غير ولبس بدلة أنيقة جداا ...
وبعدها راح يصبح على جدو ..
وقرب من الباب سمع ضحك جامد من أوضته ..
استغرب جداا ..
ففتح .. ولقا نور اعدة بتضحك هى وجده ..
ادم : نور ..
الجد : صباح الخير يا ادم ..
ادم : صباح النور يا جدو .. جماعة هو انا كنت بحلم امبارح ولا ايه ..
الجد : ههه ليه يا ادم ..
ادم : انا فاكر انى وصلت نور امبارح الفندق ..
نور : احم ... اصل امبارح حلمت حلم وحش اوى يعتبر كابوس .. معرفتش انام اتصلت بجدو .. بعتلى السواق خدنى وجيت على هنا ..
ادم : ومتصلتيش بيا ليه ...
الجد : انا ال قولتلها لما تعوز حاجة تتصل بيا ولا عندك مانع ..
نور : لأ يا جدو مش قصدى ..
الجد : طب يلا انزل عشان تفطر ..
ادم : مش هتفطر معايا يا جدو ..
الجد : لأ مش عايز يلا انزل بئا ..
ادم : انا شكلى بتطرد .. ماشي يا جدو .. ماشي .. ووصل عند الباب ..
وقال : نور مش عايزة تيجى معايا الشركة ..
نور : ينفع ..
ادم : طبعا وكمان اعرفهم على خطيبتى ..
نور بخجل : ماشي .. بس هروح الفندق اغير واسبقك على الشركة ..
ادم : بالمرة تجيبيى هدوك عشان تجبيها هنا ..
نور : حاضر. ..
ادم : انا همشي قبل ما اتطرد تانى ..
الجد : برافو عليك يا خويا ..
بعد ما نزل ادم ..
نور : مش هتفطر يا جدو ..
الجد : دلوقتى هتلاقيه بيفطر على السفرة تحت .. تعالى أسند عليكى وننزل نفاجئه اكيد هيتبسط لأنى بقالى كتير جداا مش بنزل افطر معاه ..
نور : طبعا يا جدو .. يلا ..
قام الجد وسند على نور ومشيوا خطوات بطيئة ونزلوا على السلم ..
الجد من خلف ادم : ممكن نفطر معاك ..
ادم بفرحة عارمة : جدو .. هتفطر معايا هنا بجد ..
الجد : انا دلوقتى فرحان انى شايف الفرحة الكبيرة ديه فى عنيك بس الفرحة ديه سببها نور ..
ادم : تعال بس اقعد الاول ..
قعد الجد ونور ..
الجد : نور قالتلى انها اتعلمت تمارين العلاج الطبيعى .. واقنتعتنى اننا نعملها واعدنا طول الليل نعمل ف تمارين ..
ادم وهو ينظر لها بحب : انا مش عارف اقولك ايه بجد ..
نور : متقولش حاجة كفاية عليا نظرة السعادة فى عنيك ديه ..
نور راحت الفندق عشان تلم حاجتها ...
وبعدها راحت للفيلا حطت هدومها وغيرت وبعدها راحت للجد ..
نور : جدو انا رايحة الشركة .. عايز حاجة قبل ما امشي ..
الجد : لأ يا حبيبة جدو .. بس افتكرى عايزين فى اسرع وقت دليل عشان نوريه لأدم ..
نور : متخافش يا جدى هحاول .. يلا باى ..
فى شركة الجارحى ..
نور للسكرتيرة : لو سمحتى عايزة اقابل ادم ..
السكرتيرة : اصدك ادم بيه ..
نور : اه ادم بيه ..
السكرتيرة : عندك معاد ..
نور : لأ .. بس
السكرتيرة : مبسش ادم بيه مش فاضى ..
نور : قوليلوه نور عايزة تقابلك ..
السكرتيرة : ما قولتلك ما فاضي ..
نور : ماشي.. انتى حرة ..
راحت اتصلت على ادم ..
ادم : حبيبتى اتأخرتى ليه ..
نور : انا فى الشركة يا حبيبى بس السكرتيرة مش راضية تدخلنى ..
ادم : ايه مش راضية تدخلك .. انتى فين دلوقتى ..
نور : انا فى الريسبشن تحت ..
ادم : خليكى مكانك ..
نور : حاضر ..
.....
ادم : تعالى هنا حالا ..
السكرتيرة : امرك يا فندم ..
ادم : فيه هنا واحدة اسمها نور جت ومرضتتيش ادخليها ..
السكرتيرة بخوف : أيوة ..
ادم : وانتى استأذنتينى فى كدة ..
السكرتيرة : لأ ...
ادم : حسابك معايا بعدين دلوقتى تنزلى الريسبشن تجبيها .. لأنها خطيبة ادم عز الجارحى فهمة ..
السكرتيرة : فاهمة ..
نزلت تحت وجابت نور وبعدها دخلت لادم ...
ادم : وحشتينى ..
نور : انت اكتر ..
ادم : كنت عايز اطلب منك طلب وياريت توافقى ..
نور : اطلب يا حبيبى ..
ادم : عايزك تبقى السكرتيرة بتاعتى ..
نور : هههههههه
ادم : بتضحكى على ايه ...
نور : هه اصل بصراحة كنت عايزة اقولك كدة بس اتكسفت يعنى ..
ادم : هههه اه عشان كدة .. اوعى تتكسفى انك تطلبى منى حاجة .. مش انا حبيبك ...
نور : احمم اه طبعا ..
ادم : المهم هنعمل فرحنا امتى ..
نور : فرحنا ..
ادم : اه فرحنا ..
دخل فجأة حسام ..
نور ارتعبت اول ما شافته..
ادم : انت ازاى تدخل كدة يا حسام ..
حسام وهو ينظر ل نور : مكنتش اعرف ان عندك ضيوف مهمين ..
ادم وهو يجذب نور له : بس نور مش ضيفة .. نور تبقى خطيبتى ...
حسام : وحضرتك بئا خطبت امتى.. ومن غير ما تقولنا ..
ادم ببرود : ما انا بقولك اهو ..
حسام : ويا ترى مين الهانم ..
ادم : نور ...
حسام : اهلا يا .. يا نور ..
نور : اهلا بيك ..
ادم : دة حسام ابن عمى يا نور ..
نور : اهلا بيه ..
ادم : احب ابلغك أن أن نور بقت السكرتيرة بتاعتى ..
حسام : امم وماله ..
ادم : كنت جى ليه ..
حسام : بعدين بئا .. اسيبك مع .. نور ..
وخرج حسام ..
ادم : مالك يا نور ايدك ساقعة ليه ...
نور بتوتر : مفيش يا حبيبى ..
ادم : ازاى بس انا حاسس انك بتترعشي ..
نور : صدقنى مفيش حاجة .. بس ممكن بلاش شغل انهاردة .. عايزة اروح ..
ادم : طب يلا بينا ..
نور : لأ خليك كمل شغلك والسواق هيروحنى ...
ادم : متأكدة ..
نور : اه يا حبيبى ..
نزلت نور وركبت العربية وراحت على الڤيلا ..
ودخلت غرفة الجارحى ..
الجد : مالك يا قلب جدو .. تعالى .. وشك اصفر كدة ليه ..
نور : اصل .. اصل .. شوفت حسام ..
الجد : عملك حاجة ..
نور : لأ بس بصلى بصات رعبتنى يا جدو ..
الجد : لأ يا نور .. حفيدة الجارحى مينفعش تبقى ضعيفة ..
نور : حفيدة الجارحى .. انا حفيدتك ..
الجد : انا كان نفسي يبقى عندى حفيدة زيك وربنا بعتهالى عشان كدة انتى من اول ما شوفتك وانتى حفيدتى ..
نور : ربنا يخليك ليا ياجدو .. جدو عايزة انام فى حضنك عايزة احس بالامان ..
الجد : تعالى يا حبيبة جدو ..
ودخلت فى حضنه ونامت فى ثوانى كأنها منامتش قبل كدة ..
ادم خلص شغله بدرى عشان يروح يطمن على نور ..
ووصل الڤيلا طلع اوضتها ملقهاش ..
راح على اوضة جده ..
لأنها نايمة فى حضنه .. والجد بيقرا فى كتاب ..
الجد : شششش ..
ادم بصوت منخفض : هى كويسة ..
الجد : اه يا حبيبى كويسة ..
ادم : لما تصحى خليها تجيلى ..
الجد : فين ...
ادم : اوضتى يا جدو .. تخبط بس .. متخفش ..
الجد : ماشي يا خويا ..امشي بئا عشان متصحاش ..
ادم : ههه حاضر ..
بعد شوية ..
نور بتبتدى تصحى ..
الجد : مساء الخير يا قلب جدو .. نمتى كويس ..
نور : يااااه يا جدو اول مرة احس بالامان كدة .. نمت كويس اوووى ..
الجد : الحمد لله يا حبيبتى .. روحى غيرى .. وبعد كدة خبطى على ادم .. قوليله انك صحيتى هو قالى كدة ..
نور : حاضر يا جدو ..