الفصل التاسع والعشرون
بقلم صابرين علاء
ادهم حس انه ف ورطه من طلب حاسب منه
وبص ل حوريه وبقى مش عارف يعمل ايه وف
نفس الوقت مش قادر يقول انها مش مراته والكل يظن فيها ظن السؤ
اتكسف وقال،،،، خلاص ياشيخ حاسب مش هكسرك كلمه،،،، انت الغالي ابن الغالي،،،،،،،
حاسب قال تمام وانا هاطلب من اختي انها تجهز لكم الخيمه بتاعتكم
وراح حاسب ونادى على فرحه اخته
وقالها،،،،، اسمعي يافرحه بتروحي دلوقتي تجهزي الخيمه بتاعت
الست حوريه احسن تجهيز وتحطلهم فيها عشا وفاكهه وعصير وتجمليها
بالعطر وتفرشي السرير من احسن
المفارش اليدوية اللي بتعملوها انتي
والحريم مفهوم،،،،،
فرحه قالت وليه كل دا بس
حاسب قالها لان جوز الست حوريه
ادهم هيبات معاها الليله ودي زوجته
مش عايزين نحسسهم ان المكان مش
قد المقام وكمان اهو يقضر شويه وقت مع بعض ودا من حقهم،،،،،
فرحه قالت حاضر يا ابو الواجب انت تعزم وانا اتدبس مش كدا،،،،،،
طيب ماشي،،،،،،
حاسب قالها لسانك ميطولش علشان
قربنا نقصو،،،،،، يلا روحي اعملي اللي قولتلك عليه
فرحه مشيت وقعدت تظبط ف الخيمه زي ما اخوها قالها،،،،،،،،
وفجأه سمعت صوت ادهم وحوريه بيتكلمو
حوريه قالت،،،،، انت ازاي توافق على حاجه زي كدا،،،،، انت ليه موضحتش الصوره يا ادهم،،،، ليه مقولتش اني مش مراتك،،،،،،واني متجوزه وجوزي طلقني لما شك فيها ليه مقولتش انك يادوب شفقت عليا بعد ما ابويا طردتي من بيته وشك فيا ليه مقولتش كدا،،،،،
ادهم قالها،،،،، انتي ايه الكلام اللي بتقوليه دا عايزاني اقولهم انك هربانه معايا
حوريه قالتله لا متقولش كدا،،،
ادهم قاطعها وقالها وهم مش هيفهموها غير كدا،،،،، محدش يعرفك ياحور،،،، محدش يعلم باللي جواكي غير رب العالمين لكن البشر لا البشر
دول في منهم ملايكه وفي منهم شياطين،،،،،،،،
اني زعلانه اوي كدا ليه ياحور،،، انتي خايفه مني،،،،،،
حور انتي لو من غير هدوم قدامي انا اغطيكي،،،،،، انا لو اقدر اشيلك جوا عيوني واقفل عليكي هاعملها،،،،،،
وصدقيني دا قليل عليكي،،،،،،
وعلشان اثبتلك كدا،،،، انا هادخل معاكي الخيمه وبعدها بنص ساعه هاخرج وهاسيبك تنامي براحتك ولو حد شافني او سألني هاقول ان مش جايلي نوم،،،،،،،،،
انا هسهر علشان راحتك انتي ياحور،،،،،، وكدبت علشانك بردو وياريت تحسي،،،،،،، لان الاحساس نعمه
ادهم كان على وشك يقولها بحبك
بس منطقهاش كان مصمم انه يخليها
ولما يحس بحبها يقول،،،،،،
حوريه قالت،،،، انا اسفه يا ادهم،،،،
اسفه لاني تعبتك معايا كتيير اوي
بجد انت اجدع وارجل انسان اشوفه ف حياتي،،،،،،، انت وقفت جمبي وساعدتني كتيير اوي ومهما شكرتك مش هوفيك حقك،،،،،،،
ادهم ابتسم وقال مافيش داعي للشكر انا هنا الجندي اللي جاي علشان اساعدك ويلا بقى ندخل الخيمه علشان انا جوعت بصراحه،،،،،
حوريه قالت يالا بينا،،،،،
دخلو الاتنين وفجأه لقو فرحه خارجه
فرحه قالت،،،،، اسفه اني اتأخرت بس
عقبال ما جهزت كل حاجه،،،، اتفضلو
ليله سعيده،،،، بعد ازنكم
فرحه دخلت الخيمه وصحيت بالليل قامت
بصت من الخيمه بتاعتها فلقت ادهم فعلا سهران وجسمه بيتعرش من البرد خدت غطا تقيل من عندها
وخرجت وحطته على كتف ادهم
وقالت،،،،، انت نايم برا ليه كدا،،،،،
الجو برد عليك وبعدين هو في حد يسيب خيمه ابله حوريه ويقعد ف البرد دا برا،،،،،،
ادهم قالها متشكر اوي بس انا مش
بردان،،،، ممكن تاخدي الغطا بتاعك
دا وتدخلي جوا،،،،، علشان ممكن حد
يشوفك وانتي ف انصاص الليالي معايا كدا،،،،، واظن كدا عيب اوي عندكم،،،، ممكن تتحبسي ف بيت الادب
فرحه قالت هههههه هو انت كمان عرفت بيت الادب،،،،،،، طب وفيها
ايه لما ادخل بيت الادب في سبيل راجل شهم وجدع زيك في زمن
الرجوله بقت بتمن الالماظ،،،،،،،
ادهم استغرب من كلامها قالها انتي لسه صغيره جبتي الكلام دا منين،،،،
قالتله من الدنيا يا عم،،،،،
ادهم ضحك وقال ياعم،،،،، اول مره حد يقولي الكلمه دي،،،،،
قالتله طبعا في اللي بيقولك ياباشا ويابيه وياحضرت الظابط،،،،،
بس انا بقى غيرهم علشان تعرف اني مميزه
ادهم قالها طب يالا يالمضه خدي
البتاعه دي،،،،، هي اي دي بطانيه ولا
كوفيرته ولا اي دي،،،،،،
قالتله دي بردايه،،،،،،،،
قالها هي مين دي اللي بردانه
بقولك بردايه هي اسمها كدا
بص دي دي احنا اللي بنشتغلها ولما بتجهز بتطرزها بإدينا،،،،، دي انا عملتها بإيدي وقولت هاهديها للانسان اللي هاحبه،،،،، الانسان اللي هيخطف قلبي
من اول نظره،،،،،،،
ادهم حس بتلميحات ليه قالها،،،،
بس مش اي حد يستاهل حبك دا يافرحه،،،، ياريت تحافظي على البردايه دي و تهديها للشخص اللي يستاهل حبك بجد،،،،،،،،
ودلوقتي ياااريت تروحي وتنامي لان صدقيني انا خايف عليكي ومش هسمح لاي حد انه يرميكي بكلمه
باطله ف حقك وانتي اشرف من الشرف
فرحه مشيت وهي مكسوره الخاطر
دخلت خيمتها وقعدت تبكي،،،،،،
حوريه راحت عند ادهم وادتله غطا
وقالت،،،،،،، عالفكرا اتسرعت يا ادهم
المفروض انك ظابط بتفهم ف لغه
الشفايف والعيون وقولتلي قبل كدا انك بتقرا افكار،،،،،،، طب ليه مقدرتش تقرا افكارها،،،،، ليه مفهمتش انها بتحبك،،،،،،،،
ادهم قالها،،،،، ههههه بتحبني،،،،،
ايه الكلام دا حب مره واحده كدا
حوريه قالتله اه الحب ممكن يكون من نظره كمان ايه المشكله،،،،
ادهم قالها،،،، المشكله ان قلبي مش معاها،،،،، واخاف اظلمها معايا،،،،،،
حوريه قالتله اومال قلبك مع مين
انا عارفه انك بتحبني يا ادهم
انا مش غبيه،،، ومش عديمه الاحساس،،،،،، انا حسيت بيك من ساعت ماكنا بنرقص سوا وقولتها
بإحساس،،،،،،، ساعتها انا كنت متأكدا
انك مش بس بتقولها علشان تغيظ
جبل،،،،،، لا انت كنت بتقولهالي لانك
حاسسها وطالعه من قلبك وماصدقت لقيت فرصه
ادهم قام وقف وقال،،،، حوريه انااااا
حوريه قاطعه وقالت من فضلك ياادهم ياريت تسمعني،،،،،،،،
انا جربت الحب خلاص،،،،،، وجربت نصيبي والحقيقه انا حبيت،،،،، وعشت اجمل معاني الحب والمشاعر،،،،،
صحيح كانت النهايه حزينه وسبنا بعض،،،، بس هتفضل النهايه الاجمل
بالنسبالي اني ثمره حبه ف بطني
حتى لو كان جرحني،،،،، انا متأكده ان ابني هيعوضني عن كل اللي شوفته من ابوه،،،،،،،، بس سامحني يا ادهم،،،، انا مش هقدر اني ارتبط تاني
انا قررت اني لابني وبس،،،،،، هاعيش علشان اربيه ويبقى راجل،،،،،،
انا بقولك الكلام دا وانا مش عاوزاك
تضيع من عمرك وتتعشم بشئ انا من
هقدر اقدمهولك،،،،،،
انت لسه العمر قدامك يا ادهم من حقك تعيش،،،،، تعيش صح،،،،
احيانا العقل بيختار والاختيار بيريح القلب جدا،،،،، لان ديما العقل بيختار صح،،،،،،
متضيعش فرصه حلوه من ايدك،،،،،
لانها ممكن تكون مصدر سعادتك
وانت مش عارف احنا مُسيرين ياادهم مش مُخيرين،،،،،،،
قالتله كل اللي ف قلبها ومشيت
وادهم فكر كتير ف كلامها ودمعه نزلت من عنيه غصب عنه بس غسلت دموعه وغسلت قلبه،،،،،،،،
____________________
جبل راح شركته وهو متغير تماما كاره حياته لدرجه كبيره جدا اول مادخل قال،،،،،،
اسمعي،،،،،،، قولي لكل الموظفين ان
مواعيد الشغل هتزيد ساعتين و
اي موظف غاب اكتر من يومين ف
الشهر فصل تماما حتى لو كان ليه اسبابه وظروفه مفهوم،،،،
ومش عايز اي ست موظفه تكون
موجوده ف الشركه،،،،،، بما فيهم انتي
وكمان تنبهي على الكل من بكرا يلبس اسود،،،،،، مفهوم يلا خلصي اللي قولتلك عليه واطلعي برا،،،،،،،
الموظفه فضلت مبحلقه كتير ومش عارف تتصرف ازاي
بس عملت كل اللي جبل قالها عليه
ومشيت،،،،،،
_______________________
مر حوالي 8 شهور على ابطالنا
والامور فضلت هاديه،،،،،،، مش هدؤ
اللي هو سعاده واستقرار لا دا هدؤ ماقبل العاصفه
نبدأ من عند عابد وندى
عابد كانت معاه ليالي،،،،، بتقوله
ياااه يابودي واخيرا كوم الزباله اللي انت مشتريه دا بقى احلى كافيه ف المنطقه كلها،،،،، انت عارف ايه اللي مفرحني،،،، انو مش قهوه بس ياجدع
لا دا تيك اوي كمان،،،،،،،،
ندى قالت يعني انتي عرفتي تقولي تيك اوي وقولتي ف البدايه قهوه اولا ماسمهوش قهوه اسمه كافيه،،،، كافيه،،،،،، ثانيا انتي لازم تحسني من اسلوبك وطريقت كلامك دي بقا انتي
خلاص بقيتي من تيم وورك بتاعنا
ومن بكرا هايكون في زباين داخلين خارجين من المكان مش ممكن تقفي وسطينا وتتكلمي بالطريقه الديرتي ( القذره)
دي،،،،، واو انبوسيبول،،،،،،(مستحيل)
ليالي قالت،،،، زرزور افندي والنبي ياسطا اقعد على جنب ولا روح اعملنا كوبايتين شاي،،، واهدي كدا شويه علشان النهارده الافتتاح وعايزين ربنا يكرمنا،،،،،،
عابد قال ياااه تعبنا اوي ف تجهيز المكان دا،،،،،، بقالنا 8 شهور واحنا رايحين جايين بنشتري ونعمل ونجهز تصاريح وحاجات كتيير اوي لحد ما
قدرنا نخليه ف المنظر دا،،،،،،
ليالي قالت صراحه الواد محمد دا طلع شهم ورجوله،،،،،،،، لولاه مكنشاش قدرنا ننجز،،،،
عابد قال،،،،،،،
ربنا يقدرنا ونعمل افتتاح حلو يليق بالمكان،،،،،
وصل محمد ومعاه اتنين،،،،،،،
قال ل عابد،،،،،، بص بقى ياسيدي
النهارده الافتتاح لازم يكون صاروخ
يظهر جمال المكان ف المنطقه كلها
وعلشان كدا ديزينر الحفلات اديته
اللوكيشن وزمانه جاي،،،،،،
ودا ديزينر الملابس علشان لبس العمال ولبسكو انتو شخصيا اكيد يعني مش هتفضلو باللبس دا،،،،،
اكيد مش هتطفشو الزباين من اول يوم،،،،،،
ودا الميكب ارتست علشان نظى وليالي،،،،،، لازم تكونو ف ابهى صوره
علشان تكونو وجهه مشرفه للمكان،،،،
ليالي قالت،،،،، هو ايه دي باكينام
ودي باكينام،،،،،(قالتها وهي بتقلد منى ذكي،)
وبعدين كملت،،،،،، احمم اقصد يعني
هو انت عمال تجيب ديزينل لكل حاجه كدا،،،، هو انت ايه شايفنا شويه دواليب مخلعين وعايز تلضمهم
علشان نبقى جهه مشرفه للمكان،،،،
ما احنا حلوين اهو وزي العسل انا والبت البيضه دي،،،،،، انا مش فاهم انت ليه مصمم تجرح ذا هارت
الكل كان مبحلق ل ليالي ومش مصدق طريقتها،،،،،
محمد قال،،،، لا دا انتي عاوزه مدرس اتيكيت يجيلك مخصوص لا مدرس ايه دا انتي عايزه مدرسه بحالها
عالعموم نشوف الموضوع دا بعدين
المهم دلوقتي انك تسمعي الكلام
وبلاش تتكلمي قدام الزباين خالص النهارده مفهوم،،،،،، وبعدين هنبقى نشوف الموضوع دا،،،،،،،
الكل مشي وفضلت ندى بصلت ليالي
وقالت،،،، انا هاقولك كلمه واحده بس
يالا يانوتي،،،،،
ليالي بصتلها بشر،،،،
راحت ندى جريت وخافت منها
وهي ماشيه ومش شايفه خبطت ف محمد،،،،، وكانت هتقع بس هو لف ايده حوالين وسطها ولحقها،،،،،
ندى قالت،،،،، احمم انا اسفه،،،،،
محمد قالها بعدم اهتمام ولا يهمك
يا يامجدى خلص فوق وانزل
عن ازنك
بصلها شويه وبعدين سابها ومشي،،،،
ندى اتنهدت ومشيت،،،،،،،
اليوم خلص والليل جه بسرعه،،،،،
ندى خلصت لبس وراحت ل عابد
قالت،،،،، والنبي يابودي ارفعلي السوسته دي،،،،،،،،،
قالها،،،،، اي دا،،،،، الفستان دا عريان اوي انتي ازاي تلبسي حاجه زي كدا من غير ماتقوليلي،،،،،
قالت،،،،، فيها ايه بس ياعابد ماهي
دي تبقى حفله وبعدين كل اللي موجودين هيكونو سياح يعني واخدين على كدا،،،،،،،
عابد قالها،،،،،، وفين الفستان اللي قستيه امبارح وقولتي هالبسه،،،،
ندى،،،،، انتي امته جبتي الفستان دا
ندى قالت،،،،، بصراحه،،،،،، الديزينر اللي جايبه محمد هو اللي جابه،،،،،
عابد قال قصدك محمد هو اللي جابه
ندى قالت،،،، وفيها ايه بس ياعابد
ماهو حلو اهو وشكله غالي جدا
وبعدين ماهو جاب واحد بردو ل ليالي،،،،،،
عابد قالها ليالي مراته لكن انتي،،،،،
ندى قالت انا ايه،،،،،
قالها،،،،،، انتي مراتي،،،،،، ندى ارجوكي افهميني،،،، وبلاش تجرحي هيبتي
وكرامتي ف يوم من الايام،،،،،،
ندى قالت،،،، متقلقش انت حبيبي
وروحي وحيات قلبي،،،،،،، ممكن
بقى ترفع السوسته،،،،،،
عابد قال،،،،، طيب عشان خاطري ممكن تلبسي اي جاكت عليه علشان متبرديش،،،،،
قالتله حاضر وباسته من خده،،،،،،
ليالي خلصت لبس وكانت بتعمل الماكياج وقالت،،،،،، ماتخلص بقى ياعم يابتاع الميكب
ارتست انت
هو انت هتفضل طول الليل تحطلي
من العلبه دي والعلبه دي
دا انا كنت بعمل مكياج كامل بنفس صوباع الروج،،،،،،
هم حبه على شفايفي وحبه على خدودي وخلصنا بدال كل دا وف الاخر مش حاسه اني اتغيرت كتير
ولا حاجه،،،،،
الراجل قالها،،،، دا مكياج سيمبل
يافندم،،،،،،
قالتله بلا سيمبا بلا بومبا وبعدين شيل المقشات اللي على عنيا دي
انا مش شايفه قدامي،،،،،
بص تاخد كام وتحل عني،،،،،
انا هاقوم اعمل سندوتشات وكوبايه شاي بلبن يرضعو على قلبك
وفكك مني بقا انا حاسه بيك وربنا
انت تعبان وجعان وعايز تفش غلك ف حاجه،،،،،، اوعى بقى كدا،،،،،
وسابته وميشيت قابلت محمد كان باصص على عابد ونسمه ومبتسم
فهمت كويس بس عملت نفسها مش فاهمه،،،،،،،،
قالت،،،،،، ايه رأيك يامحمد ف الدريس
انا لبسته اهو زي ماقولت،،،،،،
محمد قالها حلو حلو،،،
وسابها ومشي،،،،،،
______________________
في السجن عند خديجه،،،،
كان نايمه على السرير وعامله نفسها مش نايمه وكانت عماله تتصنط على اتنين بيتكلمو جمبها
شفيقه قالت،،،،،، بقولك ايه،،،،،
المعلم قاسم عايز يعرف مكان الصندوق وعايز يبيع الحتت اللي فيه بفارغ الصبر،،،،،،
سندس قالت،،، وحياه امه ما انا قيلاله هو مش كفايه رماني ف السجن ومسألش عني،،،،،،، كان وعدني انه هايخرجني بعد سنه ولا اتنين
واديني محبوسه بقالي عشر سنين وهو عمال يتهنى بالفلوس لواحده
طب يوريني بقا مين اللي هايقوله على مكان الاثار اللي هو عاوزها،،،
شفيقه قالت هسسسسسسس يخبريت
سنينك اسكتى احسن حد يسمعك نروح ف داهيه،،،،،،، يعني اقول لعزام ايه الزياره اللي جايه،،،،،،
سندس قالت قوليله معرفش ولا اقولك استني اما ادورها ف دماغي
شفيقه قالت،،،،، والله فكرا يابت ياسندس،،،،، احنا نشوفلنا صرفه نطلع بيها من المخروب السجن دا،،،،،
وناخد الصندوق بالخير اللي فيه ونعيش ونقب بقا على وش الدنيا
بس قوليلي هو انتي شايلاه فين علشان قاسم يدوخ عليه الدوخه دي
وميعرفش مكانه،،،، دا انتي اكيد دماغك دي مش سهله،،،،،،،
قالتلها طبعا دا انا على كيفك،،،،
ربنا يكفيكي شر كيد النسا،،،، مش بيقولولك كيد النسا غلب كيد الرجال
انا شايلاه ف مكان ميخطرش على بال الجن الازرق،،،،،، شايلاه ف الزريبه
مع البهايم والخرفان،،،، مين يصدق
ان المكان دا في اثار حته بنت ابلسه
بصحيح،،،،،
شفيقه قالت براوا عليكي يابت
دماغ 🧠 بصحيح