رواية حوريه في عشق الجبل
الفصل الثامن والعشرون
بقلم صابرين علاء
في الحلقه اللي فاتت
ادهم غاب عن حوريه فتره طويله
حوريه قالت،،،،، هو ادهم مالو اتأخر كدا ليه،،،،،،
ف اللحظه دي كان جبل وراها وميفصلش بينهم غير لوح ازاز فقط
بس هما ضهرهم لبعض ومش شايفين
بعض
وفجأه جبل لف من مكانه وكانت
الصدمه،،،،،
جبل شاف بنت من بعيد كان شكلها زي حوريه بالظبط قرب منها وحضنها
راحت البنت لفت وشها وادتله بالقلم وقالت اي دا،،،،،، واحد قليل الادب
انت ازاي تقرب مني بالشكل دا
وتحضني كمان،،،،،، انت فاكر نفسك مين،،، ولا فاكر اني ماليش حد ومقطوعه من شجره ولا ايه ها؟؟؟
جبل اتفاجئ انها مش حوريه راح
قال،،،،، انا اسف افتكرتك مراتي
معلش انا اسف،،،،،،
وفجأه رجاله جبل اتلمو عليه
البنت قالت،،،،،، افتكرتني مراتك،،،،،
ماهي دي بقت الحجه الموضه للتحرش اليومين دول،،،،، ناس معندهاش دم
في نفس الوقت حوريه كانت بتبص من الازاز وشافت كل اللي حصل
جبل مهتمش لكلامها وقعد يبص ف كل مكان
يدور على حوريه
وقبل مايدور وشه ويشوفها من الازاز
حوريه نزلت بدماغها لتحت علشان بيشوفهاش
بقت تقول،،،،،، لا ياجبل،،،،،،، مش هقل من كرامتي تاني وارجعلك،،،،،
انت اللي اخترت وسبتني،،،،،، وانا
مش هارجعلك من تاني،،،،، مش هرجع
لحضن الجبل من تاني،،،،،، انا حوريه
ومكاني ف البحر،،،،، مكاني اني اكون حره،،،،، لان الجبل بقى يشكل خطر على حياتي،،،،،، لانه صحرا ومافهوش روح
جبل فضل يدور عليها ف كل مكان
بس طبعا مالقهاش،،،،،،،،
ف مشي،،،،، مشي وهو حاسس باليأس
ادهم خلص كلامه مع المدير وخرج
ولما راح المكتب اللي كان فيه حوريه
لقاها نايمه ع الارض والدموع ف عنيها ولمه رجلها على بعض
قالها،،،، حور،،،،،، حور اصحي ،،،،،
انتي كويسه،،،،، فوقي ردي عليا
حوريه فاقت وعدلت نفسها وقالتله
انا كويسه يا ادهم.،،،،،، اتأخرت كدا
ليه،،،،،
ادهم قالها عقبال ماخلصت خناق مع العميد ياستي،،،،،، تصوري،،،، البيه عايز
ينقلني سينا قال في مهمات كتير
لازم اقوم بيها هناك،،،،،، ومش قادر يثق ف اي ظابط غيري
حوريه قالتله،،،،،، طب وعملت ايه وافقت،،،،
ادهم قالي لا طبعا موافقتش ولا هوافق انتي عايزاني اسيبك واروح
الصحرا،،،،،،، دا انا لو وصلت لرفدي
مش ممكن ابدا اسيبك ياحور،،،،،
قولتله،،،،، طب ماهو انا اكيد مش هاسيبك وهاروح معاك،،،،،،
قالها انتي بتقولي ايه ياحور
انا مستحيل اسيبك تحت اي ظرف من الظروف حتى لو فيها رفدي
ودمار مستقبلي،،،،،، انا مستعد افضل معاكي حتى لو هموت
ادهم كانت كل كلمه طالعه من بؤه
كانت كلها احساس،،،، كان نفسه يقولها
بحبك ❤ بس اكيد هي مش سامعاه
ودا عذاب الحب اللي من طرف واحد
حوريه مسكت اديه وقالت،،،،،
انا مستعده اجي معاك الصحرا يا ادهم،،،،،، ياترى ينفع،،،،،
ادهم قالها،،،،حتى لو ينفع انا مش هوافق بكدا،،،،انتي ناسيه انك حامل ودا ممكن يشكل خطر على صحتك
حوريه قالتله،،،،، ادهم انا مش هسامح نفسي لو كنت السبب ف خساره شغلك،،،،،، مش هسمحلك تعمل كدا ف نفسك،،،،، ادهم انت عارف كويس ان انا اخترتك،،،،،، واخترت ابعد بعيد لاني عارفه كويس ان جبل مش هيسكت وهيدور عليا،،،،،، هو من شويه كان هنا وعرفت استخبه منه،،،،،،، سبق وسبته واخترت اكون معاك
وانا لسه عند وعدي فا ياريت من
فضلك ياريت توافق على طلبي وتاخدني معاك،،،،،،،،
ادهم قالها هو ينفع بس لو هتشتغلي
هم طالبين كمان طقم تمريض
انت ممرضه
حوريه قالتله انا اخدت كورس ف التمريض وبعرف اعمل اي حاجه هم يطلبوها
ادهم قالها ايوا يابنتي بس دي
صحرا وظروف الصحرا قاسيه جدا
والجو هناك بيكون حر اوي دا غير ما ان الشغل هناك صعب اوي،،،،،
دول احتمال يصحوكي من عز نومك
ويقولولك قومي عندك شفت،،،،
هم اصلا لو عرفو ان انتي حامل
مش هيوافو على شغلك،،،،،
حوريه قالتله وهم هيعرفو منين بس
ماهو البركه فيك ياحضرت الظابط
امال فين شغل الوسايط،،،،،
قالها خلاص طالما دي رغبتك انا
موافق،،،،، بس مش هاتبعدي عن عيني ولا لحظه،،،،،،،،
حوريه ابتسمت وقالت،،،، وانا موافقه
______________________
اما عند محمد وليالي،،،،،،
ليالي اتصلت ب عابد وقالتله،،،،،
ازيك يا ابو الصحاب،،،،،، ايه الاخبار
عابد قالها اهري ايه اللي عندك
ايه اللي حصل،،،،،
قالتله،،،،، مافيش ياعم البت اخته
اللي اسمها نيره دي طلعت مجنونه
قالتها وسكتت وبعدين عابد قالها
مجنونه،،،، مجنونه ازاي يعني
رجعت غيرت مسار الكلام وقالت
يعني،،،،،
قاعده طول النهار وبتعمل حركات غريبه،،،،،شويه تزعق شويه تعملنا فيها شيخه وقال الله وقال الرسول بس اهي ماشيه،،،،،،،
بس كله يهون علشان خاطر عيونك وعيون ندوشه اللي مش طايقاني
المهم هي عامله ايه،،،،،
عابد قالها،،،،، المهم،،، خالينا ف المهم
ياليالي،،،، قضيتي معاه ليله ولا لأ
ليالي قالت،،،، ايوا،،،، انا قضيت معاه
ليله زي الفل امبارح واقدر اقولك الواد مافهوش حاجه وعلى رأي
البت اللي ف فيلم محامي خلع
، 64 حصان 🐎
والله احب قفشات الافلام
عابد قالها طيب ماشي يابتاعت
الاقفشات انتي،،،،، ضروري ترجعي النهارده،،،،، اوك،،،،،، انتي كده مهمتك
خلصت،،،،، يلا ارجعي بقى
ليالي قالت له ارجع فين يا اسطا
ماخلاص انا بعت البنزينه بتاعتي
مكنتش جايبه همها،،،، وانا قررت افتح مشروع تاني،،،،، بس اي هو انا
معرفش،،،،،،
عابد قالها ومتعرفيش ليه بقى ان شاء الله ماتيجي تستثمري فلوسك
عندي هنا ف الكوخ ولما يجي منه
ارباح انتي طبعا هاتكوني مستفيده
قالتله،،،،، والله فكره عبقريه،،،،، بس،، بس مراتك العقربه دي هتوافق
كانت ندى جمبه قالت،،، لمي لسانك
ياليالي بدال ما اجي والمك،،،،
ليالي قالت.،،،، حببتي كنت لسه بشكر فيكي واقول عليكي عقربه،،،
المهم يا اسطي اتكل على الله انت
وانا هبقى اجيلك بالليل،،،،،،
ليالي قفلت ومسكت الفلاشه اللي كانت ف اديها امبارح،،،،،
سامحوني ياجماعه،،،،، اللي ساتره
ربه ما افضحوش،،،،،، انا كنت هضعف
واقول لعابد على كل اللي شوفته
كنت هاقوله،،،،، ان محمد وندى اتظلوا
الفلاشه دي هي اللي هتوضح كل حاجه وانا لازم احتفظ بيها،،،،
علشان لما يجي وقت البار والدمه
اطلعها واظهر برائتهم،،،،،،
_______________________
جبل بقى عامل زي المجنون بيدور
على حوريه حببته ف كل مكان فضل اكتر من شهر على الحاله دي ودقنه طولت وظهرت هالات سودا تحت عنيه وبقى كاره الحياه بشكل كبير
وف يوم من الايام
كان بيتكلم ف الفون بيقول،،،،،
يعني ايه مش لاقيين ليها اثر هو انتو بتدورو على سراب دي انسانه
وحامل كمان يعني ايه مش لاقينها
مش بتروح اي مستشفى تطمن ع العيل طيب مش بتروح سوبر ماركت تشتري حاجات فجأه كدا فص ملح وداب
الراجل قاله سامحنا ياجبل بيه احنا سألنا عليها ف كل شبر ف القاهره
دورنا عليها ف كل الشوارع والحارات
ومالهاش اي اثر تماما وكأنها فص ملح وداب بجد
جبل قال
طيب دورو على ادهم شوفوه هو فين،،، اكيد لو قدرتو توصلولو هتقدرو توصلو ل حوريه
الراجل قاله،،،،،، مع الاسف ياجبل بيه
ادهم مالهوش اي حد لاقريب ولاحبيب ولا حتى جيرانه ولاصحابه يعرفو عنه حاجه دا غير انه ظابط ومستحيل نقدر ناخد اي معلومه من شغله،،،،،،،
بص ياجبل بيه الحل الوحيد انك تستنى لما هي تظهر لواحدها
جبل مسك الفون ورزعه جامد عالارض وقااال،،،،،،، اخرس،،،،،،
وبدأ يبكي ويقول
يعني ايه عايزني اسكت واسبها ومادورش عليها،،،،،،،، يعني ايه اسكت
واسبها،،،،،، انا اللي كنت غبي،،،،، انا
اللي ضيعتها من ايدي من الاول
هي عمرها ما بعدت عني،،،،،،،
وانا بغبائي فرط فيها وف ابني،،،،،،،،
البارت الجديد بينزل كل يوم على صفحتي الكاتبه صابرين علاء.
دخلت عليه شريفه الاوضه لاقته قاعد على الارض قالتله،،،،، في اي با ابني
مالك،،،،،، انت شكلك بقى عامل كدا
ليه،،،،، اي دأنك دي،،،،،،، وايه دا اف
ريحتك وحشه كدا ليه،،،، انت بقالك
قد ايه ما استحمتش،،،،،،، فين جبل
ابني اللي كان ديما شيك وانيق
وريحه برفانه جايبه اخر الدنيا،،،،،،
ليه عامل ف نفسك كدا وعلشان ايه
جبل بيأس واحباط قالها،،،،،، حوريه
سابتني يا امي،،،،، حوريه خلاص بعدت عني للابد،،،،،،،، سافرت القاهره
مع ادهم من حوالي شهر ،،،،،، وانا عمال ادور ومش لاقي طيفها حتى
شريفه قالت،،،،،،، حوريه،،،،،، حوريه ايه
وزفت ايه ماتفوق لنفسك بقى
الحمد لله انها بعدت عنا،،، يارب ماترجع،،،،، انا عمري ماحبتها ابدا البنت دي فهمت ولا هاحبها،،،،،،،
وانت لازم تفوق من الغيبوبه اللي انت فيها دي،،،،،،، مالك ياجبل من امته وانت يفرق معاك الحب والعبط دا،،،،،،، انت ناسي كنت متجوزها ليه
انت كنت متجوزها علشان تذلها وتكسر مناخرها،،،،، انا مش عايزاك تنسى ابدا ان اخوها وابن اعمها كانو السبب ف قتل اخواتك فاكرهم ولا
نسيتهم ياجبل،،،،،،
جبل بصراخ،،،، فاكرهم،،،، فاكرهم وعمري ماهنساهم،،،،،،، بس حوريه ذنبها ايه،،،،، وانا ذنبي ايه،،،، وابننا
اللي مالهوش ذنب يتحرم من ابوه دا ذنبه ايه،،،،،،،،
ليه مصممه تاخدي بطارك من حوريه بس،،،،، ليه بتفكريني انا بس بموت اخواتي،،،،، ما انتي عندك ندى اهي راحت واتجوزت عابد اللي كان السبب
ف موت ابنك ليه مطلبتيش منها
تجبلك حقك وتاخد بطارك
شريفه قالت علشان انت الراجل
البيدج الاصليه الكاتبه صابرين علاء.
قالها لا،،،،،، علشان انتي مصممه انك
تدمري حياتي وسعادتي،،،،،،،،
اي حد حاطط ف دماغه طار،،،،،
يبقى بيدمر حياه الكل،،،،، تقدري تفهميني في كام عيله عيالها اتيتمو
بسبب الطار،،،،،، في كام واحده خدت ولادها وهربت بيهم بسبب الطار،،،،،
في كام قلب ام اتحرق زيك على ولادها بسبب الطار،،،،،،، وياترى يا امي لو شوفتي حوريه بتموت قدام عنيكي
هتستريحي،،،، هتكوني مبسوطه انك
اخدتي بطار ولادك مش كدا،،،،،،،
بس هتكوني حرقتي قلب ابنك اللي عمره لا حب ولا هايحب غيرها
فوقي بقا يا امي،،،،،، فوقي وسبينا ف حالنا بقى ابوس اديكي سبينا
ف حالنا،،،،،
شريفه خرجت من الاوضه وجبل فضل يبكي ويقول حوريه،،،، حوريه
ارجعيلي والنبي،،،،،،، انا ندمان،،،،
انا عايش وحيد من غيرك ارجيلي،،
_______________________
عند حوريه وادهم،،،،،،
كانت حوريه ف الكتيبه مع ادهم هو شغال ظابط وهي ممرضه اي اصابه بتعقمها وتعالجها مع الدكاتره
وف يوم من الايام،،،،،،،،
ادهم جه وشايل واحد وبيقول
تعالي ياحوريه بسرعه عقمي الجرح
اللي ف ايده ده،،، عقبال ما انادي عالدكتور،،،،،،،،
قالتله اي دا،،،،،،، بس دا شكله من من الظباط مش لابس ميري وبعدين
شكله راجل كبير،،،،،،
قالي ايوا دا الشيخ تواب كبير البدو
استعانا بيه ف المهمه بس مع الاسف كشفوه ولحقناه ف اخر لحظه بس
كان انصاب،،،،،،،،
بدأت حوريه تعقمله الجرح اللي ف كتفه وداوته وفضلت جمبه لحد مابقى كويس،،،،،،،،
ولما فاق كان عايز يقوم ويمشي قالتله،،،،،، استريح يا فندم حضرتك تعبان ومحتاج للراحه التامه علشان اي حركه ممكن الجرح يتفتح ويعمل نزيف،،،،،،،
قالي،،،،،،، يابنتي انا من البدو مش هايجرالي حاجه،،،،
قالتله يعني ايه من البدو هم البدو دول مش بني ادمين مثلا مش عندهم دم وممكن ينزفو،،،،،،،
ياريت حضرتك متستهترش بالموضوع
وتخاف على نفسك،،،،،،
قالها يابنتي احنا البدو عايشين ف الصحرا وواخدين على الظروف القاسيه دي وعايشين ليل نهار ف الصحرا وسط التعابين والعقارب
واخدين على العطش والجوع،،،،،،
ميهمناش حته غربوش زي دا،،،،،
حوريه قالتله ولو،،،،،، معلش بردو.
حضرتك ممكن تنونا هنا شويه تحت المكيف وبعدين ترجع للظروف القاسيه اللي انت حابب تعيش فيها، ،،
الشيخ ضحك وقالها طيب ممكن تناديلي الدكتور،،،،،،،،
قالتله حاضر من عيوني،،،،،،،،
وفعلا راحت حوريه ونادت الدكتور
ولما جه،،،،،،،
قال اي ياشيخ تواب ازيك النهارده
الشيخ تواب الحمد لله يا ابني قدر ولطف جت بسيطه الحمد لله،،،،،،،،
المهم،،،،،،، انا عايز اخرج من هنا يا ابني،،،،،،، انت عارف انا عندي مسؤوليات ورعيه محتاجين ماشورتي ومساعدتي،،،،،،،،
الدكتور قال ايوا بس حضرتك محتاج للعنايه،،،،،، ازاي هتقدر توفر دا هناك
الشيخ قاله،،،،، متقلقش انا هناك عندي
اطبه بيعملو لبخات حلوه اوي للجروح
الطبيب قال لبخات،،،،،،،، 😂 لا طبعا
انا بقول تاخد معاك حوريه وتقعد معاك فتره تغيرلك عالجروح وتساعدك
ف اي شئ،،،،،، ولا اي رأيك يا حوريه
حوريه قالت،،،،،، اكيد يادكتور انا تحت امرك وتحت امرك الشيخ تواب بس هو يوافق،،،،،،،،،
الشيخ قالها اذا كان انتي انا معنديش مانع انتي وشك مليان قبول وانا اول مافوقت وشوفتك ارتاحت ليكي جدا
يابنتي ربنا يفرح قلبك ويجعل الحياه حلوه زي وشك البشوش دا،،،،،،
حوريه ابتسمت وقالت يااارب،،،،،
حوريه راحت مع الشيخ وابتدت تعيش في قبائل البدو تحت رعايه الشيخ تواب والكل بقى بيحترموها جدا وبيقدروها وبيسمعو كلامها
عدى اسبوع وجه ادهم يزورها،،،،،،،
قالها.،،،،، ايوا ياعم الله يساهلك مين
ادك دلوقتي طبعا طول النهار تاكلي تمور وباليل لحم مشوي
دا غير طبعا طبق الفاكهه اللي في فيلم ابو جهل وتقعدي تلغي منه انتي واللي ف بطنك طول الليل
وانا متلقح ف الخدمه ومش لاقي اللي يسأل فيا حتى بشويه ميه ساقعه،،،،،،،
حوريه ضحكت وقالت ههههههههه
امممممم هنقر بقا ياسي ادهم،،،،،
الحقيقه الناس االي هنا طيبين اوي
واكلهم كله من الطبيعه يعني اللبن طازه وبيدبحو الماعز والخرفان من عندهم وياكوها بردو طازه والفواكهه
بتجيلهم مخصوص،،،،، دا غير
الحرف اليدويه اللي بيشتغلوها وبيبعوها للسياح،،،،،، شوفت حياه
كلها بيور،،،،،،،
ادهم قالها انتي اللي بيور وجميله ياحور،،،،،،، انتي اللي روحك صافيه وطاهره وجميله علشان كدا بتشوفي كل حاجة حواليكي حلوه زيك،،،،،،،
حوريه ابتسمت وقدمت خطوه فجأه رجلها اتلوت وكانت هتقع بس ادهم
بسرعه لحقها وخدها ف حضنه،،،،،،
واخدها ف بحر عيونه بنظره طويله كلها معاني واحساس،،،،،،،
وفجأه حاسب ابن الشيخ تواب جه،،،،،
قال،،،،، اهلا وسهلا بيك يا ادهم باشا
حضرتك نورت القبيله كلها،،،،،،
ادهم قال متشكر منوره بيكم،،،،،
انا مطر استأذن،،،،،،،
حاسب قاله ليه انت كنت جاي تشوف زوجتك مش كدا،،،،،،،،،
ادهم بص على حوريه وقال اها
كنت جاي اسلم عليها وامشي علطول علشان الشغل،،،،،،،
حاسب قاله لا مينفعش لازم تبات معاها الليله انت مأثر معاها جدا
وكدا مينفعش،،،،،،
ادهم قال لا ماهو اصل ال.
حاسب قاطعه وقال،،،،، احنا مابنوجع ف كلامنا ابدا هاتبات معاها اليوم يعني هتبات وانا هاديها
اجازه النهارده
من رعايه ابويا وانا اللي هسهر جاره
ادهم حس انه ف ورطه من طلب حاسب منه
وبص ل حوريه وبقى مش عارف يعمل ايه وف نفس الوقت مش قادر يقول انها مش مراته والكل يظن فيها ظن السؤ