CMP: AIE: رواية خطف مع سبق الاصرار الفصل االسادس والسابع
أخر الاخبار

رواية خطف مع سبق الاصرار الفصل االسادس والسابع

رواية خطف مع سبق الاصرار الفصل االسادس والسابع

رواية خطف مع سبق الاصرار 

الفصل االسادس والسابع
بقلم اسراء ابراهيم


البارت السادس 

_انا اتغصبت علي جوزانا امي اتعلقت بيكي لدرجة انها طلبت مني اتجوزك عشان تفضلي عايشة معاها ومكنش





 في حل قدامي غير اني اتجوزك فعلا لأنها كانت هتغضب عليا وهتتعب اكتر وانا مقدرش علي زعلها 





_من الصدمة عينيها دمعت ومقدرتش تتكلم وفضلت ساكتة

_ايمان انا بجد مكنش قدامي حل تاني انا اتكلمت معاها كتير بس هيا صممت 






_بحزن ميرا دي تبقي حبيبتك مش كدة ؟

_احم ايوة انا مرتبط بيها هيا تبقي زميلتي في المستشفي 
وبنحب بعض بس انا اتكلمت معاها إن إن وسكت 

_بدموع هه اني جوازة مصلحة عشان خاطر امك وانك مش بتحبني واكيد طبعا فترة مؤقتة وتخلص مني وتتجوزها مش كدة ودموعها نازلة علي خدها 

_حس ان قلبه وجعه ،  ميرا قالتلك كدة في الفرح صح 

_هيا قالت نص الكلام والتاني انا فهمته لوحدي ودموعها نازلة علي خدها 

_كور ايده بغضب من ميرا ، ايمان انا مش عايزك تزعلي مني لو سمحتي قدري موقفي 

_بانهيار ،  اقدر موقفك! وانا مين يحس بيا انت اناني اووي كان في الف حل غير انك تكسرني كدة للدرجادي انا قليلة في نظرك ومش مهم انا هحس بايه طب كنت قولي وخيرني 
وانا ارفض او اقبل لكن تحطني قدام امر واقع وكل ده ليه عشان ايه انا مش مسامحاك ومش هقؤلك طلقني يكفيني اني اعيش مع الست اللي اعتبرتني بنتها لدرجة




 انها غصبت علي ابنها ان يتجوزني عشان بس متسبنيش واعيش معاها 

_لو سمحت انا تعبانة وعايزة انام ممكن تطلع برة ومن هنا ورايح كل واحد فينا في اوضة 

_لا ارجوكي امي لو عرفت كدة ممكن تزعل وتتعب  وانا خايف عليها وانتي كمان اكيد خايفة عليها وميرضكيش انها تتعب بسببي 

_تمام اعتقد احنا انهاردة لوحدنا ممكن تخرج ؟

_تمام يا ايمان تصبحي علي خير ،  وخرج وهو مضايق وحاسس انه بيهرب منها من نظرات اللوم في عينيها 
حتي مقدرش يواجهها ويقؤلها ان الكلام اللي قالته ميرا غلط 
لانه صح .
................

_جرس الباب رن وعمر فتح اهلا نورتي يا امي ، ازيك يا خالتو 

_الف مبروك يابني ربنا يسعدكو يارب 

_الله يبارك فيكي يا امي ربنا يخليكي لينا 

_  اومال فين العروسة شايفة نفسها علينا ولا ايه من اولها 

_لا يا خالتو دي بتلبس ثواني وهتيجي هروح اشوفها 

_خبط عمر علي الباب وقالها ،  ايمان امي وخالتو برة انتي صحيتي ولا ايه 

_شوية وفتحت الباب وقالتله انا طالعالهم وكانت عنيها منفوخة من العياط وكان باين انها منمتش بس دارت كل ده بالميكب و هو خد باله 

_ ازيك يا امي ، نورتي يا  طنط 

_عروسة ابني الف مبروك يا روح قلبي ربنا يسعدك ويريح قلبك يارب 

_ ايه ياختي كل ده عشان تطلعي مش قد المقام احنا ولا ايه 

_بتوتر لا العفو يا طنط انا مقصدش والله انك تفهمي غلط 

_ولا تقصدي ما انتي معذورة مكنش في حد يعلمك الاصول 

_ ايمان حست انها مخنوقة وهتعيط بس لقت عمر بيرد 





_ايمان احسن واحدة تفهم في الاصول يا خالتو واعتقد انتي عارفة ليه وخلاص بقينا اهلها وهيا كمان بقت مننا يعني مش غريبة علينا 

_ هقوم اعملكو حاجة تشربوها وقامت وهيا في المطبخ دموعها خانتها ومسحتها بسرعة وبقت تعمل العصير وعمر دخل عليها وشافها وهيا بتعيط 

_مش عايزك تزعلي من خالتو هيا كلامها كدة يس هيا قلبها ابيض 

_عادي هيا جت عليها منا واخدة علي كدة مش اول مرة اتجرح  وشالت  الصنية وسابته وخرجت عمر اضايق وقال في نفسه ليييه مصممة تحسسني بالذنب وخرج وراها 

_, طيب يا ايمان احنا هنمشي خدي بالك من جوزك وحافظي عليه هه 

_لا يا ماما انتي مش قولتي هترجعي البيت بكرة لو سمحتي متمشيش 

_لا يا حبيبتي عيب مينفعش انتو عرسان كام يوم كدة وهرجع متقلقيش وهتزهقي مني يلا مع السلامة يا ولاد ومشيو وهيا دخلت القوضة بسرعة بس عمر لحقها 

_انتي هتفضلي زعلانة كدة يا ايمان عشان خاطر ماما حتي مش عشاني اتمني نكون صحاب ايه رأيك لحد ما ننفصل بهدوء واوعدك مش هضايقك ولحد امي ما تقتنع اننا مش متفاهمين ونطلق هنتعامل مع بعض علي اننا صحاب ماشي 

_انت ليه مش فاهم اننا مينفعش نكون اصحاب انت مش خبطتني وانت ماشي واعتذرت وخلاص انت حكمت عليا اكون علي اسمك وانت بتحب واحدة تانية وان حياتي تنتهي لمجرد انك ترضي والدتك عالعموم كدة كدة مامتك هترجع ولازم نتعامل علي اننا زوج وزوجة  قدامها لكن دلوقتي اعتقد مفيش بينا اي تعامل وانا برضه عارفة ايه واجباتي تجاهك حتي لو جواز بالاسم انا هروح اعمل الفطار بعد اذنك

_ايمان حضرت الفطار وهما بياكلو ايمان متكلمتش معاه وكانت متجاهلاه وجرس الباب رن وفتح عمر وكانت دنيا




_ازيك يا دكتور عمر و الف مبرووك 

_ازيك يا انسة دنيا اتفضلي 

_ ايمان اول ما سمعت صوتها جريت عليها واترمت في حضنها وفضلت تعيط ودنيا حضنتها وقالتلها كنت حاسة من امبارح ان فيكي حاجة والله عشان كدة مقدرتش 



مجيش كان لازم اجيلك وعمر اضايق حس انه مخنوق من عياطها وصعبانة عليه وبقي يلعن نفسه في سره انه كسر خاطرها وجرحها كدة 

_ لو سمحت يا دكتور عمر ممكن اخدها القوضة واقعد معاها شوية 

_اه اه طبعا ادخلو جوة انا هعمل مكالمة اصلا وخدتها دنيا ودخلو واول ما دخلو ايمان بقت تعيط في حضنها بشحتفة قالتلها طلع مبيحبنيش يا دنيا اتجوزني عشان مامته غصبت عليه طلع بيحب واحدة تانية انا مقهوورة اووي 

_بتملس علي شعرها ، متزعليش يا حبيبتي عشان خاطري انا كنت عارفة انك بتحبيه وعشان كدة انتي اتوجعتي كدة خلاص يا ايمان ارمي كله ورا ضهرك وبصي للحاجة الكويسة انك هتعيشي مع  مامتك اللي ربنا عوضك بيها عن امك وابوكي 
اعتبري نفسك متجوزتيش ولا حبيتي عمر صدقيني هو اللي خسران انتي تستاهلي حد احسن منه ميت مرة كمان 

_ايمان هديت ، عندك حق يا دنيا ومسحت دموعها انا هثبتله انه مش فارق معايا وهرجع لحياتي تاني وشغلي




وانساه ومش هبين اني ضعيفة تاني وكفايا عليا ماما وانتي كمان عندي بالدنيا ربنا يخليكي ليا يا دنيا انتي مش عارفة انا كنت محتجالك ازاي 

_ ويخليكي ليا يا احلي ايمي في الدنيا يلا قومي خدي شاور والبسي




 حاجة حلوة كدة عايزاكي تجننيه ههههه يلا همشي انا بقي احسن اتاخرت وابويا هيعمل مني بوفتيك ده انا استأذنت منه بالعافية 







_ماشي يا حبي روحي انتي وخرجت دنيا وايمان وودعتها عالباب ومشيت وهو كان قاعد مستنيها بفارغ الصبر عشان يشوفها عاملة ايه ولسة بتعيط ولا لا 

_وكانت هتدخل بس هو وقفها ،انتي كويسة يا ايمان دلوقتي 

_ابتسمت ، وهو انا كان فيا حاجة اصلا عشان ابقي كويسة لا عادي يا دكتور عمر المهم تشرب شاي  اعملك معايا 

_عمر بصلها وتنح اللي هو ازاي ده يعني انتي ملبوسة ولا ايه 

_احم اه ماشي وكان مستغرب تغيرها فجأة معاه كدة بس فرح انها بقت كويسة 

_وهما بيشربو الشاي ، احم عمر كنت عاوزة اقؤلك حاجة 

_طبعا اؤمري 

_انا هرجع الشغل بتاعي 

_ايه لا طبعا انتي مراتي دلوقتي يعني ملزمة مني حتي لو مش جواز بجد بس برضه علي ذمتي 

_وانا مش هقبل انك تصرف عليا حتي لو انا علي ذمتك لو سمحت انا مش هقعد في البيت احنا مرتبطين فترة مؤقتة وهننفصل يبقي خلينا كدة كل واحد له حياته وانا هنزل شغلي 





وببلغك مش باخد اذنك انا داخلة انام عشان تعبانة ومنمتش وسابته ودخلت 
............

عدي اسبوع ومامت عمر رجعت واول يوم هينامو فيه في اوضة واحدة وايمان واقفة في نص القوضة ومش عارفة هتنام فين واخدت قرارها واخدت مخدة ولحاف 

_انتي رايحة فين يا ايمان 

_هنام هنا عالكنبة دي وانت نام عالسرير 

_وليه ما ننام جنب بعض متخفيش مش بعض والله 

_ هه دمك خفيف حضرتك لا انا هنام هالكنبة 

_ طيب ننام جنب بعض ونحط في الوسط مخدة ايه رايك 

_امممم تمام موافقة ودخلت اخدت شاور وخرجت وهيا لبسة بيجامة مرسوم عليها ارنوب علي برمودا وشعرها مبلول ونازل علي ضهرها وكانت جميلة اووي وهو اول ما شافها انبهر بجمالها وفضل باصصلها وهيا بتسرح لحد ما خلصت وعملت شعرها كحكة لفوق مع خصلتين نزلو عشوائي وراحت جنبه وقالتله تصبح علي خير يا عمر 

_عمر متنح ، انتي جميلة اوووي قصدي احم وانتي من اهل الخير 





_ايمان ضحكت ، ونامت 
...........

_انا لازم اتصرف مش حتة البتاعة دي اللي تاخده مني ده انا ماصدقت وقعته تيجي هيا كدة تاخده عالجاهز لا والله انا هوريها مبقاش ميرا ان مخليتها تتهمي بيه ساعة واحدة 

_انتي مش سهلة يا ميرا بس ناوية علي ايه بقي مع عمر 

_لا عمر بيحبني فمش شاغلني اللي شاغلني البت دي شكلها مش سهلة يعني مش هتسيبه بالساهل بس انا هوريها 
يلا اقفلي بقي عشان انام هصحي بدري ده عمر اول يوم ليه بكرة ولازم اكون في المستشفي من بدري سلام وقفلت مع صاحبتها ونامت 
...........
_يلا يا ايمان عشان اوصلك في طريقي 

_تمام انا جاهزة ، عمر بصلها وكانت لابسة شميز اوف وايت طويل علي بنطلون جينز وحزام في الوسط جلد  وكانت جميلة وهو حس انه غيران بس تجاهل احساسه احم يلا بينا 
ونزلو سوا وركبو العربية سوا واول ما وصلو نزلت ايمان وعمر قالها هعدي عليكي بعد الشغل اخدك 

_ملزش لزوم هروح لوحدي عادي 

_قولتلك هعدي عليكي خلاص يلا بقي ادخلي وهو بيكلمها جه حد من وراها وقالها ايمان فينك يا بنتي وحشتيني 




_ايمان لفت وضحكت ، احمد اخيرا رجعت كل دي غيبة 

_عمر ل............















البارت السابع 


عمر حس انه مضايق مين ده اللي بتقؤله ازيك وهو يقؤلها وحشتيني 

 _رجعت امتي يا احمد وكل دي غيبة 

_انا لسة واصل من اسبوع ولما جيت سألت عليكي اول واحدة علي فكرة 

_ضحكت ، فيك الخير والله انا مش مصدقة انك رجعت 

عمر كان بيبصلها بغضب ، ايه مش تعرفيني 

_اه ده استاذ احمد يبقي المدير بتاعي بس كان مسافر ورجع وده يا احمد يبقي دكتور عمر احم جوزي 

_اتشرفنا يا دكتور عمر ، بس امتي ده وازاي ، كدة يا ايمان انا زعلان منك ازاي متقؤليش 

عمر /. بغيظ ، اصل الموضوع جه بسرعة ولا ايه يا ايمان 

ايمان حست ان عمر مضايق بس عملت نفسها مش واخدة بالها ، اه طبعا معلش يا احمد تتعوض ونعزمك عندنا ايه رأيك 

_اه إذا كان كدة ماشي وضحك ، يلا هستناكي جوة نكمل كلامنا 





_ بصلها بغضب  وده مين زفت ده بقي وازاي يقؤلك وحشتيني كدة 

_براحة في اي وده زي ما قولتلك مديري وكمان صديق من زمان ثم انت مالك اصلا انت ملكش دعوة بحياتي واعرف ان جوازنا ده فترة مؤقتة وخلاص انت فاهم 

_لا مش فاهم ياريت تفتكري انك لسة علي زمتي يعني احترمي نفسك واعرفي ان في حدود ومتتكلميش مع البني ادم ده تاني 

_بحزن وغضب انا مسمحلكش تتكلم معايا كدة انت سامع 
وانا محترمة غصب عنك وحدودي انا عارفاها كويس ياريت انت اللي تعرف حدودك وتحترمني حتي لو كنا هنطلق ومش هنكمل مع بعض وسابته ومشيت وهو اتنرفز وركب العربية وساق بسرعة ومشي 
............

_انا تعبت يا دنيا معرفش ليه بيجرحني كدة لو بيكرهني ما يسبني في حالي انا حاسة اني ضعيفة قووي 

_مش عارفة ليه انا حاسة انه بيغير عليكي ومعني انه بيغير يبقي بيحبك 

_بيحبني لا طبعا ده مش بيطقني اصلا هو قلبه مع واحدة تانية 

_لا تصرفاته دي تصرفات واحد غيران علي مراته بس جايز هو نفسه ميعرفش انه بيحبك لانه حس انه اتغصب عليكي 

_معرفش بقي اللي اعرفه انه كرهته ومش طايقاه ونفسي ارجع شقتي تاني حتي لو هبقي لوحدي 






_احنا قولنا ايه يا ايمان قولنا هننساه وهنعيش حياتنا ومش هنوقفها علي حد وانا واثقة انه بيحبك وهيجي اليوم اللي يعترف فيه انه بيعشقك كمان مش بيحبك بس 
...............

_جيت امتي يابني انا مشوفتكش خالص اما جيت 

_بقؤلك ايه يا رائد انا مش طايق نفسي اصلا سبني في حالي

_اوباا ده الموضوع كبير لا مش هسيبك الا لما تحكيلي وانت اصلا مش هترتاح لما تحكيلي انا عارف 

_ثقتك دي اللي بتخليني مش عايز احكيلك حاجة بس فعلا انا مخنوق ومحتاج اتكلم معاك وحكاله اللي حصل مع ايمان 

_اممم طيب وفيها ايه 

_انت هتجنني يا زفت يعني ايه وفيها ايه يعني اومال انا ايه يعني خيال مأتة 

_ايوة انت مالك يعني انت جرحتها وكمان اتجوزتها وانت عارف انك بتظلمها وانك بتحب واحدة تانية وكمان مش عايزها تعيش حياتها الطبيعية 

._بس في حدود المفروض تحترم اني موجود وتتعامل بحدود مع اي راجل 






_اعترف انك غيران عليها انت بتكابر يا عمر وصدقني عندك ده هيوديك في داهية 

_بتوتر ، انت ايه اللي بتقؤله ده انا مش بغير ولا بتنيل قولتلك انا بحب ميرا انا بس اتضايقت لما قالها وحشتيني كرامتي وجعتني 

_انا تعبت منك هروح اشوف شغلي وفكر في كلامي تاني جايز تلاقي الاجابة لحيرتك دي وسابه وخرج ودخلت ميرا 








حبيبي حمدالله علي سلامتك وحشتني اووي كدة متكلمنيش حتي تطمن عليا ولا العروسة خلاص نستك ميرا 







_بغضب ، متوهيش الموضوع يا ميرا انتي ليه قولتي لايمان علي اتفاقنا وايه اللي جابك الفرح اصلا انا مش منبه عليكي متجيش 






_اتوترت ووفكرت تلعب عليه بطريقتها ،اصل كنت غيرانة عليك انت متخيل اللي بحبه يكون مع واحدة تانية صعب اووي يا عمر انا كنت هتجنن ومثلت انها بتعيط 

_خلاص يا حبيبتي انا مقدر موقفك بس انتي عملتي مشكلة كبيرة 

_خلاص مش زعلانة بس عايزاك تعوضني بقي ايه رأيك نتعشي سوا انهاردة في مطعم تحفة صحبتي قالتلي عليه 

_ايوة بس مش هينفع عشان عشان  لازم اجيب ايمان من  الشغل 

_ لا بقي مليش دعوة انت من اولها هتهملني عشان ست ايمان دي انا زعلانة منك 

_لالا خلاص انا هكلمها تروح هيا ونخرج سوا ايه رأيك 

_ضحكت ضحكة خبيثة ،بجد متحرمش منك يا روحي يارب يلا هروح انا بقي ونتقابل بعد الشغل بااي 






.............
_ انا ماشية يا دنيا عايزة حاجة 

_مش هتستني عمر مش قولتي هيجي يخدك

_لا كلمني قالي عنده شغل مش هيقدر يجي وهيتأخر 

_طيب ايه رايك تيجي نخرج سوا انهاردة 

_ مش عارفة بصراحة خلاص بصي هروح اعمل اكل عشان ماما وهكلمك بعد الغدا كدة ونظبطها وكمان اكون قولت لعمر

_ انا سامع مشروع خروجة كدة من غيري اخس 

_احمد انت قبل ما تسافر  كنت بتيجي عالدفع وتعمل عبيط المرادي هتحاسب قبل ما تاكل 

_كدة اخس عالصحاب ، ماشي يا دنيا طيب حتي احترميني ده انا مديرك حتي وشكلي وحش كدة قدام الاجانب 

_المشروطة محطوطة ها هتدفع بالتي هيا احسن ولا نروح من غيرك 

_ايمان متوترة عشان عمر لو عرف مش هيرضي وهيعملها مشكلة بس قالت مش هتقؤله هو ملوش دعوة بحياتها طالما مش بتعمل حاجة غلط  







_ايه يا بنتي روحتي فين 

_هه لا مفيش يلا همشي انا سلام بقي 
............

_ودنيا مروحة لقت اللي بينده عليها ، انسة دنيا يا انسة دنيا 
بتلف لقيته رائد حست انها طايرة من الفرحة عشان شافته لانه مغبش عن بالها من يوم فرح ايمان 

_احم رائد ازيك عامل ايه 

_الحمد لله انتي عاملة ايه 

_الحمد لله كويسة انت ايه اللي جابك هنا  

_اصل بصراحة كدة كنت عايز اتكلم معاكي في موضوع مهم 

_طبعا اتفضل خير 

_مش هينفع هنا ممكن نروح مكان نتكلم 

_اصل بصراحة مش هينفع عشان متأخرش عالبيت وبابا يزعقلي 

_مش هأخرك  اوعدك بس فعلا انا لام اتكلم معاكي 

_تمام وراحو كافيه وطلبو اتنين عصير 

_خير يا رائد قلقتني ايه الموضوع المهم 

_ انا عارف كل حاجة بين ايمان وعمر هو حكالي وانا بصراحة صعبان عليا ايمان جدا ونفسي يبقي في حل 






_بس صاحبك بصراحة واطي اووي وندل يعني حط البت قدام الامر الواقع عشان يرضي امه وعشان خايف عليها اتجوز ايمان ومفكرش حتي في حياتها اللي بقت تعيسة بسببه 

_انا عارف وبصراحة يعني دي كانت فكرتي انا 

_ايه انت بتقؤل ايه يعني انت قولتلو يتجوزها  وبعدين يطلقها بعد فترة ويروح للسنيورة اللي بيحبها تصدق انت كمان طلعت اندل منه بعد اذنك وجت تقؤم مسك ايدها 

_ارجوكي اسمعيني يا دنيا الاول وبعدين احكمي لو سمحتي اقعدي وانا هفهمك 

_اتحرجت اما مسك ايدها وقعدت وهو لسة ماسك ايديها 

_احم اتفضل قول ، وسحبت ايديها منه 

_ابتسم ، انا لو مش حاسس ان عمر في مشاعر من نحيته لايمان مكنتش قولت كدة انا بس حبيت اقربهم من بعض وقولت انه لما يعرف قد ايه هيا جميلة وكويسة سعتها هيعترف بحبه ليها بس هو عندي جدا وماشي ورا قلبه وميرا دي اصلا انسانة مش مظبوطة وانا خايف عليه منها وياما نصحته بس للاسف 

_اسفة اني فهمتك غلط بس دي صحبة عمري وانا صعبان عليا اللي بيحصلها ده هيا اه بتحب الست هدي جدا وبتعتبرها امها بس حبت عمر برضه واتصدمت فيه ومش عارفة تنساه لانه طول الوقت بيفكرها وبيحاول يجرحها 

_انا فاهم وعلشان كدة انا جتلك انهاردة عشان نحاول نقربهم من




 بعض واخليه يعترف لنفسه انه بيحبها وجدا كمان بس مش عارف ازاي 

_دنيا بتفكر وبصتله وابتسمت وهو قلبه وقع لما شاف ضحكتها 

_ اممممم انا هقؤلك ازاي بص احنا ن............ 




  

 🌹 🌹🌹🌹🌹🌹🌹🌹🌹🌹🌹🌹

🍁🍁🍁🍁مرحبا بكم ضيوفنا الكرام 
هنا نقدم لكم كل. ما هوا حصري وجديد
اترك ١٠ تعليقات ليصلك الفصل الجديد فور نشره

عندنا  ستجد كل ما هوا. جديد حصري ورومانسى وشيق فقط ابحث من جوجل  باسم المدوانة 

    وايضاء  اشتركو على

 قناتنا        علي التليجرام من هنا

ليصلك اشعار بكل ما هوه جديد من اللينك الظاهر امامك

  🌹🌹🌹🌹🌹🌹🌹🌹🌹🌹🌹🌹🌹

                           الفصل الثامن من هنا

تعليقات



حجم الخط
+
16
-
تباعد السطور
+
2
-