Ads by Google X

القائمة الرئيسية

الصفحات

رواية خطف مع سبق الاصرار الفصل الثاني والثالث

رواية خطف مع سبق الاصرار الفصل الثاني والثالث



رواية خطف مع سبق الاصرار

 الفصل الثاني والثالث

بقلم اسراء ابراهيم



_انتي بتقؤلي ايه يا امي وتيجي معانا بصفاتها ايه دي 

_اسمع يا عمر انا فاكراها هيا ومش فاكراك واللي 




فاكراه ان البنت دي هيا بنتي وهيا اللي عاملتني علي اني امها 

_هو عنده حق يا ماما انا مينفعش اروح معاكي انا 




يصعب عليا فراقك يس مينفعش انا هرجع شقتي تاني 

_وانا قولت هتيجي معايا انا مش هسيبك يا ايمان مهما حصل 

_خلاص بقي يلا تعالي معانا يا انسة عشان امي عايزة كدة 

_في عقلي يحموك في كنكة ها طيب وحاجتي 

_تعالي وانا هبعت حد يجيبلك حاجتك 

_لا اديني العنوان وانا هروح الم شنطتي واجي 

_خلاص يا عمر يابني تعالي نروح مع ايمان تلم شنطتها وبعدين نروح 

_حااضر اوووف اللهم طولك يا روووح هو يوم مش فايت 

_احم تستاهل والله احسن ، انسان سمج صحيح 

_في شقة فخمة 

_نورتي بيتك يا ايمان 

_تسلمي يا ماما ربنا يخليكي

_بس ما شاء الله الشقة تحفة احلي من الشقة بتاعتي بكتيير 





_اه طبعا هو انتي هتقارني دي بشقتك المقيحة 

_ والله الفقر عمره ما كان عيب الدور والباقي علي اللي لما ربنا اداله نسي اصله 😏

_قصدك ايه 

_روحي يا ايمان اوضتك ورتبي هدومك وارتاحي شوية يا بنتي 

_حاضر يا ماما بعد اذنك 

_انت هتفضل تعامل ايمان كدة يا عمر ؟ 

_اومال اعاملها  ازاي دي واحدة منعرفش اصلها ولا فصلها 

_ وهيا لما لقتني مكنتش تعرف اصلي ولا فصلي ومع ذلك عاملتني كاني امها عارف ده معناه ايه ؟ معناه انها انسانة مفيش زيها ومتنساش ده كويس كل ما تتعامل معاها 

_ عندك حق وحاضر هعاملها كويس تحت امرك يا ست الكل 

_انا اخدت معاد مع الدكتور وجاي كمان شوية يلا ادخلي ريحي وهصحيكي قبل ما يجي بشوية 

_ماشي يابني ربنا يخليك ليا 

بليل الدكتور جه ها يا دكتور امي عاملة ايه المرادي الموضوع طول اووي غير كل مرة 





_والله يا عمر انا قولتلك ان الزهايمر بيقي تدريجي وسعات هتلاقيها ذاكرتها ترجع بسرعة وسعات الموضوع يطول الخوف بس من حاجة تاني 

_ايه هيا يا دكتور قلقتني ؟

_ان للاسف ميرجعش ودي في حالات نادرة عشان كدة دايما عايزك تفكرها بكل حاجة كانها مش ناسية حاجة 

_سمعو شهقة طلعت من ايمان 

_لا ان شاء الله ترجع وتبقي كويسة انا متاكدة وواثقة في ربنا 

_ان شاء الله انا بس بقؤل الاحتمالات 

_تمام يا دكتور متشكرين اووي

_ايمان انا عايزك تبقي مع ماما متسيبهاش لحظة واحدة 

_طبعا اكيد بس وشغلي 

_ببرود اعتبريه شغلك وانا هديكي مرتبك وزيادة كمان

_لا لحد هنا ومسمحلكش انك تهيني انا لو بساعد ماما فده لاني بحبها وبعتبرها امي ومش مستنية منك فلوس الله الغني عنها وشغلي انا مش هسيبه انت فاهم لاني بصرف علي نفسي منه ومش هستني صدقة من حد ولا ان حد يصرف عليا بعد اذنك يا محترم 

_ بغضب هيا مفكره نفسها مين دي انسانة غبية 

....تاني يوم 

ماما انا نازلة عايزة حاجة 




_لا يا قلبي تروحي وترجعي بالف سلامة بس استني عشان عمر هيوصلك في طريقه

_لا يا ماما ملوش لزوم انا هروح شغلي زي ماكنت بروح كل يوم 

_ لا طالما موجود يوديكي بعربيته استني هو بيلبس وطالع 

_صباح الخير يا امي 

_صباح النور يا حبيبي يلا خد ايمان في سكتك 

_وهيا مش بتعرف تروح لوحدها 

_احم انا قولت لحضرتك ملوش لزوم انا هنزل لوحدي 

_خلاص استني هوصلك في طريقي يلا بينا ومن غير نقاش 

نزلو سوا في الاسانسير وايمان باصة في الارض ومش طايقاه اصلا بسبب موقفه منها واول ما خرجو لقو جيرانهم منتظرين  الاسانسير 

_ازيك يا دكتور عمر 

_ازيك يافندم صباح الخير

_مين دي خطيبتك ؟

عمر وايمان بصو لبعض وايمان اتحرجت وبصت في الارض 

وقالها دي تبقي بنت عمي

_ما شاء الله زي القمر ، ربنا يسعدكو 

_تسلمي يا طنط ربنا يخليكي

عمر استأذن وخد ايمان ومشي وكان باين عليه انه مضايق 





فتح الباب 

اتفضلي

_ وركبت ايمان وهيا متوترة ،متشكرة

_ ايوة هنا علي جنب الحضانة اهي ،اممم هو انا ممكن اسالك سؤال ؟

_اه ممكن اتفضلي 

_هو انت ليه من ساعت ما شوفتني وانت مش طايقني مع اني معملتش حاجة تضايقك 

عمر بيفكر ولقي انه فعلا هيا بالعكس عملت فيه جميل بأنها راعت امه وعاملتها كأمها وبعدين سرح في جمالها لقي عقله بيلغي كل حاجة وبيدقق في ملامحها اد ايه جميلة بحجابها 

وعيونها الرمادي وخدودها اللي بتحمر عشان بيضة وبيقؤل في نفسه انها جميلة اووي فاق علي صوتها 

_للدرجادي اللي عملته كتير ؟

_لا مش كدة بس انتي اللي دخلتي فيا شمال الاول 

_حط نفسك مكاني لقيت البوليس جه ياخدك من بيتك عشان واحدة اتهمتك بخطف امك هتتعامل معاها ازاي بقي 

بص انا فعلا حبيت مامتك زي امي بس لو وجودي مضايقك انا اوعدك اني هخرج من حياتكو للابد 

_انا مقصدش كدة انا بس مش بحب حد يفرض عليا حاجة 





_تمام انا كدة فهمت بعد اذنك ، ونزلت وعمر حس انه عك الدنيا وساق بعربيته علي المستشفي وايمان دخلت الحضانة وفي البريك قعدت مع صحبتها وانتيمتها دنيا 

_ والله الحكاية دي غريبة يا ايمي ، يعني انتي دلوقتي عايشة معاهم 

_اه يا دنيا شفتي بعد ما كنت عايشة لوحدي ومفيش حد بيعبرني غيرك هههههه 

_بخباثة بس قوليلي يا ايمان هو عمر ده حلو يعني مز كدة 

_ياختي احنا في ايه ولا في ايه وبعدين سرحت بصراحة هو مز ومز جدا يعني عيون زرقا وشعر اسود وبياض بحلاوة وايييه بس يا خسارة الحلو مبيكملش 

_ايه ماله يعني 

_بيرمي دبش زيه عليه كلام يسم البدن بجد فعلا انسان ثقيل 

_اه واضح انك معجبة بيه وجدا كمان 

_ايه انا ده انا مبطقهوش ده انا اطيق العما ولا اطيقه 

_عارفة يا دنيا انتي الوحيدة اللي بحسها زي اختي واكتر كمان ، ولا يمكن عشان معرفتش غيرك من ساعت ما اتقابلنا في الحضانة هنا 

_لا واضح انكو انتو الاتنين بترمو دبش مش هو بس 

_ههههههه حبيبتي يا دنيا والله 

.......

_خير يا امي كلمتيني وخلتيني سبت المستشفي وجيت فيكي حاجة قلقتيني عليكي 

_ انت لازم تتجوز ايمان 

_ااييييه ا............. 





البارت الثالث 


_ انتي ايه اللي بتقؤليه ده يا امي ايمان مين دي اللي اتجوزها 

_البنت مالهاش حد غيرنا يا عمر وانا عارفة ان ميصحش تفضل عايشة معانا الناس مش هتسكت وهتتكلم 

_ تقؤمي تقوليلي اتجوزها يا ماما هيا اه كويسة وراعتك واخدت بالها منك ودي حاجة عظيمة وتستاهل اننا نكافئها بس مش لدرجة جواز يعني 

_انا عارفة انك هتحبها صدقني يابني ادي نفسك فرصة حتي تعرفها وهتحبها انا متأكدة 

_ده لايمكن يحصل لاني مرتبط بدكتورة زميلتي ومينفعش اسيبها 

_وانا قولت اللي عندي يا عمر يا تتجوزها ياما قلبي هيبقي غضبان عليك العمر كله 

_عمر بغضب يا امي متضغطيش عليا عشان خاطري كله الا انك تكوني غضبانة عليا بالله عليكي شوفي حل تاني وانا هعملك اللي انتي عايزاه والله 

_وانا معنديش حاجة تاني اقؤلهالك ردك يوصلني انهاردة بليل يلا روح شوف شغلك

عمر نزل وهو متعصب ومش شايف قدامه راح اتصل برائد صاحبه ودكتور معاه في المستشفي ويعتبر صحاب من زمان 

_رائد انا محتاج اتكلم معاك لالالا تعالالي انت انا مش هينفع ارجع المستشفي وانا متعصب كدة هستناك في الكافية اللي بنتقابل فيه 

.......





_يا دنيا انا لازم امشي مش هينفع اقعد معاهم اولا عشان الناس وكلامهم وثانيا هو اصلا مش طايقني  

_وانتي يا بنتي مالك وماله والله انا لو منك اخد الست هدي معايا وهو خليه عايش لوحده بلا هم 

_ياريت ينفع انا اتعلقت بيها اووي بجد حاسة ربنا بعتهالي عشان تعوضني عن امي اللي راحت بس خلاص انا قررت امشي ، يلا بقي خلينا نمشي احنا رغينا كتير .

........

في الكافيه عمر قاعد مش طايق نفسه رائد دخل هو طويل اووي  وبشرته قمحي وعينه بني وشعره بني غامق ودقن خفيفة وقمر برضه  دخل قعد قصاد عمر 

_ايه يابني خضتني في ايه مالك وايه اللي خلاك تمشي بدري اصلا انا غطيت عليك علي فكرة عشان تعرف بس انك غاالي 

_مش وقته يا رائد وحيات ابوك انا مخنوق ومش طايق نفسي وحكاله كل اللي حصل 

_تصدق مامتك دي والله بتفهم ومع اني مشفتش البنت دي بس بالموقف اللي عملته مع مامتك انا متأكد انها احسن من البومة اللي انت بتحبها ومعرفش علي ايه 

_بغضب حتي انت يا رائد انا جايبك تشوف معايا حل مش عارف ازاي اقنع امي ان تصرف نظر عن الجوازة دي 

_بخباثة ، بس انت عارف ان مامتك عندية وكمان تعبانة يعني مينفعش متنفذش طلبها 

_يعني اعمل ايه اتجوز البت دي واسيب ميرا ؟

_والله انا وانت عارفين ميرا اصلا لازقة فيك ليه عشان بس انت دكتور وليك اسمك وسمعتك في المستشفي وهيا كل





 همها الفلوس والصيت وبس وبعدين بنبرة خبث انا من رأي تتجوزها وكام شهر كدة تقؤلها انكو متفقتوش وخلاص وتطلقها واهو تبقي رضيت امك 




_اولا ميرا مش كدة دي بتحبني وانا بحبها ومسمحلكش تتكلم عنها كدة انت فاهم 

_برضه مصمم عموما انا قولتلك يا صاحبي نصيحتي يا تاخد بيها يا لا وبراحتك

_متزعلش يا رائد انا بس مش صغير انا عارف دنيتي ماشية ازاي وبعدين انا ممكن اعمل زي ما قولت بخصوص ايمان وكمان عشان امي متغضبش عليا 

_الله ينور عليك يا صاحبي هو ده عين العقل يلا بقي نروح نشوف شغلنا قوم 

_لا انا هروح انا اشوف هعمل ايه 

...........

_ماما انا جييت وحشتيني يا ست الكل 

_حمدالله علي سلامتك يا بنتي 

_الله يسلمك انا انا كنت عايزة اتكلم معاكي في حاجة بس مش عايزاكي تزعلي 

_عارفة اللي عايزة تقؤليه ومش موافقة عليه 

_ليه بس بصي بجد انا مينفعش اقعد هنا عشان برضه الجيران والناس لازم تفهميني واوعدك هجيلك كل يووم 

_ بس في حل احسن ويخليكي تقعدي معايا علطول 

_اممم حل ايه طيب قولي 

_تتجوزي عمر 

_ايه انا ازاي لا مينفعش اصلا لا ياماما الحل ده مش حلو ومش عاجبني

_حتي لو عرفتي ان هو اللي طلب ايدك مني ؟

_ايمان اتصدمت وحست انها فرحت متعرفش ليه وقالت  بس معقؤلة ازاي ده مش بيطقني اصلا لالا انا اسفة يا ماما بس مينفعش 

ودخل عمر وسمع اخر كلامها وقالها ايه بقي اللي خلاه مينفعش ايوة كان





 في سوء تفاهم وخلاص وانا اللي  كلمت ماما وطلبت ايدك منها وكمان هنقعد معاها ايه رأيك 

_ايمان بصتله بتوتر بس ده مكنش رأيك الصبح وانا محبش اتفرض علي حد 




_عمر بتوتر اصل انا كنت مضايق بس من موقف جارتنا دي بس انا اعجبت بيكي من اول ما شفتك في القسم وضحك




  وعشان كدة طلبت ايدك من ماما عشان مش عايزك تبعدي عني وكنت بعاملك كدة بصراحة عشان كنت 




حاسس اني بتشدلك ولما اتأكدت من مشاعري كلمت ماما علطول  (وفي عقله لازم اقنعها عشان خاطر امي لازم ترضي وبعدين ابقي اقؤلها الحقيقة ) ها ايه رايك 

_بخجل تمام اللي ماما تشوفه وهو ضحك ضحكة جانبية 




_الف مبروك يا روح قلبي انا عارفة ان عمر بيحبك وهيسعدك 

_ربنا يخليكي لينا يا مااما 

_خلاص الفرح الخميس الجاي ايه رايك يا ماما 

_كويس يا عمر 

_ بس يا ماما مش بسرعة اووي كدة 

_ولا بسرعة ولا حاجة هيتعملك احلي فرح يا روح قلبي واهو تتعرفي




 علي عيلتنا اللي انا اصلا مش فاكراهم وضحكو كلهم وايمان كانت حاسة انها فرحانة اووي وبليل




 قعدت في اوضتها تفكر انا ازاي وافقت بالسرعة دي ثم انا معقؤلة اكون حبيته رغم اني مكنتش طايقاه طيب هو حبني بسرعة كدة وكلمت دنيا وقالتلها




 ودنيا حست ان في حاجة غلط بس مرضتش تقؤلها عشان حاست انها فرحانة ومضيتش تكسر فرحتها 

_حبيبتي هتبقي احلي عروسة يا لهوي هو كان يطول سي عمر ده ، انا هروح




 اعملك طلب اجازة بقي ويارب يرضو وهجيلك عشان نشوف ورانا حجات كتييير قبل الفرح 

_تسلميلي يا دنيا لو كان ليا اخت مكنتش هتعمل معايا اللي انتي بتعمليه ده وعقبالك يارب اما افرح بيكي 

_وده مين ده اللي امه داعية عليه وضحكو 

........

_افهميني يا ميرا ده جواز سوري كدة عشان امي مقدرش ازعلها عشان زي ما قولتلك حالتها ما تسؤش اكتر 

_بدموع مصطنعة لا انت خاين عايز تتجوز غيري بعد ما وعدتني اننا هنتجوز وبعد ما حبيتك اهئ اهئ

_صدقيني مش بأيدي هيا فترة بس يا روحي وهطلقها ونتجوز 

_اذا كان كدة مااشي  خلاص مش زعلانة بس اوعي تكون بتكدب عليا 

_لا طبعا انا وهكدب ليه يلا بقي تعالي اروحك عشان ورايا حجات مهمة بكرة الصبح 

طول الاسبوع وعمر بيتهرب من انه يتقابل مع ايمان بحجة انه مشغول



 بترتيبات الفرح وهيا كانت متلغبطة وقلبها حاسس 


ان في حاجة بس قالت يمكن فعلا مضغوط لحد ما جه يوم الفرح و.......... 


                   الفصل الرابع من هنا

تعليقات