رواية يوميات عريس مجنون
الفصل الاول الثاني
بقلم ياسمين علاء الدين
في غرفه النوم
جلست سلمي مع صديقتها ليلي
ليلي : طيب يا بت مش كنتي قولتي من بدري أن ابن خالتك المسافر بره عايز يتجوز
سلمي : يعني كنتي هتعملي ايه. وبعدين مراد ده كتله متحركه. عيل كده بكرش
ليلي : يا شيخه اتنيلي . هتعملي ايه بشكله
سلمي : لا برضو الوسامه مطلوبه. وبعدين اتجوز واحد كرشه قدامه ثلاث متر ليه .
ليلي : هو وحش اوي يعني
سلمي : عارفه احمد مكي في فيلم (طير انت) اما كان عامل نفسه خليجي.
ليلي : اه
سلمي : اهو مراد نفس الشكل . شعره ناعم وبيفرقه من النص وكرشه كده قدامه
ليلي : اخس. لا علي كده ممدوح برقابته
سلمي : بس اما اشوف جوزك هقولو
ليلي : بطلي رخامه
سلمي : هقوله
ليلي : عيله بقره . بديل
سلمي : هقوله برضو خليه ينفخك
ليلي : بقولك ايه . اقفلي علي الموضوع ده . الواد ممدوح أيده طرشه وهينفخني
ضحكت سلمي .. ليلي : هو ابن خالتك جاي أمتي
سلمي : تقريبا كده انهارده. امي من وقت اما خالتي كلمتها وهي عامله حاله تأهب قصوى في البيت. اول حاجه
كتبت قايمه بكل البنات اللي تعرفها
ليلي ضحكت : هتقلبو البيت جروب ابو نواف للتعارف الجد والزواج
ضحكت سلمي وهي تقلد فيلم ما : ده باين أكده هيبق مرار طافح
ليلي : وعملت ايه كمان
سلمي : هدت حايلي شالت الشقه ومسحتها كان ناقص تشيل السيراميك وتقولي امسحي تحتيه
اكملت وهي تقف وتقلد والدتها : بت يا سلمي. انا عارفه أن لسانك طويل. تتكلمي عدل مع ابن خالتك وبلاش قله ذوق .. خالتك اتصلت بيا من امريكا وقولتلي عايزه تجوز ابنها واحده مصريه
ضحكت ليلي : شكلك هتتكدري اليومين دول
سلمي : ده غير الاكل اللي بقالها اسبوع عماله تحضر فيه ، كان جايلها سمو الأمير . مش الواد مراد اللي كنت بضربه بالشلوت في كرشه واجري
ليلي : ههههه . هههه . طيب بس بس قلبي وجعني من كتر الضحك
.
سلمي : انتي لسه شوفتي ضحك .. عارفه الوليه الحامل في الشهر التاسع هو كان كده كنت بحدف الصواريخ تحت رجله واجري استخبي ويفضل يصوت وأمه تيجي تتغاظ وتروح ضارباه تاني
ليلي وقعت علي الارض من الضحك
... سلمي : وانتي عارفه بقي أن طول عمري عودي فرنساوي ورشيقه اخد ديلي في سناني وهاتك يا فكيك
ليلي :هههههههه، الله ياخربيتك قلبي هيقف من كتر الضحك
......
صوت جرس الباب
وقفت سلمي : احيه . شكله جه دلوقتي
ليلي : هموت واشوف الواد ابو كرش
سلمي : عيب يا بت. ميصحش كده
ليلي : ليه
سلمي : انا بهزر .. تعالي نطلع نشوفه ده احنا هنموت من الضحك
دخلت ام سلمي : بت يا سلمي . تعالي سلمي علي مراد ابن خالتك
سلمي وهى تغمز ل ليلي : حاضر يا ماما هلبس الحجاب وجايه
خرجت ام سلمي .. سلمي ارتدت الحجاب وليلي وخرجوا وهو يضحكون
وقف الاثنان مصدومين وفمهم مفتوح من هول الصدمه
ابو سلمي : انتي يا بت فاتحه بوقك كده ليه
سلمي : احم . ها . مفيش .
ليلي : مين المز ده
سلمي : معرفش . شكله صاحب الواد مراد
ليلي: شكله مز اوي.
ام سلمي : يا بت سلمي علي ابن خالتك
سلمي : هو فين
. ....
بينما الآخر يجلس وهو يرتدي ملابس كاجول وينظر الي سلمي بكراهيه وحقد ( وده طبعا بسبب عمايلها السودا فيه )
ام سلمي : ما هو يا مقصوفه الرقبه . لا مؤاخذه يا مراد ، هي بتحب تهزر
مراد : عارف يا خالتي . ده سلمي دمها خفيف اوي. انتي هتقوليلي
سلمي : ها . ءءء.. اه ..اهلا
..
ليلي بهمس لسلمي : الله يخربيتك .هو ده ابو كرش
سلمي : مكنش كده والله.
ليلي : منك لله يا سلمي . ده الواد قمر وعضلات
سلمي: اسكتي ،يخربيتك هيسمعنا
..
مراد وهو يبتسم ل ليلي : هاي . انا مراد
ليلي. : ءء . انا ليلي صاحبه سلمي . بس للاسف مكتوب كتابي
ضحك مراد : للاسف
ليلي بمرح :انا شكلي استعجلت ، ممكن أطلق لو عايز
ام سلمي: يخربيت فقرك يا ليلي
ليلي: بهزر يا خالتي . ده مندووح حبيبي
مراد ضحك : ربنا يسعدك
ليلي: ثانكس
. نظرت ليلي الي سلمي بغضب علي ما قالته عن مراد فهو يبدو وسيم للغايه
: منك لله يا سلمي . من كتر التنمر هتتجوزي واحد شبهه القرد
سلمي: ده هتجوز قمر. اصبري بس
........
..
ام سلمي : خمس دقائق والأكل يكون جاهز
مراد : اوكي يا خالتو ، براحتك
ابو سلمي : البيت بيتك يا بني . هنزل انا اجيب حاجه وارجع بسرعه
مراد بأدب : شكرا يا عمو
خرج ابو سلمي .. لينظر مراد الي سلمي من أعلي الي أسفل
ليلي : هو بيبصلك.كده ليه يا بت
سلمي : يارب ميكونش فاكر اللي عملته فيه زمان
ليلي : هو انتي مشفتهوش من أمتي
سلمي : بصي هو آخر مره شوفته كان عمره ١٧ سنه
ليلي: يا كلبه . ده لو أنا منه انفخك
سلمي : ميقدرش
مراد سمع الكلام : لا اقدر. ده انتي هتشوفي مني ايام سودا . علي اللي عملتيه فيا كرهتيني في نفسي
ليلي: استهدو بالله يا جماعه . انا هضطر انزل عشان ممدوح بيتصل بيا . فرصه سعيده يا مراد
مراد : وانا اسعد يا ليلي
ابتسمت له وخرجت . لتنظر سلمي الي مراد بغضب
سلمي : بقولك ايه . انت ملكش دعوه بيا جاي تتجوز بعيد عني بقي
مراد : بيئه اوي
سلمي : مين اللي بيئه يا مراد ، انت نسيت نفسك ده انا كنت مسمياك كرنبه
مراد : ده زمان دلوقتي بقيتي انتي الكرنبه ، بصراحه معرفش انتي ازاي بنت خالتي اوحشيتي اوي
سلمي: انا زي القمر ده انت اللي باين عليك اتعميت
مراد : انتي اللي مشوفتيش البنات اللي علي حق مش غفر
سلمي: انا غفر
مراد : انا كده كارمك عشان انتي قريبتي
سلمي : لا بقولك ايه الزم حدودك عشان هزعلك
مراد : انتي بوق ولا تعرفي تعملي حاجه ..
خرجت ام سلمي علي صوتها :انتي يا مقصوفه الرقابه بتزعقي ليه
مراد : والله يا خالتي .. باين كده أن سلمي مضيقه من وجودي ، الاحسن اشوف مكان تاني اقعد فيه
ام سلمي شهقت : ياندمتي . لا يا حبيبي بيت خالتك مفتوح وتمشي .. والله ما هيحصل
لتمسك أذنها :اتاسفي يا بت، لابن خالتك
سلمي : يا ماما معملتش حاجه
الام : بقولك اتاسفي يا زفته . انا عارفه لسانك.طويل
سلمي بتوعد : اسفه
ابتسم مراد بانتصار : اوكي .
...
... وضعت ام سلمي الطعام وجلس ياكل
: كل يا حبيبي
مراد : انا وحشني اكلك يا خالتو . كان نفسي في المحشي بتاعك
ام سلمي: بالهنا والشفا يا حبيبي
سلمي: انتي بتعلفي فيه
ام سلمي: اما انتي قليله الادب .. قومي علي اوضتك ومفيش اكل
وقفت سلمي لينظر لها مراد
: هي مالها بقت بيئه اوي كده ليه ياخالتي
سلمي: لم نفسك يا كرنبه
مراد: بيئه اوي
ام سلمي: علي اوضتك يا سلمي
دخلت غرفتها .... بعد الغدا
ام سلمي : بص بقي القمر دي . اسمها تهاني
مراد : اسمها قديم اوي
أخذ الصوره لينظر بها: بس حلوه
مراد : اه مش بطاله . معاها شهاده
الام: بس بصراحه البت دي معاها اعداديه بس ست بيت شاطره وغير كده هتريحك ومتسمعش ليها اي صوت
مراد ؛ بس مش دي شروطي يا خالتو
الام : روح بس شوفها وقرر
مراد : ماشي . هنروح أمتي
الام: بكره إن شاء الله .
... انتظرت سلمي مساءاً لتخرج من غرفتها الي المطبخ و بدأت ترفع غطاء الحله لتنتاول أصابع في المحشي
: حرق نار في جتتك يا مراد . علي اخر الزمان اكل في المطبخ
مراد : بعد الشر عني إن شاء الله انتي الاقامه تقف في زورك متعرفيش تبلعيها
سلمي: أن شاء الله انت . بتهبب ايه هنا . متخمدش ليه
مراد : انتي بجد بيئه ووقحه اوي
سلمي: كرنبه
مراد : مش هرد عليكي عشان انا احسن منك خليكي زي الفران كده بتكلي من الحلل
تركها ودخل غرفته لتنظر الي مكانه بغيظ : بارد تستاهل اللي هيحصلك بكره
👑. سبحان الله وبحمده👑
سلمي بتضحك وهي بتكلم ليلي صحبتها
: ههههه . ماما نزلت معاه عشان يروحو للبت تهاني
شهقت ليلي علي الهاتف : يا لهوي تهاني . حرام عليكم يا جماعه دي تهاني كتير عليه
سلمي : يستاهل يارب تنام عليه تفطسه
ليلي : يا شيخه حرام والله . في بنات تانيه كتير اشمعانه تبدأ بتهاني يعني
سلمي : اقولك انا. اصل ماما قالت تبتدي بالقريب والبت تهاني اقرب حد لينا . وبعدين تبعد شويه بشويه
ليلي : بصي هي وشها حلو. بس برضو تخينه عليه
سلمي : هي شبهه قبل التعديل
. ليلي : الواد زي القمر ، بالك انتي لو مكنتش متجوزه كنت ظبطته في ساعه واحده.
سلمي : انتي اللي اعتزلتي الملاعب بدري بدري
ليلي : يقطع الحب وسنينه علي رأي ام كلثوم.
سلمي : ام كلثوم لو سمعت انك بتقولي عليها كده هتخرج من التربه تقتلك
ضحك الاثنان
..... بينما في مكان آخر
كان مراد وخالته واقفين قدام باب الشقه ومعاه لفه حلويات وشوكولاته
ام سلمي : والله كتير عليهم كل ده
مراد : يا خالتو كل واحد بيهدي بقيمته
ام سلمي : بس لسه دي اول عروسه ولازم متبذرش من الاول
مراد : انتي بتكلميني ليه علي اساس انتي بتنجان. ايه مبذرش دي يا خالتو
ام سلمي : يا واد ،الكلمه جايه من التبذير
فتحت الباب امراه سمينه تبدو في الخمسين
ام سلمي : آذيك يا ام توتي عامله ايه
ام تهاني : الحمد لله يا حبيبتي. ادخلوا نورتم يا جماعه
دخل مراد وخالته أمامه ليبتسم الي السيده ويصافحها ووضع أمامه العلب
ام تهاني : يا ختي ماشاء الله ، الله اكبر ، ده العريس
ام سلمي : اه . البشمهندس مراد ابن اختي ..
ام تهاني : بس مش سفيف علي توتي
ام سلمي : خليه بس يشوفها يمكن يحصل قبول ، متعرفيش النصيب فين
ام تهاني : علي رأيك . منور يا مراد
مراد باحراج : بنورك يا طنط
وقفت ام تهاني لتدخل الي ابنتها : ده باين يا بت يا تهاني ربنا بيحبك بعتلك عريس زي القمر طول بعرض بجمال. حاجه ايه شغل بلاد بره كده
تهاني فتاه سمينه يشعر اسود قصير .. ترتدي فستان
: بجد يا ماما
الام : بجد يا روح ماما. . اقرصي كده خدودك وتعالي اطلعي العريس
اخذت صينيه العصير وخرجت وهي تحملهم
رفع مراد رأسه عندما سمع صوت لينصدم في مكانه .. تلك الفتاه كانت غير الصوره التي رآها أمس
مراد : مين دي يا خالتو
ام سلمي : يا خيبك بت. انتي تخنتي كده ليه.
ام تهاني : ده عز يا ام سلمي. قولي ما شاء الله
ام سلمي نظره لمراد بأسف : والنبي يا بني ماشوفتها من كام شهر بس مكنتش كده اوي
مراد : ربنا يسامحك يا خالتي. كل دي
تهاني : ازيك ... انا تهاني وبيقولولي يا توتي
مراد : احم . الحمد لله . انا مراد وبيقولولي يا مراد برضو
ضحكت تهاني : ههههه . دمك خفيف
مراد : احم. شكرا
ام تهاني : تعالي يا ام سلمي ام نسيبهم يتكلمو مع بعض شويه
حرك مراد رأسه بلا : متسبنيش يا خالتو
ام سلمي : يا بني هي هتاكلك
نظر إلي بطنها : اه تعملها .دي ترمي بالقليل ١٥٠ كيلو
ام سلمي : مسم ، انت اوفر بصراحه البت متجبش ١٢٠ كيلو
مراد : لا تجيب اكتر من كده يا خالتي .
ام سلمي : بس اعمل نفسك بتتكلم كده معاها اي كلام وبعدين نمشي
مراد : لا انا عايز اخلع دلوقتي
ام سلمي : لا شد حيالك كده . دي لسه اول عروسه
نظر مراد الي تهاني بقلق : طيب خليكي قريبه عشان لو حصل في الأمور أمور كده . وغدرت نحري علي طول
ضحكت ام سلمي : هههههه . ربنا يستر
دخلت ام تهاني وام سلمي الي الغرفه وتركو العرسان معا
سارت تهاني بخطوات وجسدها يتحرك في كل اتجاه مثل الأمواج
مراد : يا ساتر استر يارب. سلاما قولا من رب رحيم
تهاني : مش بتتكلم ليه يا عريس
مراد : اتكلم اقول ايه
تهاني : قولي انت عندك كام سنه
مراد وهو ينظر لها بصدمه : عندي. عندي . اللهم صل علي النبي
ضحكت تهاني : جري ايه يا مراد انت نسيت
مراد : معلش ده تأثير الصدمه .. اه افتكرت . عندي ٢٦ سنه
تهاني : انا عندي ٢٤ سنه . حلوين . لايقين علي بعض
مراد : هي خالتي راحت فين
جلست بجانبه ليبتعد : حضرتك مينفعش تقعدي كده قريب مني . عيب
تهاني : ليه بس مش لازم ناخد علي بعض
مراد : لا. مش لازم. حد يخرج يفهمنا غلط
تهاني : مش مهم ، احنا كده كده هنتجوز
مراد : حضرتك انا نفسي بيقل ومش عارف اتنفس كويس. ابعدي شويه كده
تهاني : انا مرتاحه كده. الله
وقامت ضحكه هيعيعيهيهي
مراد : مشاء الله. الحنجره عندك سالكه.
تهاني : نسال الاسئله المفيده . بتحب تاكل ايه
مراد : هي دي الاسئله المفيده
تهاني : وايه افيد من الاكل
مراد : احم .علي رأيك هيكون ايه اهم من الاكل .. بحب اكل محشي
تهاني : الله . انا بموت في المحشي . عارف انت باكل حله لوحدي بتنجان وحله فلفل ويا سلام بقي لو عليها زبده بلدي . وفراخ محمره
وضعت يدها علي بطنها : أتصدق جوعت
مراد : طيب ابعدي شويه حرام عليكي هفطس . اقولك علي حاجه حلوه . بصي اللفه اللي هناك دي فيها حلويات واللي جنبها فيها شوكولاته
وقفت تهاني : الله. انا بحب الشوكولاته اوي. بس ماما منعاني منها
مراد : ليه ؟؟ يا حجه ردي عليا
أخذ نفسه اما بعدت عنه وبدأت تفتح في الشوكولاته وتأكل منها . ليتنهد براحه
مراد : الحمد لله، كنت هموت متفطس تحت فنطاس المحشي دي
تهاني : دي حلوه اوي يا مراد . اما نتجوز هاتلي منها كتير
مراد : . اما بقي .. براحه علي نفسك شويه الشوكولاته مش هتطير
تهاني بهدلت وشها بالشوكولاته وخلصت العلبه ودخلت علي علبه الحلويات
مراد : حضرتك كده السكر هيعلي اوي في جسمك . مش طريقه اكل دي
تهاني : اصلي مبعرفش امسك نفسي قدام الحاجات دي . أنا بقالي ساعتين مكلتش
مراد : وقت كتير ده يا توتي؟؟
تهاني : ايوه . انا اوقات بقوم من النوم اكل ولازم جنب السرير يكون فيه سندوتشات
مراد : بصي انا مقصدش حاجه . بس كده غلط علي صحتك .. السمنه مرض
تهاني : الاكل ده احلي حاجه . تعرف انت ايه عن المكرونه بشاميل وهي طالعه من الفرن كده وجنبها الحمام المحشي وله البط يالهووووي قمر قمر بينزل البطن يزغرد
مراد : يمهل ولا يهمل ..
جلس وهو يضع يده علي خده وهي تاكل أمامه وتحكي له عن الطعام
خرجت ام تهاني مع خالته لتشهق : يالهوووتي .. انتي كلتي شوكلاطه يا بت المفجوعه
تهاني مسحت فمها : لا . ده مراد
مراد رفع أيده : والله ما انا . دي هي اللي كلت الجبنه قصدي الشوكولاته
ام تهاني : انتي يا بت مش عندك حساسيه
بص مراد الي تهاني اللي بدأت تهرش في جسدها وتحمر ليقف بعيد : عندها مرض جلدي دي وله ايه يا خالتو تعالي كده لتتعدي
ام سلمي وقفت جنب مراد : شكلها كده .
ام تهاني: كلتي قد ايه يا بت المفجوعه
تهاني مردتش بتهرش في جسمها بس
مراد : كلت العلبه كلها يا طنط ..
ام تهاني ضربت علي صدرها: يا لهووووتي . البت هتضيع مني
مراد : انا ممكن اطلب الإسعاف ؟
ام تهاني : اطلب يا بني بسرعه.
مراد خرج الموبيل واتصل بالاسعاف : الو الإسعاف . ..في مريضه هنا عندها حساسيه وكلت شوكولاته ... ايوه عايزين الإسعاف بس مش عربيه عاديه دي . لا هات الونش الكبير ... عشان تعرفو تاخدو المريضه. يدوبك يقضي أو هات ونشين احتياطي واتصل بقوات الأمن وحفظ السلام
لا يا فندم مش ثوره لا . دي بس المريضه وزنها زايد شويتين ثالثه
بعد وقت وصلت سياره الاسعاف وقف مراد مع خالته و هم يودعون توتي : مع السلامه يا توتي . إلي اللقاء ..أوعي تتحركي العربيه تتقلب علي الطريق ..
ام سلمي : وله تزعل يا واد لسه بنقول يا هادي . قدمنا العرايس كتير ..
ضحك مراد : كده بنقول يا هادي . لا ربنا يستر يا خالتي . بينا علي العروسه التانيه
ام سلمي : بكره بقي . اما اروح اطمن علي البت تهاني في المستشفي
مراد : مع نفسك يا خالتي . انا لو رحت ممكن توتي تبلعني وانا مش مستغني عن نفسي
نختم الحلقه بضحكه ام سلمي علي مراد وهو بيجري : الحمد لله نفدت من تحت ايد توتي . الواحد انكتبله عمر جديد