رواية قاتلي المتاجر
البارت: الواحد و العشرون
والثاني والعشرون
بقلم: نادية ستارز
عند إكس
يستيقظ إكس على صريخ جين من الخارج
إكس ينهض سريعًا و يذهب تجاه مصدر الصوت يجد شابان ممسكان بجين يجري إكس على جين و يضرب الشابان
إكس: مين إلي بعتكم
الشاب: أحنا من رجالة إيوان و جينا ناخد البنت
إكس: قوموا أقعدو في العربية و شوية و هنجلكم
الشاب: بس التعليمات أن هي إلي تيجي بس
إكس: التعليمات دي عليك أنت بس
إكس يأخذ جين و يذهبو إلي داخل الكوخ
إكس بزعيق: أنتِ غبية أزاي متعمليش أي صوت أو تصحيني
جين: لا مش غبية مجنونة ثانيًا لقيتك نايم طلعت برا اتأمل شوية لقيت أتنين بحجم بيغ شو ورايا ماسكني مش بييجو بالتفاهم فصوت علشان تصحى بس حقيقي أنا مبهورة بيك أن نومك خفيف
إكس: روحي البسي علشان تروحي معاهم
جين: أنت بتهزر صح أنا أروح مع الضخماء دول لوحدي تعالى معايا و مش هعمل صوت
إكس: أنتِ مش رايحة تزوري خالتك و أنا مش هينفع أجي معاكي هتروحي أنتِ
جين تجلس على السرير: و أنا هفضل على السرير مش نتحرك ولا همشي خطوة من غيرك
إكس: جين مش هينفع و أه أياكي أياكي حد يعرف أننا متجوزين
جين: عيب عليك هو أنا غبية و تكمل بصدمة يالهوي دا لما الولد مسكني قولتلي أوعى أيدك أنت متعرفش أنت ماسك مين أنا أبقى حرم إكس يا حيوان بس مقتنعش ولا صدقني أصلاً
إكس: أقتلني علشان ترتاحي و أرتاح منك
جين: لا متعملش كدا أستنى لما المغامرة اللطيفة دي تنتهي بعدها نموت كلنا
إكس: لبستي ولا لسة
جين: أطلع برا و أنت كمان البس مش هتحرك من غيرك إكس ينفع أطلب منك
إكس: الأدب دا وراه حاجة أطلبي
جين: يرضيك أمشي من غير ما بطني يدخل فيها أكل هتزعل يلا زي الكتكوت الشاطر أعملنا ناكل يا أما أقعد على السرير و أقول مفيش مشيان من هنا
إكس: أنا مبتهددش
جين: ولا أنا بهدد يا حبيبي
إكس: يا أيه
جين: حبيبي هو أنت فهمت أنك حبيبي و الكلام دا محصلش أنا بقولها لأي شخص عادي حتى الكلاب و القطط
إكس: أنا خارج خمس دقايق أدخل الاقيكي لابسة
جين: حسنًا أخي لله في لله
إكس يخرج و يبعث رسالة لكابوني و جين جهزت
بعد وقت ندهت عليه
جين: أنا خلصت روح البس بسرعة و أحنا هستناك
إكس: بس أنا مش هاجي معاكي
جين: خلاص أفضل هنا معاك
إكس: أنتِ عايزة تبوظي الخطة و خلاص
جين: لا بالعكس أنت لما هتبقى وسطهم هتعرف المعلومات أكتر أنا هخرج علشان تلبس
إكس: خليكي علشان ممكن ياخدوكي في أي لحظة
جين: ماشي تستدير جين : خلصت لبس
إكس لا يرد
جين: أنت مبتدرش ليه
إكس: أنتِ لسة لافة هخلص أزاي أهدي
جين:خلاص معلش نسيت
إكس: تقدري تلفي دلوقتي
جين التفت إليه: في مشكلة كبيرة
إكس: أيه تاني
جين: الصندوق مبروحش في مكان من غيره هعمل أيه أخده معايا
إكس: لا طبعًا مينفعش مفيش حل غير أني أسيبه عند كابوني
جين: لا لا طبعًا صحبك البارد لا مش هأمن على صندوقي معاه
إكس: براحتك خديه معاكي أو سيبيه و يتسرق
جين: يعني صاحبك دا أمان
إكس: الله أعلم
جين: هو أنت لو جاوبت زي الناس هيحصل حاجة
إكس: أنجزي لازم نمشي
جين: هسيبه عند صاحبك و أياك يفتحه أنت المسؤول أدامي لو حصل للصندوق حاجة هعمل إلي محدش عمله
إكس: هتعملي أيه
جين تفتح الباب: مش محتاجة أجابة هعيط طبعًا
إكس يخرج خلفها و يمشو مسافة حتى يوصلو لمكان السيارة
جين في سرها: لو كنت عرفت الطريق دا كان زماني هربانة
إكس يميل عليها: متفكريش كنت هجيبك لو بقيتي في كوكب زحل يتركها في صدمتها و يركب
جين: دا بيقرا الأفكار من أول لما شوفته قولت دا ساحر محدش صدقني
إكس: أركبي
جين تركب بجانب إكس يأتي أحد الشباب حتى يركب بجانبها يوقفه إكس
إكس: جمب صاحبك
الشاب: ب
إكس: أقول لإيوان
الشاب: لا خلاص
الشاب يعطي لإكس رابطة
الشاب: التعليمات أنها تلبسها
إكس: البسها أنت
يسكت الشاب بإحراج و يظل ساكت طول الطريق
بعد وقت طويل تتوقف سيارة أمام فيلا إيوان
جين و إكس ينزلو
جين: هو ليه الفيلا دي لازقة في القصر لو هما جيران المفروض يفصلو عن بعض علشان الخصوصية
إكس: أسكتي خالص متتكلميش
و كان في أنتظارهم إيوان
يدخل إكس و جين و كان خلفهم الشابان
إيوان: دي البنت صح
جين: أنا ولد بس بقيت بنت معرفش أزاي لكن أنا ولد و مسميش جين مين دي إكس يضغط على أيديها
جين: أنا قولت أني ولد أتشك في لساني أنا هي جين بلحمها و تربها
إيوان: تعالي معايا
إكس: هتروح فين قصدي يعني علشان أجي معاكم
إيوان: تعالى أنت هتمشي أمتى
إكس: أنا هفضل في مصر فترة
إيوان: خلاص خليك هنا
إكس: لا مش عايز أتعبك
إيوان: ولا تعب ولا حاجة بقيت فلوسك جاهزة ينظر لجين و يقول بزعيق أنا مش قولت تعالي معايا
جين تنظر لإكس: حاضر
جين تمشي للأمام و إكس يقول لإيوان: براحة عليها هي غالبًا عندها فوبيا من الصوت العالي
إيوان: و أنت لحقت تعرفها
إكس: مبحبش الأسئلة الكتير يلا نمشي
يذهبو جميعهم إلي غرفة بها طبيب
جين: هو في أيه أنتو جيبني هنا تهزقوني دكتور أيه يا جماعة هتدوني تطعيم الأطفال و أنا معرفش
إيوان بزعيق: بنت أنتِ مسمعش صوتك خالص
إكس: مبحبش الصوت العالي فبتالي متزعقش تاني هو أنت هتعمل معاها أيه
إيوان: كتير أوي بس الأول هنعملها فحص كامل
جين: أنتو هتاخدو مني دم
الطبيب: أكيد
جين: أنا أصلاً واحدة معندهاش دم و عندي فوبيا من الأبر و لو حد لمسني هشتكيه
إيوان: لمين
جين: لثاليثو
إكس: ما تخلي الدكتور يشوف شغله هنفضل واقفين علشان سيادتها
الطبيب: تعالي أدامي
جين: و الله ميحصل أنا مش هتشك علشان أساع
ينظر لها إكس سريعًا
جين: علشان أسعى لموتي مفكرني هقول أساعدك لا مكنتش هقول
إيوان يشدها من أيديها و يجلسها أمام الطبيب
جين ببكاء: مش عايزة أخد أبرة
إيوان يزعق فيها
إكس يتدخل: أخرجو أنتم و أنا هاخد منها الدم
إيوان و الطبيب يخرجو
إكس يذهب إليها و يجلس أمامها
إكس: عاملة قلبان في المكان ليه
جين: أسكت أنت يا بارد يا وحش سايبه يزعق في مراتك قرة عينك عادي كدا
إكس: أنا أعرفك يا بنتي
جين: أنت مسكت الأبرة ليه عايز تدخلها جوايا و تاخد دمي دا مش هيحصل
إكس: مش هتحسي بوجع خالص
جين: خالص خالص
إكس: خالص
جين: لا برضو خايفة
إكس ينظر في عينيها: بصي في عيني و جمدي قلبك
جين تنظر لعينيه: أبتدينا المسلسل الهندي و نظرات العيون بس عينك مميزة
إكس: خلصت
جين: دا طلع الكلام حقيقي
إكس: إلي هو أيه
جين: بتاع توهت في عينك نسيت الآمي و جراحي
إكس هيرد يدلف إيوان و الطبيب
الطبيب: لو مرضتش يبقى ناخدها بالقوة
إكس: خلاص أخدت منها الدم
إيوان: تعالي أوريكي أوضتك
جين: أنا جعانة أيه بتبصولي ليه كدا مفطرتش
إيوان: أترزعي في أوضتك و الأكل هيبقى يجيلك
جين: أنت يا راجل أنت بتعاملني ليه كدا جوز أمك أو مرات أبوك ما تتعدل كدا في الكلام هاتلي رئيسك أنا هشتكيكم لسوء المعاملة
إيوان: مشي البنت دي من قدامي بدل ما أقتلها
جين: تق
إكس يكتم فمها و ياخدها و يخرج و كذلك إيوان يخرج من منزله و يذهب إلي القصر
إكس بصوت واطي و يذهب بها أسفل السلم: أنا مش هبقى موجود دايمًا إيوان عصبي أياكي تردي عليه
جين: أسيبه يعني يهزقني
إكس: أه سيبيه أنا هوديكي أوضتك أياكي تخرجي منها
جين ببرائة: و الأكل
إكس: كتير كدا كتير أوي عليا
و في هذا الوقت يسمع صوت فتاة من خلفهم
_ إكس مش معقول وحشتني أوي
_______________________________
عند ليث و عنود
عنود: مستحيل طبعًا أنت أهبل هما عارفينك
ليث: عارف علشان كدا عايز أدخل أصل بيني و بينك حبيت شغلكم و أنا شغلتي مش عجباني
عنود: يا عيني صدقتك أنا كدا أبعد عن الباب حالاً و أشتري روحك بدل ما أضرب طلقة في دماغك و تموت و محدش هيعرفلك طريق هتدفن هنا
ليث: أنزل سلاحي و أنتِ كمان و نتفاهم
عنود بشك: و لو غدرت
ليث: الحكم ليكِ
عنود: موافقة
ليث و عنود نزلو سلاحهم على الأرض
عنود: مفيناش من الغدر دا جمب رجلك
ليث يبعده قليلاً : كدا تمام
عنود: تمام قول إلي عندك و أه كمان خمس دقايق هتلاقي كتيبة جاية بتهاجمك فخلص بسرعة
ليث: أنا هستقيل من الداخلية و أنتِ تدخليني معاكم
عنود: دا أنت من كام ساعة خاطفني علشان أعترف بالحقيقة و دلوقتي عايز تدخل أيه التناقض دا
ليث: مش تناقض ولا حاجة و بعدين هنفضل واقفين على الباب
عنود: أربع دقايق و هيوصلو أنجز علشان هتموت
ليث: فأنا و أنتِ لو أتعاونا مع بعض هنبقى أغنيا
عنود: صدقتك أنا يعني
ليث: أديني سبب يخليكي متصدقنيش طب عندي حل
عنود: قول
ليث: خليهم يجربوني و لو فشلت يموتوني
عنود: مش مطمنالك لما يوصلو هشوف
ليث: عيب عليكي ثقي فيَّ
عنود: مستحيل
ليث: هو اللواء يعرف الحقيقة
عنود: دا واحد مننا
ليث: يعني هو السبب أن جين تتخطف
عنود: ليه هو ضربها على أيديها و قالها تدخل الموقع طبعًا لا يبقى تسكت شوية دماغي وجعاني
بعد عدة دقائق توصل عربيتان أمام المنزل و ينزل منها مجموعة رجال ضخام الحجم يدلفون إلي المنزل بحزر
عنود: أهلاً يا شباب تعالو أقعدو البيت بيتكم
ليث: بيت أهاليهم قصدي أجبلكم كراسي
أحد الرجال: يلا هنطلع على قصر إيوان
عنود: القصر دا المقر بتاع المنظومة لكن فيلا إيوان جنبه متتلغبطش تاني
الرجال: نسيت و يشاور على ليث دا أقتله
عنود تلقي نظرة على ليث: لا هاته معانا بس خلي بالك دا زي التعلب مكار
يأخذو الرجال ليث و يذهبو تجاه المقر
بعد وقت طويل تقف السيارة أمام القصر
تنزل عنود و الرجال يمسكو ليث
عنود: سيبوه الرجال تترك ليث و ليث يمشي بجانبها
و قبل دخولهم الباب يستوقفهم الحارس
الحارس: هنفتشكم الأول
عنود: الكلام دا عند يور مازر أنا مبتفتش
الحارس: دي أوامر مينفعش الدخول من غير تفتيش
عنود تزقه و تدخل
يدلفو لداخل القصر يجدو تجمع من الرجال
عنود: أهلاً يا رجالة ناقصكم أي حاجة
كله تمام
عنود: فلوسكم أخدوها
بعد كل مقتول بناخد بقيت فلوسنا
عنود: حلو أوي أعرفكم على ليث هيبقى واحد منكم قاتل مستأجر
هاخده دلوقتي و لما أخلص هجيبه تتعرفوا على بعض هو فين إيوان
أحد الرجال: تحت بيتابع الموقع
عنود: تمام شكراً يا رجالة
عنود تأخذ ليث و يذهبو أسفل القصر عنود تأخذه إلي مكان إيوان عنود تخبط و تدخل و خلفها ليث
عنود: وحشتك صح
إيوان: أكيد
عنود: جيبالك حد هتنبسط منه
إيوان: مين
عنود: بص ورايا تذهب عنود بجانب إيوان و ينظر إيوان إلي ليث بصدمة
إيوان: أنت
عنود بأستغراب: أنت تعرفه .
يخبط الباب و تدخل فتاة محملة ورق
الفتاة: أستاذ إيوان الورق دا محتاج توقعيك ضروري
إيوان: سيبيه و أخرجي
الفتاة: مش هينفع لازم أسلمه دلوقتي
إيوان: هاتيه أقراه
الفتاة: تمام
إيوان يقرأ أول ورقة فقط و يوقع على باقي الورق دون النظر إليهم
الفتاة تأخذ الورق و تغادر
إيوان: أه طبعًا أعرفه أكيد دا كان الظابط المتكلف بحماية جين
ليث: هي فين صح
إيوان: ملكش فيه و أنتِ يا عنود جيباه ليه
عنود: عايز يدخل معانا و بصراحة هو ذكي جدًا و هينفعنا
إيوان: عملتيلوا أختبار ذكاء يعني علشان تعرفي و يكمل بزعيق أنتِ أي حد يقولك عايز أدخل تجيبيه يا غبية جيبلنا ظابط شرطة و الله أعلم مين هييجي وراه
عنود: أهدي يا إيوان متزعقليش تاني أحسن ليك تالت حاجة الأستاذ ليث كشفني من ضلي و خطفني أحمد ربنا أن عرفت أوصل لهوشع كان زمانه قتلني أخر حاجة خلينا نجربه منفعش طلقة في نص راسه و الموضوع خلص
إيوان: أنا مش مقتنع بس بثق فيكِ و هحملك مسؤلية أي حاجة
عنود: عيب عليك لو غدر بأيدي هقتله
إيوان: هخليه هنا في القصر مش هيروح عندي
عنود: تمام و أنا هقعد فين
إيوان: خليكِ هنا معاه بس الأول هعمله أختبار صغير
ليث: أكيد هنجح فيه
إيوان بخبث: مش لما تعرفه الأول
ليث: قول
إيوان: هتقتل والدتك
______________________________
عند أحلام
تنظر إليها بصدمة: أنتِ مش أمي
كوثر: أيه إلي بتقوليه دا يابت
أحلام: و هو ا أه مش أمي إلي يشوفك يقول أختي الصغيرة أيه الحلاوة و الجمال دا كله
كوثر: با بكاشة
أحلام: هكدب يعني
كوثر: لا مش هتكدبي
أحلام تجلس بجانبها: بقالي كتير بعيدة عنك وحشتيني أوي
كوثر: وأنتِ وحشاني أكتر كان عندي أحساس أنك مموتيش و أنك في خطر الحمد لله أنك معايا دلوقتي
أحلام: كنتِ بتصرفي أزاي يا ماما السنين إلي فاتت
كوثر: ربك مش بينسى حد كنت بشتغل في الخياطة و كان واحد أبن حلال كل أول شهر يسبلي ظرف فيه فلوس تكفيني و بيتبقى ضعفها
أحلام بأستغراب: مين الشخص دا
كوثر: معرفهوش ولا شوفته ولا مرة كان الظرف بيبقى على الباب
أحلام: ربنا يجازيه خير
كوثر: يارب أنتِ جيالي ليه
أحلام: بقى كدا بتطرديني
كوثر: لا مش بطردك
أحلام: واضح أنتِ دلوقتي بتطرديني بالأدب بعد شوية تطرديني بقلة الأدب
كوثر: برا علشان أرتاح
أحلام: عيوني الأتنين ليكِ
تغادر أحلام غرفة كوثر و تذهب إلي غرفتها
أحلام بتفكير: لو أنا أتحررت من إيوان كدا هيبقى لازم أتجوز ملحم هو ماله يتجوز واحدة ميعرفهاش ليه و أنا أتجوز واحد معرفهوش ليه هتجنن من التفكير بس أنا مش هينفع أسيب هنا لو مش علشاني فعلشان ماما أعمل أيه يارب
و أثناء تفكيرها ملحم يتصل عليها
ترد أحلام سريعًا: أنت كويس
ملحم: أه كويس أنتِ كويسة
أحلام: أنا زي الوردة المفتحة بتتصل ليه
ملحم: بطمن عليكِ بشوفك لو عايزة حاجة
أحلام: شكراً لسؤالك مش عايزة حاجة هتيجي أمتى
ملحم: في الطريق نص ساعة بالكتير و هبقى عندك
أحلام: توصل بالسلامة متتأخرش
ملحم: البسي علشان في كذا شخص هييجي علشانك
أحلام: علشاني أنا
ملحم: أه علشانك هتلاقي شوية لبس على الكرسي في أوضتك أختاري بينهم لحد ما نخلص و أخدك نشتري لبس ليكِ
أحلام: أنت كل شوية بتكبر في نظري شكراً
ملحم: أنا تعبتلك من كتر شكراً
أحلام: طب أقولك أيه
ملحم: ولا حاجة سلام
أحلام: مع السلامة
أحلام تلبس و بعد أن أنتهت من اللبس : فيها أيه لو جربت أدخل الباب التاني قبل ما ييجي مش هيحصل حاجة طبعًا تخرج من غرفتها و تذهب للباب و تحاول فتحه تأخذ دبوس شعر و تفتح القفل بعد محاولات بعد وقت فتحت الأقفال كلها و لسة هتفتح الباب تناديها فاطمة من خلفها
فاطمة: الأستاذ ملحم تحت و طالب حضرتك
أحلام بتوتر: نازلة وراكِ على طول
فاطمة تنزل و خلفها أحلام
ملحم: ورق طلاقك من إيوان في أيدي
أحلام بفرحة: أحلف كدا
ملحم: والله
أحلام: عملتها أزاي دي
ملحم: دي أسرار خدي وقعي
أحلام توقع على الورق
أحلام بصوت عالي تنادي على أمها: ماما
أمها تخرج بخضة: في أيه
أحلام تذهب إليها بفرحة: ورق طلاقي بين أيدي
كوثر: مبروك
أحلام: الله يبارك فيكي عقبالك
كوثر: عقبالي برضو ماشي هعتبرها تأثير الصدمة
أحلام: من فرحتي مخدتش بالي
ملحم: أهدي شوية في ناس هنا كتير أقعدي على الكرسي علشان هتتصوري
أحلام: صور ما بعد الطلاق و هتقارني قبل الطلاق مش فهماك
ملحم: لا علشان بطاقتك
أحلام: يااه على كرم أخلاقك يا أخ بارك الله فيك
ملحم: و بارك عليكي
فاطمة بضحك: و جمع بينكما في خير
أحلام: هو ينفع أطلع لساني في الصورة
ملحم: أعملي إلي عيزاه
أحلام: شكراً تطلع لساني في الصورة و تغلق أحد عينيها
ملحم: الصورة قمر
أحلام: علشان أنا أحلى من القمر
ملحم: التواضع هياكل منك حتة
أحلام: خد شوية من تواضعي بس الناس دي كلها مين
ملحم: هيعملولك أوراقك الرسمية
أحلام: ماشي هو لما إيوان يعرف هيعمل أيه
ملحم: مش هيعرف يعملك حاجة أياكي تخافي
أحلام: مش هخاف
و أثناء حديثهم يدلف المأذون
أحلام: مين هيتجوز
ملحم: أنا
_____________________________
عند عيسى
عيسى: أنا أخدت القرار هروح لمنال و أحاول ابدأ معاها من جديد علشان الطفل
عيسى يأخذ مفاتيحه و يغادر يذهب لمنزل منال
بعد وقت كان أمام المنزل يدق الباب تفتح منال
منال بصدمة: أنت أدامي بجد
عيسى: مش هدخل
منال: لا طبعًا دا بيتك و أنا ضيفة فيه زي ما بتقول
عيسى: دا بيتك أنتِ وبيت الطفل
منال: هو أنت كويس
عيسى: أكيد كويس
منال: أكيد يعني
عيسى: أكيد
يدخل عيسى و منال للداخل
عيسى: بتابعي مع دكتورة
منال: بتابع أه
عيسى: قوليلي المواعيد علشان أجي معاكي
منال: حاضر
عيسى: أكلتي
منال: لا مليش نفس
عيسى: أنا بصراحة جعان فكلي معايا
منال: ماشي خمس دقايق و الأكل يكون جاهز بس ممكن أعرف أيه التغيير دا أنت بتفكر تخلص مني فلما أموت عايز تشيل الشكوك من حواليك
عيسى: مفيش حاجة من الكلام دا بس فكرت و شوفت لو الطفل جاه و أهله مش بيطيقو بعض و بينهم مشاكل هيدمر نفسيًا منبقاش أحنا السبب في دمار طفل
منال: معاك حق في كل كلمة بس أنت متقبل دا من جواك
عيسى: أه بقولها و أنا متأكد منها
منال: ربنا يكملك بعقلك هقوم أعمل الأكل
تنهض منال و تعمل الأكل بكل حب و بعد وقت أنتهت
منال: الأكل جهز
عيسى: ينهض و يبدأو ياكلو مع بعض
أنتهو بعد وقت و شالت منال الأطباق و عيسى ساعدها
منال: الوقت قرب يتأخر مش هتروح بيتك
عيسى: ما أنا في بيتي
منال: حقيقي النهاردة أحلى يوم في حياتي
عيسى: أن شاء الله أحاول أسعدك
منال: أنا عارفة أنك مبتحبنيش بس محاولتك دي عندي بالدنيا كلها
عيسى: أنا هروح أنام تصبحي على خير
منال: و أنت من أهل الخير دايمًا
ينام عيسى و بعد وقت تنام منال في نفس الغرفة معهُ تحت خوفها أن يستيقظ منزعج تنام منال بأرتياح و هي فرحانة منذ زمن بعيد و تدعي ربنا أن يحبها في يوم
عند كابوني و وسن
وسن: ها المكان فين قول
كابوني: دا نفس موقع إيوان معنا كدا أن كلامك صح و إيوان هو ألِ كلمك
وسن: طب هنعمل أيه
كابوني: أحنا كدا عرفنا مكان أبنك هروح بكرة أجيبه
وسن: بس أنت كدا هتعرض نفسك للخطر
كابوني: كله يهون علشان وسن
وسن: أوعدني أنك ترجعلي أنت و أبني سالمين محدش فيكم يحلصه حاجة
كابوني: أوعدك
وسن: أنا واثقة أنك هتكون أد الوعد
كابوني: روحي أرتاحي دلوقتي
وسن: حاضر
تذهب وسن إلي غرفتها بينما كابوني يجلس يعد لخطة غد
كابوني: كدا الخطة جهزت و كل حاجة بقت تمام
في الصباح تصحى وسن من شروق الشمس و تنتظر كابوني
يصحى كابوني بعد عدة ساعات
كابوني: أيه إلي مقعدك كدا
وسن: مستنياك علشان أجي معاك
كابوني: تيجي فين أنتِ تقعدي هنا مش ناقص أطفال
وسن: أنا مش طفلة و هاجي معاك
كابوني: طيب أصحى من النوم و نشوف الموضوع دا
وسن: اصحى يلا
كابوني: ربع ساعة و أكون صحيت
وسن: مش وقت أستظراف
كابوني: خلاص أنا صحيت
وسن: هتروح أمتى
كابوني: ساعة كدا و هتحرك
وسن: ماشي مستنياك
بعد مرور ساعة
كابوني يخرج
وسن: هو حد رايح يتعارك و هو لابس ببدلة
كابوني: مش أنا لبست يبقى فيه
وسن: يا برودك
كابوني: عديني
وسن: هاجي معاك الأول
كابوني: مفيش مرواح معايا
وسن: لا في مر
تسمع وسن صوت رسالة أنبعثت على هاتفها تمسك هاتفها سريعًا و عندما فتحت الرسالة
_____________________________
عند إكس و جين
إكس بصدمة: سارة بتعملي أيه هنا
سارة: أتجوزت إيوان و جيت معاه بس أتغيرت و بقيت أحلى بكتير
جين: الفهولك في ورق جرنان
سارة: يععع على أسلوبها القذر مين دي و أزاي تدخل البيت
إكس: سارة أمشي من هنا حالاً
سارة: ليه يعني دا بيتي و أنا حرة فيه
إكس بزعيق: قولت أمشي حالاً
سارة تغادر بخوف
إكس بزعيق لجين: أنا مش حاطط أيدي في بق كلبة سيبي أيدي شوهتيها
جين: تستاهل أحسن ما أضربها هي و أجبلك مصيبة
إكس: هي عملتلك أيه
جين: أنت مش شايفها بتدلع أزاي و أنا بتقرف من النوعية دي
إكس: الأوضة إلي هناك خالص دي بتاعتك
جين: و أوضتك فين
إكس: شايفة الأوضة إلي جمبها
جين: أه
إكس: مش بتاعتي
جين: أوف على البرادة فين أوضتك يا إكس
إكس: مينفعش أوضتي تبقى جمب أوضتك علشان محدش يشك فينا فأوضتي في أخر الممر التاني
جين: طب لو عوزت أجيلك هعمل أيه هعدي الممرين دول أزاي
إكس: لو عايزة أوضتك و أوضتي أوضة واحدة أنا شخصيًا معنديش مانع
جين: طب عديني بقى كدا علشان قلة الأدب دي
إكس يتركها : أنا سبتك علشان محدش يشوفنا و يشك فينا
جين: فيك الخير سلام و أه علشان منساش تلت دقايق لو الأكل مكانش قدامي هقول كل حاجة ليهم أنا و أنا جعانة مش ببقى عارفة أتحكم في تصرفاتي
إكس: روحي يا مفجوعة
تذهب جين إلي غرفتها
و بعد تلاتين دقيقة يخبط إكس على باب جين
جين تفتح الباب: و أخيرًا جبت صينية الأكل روح ربنا يسترك زي ما هتستر جوع بطني روح ربنا ي
إكس: عديني
إكس يدلف و يوضع الطعام على الطاولة
جين: هي ليه من كل حاجة في أتنين واحدة ليَّ و التانية لشخصيتي التانية حد قالهم إني عندي أنفصال في الشخصية
إكس: للأسف هاكل معاكي
جين: حقيقي ليك الشرف في دا
إكس: طبعًاااا
جين: أنت بتتريق طب مش هتاكل معايا وريني هتاكل أزاي
إكس يأخذ الصنية: كدا
جين: أنا أسفة أنا واطية أنا وحشة سيب الأكل جعانة
إكس يضع الطعام مرة أخرى على الطاولة و يبدأو الأثنان بالأكل مع بعضهم
إكس بعد أن أنتهى: صحيح متبقيش تنامي هعوزك بليل
جين: أروحلك فين
إكس: أنا هجيلك و أه متتحركيش من مكانك أحسن ليكِ
جين: طيب
إكس ينهض حتى يغادرليفتح باب غرفة جين يجد
رواية: قاتلي المتأجر
البارت: الثاني و العشرون
بقلم: نادية ستارز
في غرفة جين
يفتح إكس باب الغرفة يجد سارة أمام الباب
سارة بشك: أنت في أوضتها بتعمل أيه
إكس: حاجة متخصكيش أنتِ جيالها ليه
سارة: حاجة متخصكش بعد أذنك عايزة الأنسة على أنفراد
جين: أنا يابني شكراً على ثقتك الغالية عايزة أيه يا مزة عايزة أيه
سارة: مزة
جين: أه هو أنا بشتمك أنا غلطانة قولي عايزة أيه
إكس: جين مش هتفضى دلوقتي هيتعملها شوية حاجات تعالي بكرة
سارة: و أنت بقى المشرف على الحاجات دي
إكس: برا الممر كله
سارة: ملكش أي حق أنك تطردني من بيتي بس أنا همشي دلوقتي تغادر سارة
إكس يلتفت لجين: لو سارة سألتك في أي وقت هي أو غيرها لو تعرفيني أو لا قوللها متعرفنيش و متشغليش مخك خالص خليه خارج نطاق الخدمة أنا مستغني عن خدماته و بعديها للمرة المليون أحنا متجوزين يا جين ولا لا
جين: أومال المأذون إلي كان موجود دا أيه لتشهق بخضة: يالهوي معقول يكون كان عفريت أو الجن العاشق أعوذ بالله من الخبث و الخبائث و من الشيطان الرجيم و منك
إكس: كدا كتير أوي فوق طاقتي و يخرج و يصفق الباب خلفه
جين: ماله دا هو أنا كلمته ولا عملتله حاجة دا أنا ملاك
سارة كانت تنتظر خروج إكس لتذهب لجين
سارة تدخل دون خبط على الباب
جين: أنتِ بتفتحي الباب ليه كدا ترضي أفتح عليكي باب الحمام بالشكل دا
سارة: وات أنتِ بتقولي أيه
جين في سرها: دي لسة هتوتوتلي و تكمل بصوت عالي: أنتِ عايزة أيه دلوقتي
سارة: هسألك كام سؤال و تجاوبي عليه
جين: براحتي أجاوب على ألِ عيزاه و أعدلي طريقتك معايا و لا لسة هتكلم برا
سارة: أنا هنا الكل في الكل بكلمة مني أخليهم يدفنوكي حيا
جين تزقها للخارج: رجلك دي ملقيهاش تدخل هنا تاني هتتكسر أو تتقطع أيهما أقرب
و تقفل الباب في وشها
جين: ناقصني أنا صداع تستكشف جين الغرفة و تجلس بملل على السرير تفكر في مواضيع مختلفة
سارة في الخارج : أزاي تجرأ تعمل كدا أنا سارة حتت بنت تطردني أنا هوريها
تصعد إلي الطابق الأعلى حتى تذهب إلي غرفتها و أثناء مشيها تسمع صوت بكاء طفل
سارة بعصبية: أكيد دا أبن إيوان جابلي وجع في راسي تفتح باب غرفة الطفل تجد المربية تحاول أسكاته
سارة بزعيق: هو مش بيسكت ليه سكتيه
المربية: بحاول
سارة: أكتمي نفسه ولا حطي مخدة فوقيه مش عايزة أسمع صوته مفهوم
المربية: مفهوم
تغادر سارة إلي غرفتها و هي غاضبة و تفكر في أمر جين و إكس
إكس يذهب إلى غرفته و يغير ملابسه لبنطلون أسود و تيشيرت أسود و يتفحص الغرفة بحذر و يتأكد من عدم وجود كاميرات يجلس على سريره و يمسك هاتفه و يكلم شخص
مجهول: حصل حاجة
إكس: أنا قولت أعرف حضرتك أني دلوقتي وسطهم
مجهول: أنت روحت معاها
إكس: أه دا الحل الأفضل
مجهول: ملحم فين
إكس: وصلي أنه في مصر حاليًا
مجهول: مع إيوان أكيد صح
إكس: لا في مشكلة كبيرة بينهم
مجهول: دي حاجة لمصلحتنا
إكس: مش أوي
مجهول: خلي بالك على نفسك و على جين و الخطة الأولى تتنفذ النهاردة
إكس: في حفلة هتحصل بكرة و هيوصل أكبر أعضاء المافيا من من مختلف أنحاء العالم و البنات هيوصلو بكرة و الدكاترة
مجهول: معاد الوصول الأسبوع الجاي
إكس: إيوان كان مستني رجوع جين و الخطة أتغيرت لأنه نزل مصر
مجهول: ماشب أخفي الموبايل دا كويس بالتوفيق
إكس: شكراً سلام
إكس أثناء وجوده في غرفة جين حط كاميرا تحت الطاولة بحذر
يمسك موبايله يرى جين جالسة على السرير بملل
يجدها تنهض من على السرير و تذهب تجاه الباب
إكس: رايحة فين المجنونة دي
و بعد ثواني يسمع صوت طرقات على باب غرفته
يفتح الباب يجد جين واقفة بغضب ينظر إلي جميع الأتجاهات و يتأكد من عدم وجود أي شخص و يشدها إلي الداخل
إكس بغضب: جاية ليه أنتِ عارفة لو حد شافك هيحصل أيه
جين: أتخنقت أربع حيطان أتخنقت حاسة نفسي في سجن مش كدا أيدا التيشيرت الأسود جامد أوي ممكن تديهولي
إكس: لا مش ممكن و المطلوب مني أعمل أيه علشان سمو الأميرة جين حاسة نفسها في سجن أخدها لنزهة في الشارع
جين: فكرة حلوة أوي و هاتلي أيس كريم نفسي راحت عليه
إكس: حالاً
إكس: أنا بكره البرود
جين: هسخن نفسي الميكرويف و كدا هبقى سخنة بعدها هدخل الفريزر و كدا هسقع
إكس: زي ما طردت سارة بقولك برا
جين: أنت هتقارني بيها ولا أيه
إكس: جين متخرجيش من أوضتك تاني نهائي أعتبري نفسك محبوسة فيها
جين: مبحبش الحبسة دا حتى مديني أوضة باب البلكونة بتاعها بايظ مش راضي يفتح مش عارفين يصلحو تباً لهم
إكس: لمين يا جين
جين: ليهم مش ليك حسبي الله في الظلم دا
إكس: لو حد شافك عندي مش هيحصل خير ابدًا أخرجي
جين: طب أديني أي حل أنا مخنوقة
إكس: أعملك أيه نلعب السلم و التعبان مثلاً فوقي يا جين
جين: والله فكرة جامدة معاك اللعبة
إكس يمسك أيد جين و يفتح الباب و يخرجها: على أوضتك متخرجيش منها
جين: أوووف طيب طب معنديش لبس هنا أتصرف
إكس: هتصرف بس أمشي و متجيش تاني
تذهب جين إلي غرفتها و تنام من الملل و كان متابعها إكس
و عندما أطمئن أنها نامت ذهب إلي الخارج يستكشف المنزل بحذر لوجود كاميرات في كل مكان
إكس يجلس في الصالون و يمسك مجلة يقلب صفحَتها بملل شديد
إكس في سره: أكيد كابوني هييجي بكرة الحفلة بس لازم أكلمه يجيب الحاجات ألِ هحتاجها يظل إكس يفكر في الحفلة و يخطط لها
_____________________________
عند كابوني و وسن
تفتح الرسالة تجد صورة لأبنها
وسن: بص الصورة دي أنا واثقة أنه أبني متأكدة يلا نروح بسرعة مش هقدر أستنى
كابوني: يلا
يجمع كابوني رجاله و يذهب إلي منزل إيوان
يقف أمام البوابة
الحارس: أستاذ إيوان مش موجود حاليًا و ممنوع الرجالة يدخلو معاك
كابوني يشاور لرئيس الحرس و بصوت واطي: أول لما تلاقي إيوان دخل البيت خليكم كلكم مستعدين و بعد خمس دقايق لو مخرجتش أقتحمو المكان
يأخذ وسن و يذهب إلي الداخل يجد إكس جالس شارد
كابوني: إكس أنت هنا بتعمل أيه
إكس: لو كنت شوفت الرسالة إلي بعتهالك كنت عرفت لكن الأهتمام مبيطلبش أنت هنا ليه
كابوني يشير لوسن: الأستاذة عايزة أبنها
إكس بتساؤل : هو موجود هنا أصلاً
كابوني: أه دور معانا
إكس: أستنى لما إيوان ييجي
كابوني: هو هيتأخر
إكس: طالما راح القصر و اتأخر بالشكل دا يبقى في حاجة مش طبيعية تيجي نروح
كابوني: فرح عمتي هو علشان نروح كلنا و وسن مش هينفع تيجي
إكس: ليه
كابوني: كدا إيوان عارف أنها عايشة بس لو وجهته دلوقتي و وسط رجالته مش هيحصل ليها كويس أبدًا
إكس: أنت مجبتش رجالتك ليه
كابوني: هما برا و أصلاً مكنش ينفع يدخلوا
إكس: إيوان مش هيرضى يديكو أبنه بالسهولة دي
وسن: يبقى أقتله و أنا مستبيعة أي حاجة حتى حياتي
إكس: سيبك من المجنونة دي و أه صح إيوان أتجوز سارة
وسن: يععع ملقاش غير المعصعصة دي و يتجوزها ذوقه كل شوية بيبقى وحش أكتر من ألِ قبله
كابوني: إيوان يهمك سيبيه أنت ملكيش دعوة متجوز ولا لا
وسن: أنا عايزة أبني
إكس: روحي دوري عليه في الأوض كلها و أوضة أيوان مش بتفتح غير بصوته فدي مش هينفع تدخليها و أنا عايز كابوني في كذا حاجة
وسن تغادر
كابوني: عايزني في أيه
إكس: تعالى ندخل أوضتي الأول
يدلفو إلي غرفة إكس
إكس: هتروح الكوخ هتاخد حاجتي و حاجات جين هتخليهم عندك و هتلاقي صندوق دا يبقى في قلبك قبل عينك
كابوني: ليه هو حبيبتي في السر
إكس: أسمع ألِ قولت عليه و بلاش عاركة بكرة الحفلة
كابوني: عارف و أكيد هاجي
إكس: أكيد الخطة هتتنفذ بكرة لو حصل غلطة هقتلك و هقتل نفسي و البنت إلي النايمة
كابوني: بكرة أنا ملحقتش أجيب ولا أعمل أي حاجة
إكس: هتجيب أيه مستلزمات الميك آب ألِ هتعمله
كابوني: أنت قاعدد تتريق بقالك كتير و أنا ساكت علشان مرات أخويا متزعلش
إكس: طب خف شوية و متجبش سيرتها تاني هتمشي هتروح تجيب الكاميرات و أجهزة التصنت و هتبقى مجبر تجيب صوت إيوان بس في مشكلة
كابوني: قول
إكس: لحد دلوقتي مفيش أي حد يعرف الجملة ألِ بيقولها إيوان لما بييجي يفتح باب أوضته و دي أهم حاجة
كابوني: هنعمل أيه
إكس: مش أحنا جين إلي هتعمل
كابوني: و جين هتعمل أيه
إكس: هتعرف وقت الحفلة
كابوني: هتبعها بكام يا إكس دعوتك كام علشان تبيع مراتك
إكس: المسلسل دا مش وقته روح شوف البت بتاعتك لتعمل مشكلة
كابوني: أيه البت بتاعتك دي أحترم نفسك روح شوف مدامتك الأول هو أنتو مش في أوضة واحدة ليه
إكس: أنا مش هرد بس ربنا لما بيحب شخص بيبتليه و أنت و جين أكبر أبتلاء فالحمد لله برااا
كابوني: أنا من أول ما عرفتك و كل شوية برا برا و الله لأنا خارج
يخرج كابوني و إكس و ينتظرو وسن في الخارج يسمعو صوت شجار من الطابق العلوي يطلعو سريعًا إلي مصدر الصوت يجدو وسن ممسكة بالمربية و منهالة عليها بالضرب
كابوني يذهب لوسن و يشدها من أعلى المربية
وسن: سيبني عليها أقتلها بقولك سيبني
المربية ببكاء: أنا هشتكي لكل الناس هنا هقولهم أنكم بتعذبوني أنا مش جاية أتهان و الولد مش هسيبه لما ييجي والد الطفل خديه
وسن: دي بترد عليا البجحة سيبني يا زفت أنتقم منها و الله حق حرقة قلبي على أبني لهدفع أي حد أشترك في الجريمة الزبالة دي التمن
كابوني يترك وسن و يأخذ الطفل و يمسك وسن و يخرج و إكس يخرج سارة تسمع صوت عالي تذهب اليهم
سارة: وسن أيه ألِ جابك هنا
كابوني يمسكها
وسن: متمسكنيش يا كابوني مش هعمل حاجة تذهب تجاه سارة و تصفعها
وسن: القلم دا من أم كانت محرومة من أبنها لواحدة زبالة زيك كنتي عارفة مكانه كنت بكلمك كل يوم و تشوفيني بعيط أزاي و الله مهسيبك لا أنتِ ولا إيوان
سارة: أطلعي برا بيتي يا حيوانة بدل ما أخلي إيوان يحبسك
وسن لم ترد عليها و تأخذ أبنها من كابوني و تنزل هي و إكس و كابوني
و لسة هيخرجو يلاقو إيوان و خلفه غيث و عنود
إكس ينصدم من وجود ليث و لكن يخفي صدمته
إيوان: أزيك يا طليقتي أو المتوفية وسن أيهما أقرب مش أنتِ موتي ولا أنا غلطان و ينظر إلي كابوني و يكمل كنت قول أنك جاي كنت أستقبلتك أستقبال يليق بيكم أنا بصراحة مصدقتش لما قالو أنكم هنا قفلت الكلام معاهم و جبتهم و جيت
وسن: كابوني يلا نمشي
إيوان: أبني هاتيه
وسن: دا أبني أنا مش هخرج من غيره
إيوان: خلاص خليكي هنا
وسن: أبعد عن الباب يا إيوان خليني أمشي بسلام
إيوان يقرب منها حتى يأخذ الطفل كابوني يقف أمامه
إيوان: أنت معاها ولا أيه نسيت أن دي إلي باعتك و جاتلي بالرخيص
وسن: أخرس يا إيوان أنا مبعتش حد أنت عارف السبب كويس
إيوان: نكشف أوراقنا و نقول كل حاجة
وسن: أسكت خالص يا إيوان كل إلي حصل غصب عني و أنت أستغليت دا علشان أحلام أنت بسببها بقيت هنا بدل ما كنت الموظف المحترم ألِ عندك ضمير دلوقتي شوف نفسك
إيوان: أبنك مش هتاخديه عيزاه تفضلي هنا تحت عيني
كابوني يحاوط وسن: للأسف مراتي مبحبش أخليها تحت عين حد غيري تتوسع عيون وسن من الصدمة و تبتسم و لكن تخفي أبتسامتها
إيوان: بكرة في حفلة تقدرو تخليكم لبكرة
وسن: مش عايزة أنا همشي من هنا حالاً يلا يا كابوني
و كان متابع هذا الحديث بصمت إكس و عنود و ليث و سارة التي أنضمت إليهم
إيوان: يبقى أمشي على رجلك أبني مش هيخرج من هنا
وسن: يبقى بالدم يا إيوان مش هسمح أبني يبعد عني تاني
يدلفو رجال كابوني بعد شجار مع رجال إيوان
كابوني: هي رجالتك فين يا إيوان أنا مش شايف غير رجالتي
إيوان: كابوني أخرج أنت برا الموضوع متخليناش نخسر بعض
إكس يتدخل: ممكن تسيبوني مع إيوان شوية لوحدنا
عنود: تعالى يا ليث عايزة أكلمك في موضوع تغادر عنود و ليث و سارة
إكس ينظر لكابوني و وسن و سارة : مش قولت عايز إيوان لوحدنا
كابوني: أمشو أنتم من هنا
إكس: ماشي
يأخذ إيوان و يدخل أحد الغرف
إكس: فين المشكلة أنها تاخد أبنها
إيوان: فين المشكلة مش علشان هو صاحبك فتقف معاه
إكس: لو حد من المافيا عرف خبر أن عندك أنت عارف هيحصل فيك أيه خلي أبنك مع وسن فترة لحد ما يمشو من مصر و تقدر تاخده تاني لأن أحتمال يقعدو الفترة دي عندك مش في القصر
إيوان: أنا أقتنعت شوية بس برضو لا
إكس: خلاص براحتك تسيب أبنك هنا و هوبا حد منهم يسمع صوت عياطه أو يشوفه أو وسن تعملك فضيحة و كل حاجة تبوظ أنا هخرجلهم يذهب إكس لكابوني و وسن
بعد فترة قصيرة يخرج إيوان لهم
إيوان: أنا موافق تاخدي أبنك بس بشرط
وسن: أيه هو
إيوان: أنك
____________________________
عند ملحم و أحلام
أحلام بأستغراب: هتتجوز طيب الف مبروك كدا أحنا لازم نمشي شكراً ليك طبعًا و الف مبروك أستاذ ملحم
ملحم: ممكن تهدي شوية و تبطلي كلام سيبيني أنا أتكلم المأذون دا لينا علشان نتجوز أنا و أنتِ
أحلام: بس أنا معرفكش و كمان مينفعش أتجوزك
ملحم: هتعرفيني مع الوقت و ليه مينفعش أيه ألِ هيمنعك بس الأول ممكن أنا و أنتِ نكمل كلامنا لوحدنا
أحلام: ماشي
يدلفو إلى أقرب غرفة و أحلام تترك الباب مفتوح
ملحم: أقدر أعرف سبب رفضك
أحلام: لأنك شغال مع إيوان إيوان دخل في الشغل دا علشان يقهرني طول حياتي بكره أذيت الناس و الدم و أديك شوفت دلوقتي بقى أيه كان كل يوم يجبلي آلاف الصور لناس ميتة و فيديوهات لناس بتتشرح علشان أعضائهم و تجارة في البنات و الأطفال و كأنه بيقولي أنتِ السبب في ألِ بيحصل للناس دي بيعاقبني على حاجة معرفهاش و أنت زيه يا ملحم زي إيوان شغال معاه متتخيرش عنه في أذية الناس عن أذنك
ملحم: أنا سمعتك للأخر من غير ما أقطعك دلوقتي هسألك سؤال أنتِ تعرفي أنا شغال معاه ليه أنا مش ملحم ألِ تعرفيه هتعرفي كل حاجة في وقتها هتعرفي أني مش زي ما أنتِ فاكرة وافقي و أديني فرصة أقرب منك و في الوقت المناسب هتعرفي كل حاجة هتعرفي ليه حصل كل دا وافقي مش هتندمي
أحلام: أنا حاسة بأمان معاك محستهوش مع إيوان في أخر فترة ما بينا مع بعض
ملحم: ثقي فيَّ مش هندمك
أحلام: أتمنى بس بقى أنا ليَّ شرطين
ملحم: أيه هو
أحلام: أول شرط أنت بتشتغل مع إيوان فأنت بالتالي بتأذي الناس أتخلى عن الشغل دا و أي شغل حرام أي شغل في أذية للناس أبعد عنه و أنا هوافق على طول و تاني شرط لو وافقت على الشرط الأول أنا عايزة فرح مش كتب كتاب و خلاص
ملحم: مش بأذي بساعد الوقت مناسب هتكتشفي كل حاجة تاني حاجة دي حاجة أكيدة النهاردة كتب كتاب و بعد يومين الفرح
أحلام: مش بدري أوي
ملحم: لا مش بدري ولا حاجة و يكمل بغموض: بعد يومين هيبقى اليوم الأمثل يلا نخرج المأذون زمانه طفش
أحلام تضحك و يخرجو
ملحم يقف أمام كوثر: أقدر أطلب أيد بنتك أحلام يا حماتي
كوثر: أيدها بس ليه خدها كلها يابني متغلاش عليك
أحلام: بقى كدا طب أنا مش موافقة
ملحم: أنا باخد الإجابة الأولى مليش دعوة بالإجابة التانية
كوثر: و أنا موافقة
ملحم: حيث كدا فستانك على السرير البسيه و تعالي
أحلام: ماشي تذهب إلى غرفتها و تنظر إلي الفستان و كان لونه أبيض مجسم ترتديه و تضع بعض من لمسات الميك آب وبعد أن أنتهت تنظر لنفسها في المرآه برضا و تنزل إلي الأسفل
ملحم يقف عندما رأى أحلام
ملحم: ما شاء الله بقى القمر دا هيبقى ليَّ أوعدك مش هتندمي في حياتك كلها على قرارك دا
تبتسم أحلام بخجل
يجلس ملحم بجانب المأذون و أحلام على الجانب الأخر
و قبل أن يبدأ المأذون تقول أحلام: أنا معيش بطاقة أو أي أثبات شخصي
ملحم: دي أكيد حاجة مش هتفوتني أوراقك جاهزة
يطلع ملحم بطاقة أحلام من جيبه و يعطيها للمأذون
بعد وقت قصير أذاع المأذون جملته الشهيرة و تعالت الزغاريط و المباركات
يغادر المأذون و يذهب ملحم لأحلام يقترب منها حتى يحتضنها و لكن أحلام ترجع خطوتان للخلف بتوتر
أحلام بتوتر: أنا مقدرة طبعًا أنك حاليًا بقيت مراتي قصدي جوزي و لكن أنت حتى مينفعش تلمس أيدي أنا مش متعودة عليك لسة أنا هطلع أنام و أه ميجيش في بالك أننا هنام في أوضة واحدة حتى بعد الفرح لا مش هيحصل و تطلع تجري على غرفتها
ملحم: أيه الورطة ألِ ورطت نفسي فيها دي بس أحلى و أجمل ورطة
ملحم يأتيه أتصال و كان المتصل هوشع
ملحم: عايز أيه
هوشع: أعضاء المافيا لو جم و شافوكم كدا مش هيحصل خير
ملحم: مبحبش الخير عايز شر
هوشع: أنا ألِ هتأذى بسببكم ألِ ما بينكم تحلوا قبل ما يوصلو
ملحم: لو عشنا لوقتها هعمل كدا
و يغلق في وجهه
ملحم: أنا ناقص صوته المقرف يعكرلي مزاجي
يذهب إلى غرفته التي كانت بجانب غرفة أحلام
أحلام في غرفتها تفكر في دخول الغرفة : أنا كدا أقدر أدخل الأوضة بس المشكلة في ملحم ممكن يشوفني يقول كمان ممكن طنط فاطمة تشوفني و تقوله وقتها مش هيحصل كويس أبدًا ولا يقدر يعمل حاجة
تفتح أحلام الباب بحذر و تتحرك على أصابعها حتى لا تصدر صوت و تذهب تجاه الباب تفتحه و تدخل الغرفه و تغلق الباب خلفها
تجد أحلام الغرفة واسعة و مظلمة لا يوجد إلا ضوء خافت من أخر الغرفة تذهب أحلام بخوف تجاه الضوء تجد شخص مربوط على كرسي
أحلام تذهب إليه بخوف شديد و ترفع وجهه
أحلام بصدمة و عدم أستيعاب: ملحم
_____________________________
عند ليث و عنود
عنود: قررت أيه
ليث: الموضوع ميخصكيش
عنود: لا أعدل معايا كدا أنا بكلمة مني يعملو منك تراب
ليث: أوضتي فين
عنود: تعالى هوريهالك
ليث: ماشي
عنود تشاور لليث على غرفته : دي أوضتك و ألِ جمبها أوضتي لو أحتاجت حاجة من الأفضل متقوليش
ليث: أكيد أنتِ بالذات مش هقولك
ليث يدخل الغرفة و يغلق في وشها الباب
عنود: قليل الذوق تذهب إلى غرفتها لترتاح و تذهب في نوم بينما عند ليث يفكر في الموضوع بعمق و بعد وقت طويل من التفكير يأخذ قراره
ليث: أنا عرفت قراري و ألِ هعمله أيه
______________________________
عند إيوان و وسن
وسن: قول إني أيه
إيوان: متحضريش حفلة بكرة و لا المحك في أي مكان لحد ما يسافرو تاني
وسن: موافقة
إيوان: كدا تمام خدي أبنك و يوجهه كلامه لكابوني: لازم تيجي الحفلة مينفعش متجيش
كابوني: هاجي أكيد يلا يا رجالة هنمشي
إيوان: أنتم عملتو أيه في رجالتي
أحد رجال كابوني: كلهم مربوطين عندك في الجنينة
إيوان: فكوهم و أنتم ماشيين
يغادر كابوني و رجاله و وسن التي ممسكة بأبنها
إكس: شوفت الموضوع سهل أزاي كدا أحسن
إيوان: معاك حق
إكس: بس مين الشخصين ألِ كانو معاك
إيوان: دا ليث أكيد عارفه و ألِ كانت معاه عنود واحدة مننا
إكس: بس ليث بيعمل أيه هنا
إيوان: عايز ينضم لينا
إكس: دي أكيد خطة من البوليس علينا
إيوان: لو نجح في الأختبار يبقى مرحب بيه بس لو فشل هيموت
إكس: أختبار أيه
إيوان: يقتل والدته
إكس: و هو وافق
إيوان: ملحقتش أسمع رده الحارس رن عليا فجيت على طول و جبته معايا هو و عنود
إكس: بس غلط أنك تجيبه هنا
إيوان: الأفضل هنا يبقى تحت عيني و شوية و هجيبه يقول أختار أيه موته أو موت أمه
إكس: ماشي
إيوان: أنا بعت أجيب فستان بتصميم معين لجين علشان لسة معرفش هتبقى أيه بكرة يبقو يقررو هي تنفع لأنهي حاجة الفستان وصل تبقى دخلهولها
إكس يمسك الفستان: طيب
إيوان: أنا داخل أوضتي البيت بيتك طبعًا
يصعد إيوان إلى غرفته
و يذهب إكس لغرفة جين يدق على الباب لم يجد رد
يدق مرات عديدة لم تفتح جين يقلق علبها و يفتح الباب يجد جين ما زالت نائمة يضع الفستان بجانبها و لسة هيخرج توقفه جين
جين تنهض من على السرير بكسل و تقول بصوت نائم: أنت أزاي تدخل عليا أوضتي من غير أستئذان و وأنا في الوضع دا
إكس: محدش قالك تبقي غيبوبة نوم خبطت كتير أفتكرت حصلك حاجة دخلت أطمن عليكي أنا غلطان
جين: فعلاً أنت غلطان برا أوضتي يلا
إكس: الفستان دا يتلبس بكرة و بليل هاجي متناميش هفهمك الخطة
جين: أستنى أشوف الفستان
جين تفتح الصندوق و تأخذ الفستان
جين بصدمة: أحيه أنت مش شايفه قصير أزاي لا لا مستحيل البسه هتلاقيه ذوقك لأنك سافل و متربتش مش عيب لما تلبسني كدا أين الحياء أين الأختشاء أين الأكل
إكس: أنا لسة شايف الفستان دلوقتي و أكيد أنا مش هسمح أنك تلبسيه هتصرف من هنا لبكرة
جين: ياريت لأن لو السما أطربقت على الأرض مش هلبسه دا لو غطى وركي يبقى أشكر ربنا لو كنت بتجيب فستان لورك فرخة كنت جبته أطول من كدا
إكس: مش أنا ألِ جايبه أصلاً
جين: ماشي أطلع برا خليني أكمل نوم
إكس: جين أنتِ بتنامي أكتر ما بتعيشي
جين: أنا
إكس: لا أنا
جين: إذا كان كدا ماشي
إكس يخرج بغضب من عند جين و يتجهه لغرفته
جين: هو أنا عصبته يستاهل في كل الأحوال
يأتي المساء
جين تنتظر إكس لوقت طويل حتى أتى بعد منتصف الليل تقرر جين الذهاب لإكس تفتح الباب و تذهب بحزر حتى لا تظهر في الكاميرات و عندما و صلت فتحت دون خبط على الباب تجد سارة حاضنة إكس
جين بصدمة: إكس
👇
🌹 🌹🌹🌹🌹🌹🌹🌹🌹🌹🌹🌹
🍁🍁🍁🍁مرحبا بكم ضيوفنا الكرام
اترك ١٠ تعليقات ليصلك الفصل الجديد فور نشره
عندنا ستجد كل ما هوا. جديد حصري ورومانسى وشيق فقط ابحث من جوجل باسم المدوانة
وايضاء اشتركو على
قناتنا علي التليجرام من هنا
ليصلك اشعار بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹