Ads by Google X

القائمة الرئيسية

الصفحات

رواية احببت عاجز كامله بقلم مني محمد جميع الفصول من الاول حتي الاخير

رواية احببت عاجز الفصل الاول


رواية احببت عاجز 

الفصل الاول والثاني

 بقلم مني محمد 



- يلا يبت خشي لمي هدومك وامشي مع سيدك


هي بقهر و عياط: اي يا بابا اللي انت بتقوله ده ازاي تعمل فيا كده ده انا بنتك الوحيده المفروض تحافظ عليا مش تبعني


- بقولك اي يبت متصدعنيش خشي لمي حاجاتك و غوري مع الراجل.. عيله فقريه زي امك


هي: امي.. و هو في زي امي ست طيبه و حنينه كان كل همها في الدنيا انها ترضيك و تعمل اللي على هواك كانت بتمو"ت قدامك وانت مهنش عليك تعالجها و بدل ما توديها مستشفى روحت اشتريت هباب تشربه.. ربنا رحمها من ظلمك.. انا مش هقولك غير حسبي الله ونعم الوكيل فيك 


ابوها راح ناحيتها و كان لسه هيشدها من شعرها بس هي مسكت ايده وقالتله بجمود


- مش هسمحلك تمد ايدك عليا تاني ابدا.. انا هدخل الم حاجاتي وامشي واتمنى مشوفش وشك تاني


انا ريناد عندي 20 سنه خلصت الثانوي و مكملتش باقي درستي لظروفنا الماديه اللي السبب فيها بابا ( خالد ) انسان خالي من اي مسؤاليه كان دايما رامي حمله على امي لكن هي مستحملش وما'تت كانت بتمو'ت قدامه و هو مهنش عليه يعالجها وراح اشترى الز'فت اللي بيشربه عشان يكيف دماغه بعد ما امي ما'تت شيلت الحمل انا وبقيت اشتغل مية شغلانه عشان هو ياخد فلوسي في الاخر و يروح يصرفها على كيفه مكنتش بقدر اتكلم.. لحد ما جيه اليوم اللي كنت متأكده انه هيحصل.. يبعني عشان كيفه وبيقول انها جوازه.. لما كان بيجيلي عريس كان بيرفضه لانه مش هيعرف يجهزني بس لما جيه هاشم بيه هو وافق في ثانيه و ميوفقش ليه مهو مش هيصرف مليم بالعكس ده هياخد فلوس قد كده.. وفي الاخر مش هقول غير انه باع بنته عشان كيفه... 


دخلت لميت هدومي وحاجاتي وخدت فلوسي اللي كنت محوشاها من وراه وطلعت لقيت هاشم بيه مستنيني في العربيه روحت وركبت جمبه للحظه بصيت عليه و استغربت ازاي ده جوزي.. ده عجوز لا اكيد مش جوزي ده شكله عنده 60 سنه.. يارب ميكونش هو ده جوزي


هاشم بأبتسامه: متخفيش مش انا جوزك


انا مني لله ولله شكلي مش هبطل اكلم نفسي بصوت عالي اهو الراجل سمعني اي الاحراج ده بس.. 


ريناد: احم.. امال مين حضرتك


هاشم بطيبه: انا ابو عريسك.. حماكي يعني


ريناد بأرتياح: اه.. اتشرفت بحضرتك


كنت قاعده مرتبكه جامد وفي نفس الوقت مستغربه هو ليه جوزي مجاش.. ازاي ميجيش ياخد عروسته


هاشم: اسد مش بيخرج من البيت يا ريناد


 انا مني لله تاني.. تحسوا اني لو مفكرتش بصوت عالي هيقولو اللي مفكرتش بصوت عالي اهي.. وبعدين اي ده ثواني انا جوزي اسمه اسد ده اي الحلاوه دي


ريناد: ليه مبيخرجش عليه طار ولا اي


هاشم بضحك: لا يستي.. ثم اكمل بحزن.. اسد عمل حادثه خليته ميعرفش يتحرك غير بكرسي متحرك يعتبر عنده ش'لل


ريناد بصدمه: نعمم


هاشم: انا عارف انك اتصدمتي وزعلتي انك اتجوزتي واحد عاجز بس انا كل اللي محتاجه منك انك تساعديه انه ياخد علاجه و تحاولي تقنعيه يعمل العمليه و يرجع يدوس على رجله تاني


ريناد: طب وانا هعمل ده ازاي


هاشم: اسد بقا عصبي جدا بعد الحادثه مبيطيقش حد يقرب منه.. بس انتي لو عاملتيه بحنيه و هدوء ممكن يتجاوب معاكي ساعتها تقدري تقنعيه انه يعمل العمليه


لما خرجت من بيتنا كنت خارجه متوتره وخايفه من مصيري القادم.. لكن دلوقتي الوضع اختلف وبقيت مرعوبه مش خايفه بس


ريناد: هو عنده كام سنه 


هاشم: 28 سنه


ريناد: طيب الحادثه دي حصلت ازاي


هاشم: عمل حادثه بالعربيه كان راكب هو و والدته.. للأسف والدته تو'فت و هو حصله مشاكل في رجله وقعد في المستشفى فتره.. الفتره دي يعتبر كان وحيد مكنش بيرضى ان حد يجيله او حته يكلمه في الفون اكتئب حرفياً حتى بعد ما خرج مكنش بيتعامل مع حد حتى الاكل بياكله في اوضته مبقاش يعمل اي حاجه غير انه يشتغل من البيت على اللاب توب بتاعه


ريناد بضحك: ودوه مصحه ده مر'يض نفسي يا حج مش محتاج حنيه وهدوء


هاشم ضحك علي كلامها وسكت.. 


بعد فتره كنا وصلنا الڤيلا.. ڤيلاة اي ده قصر اي الجمال ده بجد احلف كده اني هعيش هنا.. اي ده ده في بسين اوبس نسيت اجيب الما'يوه


دخلت انا و هاشم بيه اوضه شكلها مرعب حرفياً حيطانها كله اسود وستاير سوده و ملايت سوده حتى اسد لابس اسود.. اي ده اسد!! اي الحلاوه دي يخرابي على الجمال والعظمه و اي العضلات دي واي الشعر القمر ده انا حرفياً متجوزه واحد من تركيا


هاشم: ازيك يا اسد يابني


اسد: الحمدلله يا بابا.. مين اللي معاك دي انا مش قولت قبل كده محدش يدخل عندي غيرك


هاشم: اهدى بس يا اسد.. احم دي مراتك


اسد بغضب: نعممم.. مرات مين


هاشم: مراتك انت يا اسد اهدى بس وانا هفهمك كل حاجه 


اسد بعصبيه: تفهمني اي انت ازاي تعمل حاجه زي دي وبعدين انا مضيت على ورق جوازي منها ازاي 


هاشم: احم.. فاكر ورق الصفقه اللي مضيت عليه امبارح


اسد: ايوه


هاشم: انا كنت حاطط ورق الجواز بين ورق الصفقه دي


اسد بصدمه: انت ازاي تعمل حاجه زي دي.. وبعدين ده جواز المفروض انا اوافق او ارفض.. خلاص مبقاش ليا رأي!! 


هاشم: لا طبعا يابني ليك رأي في كل حاجه.. انا بس عارف انك عمرك ما هترضى تتجوز فا عملت كده


اسد: تمام.. اتفضل بقا حضرتك عشان عايز اقعد مع مراتي شويه 


هاشم بقلق: حاضر 


ريناد مسكت في دراعه واتكلمت بهمس: حاضر اي.. انت هتسبني مع هولاكوا ده


هاشم: متخافيش اهدي بس 


هاشم سابهم وخرج و قفل الباب


اسد بغضب: وانتي بقا يا بتاعه انتي خدتي كام عشان توافقي على الجوازه دي


للحظه افتكرت ابويا وكنت عايزه اقوله ابويا هو اللي خد هو اللي باعني بس مقدرتش اتكلم وسكت.. 


اسد: ما تنطقييي


ريناد:...... 


اسد: ولله مش هتتكلمي يعني.. تمام انا بقا هخليكي تتكلمي انتي خلاص دخلتي عريني.. دخلتي عرين الاسد


اسد مشي بالكرسي بتاعه وراح ناحية الدرج فتحه وطلع منه حزام وراح لريناد و........ 


فصيله انا صح😂









#احببت_عاجز🖤

#البارت_التاني🖤


اسد راح ناحية الدرج و طلع منه حزام وراح ناحية ريناد


ريناد بخوف: ا.. انت هتعمل اي


اسد: ما انتي بتتكلمي اهو امال عامله خرسه من ساعة ما دخلتي ليه


ريناد بدموع: طب انت عايز اي


اسد ببرود: عايز اعرف الجوازه دي تمت ازاي


ريناد بدموع: انا كل اللي اعرفه ان باباك جيه عندنا وطلب ايدي ليك.. بابا في الاول رفض بس لما باباك عرض عليه فلوس وافق


اسد بسخريه: طبعا ما انتي واحده ر'خيصه بتيجي بالفلوس اكيد متوفقوش عشان انا عاجز لكن لما عرفتوا انكو هتاخدو فلوس وافقتوا


ريناد: ولله انا مكنتش اعرف الموضوع اصلا انا عرفت النهارده الصبح من بابا ومكنتش اعرف انك مريض باباك هو اللي قالي في العربيه واحنا جايين


اسد: اسمعي يابت انتي انا مش عايزك تدخلي في اي حاجه تخصني انتي اخرك هنا خدا'مه ليا فاهمه


ريناد بعياط: فاهمه.. فاهمه


اسد: بطلي ز'فت عياط


ريناد: حاضر 


اسد لف بالكرسي بتاعه و راح ناحية السرير وجيه يقوم من على الكرسي عشان يطلع على السرير راح اتزحلق


ريناد جريت عليه علطول وقبل ما يقع على الارض هي حضنته و وقع هو وهي على الارض بس ريناد وقعت و اسد وقع فوقيها وكان حاضنها


اسد اتسحر في عيون ريناد العسلي و رموشها البني الطويله والكثيفه 


ريناد في نفسها: اي الجمال ده بجد هو اه عيونه سوده بس تخطف القلب.. خطفني ابن الايه


اسد بهدوء: هنفضل كده كتير


ريناد بأحراج: احم.. لا ثواني هعدلك 


ريناد عدلت اسد من فوقيها و هو قعد على الارض و بعدين ريناد حطت ايده على رقبتها ومسكته من وسطه وسندته يطلع على السرير


ريناد طلعته على السرير و فردت رجله وغطته


ريناد: عايز حاجه تاني اعملهالك


اسد: روحي هتيلي عصير


 ريناد: حاضر 


خرجت من الاوضه و قعدت اتمشى في الڤيلا و ادور على المطبخ لحد ما لقيته.. بس اي الڤيلا الكبيره دي انا توهت


دخلت المطبخ و فتحت التلاجه ملقيتش عصير جاهز.. اوف اي الرخا'مه دي لسه هعمل


طلعت فاكهه من التلاجه و وقفت عصرتها.. وانا بصب العصير لقيت واحده شبه البلياتشو دخلت عليا.. تقريبا دي العروسه بتاعت حلاوة المولد


ليلى ( بنت خالت اسد عندها 25 سنه متربين مع بعض وحرفياً بتعشق اسد بس بتعشق فلوسه اكتر )


ليلى بغرور: انتي مين يا بتاعه انتي.. اه شكلك خدامه جديده


ريناد بصتلها بقرف واتكلمت: لا غلطانه.. انا مرات اسد


ليلى بصدمه: نعممم.. مرات اسد ازاي


ريناد ببرود: زي الناس 


 ليلى جريت بغضب على اوضة اسد وريناد خدت العصير وراحت وراها


ليلى فتحت الاوضه واتكلمت بغضب


ليلى بغضب: اسد.. ممكن تفهمني مين الجربو'عه دي


اسد بغضب: انتي ازاي تدخلي الاوضه من غير ما تخبطي وبعدين انا قولت مية مره محدش يدخل الاوضه غير بابا


ليلى بعصبيه: رد على سؤالي يا رعد


هيام نزلت ( خالت اسد ) و هاشم نزل


هاشم: في اي صوتكم عالي كده ليه


هيام: في اي يا ليلى


ليلى: الاستاذ اسد اتجوز يا مامي


هيام بصدمه: ايييهه


اسد ببرود: في اي يا خالتو هو انا وعدتك اني اتجوز بنتك ولا حاجه 


هيام بغضب: ازاي تتجوز من برا العيله المفروض بنت خالتك اولى بيك


اسد بنفس بروده: انا حر اعمل اللي عاوزه.. ولتاني مره بقولك انا موعدتكيش انتي وبنتك بحاجه واتفضلوا برا بقا عشان عايز ارتاح انا ومراتي شويه 


هيام بغضب: ماشي يا اسد ماشي


هيام خرجت هي وليلى و هاشم و ريناد كانت واقفه ساكته و دموعها نازله


اسد بهدوء: اقفلي البابا وتعالي


ريناد قفلت الباب وراحت لأسد.. 


ريناد بشهقات: ن.. نعم. 


اسد: اقعدي قدامي هنا


ريناد قعدت.. 


اسد عدل نفسه وشد ريناد لحضنه 


اسد: بس بطلي عياط مرات اسد متعيطش ابداً.. اهدي


ريناد بكسوف: خلاص هديت.. وجت تخرج من حضنه راح اسد شدها لحضنه زياده


اسد بخبث: متأكده


ريناد بكسوف: ايوه.. 


اسد طلعها من حضنه وقعد يملس على شعرها 


ريناد بهدوء: انت ليه بقيت قاسي وكئيب كده انت شكلك حنين اوي.. الحياه مش مستهله انك تكتئب


اسد: واحد في ظروفي دي عايزاه يبقا مبسوط ازاي او مبسوط بأيه


ريناد: تبقا مبسوط بنفسك انت مفقتدش رجلك على فكره في علاج و في عمليه ترجع رجلك تاني وتخليك تمشي وتجري براحتك.. غيرك معهوش ربع اللي معاك.. في ناس مش لاقيه تاكل.. وفي ناس معندهاش ايد او رجل.. انما انت الحمدلله معاك ايد ورجل و صحه حلوه و فلوس و سلطه اه رجلك فيها مشاكل بس ممكن تتحل


اسد: بس انا خلاص خدت على اني ابقى كده مبتحركش 


ريناد: زي ما اتعودت على انك متتحركش.. تقدر تعود على انك تتحرك


اسد: قصدك اي


ريناد: قصدي انك تفرح والدك.. تخرج تشوف الدنيا تاخد علاجك و تعمل العمليه تطلع تاكل مع والدك على السفره برا يبقا فرحان و هو شايفك قدامه.. تروح شركتك و تشوف شغلك ترجع لحياتك الطبيعيه يعني


اسد: اممم.. طب قومي افتحي الدرج ده هتلاقي علبة ادويه هاتيها 


ريناد بفرحه: عنيا 


ريناد جريت جابت العلاج و ادته لاسد


اسد: هاتي العصير.. اسد خد العصير وطلع العلاج و خده


ريناد بفرحه: احلى اسد في الدنيا كلها


اسد بأبتسامه: طب اقفلي النور عشان ننام يلا


ريناد: حاضر 


ريناد قامت وقفلت النور وراحت عشان تنام على الكنبه


اسد: بتعملي اي


ريناد: هنام


اسد: وهتنامي على الكنبه ليه


ريناد: مينفعش انام جنبك


اسد: ليه ده انا زي جوزك يعني


ريناد: احترم نفسك ونام يا اسدي


اسد: يا اي


ريناد بكسوف: يا اسدي


اسد بضحك: احلى اسدي دي ولا اي.. تعالي اقولك حاجه 


ريناد قامت وقفت قدامه


ريناد: نعم


اسد شدها و وقعت في حضنه 


اسد: نامي بقا


ريناد بكسوف: اوعى يا اسد بقا خليني اقوم


اسد: تؤ.. ونامي بقا عشان فرهدتيني


ريناد حاولت انها تقوم كتير بس كل محاولاتها فشلت فا استسلمت ونامت


في الصباح.. 


اسد بحنيه و هو بيشيل الشعر من على وش ريناد: ريناد.. رودي


ريناد بنوم: امممم


اسد: قومي يلا الساعه بقت 11


ريناد بنعاس: لا عايزه انام


اسد: قومي يا كسوله


ريناد قامت واتكلمت بطريق طفوليه: اوووف.. في اي يا اسدي


اسد بضحك: يلا يا طفله عشان نفطر


ريناد بتزمر: انا مش طفله


اسد: خلاص ياستي انتي كبيره وقمر


ريناد: ايوه كده.. ثواني هروح اجيب الفطار واجي


اسد: لا انتي مش هتجيبي الفطار احنا اللي هنروحله


ريناد بأستغراب: يعني اي


اسد: يعني هنطلع نفطر برا على السفره مع بابا


ريناد بفرحه: بجد


اسد: اه يا ستي بجد


ريناد قامت تتنطط على السرير بفرحه


اسد بضحك: خلاص يا هبله يلا 


ريناد راحت خدت شاور وساعدت اسد يدخل الحمام وخد شاور هو كمان وغير هدومه 


ريناد سندت اسد وقعدته على الكرسي وخرجت ودته على السفره( اوضة اسد تحت يعني مش بينزل سلالم ) 


هاشم بفرحه: اسد ابني وحشني اوي اشوفك بتفطر معايا 


اسد بأبتسامه: من النهارده هطلع افطر معاكوا على السفره


هيام نزلت هي وبنتها


هيام: اي ده اسد.. اول مره تخرج من اوضتك بعد الحادثه


اسد ببرود: ده بيتي اخرج وادخل براحتي واقعد في الحته اللي تعجبني


هيام: اه طبعا


ليلى بصت لريناد بغضب وبعدين بصت لأسد واتكلمت بدلع


ليلى: ازيك يا اسد


اسد تجاهلها وراح اتكلم مه هاشم


اسد: بابا عايزك تكلم الدكتور بتاعي عشان اروحله و اشوف هيجددلي العلاج ولا لا وكمان اشوف موضوع العمليه


ليلى اتغاظت حدا من تجاهل اسد


هاشم بفرحه: بجد يا اسد.. انا مش مصدق


اسد بأبتسامه: ايوه يا بابا بجد


هاشم بص لريناد بفرحه: انا بجد ممتن ليكي شكرا جدا يا بنتي.. اوعدك يا ريناد لو ابني قام وقف على رجله من تاني انا هكتبلك نص املاكي


ليلى بغضب: نعممم.. ده ليه بقا


هاشم: ميخصكيش يا ليلى دي فلوسي وانا حر فيها دي حاجه ترجعلي انا


هيام بعصبيه: يعني اي بقا الكلام ده المفروض ليلى هي اولى بالفلوس دي


اسد: ده ليه بقا ان شاء الله.. بقولك اي يا خالتو بلاش شغل الحربا'يات ده انا مقعدتك معانا هنا ومحترمك لحد دلوقتي عشان خاطر دي وصية ماما الله يرحمها غير كده كنت مشيتك انتي وبنتك اللي ما'شيه على حل شعرها دي


هيام بغضب: احترم نفسك انا بنتي اشرف من الشرف


اسد: اه مهو واضح بأمارة انها بترجع كل يوم وش الصبح مش شايفه قدامها من سهرها و شربها في النا'يت كلب


هيام: اسد انا مسمحلكش


هاشم: بااااااس في اي احترموني هو انا شفاف بينكوا.. ريناد بعد ااذنك يا بنتي ممكن تطلعي المكتب بتاعي فوق تجيبيلي الكارت بتاع الدكتور***


ريناد: حاضر يا عمو


ريناد طلعت فوق ودخلت المكتب و ليلى طلعت وراها ودخلت المكتب وقفلت الباب


ريناد: جايه ورايا ليه


ليلى: بقولك اي يابت انتي.. انتي تطلبي الطلاق من اسد و تغوري والا هوريكي ايام سوده


ريناد: ده بعينك مش هطلق و لو على الايام السوده.. مش مهم عادي انا اصلا بحب اللون الاسود اخرك هاتيه


ريناد راحت جابت الكارت بتاع الدكتور وخرجت من المكتب و ليلى خرجت وراها


ليلى جت جمب ريناد وهي نازله على السلم وعملت نفسعا مش واخده بالها و زقت ريناد من على السلم


هاشم و اسد بخضه: ريناااااااااااااادد



                               الفصل الثالث من هنا

تعليقات