رواية الزوجه الثالثه
الفصل الاول والثاني
بقلم هويدا زغلول
الأولي
في بدايه الحكايه وافقه بنت في منتهي الجمال في البلاكونه
بتنشر وبيدخل راجل كبير في السن جوز امها برعي
برعي :بت يا اسماء تعالي اقولك
اسماء :نعم يا عمي خير
برعي :خير بس ده الخير والسعد كله
الام : مالك يا راجل
برعي :المعلم ابراهيم عايز يتجوز بنتك
اسماء:نعم ومين قال إن عايزه اتجوز
برعي :امال عايزه اي
اسماء :معلم يعني راجل كبير
الام :استني بس هو قالك عايز اتجوز اسماء
برعي :لا لما بعتي ليا الاكل امبارح انا كنت قاصد
لان عرفت أن عايز يتجوز علشان كده قولتك
الام :المهم هيدفع كام
اسماء :امي انتي بتقولي ايه معقول موافقه
الام :انتي عارفه هو بيدي عمك كام
اسماء :وانا مالي انا مش عايزه اتجوز
برعي :يبقي تمشي من هنا اه انا مش حمل مصاريف
اسماء :امشي منين دي شقه ابويا
الام :ابوكي مين با حبيبتي انتي ناسيه أن الشقه
ب اسمي
اسماء :ارجوكي اوعي تعملي فيا كده
الام :يابنتي ده راجل غني اوي واكيد هيخليكي مبسوطه
اسماء :قولت لا لا ودخلت الأوضه
برعي :اسمعي يا وليه لو بنتك مش اتجوزت المعلم
ابراهيم انتي كمان هتكوني طالق
الام :ينهار اسود لا كلامك يمشي أنا أقدر اقول حاجه
وتاني يوم كانت عزيزه صديقه اسماء عندها
عزيزه :,اهدي بس يا حبيبتي
اسماء :انا خايفه اوي يا عزيزه
عزيزه :اسمعي الكلام واخلصي بقي من البيت ده
اسماء :بيقولك معلم اكيد اكبر مني بكتير
عزيزه :يعني عجبك اللي انتي فيه ده
اسماء :يعني مكتوب عليا اخرج من عذاب لعذاب
عزيزه :اهدي بس وكل حاجه هتحل
الام :اتفضل يا معلم ابراهيم
اسماء :ينهار اسود ده جه
عزيزه :اهدي بس وخرجت ودخلت
اسماء :اي في أي مالك
عزيزه :شكله بعت ابنه
اسماء :مش فاهمه
عزيزه :مهو لو ده المعلم ابراهيم يبقي يبختك
اسماء :قصدك اي
عزيزه :ده شاب صغير مش كبير
اسماء :امال اي معلم دي
عزيزه :يمكن علشان عندو محلات وكده
الام :قومي يابنتي ربنا يهديكي انتي عايزني أطلق
اسماء :هو ده ابراهيم
الام :اه هو شوفتي بقي ربنا بيحبك ازاي والغريبه أنها
خرجت وفعلا اعجبت بيه أو يمكن كانت عايزه تهرب
وحمدت ربها أن شكله مش كبير كانت فرحانه فتره
الخطوبه اللي مش طولت شهرين بس وكانت حاسه ان
هي اسعد وحده في العالم علشان هترتاح من جوز امها
ويوم الفرح
ابراهيم :ادخلي برجلك اليمين
اسماء :بسم الله مشاء الله الشقه حلوه اوي
ابراهيم :تتهني بيها يارب
منيره :قصدك نتهني كلنا بيها
ابراهيم :انتي لسه صاحيه
منيره :مش بحضر العشا للعرايس
اسماء :مين دي
ابراهيم :منيره .....
منيره :مراته يا عنيا هو مقلش ليكي
اسماء :مراتك يعني اي مراتك
ابراهيم :هو برعي مقلش ليكي
الفصل الثاني
اسماء :لا مقلش
ابراهيم :طيب يلا بينا
اسماء :بينا فين
ابراهيم :علي اوضتك
اسماء :هو احنا كلنا عايشين في شقه واحده
ابراهيم :لا انا فاتح الشقق كلها علي بعض
اسماء :اه تمام هروح فين
منيره :اوضتك اهي ادخلي معلش لحد ما اكلم
ابراهيم في حاجه
اسماء :حاضر حاضر ودخلت اي ياربي الحظ ده متجوز
طيب ليه كده حرام عليكي يا امي
ابراهيم :خير يا منيره
منيره :شهرين مش خلفت تطلقها
ابراهيم :وهو ده وقته حرام عليكي ارحمني
منيره :بحبك يا ابراهيم
ابراهيم :وانا بحب نفسي اوي مفهوم
منيره :ومالو يا معلم برحتك
ابراهيم :العشا جوا
منيره :جوا يا سيد المعلمين
ابراهيم :بحبك علشان فاهمه دماغي
منيره :وانا بموت فيك ودخل ابراهيم
كتك القرف في شكلك ودخلت اوضه كوثر
منيره :لنتي نائمه
كوثر :اي فيه اي جه
منيره :مخفي جوا
كوثر :يابت ارحمي نفسك كل شويه يكسر ليكي دراع
بسبب طوله لسانك
منيره :انا مش فاهمه انتي اي تلاجه اللي علي قلبك
كوثر :عايزني اعمل اي
منيره :تتحركي شويه
كوثر :هو مش فارق معايا اصلا انا مش بحبه
منيره :ولا انا كمان بس صعبان عليا العز ده
بعد ابن الكلب ده ما خد كل حاجه مني
كوثر :يبقي تعيشي وانتي ساكته
منيره :اه ياني لو تسمعي كلامي وتخلينا نخلف منه
كوثر :اشششش وطي صوتك
منيره :ياختي هو مش معانا خلاص
كوثر :لا مش هنخلف منه ده واطي لو عرف أنه
بيخلف هيطلقنا
منيره :مين قال معقول هيرمي ام ابنه
كوثر :تاني يا منيره ده عينه زايغه اول ما يخلف
مش هيهمه وانا مش هرجع بيت اهلي تاني واعيش
خدامه عندهم ويلا اطلعي شقتك بقي
منيره :لا ادخلي كده انا هنام جمبك بس انا خايفه أن
يحصل حمل للجديده
كوثر :متخافيش مش هيحصل مش انتي حطيتي البرشام
منيره :اه والله طبعا
كوثر :يبقي هيحصل حمل ازاي
منيره :ماشي ماشي يلا نامي ونامت
وفي اوضه ابراهيم
ابراهيم :اي ده هو انتي لسه بالفستان
اسماء :هغير هدومي حاضر
ابراهيم :مالك جسمك متلج ليه كده
اسماء :هو انت اتجوزتني ليه
ابراهيم:علشان بحبك
اسماء :من امتي من نظره شوفتني فيها
ابراهيم :لا انا اعرفك من زمان يا اسماء
اسماء :بس عمرك ما اتكلمت معايا
ابراهيم :انا عمري ما روحت اتكلمت مع وحده بحب
ان اي حاجه تكون رسمي
اسماء :بس انا خايفه
ابراهيم :من اي مني أنا
اسماء :لا من مراتك
ابراهيم : هههههههههههه محدش يقدر يبص ليكي وانا موجود
اسماء :ماشي
ابراهيم :وانتي اتجوزتني ليه
اسماء :علشان اهرب من البيت
ابراهيم بص بغضب بتقولي اي
اسماء :علشان اهرب من برعي علشان معاملته راح ساب
أيدها وبعد عنها
ابراهيم :زيك زيهم يعني
اسماء :مش فاهمه
ابراهيم :ابعدي عني وخد هدومه وطلع نام في الشقه
اللي فوق
وتاني يوم
منيره :بسم الله الرحمن الرحيم اي ده
ابراهيم :اي شوفتي عفريت
منيره :لا مش اقصد بس انت هنا ليه
ابراهيم :بيتي واكون موجود مكان ما احب
منيره :حقك يا اخويا برحتك رايح فين
ابراهيم :نازل الشغل اوعي من وشي كده
منيره:يا فرج الله شكله مش طيقاها ونزلت جري
كوثر :مالك فرحانه ليه كده
منيره :عارفه مين كان فوق
كوثر :مين يا ختي
منيره :ابراهيم والله كان نايم فوق
كوثر :انتي اتجننتي صج
منيره :والله حقيقه شكله مش طايقها وفي اوضه اسماء
كانت عامله تعيط وعامله تفكر لو طلقها هترجع تاني للهم
اللي كانت فيه وخرجت من الأوضه
اسماء :احمممم صباح الخير
منيره :اهلا بالعروسه
اسماء : هو ابراهيم فين
منيره :نزل شغله يا حبيبتي
اسماء :انهارده
منيره :امال عايزه يقعد جمبك
اسماء :عالفكره انتي بتتكلمي معايا بطريقه وحشه اوي
منيره :يابت انتي عبيطه ولا عامله فيها عبيطه وحده خدت
جوزي مني عايزه اتكلم ازاي
اسماء :قولتك وربنا ما كنت اعرف ان هو متجوز
منيره :طيب لما نشوف هتجيبي الواد ولا هتركني جنبنا
اسماء :جمبنا مين
منيره :هو انتي متعرفيش أن في وحده تانيه
اسماء :لا معرفش
منيره :وشكل هيكون في الرابعه
اسماء :ينهار اسود منك لله يا جوز امي
منيره :يلا عالمطبخ
اسماء :بس انا مش بعرف اعمل اكل
منيره :كوثر تعلمك
اسماء :كوثر مين
منيره :اختك الكبيره ادخلي يابت يلا
اسماء :حاضر
كوثر :اهدي يا منيره مش كده اصبري نشوف ميتها اي
منيره :ابدا والله العظيم لطلع عينها ماشي يا ابراهيم
انا هوريك والباب اتفتح اهلا واقفين كده ليه
منيره :ابدا يا حبيبي كنت بفرج العروسه عالشقه
انت جيت ليه
ابراهيم :نعم
منيره:مش اقصد والله تنور بيتك في أي وقت
ابراهيم :انا داخل انام ومش عايزه صوت
منيره :تمام حاضر
كوثر :ليلتك سودا لو شفاها في المطبخ
منيره : اوعي كده ودخلت عارفه لو ابراهيم عرف
ام قولتك ادخلي روقي هعمل فيكي اي
اسماء :حاضر ودخل ابراهيم
ابراهيم :انتي بتعملي اي هنا
اسماء:كنت عايزه اشرب شاي
ابراهيم :تعالي عايزك ودخلت الأوضه
اسماء :خير في أي
ابراهيم : خدي امضي علي الورقه دي
اسماء :ورقه اي دي
ابراهيم :تنازل عن كل حاجه
اسماء :حاضر
ابراهيم :بسهوله كده
اسماء :انا مش عايزه حاجه
ابراهيم :تمام امضي وخبط منيره
اسماء :ممكن افتح
ابراهيم : لا انا هفتح وفتح
منيره :الفطار والعصير لازم تشرب العصير انت وهي
ابراهيم :يادي الفيتامين بتاعك ده
منيره :انت شقيان يا حبيبي لازم تتغدا وهي كمان
ابراهيم :ماشي. قفل الاوضه وبص ورا لقاه اسماء قلعت
الروب ولابسه لانجيري
ابراهيم :اي ده
اسماء : مش زعلتك امبارح لازم اصالحك بقي
ابراهيم واقف عامل يبص عليها
انا عارف الشغل ده
اسماء :ابراهيم اعزرني انا عمري ما شوفت يوم
راحه في حياتي والله ويوم ما اتجوزت لقت جوزي متجوز
اعمل اي
ابراهيم :هقولك تعملي اي تشربي العصير ده
اسماء :مش عايزه عصير
ابراهيم :لا لازم علشان نعرف نتكلم
اسماء :طلما أمرت يحصل
وعدا اسبوع ابراهيم مش بيخرج من الاوضه
ابراهيم:تعرفي ان عمري ما شوفت حنان ما حد الا انتي
اسماء :وانا والله مش عايزه حاجه من الدنيا غير حبك ليا
ابراهيم :انتي كويسه اوي يا اسماء
اسماء :وانت طلعت حنين جدا
ابراهيم :هقوم اخرج اشوف عملوا الغدا ولااي
اسماء :ابراهيم هو انت ليه مش خلفت
ابراهيم :مافيش عندي مشكله بس كل ما اتجوز واحده
مش بتخلف هموت واكون اب
اسماء :انا عايزه اقولك حاجه
ابراهيم :قولي عايزه اي
اسماء :مش عايزه ناكل ولا نشرب من ايد حد هنا
ابراهيم : ليه بتقولي كده
اسماء :اسمع كلامي بس شهر واحد انا هعمل الاكل
وكانت منيره واقفه بتسمع
يابت الكلب
كوثر :اي فيه اي
منيره :البت شكلها فهمت بنعمل اي البت دي لازم
تطلق بفضيحه