رواية عشق الجاسر ج2
#السابع_والثلاثون
بقلم مروة عبد الجواد
جاسر : لمنار بحنق ، ليه انتي خايفه من حاجه .
منار : سحبت يدها من علي الملف وبابتسامه مكر ، لا
خالص بس كده افضل علشان العقود اللي في الملف متتنتورش .
معتز : بعيون حائره نظر لجاسر .
جاسر : اشار لمعتز ، طيب خلي المحاسب يجي يا معتز .
خرج معتز حائرا في مكتب السكرتيره لا يدري ماذا يفعل .
اتجهت دنيا بعصبيه اتجاه مكتب جاسر عازمه علي فضح امره وطرد منار من الشركه ومن حياتهم نهائيا ، وجدت معتز والمحاسب والمحامي يتناقشوه ويتهامسون في كيفيه تبديل الملف.
دنيا : بعصبيه ، طبعا مستنين بره علشان الجو يروق للبيه والهانم جوه .
معتز : بتعجب ، مدام دنيا .
دنيا : بخطوات تجاه المكتب وعصبيه ، والله لداخله مطربقاها عليهم .
معتز : قاطعها ، استني .
دنيا : التفتت له ، ايه عايز تعطل علي صاحبك .
معتز : بقله حيله وهو يمسك الملف الصحيح ، احنا في ورطه ارجوكي ماتزودهاش .
دنيا : بدهشه اقتربت منه ، ورطه ايه .
معتز : روي لها ما حدث سريعا وانه فخ من جاسر لمنار ، وانهم لا يعلموا كيفيه تبديل الملف الذي في يده ، ارجوكي متعمليش حاجه دلوقتي .
دنيا : بتمتمه ، يعني جاسر فعلا مش فاقد الذاكره وعامل كده علشان يرجع الفلوس ، بضيق نهارك اسود يا جاسر وتناولت الملف الصحيح من يد معتز وبعض الملفات الاخري من علي مكتب هدير و وضعت الملف الصحيح في اخر الملفات ودخلت .
معتز : بتوتر ، مدام دنيا هتعملي ايه .
دنيا تجاهلته ودخلت بعصبيه مصطنعه وهي تلمح نفس الملف علي المكتب ، فوضعت الملفات فوق ملف منار والتفتت لمنار بعصبيه ، انتي رجلك خدت علي الشركه قوي ايه فاكراها وكاله من غير بواب .
منار : بسخريه ، وكاله .. والله انا جايه في شغل .
دنيا : مظنش ان ليكي شغل هنا .
جاسر : بشرود وهو يفكر ان يستغل عصبيه دنيا وينهي امضاء عقد الشراكه او يؤجله لعدم قدرتهم علي تبديل الملف ، دنيا لو سمحتي عيب كده انا مش عارف اركز .
دنيا : بعصبيه ، والله يعني انا اللي مش عارفه اخليك تركز .
منار : ابتسمت بسخريه .
دنيا : بضيق مالت بجذعها العلوي و بكتفها زقت منار ، ماشي ياجاسر حسابنا بعدين بس والله ما انا ساكته بعد كده لحد .
منار : بتالم حركت يدها الي اعلي كتفها اثر ضربه دنيا بكتفها لها ، اه حاسبي والتفتت بنظرها علي كتفها الايسر .
مسكت دنيا الملفات وبخفه يد سحبت دنيا ملف منار وتركت الملف الاصلي وغمزت بعبث لجاسر .
جاسر : بتعجب رمق دنيا وهي تترك الملف الذي في اسفل الملفات التي بيدها وتسحب ملف منار اثناء انشغال منار للحظات بيدها اليسري التي خبطتها دنيا ، فالملفات علي المكتب تجاه اليمين .
دنيا : بعصبيه مصطنعه ، اجيلك وقت تاني تمضي علي الملفات شكلك مش فاضي ، ونظرت لمنار بقرف .
جاسر : بسعاده ، لو سمحتي خلي معتز ينادي المحاسب والمحامي .
منار : بعند في دنيا ، اه بسرعه علشان يراجعوا ملف الشراكة بيني وبين جاسر .
دنيا : تمتمت بسخريه علي حديث منار وهي تخرج من المكتب فالتفتت لمعتز ، انا بدلت الملف وده ملف منار.
معتز : اندهش بسعاده وتناول الملف وتصفحه ، ايه ده مش معقول عملتيها ازاي دي .
دنيا : يلا ادخلوا بقي قبل ما تشك في حاجه .
دخل كلا من معتز والمحامي والمحاسب وجلسا .
المحامي : تصفح الملف ، تمام يا جاسر بيه .
جاسر : بسعاده لمنار ، يلا علشان نمضي .
وبدوا بالامضاءات واخذ المحامي العقود وخرج .
منار : اخرجت شيك بخمسين مليون و وضعته علي المكتب ، وده اول شيك .
المحاسب : اخذ الشيك ، انا هفتح حساب بالشركه الجديده بالمبلغ اللي في الشيك وحضرتك تحطي باقي المبلغ في الحساب علي طول .
منار : تمام ، لما تفتح الحساب ابقي ابعتلي رقمه وانا هحول الفلوس كلها عليه .
جاسر : تمام ، احسن برضو من شغل الشيكات ده .
المحاسب : عن اذنكم .
معتز : بسعاده لجاسر ، هروح اشوف شغلي ، وتركهم وذهب .
منار : انا سعيده قوى اننا بقينا شركه اخيرا يااا ، هنحتفل بالشراكه دي امتا .
جاسر : بمكر ، عن قريب .. عن قريب قوي .
منار : هشوف مواعيدي واقولك .
جاسر : وانا في انتظارك
وقفت منار والتفتت له وهي تقترب منه .
جاسر : بتوتر من اقترابها ، منار في ايه .
منار وقفت امامه ومالت بجذعها العلوي اتجاهه وهي تنظر برومانسيه له ، وحشتني احنا مش هنمضي عقد الشراكه بقي واغمضت عينها في انتظار قبلته .
جاسر : بتوتر من ان ينكشف امره قبل استلام النقود كامله ، مد يده ومسك يدها و وقف امامها وهو يبعدها عنه قليلا .
منار : بتذمر نظرت له .
جاسر : برومانسيه مصطنعه ، هنمضي علي كل حاجه بس مش هنا لحد يدخل علينا .
منار : بتذمر ، ليه بقي .
جاسر : بمكر اقترب منها هامسا لشفايفها ، علشان امضي براحتي .
منار : بسعاده عضت علي شفايفها ، وحشتك .
جاسر : تصنع بانفاس ساخنه ، هتجنن عليكي .
منار : وحشتك قووي .
قاطعهم دخول دنيا وهي تشاهد اقترابهم ، وحشك قرد يا بعيده ما تتلمي بقي يا بت انتي مش لاقيه حد يلمك .
جاسر : بمكر ابتعد قليلا .
فاقتربت دنيا ايه يا شيخه لازقه مش عارفه اخلص منك خالص وحذبتها من شعرها .
منار : بتالم ، اه ابعدي يا مجنونه .
دنيا : جن اما يلهفك يا بعيده وضربتها بشده عده ضربات وهي تجذبها من شعرها .
جاسر : اقترب منهم بسرعه وهو يبعد دنيا عن منار فلم يقدر عليها فحمل دنيا بعيدا عنها ، اهدي يا دنيا مالك في ايه .
دنيا : وجاسر يحملها ، انا برضو اللي في ايه وانا كل ما دخل عليكم اقفشكم سوا .
جاسر : اشار لمنار ، امشي انتي بسرعه دلوقتي .
منار : بضيق وهي تعدل نفسها ، هكلمك تاني .
دنيا : عااااا تكلمي مين يا بنت الجذمه ، خدي يا بت خدي يابت هنا متخافيش تعالي بس …
منار : بسرعه مشيت .
جاسر : بسعاده ، يامجنونه .
دنيا : خبطته علي كتفه وهو حاملها ، وانت مش هتتلم بقي .
جاسر : نزلها براحه ، عيب دا انا اللي متصل عليكي تيجي قبل ما منار تتحرش بيا .
فلاش باك
( منار وقفت امامه ومالت بجذعها العلوي اتجاهه وهي تنظر برومانسيه له ، وحشتني احنا مش هنمضي عقد الشراكه بقي واغمضت عينها في انتظار قبلته .
جاسر : بتوتر من ان ينكشف امره قبل استلام النقود كامله
مد يده علي موبايله وضغط علي رقم دنيا .
دنيا : وهي في مكتبها فتحت المكالمه ،الو .. ثم صمتت قليلا بتعجب فسمعت حديثهم ..
جاسر : برومانسيه مصطنعه ، هنمضي علي كل حاجه بس مش هنا لحد يدخل علينا .
منار : بتذمر ، ليه بقي .
جاسر : علشان امضي براحتي .
دنيا : بذهول ، نهار ابوكم اسود ، وذهبت بسرعه اتجاه المكتب ودخلت عليهم ) .
دنيا : بتذمر ، ده ربنا اللي كشفك .
جاسر : حاوط خصرها برومانسيه ، عندك شك في حبي .
دنيا : مدت يدها بدلع علي ياقه قميصه ، شويا صغيرين .
جاسر : اقترب منها برومانسيه .
دنيا : بسعاده ، هتعمل ايه يا مجنون .
جاسر : برومانسيه ، هشيل الشويا الصغيرين دول من دماغك .
دنيا : بهزار وهي تقلد منار ، هنمضي عقد الشراكه .
جاسر : بضحك ، انا مضيته معاكي من زمان وهجدده دلوقتي .
دنيا : ضحكت بدلع ، احنا في الشركه .
جاسر : هو احنا بهمنا ، وضغط بيده علي زرار اللمبه الحمرا الخاصه بالاجتماعات وهو يقترب منها برومانسيه ويقبلها .
هدير : في مكتبها بسعاده ، هي اللمبه دي مبتنورش غير ودنيا هانم جوه .. وبسخريه مفيش مره جاسر بيه ينورها وانا معاه جوه .
★★★★★
معتز : في مكتبه ، انا مش مصدق ان اخيرا دنيا عملت حاجه صح .
ساره : بسعاده ، انت عايز بعد اللي جاسر بيه عمله فيها ده كله متتعلمش ، بس هو كده خلاص جاسر بيه رجعتله الذاكره ومنار هتعرف .
معتز : لا طبعا لسه اول ما تحول الفلوس علي حساب الشركه ونستلمها جاسر هيعملهالها مفاجاه .
ساره : اما حكايه فقد الذاكره دي خطه جامده بجد لا وايه وحصلت قدام منار وهي كمان اللي انقذته .
معتز : ضحك بسعاده و هو يقف ثم جلس امامها واقترب بجذعه العلوي ، كنتي هتعملي ايه لو انا اللي كنت فقدت الذاكره .
ساره : ضحكت ، كنت هتقدر تنساني .
معتز : مسك يدها وقبلها برومانسيه ، اهي دي الحاجه الوحيده اللي مستحيل انساها .
ساره : برومانسيه قبلت يده هي الاخرى ، وانا مستحيل افرط فيك .
معتز : برومانسيه وضع يدها علي وجهه ، انا بقول يادوب نقوم نروح دلوقتي قبل ميعاد جيه جاسر من الحضانه .
ساره : بضحك ، بس احنا ميعاد انتهاء الشغل بتاعنا مجاش .
معتز : وقف وجذب ساره ، انا مديرك وبقولك يلا نكمل الشغل في البيت .
ساره : بضحك ، شغل ايه اللي في البيت .
معتز : جذبها في احضانه برومانسيه ، شغلي انا وقبلها قبله برومانسيه ..
ساره : بعدت بكسوف ، طيب يلا علي بيتنا لحد يدخل علينا .
معتز : بسعاده ، كان من الاول .
وذهبوا سويا الي منزلهم لقضاء بعض وقت لطيف سويا في سعاده ورومانسيه قبل ان ياتي جاسر من الحضانه ..
★★★★★
هانم : خلع يا بنت الهبله اهو خلعك من بعضك اهو .
نهي : تجلس علي الاريكه بوجه وجسد لا يخلو من بصمات يوسف ، كنتي عيزاني اعمل ايه وهو هاجرني كده .. كنت عايزه استفزه .
هانم : واستفزتيه ياختي ، الا قوليلي يا بنت هو اللي في وشك ده ضرب ولا حاجه تانيه .
نهي : ضحكت بكسوف .
هانم : بسعاده ، يبقي حاجه تانيه ، بس يوسف طلع مسيطر ابقي قوليلوا يا ختي براحه شويه بدل التشويه اللي عامله في وشك ده.
نهي : بكسوف ، الله وبعدين يا ماما .
هانم : بضحك ، علي رايك وبعدين فعلا دا احنا ما صدقنا .
دخلت عليهم رشا بعدما غسلت المواعين الموجوده في المطبخ .
رشا : بتذمر ، اصل انا جايه علشان اغسل المواعين .
هانم : بسعاده ، يا بت اختك مرهقه مش شايفه عامله ازاي .
نهي : بكسوف ، ماما ..
رشا : لنهي .. ايه اللي في وشك ده .
هانم : لرشا ،ده عقبال ما خطيبك يعمل كده فيكي .
رشا : بتذمر ، ابقي مشوهه كده .
نهي : بسعاده ، ده مش تشوه يا جاهله .
هانم : بسخريه لنهي ، قوليلها يا خبره .
رشا : بسخريه ضحكت ، هي نهي بقت خبره الله يرحم معالي زايد وهيفا .
نهي : بتذمر ، بطلي تريقه يا بت .
رشا : لهانم ، يلا ولا هتخترعيلي شغل جديد اعمله .
هانم : نشرتي الغسيل لاختك .
رشا : والله انا كنست ومسحت وروقت الشقه وغسلت المواعين وشغلت علي الغساله ، نهي بقي تبقي تنشرهم .
نهي : خلاص يا ماما كفايه عليها كده انا هبقي انشر .
هانم : انتي تعبانه .
نهي : لا انا كويسه متقلقيش .
هانم : طيب اتغذي كويس والاكل انا جيبهولك والبت رشا ..
رشا : قاطعتها ، حطيته في الفرن علشان يفضل سخن .
نهي : بابتسامه ، عقبال ما اتعبلك في فرحك يا شوشو .
رشا : ياارب ياارب .
هانم : لرشا ، طيب يلا يا مزغوده قدامي ، ونظرت لنهي لو عوزتي حاجه كلميني .
نهي : ماشي .
ذهبت هانم ورشا و نهي غلقت الباب وهي تغني بسعاده وتلوح بيدها وهنغني كمان وكمان هنعيش لسه ياما ونشوف .. هنعيش تحت أي ظروف .. هنعيش لسة ياما ونشوف .. هنعيش يالا بينا نعيش .. هنغني كمان وكمان .. وهنرقص عالأحزان .. ويا دنيا جنان بجنان
ويا دنيا جنان بجنان .
دخل عليها يوسف وحملها من الخلف وبصوت مرتفع اتجننتي يا نهااااا .
نهي : عاااااااا ، خضتني .
يوسف : لف بيها بجنون وبصوت مرتفع ، بتخلعيني يا نهاااا .
نهي : لاا ورحمه امي ما حصل .
يوسف : بتريقه ، ورحمه امك . موتي امك يا نهاااا دي الوليه لسه مقبلاني علي السلم بتقولي عملالي حمام .. فضحتيني يانهااااا .
نهي : نزلت براحه ولفتله ، هي اللي عرفت من التشوهات اللي قي وشي اللي انت عملهالي .
يوسف : اقترب منها ، طيب تعالي بقي ما اكملك تشوهات .
نهي : جريت بسعاده ، لاااا .
يوسف : جرى وراها ، ورحمه امي انا بقي ما عاتقك .
وحملها وجرى بها ودخل غرفه النوم و وضعها علي السرير.
نهي : بدلع ، اعقل يا جو .
يوسف : وانتي خليتي فيا عقل عايزه تخلعيني .
نهي : عضت علي شفايفها بكسوف ، كنت عايزه استفزك .
يوسف : تستفزيني ليه .
نهي : بخجل ، علشان …
يوسف : بضحك ، علشااااان .. واقترب منها برومانسيه وقبلها قبله حاره وبرومانسيه ، علشان ابوسك ..
ثم حاوط يده حول خصرها بحركات رومانسيه ولا علشان احضنك ..
ثم دفن وجهه في عنقها وقبلها بحراره ملتهبه ولا علشاااان …..
نهي : ضحكت بدلع .
يوسف : ضحك بسعاده .. يبقي هو ده ..
★★★★★
الغول : ايه اللي بتقوليه ده يا ارسيليا وانتي فاكره حاجه زي دي ممكن تعدي علي المافيا بالساهل كده .
ارسيليا : اهي محاوله نجحت يبقي كويس منجحتش يبقي انا كده كده ميته .. وبعدين وجودك جمبي الوقت ده هيحميني اكتر و ممكن الموضوع يعدي .
الغول : طول عمرى بقول عقلك سم بس مش لدرجادي .
ارسيليا : المضطر يعمل اكتر من كده .
الغول : بمكر ، شريف اكيد له علاقه بالموضوع ده متخبيش عليا .
ارسيليا : بابتسامه ، ابدا بس محدش عارف ايه اللي مستخبي بكره .
الغول : تمام ، وانا هرتب موضوع الحادثه بتاعتك علشان الموته تبان طبيعيه ونجهز جثه تبقي مكانك في العربيه وتكون شبهك .
ارسيليا : وقفت وحضنته بحب ، ربنا يخليك ليا .
الغول : رتب علي كتفها ، انا لو مش عيان وفي اخر ايامي مكنتش فكرت اساعدك بالشكل ده .
ارسيليا : مش قلتلك محدش عارف ايه اللي مستخبيلنا بكره .
★★★★★
بعثت ناهد زوجه وائل بعض الصور التي تجمع بين منار و وائل الي طارق .
ذهبت منار الي الفيلا وجدت طارق يقف بعصبيه .
طارق : بعصبيه ، كنتي فين .
منار : بتعجب ،كنت في شغل في ايه .
طارق : بعصبيه ، كنتي معاه .
منار : زادت ضربات قلبها بشك ان طارق علم يمقابلاتها بجاسر ، كنت مع مين .
طارق : صفعها بقوه علي وجهها ، وائل الصفتي .
منار : بتالم ، اه . انت مجنون وائل ايه .
طارق : شوفي الصور دي .
منار : بتعجب نظرت للصور وجدتها صورهم في المطعم ، دي صور قديمه .
طارق : يعني في جديد .
منار : انت مجنون الصور دي قبل ما اشوفك ولا اقابلك تاني وكانت في مطعم صور عاديه عشا عمل .
طارق : بس اللي بعت الصور دي بقول انها صور مش عاديه وانه شاركك علشان في بينكم حاجات .
منار : بحنق ، انت زودتها قوي ياطارق .. وتفتكر بذكاءك ده لو بيني وبين وائل حاجه هتكون دي صورنا مع بعض ولا اللي عايز يوقع بيني وبينك ملقاش حاجه غير شويه صور هايفه فقال يبعتهالك علشان يفرق بينا .
طارق : ومين له مصلحه يوقع بينا
منار : بحنق ، شوف انت بقي .
طارق : بتحذير ، وحيات ولادي لو الموضوع ده طلع حقيقي يا منار لتكون نهايتك علي ايدي ، ورفع يده ولفها حول رقبه منار .
منار : ضحكت بخوف ، مستحيل .. مستحيل يكون بيني وبين وائل او اي حد غيرك حاجه ، انا بحبك يا طارق .
وابعدت يده عنها .
طارق : بتحذير ، واتا بحبك ومستحيل تكوني لحد غيري ، سامعه .
منار : بخوف ، طبعا .
★★★★★
دنيا : هنروح نجيب الولاد من القصر امتا .
جاسر : بكره او بعده بالكتير .. الولاد وحشوني قوي .
دنيا : بتذمر ،ليه بقي انت مش مضيت العقد .
جاسر : بس الفلوس لسه مدخلتش حسابنا .
دنيا : بكسوف ، مقلتليش ليه علي ده كله وانك عامل الخطه دي كلها علشان ترجع الفلوس .
جاسر : وضع يده علي شعرها بحركه عشوائيه ، علشان جنانك .
دنيا : بتذمر ، اهو لولا جناني ده خطتك مكنتش هتكمل .
جاسر : بسعاده ،اخر حاجه اتوقعها انك انتي اللي سعادتيني في تكمله الخطه .
دنيا : يا حبيبي انا دماغي دي تتاقل بالالماظ كل الموضوع بس اني مبحبش اشغلها كتير .
جاسر : بسخريه ، ليه خايفه عليها من الحسد.
دنيا : بتذمر ، بتتريق عليا والله اسيبلك الشركه تطربق علي بعضها .
جاسر : جذبها له برومانسيه ، واهون عليكي تسبيني في الشركه لوحدي دي حتي تبقي وحشه جدا من غيرك .
دنيا : بسخريه ،ليه الذاكره راجعتلك .
جاسر : قبلها برومانسيه قبله رقيقه وهمس ، ذاكرتي هنا ،واشار بعينه تجاه قلبها .
دنيا : بس ياقليل الادب بتشاور علي ايه .
جاسر : بسخريه ، علي قلبك انتي افتكرتي ايه .
دنيا : بخجل ، اه ما انا اقصد قلبي .
جاسر : خبطه خبطه خفيفه علي مؤخرتها وبسخريه ، قصدي طيبه قلبك .
دنيا : تالم بضحك ، اه يا مجنون .
جاسر : خبطتها مره اخرى علي مؤخرتها ، دا انا ماسك نفسي بالعافيه تعالي هنا .
دنيا جريت وحاسر خلفها .
دنيا : بضحك ،بس يا جاسر هتعمل ايه .
جاسر : هطمن علي طيبه قلباااااك .
دنيا :اه .. يا مجنون .
جاسر : مسكها وجذبها فوقعوا علي الارض .
دنيا : برومانسيه ، هتعمل ايه .
جاسر : هتحرش بيكي .. مش انتي كنتي بتتحرشي بيا وانا فاقد الذاكره
دنيا : عضت علي شفايفها بخجل ،طيب اتحرش براحه …..
★★★★★
صعدت سمر مع شريف في سيارته وهو يقودها .
شريف : مالك يا حبيتي في حد مزعلك .
سمر : اه .
شريف : بابتسامه ، مين بس اللي يقدر يزعلك وانا موجود.
سمر : بحزن ، انت .
شريف : انا هو انا اقدر .
سمر : مقلتليش ليه اني فقدت الرحم في العمليه .
شريف : بتعجب ، هي نور قالتلك .
سمر : مش نور بس وارسيليا كمان .
شريف : بدهشه اوقف السياره ، ارسيليا انتي شفتيها فين .
سمر : روت له ما حدث وانها جاءت لها لتسامحها وانها تعذبت لمده خمس سنين من الغول ..
فلاش باك
( سمر : لو سمحتي اخرجي بره وسبيني انا وارسيليا .
نور : نظرت لارسيليا ، بس دي ممكن تاذيكي .
سمر : بنبره تحذير ، اطلعي وانا جايه وراكي ومتقوليش لحد ان في حد معايا هنا .
نور : حاضر يا سمر ، وخرجت من الغرفه وانتظرت بالخارج .
ارسيليا : بانكسار ودموع اخرجت المسدس واعطته لسمر ، لو قتلك ليا هيخليكي تستريحي من اللي حصلك بسببي اقتليني وانا راضيه .
سمر : ابعدت المسدس بحزن ، قتلي ليكي لا هيفدني ولا هيفيدك قدر الله و ما شاء فعل .
ارسيليا : نظرت لها بتعجب وعدم فهم .
سمر : بشرود لحد اخر لحظه قبل من قبل الحادثه وانا حاسه ان شريف لسه بيحبك بس لما حصلت الحادثه وقمت من المستشفي لقيت شريف تغير تماما معايا حسيت بحبه اكتر واهتمامه ، قلت اكيد لما حصلي الحادثه اكيد عرف غلاوتي عنده وحبني وحس بقيمتي لحد ما عرفت دلوقتي واتاكدت لما عرفت اني فقدت الرحم ان دي كلها مشاعر شفقه مش اكتر ، وبما اني خلاص مش هعرف ابقي ام فاكيد مش هحرمه انه يكون اب .
لرسيليا : بعدم فهم ، يعني ايه .
سمر : يعني تتجوزي شريف …)
باااك .
شريف : انتي اتجننتي اتجوز مين انا مش هتجوز غيرك .
سمر : بحزن ، للاسف مش قدامك اي خيار ، زي ما انا مكنش ليا خيار في اني افقد الرحم انت كمان معندكش اي خيار .
شريف : بحزن ، احنا ممكن نكمل حياتنا عادي ونتبني طفل او اتتين او تلاته وانتي اللي تربيهم .
سمر : بدموع ، شفقه هربيهم شفقه زي ما انت اتجوزتني شفقه واخليهم يحسوا بالعذاب اللي انا حساه معاك دلوقتي .
شريف : مش شفقه .. مش شفقه .
سمر : بدموع ، لا شفقه ياشريف شفقه ومتنكرش .
شريف : فرت دموعه علي خده ، سامحيني انا اسف غصب عني والله .. سامحيني .. وحضنها وجذبها بقوه له .
سمر : بدموع ، مسمحاك والله مسمحاك علشان بحبك مسمحاك .
شريف : ضمها لصدره اكثر ومسح دموعها ، وانا مستحيل اسيبك .
سمر : نظرت له بدموع ، يبقي هتتجوز ارسيليا .
شريف : بذهول ، انتي بتقولي ايه .
سمر : بدموع ، هو ده شرطي علشان اكمل معاك .
شريف : بحزن نظر الي الارض .
سمر : مدت يدها علي خده ورفعت وجهه ، هتوافق …
شريف : …..
👇
🌹 🌹🌹🌹🌹🌹🌹🌹🌹🌹🌹🌹
🍁🍁🍁🍁مرحبا بكم ضيوفنا الكرام
نقدم لكم كل ما هوا حصري وجديد
جاري كتابة الفصل اترك ١٠ تعليق ليصلك الفصل
الجديد فور الانتهاء من كتابته ونشره
وايضاء اشتركو على
قناتنا علي التليجرام من هنا
ليصلك اشعار بكل ما هوه جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹