بين الحب والأنتقام
بقلم ايمي شاهين
البارت السابع
كانت ليليان بغرفتها تقوم بعمل اللمسات النهائيه لمشروع تخرجها الذى يجب ان تسلمه خلال اسبوع عندما جاءت رساله مهاب
اعتقد كده كفايه اوى بلغى والدك انى هاجى بكره البيت انا وأمى علشان اتقدم ليكى ، ولازم الكل يعرف اننا بنحب بعض وجوازنا ده عن حب ، ونصيحه ليكى يا ليلو انك تنفذى كلامى لانى اقسم ليكى لو أمى حست او عرفت حاجه غير كده حسابك هيكون عسير
زوجك المستقبلى
وبعد ان قرأتها اخذت تسب و تلعن وهى تغلى من الغضب
ليليان - السافل الحقير بيهددنى والله لاربيك يا مهاب واعلمك ازاى تحترم الناس ، وانا وانت والزمن طويل
خرجت من غرفتها ودخلت لغرفه والدها ووقفت تشاهد امها وهى تطعمه بيدها فقالت بمزاح
- قول بقى يا حوده باشا انك كنت عامل تعبان علشان سوسن هانم تدلعك كده وانتى يا ست ماما دلعى الراجل شويه علشان يبقى كويس
ضحك والديها وقال الاب
- با بت بطلى شقاوه بقى الله يكون فى عون اللى هيتجوزك هتجننيه
ليليان : - احم احم طالما انت فتحت الموضوع يا بابا فأنا فيه عريس متقدم ليا
قالت الام بسعاده
- بجد يا لى لى وده مين وبيشتغل ايه وعنده كام سنه وشكله ايه
ليليان : - اهدى يا ست الحاجه انتى ما صدقتى ولا ايه بالراحه عليا شويه
سوسن : - نفسى افرح بيكى يا حبيبتى
محمود : - مين العريس يا ليليان
ليليان : - بصراحه يا بابا هو يكون مهاب الدالى
نظر محمود بصدمه لابنته ثم نظر لزوجته وقال
- مهاب الدالى وده عرفك ازاى وشافك فين
ليليان : - من فتره كده كان هيخبطنى بالعربيه واتخانقنا مع بعض ، وبعدها شوفته فى المستشفى لما حضرتك كنت تعبان وقالى انه اعجب بيا لانى محترمه ومتربيه وشجاعه اقدر ادافع عن نفسى ، وبعدين قالى انه حبنى وعايز يجى بكره يتقدم ليا
محمود : - انا مش مصدق نفسى ده كلام ولا فى الاحلام
- ومش مصدق ليه يا محمود بنتنا زى القمر والف من يتمناها
محمود : - يا سوسن مهاب الدالى ده واحد ملياردير وسمعته وحشه انه كل يوم مع واحده شكل وانا خايف على بنتنا
سوسن : - مافيش راجل كامل يا محمود المهم بعد الجواز يكون مخلص لمراته وبيته ، وزى ما انت قولت واحد زى ده شاف اشكال والوان من الستات يوم ما يحب يتجوز هيدور على اللى تصون بيته و شرفه وهو شاف ده فى بنتنا نبقى نرفض ليه المهم انه يسعدها
محمود، : - وانتى يا لى لى عايزه ايه ؟؟
ليليان : - بصراحه يا بابا انا معجبه بيه واللى انت شايفه هيكون
محمود : - انا مش عايز غير سعادتك ياحبيبتى ، انتى و اختك اللى طلعنا بيهم من الدنيا ومش عايز غير انى اشوفكم متهنيين فى بيتكم ، ربنا يقدم اللى فيه الخير بس عايزك تصلى استخاره قبل ما يجى
ليليان : - انا فعلا عملت كده يا بابا ، هو هيجى هو و والدته بكره المغرب بأذن الله
سوسن : - وابوه مش هيجى معاه ليه ؟
ليليان : - والده متوفى يا ماما
- لا حول ولا قوه الا بالله طيب يابنتى قوليله مستنينه باذن الله
- لا حول ولا قوه الا بالله طيب يابنتى قوليله مستنينه باذن الله
خرجت ليليان ودخلت لغرفتها وامسكت كارت على واتصلت به بعد عده رنات رد
على : - الو مين
- ايوه يا على انا ليليان
- ازيك يا ليليان عامله ايه انتى كويسه
- الحمد لله بس حبيت اعرفك ان صاحبك جاى بكره علشان يتقدم وبيهددنى ان الكل لازم يعرف اننا بنحب بعض بس هو ليه طلب كده مش عارفه
- اكيد علشان طنط ليزا
ليليان : - مين ؟؟
ضحك على وقال
على - طنط إليزابيث تبقى مامت مهاب اصلها تعبانه وحلم عمرها انها تشوفه متجوز واحده بيحبها و بتحبه ويستقر فأكيد عمل كده علشان يسعدها
ليليان - و الله كويس انه فيه ميزه واحده عدله انه بيحب مامته
على : - ده بيعشقها وعايز اقولك هتكون احسن حليف ليكى ، لانها الوحيده فى الدنيا ديه اللى مهاب مش بيقدر يرفضلها طلب ومستعد يعمل اى حاجه بس تكون مبسوطه وراضيه عنه
ليليان : - ههههههه حلو اوى يبقى هقرب منها و الواضح من كلامك انها معترضه على طريقه حياته
على : - فعلا معترضه بس لانها مش عايزه تغصبه على حاجه سيباه كده وهى طيبه جدا وهتحبيها اوى
ليليان : - انت هتيجى معاه بكره
على : - طبعا هو انا اقدر ماجيش واشوف مهاب وهو عامل نفسه مؤدب وهادى
ضحكوا الاثنين بقوه وبعد ان اغلقت ليليان تنهد على وقال
- سامحنى يا صاحبى بس انت محتاج تفوق من اللى انت فيه وليليان هى اللى هتقدر ترجع مهاب القديم تانى
كان مهاب غاضب لانها لم ترد على رسالته لكنه كان يقنع نفسه انه لا يهتم المهم ان تصبح ملكه رن تليفونه فاخذه بسرعه للرد فوجد انه على
- عايز ايه يا على
على ، - الناس تقول الو ، السلام عليكم ، مسا الخير مش عايز ايه يا على
مهاب : - مسا الخير انت مش هتبطل اسلوب الهمج بتاعك ده
على : - وابطله ليه ما انا زى الفل بيه اهو
مهاب : - اخلص يا على علشان انا عايز انام بتتصل ليه
على : - كنت بقولك ماتيجى نروح بكره الغردقه يومين نغير جو
مهاب : - بكره انا رايح اتقدم لليليان
على،: - اخص عليك من غير ما تقولى يا ولد مش لازم اجى معاك علشان اطلب ايد البنت ليك
مهاب : - معلش يا ولدى اصلى مش طايق ابص فى وشك
فجأه فتح باب غرفته ودخل على وهو يضع يده على صدره ويتظاهر بأنه مجروح
على : - اخص عليك يا مهاب ديه اخرة تربيتى ليك
لم يدرى سوى بالمخده ترتطم بوجهه
مهاب : - انت ايه اللى جابك هنا
على : - انا اجى وقت ما احب وبعدين انا جاى اقعد مع ليزا حبيبتى عزمانى على العشاء
مهاب : - طيب بره اوضتى وخالى ماما تنفعك علشان عايز انام ساعه قبل العشاء انا بقالى اسبوع نومى قليل
على : - ليه يا قطه بتحب جديد 😂😂
قام مهاب له فجرى على للخارج و هو يصرخ
على : - اوعى تقرب منى بدل ما ابوظ الجوازه
جرى مهاب وراءه حتى وصل على غرفه الجلوس ووقف خلف إليزابيث التى كانت تضحك على منظرهم
مهاب : - بتستخبى ورا ماما اطلع وخليك راجل
على : - لا المكان هنا عجبنى والدكتور قالى اقف فى حته طراوة
اليزابيث : - لن تتغيروا ابدا ، تتصرفون كالاطفال ومن يراكم لا يقول ان كل واحدا منكم يدير شركات من اكبر الشركات بالوطن العربى
على : - الله يا ليزا وعايزانا نكبر ليه بس وبعدين يرضيكى ابنك عايز يروح يخطب من غيرى
اليزابيث : - من قال هذا طبعا سوف تأتى معنا
اخرج على لسانه لمهاب الذى ضرب جبهته بيده واقترب منه وقال كأنه يخاطب طفل
مهاب : - يا على يا حبيبى انت عندك ٣٥ سنه أعقل شويه وبلاش تصرفات العيال ديه
على : - سبتلك انت العقل ثم همس بجانب اذنه يابتاع فريده اقول لامك انك كنت سهران عندها امبارح
زينب : - علللللللى
على : - زوزو حبيبتى عامله ايه وحشتينى
قالها على وهو يجرى ليقف خلف زينب التى تضحك بشده
زينب : - عامله ايه ولا بتستخبى منه ورايا
على : - واستخبى ليه ان شاء الله انا راجل اوى واعجبك
زينب : - ما هو واضح واتفضل اقعد بدل ما انت بتتنطط زى الشامبنزى كده
على : - شايفه ابنك يا ليزا بيعاملنى ازاى
اليزابيث : - لا تدخلنى وسطكم فلتحلوا مشاكلكم بمعرفتكم انا سأذهب لارتاح بغرفتى
زينب : - و العشاء يا ماما
- لقد تناولت حساء خفيف لاخذ الدواء ولن استطيع تناول شئ اخر ، تصبحون على خير
- وانتى بخير يا ماما / ليزا
قال الجميع وبعد ان صعدت للاعلى نظر على لزينب وقال
- حماكى عامل ايه يا زينب
زينب : - تعبان شويه وطلب ان مالك يقعد معاه كام يوم وماقدرتش اقوله لا سبته معاهم وقولت اجيبه اخر الاسبوع ، انا هروح اخليهم يحضروا العشاء
بعد ان رحلت نظر عليها مهاب و على بحزن
على : - هى مش ناويه تتجوز تانى يا مهاب
- زينب شالت الجواز من تفكيرها خالص بعد موت جوزها ، بتقول انا هربى ابنى وبس ومش هخلى راجل غريب يربيه
على : - جوزها ميت بقاله ٤ سنين وكانت حامل ساعتها و مالك محتاج أب
مهاب : - محدش عارف بكره فيه ايه المهم اننا كلنا جنبيها
على : - هو لحد دلوقتى مافيش اى دليل على مين اللى قتله
مهاب : - للاسف لا ، مافيش دليل ولا شهود والقضيه اتقفلت ضد مجهول ، رغم كل المحققين اللى اجرتهم علشان يعرفوا من اللى عملها وليه لكن مافيش دليل واحد
على : - ربنا ينتقم من اللى كان السبب ، خلينا فى المهم بكره هتروح الساعه كام لبيت ليليان
مهاب : - هنروح على المغرب وبفكر اخذ زينب معانا
على : - طبعا نأخدها مش اختك ولازم تكون جنبك
زينب : - يلا يا بهوات العشاء جاهز بطلوا رغى
قالتها زينب بابتسامه وجلس الجميع على طاوله العشاء واثناء الطعام قال على
- اومال عمتك و أم اربعه واربعين بنتها فين 😂😂
ضحك مهاب وزينب على تشبيه علىِ ل نورهان بأم اربعه واربعينً
مهاب : - عمتى قالت نفسيتها تعبانه وراحت تقعد فى المزرعه هى و نورهان
على : - اللهى تفضل نفسيتهم تعبانه العمر كله ويقعدوا هناك على طول
- على كده عيب
قالتها زينب بعتاب
- اسكتى انتى يا زينب انتى طيبه ، انا بس اللى نفسى اعرفه جدك ده يخلف واحد زى عمك ايهاب الله يرحمه او ابوك الله يرحمه لكن يخلف عمتك ديه الله ياخدها ازاى معرفش
زينب : - على كفايه كلام فى الموضوع ده مهما كان ديه كبيره وعمته ومايصحش تتكلم عنها كده
قال مهاب و على بنفس الوقت
- لا يصح 😂😂
ضحك الاثنين وقامت زينب لتحضير القهوه لهم بعد الطعام فقال مهاب
- انا عارف ان عمتى بتكرهنى وبتلومنى انى السبب فى موت جوزها وانها قاعده هنا بس علشان طمعانه انى اتجوز نورهان لكن بعينهم
على - انا خايف يعملوا حاجه فى لى لى يا مهاب
- فى مين يا حبيب والديك 😒
على : - ايوه يا ماما لا مش هتأخر انا جاى حالا اهو 😂😂
قالها على بسرعه وجرى للخارج فقال مهاب بغضب وهو يجرى خلفه 😂😂
- لا من جهه انك مش هتتاخر على مامتك فأنت مش هتتأخر لانى هبعتك ليها دلوقتى 😂