رواية عشق الاسد
❤___ بقلم🖊 امل نبيل ___❤
❤____ الفصل الثامن عشر ____❤
❤❤❤❤❤❤❤❤❤❤❤❤❤❤❤❤
تانى يوم الصبح ملاك صحيت وغيرت هدومها و راحت علشان تحط بعض من المكياج الخفيف افتكرت الظرف فتحته ولاقت جواه تذكرة سفر لكوريا لحضور حفلة من حفلات Bts ملاك مكانتشى مصدقة وفضلت تتنطط وتصرخ من الفرحة ولاقت مع التذكرة رسالة فتحتها ولاقتها من محمد.
( ملاقتشى حاجة ممكن تفرحك غير دى يا ملاكى)
ملاك بصراخ:بحبك اوى يا محمد.
*طبعا انتو كنتو مستنيين ملاك تشوف الصور بتاعة محمد وسوزى صح 😂
بس انا محدش يتوقعنى *
أسد صحى على صوت ملاك وراح اوضتها ودخل.
أسد :فى ايه يا بت عاملة الدوشة دى كلها ليه.
ملاك بفرحة: محمد هيسفرنى كوريا علشان أحضر حفلة ل Bts تانى أنا مش مصدقة.
أسد:اه ما انا عارف.
ملاك: عارف ازاى.
أسد:اصل انا اللى قلتله على الحاجات التافهة اللى ممكن تفرحك ودى كانت من ضمنهم.
ملاك:بغض النظر عن إذنك قلت حاجات تافهة بس شكرا.
وراحت حضنته.
أسد:خلصتى الشويتين بتاعوتك دول.
ملاك:تصدق بالله انت عديم الرومانسية.
أسد:طيب يلا يا ختى إنزلى.
ملاك:مش هتوصلنى.
أسد:ما إنتى بقا معاكى عربيتك خلاص.
ملاك: اشطا Take care .
ملاك نزلت بعد كده تحت لاقت امها وابوها قاعدين في الجنينة.
ملاك: صباح الخير يا بابا صباح الورد يا ماما.
عزت:صباح الورد يا ملاكى.
سمر:هخلى حد يجهزلك الفطار يا حبيبتى علشان تفطرى .
ملاك:لاء انا هتأخر هبقا افطر في الجامعة سلام.
سعيد :سلام وخلى بالك من نفسك.
ملاك:حاضر يا قمر.
ومشيت.
_____________
ماريهان صحيت ولاقت البنات صاحين معادا ماريا.
ماريهان: هيا ماريا لسه نايمة.
سيلين:اه بتقول انها مش هتروح الجامعة النهاردة.
ماريهان: ليه .
سيلين :عندها برد من ساعة ما رجعت امبارح.
ماريهان: تلاقى الجو كان ساقعة ومحمد ماخدهاش فى حضنه او مداهاش الجاكت بتاعه .
سيلين بضحك:يخربيت دماغك.
ماريهان:طيب انا هروح اغير هدومى واجى علشان نمشى.
ميرنا: اوك بسرعة .
________
لورين صحيت على صوت اشعار جايلها من التليفون بتاعها وفتحت الفون لاقت كامل وافق على طلب صداقتها وفضلت متنحة شوية فى التليفون وبعد كده قامت من على السرير وفضلت رايحة جاية فى الاوضة.
لورين:بجد هوا قبل طلب الصداقة...
انا مش مصدقة ....
يعنى هوا قبل طلب الصداقة بجد ولا بتهيألى .....
مش يمكن اكون أنا بحلم....
فى الوقت ده سام فتح الباب لقاها بتكلم فى نفسها ومحستش بيه.
لورين:طيب انا أبعتله ايه دلوقتى ولا أبتدى كلام معاه ازاى....
انا هدخل اعمل نفسى انى عايزة أشكره وبعدين ابتدى اتكلم معاه واحده واحده.....
بس لو بعتله كده هيقولى ما انتى.شكرتينى...
اعمل ايه...اعمل ايه ياربى..
سام:لوفضلتى تكلمى نفسك كده هيقولو عليكى مجنونة.
لورين بخضة:بسم الله الرحمن الرحيم انت جيت امتى يلا.
سام بضحك :من أول أبعتله ايه.
لورين مسكت سام من قفاه .
*مسكة المخبرين عارفينها 😂😂*
لورين:اقسم بالله لو حد عرف حاجة باللى انا قلته او انت سمعته لولع فيك.
سام:طيب نزلى إيدك دى كده بس.
وسام مسك ايدها وشالها بعيد عنه.
لورين:انت بتتعامل معايا كده ليه ياض محسسنى انى مرات ابوك وربنا.
سام:مش فاضى انى ارد عليكى اصل وقتى مهم ومش حابب انى اضيعه معاكى.
لورين:ياض انت محسسنى انك راجل كبير وانت اساسا متمتش ست سنين.
سام:عندى اربع سنين ونص.
لورين:ابو برودك وبعدين ايه اللى وقتك مهم وراك الديوان يا خى.
سام: ورايا Nursery.
لورين:Congratulations بس من امتى وانت بتروح الحضانه يا سكر.
سام:السكر في المطبخ مش هنا.
لورين: غور ياض من هنا .
سام:والله هقول لبابا عمر.
وجرى.
لورين :خد يلا خد يلا يا سام تعالى هجيبلك شوكولاته....
يا فضحتك يا قرمط قدام اخوك....
يلا اما اروح البس بقا علشان الحق الجامعة بتاعتى.
_________
فى الجامعة البنات كلهم قاعدين على الكراسى مستنيين المحاضرات بتاعتهم وكل واحده ماسكة تليفونها معادا ماريهان.
ماريهان:ما تسيبى يا بنتى انتى وهيا التليفونات من ايدكم شوية.
ماريا:شفتو يا عينى الراجل اللي ولاده رموه ده.
ملاك:راجل مين.
ماريا:ده واحد ياعينى جاله مرض الشلل الرعاش ومبقاش بيشتغل بنته وولاده الاتنين رموه بره البيت علشان مبقاش يشتغل ويجيب فلوس.
لورين:حسبى الله ونعم الوكيل في عياله معقولة فى ناس كده.
ميرنا:معقولة اللى انتى بتقوليه ده.
ماريا:اه والله اهو.
سيلين بضحك:شفتو يا عيال اغنية شيماء .
ماريهان:شيماء مين دى.
سيلين:اسمعو الفيديو ده كده.
ملاك بضحك:مش ده اللى بيفضل يدور على شيماء وفى الاخر بتكون بطة.
ماريا:اليوم اللى الفيديو ده نزل فيه جاب نسبة مشاهدات عالية جدا.
لورين:نفسى يكون ليا صحبة اسمها شيماء علشان لما اجى اناديها اقولها شيمااااء.
البنات كلهم ضحكو.
ميرنا:يعنى كل الحوار ده على بطة ايه التفاهة دى.
ماريهان: هوا الشعب بيحب التفاهة احنا مالنا.
لورين:بس انا نفسى يكون ليا صحبة علشان كل شوية أنادى عليها واقولها شيمااااء شيمااااء.
ملاك:هسافر كوريا يا بنات.
ماريا: بتهزرى صح.
سيلين:احلفى.
ملاك:محمد هياخدنى ونسافر وهحضر حفلة ل Bts .
ماريهان:اوعدنا احنا كمان يارب.
ماريا:اومال الافندى بتاعى مبيعملش كده ليه.
ميرنا:دى حاجة عادية يعنى .
سيلين:نفسى أنا فى الحاجات العادية دى بفرح بيها اوى.
ميرنا:عادى يعن...
رن تليفون ميرنا فى الوقت ده وكان المتصل مايكل.
ميرنا: عن إذنكم هرد على المكالمة واجى.
ميرنا مشيت و راحت مكان بعيد عنهم شوية وردت.
ميرنا: الو يا مايكل.
مايكل:الحقى يا ميرنا البوص وصل امبارح وقالب الدنيا ولازم انك تيجى دلوقتى.
ميرنا ببرود:مسافة السكة.
وقفلت التليفون وراحت تانى عند البنات.
ميرنا: عن إذنكم عندى مشوار مهم.
ماريا:مشوار ايه ده يا عشق.
ميرنا: مشوار كده هخلصه وارجع.
واخدت شنطتها ومشيت.
ماريهان حست ان فى حاجة غريبة.
ماريهان: هروح اجيب حاجة وارجع.
سيلين:هيا ايه حكايتكم انتم الاتنين.
ماريا:رايحة فين يا اخت انتى كمان.
ماريهان:رايحة مشوار وجاية.
ومشيت.
ملاك:هيا ايه حكايتهم هما الاتنين.
ماريا:والله يا أختى معرف.
سيلين: المهم خلينا فيكى انتى اللى هتسافرى كوريا وانا مش هروح شرم حتى.
لورين: طيب انا بقا اللى مش لاقية كلب يعبرنى حتى اعمل ايه.
ماريا بضحك:قلبى معاكى يا ختى .
فى مكان اخر فى الجامعة.
كانت واقفة بتبص ليهم بغل وحقد.
نهى:مالك يا سوزى بتبصى على البنات دى كده ليه.
سوزى:عادى.
نهى:لاء نظراتك ليهم مش عادية خالص.
سوزى:بقولك ايه يا نهى اطلعى من دماغى.
نهى: انا هسيبهالك احسن.
ومشيت.
سوزى فضلت واقفة متغاظة ومش عارفة تعمل ايه وفضلت تفكر شوية وفى الاخر راحت للبنات .
سوزى: اهلا يا بنات.
ملاك:استعفر الله العظيم.
لورين:هاى مين انتى.
سوزى:انا سوزى وكنت حابه اتكلم مع ملاك شوية .
ملاك:وانا مش عايزة اتكلم معاكى وياريت تمشى.
سوزى:بس الكلام اللى هقولهولك ده مهم جدا و يخصك .
ملاك:كلام ايه.
سوزى:قبل اى حاجه عيزاكى تشوفى الصور دى كده .
وفتحت تليفونها وفتحت الإستديو.
سوزى:خودى شوفى انا عايزة اقولك ايه.
ملاك خدت التليفون واول ما شافت الصور اتصدمت.
ملاك بصدمة ودموع:ازاى ده وامتى حصل وايه إللى..
لم تكمل كلامها لانها سقطت مغشيا عليها.
ماريا :ملاك.
وكل اللى كانو قريبين منهم اتلمو عليهم وحاولوا انهم يفوقوها.
سامر قرب من سوزى وقالها بهمس .
سامر: انتى عملتى ايه.
سوزى:وريتها الصور.
سامر: تمام.
البنات فوقو ملاك وملاك كانت مصدومة.
ملاك وقفت علشان تمشى بس ماريا وقفتها.
ماريا: انتى رايحة فين.
ملاك:ابعدى يا ماريا.
لورين:طيب فهمينا ايه اللى حصل.
ملاك زقتهم وبعدت عنهم واخدت تليفون سوزى و وقفت عربية وركبت فيها ومشيت.
سيلين:انتو هتسيبوها كده يا جماعة.
ماريا راحت لسوزى ومسكتها من دراعها.
ماريا:انتى ورتيها ايه.
سوزى:اااه انتى بتعملى ايه سيبى إيدى.
لورين:اهدى يا ماريا بس كده وخلينا نشوف ملاك راحت فين.
__________
م
اريهان مشيت ورا ميرنا ولاقتها راحت مكان مهجور ماريهان كانت حاسه انها شافت المكان ده قبل كده وحاولت انها تفتكر بس الذاكرة قد تخونك أحيانا.
ماريهان وقفت العربية بتاعتها بعيد عن الفيلا وحاولت انها تتسحب لحد ما وصلت الفيلا دى بس مكانتشى عارفة تدخلها ازاى.
فى داخل الفيلا كانو كلهم واقفين قدامه .
وهوا قاعد على الكرسى وحاطط رجل على رجل ومراته قاعدة جنبه.
ميشيل :انا عايز اعرف مين صاحب الفكرة دى.
محدش فيهم رد وكانو كلهم حاطين راسهم في الأرض.
ميشيل:انطقو ايه اتخرستو.
جميرى: اهدى يا ميشيل.
سعيد بخوف:انا يا بوص اللى اقترحت الفكره دي.
ميشيل بص على ميرنا وقالها:وانتى طبعا وافقتى على الكلام ده من غير ما ترجعيلى.
ميرنا:اصل يا بابا....
ميشيل ببرود:أنا مش بتكلم معاكى بصيفتى ابوكى دلوقتى انا بتكلم معاكى بصيفتى البوص.
ميرنا ببرود مماثل :تمام يا بوص.
ميشيل: انتى هترجعى معايا روسيا بعد بكره وكل حاجة كنتى بتعمليها هتقف .
رغد بخوف:طيب يا بوص بالنسبة للبنت اللي إحنا خطفناها.
ميشيل:اقتلوها.
سعيد: انا هقتلها يا بوص.
ميشيل:اتفضلو كل واحد يغور من وشى دلوقتى استنى انتى يا ميرنا واستنى يا مايكل.
مايكل:تحت امرك يا بوص.
ماريهان ده كله كانت بره بتفكر في طريقة انها تدخل الفيلا وهيا بتدور شافت باب صغير ورا الفيلا وقررت انها تدخل منه ودخلت ماريهان بالفعل وحظها مكانشى في حراس عليه وكملت طريقها ودخلت جوه الفيلا ومكانتشى عارفة تروح فين ولا تيجى منين بس لمحت رغد وسعيد طالعين فإستخبت ورا عمود من الموجودين.
رغد:انت لازم تقتل عشق فى أسرع وقت يا سعيد.
سعيد:هيحصل وكملو طريقهم وراحو قعدو في اوضة تانية.
ماريهان حطت إيديها على بقها من كتر الصدمة و قررت انها تدخل الاوضة اللى رغد وسعيد لسه طالعين منها.
ماريهان شافت فى الاوضة ميرنا ومايكل وميشيل وجميرى وسمعت كلامهم.
ميشيل: حظك حلو يا ميرنا ان مايكل كان معاكى فى الوقت اللى جاك قرر انه يغدر بيكى.
ميرنا:كنت هتصرف حتى لو هوا مش معايا بردو.
مايكل:ده انتى باردة.
ميشيل بتحذير:مايكل.
جميرى: ابوكى كان خايف عليكى يا ميرنا وخصوصا إنك عملتى اللى عملتيه ده من غير ما ترجعيله.
ميرنا:تمام.
ميشيل:يلا اتفضلو امشو انتو الإتنين .
ميرنا: تمام يلا يا مايكل.
وطلعو هما الإتنين ماريهان اول ما شافتهم طالعين فإستخبت ورا الباب ومكنتش مصدقة اللى بيحصل ده.
ومسكت تليفونها علشان تتصل على تيم واتصلت بالفعل بس قبل ما تيم يفتح المكالمة للأسف حارس من الحراس شافوها.
الحارس: انتى بتعملى ايه هنا وراح مسيكها.
ماريهان بخوف:اوعى سيبنى.
الحارس شدها رغم اعتراضها ودخلها الاوضة للبوص.
ميشيل: انتى بتعملى ايه هنا وازاى دخلتى هنا أصلا.
ماريهان :انا ....انا..
ميشيل بزعيق:انتو يا بهايم يا اللى بره .
كلهم اتجمعو تانى .
وسعيد ورغد وميرنا بصو لماريهان بصدمة.
سعيد: ماريهان انتى بتعملى ايه هنا.
ميشيل بفحيح يشبه الافاعى: انت تعرفها.
سعيد بتوتر وخوف:اه دى تبقا بنتى.
ماريهان بخوف :سيبونى انتو عايزين منى ايه .
ميرنا ببرود: انتى ايه اللى جابك هنا.
ماريهان: عشق الحقينى يا عشق ،سعيد ورغد عايزين يقتلوكى.
ميرنا بسخرية: وانتى بقا جايه علشان تنقذينى.
ميشيل:اقتلوها هيا كمان.
سعيد:بس يا بوص..
ميشيل: اقتلوها هيا كمان ومش عايز اسمع كلمة تانية.
ميشيل شاور للحارس بتاعه.
الحارس: تحت امرك يا بوص.
ميشيل:حطوها فى الأوضة مع البت التانية.
الحارس: اوامرك يا بوص.
وسحب ماريهان ووداها الاوضة اللى فيها عشق.
الحارس زق ماريهان فى الأوضة وقفل الباب.
عشق شافت ماريهان واول ما شافتها حاولت انها تروحلها.
ماريهان شافت عشق مربوطة وكانت مصدومة ومش فاهمة حاجة بس جريت عليها وحاولت انها تشيل القماشة من على بقها.
ماريهان بصدمة:ايه ده ايه اللى بيحصل ده هوا فى ايه أنا مش فاهمه.
عشق: انتى ايه اللى جابك هنا.
ماريهان: هوا ايه اللى بيحصل ده ومين اللي بره دى وانتى مين انا مش فاهمه حاجه.
عشق:اللى بره دى تبقا اختى التوأم.
ماريهان: ازاى وانتى من امتى هنا.
عشق: مش وقته الكلام ده معكيش تليفون او اى حاجه نوصل بيها لأى حد يساعدنا.
ماريهان:للأسف تليفون وقع بره وحتى لو كان معانا مكناش هنقدر نعمل حاجة لانهم عايزين يقتلونا.
عشق:احنا لازم نعمل حاجة.
_____
رغد وسعيد كانو قاعدين فى الاوضة بعد ما البوص قلهم يمشو.
رغد:هتقتل بنتك يا سعيد.
سعيد:وهيا بنتى انا لوحدى ما هيا بنتك انتى كمان.
رغد: حاول إنك تتكلم مع البوص تانى كده.
سعيد: هحاول بس اهم حاجه لازم اقتل عشق الأول قبل ما يعرفو انها اخت ميرنا التوأم.
مايكل كان معدى بالصدفة من قدام الاوضة وسمعهم ومكانشى مستوعب الكلام اللى سمعه ده.
_______
تيم كان قاعد فى شركته وجاله اتصال من ماريهان ولما فتح سمع صوت ماريهان وهيا بتصوت وسمع كل حاجة حصلت.
تيم قام من مكانه بسرعة وكان قلقان جدا على ماريهان اول ما سمع ميشيل بيقول اقتلوها واتصل على أسد.
أسد:الو يا تيم.
تيم:اسد جهز حراسك وقابلى على الطريق السريع بسرعة يا أسد.
اسد:فى ايه يا تيم.
تيم:فى انى وصلت لمكان عشق وكان شكك في محله واللى موجوده معانا دى مش عشق فعلا وهيقتلوها دلوقتى .
اسد:مسافة السكة.
وقفل المكالمة وجهز حراسه ومشى.
________
ملاك وصلت المستشفى بتاعة محمد ونزلت من العربية وحاسبة السواق ودخلت جوه المستشفى.
ملاك راحت المكتب بتاع محمد من غير ما تخبط.
ومحمد اتصدم من شكلها كان وشها اصفر و باين عليها التعب .
محمد :مالك يا ملاك فى ايه يا حبيبتى.
ملاك ورت الصور اللى سوزى ورتهالها لمحمد .
ملاك:ممكن افهم ايه ده .
محمد اتصدم من الصور لان الصور دى ليه هوا وماريهان فى اوضاع مش كويسة.
محمد: والله العظيم ما اعرف ايه الصور دى.
ملاك سابت التليفون على المكتب وخلعت الخاتم اللى كانت لابساه و مسكت ايد محمد وحطت فيها الخاتم وقفلته
محمد:انتى بتعملى ايه.
ملاك:معدش فى حاجة بينا خلاص.
محمد مسكها من كتفها.
محمد:انتى عارفة انتى بتعملى ايه انتى فى وعيك يا ملاك والله العظيم انا معرف حاجة عن الصور دى.
ملاك:دى اول مرة اكون فيها فى وعيى عن إذنك.
و اخدت تليفون سوزى و سابته و طلعت تجرى.
محمد:طلع يجرى وراها وملاك كانت بتعيط وبتخبط في اى حد بتلاقيه فى وشها.
محمد ملحقهاش للأسف لانها تاهت منه وسط الناس اللى فى المستشفى.
__________
ماريا وسيلين ولورين مكانوش عارفين ملاك راحت فين او هيلاقوها ازاى.
ماريا: انا مش عارفه ايه اللى حصل وايه إللى خلاها تطلع تجرى بالطريقة دى.
لورين:طيب احنا كده كده مش هنحضر المحاضرات بتاعة النهاردة خلينا نروح نشوفها في الفيلا بتاعتها .
سيلين:طيب ممكن ماتكونش راحت الفيلا ولو روحنا هنقلق امها عليها وخلاص.
ماريا:طيب هنعمل ايه بس.
سيلين:أنا مش عارفة.
فى الوقت ده جاسر ايجا عليهم.
جاسر:مالكم واقفين كده ليه وملاك فين مش معاكو يعنى هيا وبقيت الشلة.
سيلين:ملاك مشيت ومش عارفين هيا راحت فين.
جاسر: ايه اللى حصل طيب.
ماريا : البت اللى اسمها سوزى إيجت وورتها حاجة خلتها مصدومة واغمى عليها وبعد ما فوقناها سابتنا ومشيت من غير ما تقول هيا رايحة فين حتى.
جاسر: طيب انا هتصل عليها.
لورين:سابت التليفون بتاعها هنا.
جاسر:هتكون راحت فين يعنى.
ماريا: معرفش.
جاسر: طيب انا هدور عليها.
سيلين:هتدور عليها فين.
جاسر:معرفش لسه.
ماريا: اعمل انك بتتصل على خالتك علشان تطمن عليها وقلها انك معدى من عندهم فلو ملاك مراحتش الجامعة تعدى عليها وشوف ردها هيكون ايه لو قالتلك ملاك مشيت يبقا هيا مراحتش بيتهم لو قالتلك هيا رجعت يبقا احنا كده عرفنا مكانها ومافيش داعى اننا نقلق عليها ونروحلها على طول على الفيلا بتاعتها.
جاسر:ماشى تمام.
جاسر اتصل على خالته.
سمر:الو يا جاسر يا حبيبى.
جاسر: ازيك يا حبيبتى عاملة ايه.
سمر:أنا كويسة الحمد لله انت عامل ايه وامك وابوك.
جاسر:احنا كويسين الحمد لله ،بقولك ايه هيا ملاك عندك.
سمر: لاء يا حبيبى ملاك فى الجامعة فى حاجة ولا ايه.
جاسر: لاء يا خالتو أنا بتصل بس علشان كنت قريب منكم فلو مراحتش الجامعة كنت هعدى عليها نمشى سوا.
سمر:وانت لسه فاكر يا جاسر انك تروح الجامعة.
جاسر: عقبال ما بنصحى بقا وكده.
سمر:ماشى يا قمر هتعوز حاجة.
جاسر :لاء يا حبيبتى عايز سلامتك.
سمر:ماشى يا حبيبي باى.
جاسر:باى.
وقفل المكالمة.
جاسر:مش فى البيت.
ماريا:هتكون راحت فين يعنى.
سيلين :معرفش.
جاسر: انا هتصل على أسد او على محمد.
لورين: اهى جات اهى.
كلهم بصو على المكان اللى لورين بتشاور عليه لقو ملاك جاية جسد من غير حياة.
قربو عليها كلهم.
ماريا:كنتى فين يا ملاك.
ملاك:كان ورايا حاجة مهمه اوى لازم أعملها.
لورين: حاجة ايه دى.
ملاك:كنت بفسخ خطوبتى.
جاسر:انتى بتقولى ايه و مالك عاملة كده ليه.
ملاك: هيا فين سوزى.
سيلين:انتى بتسألى عليها ليه.
ملاك:ليها حاجة عندى عايزة ادهالها.
.....:مالك يا ملاك.
كان هذا صوت سامر.
ملاك: ماليش يا سامر.
لورين: فين سامر ده.
ماريا:اهو.
لورين:كنت فاكره سامر ابن اخويا .
سامر:انتى مالك وايه اللى حصل خلاكى سيبتى المكان وطلعتى تجرى.
ملاك: مافيش هيا فين سوزى.
سامر: هناك اهى وشاور على سوزى.
ملاك:طيب لحظة وهرجعلكم.
و راحت ملاك لسوزى.
ملاك:اظن ان ده يخصك واللى ورتينى صوره مبروك عليكى.
وسابتها ومشيت.
ماريا اول ما ملاك رجعت ليهم قالت.
ماريا: ممكن تفهمينى ايه اللى بيحصل ده.
ملاك:انا بجد مش قادرة اتكلم دلوقتى.
سيلين:هيا عشق وماريهان اتأخرو كده ليه.
ملاك:مش عارفه.
لورين:دول بقالهم كتير اوى.
سامر:انا همشى دلوقتى يا ملاك ولو احتاجتى حاجة ابقى كلمينى.
ملاك:سلام.
________
تيم قابل أسد اللى كان مستنيه بحراس كتير جدا وعربيات على الطريق.
تيم:انا قدرت انى احدد عنوان ماريهان من خلال تليفونها.
أسد:يلا بينا.
وركبو العربيات وساقو بأقصى سرعة ومشيو فى طريقهم ل عشق وماريهان.
_______
مايكل اول ما سمع كلام رغد وسعيد راح بسرعة لميشيل.
مايكل:أنا حابب انى اتكلم معاك يا عمى.
ميشيل:خير يا مايكل فى ايه.
مايكل: انا سمعت رغد وسعيد وانا معدى بالصدفة بيقولو ان البت اللى اسمها عشق دى تبقا أخت ميرنا التوأم.
جميرى قامت وقفت وقالت بصدمة:ازاى اختها التوأم يعنى ايه.
ميشيل:اهدى يا جميرى وخلينا نفهم،روح يا مايكل ناديلى سعيد ورغد.
مايكل:تحت امرك يا بوص.
مايكل طلع من الاوضة وراح للأوضة اللى فيها سعيد ورغد.
مايكل:كلمو البوص.
سعيد: ماتعرفش فى ايه.
مايكل: لاء معرفش.
__________
تسنيم كانت لسه راجعة من الجامعة بتاعتها لاقت ابوها قاعد.
تسنيم:مساء الخير يا بابا.
رائد:مساء النور يا حبيبة ابوكى.
تسنيم: اومال ماما فين.
رائد:مش عارف أنا صحيت ملاقتهاش سألت الخدم قالو إنها جالها تليفون واول ما خلصت غيرت هدومها ومشيت.
تسنيم: هتكون راحت فين دى.
رائد:مش عارف حتى برن عليها لاقتها قافلة تليفونها.
تسنيم:غريبة دى عمرها ما قفلت تليفونها خالص.
رائد:متشغليش بالك انتى إطلعى يلا غيرى هدومك وانزلى علشان تتغدى.
تسنيم: حاضر هغير هدومى وأنزل على طول علشان نتغدى سوا.
رائد:ماشى يا حبيبتى.
تسنيم طلعت اوضتها علشان تغير هدومها وبصت فى التليفون لاقت ان سليم رن عليها كتير جدا بس الفون بتاعها كان معمول صامت.
___________
محمد بعد ما ملاك ما مشيت رجع مكتبه وفضل يكسر في كل حاجة فى المكتب والممرضين والدكاترة بره اتلمو قدام المكتب وفضلو يتهامسو ويتغمزو.
_________
سعيد ورغد راحو لميشيل.
سعيد:تحت امرك يا بوص.
ميشيل:هيا عشق تبقا اخت ميرنا التوأم.
ميرنا كانت داخلة الاوضة فى الوقت ده وبصت ليهم بصدمة.
سعيد ورغد بصو لبعض بصدمة وخوف وتوتر.
ميشيل:مالكم بتبصو لبعض كده ليه.
رغد بتوتر:مين اللي قالك يا بوص .
ميشيل:يعنى الكلام ده صح
جميرى: يعنى انا عندى بنت تانية ومشوفتهاش ولا اعرف عنها حاجة من ١٩ سنه.
سعيد: والله يا باشا احنا لما شفنا الشبه اللى بينهم وحطيت الفكرة مكانشى في دماغى انى اعرف هيا مين بس بالصدفة عرفت انها تبقا اخت ميرنا التوأم .
جميرى: يعنى عرفتو انها بنت البوص وكنتو عايزين تقتلوها.
ميرنا طلعت سلاحها وقربت من سعيد وحطته على دماغه يعنى كنتو عارفين انها اختى وبنت البوص وكنتم عايزين تقتلوها.
سعيد بخوف:والله يا فندم ما كنت اعرف وبعدين دى تبقا مش بنت الزعيم.
جميرى:انت بتقول ايه،ايه الهبل ده.
ميشيل:نزلى سلاحك يا ميرنا.
ميرنا: لازم اخلص عليه.
ميشيل بزعيق:قلتلك نزلى سلاحك يا ميرنا.
جميرى:يعنى انت عايز تسيب اللى كان عايز يقتل بنتنا.
ميشيل: عشق مش بنتنا ولا حتى كمان ميرنا تبقا بنتنا.
جميرى بصدمة:انت بتقول ايه.
ميرنا بصدمة:ايه اللى انت بتقوله ده.
سعيد:فعلا دى الحقيقة يا هانم.
ميرنا خبطته بالسلاح على رأسه.
سعيد :اااه.
ميرنا: انت تخرس خالص مش عايزة اسمع صوتك.
جميرى:ايه اللى انت بتقوله ده يا ميشيل.
ميشيل:الحقيقة يا جميرى ان بنتنا اتولدت ميتة وانا قلت لسعيد ورغد انهم يتصرفو وفى نفس الوقت كان فى واحده تانية بتولد وسعيد عرض عليه انه يبيع بنته وهوا وافق وقبض التمن.
جميرى: لاء انت أكيد بتكدب استحالة ان ده يحصل ميرنا بنتى انا.
و راحت عند ميرنا اللى كانت واقفة مصدومة وحضنتها.
جميرى: ايوة ميرنا بنتى انا مش بنت حد تانى.
ميرنا بعدت عن جميرى وطلعت تجرى على الأوضة اللى فيها عشق ومايكل وجميرى طلعو يجرو وراها.
فى الاوضة عند عشق كانت قاعدة هيا وماريهان ومرعوبين جدا ومره واحده الباب اتفتح ودخلت منه ميرنا.
ميرنا دخلت وكانت غضبانه بشدة ورفعت السلاح في وش عشق اللى كانت مصدومة.
ميرنا: بقا يختارنى انا علشان يبيعنى ويسيبك انتى ليه.
ثم أكملت بصراخ ردى عليا ليه اشمعنا اختارنى أنا علشان يبيعنى.
عشق بصدمة:نزلى السلاح ده وانا هفهمك.
ميرنا حطت السلاح على جبهة عشق وقالت بصوت عالى:هتفهمينى ايه ها هتفهمينى ايه ردى.
مايكل من خلفها:اهدى يا ميرنا وبلاش جنان.
ميرنا بزعيق: ردى عليا اشمعنا باعنى أنا وقبض التمن ليه اختارك انتى اللى تفضلى معاه.
عشق بعياط وهى تهز رأسها:محصلش والله محصل.
ميرنا :هوا ايه اللى محصلش انتى لازم تموتى وجهزت السلاح ورفعته تانى فى وش عشق .
ميرنا: جهزى نفسك للموت.
وضربت الرصاصة.
ماريهان بصويت:عشق.
جميرى /مايكل:لاء يا ميرنا.
ميرنا حركت إيدها على اخر لحظة والرصاصة ايجت فى الحيطة.
ميشيل اول ما سمع صوت الرصاص طلع يجرى وسعيد ورغد راحو وراه.
ميرنا نزلت إيديها و رمت السلاح في الأرض.
ميرنا: مش هقدر مش هقدر أقتلك يعنى يوم ما الاقى اخت كنت بحلم بيها من زمان اقتلها بنفسى.
ميرنا انهارت فى الأرض وعيطت وعشق قربت عليها وحضنتها.
ميرنا بصت لعشق وقالت بإنهيار:ردى عليا قوليلى ليه باعنى أنا ليه.
عشق بعياط :محصلش والله محصل ابوكى مابعكيش انتى اتخطفتى منه.
سعيد بهمس لرغد:يخربيتك هنروح فى داهية ايه اللى خلاكى تقوليلها.
ميرنا بعياط:ازاى ها ازاى.
عشق بعياط: والله ابوكى مابعكيش انتى اتخطفتى منه ورغد هيا اللى خطفتك واتفقت هيا وسعيد علشان ياخدو فلوس من الراجل اللي واقف ده.
وشاورت على ميشيل.
ميشيل: ايه الكلام اللى بتقوليه ده.
عشق:هيا دى الحقيقة والله و رغد بنفسها اللى قالتلى كده.
ميرنا بعياط وامل: يعنى ابويا كان بيحبنى ومابعنيش زى ما بيقولو.
عشق وهى تحتضن ميرنا: والله ابوكى مابعكيش ولا نسيكى كان كل مايشوفنى وانا صغيرة كان يقولى لو هيا عايشة دلوقتى كانت أكيد هتكون شبهك رغد وسعيد هما السبب بسبابهم امك ماتت يا ميرنا.
ميرنا بصت بكره لرغد وسعيد وقامت مسكت سلاحها.
عشق: انتى هتعملى ايه يا ميرنا.
ميرنا بكره: هقتل اللى كانو السبب في موت امى وحرمانى من ابويا.
عشق: ماتعمليش حاجة يا ميرنا وانشاء الله ربنا هينتقم منهم .
ميرنا: مش انا اللى أسيب حد اذانى من غير ما انتقم.
رغد:والله يا بوص الفكرة كانت فكره سعيد وهددنى انى لو قلتلك حاجة هيقتلنى.
سعيد:نعم اومال مين اللي قسم معايا الفلوس بالنص واللى نفذ الخطة.
ماريهان بسخرية:مش يا بابا انت وماما لما تبيعو فى بعض كده.
سعيد ورغد بصو لماريهان بصدمة.
ماريهان: ايه كنتو مفكرين انى معرفش حاجة،لاء متقلقوش مش انا بس اللى عرفا ده اسد ابن خالى كمان عارف.
رغد بصدمة:اسد.
ميرنا رفعت السلاح في وش سعيد وسحبت سلاح مايكل من غير ما ياخد باله ورفعته فى وش رغد.
ميرنا:كان نفسى تقضو معانا شوية وقت كمان.
فى الوقت ده سمعو صوت ضرب نار بره وسعيد خبط إيد ميرنا وأخد السلاح منها وحطو على راس عشق.
عشق :ابعد ااه.
ميشيل: سيبها يا سعيد متخليش حسابك يكبر اكتر من كده.
سعيد بسخرية: وانت فاكر أنا هسمع الكلام دلوقتى لاء ده كان زمان.
مايكل: انا هطلع اشوف ضرب النار اللى بره ده .
______
ماريا وسيلين رجعو البيت بعد ما وصلو ملاك الفيلا بتاعتها.
سيلين: انا مش عارفه ماريهان وعشق راحو فين.
ماريا بقلق:أنا قلقانه عليهم اوى.
سيلين:ربنا يستر.
_______
مايكل كان لسه هيطلع من الاوضة علشان يشوف ايه ضرب النار ده لقا أسد وتيم داخلين عليهم ورافعين السلاح في وشهم .
ماريهان اول ما شافت تيم داخل عليهم راحت جرى عليه وحضنته.
تيم: انتى كويسة.
ماريهان:اه .
عشق:اسد الحقنى يا أسد.
أسد: نزل يا سعيد المسدس ده من إيدك وسيبها.
سعيد بص لعشق بخبث وقال.
سعيد:ده انتى طلعتى مهمه اوى بقا ان كله عايزك كده.
ميرنا: سيبها يا سعيد وانا مش هعملك حاجة.
سعيد شاور لرغد راحت رغد خبطة ميرنا فى إيديها اللى ماسكة بيها المسدس وموجهاه نحيتها وأخدت المسدس وحطته على راس ميرنا .
مايكل بخوف على ميرنا : نزلى السلاح يا رغد.
رغد:مالك خوفت كده ليه اممم ممكن تكون علشان دى حبيبة القلب.
اسد:عمتى نزلى السلاح بلاش حسابك معايا يكبر اكتر ما هوا كبير.
عشق:أسد الحقنى.
سعيد: ماتخافيش يا قطة.
ميشيل طلع المسدس بتاعه من غير ما حد يحس وضرب سعيد فى كتفه اللى ماسك بيها عشق.
وميرنا اول ما لاقت رغد بصت على سعيد مسكتها وضربتها وجريت على جميرى.
وعشق جريت على أسد اللى اخدها في حضنه.
أسد:سامح خد الأتنين دول وديهم على المخزن
سامح:امرك يا أسد بيه.
وسحبهم هما الإتنين وكان سعيد ماسك إيده اللى ميشيل ضربه فيها.
واول ما طلعو بره الفيلا جرى سعيد هوا ورغد من سامح والحراس وركبو عربية وسيد مساعد سعيد ساق بيهم ومشيو.
سامح: اه يا ولاد الك**.
ورجع سامح تانى لأسد.
سامح:أسد بيه أنا اسف اول ما طلعنا كان فى عربية مستنياهم وجريو ركبو فيها ومشيو.
أسد: ماشى يا سامح أكيد مش هيروحو بعيد .
عشق طلعت من حضن اسد وراحت حضنت ميرنا.
عشق:كان نفسى ماما وبابا يكونو موجودين معانا دلوقتى.
ميرنا بعياط: كان نفسى اشوفهم .
جميرى:وانا روحت انا الاول كان عندى بنت بس دلوقتى بقا عندى تلت بنات وراحت جاية حاضنة عشق وميرنا وماريهان.
ماريهان: كانت فرحانه اوى وسعيدة لما كانت فى حضن جميرى .
ميشيل:انا اسف يا ميرنا انى حرمتك من اهلك واسف يا جميرى انى كدبت عليكم.
اسد: يلا يا عشق.
عشق:تعالى معايا يا ميرنا.
جميرى:لاء انتو هتفضلو معايا هنا.
اسد:لاء معلش مين دى اللى تفضل هنا.
عشق:انا.
أسد مسكها جامد من دراعها.
أسد:لاء يا روح امك انتى هترجعى معايا علشان وحشتينى اوى.
ميرنا :معلش يا ماما هروح معاها.
جميرى:ماشى يا حبيبتى.
اسد اخد عشق وميرنا وركبو العربية وماريهان ركبت مع تيم اللى كان طول الوقت واخدها فى حضنه.
ومايكل وميشيل وجميرى فضلو في الفيلا.
أسد وصل عشق وميرنا وتيم وصل ماريهان وكل واحد فيهم روح بيته.
____
تسنيم كانت قلقانه على تأخير امها ورائد كان خايف عليها جدا واتصلت تسنيم على اسد تسأله عليها.
واسد قالها على الحقيقة وقالها ان ماريهان تبقا أختها.
رائد اتصدم اول ما سمع الكلام ده.
وتسنيم طلعت اوضتها وقفلت الباب عليها ورائد فضل مكانه مصدوم من اللى سمعه.
أسد روح البيت لقا......