رواية فارس احلامي
بقلم رانيا محمود
الفصل السابع
ساندي صرخت :_ لا يمكن اتجوزه حتى لو اموت لا يمكن أسمح ليه أني
اشوفه مش بس يتحوزني
فارس بهدو.:_
.ليه لا هو انتي عاوز ايه بعد اللي حصل لازم يصلح غلطته
فارس كان بيقولها علي الحل بس هو مش قادر يقتنع انه ممكن يشوف ساندي بالفستان الأبيض لأي حد غيره هو وبس
لكن مبقاش عارف يعمل ايه
ساندي بتصرخ بشكل هستيري '_لا يمكن اابدا ابدا انا عمري ما هتجوز إذا كان الأمر كده... ده حيوان
نهله :_.ارجوكي اهدي ولا اكلم الدكتوره تيجي تاني علشان تجبلك حقنه مهدئه
فارس ....أيوه كلميها
ساندي ...لا انا مش عاوزه دكاتره انا كويسه ..(وابتدت تتكلم بصوت واطي شويه وتستعيد نفسها ووقفت قدام فارس بعيون كلها دموع)
ساندي ..:_..فارس انا بجد متشكره على كل شي واسفه على كل شي اسفه علي الجروح اللي سببتهالك (.فارس لسه هيتكلم .ساندي حطت ايديها على شفايفه ودي أول مره تقرب منه بالشكل ده وحس أنه بيتكهرب وفضل واقف قدامها يسمعها)
ساندي بصوت حزين مكسور مقهور مش علشان اللي حصل وبس لكن الأهم أنها ضيعت من ايديها أغلى شي في الوجود (الحب الصادق)....
ساندي ..:_فاكر يا فارس آخر حوار لينا لما كنت بكلمك. وانت واقف ومش بتبصلي وسالتك هو انت هتفضل مخاصمني كتير فكان ردك ايه فاكر. اقولك انا.. قولتلي انا سألتك سؤال ومستني الرد وساعتها قولتلك بغبائي الاجابه الغلط أو بمعنى أصح ابتديت بالاجابه الغلط قولتلك ساعتها. .لو كان ردي لأ ساعتها قولتلي هحترم قرارك بس كان المفروض اقولك وقتها لو كان رادي أيوه موافقه بس غبائي اللي خلاني ابتديت غلط وجبت سيره السفر لأمريكا ولأني ابتديت غلط كانت النهايه غلط ....(رمت نفسها في حضنه وهي بتبكي ومش قادره تاخد نفسها خالص) ...انا اسفه وأنا عارفه ان كلمه اسفه مش هترجع اللي راح .
(.فضلت في حضنه تبكي وتمسك فيه وهو واقف وما حضنهاش جزء منه بيقول خدها في حضنك اللي حصل غصب عنها
واسامه اغتصبها مش بمزاجها وجزء بيقول مش قادر عاوز وقت بس مش قادر.) ..وقفت عن البكاء واخدت نفس عميق وباسته في خده وقالت له:_ انا مسافره أمريكا الأسبوع الجاي تصبح على خير
وجريت على اوضتها كالعاده ترمي نفسها تحت السرير تبكي بوجع
أما فارس فارجع المزرعه ولم يذكر لأحد أي شئ حتى أمه.. لكن الكل عرف أن ساندي هتسافر أمريكا وده قرارها النهائي
في فيلا عيسى المصري
اسامه:بابا انا عاوز اتكلم مع حضرتك
عيسى :_قبل أي حاجه عملت ايه مع بنت عبد الحميد
اسامه :_ماهو ده الموضوع.. عبد الحميد مختار
عيسى :_الله يحرقه مترح ماراح.؟ ماله بقى ؟
اسامه :_مش هو اللي سرق
فلوس القرض... انا عرفت الحقيقه انا اللي طلبت منه يضمنك وطبعا مسدتتش الفلوس واتحجز عليه و مات من الحسره و المرض
عيسي :_مين قالك الكلام ده
اسامه :_قبل أي حاجه عاوز اعرف الحقيقه
عيسى :_الحقيقه علشان تبقى رجل أعمال ناجح لازم تعرف ان الحياه فرص
اسامه :_يعني اللي قولته كان صح انت سبب تدمير عبد الحميد وخلتني كمان سبب تدمير بنته... ليه هي عملت فيك ايه
عيسى :_ماعملتش بس كانت هتعمل. الهانم كانت ناويه تتجوز حضرتك وانت ابني الوحيد يعني كل حاجه ليها
اسامه :_ولو فرضنا كلامك صح.. مش اساس ثروتك فلوس ابوها يعني ابوها صاحب الخير الحقيقي في اللي احنا فيه
عيسى :_كسر حقك.. انت بتقول ايه انا السبب انا اللي عملت كل ده بدماغي وذكائي
اسامه :_مقدرش اقول غير الله يسامحك
حاول اسامه انه يقنع والده يرجع الفلوس أو علي الاقل جزء منها لكن والده رفض وده امر متوقع .فكان الحل من وجهه
نظر اسامه أنه يبيع أي حاجه مكتوبه باسمه ويدي ساندي اي فلوس تقدر تكون بمثابه تعويض علي اللي عمله والده في والدها.. وفعلا قدر يجمع 10مليون
جنيه طبعا والده اتجنن لكن اسامه عمل اللي هو شايفه صح وأنه يريح ضميره بيه وحط الفلوس في البنك وفتح حساب باسم ساندي
و اتصل بفارس
اسامه:_مساء الخير باشمهندس فارس
فارس :_مساء الخير يا اسامه
أسامه :_انا اتأكدت من كلامك وفعلا بابا اعترفي انه كان السبب المباشر في اللي حصل لعبدالحميد بيه والد ساندي
كل اللي اقدر اعمله اني احاول ارجع ولو جزء بسيط من اللي والدي اخده وطبعا بابا رفض فأنا عندي أصول مكتوبه. باسمي قدرت ابيع منها وجمعت مبلغ 10 مليون جنيه وفتحت حساب لساندي واسمحلي اشوفك علشان اديك الأوراق الخاصه بحسابها فى البنك والفيزا كمان
فارس :_شي طيب منك يدل علي انك بني آدم عندك ضمير لكن ساندي مسافره أمريكا خلال أيام
اسامه :_مسافره! اعتقد انها بتهرب لكن علي العموم ممكن تكون دي فرصه كويسه ليها جايز تقدر تخفف عنها اللي حصل
مع ان مافيش شي يقدر يعوضها ولا ينسيها
فارس :_انا هبلغها باللي قولته
اسامه :_لا من فضلك اكيد هترفض حضرتك بس قابلني النهارده وخد الأوراق والفيزا ولازم تقنعها انها تاخدهم.. انا بجد اسف علي كل حاجه
في فيلا نهله
ساندي :_لا طبعا انا مش ممكن اخد من الحيوان ده حاجه هي الجريمه اللي عملها ينفع اخد تعويض عنها
فارس :_لا يا ساندي انتي فاهمه غلط ده جزء من فلوس خالي اللي ابوه نصب علي البنك وخالي هو اللي ضاعت ثروته بسببه... وبعدين تفتكري اني كنت هقبل الفلوس دي لو حسيت انها جايه كاتعويض هو انا هقبل العوض في شرفي
(بيسبهم وبيخرج الجنينه يهدي شويه)
نهله :_ساندي فارس عنده حق ده جزء من فلوس والدك الله يرحمه يعني ميراثك من ابوكي وده حقك وخلي بالك اننا مسافرين وانتي مش معاكي فلوس كفايه و دي حكمه ربنا ان الفلوس تيجي في التوقيت ده... اقبليها علشان تبقى حتي ريحتي عمو عبدالحميد في قبره
ساندي :_مش قادره يا نهله اقبل الفلوس دي...
نهله :لا يا حبيبتي.. انتي مش قادره تصدقي ولا تستوعبي ان فارس موجود هنا علشان يعرض عليكي الفلوس وحتي مقلكيش بلاش تسفري
ساندي بتبص للارض وبتهزر راسها وكأنها بتأكد كلام نهله
ساندي :_ شوفتي يا نهله معدش ليا مكان عنده
نهله :_ومين قال كده بس
ساندي :_مش شايفه بنفسك
نهله :_وبعدين معاكي احنا قولنا ايه.. هو مجروح ذيك ويمكن اكتر كمان... بصي يا ساندي متتكلميش خااالص دلوقتي وسيبي الايام هي اللي تورينا حكمه ربنا في اللي بيحصل
بس دلوقتي ارجوكي اهتمي بصحتك وبنفسك اكتر من كده وخدي الفلوس وتعالي نسافر وحاولي تستعيدي توازنك وارمي حمولك ووجعك علي الله
ساندي :_طيب وفارس اعمل ايه معاه دلوقتي
نهله :_اخرجي له وقوليله انك هتخدي الفلوس.. وودعيه بقلبك الطيب ودايما خلي حبك ليه يبان..
ساندي قامت وراحت لفارس اللي كان واقف في الجنينه بيحاول يتنفس بشكل مظبوط بيحاول يرتب أفكاره.. هو فعلا هيقدر ينسى ويعدي ولا كده خلاص الحكايه خلصت لحد كده والقدر قال كلمته.. فاق من شروده علي لمسه ايديها علي كتفه
ساندي :_روحت لحد فين
فارس بإبتسامه وجع بيلف ويقف قدامها ويمسك اديها :_روحت لحد أمريكا
ساندي بتبص في عنيه وشافت اللمعه في عنيه من تاني :_
انا موافقه اخد الفلوس
فارس :_احسن قرار... صدقيني ده حقك وأقل كمان
ساندي :_انا ماليش حقوق.. انا ضيعت كل حقوقي
فارس :_كفايه يا ساندي ارحمي نفسك.. بتمني انك تقوي فاكره لما كنت بزعق لك واقولك فوقي واستوعبي فكره انك في اوقات كتير هتبقى لوحدك وانك لازم تعتمدي على الله وعلي نفسك بس... اوعي يا ساندي تنسي النصيحه دي
ساندي :_انا عمري ماهنساك.... قصدي انا عمري ماهنسي كلامك
فارس. :_تمام يا ساندي انا دايما هتطمن عليكي
ساندي :_هتكلمني
فارس :_اكيد يا بنت خالي
ساندي فأجاه حست ان الارض بتدور بيها اول مره فارس يقولها الكلمه ده يبقى معقول مش بيحبها طيب اللمعه اللي في عنيه. دي معناها ايه
فارس :_خير يا ساندي مالك
ساندي :_"مافيش يا فارس انا بخير
فارس :_انتي متأكده.. اصل فأجاه حسيت ان وشك اصفر وعنيكي زاغت فيكي ايه اجبلك دكتور ولا نروح مستشفى
ساندي :_لا يا فارس انا الحمد لله ماتقلقش
فارس :_طيب جددتي ميعاد سفرك انتي ونهله
ساندي ._ايوه. انشالله بعد 4 ايام
فارس :_طيب كويس الساعه كام بقى علشان اجي اوصلك
ساندي :_لا يا فارس متتعبش نفسك.. انا ونهله هناخد أوبر
فارس لسه هيعترض.. ساندي كملت كلامها... ارجوك يا فارس بلاش الوداع من فضلك مش عاوزه اتكلم في الموضوع ده تاني
فارس اتنهد وكأنه استسلم :_حاضر اللي تشوفيه.. اظن ان ماليش لازمه اكون هنا انا اسافر احسن دلوقتي
ساندي :_اوك يا فارس.. ابقى سلملي علي ماما سميره وعلي الكل
فارس :_هخليهم يكلموكي يسلموا عليكي
ساندي :_لا يا فارس ارجوك مش بحب الوداع انا مش هقدر عليه
فارس :_خلاص خلاص يا ساندي مافيش مشكله اسمحيلي اسلم عليكي دلوقتي
ساندي :_اوك
فارس مد ايده يسلم عليها بس هي من غير ما تحس رمت نفسها في حضنه وكأنه حصن ليها
عدت الايام وسافرت ساندي من غير ماتودع فارس
هي قاعده في الطياره بتبكي علي حاجات كتير... الماضي اللي بيوجع لما تفتكره والحاضر القلق والمستقبل الضبابي
..سافر اسامه وبعد عن والده كان عاوز بدايه جديده في كل شي .اسامه بعد التجربه اللي عاشها كان شايف نفسه إنسان مقزز جدا وكان كاره نفسه بشكل كبير .منظر ساندي وهي بتبصله بنظره احتقار وبتقوله أنه حيوان مشهد مش عاوز يخرج من دماغه وكان السفر فعلا بالنسبه له فرصه كويسه لعلها بدايه جديده .
ساندي كمان سافرت مع نهله واشتغلت في شركه خالها زي ما نهله. وعدتها وكان فيه أكثر من شاب حاولوا يتقربوا منها لكن قلبها ماكانش فيه غير فارس أحلامها وبس
كان اسامه بيتصل بفارس علشان يطمن على ساندي وعرف منه أنها في نيويورك فعمل المستحيل علشان يعرف مكان شغلها وقدر ببعض من المساعده من أصدقاء
ليه في نيويورك أنه يعرف العنوان وفعلا وصل لساندي وفي يوم وهي خارجه من الشركه كانت مفاجأه لما شافها جري عليا ونده باسمها
اسامه ....ساندي ساندي
ساندي بصت ناحيه الصوت ??????
مش مصدقه أو مش عاوزه تصدق أنها شايفاه
اسامه ...ازيك يا ساندي .يا ساندي انا عاوز اتكلم معاكى
ساندي فاقت من الصدمه وبعدت عنه وكملت ماشى ووقفت تاكسي علشان تركبه اسامه فتح الباب الثاني بسرعه وركب هو كمان بصتله باستغراب شديد ولسه هتخرج مسكها من دراعهاص وقالها .:_..ارجوكي في حاجات كتير عاوز اقولهالك وبعد كده اقسملك ما هوريكي وشي تاني ممكن نروح مكان نتكلم فيه
ساندي ...:_مافيش مكان ممكن يجمعنا من فضلك انزل .(
.وكانت نبره صوتها فيها اصرار شديد وحتى سواق التاكسي عرض عليها أنه يطلب البوليس لأنه شافها بتصرخ في اسامه بس هي رفضت واضطر اسامه أنه ينزل وكان بيكرر
محاولاته كل يوم من غير ما يزهق .ساندي حكت لنهله اللي حصل وهي فعلا طلبت من ساندي أنها تسمعه وتديله فرصه يتكلم. معاها بس ساندي ماكانتش موافقه لكن نهله طمنتها أنها هتكون معاها ...تاني يوم وكالعاده اسامه واقف مستنيها بصتله وقالت ':_انا هستناك في
البيت الساعه6 وأن نهله هتكون موجوده وأنا هسمعك وبس وبعد كده ماشوفش وشك ولا اسمع صوتك تاني ابدا
اسامه :_ انا موافق أنا عاوز أشيل جبل من الهموم على قلبي
ساندي بعد ماسفرت لأمريكا ومن أول يوم كانت بتتكلم مع فارس كانت بتتصور فيديو وتعقد تحكيله كل حاجه كل تفاصيل يومها بتصورها فيديو وتبعتهوله لما تاكل أو وهي بتشترى أكل أو أي حاجه وهي ماشيه في الشارع وهي في شغلها وهي راحه تنام وبالبيجامه اوبتغسل سننها كل التفاصيل اليوميه علشان يعيش معاها أيامها كانت بتحاول تقرب لكن فارس كان بيشوف فيديوهاتها ومش بيرد عليها فضل الوضع كده لمده 3شهور وفي مره بعتتله فيديو وقالت له فيه ....
فارس انت طبعا مستغرب ان ديما ببعتلك فيديوهات تفاصيل يومي وحياتي هنا من ساعت ما وصلت لحد دلوقتي ممكن ابعتلك في اليوم أكثر من 20فيديو.وعارفه انك مش بترد ولا هترد عليا واتمنى إانك مش تسامحني واعترف إني ضيعت من أيدي اجمل واغلى وانقي قلب ممكن يحبني ويحافظ عليا واني عمرى ما هلاقي فارس أحلامي إلا فيك لأن مافيش
فارس غيرك في حياتي انت فارسي (كانت بتتكلم وهي بتبكي ومنهاره )انا مش منتظره انك تسامحني لأني ماستهلش حتى انك تفكر فيا انا ضيعتك
وعارفه إني مش هقدر ارجعك ...بحبك يا أغلى من نفسي بحبك وبقولهالك وعارفه أنها متاخره واتمنى
يجي اليوم إللي مش انك تحبني تاني لاني انا مستهلش حبك بس اتمنى تسمحني .خالي بالك
من ساندي الفرسه (اخدت نفس طويل مع دموعها وقالت له بكل حب وانكسار)تصبح على خير