روايه احببتها رغم انتقامي لها ♥️
الجزء التاني وعشرون
في شركه الدمنهوري تحديدا في مكتب سيف
دخلت سالي وجابت معاها الأوراق
كانت سالي مقربه من سيف عشان تقول ليه اي الأوراق اللي هيتمضي عليها كانت نور نفسها تروح تجيبها من شعرها
قربت نور منهم وقعدت على رجل سيف وحضتنه وسيف اتفاجئ جدا منها
نور بدلع / سيف حبيبي كفايه شغل عايزه اقولك حاجه سررر
سيف بصدمه / حاجه سر خالص يعني
نور بدلع / جدااا
سيف / خلاص يا سالي اطلعي انت الوقتي وشويه كده نبقا نخلص
سالي بغضب / مينفعش يا مستر سيف الور..
قاطعها سيف بغضب / انا قولت خلاص
سالي بغضب واضح عليها / تمام يا فندم
اخدت الأوراق وطلعت وهي متعصبه وكانت نور مبسوطه جدا اول ما سالي طلعت وقفلت الباب قامت من على رجل سيف بسرعه
سيف / اي ده عيدي المشهد تاني مش كان في حاجه سر هتقوليها
نور / لا لا كنت بهزر معاك
سيف بخبث / لاااا مبقولش انا بالكلام ده
قام سيف من الكرسي وقرب من نور كل ما يقرب منها هي ترجع ورا لحد ما اتخطبت في الباب وسيف حاوطها بايده وقرب من شفتاها وقبلها قبله كلها شوق وشغف ونور بدلته نفس الشعور وذابو في بحور عشقهم قاطع اللحظه الرومانسيه دي تلفون سيف
سيف بضيق / بتيجي في أوقات وحشه يا احمد والله
ضحكت نور على سيف
أحمد / الو اذيك يا سيف
سيف بضيق / اهلا وسهلا يا احمد اخبارك اي
أحمد / كله تمام الحمد لله لازم تيجو تورونا في فرحي أن شاء الله
سيف / الف مبروك يا حبيبي
أحمد / الله يبارك فيك الفرح كمان اسبوع انا بعت الدعوه في البيت
سيف / أن شاء الله جايين
أحمد / تنورونا
قفل سيف مع احمد
سيف / اهو يا ستي جالنا فرح كمان اسبوع اهو
نور بفرحه / هييييي واخيرااااا
جيه يقرب سيف تاني من نور
نور / وراك شغل يا حبيبي خلص الأول
سيف بقله حيره / خلاص ماشي يلا يا حبيبي روحي اقعدي هناك شويه وانا نص ساعه وهخلص واجي معاكي علطول
راحت نور قعدت على الكنبه تاني وكان معاها فون سيف فضلت تتفرج على الصور بتاعته كانت صوره كلها مع صحابه بس كانت جميله جدا
✨✨✨✨✨✨✨✨✨✨
بعدها بنص ساعه
سيف / يلا يا حبيبي نروح
نور/ يلا
طلعو من المكتب وسيف كان ماسك ايد نور وطبعا كل كبير وصغير كان بيسأل مين اللي سيف ماسك ايدها دي
وبعدين روحو البيت عشان يتغدو
✨✨✨✨✨✨✨✨✨✨
في الفيلا
سعاد / يلا يا جماعه الغدا جاهز
نور / مين اللي طبخ النهارده ريحه الاكل يهبل
سعاد/دي كريمه أكلها تحفه الصراحه
نور / تسلم ايدك يا كريمه
كريمه / بالهنا والشفا يا ست هانم
كريمه هي الطباخه الجديده
سيف / يلا يا جماعه الاكل هيبرد
على السفره
سيف / امال انت يا مراد هتنزل الشغل أمته
مراد / شويه كمان يا عم مستعجل على اي
ساره بفضول / هو انت شغال اي
مراد / انا يا ستي طيار
ساره / وااااااو
سيف / اه صح عندنا فرح أحمد كمان اسبوع ابقا تعالى يا مراد معانا
مراد / اكيد طبعا بس مين احمد ده
سيف / ده دكتور نفسي اتعرف عليه في المستشفى وهو اللي اتبرع لنور بالدم ومن وقتها واحنا على تواصل مع بعض
ساره / بس انا مش هروح الفرح انا هقعد هنا مع ملك واحمد
أحمد باندفاع / لاااا احنا هنروح الفرح
مراد / لي يا ساره انا جاي عشانك
نور / انا مش هروح الفرح من غيرك واخواتك هييجو معانا بردو
ساره / عشان خاطري سيبوني على راحتي
سيف / آخر كلام يا ساره هتيجي معانا وتفرفشي شويه بدل اللاكتئاب اللي انت فيه ده
المهم بعد محولات كتير منهم ساره وافقت انها تروح معاهم