رواية حكايتي مع الزمان
الفصل الرابع والثلاثون
بقلم ديجا
الشاب ٢:انا عايز حقى من الأخ ده
العميد :الأخ ده يبقى الدكتور مؤمن معيد هنا فالجامعة يا محترم ممكن افهم ايه اللي حصل
مؤمن حكى للعميد اللى حصل وانه كان هيمد ايده على خطيبته
سلمى وسهيله بصوا لساره بذهول وقربوا جمبها :عايز عمرو فى شغل مش كده يا سوسه
سارة :بص اخرسي منك ليها اكيد قال كده عشان يبرر ضربه للحيوان ده
العميد : ألف مبروك يا دكتور الف مبروووك يا بشمهندسه
مؤمن :الله يبارك فى حضرتك
العميد :وانتوا يا اساتذه فصل أسبوع ولو اتصرفتوا تصرف غير لائق بعد كده فصل نهائي مفهوم
الشباب بغيظ :مفهوم
وخرجوا بره مكتب العميد
سارة لمؤمن :ازاى حضرتك تقول انى خطيبتك
مؤمن: باعتبار سوف ما يكون أن شاء الله
سارة :والله ومين قال اني هوافق
مؤمن :أنا.. ويلا عشان اوصلكم عشان ممكن الشباب دى تكون مستنيه بره وضايقم
سلمى :ايوة وانا بخاف أوى يلا بنات
سارة بغيظ من سلمى ومؤمن :لا اتفضلي حضرتك أنا هطلب تاكس
سهيله:توصيله ببلاش مع حد مز كده وتقولى تاكس ده انتى وش فقر يا ريتنى كنت أنا اللى ادلق عليا القهوه
سارة :وأنت كمان عليا طب يلا مع السلامه شوفوا رايحين فين اندال صحيح
مؤمن بيمد ايده بالفون لساره :اتفضلى كلمى
سارة :وده مين كمان اللى هكلمه.. الو ايوه يا عمرو..
عمرو:حبيبتي خلى مؤمن يوصلكم مينفعش تمشى كده مبهدله فالشارع وبعدين صحابك معاكى
سارة ;بس يا عمرو
عمرو :اسمعى الكلام بقى يلا
سارة :حاضر لما أجيلك بس
سارة ادت الفون لمؤمن وركبت وراه وده ضايق مؤمن وركبت سلمى جمبه وسهيله جمبها واتحركوا خارج الجامعة وفعلاً لقوا الشباب بره ومعاهم كام شاب كمان
مر اسبوع بدون أحداث تذكر وخلال الأسبوع ده ساره مرحتش الجامعه.. دخل عندها عمرو
عمرو:الجميل اللى مخاصمنى ممكن اتكلم معاكي
سارة :اتفضل
عمرو:مؤمن كلمنى طالب أيدك
سارة :وأنا مش موافقة
عمرو :قوليلى سبب عشان ترفضيه أنا سألت عليه ناس محترمه جدا ومالوش غير اخ واحد دكتور زميل حازم ومامته ست محترمه وبيحبك ودى أهم حاجة
سارة :هو عايز يصلح غلطته قدام العميد لما قال انى خطيبته
عمرو :انتي غبية يا بت مش كان واخد رقمى يكلمني كان عايز يحدد يوم يجى يتقدملك
جت عزة على صوتهم وعمرو حكلها الموضوع
عزة:مالكيش حق يا بنتى الجدع محترم وجاي من الباب اهو
سارة:يعنى انتوا شايفين إيه
عمرو :الراجل عايز يجى بكره هو وأخوه ووالدته
سارة :خليه يتفضل
عدى اليوم وجه مؤمن وقروا فاتحه واتفقوا يعملوا خطوبه عائليه بعد اسبوع والفرح بعد سنه مع عمرو ونور
///////////////بقلمي /ديجا❤❤❤❤
عند سليم وديجا
سليم:الجميل بيعمل أيه
ديجا :بتكلم أنا و ولادى
سليم قرب عليهم وفضل يتكلم معاهم هو كمان وكانت ملاك بتضحكلوا أوى
ديجا :انا كده هغير أوى منك يا يا بت
سليم بضحك :وأنا اقدر ابص لغيرك يا قلبي
ديجا :امممم جرب كده تعملها
سليم :عمرى انا لو لفيت الدنيا كلها مش هلاقي حد زيك انتي ملاك نازللى من السما
ديجا :ربنا يخليك لينا يا رب
سليم :البنات فين ما شوفتهم وأنا طالع
ديجا :فالتمرين زمانهم على وصول
سليم خرج من شنطته ملف واداه لديجا خدي الورق ده دول شهادات بأسم الولاد ودول شقتين بيتاجروا واجارهم بيتحول فى حساب فى البنك باسم ملك ومليكه
ديجا :بس ده كتير أوى كفايه إنك متكفل بكل مصاريفهم
سليم:هششش مسمعش منك كتير دى تاني دول ولادى قبل اى حاجة دول عوضى من ربنا وربنا كافئنى بدول فاهمه ولا لأ
ديجا بدموع:ربنا يخليك ليهم مش لاقيه كلام اقوله ليك
سليم :مش عايز اسمع منك حاجة كفايه إنك جمبى ومساندانى ووشك وش السعد عليا
البنات جم واتجمعوا واتعشوا مع بعض وأمل فرحانه فى وسطيهم مش حاسه أنها غربية
روزا:انتي فالشهر الكام يا أمل
أمل :فبدايه الشهر التالت
روزا:أنا سابقة بشهر انا فى بدايه الرابع
ساميه :ربنا يكملكوا على خير يا ولاد
حسن :انا عايز البيت مليان أحفاد كتير شدوا حيلكم كده
ديجا :انا كده الحمد لله كفايه عليا حسن وحسين
سليم ;لا لسه بدري انا عايز فريق
الكل ضحك على كلامهم
عدت الأيام والكل متجمع عشان خطوبه ساره ومؤمن
مؤمن لسارة :ممكن كلمه على جمب
سارة :اه اتفضل فالبلكونه
مؤمن :ساره انتى بتثقى فيا ولا لأ
سارة :أكيد طبعاً... بس خير قلقتنى
مؤمن :كل خير بس النهارده مش هينفع خطوبه
سارة بذهول :إيه