رواية حكايتى مع الزمان#
#الفصل الحادى عشر#
بقلم ديجا
بسم الله الرحمن الرحيم
وقفنا عند ديچا لما سليم وصلها البيت وكانت فى عيون بتراقبها
ام عزوز وام اسلام جارتها واقفين فالبلكونه بيشربوا الشاى وينموا على خلق الله
ام عزوز:اهى لسه راجعه مع واحد فالعربيه وعينى عينك كده لحد باب البيت
ام اسلام: يمكن قريبها ولا حاجه يا ام عزوز
ام عزوز:واحنا كنا شفنالها قرايب من يوم المرحوم وبقولك كانت قاعده فى الكافيه مع ابن الحاج عامر وإيمان قالتلى ان فى حاجه بينهم مش بعيد بدور على عريس شكلها زحلقت ابن الحاج وبتجرب ده شكله ابن ناس عليوى
ام اسلام: يمكن يااختى أسأل ام آيه ماهى راحه جايه معاها عشان شوار بنتها قال ايه زوقها حلو و آيه ماشيه بشورتها
ام عزوز:ايوه لازم نحظر الحريم منها لتسوء سمعتهم لما اكلم إيمان اقولها تخلى بالها
الو ايوة يا إيمان شوفتى يختى سلفتك نازله من عربيه أيه أوبها كده هى واللى سايقها
إيمان:ايوه ده ابن الحاج حسن يا ستى فاكراه
ام عزوز:لا مش واخده بالى
إيمان:يا وليه اللى مشغلها عنده وكان صاحب حمايا صاحب شركه النصر للملابس ومصانع الغزل عرفتيه
ام عزوز: ايوة ايوة افتكرت يا بنت الايه وده متجوز بقى على كده
إيمان:مطلق ومش بيخلف
ام عزوز:لا ناصحه عماله تلف على كل راجل حبه ومابتنقيش الا ولاد التجار الكبار موتت واحد وفلسته وبدور على غيره
إيمان:هنعمل ايه وشى بقى فالأرض من الناس لأ وايه عامله ست الشيخه والملاك البرئ والناس يا عينى مصدقاها
ام عزوز: وليه منعرف الناس حقيقتها دى ولا يفضلوا على عماهم
إيمان: اه والله عندك حق بس انا ماليش كلام مع حد غيرك اصل مش بحب اجيب فى سيره الناس (بجد😳😳)
ام عزوز: عندك حق ياختى عندنا ولاية بس اهو نوعى حبايبنا وخلاص
إيمان بأبتسامه نصر : ايوه ياحبيبتي يلا سلام لما اروح اشوف إبراهيم
///////////بقلمي/ديچا❤️❤️❤️
عند الحاج حسن
حازم: كل ده بابا حصلها ومستحمله
سيف: دى جبل والله يا بنى كل ما اشوفها ببقى عايز اضرب لها تعظيم سلام 😂😂
ساميه: ربنا يرزقها بأبن الحلال اللى يعوضها ولا ايه رأيك ياسليم
سليم: الرأى الاول والاخير ليها بناتها صعبانين عليا اتحرموا من ابوهم بدرى وهما مشتاقين ليه آوى
ساميه: المشكلة فيها رافضه انها تتجوز عزة بتقولى انها جالها عرسان كتير وهى بترفض
الحاج حسن: خايفه بتقولى محدش بيربى عيال حد وخايفه بناتها ما يرتحوش
روزا:مش سهله عليها برده بعد المعاناة اللى عاشتها ربنا يكون فى عونها انا حبيتها آوى
سيف:مافيش حد محبهاش..نظر اليه سليم وقام يطلع لاوضته
سليم:تصبحوا على خير هشتغل شويه وبعدين انام عشان الشغل الصبح
الجميع وانت من اهل الخير..وانصرف كل واحد الى غرفته وسيف استأذن يروح شقته مع ان عمه عامله جناح زى حازم وسليم مش بيحب يحس نفسه تقيل على حد
////////////////بقلمي/ديچا❤️❤️❤️
عند ديچا الولاد حواليها فى غرفتها وظلوا يتحادثون كيف قضوا ليله امس واليوم بدونها
ديچا : معلش يا حبايب قلبى بعد كده لو خرجت هبقى احضرلكم كل حاجه
أدهم:او تاخدينا معاكي وحضنها وباسها من خدها..طرق الباب وكان إبراهيم لبست ديچا طرحتها وسمحتله بالدخول
إبراهيم: سهرانين يعنى مش عوايدكم
ديچا: لا خلاص هنام خدت امير وادهم فى حضنها وباستهم يلا تصبحوا على خير وباست ملك ومليكه وريتاچ عشان يروحوا يناموا بس البنات حابين يناموا فى حضنها وهى وافقت
إبراهيم:يا بختك يا ديچا الولاد بتحبك آوى ومتعلقين بيكى اكتر منى ومن أمهم
ديچا حست ان كلامه ده وراه حاجه واكيد انهم ما يسبوش الشقه : وأنا كمان بحبهم ربنا يقدم اللى فيه الخير تصبح على خير
إبراهيم: وإنت من اهلى وقفل الباب وراح لإيمان.. قفلت خديجه الباب بالمفتاح عشان تنام براحتها واطلقت لشعرها الغجرى العنان
فى الفجر ادت فرضها وجهزت كل شيء زى كل يوم وارتدت چيبه بليسيه سوداء وشميز مشجر اسود مع مسترده وچاكت قصير نظرآ لبروده الجو وخمار مستردة وتوجهت للشركه فى طريقها قابلت ام آيه جارتها
أم آيه:صباح الخير ياحبيبتي
ديچا:صباح النور عامله ايه والبنات عاملين ايه
أم آيه:كنت عايزه اقولك على حاجه بس محرجه منك آوى
ديچا: قولى يا حبيبتي انت اختى آيه ناقصها حاجه
أم آيه:خيرك سابق.كفايه وقفتك معايا بس الموضوع يخصك أنت
ديچا : متقوليش كده عيب ده خير ربنا خير قلقتينى
أم آيه: اصل ام اسلام بالليل عدت عليه وقالتلى كلام ميصحش اقوله عنك بس انا وحيات بناتي أنا عشان بعزك قولت انبهك
ديچا:قولى يا حبيبتي فى ايه
أم آيه: الصراحه يعنى قالتلى انك كل كام يوم مع راجل بدورى على عريس غنى
ديچا:لا حول ولاقوه إلا بالله راجل مين اللى شافونى معاه انا عمري ماكلمت حد لا فى حياه جوزى ولا بعد مامات
أم ايه: امبارح قالت ان كان فى حد موصلك انت والبنات
ديچا:ده استاذ سليم ابن الحاج حسن واخواتى ومامتى كانوا معايا مكنتش لوحدى حسبي الله ونعم الوكيل ليه كده
أم آيه: خلاص ياحبيبتي اهدى انا آسفه انى قولتلك بس كنت حابه انورك
ديچا: وإنت ذنبك ايه كتر خيرك انك نبهتينى استاذنك هتأخر عالشغل .. ومشيت ديچا ومش مصدقه اللى بيتقال عليها دى عمرها ما كلمت راجل حتى من أهل حتتها مش كفايه الناس اللى اتجنبتها خوفآ منها انها تخطف رجالتهم فوضت امرها لله ووصلت الشركه طلعت اعلانات مطبوعة بخصوص رحله الاقصر و اسوان ادتها لفرد الأمن يعلقها فى أماكن واضحه عشان اللى حابب يحجز طلعت مكتبها
وبدات تشتغل بتحاول تنسى الكلام اللى سمعته
وصل سليم مكتبه والقى السلام ولكن لم ترد
سليم خبط بأيده على المكتب اتفزعت ديچا وقامت وقفت
سليم:سرحانه فى ايه بكلمك مش بتردى
ديچا:انا اسفه والله
سليم:اقعدى حسدناكى امبارح ولا ايه فين الضحكه اللى مش بتفارق وشك مالك البنات كويسين وإنت كويسه
ديچا :اه الحمدلله كله تمام انا بس سرحت شويه وابتسمت بسمه حزينه
سليم:الواد حازم ده فقر بس نسى يحكلنا حكايه ست الحسن والجمال هههه
ديچا ابتسمت : ياه لسه فاكر بس بقت ريبونزل والبرج دلوقتى ملك بقى اللى خدت مكانى
سليم: ايوة فعلاً كلها أنتى شكلا وموضوعآ
ديچا: فعلاً الكل بيقولى كده هو ممكن استأذن حضرتك فى أسبوع اجازة
سليم: بجد انتى كويسه شكلك فى حاجه
ديچا كان نفسها تحكى لحد عشان ترتاح: أنا كويسه الاجازة دى عشان امتحانات الولاد أنا استاذنت الحاج امبارح وقالى ارجع لحضرتك
سليم عايز يقولها انه مايقدرش ما يشوفهاش يوم وهى بتطلب اسبوع بس مضطر يوافق لأن شكلها تعبان كمان : تمام بس مين هيجي مكانك
ديچا : زميلتى منى هديها كل المواعيد وهعرفها تعمل ايه واى حاجه تقف معاها هتكلمنى وان شاءالله هيبقى مافيش مشاكل
سليم: تمام انا رسمت موديلات كروكى كده اللى هدخل بيها المسابقة وهتبقى عبارة عن موديلات محجبات ..وطلع اسكتش من شنطته
ديچا: ماشاءالله تحفه ..ادت ملاحظات على بعض الموديلات وسليم عمل تعديلات
سليم: تمام هبدأ انفذ عشان خلاص كله شهر
ديچا : ربنا يوفقك يارب
منى السكرتيرة جت : واستلمت كل حاجه من ديچا واستاذنت تمشى لأنها مجهدة ومافيش مواعيد مع العملاء
ديچا: تمام يا منى فى حاجه تانيه عايزة تسأل عليها
منى : لا خلاص بس مالك حساكى مش طبيعيه
ديچا:لا ابدا كل الحكايه انى مش نايمه كويس
خرج سليم :خلاص ماشيه
ديچا:ايوة سلمت منى جدول أعمال الأسبوع
رن فون ديچا واستأذنت ترد
ديچا: خير يا إبراهيم فى حاجه الكل كويس
إبراهيم:ايوة بخير بس مش خير آوى يا ديچا لازم نتكلم ضروري
ديچا : انا خلاص هستأذن وجايه
إبراهيم: اجيلك اخدك انا قريب منك وبعدين المطر نازل
ديچا :ملوش لزوم انا هركب تاكس يلا سلام
أنهت ديجا فونها واخرجت ورقه بها معلومات عن شركه G&h اللى مقدمه المسابقة
سليم:متشكر اوى واول ما بص فالورقه قال مش معقول