رواية #حكايتى مع الزمان
#الفصل التاسع
بقلم ديجا
بسم الله الرحمن الرحيم
وقفنا عند الفصل اللى فات عند ديچا وسيف لما كان بيديها الشكولاته
خرج سليم وشاف ديچا بتاخد الشكولاته وبتضحك اضايق بس ما بينش ده وقال لسيف:ايه ده مستر سيف ساب المخازن وجه يشتغل معانا فى الأدارة
سيف:ايه يا عم براحه انا كنت جايب ورق عايز
يتمضى و استلم الشغل اللى هيتسلم اصل يا سيدي أشرف اللى كان بيعمل كده بيتجوز عقبالى يا رب
ضحك كل من ديچا وسليم
سليم: اتفضلى الأسورة بتاعتك
ديچا : شكرآ.. العميل شريف صالح على وصول وده الملف بتاعه
سليم:ملف ايه ؟
سيف:ده نظام جديد عملته خديجه اى عميل ناوى يشتغل معانا وبيشتغل بتعملوا ملف بكل المعلومات اللى ممكن تفيدنا
سليم بأنبهار :فعلا كويس آوى بس تعب عليكى
ديچا:النت سهل علينا كل حاجه هما شويه وقت والحمدلله بفايده
سليم: تمام تعالى استلم الورق وهات اللى هيتمضى
دخلوا المكتب سليم :ايه النظام شايف شكولاته وابتسامات
سيف بيضحك بصوت عالى : أنت مالك زعلان كده ليه أنت مش عامل فيها الدكتور عيسى عدو المرأة
سليم: وأنا هزعل ليه عشان ده بس مكان شغل
مينفعش الحاجات دى تحصل هنا افرض حد من العملا جه او حد من الموظفين يقولوا ايه جنينه
سيف: أنت كبرت الموضوع آوى ليه.كده خديجه دى من الناس القطر متعرفش تهز وتتكلم خارج الشغل كل الحكايه انى شركتها غداها امبارح فحبيت اردها قولت اجبيلها شوكولاته وبعدين انا بعزها آوى لانها
بتفكرنى بسمر مش محتاج كل شويه اقولك الكلام ده وإنت تعرفها من زمان اكيد عارف اخلاقها
سليم:ماقصدش ياعم حصل خير عازمك على الغدا بعد العميل ده ما يمشى
سيف :لا ياعم اتغدى لوحدك انا هروح اجهز الشغل اللى هيتسلم مش عايز الحاج يعلقنى همشى انا بقى سلام
سليم:سلام ..وشرد فى كلام سيف عن ديچا ..فاق على خبط الباب وكانت ديچا بتبلغه بوصول العميل
سليم: تمام دخليه
تمت الصفقه بمساعدة ديچا ..وده خلى سليم يبقى مبسوط من شغلها ومنها برده😉😉
وقت الغدا سليم لديچا :انا طلبت اكل واتاخر ممكن تكلميهم وتعرفى اتاخر ليه مطعم......
ديچا: حاضر..مستر سليم الاوردر اتلغى حضرتك مردتش على الدليفرى فرجع بالاوردر تحب اطلب مرة تانية
سليم:هيجى بعد اد ايه
ديچا:ساعه ساعه الا ربع
سليم : والعميل هيوصل بعد نص ساعه يبقى مش هينفع هتكون البيتزا بردت. خلاص ما تطلبيش
ديچا: تمام .. ديچا طلبت اتنين برتقال 🍊🍊 وقسمت الساندوتشات وخبطت عالباب ودخلت
ديچا:اتفضل
سليم: ايه ده اكلك لا طبعاً
ديچا:ده مش كله انا قسمت الاكل وهى تصبيرة حضرتك بعد ما تخلص مع العميل ممكن تطلب البيتزا وتكمل اكلك او تستنى لما تروح البيت ..وخرجت وسابت الأكل والعصير
سليم خرج بالاكل وقعد قدامها :ينفع ناكل مع بعض
ديچا بضحك: اه ماهى جنينه
سليم:ده انتى بترديهالى بقى
ديچا:ايوة .. اتفضل طبعاً زى شركتك
قعدوا اتغدوا وفضل يسألها عن حياتها وبناتها ومش عارف هو بيتصرف كده ليه
سليم: تسلم ايدك فعلا الأكل تحفه ليه حق سيف يجيب شوكولاته
ديچا: مش للدرجادى يعنى العموم الف هنا
انقضى اليوم فالشركه وديچا روحت بيتها خدت بناتها وراحت لمامتها واخواتها
////////////////////////بقلمي/ديچا❤️❤️
إبراهيم رجع البيت بدرى وجايب أكل جاهز عشان ديچا مش موجوده
إبراهيم:تعالوا يا ولاد اتغدوا وادخلوا اوضتكم
إيمان:خير يا إبراهيم جاى بدرى وجايب الاكل من غير مناهده زى كل مرة
إبراهيم:كل خير يا إيمى نتغدى وتعملنا كوبايتين شاى وتعالى عشان عايزك فى موضوع مهم
إيمان:إيمى وموضوع مهم شاكلك عامل مصيبه ربنا يستر ...دخلت إيمان لإبراهيم بشاى وقعدت..عالكرسى المقابل ليه
إيمان:ها خير يا إبراهيم ايه الموضوع المهم
إبراهيم: كل خير يا حبى بس عايزك تعقلى الكلام قبل ماتتسرعى وتردى ..هزت راسها بالموافقه.. انا عايز اتجوز خديجه
إيمان:يا نهارك اسود يا إبراهيم عايز تتجوز عليا وكمان خديجه انت اكيد اتجننت
إبراهيم:استنى بس اسمعى
إيمان: اسمع ايه جنانك ..يا لهوى يا إبراهيم يالهوى..
إبراهيم:يا إيمى يا حبيبتي اسمعى انتى مش عايزه الشقه ليكى لوحدك انتى وولادك وخديجة تطلع برة
إيمان:ايوة لانها حقى انا انت الكبير والمفروض كان ابوك اداها ليك انت انت عارف تسوى كام الشقه دلوقتى
إبراهيم:اهو انا بقى لما اتجوزها هعرف امشى كلمتى عليها واخدلها شقه ايجار بعيد عن هنا وبعدين ابقى أطلقها بعد لما أضمن ان الشقه لينا ها قولتى ايه
إيمان:خلاص الشقه تكتب بأسمى والجواز يبقى عالورق بس يعنى متقربش عليها أنت فاهم
إبراهيم: طبعاً يا حبيبتي ..انت تؤمرى بس شوفلنا خطه من خططك الجهنمية دى تخليها توافق
وبسرعه لاحسن دى منشفه راسها عالاخر من ناحية الجواز ومحمد عامر مش مبطل زن وعايز يروح للحاج حسن
إيمان: لأ حيث كده انا عندي خطة إنما ايه ..الوليه ام عزوز كانت شايفاكم وانتوا بتتكلموا مع محمد فى الكافيه وهتموت وتعرف كان فى أيه بس أنا قولتلها أنى معرفش حاجه ايه رآيك لو قولتلها ان تقريبا كده فى بينها وبين محمد حاجه واسبها بقى لخيالها ساعتها خديجه مش هيبقى قدامها غير انها تثبت عكس ده ساعتها بقى يتجوز محمد وهو يخليها
تتنازل لينا بعد مانت تتفق معاه على كده او تتجوزك انت عشان كلام الناس 👹👹
إبراهيم:يسلملى دماغك السم دى وحضانها ..وطفى النور🤫🤫
////////////////////////بقلمي/ديچا❤️❤️
عند مامت ديچا
عمرو: وحشتيني يا خوخه
ديچا: حبيبي وانت كمان والله ها يا سيدي كنت عايزنى فى ايه يا مورى
عمرو: كنت عايزك تدينى كورسات فالمطبخ عشان هفتح مكان انا واتنين صحابى واحد منهم والده هيديله مكان فالكافيه بتاعه نقدم فى أكلات سريعه كده..وكله بحسابه ياقمر
ديچا: حبيبي من غير حاجة طبعاً ..بس متأكد ان خريج سياحه وفنادق
عمرو بيضحك:ناقصنى الخبرة يا خبرة..وقام باس راسها
عاليا وسارة : طبعاً قاعدين مع بعض واحضان وبوس واحنا جوة بنحضر الاكل
عمرو:ياجاحده منك ليها ده هى اللى طابخه الأكل وجايه من الشغل
عزة: اه والله ياولاد مرضيتش تخلينى اعمل حاجه خالص
الجميع ربنا يخليها لينا يارب وقاموا حضنوها
جرس الباب بيرن قام عمرو يفتح وهما دخلوا
عمرو:خالد اتفضل يابنى اتفضلى يا سماح
خالد:انا عرفت ان ديچا هنا فقولت اجى اقعد معاها ومع البنات عشان مش بحب اروح لهم وإيمان موجوده
عمرو: البيت بيتك ياعم
ملك : عمو ايه معاك نونه اتنين هات ابوسهم
خرجوا كلهم ورحبوا بخالد وسماح
سماح بدموع: سامحيني يا ديچا غلطت فى حقك كتير بالله عليكى تسامحينى
ديچا:هاتى الصغنن ده الأول واقعدى يا بنتى انت اختى مش زعلانه منك والله سميتيها ايه
سماح:خديجه يا رب تاخد طيبه قلبك واخلاقك
ديچا بفرحه:بجد سمتيها على اسمى
خالد:ايوة وسميت الولد على على أسم بابا الله يرحمه كنت عايز اسميه ادهم بس إبراهيم سبق وسماه
ديچا :حبايب قلبى ربنا يخليوا ليا وفضلت تبوس فيهم وتلعب معاهم
مليكه:هاتى يا ماما اشيل واحد
ملك :وانا هشيل التانى
مكه: لا انا هسيل الاتنين (هشيل)اصلها ٣سنين بنت عاليا.. ضحك الجميع عليهم
ديچا لمكه:خلى مامتك تجبلك
ملك:طب ماتجيبى انت اتنين واحد يلعب معايا وواحد يلعب مع مليكه اشمعنى مكه يعنى
ظلوا يضحكون ويتحدثون والكل مبسوط
رن فون الحاجه عزة وكان رقم الحاجه ساميه
الحاجه ساميه: السلام عليكم ازيك ياحبيبتي معلش لما رنيتى كان الفون بعيد عليا
الحاجه عزة: ولا يهمك يا حبيبتي كنت بطمئن عالحاج صحته عامله ايه
الحاجه ساميه: بخير الحمدلله احسن كتير وديچا حبيبتي كل يوم بتطمن عليه
الحاجه عزة : طبعاً ياحبيبتي ده احنا اهل
الحاجه ساميه:ربنا يحميها لشبابها احنا مستنيكم بكرة الحاج هيبعت السواق ياخدكم وقولى لديچا ليها مفاجأة بكرة