البارت الرابع
منه محمد
بلاش تم انا بكتب رغم عيانه رايكم لعدم الحذف
وقفنا لحد ما نيره شافت وليد قريب من منال وقررت تتعامل معاهم بطريقتها الخاصه وقررت تلغي عقد منال الي سمعت وانهارت
منال دخلت عليه المكتب بهم طافح ورفعت صوابعها في وشه كتهديد وبحده : انت ازاي تعمل فيا كدا تلغي العقد فجأه
خالد وقف: احنا كمان اتعرضنا للضرر بسبب الي حصل
منال: انا عندي شهره وسمعه ده يأثر عليا وانا مش هسمح ان ده يحصل
خالد: انا هنا بنفذ الاوامر
منال بغيظ: اوامر من مين بقي
نيره دخلت من وراها : مني انا
منال لفت بذهول: نيره
نيره: اه انا الي امرته بفسخ العقد
منال: اسمعي يا نيره انا مش منال القديمه وانتي مش من حقك تعملي الي يحلالك انا نجمه المستقبل هرفع عليكي قضيه
نيره بستهزاء: يله ارفعي قضيه وانا هخرج الدليل انك خرقتي العقد
منال: اتغيرتي كتير بس تخسري المره دي
نيره: سألت نفسي ليه شركه التمساح نفس مفهومنا ودلوقت بس عرفت
منال: انتي بتتكلمي عن ايه انا مش عارفه حاجه
نيره: اتفضلي صورك مع دول معناها ايه
منال اخدت الصور: ايوه ده هشام اعرفه بس معرفش الشخص التاني(تقصد وليد)
نيره: وانا ميهمنيش ان كنتي تعرفيه كتير شويه بس الصور دي بتوضح لي انك قريبه من التمساح والعقد نصه واضح ها تحبي ننهي الامر هنا ولا تختاري بنفسك تحبي نرفع قضيه وتتحملي المسؤليه عن الاضرار الي اترتبت علي اختراق العقد انا معاكي في قرارك
منال مشت ناحيه الباب وبوعيد: تمام بس مش دايما هتربحي والموضوع منتهاش لهنا يا نيره
نيره: مع الف سلامه
خالد: انت تعرفيها
نيره: للاسف كانت صديقتي من الاعدادي بس باعت الصداقه
::::منه محمد:::::::
::::::منه محمد:::::
خالته واقف ع الشط وقررت تنفذ خطتها وتلاعبه بنفس اسلوبه رمت قطعه زجاجه علي الرمله وداست عليها بكف رجليها لدرجه رجليها اتفتحت ونزفت وهي صرخت وليد لف لمصدر الصوت وبسرعه البرق جري عليها وسالها وهو لسه موطي دماغه علي سيقانها :انتي بخير
نيره بحلقت فيه.... كان نفسها تضربه لكن مسكت نفسها...وحطت ايدها على كتفه وسندت ايدها عليه :شكرا لحضرتك بس اتعورت
وليد: لازم نعقم الجرح ورفع عيونه وبصلها وبلع ريقه انتي!!!!
نيره :انت!
وجايه تمشي سحبها من وسطها لصدره: انتي روحتي فين انا لفيت عليكي واخيرا لقيتك ارجوكي متهربيش مني تاني
وقعدها وبدء يعقم الجرح: معلش بيلسع شويه اسف
خلص التعقيم ولبسها الشور براحه: كويس ان الجرح مش عميق
نيره تبتسم براحه : شكرا
وليد: انا دوخت عليكي من 3 سنين
نيره ساكته وكل الي عليها بصاله وبس
وليد: سعيد اني شوفتك من تاني (وبحرج) وبخصوص الليله اياها
نيره قطعته: انا نسيت امر الليله اياها كانت مجرد غلطه
وليد: بس انا منستهاش ابدا ومكنش اقصد ان ده يحصل
نيره: شكرا انك اهتميت بجرحي اعذرني لازم اقوم
وليد مسكها من دراعها: استني
نيره لفت وبصت لـ ايده وشدت دراعها منه
وليد: اسف ممكن اعزمك علي العشا انا نزيل هنا
نيره: بجد فعلا صدفه انا كمان نزيله هنا بس اجلها بلاش نستعجل كل حاجه اعذرني
وليد: بس انا هستناكي
نيره لفت بوشها وكشرت ورجعت تبصله فجأة وبخبث لما خطرت على باالها فكره جهنمية
لفتله وابتسمت اوي ومشت
:::::منه محمد::::::::
في الشركه
دريه :وليد تاني ليه مبعتش هشام يقوم بالشغل ده
جلال: ازاي عرفتي
دريه: انا صاحبه الشركه اعرف كل حاجه ليه مخلتش هشام هو الي يروح
جلال: ممكن تهدي عارف انك عايزه هشام يحقق انجازات بس الشغل ده تقيل عليه
دريه: انت بتتهم ابننا انه ميقدرش لكن وليد يقدر
جلال: الموضوع مش كدا بس الشغل ده محتاج تكتيك عالي وهشام لسه محتاج خبره ومش عايزه يبوظ لي الامور
دريه: يعني انت قصدك ان شخص تاني افضل من ابنك انا عايزه اعرف وليد الي دايما مفضله عن ابننا هيكون جدير فعلا بتوقعاتك
جلال: انشاء الله
::::::منه محمد::::::
بالليل لبست فستان اسود ونزلت تقابله وهو اول ما لمح جمالها اللي مزيج بين الغرب والشرق في أحلى صوره حس انه جوه عالم تاني وهي وماقدرتش تحرك رجوولهاا اللي كأنها وقعت في قالب اسمنت كان مذهل...بقميصه السماوي...وبنطلونه الرما دي الحلو...والجاكيت اللي شكله مفصل خصيصا لجسمه باللون الأسود الانيق
وليد وقف اول ما شافها وفتح الكرسي: اتفضلي
نيره أأعدت: شكرا
وليد: فكرتك مش هتيجي
نيره: في الاول مكنتش جايه بس رجعت غيرت راي
وليد: اسمك ايه
نيره فكرت ثواني وردت: مني اسمي مني
وليد ببتسامه جذابه: وانا وليد
نيره: وليد
وليد ضحك: وليد اول مره اعرف اني اسمي جميل وانتي بتقوليه ها ليه بقي غيرتي رايك
نيره: حبيت اسالك انت قولت انك منستنيش ابدا ليه
وليد: بصراحه انا
نيره قطعته: ولا لانك حبتني
وليد: طيب لو قولتلك انه كدا
نيره: مش هصدق
وليد: ليه؟
نيره: لان مفيش حد من ليله واحده يخليك تحبه
وليد: هو الحب محتاج لوقت
نيره: بالنسبه لي محتاج وزي ما قولتلك الليله سميتها غلطه
وليد: ممكن اسالك ع حاجه
نيره: اسأل
وليد: انتي ليه كنتي سكرانه في الليله دي جدا الي بتسميها غلطه رغم انك مبتشربيش
نيره كشرت وقامت: انتهي الكلام لحد كدا لاني مش عايزه اجاوب بس لو كنت عايزني افضل قاعده معاك هنا متسألنيش عن الامر ده مره تانيه
وليد مسك ايدها تقعد: تمام زي ما تحبي بس انا قولتلك مشاعري انا سميتها حب اعجاب بس ليه رافضه اشرحلك
نيره: لو عايزني اصدق حبك لازم نعرف بعض كويس
وليد :وهتديني فرصه
نيره :وليه لاء عايزه اتعرف عن الشخص الي فضل يدور عليا 3 سنين وعايزه اتاكد انه بيقول الحقيقه او لاء
وفضلت تفرغله كاس ور التاني
وليد: كفااايه عايزاني اسكر عشان تهربي مني من تاني
نيره :ليه فكرت كدا
وليد: لانك مشربتيش خالص وعماله تفرغيلي انا بس
نيره: عشان محتاجه اكون واعيه واسمع الي بتقوله مش احنا بندرس ونتعرف ع بعض ولا انت نسيت
وليد :لاء فاكر عشان كدا عماله تطرحي عليا اسأله
نيره: خلاص مش هسألك بعد كدا
وليد: وانا معنديش اي حاجه عشان اجاوب عليها
نيره: بس انا عندي اسأله كتير
وليد: مصممه اتفضلي قولي
نيره: تطلع رحله
وليد: بصراحه لاء لاني عندي شغل
نيره بخبث: وايه هو الشغل بقي الي عشانه انت هنا
وليد: انا يا ستي شغال في قسم التسويق لشركه التمساح
نيره: اه يعني انت هنا عشان شغل لمجموعه التمساح
وليد: انتي مش مستعجله عشان تمشي مش كدا
نيره: لاء
وليد : الراجل الي جاي اقابله اجنبي وعنده سلطه مطلقه انه يتفاوضي في المعاملات وفيه ناس سحبوا اسهمهم
نيره: اه عشان كدا هو عايز مساهمين جدد انا كلامي كدا صحيح
وليد: انتي ممتازه علمتك شويه واتحسنتي في وقت قصير
نيره: جميل لو ملقتش وظيفه ممكن اجي اشتغل معاك عشان اتعلم من خبرتك
وليد: وانا هكون سعيد جدا لو جيتي فعلا وبقيتي معايا
نيره. لاء خاليني الاول القي وظيفه بقدرتي الشخصيه بس لو ملقتش وقتها هفكر فيك
وليد: وانا مستني
اخدها من ايدها وراح بيها قرب الشط وهو بيشرحلها ازاي بيكسب الصفقات
نيره: بتحب البحر
وليد ابتسم: طبعا من اول ما شوفتك يوم الحفله بقيت بعشق البحر وفضلت اروح كل يوم هناك عشا بس المحك بس ملقتكيش ابدا كنتي فين
نيره: سافرت اكمل دراستي برا ورجعت من فتره صغيره
وليد قرب ومسكها من وسطها وسحبها لصدره: ممكن متختفيش تاني وحضنها اوي
نيره بتعافر تخرج: ممكن تبعد شويه
وليد :مش هسمحلك تسبيني تاني واتعذب
نيره مندهشه ومستغربه طريقه كلامه وبينها وبين نفسها: اوعي تهتزي بسبب ا لراجل ده ..ده شخص سئ دمر حياتك والمره دي ان الاوان انتي الي تدمري حياته
وليد: عارفه بعد الليله اياها مفيش يوم فات عليا الا لما فكرت فيكي وانتي فكرتي فيا
نيره: ممكن تسبني الاول قبل ما حد يشوفنا احنا لسه بنتعرف علي بعض اوعي تنسي
وليد خرجها بهدوء: اسف بس ياتري بعد الليله عايزه تشوفيني تاني
نيره بمكر: لو بكره انت هتكون هنا لو كدا هتشوفني
وليد: انا هستناكي بكره يا مني اوعي تنسي
و نزل يبوس شفايفها لفت وشها بسرعه
نيره حست بحشرجه في صوتها : طيب يله بقي عشان محتاجه انام
اخدها وصلها لحد رقم الغرفه
نيره: حدودك هنا وبس
وليد: انتي خايفه مني
نيره: لاء
وليد: انا عمري ما هعمل ده معاكي تاني الا لو كان برضاكي ليله سعيده حبيبتي
نيره: تصبح علي خير
وليد: اشوفك بكره ولف مشي ميعرفش انه هيرجع بكره ميلقهاش
:::::منه محمد:::::::
نيره دخلت خلعت فستانها ومسحت اثار مكياجها وقعدت ربعت علي السرير وفتحت فيديو كول تكلم خالد
خالد: انسه نيره عامله ايه طمنيني كنت قلقان عليكي
نيره: عايزاك تساعدني تحضرلي عقد الموافقه للسيد وليم وابعتهولي في رساله حالا لاني هقدمه بكره الصبح
خالد :فهمت بس ده هيكون ممتاز لانه هياخد صفه حقوق المالك
نيره :ده يليق بينا احنا اننا نساعده يستولي علي فندقه
خالد: تمام هسرع في تجهيزه
نيره :تمام واغلقت واتصلت بمريم
مريم: انتي كويسه انا قلقت عليكي
نيره :محصلش حاجه ومش هيحصل من اول وجديد ومن دلوقت هستني الكارثه الي هتقع فوق دماغه
مريم: أأأصحباتي بقيتي شاطره لاء مش قادره اصدق انك عملتيها
نيره: ده ميجيش حاجه جنب الي عمله فيا اه يما نفسي اشوف وشه لما يكتشف انه خسر
مريم: اظن وليد مشكش انك بتخدعيه
نيره: لاء مش لاحظ ده راجل مفكر الستات لعبه شكله بيحب لعبه الحب المزيف لدرجه خلاه اعمي
مريم: بس برضو خدي بالك وليد ميختلفش عن النار وانتي بتلعبي بيها وفي يوم ممكن تحرقك انت وهو انا بحذرك خدي بالك
نيره :اطمني وانا وهو مش هنشوف بعض تاني
مريم اتنهدت: اتمني مش عايزاكي تعملي مخاطره جديده
نيره :هو الي اجبرني اعمل ده
مريم: ربنا يستر
:::::منه محمد:::::::
في الشركه في غرفه الاجتماع
جلال: عملت ايه يا وليد في مشروع وليم
وليد بثقه: اظن مفيش اي مشكله الراجل مهتم بعرضنا
جلال: وامتي هيرد علينا
هشام الي دخل ابتسم لأمه: بالفعل قرر السيد وليم وهيوقع علي العقد
جلال بندهاش: بالسرعه دي
هشام أأعد : ايوه لانه مش هيوقع معانا وقع مع الامبراطور
جلال لف وبص له جامد ووليد اترسمت علي وشه اكبر علامه استفهام
دريه بنفعال: لو كان هشام الي اهتم بالمشروع ده مكنش حصل الي حصل
وليد : اللهم طوووولك يا رووووووووح. واستغفركذا مره وري بعض ..
هشام بصله واتكلم بتريقة وهو لسه مبتسم : اظن قدرتك انخفضت
وليد قام بكل عصبيه بصلهم بقهر وبعدها قام وساب المكان وهو حاسس الدنيا ضاقت بيه ركب عربيته وطلع علي شركه الامبراطور
ركن عربيته بشكل عشوائي ونزل قدام البوابه
الامن: ايوه يا فندم اي خدمه
وليد بعصبيه: انا عايز الانسه مني
الامن :مفيش حد هنا بالاسم ده
وليد بصوت عالي وكأنه جن جنونه وبيدفعه: متكدبش عليا انا عارف انها هنا
الامن :وانا بقولك مفيش حد بالاسم ده هنا ووممنوع تدخل
خالد الي نزل بحده: انت بتعمل ايه هنا
وليد: لو كنت هتستخدم الاساليب القذره في التعامل وتسرق الافكار اظن ده مش عدل
خالد: لحظه يا وليد بشا انت بتتكلم عن ايه لان ان مش فاهم
وليد: بعت لي واحده كطعم عشان تخاليني اخسر دي اكتر اساليب القذاره الي شوفتها بس انا عذرك لما تكون فاشل يبقي معندكش الا الطريقه دي
خالد :انت قصدك ايه اننا بعتنالك حد سرق سرك وضحت كدا مظبوط
وليد مشى خطوتين وبتهديد : واكيد عارف الي عملها بس انا هخسر المره دي وبس
:::::: منه محمد::::::
خالد: اتفضلي العرض الي نهياناه
نيره بقتضاب: شكرا
خالد بمكر: مقولتلكيش عن اليوم الي جه وليد هنا فيه
نيره عيونها في الملف: جه هنا
خالد: ايوه جه وعمل شوشره بسبب مشروع السيد وليم وكان متعصب جدا وسأل عن واحده اسمها مني
نيره: فيه اي سؤال تسألهولي في الشغل
خالد: لاء بس انا فهمت كل حاجه دلوقت
نيره: فهمت ايه
خالد: فهمت انك مستعده تعملي اي حاجه عشان الشركه
نيره: ممتاز انك فهمت لانه من زمان معدل مبيعات الشركه كان سئ جدا وانا ع اتم استعداد اعمل اي حاجه عشان الرينج يعلي وانت المفروض تبارك لي لان النجاح ده هيخليك هنا لفتره طويله
خالد بمكر وخبث :اظن لازم نشتغل سوي عشان تبقي الامبراطور اقوي
ومدلها ايده نيره رفعت عيونها وبصت لـ ايده الممدوده واكتفت بالموافقه شفهي
::::::::منه محمد:::::::::
يوم جديد نيره رايحه تركب عربيتها صفيه مربيه التؤام طلعت وراها
صفيه: نيره هانم من شويه شخص اتصل وقال انه من طرف مدام صابرين ومحتاج يقابلك في المول انتي والاطفال وكلمني ع ان انا انتي
نيره اخدت الكارت: اه عمتو قالت لي ده ابن طنط صابرين هتبعت معاه لعب للاطفال روحي انتي هاتي التؤام وانا هتصل بيه يقابلنا
صفيه: حاضر
نيره اتصلت بيه ورد عليها واتفقت تقابله في المول كمان ساعه وبالفعل اخدت الاولاد هي والمربيه ودخلوا بهيصه وفرحه كبيره نيره وقفت عشان تتصل بيه لقت تلفونه رن بتبص لقته وليد قدامها رجعت بسرعه اتخبت في العمود هي والاولاد وفضلت تلعن الحظ يعني وليد طلع ابن صابرين صديقه عمتها ليه الحظ مصمم يقابلها بيه !!!!!
صفيه: فيه حاجه مالك
نيره تنهدت : صفيه اقلعي حالا
صفيه: ايه
نيره: انتي هتعملي انك انا وانا انتي فهمتي
صفيه: اعمل ايه ازاي مش فاهمه
نيره نفخت بضجر: هفهمك وبالفعل اخدت هدومها وبدلوا الادوار بسرعه وفهمت التؤام انها لعبه هيلعبوها سوي كلهم وهي تبديل الادوار
صفيه ماشيه بترسم الغرور ونيره هتموت من الضحك عليها
صفيه: اصل انا عمري ما عملت دور هانم قبل كدا
نير: يعني انا الي عملت دور مربيه قبل كدا
صفيه: طيب ليه اللفه دي
نيره :اصل الشاب ده قابلته قبل كدا وساعدته ففكرني بحبه وكل ما يشوفني يلزق فيا واعتقد اني بحبه
صفيه: خلاص ولا يهمك ههتم بالامر عشانك
نيره: مالك ملوكه فاكرين اللعبه الي لعبناها
التؤام: ايوه
نيره: هنلعبها اليوم هكون انا صفيه وصفيه هتكون انا
التؤام: برافو
صفيه اخدت التؤام وراحت لوليد ونيره قعدت تراقبهم من بعيد
وليد الي اول ما لمحهم قام واخدهم بالحضن: حبايب وليد وحشتوني جدا
مالك: انت كمان وحشتنا
وليد: انسه نيره ازيك
صفيه: هاي
وليد: اتصلت بيكي كذا مره بس الخط قطع
صفيه: اظن الاشاره سيئه
وليد: ياتري عندك وقت عايز اشتري للولاد ايس كريم
صفيه لوت بوزها : لاء مستعجله مش هفضل هنا طول اليوم
مالك: ارجوكي نيره عايز ايس كريم
ملك: ايوه يا نيره
صفيه: كوبايه واحده لكل واحد ماشي
الاطفال بهيصه: هيييا
وليد طلب ايس كريم وطلب لصفيه كوبايه كبيره فضلت تاكل وتلحوس فيها وهو مستغرب طريقه اكلها ونيره فطسانه ضحك من بعيد علي رئكشانات وشه
وليد: انتي كمان شكلك بتحبي الايس كريم
صفيه سابت الكوبايه وفضلت تمسح بئها بأيدها: لاء
وليد: استخدمي منديل بهدلتي نفسك
صفيه: متشكره
وليد: ماما بعتت معايا العاب للتؤام
مالك" طنط صابرين انا بحبها اوي
وليد: وهي بتموت فيكم انسه نيره العلبه دي خاصه بيكي انتي قالت لي انك بتحبيها
الاولاد فضلوا ياكلوا ويأكلوا وليد الي مبسوط معاهم جدا وكل شويه يشده في شعره يطلعوا في كتافه ونيره تتأمل حنانه عليهم وتعتذر ليهم في سرها انها حرمتهم من حنان ابوهم وعيونها ترغرغ بالدموع وبعدين ترجع تضحك علي بهدلتهم فيه وهو مبسوط ولا اشتكي
بعد وقت وليد اخدهم وطلع بيهم برا المول ومالك بيجري مسكه بحنان: براحه يا مالك لتقع حبيبي
مالك: هنروح فين بعد كدا
صفيه: هنروح بقي البيت ونبقي نرجع تاني
ملك: يعني هتجبينا هنا تاني
صفيه: اكيد بس لازم نرجع البيت يله بينا
وليد حضنهم بحنان: حبايب قلب عمو وليد اسمعوا كلام ابله نيره عشان المره الجايه اخدكم واجبلكم ايس كريم
التؤام: اوعدنا الاول
وليد: اوعدكم وعملهم حركات الوعد بالسبابه
صفيه اخدت الولاد وجايه تتحرك
وليد نداه عليها: انسه نيره نسيتي الالعاب
صفيه : عايزه اقولك علي حاجه واحد زيك مش نوعي المفضل يله ياولاد
وليد وقف شويه وبعدين ابتسم وراح يركب عربيته
:::::::::منه محمد::::::::::
تاني يوم في الشركه
دريه بنفعال رمت الاوراق علي سطح التربيزه: مين الي عمل العرض ده
وليد: انا
دريه: ايه الترويج النيله ده ده ولا ممتع ولا فيه اي حاجه عدله
جلال: دريه اهدي وليد قال هيصلح الامر مفيش داعي نخلق مشكله
دريه: طبعا يصلح ده و احد قاعد يلعب ازاي واثق فيه بعد ما خلنا خسرنا وضيع من ايدينا مشروع كبير وضخم احنا كا ن بينا وبين وليم علاقه ممتازه ازاي تفسدها بينا وبينه بالشكل ده
هشام بسخريه لاذعه :معلش يا ماما هو عنده ثقه بنفسه اوفر معتقد دايما انه لا يمكن يخسر ودايما هيفوز
وليد بهدوء: هتحمل المسؤليه
دريه :هتتحمل المسؤليه ازاي هتستقيل
جلال بسرعه :ايه الكلام ده يا دريه وليد يما عمل صفقات للشركه واظن لما يغلط غلطه واحده نطالبه يستقيل
دريه: تمام هعتبر الامر ده مجرد غلطه بس لو استمر في الخساره ههتم بنفسي بالامر اتفقنا
وليد بنظرات تحدي: اتفاقنا
::::::: منه محمد:::::::::
نايمه في حضنه بكل وقاحه
منال: طمني شغلك عامل ايه؟؟
هشام اخد نفس من السجاره: بقي كتير ووليد مش بيحاول يضايقني من ساعه ما خسر صفقه وليم وهو اتغير
منال عقدت حواجبها : اتغير ازاي
هشام: مش مهتم بالشغل نفس الاول حتي بابا بيشتكي منه
منال: طيب ده كويس ودي فرصتك
هشام :ايوه بس مش دايما هننتصر علي الامبراطور
منال: وليه لاء
هشام: ايه عندك خطه وتكتيك
منال ضحكت بخلاعه:ايوه عندي ودي عشان تعرف قد ايه بحبك وكمان عايزاك تظهر كفائتك لوليد عشان ميقدرش يفوز عليك وانا هساعدك
هشام :انا قربت اقدم عرض علي فندق جديد والامبراطور حاطط عينه عليه
منال :سيب لي الامر ولا تشغل بالك
هشام: حبيبتي يا منال
::::::منه محمد::::::::::
لقيته واقف بضهره بيتكلم في الموبيل راحتله وندهت عليه: وليد
وليه لف ببصلها وقفل الموبيل : مني ايه الحظ الجميل ده بجد انا محظوظ
نيره ببتسامه عريضه: ليه بقي محظوظ
وليد ضمها لحضنه جامد: اصلك وحشتيني اوي
نيره: استاذ وليد ممكن تبعد حاسه اني هتخنق مش قادره اخد نفسي
وليد: سوري اصلي اتحمست لما شوفتك بس انتي بتعملي ايه هنا؟؟!!!
نيره: ابدا عندي شغل وجيت ارتاح شويه ممكن نروح مكان ناكل واعزمك
وليد بسعاده: موافق
راحوا قعدوا ياكلوا لكن هي مش بتاكل هي سرحانه في الي بتعمله وخايفه يكتشفها ويعرف انها بتخدعه وتقوم الحرب هي مش خايفه من الحرب لاء هي خايفه يعرف ان له منها ولاد وهنا تبقي حرب معلنه وهي الخسرانه
وليد رفع راسه وبصلها: هو الاكل مش عجبك
نيره : ها لاء حلو
وليد: في اليوم الي سبتيني فيه رجعت ادور عليكي بس انتي ليه مشيتي ورجعتي اختفيتي تاني
نيره: حصلت لي ظروف مستعجله
وليد: واضح انها مهمه جدا
نيره: ايوه
وليد: طبعا نسيت اخد رقمك عشان اتصل بيكي
نيره بلعت ريقها وشربت كاس ميه يستحيل تضعف قدامه طنشت احاسيسها ومشاعرها وبصتله وابتسمت بصعوبه
وليد ابتسملها: فيه امر عايز اسالك عنه
نيره: ايه هو
وليد: فاكره لما حكتلك عن شغلي واسراره
نيره: ايوه ها طمني المشروع نجح
وليد: خسرنا واعتقد ان المعلومات اتسربت او بمعني اوضح اتسرقت
نيره بحمقه: باسلوبك ونظرتك بتقول ان انا الي عملتها يا استاذ لو مقابلتنا وكلمنا وقعدتك معايا هتتهمني اني سيئه اسفه ياريت منتقابلش تاني
سابته وقامت تجري طلع يجري وراها لقت خالد واقف مع صفيه والتؤام بيلعبوا في البسين خافت ليشوفهم عملت نفسها وقعت قدامه
وليد إترعب بخوف لماشافها نخ علي ركبه: مالك انسه مني مالك
نيره مسكت دماغها : يظهر هجمتني دوخه
وليد: طيب تعالي معايا ا وضتي هخليكي ترتاحي
وبالفعل اخدها قعدها علي الكنبه وسندت دماغها وراح جاب لها كاس ميه وبرشامه للصداع
وليد بصلها بجديه : خدي الدواء الجو حار النهارده وانتي يظهر مشيتي كتير في الشمس
نيره: متشكره
وليد: انسه مني انا اسف مش هتكلم في الموضوع ده تاني ارجوكي سامحيني
نيره: خلاص محصلش حاجه
وليد قرب منها اوي: انا عايزك تعرفي حاجه واحده انا صادق معاكي عشان كدا بتمني متختفيش مره تانيه ولو اعتبرتي الي بينا غلطه انها بعتبرها غير كدا
نيره قامت بعصبيه خايقه تضعف قدامه:عن اذنك عشان عندي معاد لازم امشي
وليد: اوعديني الاول اننا هنتقابل تاني
نيره: انا هكون موجوده في نادي الفندق نتقابل هناك
وليد ببتسامه: اتفاقنا
:::::منه محمد:::::::
لبست ونزلت تقابله شافها جايه عليه ابتسم بفرحه كبيره وراح يسلم عليها
وليد: شكرا انك جيتي
نيره: بصراحه مكنتش هاجي
وليد بصدق: علي فكره والله العظيم انا بحبك وعمري ما تخيلت احب حد بالشكل ده
نيره: انا كمان فيه امر عايزه اقولك عليه عشان تعبت
وليد: ايه هو
نيره لسه هتقوله اني بكرهك لقت خالد بيدور عليها ردت بسرعه: ان انا كمان بحبك وباست شفايفه
ولما حست ان خالد مشي دفعته بعيد عنها وطلعت تجري
وليد جري وراها: طيب ليه بتجري مني
نيره: عشان انا انسانه كدابه ومش كويسه زي ما انت مفكر وعمري ما هكون معاك جاده ابدا
وليد بتعجب: قصدك ايه انا احترت فيكي
نيره: اسمع انا عايزه الامور دي تنتهي هنا وحالا
وليد بغيظ: انتي مش لسه قايله انك بتحبيني
نيره: لاء مش قصدي كدا انا حبيت اعرف مشاعرك ناحيتي وخلاص عرفت انك غبي واغباء مما كنت اتصور
وليد هجم عليها وشد دراعها وهو شادد علي اسنانه: ايه اللعبه الي بتعلبيها انطقي
نيره سلكت ايدها منه بحده: دي مش لعبه دي تسليه بالنسبه لي وبعترف انها مجرد غلطه بس بعد ما اكتشفت انك دورت عليا 3 سنين خلتني احس بالحماس حبيت ازلك وتفضل تدور عليا وتعاني بسببي بعد ما اعترفت انك بتحبني خلاص مفيش شئ مميز في اللعبه بعد كدا ومن دلوقت اياك تدور عليا لاني مش بحب المواضيع الي مفهاش تحدي باي
وليد واقف يبصلها بنظرات ناريه تجاهلت نظراته وبصتله بكره بتكرهه ولاخر يوم في حياتها هتفضل تكره زي ما دمرها وحطمها حست بالدموع هتخنقها فقررت الانسحاب وطلعت علي اوضتها قبل ما تضعف اخدت نفس وبعدها كملت طلوع السلم بهدوء