رواية ملاك نورت حياتي الفصل الثاني عشر12 بقلم الكاتبة المجهولة

البارت الثاني عشر

اسر : مراد بالله عليك رد علينا 

امير : طب اعمل اي اشاره لو انتا سامعنا الحق يا اسر دم مراد مراد فوق بالله عليك

مراد وهو بيفتح عين واحده : تمثيلي حلو

امير قعد علي الارض يهدي شويه لكن اسر مستناش اداله بالبونيه علي طول في وشهه 

مراد : ااااه يخربيتك اااه ده انتا عايز تموتني بجد 

اسر : احسن ولو فكرت تعملها تاني هموتك 

امير بزعيق : انتا فاكر ده هزار انتا ايه معندكش دم مبتحسش ده احنا كنا هنموت بنحسبك حصلك حاجه تاني 

اسر : سيبه يا امير والله لو جرب يعملها تاني هيبقا فيها موتك فعلا يامراد انتا ايه يابني مش كل حاجه في حياتك هزار مفكرتش فينا طب مفكرتش في ساره لو كنا قولنالها كان هيحصلها ايه 

مراد : خلاص بقا اجدعان انتو اوفر ليه ما انا عايش اهو لا مانع من حبه لطافه كده 

امير : تصدق انك زباله يلا بس للاسف منقدرش نعيش من غيرك 

وراح حضنه 

مراد : والله انتا عسل ياض يا امير.. ما خلاص بقا يا اسر ما انتا اخدت حقك وخرشمتني 

اسر : وانا هسامحك بالسهوله دي وتيجي تعملها تاني اللي انتا عملته مش سهل ده احنا كنا نموت فيها ده انتا اخويا حته من روحي انتا حمار 

مراد وقام علشان يحضنه: خلاص بقا والله ما هعملها تاني خلاص ها خلاص 

اسر : ماشي خلاص بس حسك عينك تعملها تاني 

مراد : حرمت يابيه والله ده اانتا طلعت حتي في حبك عنيف ياعيني عليكي ياختي 

امير : ههههههههه يلا بقا حضن جماعي 

اسر : يلا ياض العب بعيد ويلا علشان نروح اتاخرنا 

مراد : طب ثانيه 

ووقف علي الكرسي وجاب حاجه 

امير : ايه دي 

مراد : ملكش فيه يلا 

وبعد لما روحو 

ساره جريت علي مراد : هاا تمام 

مراد : تمام 

ساره : ايدك علي الكاميرا 

مراد : خدي 

ساره : ياجماعه تعالو بسرعه فيلم مراد جابلنا فيلم 

امير : فيلم ايه ده 

مراد : ربنا يستر 

نور ومنه : ايه في ايه 

نور : ايه ده اسر انتا جيت امتا 

اسر : لسه جاي حالا 

مراد : هو اسر لوحده الله جه 

اسر : ما اختي واقفه بقالها ساعه عمالها تكلمك ولا عبرتني حتي 

مصطفي وايمان : في ايه ياساره 

ساره : مراد جاب فيلم حلو اووي تعالو نتفرج عليه 

مراد : انا شايف نظره الشك في عينيك ياصاحبي 

ساره شغلت الفيديو وكان مراد واقف علي هيئه الجري وطلع الفيديو بتاع المقلب 

وفجاه اسر راح شادد اللاب وشال الفلاشه واخدها 

وكانوا لسه مشافوش الا اولها 

ساره : بالله عليك يا اسر اشوفه 

اسر وهو بيشاور علي الفلاشه : عملت كل ده علشان دي تمام ماشي يامراد ابقا قابلني لو سمعتني بكلمك تاني سامحتك مره وقولت اتعدلت بس استهتارك بمشاعر الناس ده مبالغ فيه 

وجه يمشي مراد مسكه من ايده : اسر اسف والله صدقني مكنش قصدي اللي انتا فهمته انا كان قصدي تسليه 

اسر : انتا بالنسبه ليا دلوقتي انتا جوز اختي وبس فاهم يعني ايه وبس 

مراد بزعيق (اول مره مراد يبقا فيها جد)

في ايه يا اسر ايه الهبل اللي انتا بتقوله ده انتا ودنك سماعه كلامك ولا انتا بتخرف علشام حتة موقف اهبل تتخلي عني 

اسر : بالنسبالك موقف اهبل بالنسبالي لا بالنسبالي انك لعبت بمشاعرنا مش انا بس انا وامير وجاي في الاخر كان هزار كان مقلب والمطلوب اننا بعد ما قلبنا وقف عليك تقول كنت بهزر انا عشت طول عمري اه معنديش اخ بس كنتو انتو اخواتي تخيل شعورك اما تشوفني واقع علي الارض ومش بتحرك  وبنزف وانتا مش عارف تعمل تعرف ساعتها حسيت اني متكتف مش عارف اعمل اي حاجه نسيت كل اللي اتعلمته في الكليه حسيت اني افشل دكتور في العالم حسيت اني لزمتي ايه كا دكتور طالما مش عارف انقذ صاحبي وبعد كده فوقت وقلتلك اني كنت بهزر لا وكمان صورت المقلب وبوريه للناس ايه الاستهتار بمشاعر الناس 

مراد : اسر انتا مش حاسس انك اوفر شويه ما امير اهو معملش حاجه 

اسر : اقولك انا ايه علشان امير قلبه طيب ولما انتا فوقت نسي كل حاجه وهمه الوحيد انك الحمد لله محصلكش حاجه بالله عليك ده حد يستاهل انك تعمل كده فيه وسعلي بقاااا 

مراد : مش موسع يا اسر 

اسر بزعيق : بقولك وووسسع 

مراد :ولو موسعتش هتعمل ايه

وفجاه اسر اداله بالبونيه في وشه ومراد ردهاله وبقت خناقه ومحدش عارف يحوشهم 

مصطفي : بسسسسسسسس ايه مش عاملنلي احترام يلا كل واحد علي اوضته 

اسر طلع علي اوضته ونور طلعت وراه ومراد طلع وساره طلعت وراه وامير ومنه راحو قعدو في الجنينه 

عند اسر ونور 

نور : اسر ممكن تهدي 

اسر : اهدي ازاي اهدي ازاي ده كان بيستهزاء بيا 

وبعد لما هدي شويه 

نور : اسر ممكن الفيديو 

اسر : اييه لا طبعا 

نور : والله ما هعمل حاجه هشوفه بس علشان خاطري 

اسر ضعف قدامها واداها الفلاشه وشافت الفيديو

نور : طب انتا زعلان ليه ومين قالك انه بيستهزا بيك وليه مكسوف من الفيديو علشان مكنتش في وعيك تعرف يا اسر مشكلتك انك بتحسب كل حاجه في حياتك ياعني قبل ماتعمل الحاجه بتفكر فيها ميه مره علشان محدش يغلطك وفي الفيديو مكنش في وقت تحسب اذا كان اللي انتا بتعمله ده صح ولا غلط وعلشان كده مخلتش حد يشوف الفيديو خوفت يستهزاو بيك بس بالعكس انا لما شوفت الفيديو عجبني جدا خوفك علي صاحبك وصحبيتكو انتو التلاته وانكو مش مجرد صحاب لا انتو حياه بعض لو واحد فيكو راح انتو هتموتو واللي انا شوفته تحت ده مش خناق وده اكبر دليل علي صحبيتكو انتو مكنتوش بتضربو انتو كنتو بتهوشو والدليل انك حته متجرحتش جرح صغير اللي قصدي اقولهولك ان انا وانتا عارفين ان مراد كان بيهزر وانك كل كلمه قلتها تحت كانت من ورا قلبك ومفيش كلمه طلعت من قلبك ده انتا حتي وانتا بتتخانق معاه كنت بتحكيله عن وجعك لما عمل فيك المقلب اسر روح صالح مراد انتا مستني اللي يقولهالك اساسا علشان تجري تصاالحه 

وفجاه دخلت ساره جري عليهم 

ساره بعياط : اسر اسر الحقني مراد مرمي علي الارض وانا مش عارفه اعمل حاجه ابوس ايدك الحقه 

اسر مستنهاش تكمل كلامها وقام نده علي امير وامير جه بسرعه وجريو شالوا مراد وودوه المستشفي وهما دلوقتي قاعدين مستنين الدكتور يطلع لان اسر وامير اعصابهم كانت فالته خالص 

اسر بدموع : هو ايه اللي حصل ياساره 

ساره بعياط: لما طلعنا كنت بكلمه عادي وفجاه مره واحده داخ ومبقاش قادر يقف وجري علي الحمام وقفل الباب وفضل يرجع بعديها هدي شويه وفتح باب الحمام ومكنش قادر يمشي ومره واحده وقع

اسر واخيرا استسلم لدموعه : انا السبب انا اسف يا صاحبي انا اسف قوم بس انتا وانا والله ما هعمل كده تاني 

وفجاه خرج الدكتور : هو دلوقتي فاق بس هنعمله شويه تحاليل علشان نتاكد اذا كان 

اسر رد بسرعه : عمل 

الدكتور : والنتيجه 

اسر : لسه 

الدكتور : طيب تمام تقدرو تشوفوه 

دخلوله وساره جريت عليه حضنته وهو قعد يهديها 

ساره بعياط : ينفع تعمل فيا كده انا كنت هموت 

مراد : بعد الشر عليكي بعدين خلاص ياحببتي انا كويس اهو 

ساره : انا اساسا مش هخليك تسبني وتمشي ابدا 

مراد بابتسامه (ملوش نفس للضحك ياعيني ) : ماشي يا ستي 

اسر. : ممكن تسيبونا لوحدنا شويه 

مصطفي : ماشي يلا ياساره يلا يانور يلا يا امير يلا يا ايمان يلا يا منه هنده علي كل واحد باسمه يلا بقا وخرجوا كلهم وسابوهم اسر راح قعد جمب مراد 

اسر : تعرف انك جزمه وزباله وحمار ومبتفهمش بس مقدرش اعيش من غيرك انتا اخويا يلا انتا روحي انتا مش متخيل لو حصلك حاجه انا ممكن يحصلي ايه مع انك جزمه وحمار بسس اعمل ايه قدري انك تكون صاحبي واخويا عارف لو عملت كده تاني هعمل ايه 

مراد بابتسامه : ايه 

اسر : ولاحاجه انتا اخويا يلا 

وحضنه 

امير : الله الله ماليش في الحب ده انا بقا ولا ايه 

اسر : تعالا 

وحضنوا بعض ووعدوا بعض انهم يفضلو مع بعض ولو حصل ايه وعدت الايام ومراد خرج من المستشفي وكل مدي بيعشق ساره اكتر اما نور واسر فعلاقتهم اتطورت جدا واسر بدا يعلمها ازاي تبقا شخصيه قويه وكده وبقو اكتر من صحاب بس محدش لسه نور مصارحتش نفسها بمشاعرها وبقوا مبينموش الا وهما في حضن بعض ساعات بيستغربوا ده حب ولا تعود الله اعلم وامير ومنه بقوا اكتر من صحاب بيخرجوا مع بعض وبيحكو لبعض كل اسرار بعض  وعرفتو علي اهلها علي السكايب وهو وداها لامه وعرفها ان ابوه مات من وهو عنده 10 سنين بس لسه محدش اعترف لنفسه بحقيقه مشاعره وفي يوم كان يوم عادي جدا شويه غلاسه من مراد علي شويه ضحك من امير علي شويه جد من اسر وخرجو واتفسحوا وكلهم كانوا طايرين من الفرحه وراحو الملاهي وكانت نور مستمتعه جدا وحاسه ان اسر بيعمل كل حاجه علشان يسعدها لحد لما كانوا نزلو من اللعبه 

نور : اسر انا عايثه غزل البنات

اسر : عايثه ماشي ياستي تعالي اجبلك 

وجابلها وكانت ماشيه عماله تتنطط وهو فرحان جدا وحاسس ان هو فرح طفلته 

اسر : بس يا حببتي بس الناس تفتكرني ماشي مع بنتي مش مراتي 

نور : انا مش طفله 

.....: اي ده ده اسر مش معقول واحشني اووي فينك 

اسر : ديانه انتي بتعملي ايه هنا 

ديانه : بفسح بنت اخويا انتا عارف الاطفال بقا بس انتا بجد واحشني جدا اه ده دي مين متكونش بنت اختك 

اسر حاول يمسك ضحكته علشان نور متزعلش بس سكت لما لقي نور زعلت وبصت بصه كانها بتقوله حتي انتا راح بصلها بصه معناها متسبيش حقك 

وفجاه الله اعلم نور جابت الشجاعه دي منين يمكن علشان كانت مطمنه ان اسر موجود وقالتلها : لا مراته ياحببتي 

ديانه بصدمه : ايه اسر. انتا اتجوزت ازاي مستحيل احم احم قصدي انا اسفه بس انتي شكلك صغير اووي فخلاني احسب انك بنت اخته 

نور بخبث : لا عادي ولا يهمك يادبانه

المره دي اسر مقدرش يمسك نفسه من الضحك لدرجه انه مكنش قادر يتنفس من الضحك اما ديانه فكانت شايطه 

نور ببرائه : بتضحكي علي ايه مش انتي اسمك دبانه بردو 

ديانه بكره : انا اسمي ديانه مش دبانه 

نور : ااه معلش سمعت غلط 

اسر : ههههه يلا سلام بقا يا ديانه 

ديانه : سلام ابقي كلمني ها رقمي معاك 

نور : سلام بقا يادبانه

ديانه : والله لاوريكي مين هيا ديانه المنصوري 

ومشيوا واسر مبطلش ضحك 

اسر : احرجتيها احراج 

نور : هو اللي انا عملته ده غلط 

اسر : لا مش غلط هيا اللي بدات ولو اتعرضتلك تاني ردي عليها 

نور : اه صح هيا اللي بدات وانتا قعدت تضحك 

وسابته ومشيت 

اسر : يانور استني بس اسمعيني يخربيتك يادبانه يانوور 

اما عند مراد وساره فخلصوا وروحو ومراد راح المستشفي واسر وصل نور وهيا مبتكلمهوش وراحله وكذلك امير وكانوا قاعدين مع بعض في المكتب بيضحكوا علي موقف ديانه لحد لما دخل ممرض ومعاه ظرف 

الممرض : دكتور مراد الظرف ده لحضرتك 

اخده مراد وفتحه وكانت صدمه عمره 

                  الفصل الثالث عشر من هنا

لقراءة باقي الفصول من هنا