رواية #حكايتى مع الزمان#
#الفصل الثالث عشر#
بقلم ديچا❤️❤️
بسم الله الرحمن الرحيم
وقفنا عند ديجا وإيمان لما جالهم الرسائل
عند سليم فالمكتب وقاعد معاه سيف
سليم: مش عارف يا سيف أنا عملت كده ازاي وايه خلانى اصر عليها تيجى الرحله
سيف: حبيتها يا سليم ؟
سليم بتنهيده : هتصدقنى لو قولتلك مش عارف بس كل اللى حاسه انى عايز اشوفها مبسوطه وتبقى قدامى وبناتها كمان اتعلقت بيهم آوى آوى
سيف ضحك:كل ده ومش عارف ده أنت وقعت ومحدش سمى عليك ..😂😂
سليم:بتضحك على ايه أنا غلطان أنى بتكلم مع واحد زيك ....
سيف : خلاص والله حقك عليا مش قصدي طب هتعمل ايه معاها أنا رأيى أنك تتجوزها يا سليم هى حد طيب وجميل محتاجه اللى يعوضها عن اللى شافته وهى وبناتها هيعوضوك يعنى أنت فاهمنى ؟
سليم: ايوة فاهم هما هيعوضونى انى مبخلفش
سيف:مش قصدي اضايقك والله هما كمان محتاجينك تعوضهم
سليم: اللى فيه الخير يقدمه ربنا نكلم عمرو عشان نعرفه بالرحلة عشان يعمل حسابه
/////////////////بقلمي/ديجا❤️❤️❤️❤️
نروح لديچا وإيمان
إيمان:يانهار أبيض الحقى يا خديجه
ديجا بصدمه: حد مصورنى مع حازم فالعربيه وهو موصلنى من أسبوع
إيمان: ولاد الحرام كتير بس ليه يعنى مصورينك
ديجا: اديكى قولتلى ولاد حرام الصور مفيهاش حاجه يعنى بس برن عالرقم مقفول
إيمان: تلاقيه بعد مبعت ليا وليكى قفل الفون عشان تلفى حوالين نفسك بس ولا يهمك
الباب خبط وكانت مليكه بتبلغ ديجا ان خالها عمرو جه بره
ديجا: إيمان من فضلك متقوليش حاجه قدام عمرو لحد لما اشوف مين اللى بعت الصور
إيمان: عيب يا ديجا متقلقيش يارب توصلى للعمل كده
ديجا: يارب ... وخرجت لعمرو
عمرو : خوخه عامله ايه
ديجا: حبيبي الحمدلله..اتغديت ولا لسه
عمرو:اقعدى بس عايزك فى حاجه مهمه ..
ديجا بقلق: خير فى أيه
عمرو:حد بعتلى الصور دى
٢
ديجا ببكاء : والله يا عمرو ده كان موصلنى يوم المطر وكان بالنهار وقدامك الصور مفيهاش حاجه يعنى
عمرو حضن ديجا:عارف ياحبيبتي ومش بتهمك أنت عمرك ماتغلطى وأنا واثق فيكي أنا جاى اقولك متقلقيش وأنا فى ضهرك
ديجا:ربنا يخليك ليا
رن فون عمرو وكان سليم
عمرو: الحمد لله يا بوب
سليم:........
عمرو: خلاص تمام أن شاء الله جايين مقدرش ازعلك طبعاً
سليم:.........
عمرو : سلم عليه وعليكم السلام
ده سليم عزمنا على رحله الاقصر و اسوان وأنا واقفت بعد اذنك طبعا إنت محتاجه تغيرى جو
ديجا: تمام يا حبيبي امتى السفر
عمرو: يوم الخميس معاكي ٣ ايام حضرى نفسك بقى إنت والبنات .. أنا همشى عشان اظبط امورى مع صحابى ال ٣ايام اللى هغيبهم
وإنت مش عايزك تشيلى هم حاجه انا هعرف مين ده واجيبه من قفاه
ديجا:ربنا يحفظك ويخليك ليا من غير مشاكل ياحبيبى
عمرو: خليها على الله سلام
إيمان:ايه ده طلع عارف اصل سمعته وانا داخله المطبخ
ديجا:ايوة الواطى بعتله الصور برده بس مقالش هو غرضه ايه من كل ده
////////////////// بقلمي/ ديجا❤️❤️❤️❤️
عند الحاج حسن فالبيت الكل عالسفرة
سيف: كله تمام يا حاج ظبط كل حاجه عشان الاجازة وسليم أكد الحجز بتاع الفندق
حسن: كويس وعملتوا ايه مع خديجة
سليم: جايه هى والبنات وعمرو
ساميه: طب وعزة وسارة اخص عليك ياسليم
سليم: مقصدش والله يا ماما بس خديجة مكنتش هتوافق من غير راجل
ساميه: لو ينفع يا بنى يجوا معانا احجز لهم
سليم: حاضر يا ماما
روزا : أنا عايزة بروجرم تحفه عايزة الف البلد كلها حته حته ممكن
حازم: ممكن طبعاً وأنا عندي كام روزا
سيف:خف ياعم فى سناجل اوعدنا يارب
ضحك الجميع على كلام سيف
///////////////بقلمي/ديجا❤️❤️❤️❤️
تانى يوم عند ديجا نزلت راحت الشغل
منى : ازيك يا خديجة عامله ايه
ديجا: الحمد لله يا منى ها ايه اخبار الشغل
منى: كله تمام مفيش جديد
ديجا: طب تمام روحي على مكتبك بقى ولا عجبك مكتبى اتفضليه
منى : لا على أيه ده الشغل مع مستر سليم رعب يا ختى ده عليه شخطه
ديجا بضحك:عملتى ايه عشان يشخط فيكى
منى : ده انا طيبه والله بس هو شكله مش طايقنى شكله اتعود عليكى
ديجا: اسمها اتعود على شغلك مش عليكى
منى : ماشى يا اختى اخلع أنا بقى سلام
جه سليم أول لما دخل ولقى ديجا قاعده عالمكتب ابتسم تلقائيا لوجودها
سليم: صباح الخير يا خديجة
ديجا:صباح النور يا مستر سليم
سليم: عامله ايه المكتب نور
ديجا: الحمد لله منور بصحابه
سليم: أنا حجزت لطنط عزة وسارة معانا ياريت تبلغيها عشان رنيت على عمرو كان فونه مغلق
ديجا:مكنش ليه لزوم والله كده كتير
سليم: ولا كتير ولا حاجه متكبريش الموضوع
ديجا: شكرا جزيلا
ضحك سليم:ممكن اشرب قهوه بس من أيدك
ديجا : اكيد طبعاً
انقضى اليوم وديجا ذهبت لبيتها وسليم ايضآ
//////////////بقلمي/ديجا❤️❤️❤️❤️
فى منزل ديجا حضر كل من خالد وحنان وجلسوا يتسامرون مع ديجا والاولاد ولا جديد فى موضوع الصور او مين بعتها
وانقضوا الثلاث ايام بدون احداث جديدة
يوم الرحله صباح الخميس
ديجا ذهبت والدتها عشان يسافروا مع بعض من منزل والدتها جه سليم عشان ياخدهم للمطار
ديجا:مكنش ليه لزوم يا سليم كنا جينا بتاكسى
سليم: إنت عامله فرق ليه وبعدين دي اوامر ماما يا ستى ماليش دعوة
البنات:سولى وحشتنا آوى آوى احنا مبسوطين أننا هنتفسح معاك بنحبك آوى يا سولى
سليم: أنا مبسوط اكتر منكم وبحبكم آوى آوى يلا بقى عشان منتأخرش
ركبوا جميعاً وبعد وقت وصلوا للمطار واتقابلوا كلهم سوا عشان تبدأ رحلتهم
فى الأقصر وصلوا للفندق ووزعوا الغرف واتفقوا يتقابلوا على الغدا فى المطعم
بعد الغدا خرجوا ركبوا الحنطور والكل كان مبسوط وبيتصوروا فى كل مكان يرحوا
زارو كل المعابد الكرنك ووادى الملوك والدير البحرى والأقصر وركبوا البالون وراحوا جزيرة الموز وسليم حس انه اتعلق آوى بالبنات وبديجا بالخصوص بس كان خايف يكلمها كل لما يفتح كلام يتكلم فالشغل
مش جايله الجرأه انه يقولها انه حبها او حتى معجب بيها بس الكل لاحظ اهتمامه بيها وبالبنات والكل بيدعى فسرة انه يكملهم على خير شكلهم عيله حلوة آوى
ديجا جالها رسالة عالوتس وكانت من نفس الرقم بس المرة دى صور مش تمام آوى
نزلت منها دمعه ومسحتها بسرعه بس كان فى عيون بتراقبها