ملاك نورت حياتي
الفصل الخامس عشر
ساره بعياط : بتكلم عن اللي خبيته علينا طول الشهور اللي فاتت مفكرتش حتي في ابننا وانا اللي فكرت انك بطلت تحبني جبت العيب علي نفسي بس صحيح هتقولي ايه هتقولي انك مدمن
كلهم في صوت واحد : اييييه
مراد : انتي بتقولي ايه
ساره : ايوا الاستاذ طلع مدمن
اسر : انتي بتقولي ايه يا ساره فوقي
ساره : انا بقول الحقيقه كنت علي طول بشوفه بياخد الادويه دي ولو ماخدهاش كان بيحصله حاجه غريبه ولما روحت سالت عرفت ان الادويه دي فيها كميه مخدر كبيره جدا تقدر تقولي بياخدها ليه طالما هو معندهوش حاجه
مراد بضحك : ههههههههههه انا مدمن هههههههه طلعت مدمن في الاخر شوفت يا اسر طلعت مدمن شفت يا امير صحبك مدمن هههههههه
امير : ساره فوقي من اللي انتي فيه ده مراد : سيبها هي مبتقولش حاجه غلط انا مدمن
نور : ايه اللي انتي بتقوليه ده مستحيل وفجاه مراد سكت عن الضحك وبدا يفرك في راسه
اسر : مراد مراد اهدي شويه متضغطش علي نفسك
امير : مراد مراد شايفني طيب
مراد : راسي هتنفجر ااااه
اسر : هاتي يا ساره
ساره : لا مش هديك هو لازم يبطل
مراد : ااااااااه راسي مش قادر
اسر بزعيق : هاتي يا ساره
ساره بعند : لا
وبدا مراد يترعش وعينه تزغلل
اسر : هاتييييي بقولك
ساره : لا هو هيخف من غيره
بووووووووووم
وفي لحظه دوت صوت ضربه اسر لساره بالقلم في كل البيت كان اول مره في حياته يمد ايده عليها كانت ضربه قويه جدا لدرجه ان ساره وقعت علي الارض وبوقها نزف وراح اسر يدي الدوا لمراد بس كان فات الاوان كان خلاص مراد في عالم تاني
اسر : مرررراد رد علينا ابوس ايدك
....امير امير الاسعاف
امير بعياط : مافيش وقت لازم نلحقه
اسر بزعيق : بتتفرجوا علي ايه ساعدوني
راح امير واسر ومصطفي شالوه وودوه العربيه ومشي اسر بسرعه البرق احساس ان صاحب عمرك واخوك بيروح منك وانتا متكتف مش عارف تعمل حاجه احساس وحش اووي مش هيحسه الا اللي عاشه
اسر : بسرعه ساعدونا ندخله اوضه الكشف
ودخلوه وكلو مستني بره علي نار
اسر بعصبيه : والله لو حصله حاجه ماهسامحك طول حياتي
ساره وهيا بتحاول تقنع نفسها انها مش غلطانه : انا مش السبب في حاجه كل اللي حصل ده حصله بسبب الزفت اللي هو بيشربه
امير : بيشرب ايه بيشرب ايه انتي هبله ولا مجنونه انتي لايمكن تكوني ساره انتي بني ادمه بارده من غير مشاعر ومبتعترفش بغلطها
اسر : بيشرب ايه بيشرب ايه بعد كل اللي عمله علشانك وجايه تقوليلي بيشرب انتي ايه مبتحسيش مراد عنده ورم في المخ عرفنا في اليوم اللي عرفتي فيه انك حامل عارفه مع انه كان تعبان ومش قادر بس مقدرش يزعلك وميخرجكيش وتحسبي انه مش فرحان انك حامل كان كل همه يسعدك وبس في اليوم ده حالته سائت جدا بس اتحمل علشانك واول يوم كيماوي انتي مكونتيش شايفه قد ايه هو بيتعذب كان بيموت في اليوم ده اضطر انه يقولك انه هيفضل في المستشفي بليل علشانك مكانش عايزك تشوفيه تعبان وتزعلي كان بيخاف خوف انك تشوفيه وهو بياخد الدوا تقلقي عليه لدرجه انه كتير كان بيستنا يجي المستشفي بعد كده ياخد الدوا بس لما كان الالم بيزيد اووي كان بيضطر ياخده في البيت كان علي طول يقولي نفسي اعيش لحد لما اشوف ابني نفسي اشيله واكبر في ودنه اول لما يتولد نفسي اخفف عن ساره كل التعب اللي بتتعبه بسبب الحمل وفي الاخر كان جزاته انه يتقال عليه مدمن بجد انتي متستهليش يحبك كل الحب ده
كانت كل كلمه تنزل علي مسامع ساره صدمه ازاي استحمل كل حاجه علشاني ازاي صبر اووي كده ازاي انا وحشه اووي كده
ومش علي ساره بس كانت عليهم كلهم صدمه ايمان انهارت وقعدت تعيط ونور اغمي عليها وشالوها اما ساره فكانت واقفه مكانها متنحه بتحاول تستوعب اي حاجه وفجاه وقعت علي الارض وقعدت تعيط كتيير اسر صعبت عليه في الاول وفي الاخر ده اخوها والاخ مبيقدرش يشوف اخته بتتالم ويقف مكانه ثابت راح حضنها
ساره بعياط جامد : انا انا وحشه اووي هو هو استحمل كل ده علشاني انا وحشه يا اسر اسر بالله عليك ماتخليهوش يروح مني انا مقدرش اعيش من غيره طب ابننا هو اكيد مش هيسيبني
اسر : اهدي اهدي ياساره انتي حامل انا اسف انا كنت متعصب بس متاخديش باي كلام قولته
بدات ساره تتحرك وكانها بتتالم وتتاوهه
ساره : اه ااه ااااااااااه ااااه مش قادره انا بولد
ايمان : بنتي الحقها يا اسر بتولد
اسر : بسرعه بسرعه دخلوها العمليات
ساره بعياط : ااااااااااه اااه مررراد ااااه
وفي اللحظه دي مراد فاق
الدكتور : انتا شايفني
مراد بتعب : اه
الدكتور : طب دول كام
مراد : 3
الدكتور : طب حاسس باي تعب
مراد : عايز اشوف ساره
الدكتور : اهدي يا دكتور مينفعش تتحرك ده خطر عليك
مراد : حاسب كده
وخرج
اسر وامير : مررراد
مراد وهو دايخ ومش عارف يقف : ساره ساره فين هيا كويسه انا حاسس انها مش كويسه
اسر : انتا كويس قومت ليه
مراد : مش مهم دلوقتي فين ساره
امير : بتولد
مراد : ايه ازاي اسر
اسر : كان غصب عني مقدرتش استحمل
مراد : كنت عارف انك هتعملها ليييه ليه عملت كده
امير : مراد اهدي علشان خاطري
وفجاه سمعو صوت دوشه
نور : بقولك سيبيني هروح اشوف اخويا
اسر جري علي اوضه نور
اسر : نور نور اهدي مراد كويس والله
نور بعياط : لا انا عايزه اروحله
اسر اخدها في حضنه
نور : ليه مقولتليش ليه ليه عملت فيا كده ليه
اسر : خلاص اهدي
وفي اللحظه دي دخل مراد
نور : مراد مراد
مراد راح حضنها
مراد : خلاص اهدي انا كويس
نور : مراد مراد انتا معملتش حاجه انتا مبتشربش انا عارفه انك مش هتكذب عليا
مراد بسخريه : حتي انتي
نور : لا والله انا هصدقك لو قولتلي انك مبتشربش
مراد بحنان : انتي تتخيلي اني ممكن اعمل كده
نور : لا انتا مستحيل تعمل كده
مراد : طب بتساليني ليه
الممرضه : د. اسر المدام خرجت من العمليه
اسر : طيب ماشي روحي انتي انا جاي
الممرضه : حاضر
وراحوا كلهم لحد ما وصلو للاوضه ومراد وقف
اسر بحزن : مراد
مراد : مش هقدر
امير بحزن : بالله عليك انتا كده مش بتعذب نفسك بس انتا كده بتعذبها معاك
اسر : وافتكر ان دلوقتي في بينكم طفل
مراد : بالله عليكو انتو متتعبونيش مش هقدر انا لسه مش قادر استوعب اساسا
امير : خلاص يا اسر خليه ويلا نخش احنا
دخل امير وجه يدخل اسر مراد مسكه
مراد : اسر ....................
اسر : متقلقش هخرج بسرعه اقولك هيا عامله ايه
مراد : بس بالله عليك متتاخرش
ودخل اسر
اسر باصطناع الفرحه : حبيب خالو عامل ايه
امير : حبيب خالو في عينك ده حبيبي انا
اسر : انا خاله يبقي انا اللي اشيله الاول امير : لا انا اللي هشيله يا ايمي خليه يسيبه بقا
ايمان : هتفضلو تشقطوه لبعض بعدين ده مش ولد دي بنت
امير : الله بنوته كيوت تجوزهاني
نور : لا انا بقا عمتو يبقا انا اللي اشيله هات يا اسر
اسر : تؤ تؤ دي بتاعتي انا وبس بعدين انتي مش عمتو انتي مرات خالها
نور : لا والله لا انا عمتو
ساره بعياط : بس تمثيل بقا
اسر راح حضنها
اسر : خلاص اهدي يا حببتي
ساره بعياط : هو هو مش عايز يشوفني او حتي يشوف انا جبت ولد ولا بنت
اسر : معلش يا ساره اصل دي حاجه صعبه عليه اووي يلا انتي ارتاحي انتي وانا هخرج اوريه بنته
ساره : لا انا عايزه اشوفو
اسر : خلاص بقا نامي واسمعي الكلام انتي لسه مش كويسه
واخد اسر البنوته وخرج
اسر : يلا خد كبر بقيت اب لاحلي بنوته في الدنيا
مراد : دي دي بنتي انا
اسر : اه والله يلا خد شيل بسم الله
مراد : اللله اكبر. الله اكبرررر. الله اكبر الله اكبررر .اشهد ان لا اله الا الله .اشهد ان لا اله الا الله . اشهد ان محمد رسول الله . اشهد ان محمد رسول الله . حي علي الصلاه .حي علي الصلاه .حي علي الفلاح .حي علي الفلاح . الله اكبر .الله اكبر .لا اله الا الله
اسر : صوتك حلو اووي
مراد : الحق يا اسر نامت
اسر : هو حد يسمع الصوت ده ومينامش
وفجاه لاقاهم خرجين من الاوضه كلهم
مصطفي : مكنتش اعرف ان صوتك حلو اووي كده
مراد : انتو سمعتو بصو نايمه يالهووي حبيبه بابا ياناس يخلاصي علي العسل عايزه تتاكل
امير : ايه يا عم هتعشلنا دور الاب بقا
مراد : عقبالك ياخويا
امير : ياررررب اتجوز الاول بس اصل انا حاسس اني هعنس ها
اسر : ههههههه مفهمتش
امير : ولا عمرها هتفهم ياعم فكك منها
منه : بتتكلموا عن مين
امير : لا ولا حد متاخديش في بالك انتي بس
منه : ماشي
ايمان : طب يلا امشو انتو علشان مينفعش كلنا
اسر : لا انا هقعد
نور : اه هقعد انا واسر
اسر : لا روحي انتي يا نور علشان متتعبيش
نور : لا مش هتعب
مصطفي : لا انا اللي هقعد دي بنتي وانا عارف هيا عاوزه ايه امشو انتو
ايمان : لا انتا ماخدتش ادويتك انهارده لازم تروح تاخدها انا اللي هقعد
مراد : بس انا اللي هقعد دي مراتي انا وانا اللي هقعد وكلكو هتمشوا
امير : انا مش ماشي
مراد : امشي بقا يا امير متتعبنيش
امير : لا انا كده كده لسه عندي مرضي ف هقعد
مراد : طيب ماشي يلا انتو بقا يلا
امير : منه بقولك ايه
منه : نعم
امير : اااا ااا خلاص
منه : خلاص ايه يابني قول
امير : اااا لا اصل كنت هقول ااا مش هتيجي نزور امي
منه : اه ماشي ياريت علشان طنط وحشتني اووي
امير : ماشي هخدك في اقرب وقت
منه : ماشي يلا سلام يادرش
امير بضحكه : سلام يا مجنونه
مراد بضحك وهو بيبص علي المكان اللي كانت واقفه فيه : مشيت والله مشيت يعم هتفضل مبحلق كده كتير
امير : تصدق انك عيل فصيل ورخم
مراد : بتحبها
امير : مش عارف بس بحس باحساس غريب اووي معاها بحس انها الوحيده اللي قادره تغيرني بفرح اووي لما بشوفها بتضحك وبزعل اووي لما بتعيط وبيبقا نفسي اخدها في حضني عامله كده زي الطفله بتفرح باقل حاجه وتزعل من اقل حاجه واهم حاجه اني وانا معاها مبفكرش في اي بنت ومن ساعه لما عرفتها وانا مش بهتم باي بنت
مراد : مبروك يا صاحبي واخيرا حبيت
امير : تفتكر
مراد : افتكر ايه ياعم ده انا متاكد
امير : ماشي ياعم الفيلسوف
مراد : طب يلا طرقنا وروح علي شغلك
امير : ماشي بس انتا كويس
مراد : اه انا تمام
ومشي امير وفضل مراد قاعد بره مش قادر يخش عمال يفكر ازاي هيا اللي تفكر كده دي اخر واحده كنت اتوقعها تفكر فيا كده ازاي عملت فيا كده ازاي شكت فيا
.....: مرررراد
(اسف نسيت اقولكم ان نور وساره بسبب كل الاحداث اللي حصلت دي وحمل ساره مرحوش الامتحانات وعادوا السنه وعدت السنه في فتره حمل ساره وفاضل ع الامتحانات شهر واحد بس )