#حكايتى مع الزمان#
#الفصل الثالث والعشرون#
بقلم ديجا
بسم الله الرحمن الرحيم
ديجا وهى قاعده عالمرجيحه سمعت همس مشيت ورا الصوت اللى جاى من الباب الخلفي وكانت جيداء واقفه مع واحد وحضناه وبتقوله : أنا خلاص خليته زى الخاتم فى صباعى وقريب آوى هناخد اللى عايزينه منه ونبقى مع بعض بقى
المجهول: بس لازم قبل ما تسيبيه نبعد عنه الست خديجة دى لاحسن تكشف المستور وساعتها مش هيرحمنا
جيداء: لأ اطمن هى اصلا ناويه تمشى كمان كام شهر وهى مش طايقاه قدامها ويبقى كده أنت عملت اللى عايزه
المجهول: طب أنا همشى بقى قبل ما حد يجى ويشوفنى سلام يا حب
ديجا رجعت مكانها بسرعه قبل ما جيداء ترجع وتشوفها
ديجا لنفسها : مين ده وعايزين ايه من سليم ومستور ايه اللى خايفين يتكشف
جيداء: إنت قاعده كده ليه
ديجا: أنا قاعده على دماغك ولا حاجه
ديجا دخلت لساميه وقالت لها أنها هتروح المشغل والبنات على وصول من المدرسة وسامية طلبت منها تاخد العربية بالسواق
ديجا كلمت سيف يجلها على هناك
سيف:خير يا خديجة مالك
ديجا: الزفته جيداء دى ناويه على شر لسليم وحكت اللى شافته لسيف وسيف حكالها اللى حصل مع الممرضه ايوة يعنى كل ده مدبر
سيف : ايوة هما عايزين يدمروا سليم والمصنع ده هو نقطة الضعف والقوة لعمى ولسليم فهمتى ومتقلقيش احنا واخدين بالنا وبعدين احنا دلوقتى هنستعد للسفر للصعيد ولما نرجع لينا كلام تانى متقلقيش
ديجا:ربنا يستر بقى
سيف: اخبار الشغل أيه
ديجا : الحمد لله الدنيا بدأت تظبط معانا وهنطلع أول طلبيه بعد ١٥ يوم
سيف: طيب الحمدلله ربنا يوفقك خلى بالك من سليم خفى عليه شويه بس لازم تبانوا قدام جيداء أنكم زى ما انتوا
ديجا: اكيد طبعا وشكرا إنك جيت
سيف: يا بنتى إنت اختى فاهمه كلمينى فى أى وقت وأنا اجيلك على عينى
ديجا: ربنا يخليك تسلم يارب
سيف: طيب أنا هعدى أشوف مراتى قره عينى وامشى بقى عشان عندي شغل لازم اخلصه قبل ما نسافر
ديجا: خلاص ماشي وأنا كمان هخلص شغلى واروح
خلصت ديجا شغلها وعدت على مامتها واخواتها سلمت عليهم قبل ماتسافر
عزة : هتقعدوا قد أيه يا بنتى
ديجا:٣ أيام يا ماما أن شاءالله
عزه : إنت مالك كده دبلانه انتى تعبانه ولا حد مزعلك يا بنتى
ديجا:ابدا يا ماما مجهده شويه بس من الشغل وادينى اهو هاخد اجازة ٣ايام اريح فيهم
عمرو: ايوة يا ستى اتفسحى انتى وارمى عليا الشغل لوحدى
ديجا: يا واد يا بكاش ده كل يوم معاك
عمرو: ايوه بس مش باخد اجازات
ديجا: خلاص يا عم ليك عليا اول لما ارجع اديك اجازة تمام كده
عمرو:ماشى يا كبير والحمد لله الدنيا ماشيه تمام
ديجا: ربنا يكرمك يا حبيبي ان شاءالله انا هقوم بقى عشان لسه هحضر الشنط عشان هنسافر بالليل بأذن الله
عزة : خلى بالك من نفسك ومن البنات يا حبيبتي ..سلمت عليهم وراحت عالفيلا
////////////////////بقلمي/ديجا❤️❤️❤️❤️
ديجا وصلت الفيلا وكانت ساميه وحسن وروزا لسه راجعه من المستشفى دخلت سلمت عليهم وقعدوا يتكلموا
حسن: اخبارك ايه يا بنتى
ديجا: الحمد لله تمام او طلبيه هتطلع بعد ١٥ يوم أن شاءالله
حسن: ربنا يوفقك يابنتى بس مكنتش عايزك تسيبى الشغل مع سليم
ديجا: معلش ياعمى كده أحسن ليا وليه
روزا: أنت ممكن تبقى مع سليم بجانب شغلك برده خلى أمل تتابع هناك وإنت مع سليم
ديجا: صاحب بالين كداب يا روزا
جيداء جايه من برة مع سليم وماسكه أيده :هاى يا جماعه
الكل بصلها ومحدش رد
ديجا: أنا هطلع اغير واشوف البنات
روزا :خدينى معاكي
ساميه : وانا هشوف العشا جهز ولا لأ
جيداء: ياريت يا مامى لأحسن أنا وسولى جعانين آوى
سليم مد ايده بورق لباباه عايز امضته :بابا من فضلك امضيلى عالورق ده
حسن:سيبه هرجعه وامضيلك عليه
سليم: تمام هطلع أغير وانزل
الكل طلع غير هدومه ونزلوا عشان العشا
اتلموا كلهم عالسفرة وانضم ليهم سيف وحازم
سيف: ها نويته عالسفر الساعه كام كده
سليم:يعنى هنطلع نرتاح ساعتين كده عشان نقدر نسوق تمام
حازم: أنا هاخد بابا وماما معايا فى عربيتى
جيداء : وأنا وسولى فعربيته
سيف : خلاص انا هاخد ديجا والبنات معايا
سليم اتعصب: لا هيبقوا معايا
سيف : عادى مش هتفرق يا بوب يبقى أنا والشنط فينك يا امول
الكل ضحك عليه وخلصوا العشا وديجا دخلت تعمل القهوة وسالت الكل قال اه إنما جيداء : ممكن تعمليلى نسكافيه
ساميه: فى ناس فالمطبخ تعملت يا حبيبتي
جيداء: أنا قولت حاجه هى سألت وأنا جاوبت باللى عايزاه
ديجا : مافيش مشكله ياماما
ساميه: لا فى مشكله زيك زيها هنا وأحسن كمان
جيداء باصطناع : أنا اسفه شكلى مش مرغوب فيه يا سولى ..وطلعت اوضتها كلمت ياسر وقالتله اللى حصل وشكل المعامله هتبقى كده هناك كمان
ياسر:, خلاص اعمليها حجه وتعالى نقضى الاجازة سوا بصراحه وحشتيني
جيداء : امممم تمام أحسن برده
الكل استعد للسفر وجيداء بلغت سليم أنها مش جايه معاهم عشان مش مرغوب فى وجودها
وصلوا للصعيد والكل رحب بيهم ووزعوا ليهم الغرف عشان يرتاحوا
جده سليم : تعالى يا واد الغالى فى حضنى
كيفك وكيف أخبارك بلغنى أنك اتجوزت ومعاها بنته صغار
سليم:ايوة يا جدتى تعالى يا خديجه سلمى على جدتى
ديجا باست ايدها ورأسها : ازيك يا جدتى أخبارك أيه
جده سليم:زينه يا بتى والله وعرفت تختار ياولد أدب وحشمه مش كيف الأولى خليعه ومايعه أكده
ضحك سليم: طب الحمدلله أنها عجبتك
جم البنات وسلموا عليها وحبتهم آوى
شيماء العروسه : تعالى يا مرت اخوى ارتاحى فى الاوضه دى ولو احتاجتى لشى جولى يا شيماء تلاجينى اهنه طوالى
ديجا:تسلميلى يارب بس أنت عروسه واحنا اللى تحت أمرك
شيماء: تعيشيى يا خيتى عن أذنك ارتاحى شويه على ما الفطور يجهز
شويه ودخل سليم وكانت غيرت ولبست عبايه باللون الزيتى فضفاضه وكانت نايمه وباصه للسقف قعد جمبها وقالها:بتفكرى فى أيه
ديجا:ابدا ولا حاجه بريح شويه بس
سليم: ده أنت طول الطريق ساكته لنايمه مالك فى أيه انتى مخبيه عليا حاجه
ديجا حضنته وهو بادلها الحضن : أنا اسفه أنى ظلمتك وجيت عليك
سليم:يعنى أنت اتاكدتى أنى مظلوم
ديجا:ايوة سيف حكالى كل حاجه وغير اللى شوفته وسمعته وحكت لسليم كل حاجه
سليم:طب الحمدلله مش مهم اى حاجه المهم أنك فى حضنى
ديجا: بس أنا خايفه آوى
سليم: طول مانا جنبك ماتخافيش خلاص
ديجا: حاضر تعالى ارتاح شويه
سليم نام فى حضنها على طول لانه مرهق آوى وهى نزلت دخلت مع الحريم يحضروا الفطار للجميع جت حسنيه : احنا مبنحبش الغرب يمدوا ايدهم فالوكل عاد
ثريا بنتها:على جولك يا ما مش يمكن تحطلنا فى حاجه أكده ولا أكده
شيماء: هتحط ايه عاد يا ثريا اتكلمى زين مع مرت اخوكى بدل لما أروح اقول لستى عاد
حسنيه : شايفه بتك يا سناء بتقف مع الغرب علينا
سناء: أنت وبتك حديتكم ماسخ عاد البنيه واكلها زين احسن منى ومنك عاد وتعالى دوقى
حسنيه:ماعيزاش واصل
جده سليم: صوتكم عالى ليه ياغجر عاد والدى وعياله نايمين واه انتى بتعملى ايه عندك يا بتى
حسنيه:ماخبراش يا ماى عاد وبتحط ايه فالوكل
ديجا:ابدا يا ستى مجاليش نوم قولت اساعد بس والله
الجده: عفارم عليكى يا بتى تسلم يدك
حسنيه بغيظ :واه يا ما عاد ايه اللى بتقوليه ده
الجده: وإنت ايه حشرك انتى أنا حره اقول اللى يعجبنى اطلعى يا بتى صحى جوزك وفطريجك خبطى عالكل ينزل يفطر
ديجا:حاضر يا ستى
طلعت ديجا صحت الكل ودخلت لسليم صحته وأول لما صحى شدها فى حضنه انتى ما نمتيش على كده وسيبتينى ونزلتى
ديجا:مكنش جايلى نوم فنزلت وبعدين أوعى كده حد يشوفنا
سليم:ما اللى يشوف يشوف انتى مراتى
سيف خبط عالباب قاطع اللحظات 😂😂😂
ستك بتقولك أنزل الفطار جاهز
سليم: انا هقطع علاقتى بالواد ده
ديجا بضحك : ده منقذى وجريت على بره وهى نازله حست بدوخه بسيطة كده قالت: يمكن جعانه ولا حاجه
عدى اليوم على الجميع وجم اخوات ساميه واتجمعوا وباركوا لشيماء اللى بالليل حنتها
لبست ديجا فستان زهر بحمالات وعليه كاب وعملت شعرها ضفيره على جنب وحطت ميك اب خفيف عشان الحنه بنات بس ولبست البنات دريسات من نفس اللون لكن بكم عشان الجو برد وسليم لبس جلباب صعيدى واول لما شاف ديجا : انتى هتنزلى كده
ديجا: ايوة احنا بنات بس وبعدين ما أنت لابس وزى القمر اهو وما قولتش حاجه
سليم: دى معاكسه صريحه أهو تيجى ماننزلش ونفضل هنا لوحدنا
ديجا بضحك : امممم شويه وهتلاقى اى حد بيستعجل النزول ما تقلقش
سليم: ههههه ايوة فعلاً فكرينى لما نرجع ناخد اجازة لوحدنا بدل اسبوع العسل اللى باظ
سليم غطى وشها وقالها ما تخلعيش الكاب خليكى كده كفايه انهم هيشوفوا الجمال ده كله
ديجا: حاضر يا حبيبي
سليم: لأ أنا مش نازل وحضنها والباب خبط عارفه لو سيف هقتله
فتح لقى ساميه :اتأخرتوا ليه يلا
ديجا:اناجاهزه يا ماما
ساميه:بسم الله ماشاء الله قمر
سليم: خدى يا ديجا الطقم ده قدميه للعروسه
ديجا: شكرا
ونزلوا وقعدوا يهيصوا جوه والرجاله بره وجه وقت التحطيب وسليم بيرقص بالعصا وديجا بتبص من ورا الشباك وفرحانه بيه شكله يجنن فالصعيدى وطلعت فونها تصوره
وعدت الحنه على خير وطبعا ديجا ما سلمتش من كلام حسنيه وبناتها خصوصا أن الستات اعجبت بيها وبتواضعها فى المعاملة
واخر اليوم ديجا طالعه اوضتها وقعت قدام السلم اغمى عليها
جرى عليها سليم ودخلها اوضه جدته وحازم كشف عليها وفوقها وخرج على وشه حزن وقال 😲😲😲