رواية #حكايتى مع الزمان#
#الفصل الرابع والعشرون#
بقلم ديجا
بسم الله الرحمن الرحيم
حازم خرج وعلى وشه الحزن مش عارف يقول الخبر أزاى
سليم: أيه يا بنى فاقت هى كويسه
حازم: ايوة أدخلها ..دخل سليم جرى ليها
ساميه وحسن قربوا منه : خير يا بنى مالها
حازم: خديجه حامل يا ماما
حسن : وده خبر يزعل يا بنى
ساميه: الف حمد وشكر ليك يارب
حازم: أزاى وكل التحاليل اللى عملها سليم بتقول مستحيل أنه يخلف أنا شوفتها بنفسى
حسنيه وبنتها لما صدقوا حاجه يشمتوا فيها
حسنيه:حامل من مين الف..جره دى لازم تتكلم
ثريا: ايوة دى حلال فيها الجتل يا ما
حسن : اخرسى يا حسنيه أنت وبنتك انتوا أزاى تعيبوا فى شرف مرات ابنى اللى شرفها من شرفنا
الجده:حسنيه خدى بتك واطلعى اوضتك وماتنزليش غير لما اجولك يلا
عند ديجا سليم قعد جمبها : سلامتك يا حبيبتي
مالك فيكي أيه ومسك أيدها وباسها
ديجا : هو حازم مقالكوش ولا أيه
سليم:لا انا مستنش اسمع أصلا
دخل حسن وساميه والجده وسناء : مبروك يا بتى مبروك يا سليم يا ولدي
سليم: مبروك على أيه مش فاهم
الجده: واه مرتك حبله ياولدى ربنا استجاب لدعانا ورزقك
سليم ضحك بهستريا : بجد حامل بجد بس ازاي جرى عليها ودموعه نازله بجد أنت حامل
ديجا بدموع ايضا:ايوة والله حامل أنت ليه مش مصدق كدة ربنا كريم آوى
حازم: أصل يا خديجه التحاليل كانت بتقول أنه مستحيل سليم يخلف بس دى معجزة
روزا : ايوه فعلاً معجزة أنا شفت التحاليل وعرضتها على كذا دكتور في امريكا وقالوا نفس الكلام
ثريا: هو مش زمن المعجزات انتهى ولا أيه
حسنيه: على رأيك يا بتى
الجده: أنا جولت اطلعى فوق أنتى وهى كلامى ما بيتسمعش ليه عاد غورا من هنه
استأذن ضيف للدخول عليهم سامع كل كلامهم
سليم : أنت ..انت ايه اللى جابك هنا
هاشم الصريطى: أنا كنت جاى جايب هدايا لخطيبه إبن عمى عادل الصريطي وعرفت أن عروسته تبقى بنت عمتك وعندى أجابه لحيرتكم دى
سليم: أجابه ايه وحيرة أيه أدخل فى الموضوع على طول
هاشم: جيداء كانت عامله حادثه من اكتر من خمس سنين وجالها نزيف اضطرت تشيل الرحم ولما اتجوزتك ولقيتك بدور على الخلفه جابت تحاليل لواحد عقيم وادعت أنها ليك عشان تضمن أنك مطلقهاش
حازم: وحضرتك عرفت ده كله ازاى
سليم: ولما أنت عارف كل ده ليه خطبتها
هاشم: أنا لما خطبتها مكنتش أعرف كل ده كنا فى حفله والدكتور اللى عملها العملية أخو صاحبى حكالى على حاجه ..ولما واجهتها انكرت وقالت انى بعمل كده عشان افسخ الخطوبة وقلعت شبكتها ومشيت وبعدها بيومين عرفت منها أنك رجعتها ولما سألت عن سبب انفصالكم عرفت أنه بسبب الخلفه وواحده من أصحابها المقربين وهى سكرانه قالت كل حاجه تعرفها عنها
سيف: يعنى تعرف حاجه تانى غير الموضوع ده
هاشم:عرفت أنها كانت بتستغل اى حد عشان الفلوس والنفوس
حسن: يا ساتر يارب هو فى كده فالدنيا
سيف : واكتر والله ياعمى هى اخرتها قربت هى واللى زقها فى طريقنا
الجده: اندهولى الولد عمران خليه يدبح عجل ويفرجوه دلوجت حلاوه حبل مرت الغالى
حسن: خليه اتنين أنا الفرحه مش سيعانى
وعلت الزغاريد فالدار فرحانين بحمل ديجا
حسنيه: معرفناش نولعها حريجه ونطربجها على نافوخ ولد ساميه
ثريا: بجى يجول علينا احنا لاه
حسنيه: هو الخسران يا بتى
//////////////بقلمي/ديجا❤️❤️❤️❤️
اتصلت ديجا يوالدتها وبلغتها الخبر
عزة : الف بركه يا بنتى ربنا يكملك على خير
عمرو: مبروووك يا خوخه مبروووك يا سليم
سليم: الله يبارك فيكم
سارة : خد بالك منها وتعالوا بسرعه
سليم بص لديجا بحب : دى فى عينى يا سارة ما تقلقيش
عزة : خدى بالك من اكلك أنا عارفاكى مهمله فى نفسك
ديجا: حاضر ياماما هاكل كويس
سليم: متخافيش يا طنط أنا اللى هاكلها بنفسى
عزة : ربنا يخليكوا لبعض ويبعد عنكم العين
قفلوا مع عزة وفضلوا لوحدهم
سليم: مبروووك يا نور قلبي يا وش السعد
ديجا: الله يبارك فيك يا حبيبي
سليم: اعمل ايه فيكى بعد حبيبي دى بقى اطلبى اى حاجه وأنا انفذهالك
ديجا: عايزه شوكولاته
سليم:ده طلبك أنا قولت هتطلبى بطيخ فى عز الشتاء مانجا
ديجا: لأ مش للدرجادى
سليم اتنهد : انت انسانه زينا
ديجا:لا كائن فضائي 😂😂
سليم: لأ ملاك نازل من السما باس راسها وخدها فحضنه عايزك ترتاحى وتؤمرى بس وأنا عليا انفذ اتفقنا
ديجا: على فكرة أنا حامل مش مريضه اتحرك واشتغل واعيش حياتي عادى جدآ
سليم: أنا خايف عليكي ياحبيبتي مش عايز اقيدك ولا حاجه أنت مش عارفه أنا كنت حاسس أنى ميت وأنا عارف انى مبخلفش ولما شوفت بناتك وشوفتك حبيتكم وحمدت ربنا أنه عوضنى بيكم ودلوقتى بيكافئنى بحملك ده
ديجا بحب: طب يلا نتوضى ونصلى ونشكر ربنا على عطايا لينا
قاموا اتوضوا وصلوا شكر لله طلعت ساميه بفاكهه ولبن لديجا خبطت ودخلت شافتهم ساجدين وبيبكوا انتظرت لحد ما خلصوا صلاه
ساميه: تعالى يا بنتى اشربى اللبن ده وكلى التفاح دة
ديجا:كل ده يا ماما ده كتير آوى
ساميه: كلى يا حبيبتي انت بتاكلى لاتنين
سليم: سيبيها عليا يا ماما أنا هأكلها
ساميه:ماشى يا بنى تصبحوا على خير
ديجا وسليم وإنت من أهل الخير يا ماما
سليم أصر على ديجا أنها تشرب اللبن وتاكل الفاكهة وطلب منها مش لازم جيداء تعرف بموضوع الحمل ده لحد ما يخلص منها وقعدوا يتكلموا كتير لحد ما ناموا
وفى الصباح حضر اخوات ساميه للمباركه لسليم وديجا وخدها يمشيها فالبلد ويفرجها على الأراضي بتاعتهم ووداها الإسطبل
ديجا : أنا بخاف من الحصنه
سليم: وأنا معاكى متخافيش
سليم فضل يقربها من الحصان بتاعه لحد مقربت بس خايفة برده هو ركب ومسك ايدها رافعها فى حضنه عالحصان وفضلوا يتمشوا فالارضى
ديجا: الله ريحه الزرع والأرض حلو آوى
وعدى اليوم على خير وبالليل كان الفرح ديجا لبست دريس اسود تل وعالصدر ورده باللون الذهبي وطرحه باللون الذهبي وسليم لبس بدله سوداء وكرفت ذهبي
وحضروا الفرح ووصلوا العروس بيتها ورجعوا على بيت العيله لأنهم فى الصباح عالعادة هيروحوا صباحيه العروسه ويسافروا
وهاشم الصريطي اتفق يعمل شغل مع سليم
وهيساعده أنه يوقع جيداء وياسر السويسى
نزلوا القاهرة بعد الفرح وسليم بيعامل ديجا بتجاهل قدام جيداء عشان خطتهم تنجح ومتشكش في حاجه
ديجا حست بتعب طلعت اوضتها وشويه وسليم طلع يطمن عليه دخل ملقهاش فالاوضه سمع صوتها بتتقيئ فالحمام خبط مردتش عليه فتح ودخل لها
سليم: ديجا أنت كويسه
ديجا بضعف : اه كويسه من فضلك أطلع بره
سليم: أنت تعبانه اجبلك دكتور
ديجا مش عايزاه يشوفها كده يقرف منها : أنا كويسه اطلع بره يلا بعد أذنك
سليم فهم هى بتفكر فى أيه قرب سندها وغسلها وشها وشالها حطها عالسرير ونضف مكانها ديجا بدموع محرجه من سليم: خلاص كفايه يا سليم
سليم حضنها وباس أيدها : أنا بحبك آوى وعلى عينى أنى بعيد عنك أنا مش ممكن اقرف منك انتى بنتى وحبيبتى فاهمه ولا لأ
ديجا بتبكى : ربنا يخليك ليا
سليم:دى هرمونات حمل صح مش عايز اشوف دموعك دى تانى اتفقنا وخرج من جيبه شوكولاته واداها ليها عدى شهر كمان من غير اى جديد ديجا بتنزل تروح المشغل بتاعها وشغلها بدأ يسمع وبدأت تعمل لنفسها أسم و أمل وسيف بيجهزوا شقته لاستقبال عروسته
كمان اسبوع
سليم بدأ شغل مع هاشم وكانت الوسيط جيداء بألاتفاق مع سليم وسيف اما
جيداء لسليم:مش معقول كده ياحبيبى كل لما تحتاج تعمل شغل تاخد الورق لبابا الحاج عشان يمضيه عالاقل يعملك توكيل
سليم: عندك حق يا چى چى أنا هكلمه فى الموضوع ده
جيداء بفرحه: بجد يا حبيبي امتى بقى
سليم: أيه مالك فرحتى ليه كده
جيداء بتوتر لا ابدا بس عشان نوفر وقت
سليم : هتروحى الاجتماع بتاع هاشم الصريطى بكرة تحضريه أنتى عشان عندى شغل تمام
جيداء: حاضر ..
سليم رجع البيت وطلع الجناح يطمن على ديجا ولاقها نايمه
سليم قرب عليها وباس جبينها صحيت
ديجا: أنت جيت ياحبيبى
سليم: ايوة أنت عامله ايه وحشتينى آوى
ديجا: أنت اكتر والله
سليم : حقك عليا يا حبيبتي هانت وكل شئ هيبقى كويس أن شاءالله
ديجا :أن شاءالله.. بقولك ايه يا سليم
سليم: نعم يا قلب وروح سليم سليم منك دى بدوبنى دوب
ديجا ضحكت: انا بتكلم جد ..انتوا ليه مفكرتوش تعملوا هكر لفون جيداء وتسمعوا كل حاجه هى بتخطط ليها
سليم:باسها تسلملى دماغك الدهب دى يا قلبي هقوم اكلم سيف يشوفلنا هكر يعمل كده وإنت يلا عشان نتغدا تحت
ديجا : حاضر هقوم البس واحصلك على تحت
سليم كلم سيف واتفق معاه يشوف هكر يهكر فون جيداء
سيف جه عالغدا معاه أوراق عايزة تتمضى
سليم: بابا اعملى توكيل عشان مش كل لما نعوز نمضى ورق نجيبوا البيت والشغل يتعطل بالشكل ده
حسن: بكرة الصبح هكلم الموظف يعملك التوكيل بالإدارة ووبالبيع والشراء أنا خلاص مبقتش قادر على وجع الدماغ ده
جيداء:ايوة صح كده يا بابا الحج
سيف: وإنت فرحانه أوى ليه كده
جيداء : ابدا بس عشان الشغل الجديد محتاج يمشى بسرعه
سيف بعت رساله لسليم أنه ياخد فون جيداء يستقبل الرسالة عليها
سليم: مش عارف فونى ماله ممكن يا حبيبتي اعمل مكالمة من عندك
جيداء: طبعاً اتفضل يا عمرى وبتبص لديجا
سليم خد الفون واستلم الرساله والفون بكل اللى عليه بقى تحت ايديهم
سيف فتح الاب توب وسمع أول مكالمه منها لياسر السويسى واتفاجأ باللى سمعه😳😳😳