ملاك نورت حياتي
البارت الثامن
الدكتور : انا اسف
اسر بخوف : علي ايه
الدكتور : عندها نزيف حاد
مراد بصدمه : ايييه من ايه
الدكتور : مش عارف بس باين انه جرح قديم واتعرض لضرر فاتفتح
اسر : في البطن
الدكتور : ايوه هو حضرتك تعرف من ايه
اسر بارتباك وقلق واضح : زمان وهي صغيره كانت بتلعب والازاز وقع اتكسر وو..وهيا وقعت علي الازاز وكان احتمال ان الرحم يتضرر بس انقذناها الحمد لله بس الجرح ده اتعالج هو اثره لسه موجود اه بس ده من زمان
الدكتور : باين انها اتعرضت لحاله نفسيه ف ده ادي ان الجرح بدا يتفتح تاني ببطئ وده سببلها نزيف داخلي حاد
اسر : طب يعني هيا هتخش العمليات دلوقتي
الدكتور : ايوه لازم نوقف النزيف ده باي شكل من الاشكال ..... هو حضرتك تقربلها
اسر : انا انا اخوها
الدكتور : طيب عايزين حضرتك بس تروح الاستعلامات تمضي علي شويه ورق بس
اسر : تمام انا هروح
ودخل الدكتور العمليه وكان الكل علي اعصابهم ومراد عدت عليه ساعات العمليه زي السنين وكان عمال يمشي في الطرقه يمين وشمال لحد لما خرجت الممرضه
مراد بخوف وقلق: هيا كويسه
الممرضه : نزفت دم كتير اووي وبنك الدم للاسف مافيهوش فصيله دمها
اسر : ايييه ازاي
مراد : هيا زمره دمها ايه
الممرضه : AB
مراد : انا انا زمره دمي AB خودو مني
الممرضه : احنا محتاجين دم كتير وده خطر علي حياتك
مراد : ملكيش دعوه انا راضي
اسر : مراد مش هينفع ده في خطر كبير علي حياتك
مراد : ملكوش في بقا هيا حياتي ولا حياتكو وبعدين لو تعبت مش هديهم تاني
الممرضه : بس حضرتك المفروض تمضي علي اقرار اخلاء مسؤليه المستشفي
مراد : ماشي ماشي يلا
وراح مع الممرضه وسحبت منه دم كتير اووي اسر : مراد انتا كويس
مراد : ايوه انا كويس
امير : انتا متاكد
مراد : يا جدعان انا كويس بقا
اسر : امير روح هاتله عصير
نور : احنا هنروح نجيب
اسر : لا خلي امير يروح
نور : بس
اسر : نوور مش وقته روح يا امير
وبعد شويه خرجت الممرضه
الممرضه : محتاجين دم تاني هيا نزفت كتير اووي
مراد : خودو مني
الممرضه : لا ماينفعش احنا سحبنا منك كتير جدا
مراد بزعيق : خودو مني
اسر : لا انا مش هسيبك تموت نفسك
مراد : اسيبها تموت يعني
اسر بزعيق : مافيش حل تاني يعني
مراد : لا تعالي خدي مني
وسحبت الممرضه منه دم تاني لدرجه انه مبقاش قادر يقوم يقف
اسر : مراد بصلي رد عليا انتا كويس
مراد بعدم وعي : اه انا كويس
امير : خد اشرب
مراد : مش عايز
اسر : مراد ماتستهبلش لازم تعوض كل الدم اللي اتاخد منك ده
مراد : قولت مش عايز
امير : والله لانتا واخد
وفي اللحظه دي خرج الدكتور
الدكتور : الحمد لله حالتها استقرت وهننقلها اوضه عاديه دلوقتي
تنهدو كلهم وقالو : الحمد لله
منه : طب ممكن نشوفها
الدكتور : هيا فاقت تقدرو تشوفوها لما تتنقل الاوضه
امير : تمام شكرا
واتنقلت ساره اوضه عاديه وراحولها واسر اصر ان هو يسند مراد ومراد مقدرش يعارضه لانه كان مش شايف قدامه فعلا
مراد : انتي كويسه
ساره : اه الحمد لله انا تمام
اسر : قلقتينا عليكي يا شيخه
ساره : احسن علشان احس بمعزتي عندكوا
نور : ياستي حسي بيها بس متعمليش فينا كده
امير : ده انا كنت هضحي بنفسي علشانك
ساره : لا والله ازاي بقا.
امير : اديتك كل دمي
ساره : يع يعني انتا دمك فيا دلوقتي
كلهم: ههههههههههههههههههه
اسر : ياكسفتك يا امير
كلهم لاحظوا ان مراد مش معاهم خالص
اسر : مراد انتا كويس
مراد بدون وعي : انا مش قادر انا حاسس اني هيغمي عليا
وفجاءه اغمي عليه
ساره : مرررراد
نور : مرررراد
اسر : مراد مراد رد عليا
امير : مراد مراد قوم
اسر : شيلوه معايا بسرعه
امير : حطه علي السرير
منه : انا هروح انادي الدكتور
وجه الدكتور وكشف عليه وقال انه علشان اتبرع بدم كتير اووي وعلقله محاليل وقال انه شويه وهيفوق.
ساره بعياط : حصله كده بسببي
اسر : مين قالك كده
ساره : هو اتبرعلي بدم كتير
اسر : هو حصله كده علشان مكنش عايز يشرب حاجه بعد لما اتبرع بالدم بس وانتو كلكوا بس بطلوا عياط هو كويس يلا نسيبهم يرتاحوا شويه
وبعد لما خرجوا بعد يجي ساعه كده فاق مراد : اااه انا فين
ساره بعياط : انتا كويس
مراد : اه انا كويس متخافيش .... ايه ده
ساره : الدكتور علقلك محاليل علشان يعوض الدم اللي اتبرعت بيه
مراد مسك المحلول وقام من علي السرير قعد علي الكرسي اللي جمبها
ساره : انتا بتعمل ايه متقومش انتا لازم ترتاح مراد : انا كده هرتاح اكتر ... انتي كويسه
ساره : انتا ليه اتبرعتلي بالدم
مراد : ده بدل ما تشكريني
ساره : مش بهزر ليه رضيت تتبرعلي بكل الدم ده
مراد : يعني كنت اسيبك تموتي يعني
ساره : كان احسن
مراد : بعد الشر متقوليش كده احسن لمين بالظبط ده اسر كان بيموت كل ثانيه انتي فيها في العمليات وامير كان زعلان جدا ونور ومنه وكله كان هيموت من القلق عليكي
ساره : وانتا
مراد بتهرب : هاا نامي بقا انتي رغايه كده ليه صدعتيني
ساره : انا رغايه ماشي يارخم
وناموا ومراد حمد ربنا انه عرف يتهرب منها
وجه اسر ونور وامير ومنه ودخل اسر وامير ونور ومنه راحوا يجيبوا فطار من الكافيتريا لقوا مراد نايم علي الكرسي وساند راسه علي التربيزه
اسر : يخربيتك يا مراد غاوي تعب وراح علشان يرفعله راسه شاف حاجه صدمته صدمه عمره عمره ماهسينساها وفجاءع بدأت الدموع تنزل منه زي الشلالات وراح امير بص لقي اوحش موقف ممكن تتحط فيه انك تخسر صاحب عمرك
امير : لا لا مستحيل ايه ده رد عليا مراد رد عليا