ملاك نورت حياتي
البارت الرابع والعشرون
اسر وهو يفتح باب الفيلا : ي اهل الدار
امير : احنا جيناااااا
مراد : ي ابني اسكت خرمتلي ودني
ايمان : حبايبي وحشتوني
اسر راح باس ايدها وحضنها
ايمان : وحشتني والله
ساره : الله الله انا مليش ف الحب ده ولا ايه
ايمان : تعالي ي جزمه وحشتيني
ساره : وانتي اكتر ي ايمي ي عسل
مراد : طب نستاذن احنا بقا
ايمان : ههههههه تعالا تعالا
مراد : امسكي بنتك كده خليني اروح احضن خالتي كده
وراح حضنها
ساره : الله الله دلوقتي بقت بنتي انا وبس
مصطفى : يا هلا يا هلا
مراد : ايوا بقا الناس اللي راحو عمره بقااا
مصطفى : خمسه وخميسه ف عينك ي بعيد
مراد : انا بحسد طب اسال ساره كده وهيا ترد عليك
ساره : خالص ي بابا ده عينه صفرا خالص
كلهم : ههههههههههههههه
ايمان : هاتي ي ساره حبيبه ستها
ساره : ههههه خديها دي زنانه
ايمان : انتي لسه شفتي حاجه
امير : طب انا هستاذن انا بقا
اسر : رايح فين
امير : للحاجه وحشاني والمصحف ف هروح انا بقا
ماهر وهو داخل : طب ايه مافيش ترحيب بينا يعني ولا ايه
ايمان : مااااهر
ماهر باس ايدها وحضنها
ماهر : وحشتيني والمصحف ي امي
مصطفى : ليك وحشه ي جزمه
ماهر : وانتا والمصحف
يارا : الله الله وانا ايه هوا هو بس اللي وحشكو
وقعدوا كتير يسلموا علي بعض و امير مشي ومنه كمان والباقي طلعوا ينامو من تعب السفر وصحيوا تاني يوم علي الفطار
اسر : نور حببتي يلا اصحي كل ده نوم
نور : الله مبنامش كويس وانا بره
اسر : اه انتي هتقوليلي هو انتي كنتي بتنامي خالص
نور : ي رخم حاسب بقا
اسر : طب م تيجي اقولك سر
نور : لا لا لا مينفعش خالص حاسب كده بقا
اسر : ليه ان شاء الله
نور : الساعة كام
اسر : نوور
نور : اووف نازلين
اسر : رايحين فين
نور : اسر حبيبي بكره رمضان
اسر : اه م انا عارف
نور : يعني مش ناسي حاجه
اسر : اه صح ده انا لازم اروح المستشفي ده انا بقالي كتير اووي مروحتش
نور بغيظ : بقا كده طب امشي بقا
وخرجته وقفلت الباب
اسر : ي بنت المجانين
ونزل لقاهم كلهم متجمعين
اسر : ي صباح النور
ساره : صباح الفل
اسر : بقولك ايه ي ساره ي حببتي رايحين فين
نور وهيا نازله : صباح الخير
اسر : بس العو جه
نور : يخربيت ظرفك ..... ايه ده مال عينك
ساره : والمصحف البت الزباله اللي انا خلفتها دي منيمتنيش بقالي يومين
نور : معلش ي حببتي وان شاء الله جوزك ده بيعمل ايه
ساره : ده نايم ولا هنا ولما تعيط جامد يقولي شوفي بنتك مش مخلياني انام محسسني اني خلفتها لوحدي
مراد : الله مش بتعب ولازم استريح
نور : خلاص ي حببتي انا هخدها تنام معايا انهارده هما الرجاله كده مش فالحين في حاجه
امير : اوووووبا دي شكلها قالبه عليك ي شبح
ايمان : بس كلام بقا وكلوا
اسر : فين الحاج مش هيفطر ولا ايه
ايمان : لا هو سبقكوا علي المستشفي هو وماهر ويارا
اسر : تمام يلا احنا بقا
امير : استنا احنا لسنا ماكلناش
اسر ضربه علي راسه
اسر : بطل حش بقا ويلا
مراد : هاتيها كده اووباه... يلا حبيبه بابا
ساره : واخدها ورايح علي فين
مراد باس راسها وقالها
مراد : انا اسف انا عارف اني رميت عليكي الحمل كله وانتي كنتي مستحمله علشان راحتي بس عارف ان احنا واحد ولازم نشارك كل حاجه مع بعض بس معملتش كده انا اسف ف علشان كده انا هاخد حبيبه باباها دلوقتي تروح معايا تشوف المستشفي اللي بشتغل فيها وهنخلي ماما ترتاح
ساره : ربنا يخليك لي امها ي رب
امير : يلا ي عم الرومانسي
مراد : غتتت يلا سلام ي حببتي
اسر باس راس نور
اسر : خلاص بقا فكي
نور : ماشي
اسر : سلام بقا
ومشيوا والبنات لبست وخرجت معادا ساره دخلت نامت وعدوا علي يارا اخدوها معاها من المستشفي
يارا : ايمي احنا جينا
ايمان : تعالو تعالو عملتو ايه
نور بفرحه : جبنا كل حاجه
ايمان بضحك : طب يلا شدوا حيلكو بقا
منه : ساره نايمه
ايمان : من ساعه م مشيتوا
منه : لا ده احنا ندخل نصحيها بقا
نور : يلا بينا
يارا : ساره ي ساره قومي بقا شوفي جبنا ايه
نور : قومي هنعملها من غيرك
ساره : لا لا خلاص صحيت
منه بفرحه : يلا بقا
وباليل
الشله كلها رجعت من المستشفي
مصطفي وهو يفتح الباب : انا هخش اترمي علي السرير ده انا هموت من التعب
امير : وانا والله
وفتحوا الباب واتفجئوا ب ان البيت كله متعلق عليه زينه رمضان
اسر : الله دي اكيد فكره البنات
مراد : الله حسستونا بجو رمضان فعلا
ماهر : والله شكلهم تعبوا
ايمان : انتو جيتو اهلا وسهلا .... انتو مبحلقين علي ايه ... ااه دول البنات اللي عملوها
اسر : هما فين
ايمان : كلهم طلعوا ينامو يعيني تعبوا
اسر : طب هستاذنكو انا بقا
مراد : خدني معاك
امير : بتبوصولنا كده ليه طب هما راحو لمراتاتهم احنا نروح لمين
ماهر : لا اكلم علي نفسك انا هروح اقعد مع خطيبتي شويه
امير : هيا جت عليا انا هروح اقعد مع البت منه انا كمان
مصطفى : هههههه والمصحف هبل
ايمان : ربنا يخليهم لبعض يارب
عند نور واسر
اسر دخل الاوضه لقاها ضلمه فتح النور لقا نور واقفه وماسكه زينه
نور: مكانش ينفع اعلقها هنا وانتا مش موجود
اسر راح حضنها وبعدين اخد منها الزينه وفضلو يعلقوها مع بعض مع شويه رخامه من اسر
اسر : تعرفي اني بحبك
نور : وانا كمان
اسر : طب غمضي عينك
نور : اهو
اسر : فتحي
نور : اللله فانوس رمضان
اسر : انا مستحيل انساكي ف حاجه
نور : ربنا يخليك ليا يا رب
اسر : طب ايه مش هنام بقا انا هموت من التعب
نور : تصدق انك غتت وخرجتني من المود
وراحت ماسكه المخده ورمياها علي وشه
نور : نام نام
اسر : هههههههههه خلاص تعالي
نور بفرحه : ماشي
واخدها ف حضنه ونام
ونفس الموضوع حصل مع مراد وساره
وصحيوا علي صوت خبط علي الباب
نور قامت وفتحت الباب
نور : نعم ي خالتو
ايمان : قومي يلا وقومي جوزك علشان نتسحر يلا
نور : حاضر
ايمان : يلا انا نازله متتاخروش
نور : حاضر
ودخلت
نور بنوم : اسر اسر قوم يلا علشان نتسحر
اسر : مش عايز انا عايز انام
نور : طب قوم نتسحر ونام تاني
اسر : تؤ تؤ
نور : يلا بقا بالله عليك
اسر : اووف ي نور انتي زنانه
نور راحت بايساه من خده
نور : يلا قوم بقا
اسر بضحك : خلاص قومت يلا ننزل
عند ساره ومراد
مراد : قومي بقا ي ساره تعبتيني
ساره : قومت اووف يالهوووي فين رنا
مراد : سبتيها مع خالتو ي هبله
ساره : اه صح الحمد لله
مراد : في حد ينسي بنته يخربيتك
ساره : م بيتي هو بيتك
مراد : وانا بحبك
ساره : ههههه وانا بعشقك
مراد : طب هنفضل نحب ف بعض كده لحد لما الفجر ياذن
ساره : امشي ياض من هنا امشي
مراد : ههههههههههه طب يلا
ونزلو
نور : فين منه وامير
ايمان : قالو هيروحو يتسحرو مع نجلاء
نور باستغراب : مين نجلاء
اسر : ام امير
نور : اه تمام
وقعدوا يتسحروا
اسر : نور هاتي السكر معاكي
نور : خد هات بقا الزبادي بتاعتي
اسر : خدي
وقعدوا ياكلو
يارا : الساعه 3:00
نور : يالهووووي مشربتش مايه
وقام كل واحد فيهم واخد ازازه مايه
اسر : تعبت من الشرب م تاذن ي عم
نور : لا لا استني شويه
المؤذن : الله اكبر الله اكبر
اسر : مكنت تستنا شويه 😂😂
ماهر : اااه مش قادر اتحرك
اسر : والله ي اخي الواحد ف رمضان بيحس بمعاناه الحامل 😂😂
مصطفي : يلا نروح نصلي
مراد : والمصحف م قادر اتحرك
ماهر : انا طلعلي كرش
اسر : انا قربت اولد 😂😂
مصطفي بضحك : يلا بس كسل يلا بقا
اسر : ايدك معايا بس ي حاج ... اااه
نور وساره ويارا :😂😂😂
وراحو يصلو ورجعوا ناموا
وصحيوا علي صوت تخبيط
اسر : ايه ايه المغرب اذن
مصطفي : لا يلا نروح المستشفي
اسر : ليه الساعه كام
مصطفي : 10
اسر : ده اللي هو ازاي يعني الصبح
مصطفي : اومال باليل يلا بقا بلاش كسل
اسر : يالهووووي ده انا عطشان من دلوقتي
نور : معلش ي حبيبي اسمع كلام عمي وابقا ارجع تاني نام
اسر : اه هو انتي همك حاجه انا همشي من هنا وانتي هتنامي من هنا
نور : بصراحه ااه 😂😂
اسر : اتخمدي ابت
وراحو المستشفي وكانوا بيموتوا
اسر : لا انا مش قادر انا هروح انام ف بيتي بكرامتي
مصطفي : مافيش مرواح
ماهر : هو انتا قاصد تعذبنا
مصطفي بضحك : خلاص صعبتوا عليا روحو الواد امير هو اللي فلت منها
مراد : اخيررا افراج
وروحوا
نور : قعدت تقولي هتنامي هتنامي اهي خالتو مسكانا من الصبح وانا عطششااانه
اسر : وانا والله هموت من العطش و الجو حر موووت لا انا مش قادر انا طالع انام
نور : وانا كمان خدني معاك
ايمان : رايحه فين
نور : اسفه ي خالتو يعني اسيب جوزي يعني
وطلعت تجري
ساره : وانا كمان
ويارا فضلت واقفه مش عارفه تعمل ايه 😂😂
ايمان بضحك : روحي روحي انتي كمان
يارا : تسلميلي ي ايمي ي قمر
وطلعت تجري
وناااموا وصحيوا وكانت المفاجأه
المفاجأه كانت ان هما لسه العصرر 😂😂