رواية #حكايتى مع الزمان#
#الفصل الثامن عشر#
بقلم ديجا
بسم الله الرحمن الرحيم
وقفنا عند ديجا اللى رافضه انها تروح الفيلا
وده عصب سليم آوى.. تعالوا نشوف
سليم بعصبية :يعنى أيه مالوش لزوم أنت..
ساميه:اه قلبى الحقنى يا سليم..واغمى عليها
حازم : اخرجوا برة عشان اعرف اكشف عليها
سليم: أنا هفضل معاها
ديجا: أنا اللى هفضل
حازم: قولت كله بره من فضلكم بسرعه
حسن: أنا اللى هفضل جمبها لا يمكن اسيبها إلا لما اطمن عليها
خرج الكل وظل الحاج حسن
حازم قرب على والدته: والله تنفعى سيده الشاشه الأولى
ساميه بهمس : دخلت عليهم
حسن: دخلت بالجامد المهم أنت يا حلو دورك بقى أنك تقنعهم أن الزعل غلط عليها
حازم:عيب عليكم .. أنا خارج ليهم
خرج حازم ليهم وقالهم أن ساميه الزعل غلط على قلبها وأنهم لازم متتعرضش لأى ضغط عصبى أو نفسى الايام الجايه
سليم:حاضر حاضر بس هى عامله ايه دلوقت
حازم: الحمدلله فاقت وشويه وتدخلوا تطمنوا عليها
ديجا بدموع:حازم هى زعلت من كلامى ولا إيه اللي زعلها
عزه: خلاص ياولاد اهدوا واقعدوا هى هتبقى كويسه أن شاءالله
حازم: متقلقيش يا خوخه وإنت كمان لازم ترتاحى وبلاش توتر تمام
سليم:ولا احترم نفسك اسمها خديجه
حازم: نننننننى براحتى على فكرة تعالوا ندخل
نطمن عليها
سيف : طب ادخلوا انتوا وأنا هدخلها لوحدى
هو قاعد مستنى أمل تخرج من المطبخ خايف تنزل من غير مايشوفها ..دخلوا لساميه
ديجا: أنا اسفه يا طنط لو زعلت حضرتك
ساميه : أنا اللى اسفه يا بنتى فرحت بعشم بس واللى أنت عايزاه اعمليه
حسن بص لديجا:لا يا حاجه خديجه عاقله وهتدى لنفسها فرصه معانا صح يا بنتى
ساميه:بلاش تجبرها يا حاج على حاجه هى مش حباها
ديجا: لا يا حبيبتي مش مجبورة ولا حاجه
حازم: خلاص يا ماما اتفقنا يوم الخميس أن شاء الله خوخه هتبقى فى بيتنا قال جملته
الأخيرة وهو بيبص لسليم ويضحك
روزا : دى خوخه هتنور البيت يا زوما
قضوا يومهم مع بعض وخلاص ماشيين سلموا على بعض
ساميه: ارتاحى اليومين الجايين يا بنتى ومتشليش هم حاجه خالص اى حاجه ناقصه قوليلى وتحضر حالا
ديجا:ربنا يخليكي يا طنط
ساميه:طنط ايه قوليلى ماما ولا أنا مش زى عزة ولا أيه
ديجا:حاضر يا ماما وحضنوا بعض
نزلت ساميه مع حازم وروزا وبقى حسن وسليم
الحاج حسن:بصوا يا ولاد انتوا لازم تعيشوا مع بعض فترة عشان خاطر كلام الناس وعشان حاله ساميه انتوا شوفتوا بعنيكم لما بتزعل بيجرالها أيه
سليم: اللى تشوفه ياحاج هروح اسلم عالبنات ونازل وراك ياحاج
سيف: ديجا يا قمر ممكن اطلب منك طلب
ديجا ضحكت عشان عارفه هو عايز ايه : اتفضل ولو أنى عارفه انت عايز أيه
سيف:امممم عرفتى انى معجب بأمول وعايز اخطبها .. لأ لأ اتجوزها
ديجا:مجنون والله هكلمها واللى فيه الخير يقدمه ربنا
سيف:ماشى يا قمر باى ..نزل سليم وسيف
وديجا دخلت ترتاح وتفكر فى اللى حصل وهيحصل ؟؟؟
كلمت امل فالفون:اموله القمر هربتى يا بت على طول
أمل:ابدا يا حبيبتي بس عشان تبقوا براحتكم
ديجا:راحه ايه يا بنتى أنت اختى جايلك عريس يا قمر
أمل: باندفاع سيف اقصد مين
ديچا: يا بت ده أنت واقعه بقى
أمل بكسوف:لا بس يعنى شايفاه مركز معايا
ديجا: اممممم هو فعلا مركز وعايز يتجوز على طول أيه رآيك
أمل: أنت شايفه ايه.يا ديجا
ديجا: يا حبيبتي انت حاسه بقبول ولا ايه اقولك صلى استخارة وردي عليا ايه رأيك
أمل: تمام يا حبيبتى
ديجا: يلا تصبحى على خير وتجيلى بدرى عشان عروسه بقى وعايزة اتشور ههههههه
أمل: أحلى عروسه والله عينى يا حبيبتى
//////////////بقلمي/ديجا❤️❤️❤️❤️❤️
عند خالد وسماح
خالد: أنا مكسوف آوى من اللى إبراهيم عمله وكمان دبس خديجه فى جوزاة شكلها مش راضى عنها
سماح: بس الحاج حسن بيحبها زى بنته واكيد هيعملوها كويس ويمكن ده يبقى عوض ربنا لخديجه
خالد: فعلاً احنا لازم نبقى جمبها لتفكر أننا قطعنها صدقنا اللى حصل
سماح: خلاص وصلنى الصبح بالولاد عندها اطمن عليها وشوف لو محتاجه حاجه
خالد: عين العقل أنا هكلم حنان وهيام عشان يبقوا كمان معاها
سماح: خلاص ماشي
/////////////////////بقلمي/ديجا❤️❤️❤️❤️
عند الحاجة ساميه والحاج حسن
ساميه: أنا فرحانه اوى يا حاج
حسن: وأنا كمان بس خايف من إبنك الغشيم ده بدل ما يقف يقولها كلمتين يقولى انا داخل للبنات ونازل وراك ياحاج غبى
ساميه :ربنا يصلح حاله وإنت ابقى الفت نظره شويه ده بيحبها آوى
حسن: وهى كمان بتحبه بس هيتعبوا بعض شويه ابقى انزلى هاتلها هديه حلوة عشان نقدمها ليها
ساميه:قول هدايا مش هديه
حسن:اللى تشوفيه يا حبيبتي يلا بقى نرتاح اليوم كان طويل ومتعب آوى
عند سليم فى اوضته عايز يكلم ديجا ومش عارف يقول ايه كبرياءه منعه أن يقولها أنها وحشته بعت لها عالوتس صور لغرف النوم عشان تختار واحده معاه ردت وقالت :اللى حضرتك تشوفه
سليم: فى واحده تقول لجوزها حضرتك
ديجا: أسفه لسه مش واخده بس
سليم: طب اختارى اوضتك
ديجا: تمام حلوة دى
سليم:نفس اللى اختارتها على فكرة
ديجا : طب كويس أنها عجبتك
سليم:بتعملى ايه
ديجا: قاعده عالسرير
سليم:لازم ترتاحى كويس
ديجا: حاضر
قفلوا الوتس وناموا
مر الأسبوع وبكرة الخميس وديجا خلاص هتروح لسليم وأمل ردت على ديجا بأنها موافقة تتخطب لسيف وسيف قرر يفأجها
سليم بعت لديجا فستان اوف وايت مطرز دهبى من عالصدر والديل محدد من عند الصدر ونازل على واسع آوى والكمام واسعه بأسورة من قدام شبه فساتين الاميرات وحجاب باللون الدهبى وشوز دهبى ودريسات للبنات بنفس اللون والدريسات من تصميمه
وعمات سليم وعمه وخالاتوا وخلانوا جم من الصعيد عشان يباركوا لسليم ومنهم اللى جاى يشمت والكل على قدم وساق فى الفيلا لتجهيز الحفلة
سليم أصر أنه يعزم جيداء وخطيبها على الحفله
تانى يوم الصبح ديجا قفلت شقتها كويس ونقلت حاجتها بيت والدتها عشان تخرج من هناك عدى اليوم
سريعاً وجهزت ديجا واصرت عليها سارة أن تضع ولو القليل من الميك أب لتدارى الإجهاد اللى باين على وشها
واخيرا اقتنعت انها تضع كحل وملمع والقليل من أحمر الخدود وكانت زى القمر فى ليله تمامه
جه سليم طلع ياخدها وأول لما دخل ...وقف مكانه من اللى شافه؟؟؟