#حكايتى مع الزمان #
#الفصل الثاني والعشرون#
بقلم ديجا
بسم الله الرحمن الرحيم
عند ديجا فى غرفتها رايحه جايه من الضيق وطلعت فونها وكلمت أمل
أمل: العروسه الحلوة أخبارها أي
ديجا: الحمد لله تمام كنت عايزاكى تشوفيلى شقه صغيرة كده دور ارضي
أمل: نويتى ولا أيه
ديجا: ايوة وعايزاها قريب حاولى ما تتأخريش عليا فى الرد
أمل: حاضر فى حاجه قدامى هرد عليكى فيها بالليل عرفتى أن كتب كتابى الخميس الجاي
ديجا:الف مبروووك يا حبيبتي ربنا يتمملك على خير كده احسن عشان تعرفوا تجهزوا حاجتكم مع بعض براحتكم
أمل: أيوه لحسن بابا وسامح قافلين عليا آوى
ديجا: عشان خايفين عليكى بس
أمل: عارفه والله بس كبرت وعارفه الصح من الغلط مش طفله يعنى
ديجا: خلاص كلها أيام
قفلت مع أمل وكلمت عمرو
عمرو: وحشتيني يا قلبى
ديجا: أنت اكتر والله سألت ماما عنك قالتلى إنك كنت برة
عمرو:اه كنا بندور على محل يكون قريب من الكافيه بس الأسعار اوڤر آوى
ديجا : خلاص تدخل معاك شريك
عمرو: شريك تانى ده ما صدقت خليتهم اتنين
ديجا: حتى لو كان الشريك أنا
عمرو: بجد يبقى موافق آوى
ديجا: خلاص اتفقنا بكرة هعدى عليك نتكلم وشوف أنت محتاج أيه تمام
عمرو: تمام يا احلى اخت فالدنيا
///////////////بقلمي/ديجا❤️❤️❤️❤️❤️
عند سليم فى اوضه جيداء
سليم:بتكلمى مين يا چى چى
جيداء:ها ابدا دى واحده صحبتى قولت أضيع وقت بدل منا قاعده لوحدى
سليم: طيب تحبى تتعشى بره
جيداء بعدم تصديق : بتتكلم جد يا سليم
سليم:ايوة طبعاً ادخلى البسى
جيداء: حالآ ..ودخلت الحمام تاخد دوش
سليم مسك فونها وشاف آخر رقم وكان ياسر السويسى
سليم لنفسه: معقول يكون ليكى علاقه بيه ده احقر بنى آدم على وش الأرض من الد اعدائى من أيام الجامعة وعايز يدمرنى وانتى عارفه
سليم ساب الفون وحاول يبان طبيعي عشان يعرف هما ناويين على ايه وخاف لتؤذى خديجه مش مجرد تهديد
لبست جيداء دريس أحمر سواريه مجسم نازل بوسع ومفتوح من الصدر والضهر حرف v وعليه چاكت فرو اسود ورفعت شعرها ونزلت خصل على وشها
وهو لبس بنطلون اسود وقميص وبليزر اسود
ونزلوا عالسلم مع بعض كان قاعد أبوه وامه وسيف كان لسه جاى من الشركه وبيتكلم فى امور الشغل وحازم هو وروزا الكل بص بأستغراب ليه
سليم:احنا خارجين نتعشى برة
ساميه: أنت مش لسه جاى من برة خارج تانى
سيف: أول مرة كان مع خديجة المرة دى مع جيداء وضحك
سليم: انت بتتريق حضرتك
حسن : أيه هتتخانق معاه قدامى اتفضل روح مكان ما انت عايز بس اعمل حسابك من بكرة تشوف شغلك مفهوم
سليم:حاضر يا حاج
مشى هو جيداء وركبوا العربية وراحوا لأحد المطاعم اللى كانوا بيروحولها قبل كده
الجرسون : أهلا بحضرتك يا سليم بيه نورت المكان
سليم: منور بأصحابه جبلى طبقى المفضل وشوف المدام تاخد أيه
العشا نزل خلصوا أكل ورقصوا سوا سلو
جيداء: أنت كنت وحشنى بشكل
سليم: وإنت اكتر
جيداء: أنت هتنزل بكرة الشغل وهنزل شركتى مع هاشم لو مش هيضيقك طبعاً
سليم:اكيد ده شغل ولو مكنتيش بتحبينى مكنتيش رجعتينى ليكى ولا أيه
جيداء: طبعاً يا حبيبى بس يعنى لو هاشم حب يفض الشراكه دى بعد لما رجعتلك وسيبته هتاخدنى معاك المصنع
سليم: ربنا يسهل يا چى چى
جيداء: چى چى هو أنا مبقتش حبيتك ولا أيه
سليم: طبعاً حبيبتي بس أسمك وحشنى .. سليم فهم كده أن الغرض مصنع الغزل اللى كانت عايزه تاخده وبكده هو فهم أنها بتساعد ياسر السويسى عشان يقضوا عليه
جيداء:روحت منى فين يا حبيبي
سليم:ها لأ معاكي اهو يلا نروح ولا أيه
رجعوا الفيلا وكان سيف قاعد فى الجنينه مع خديجة بيضحكوا وده ضايق سليم آوى
سليم: ما ضحكونا معاكم
سيف عشان يغيظ سليم: لا مش ممكن ده سر ولا ايه يا ديجا
سليم:امممم اسمها خديجة
جيداء: سولى مش يلا نطلع اوضتنا ولا أيه
سيف: اطلعى انتى أنا عايز سولى فى كلمتين
سليم:طب يا حبيبتي اطلعى أنت وأنا وراكى على طول
جيداء:اوكى يا بيبي
ديجا:ماسخه آوى ما شاءالله .. أنا طالعه يا سيف عن اذنك
سليم:كيس جوافه قدامك أنا
ديجا: لأ بيبى 😀😀😀
سليم:امممم وأنت متغاظه ليه
ديجا:وهتغاظ ليه سم سلام..وسابتهم وطلعت
سيف : اقعد يا سليم قولى فسرلى بقى اللى بيحصل ده
سليم: هتجنن يا سيف مش فاكر حاجه غير أنى رحت المستشفى وهى كانت نايمه بسبب المهدئ اللى كانت واخداه والممرضه اللى كلمتنى قالتلى أنها كان عندها أنهيار ولازم استنى الدكتور النوبتجى ضروري وكانت بتحتفل هى وصحباتها بخطوبتها واديتنى عصير
مقفول وحلفتنى لاشربه وقمت لقتنى نايم من غير هدوم فى اوضه فى اوتيل جمبها وكاتب كتابى عليها بمأذون وشهود كمان
وطبعا عشان الفيلم العربى يكمل صورونى وبعتت الصور لخديجه
سيف: يا نهار ابيض وخديجة عملت أيه
سليم:ابدا يا سيدى جيت لاقيتها منهارة ومش مصدقانى وعايزة تطلق بعد كام شهر وتسيبنى
سيف : طب ومعاملتك لجيداء دى
سليم: سمعتها بتكلم ياسر السويسى بتقول أنها هتقتل ديجا لو مرجعتلهاش قولت اسايسها كده لأحسن تأذيها وأمسك خيوط اللعبه من طرفها وطرفه
سيف: أول طرف للخيط البت الممرضه حطت حاجه فالعصير أنا هجبلك حد الشركه بكرة وتوصفها وأنا هتصرف
سليم:لازم اثبت لديجا برأتى لأنى مقدرش اعيش من غيرها
سيف : هى كمان بتحبك ومتقدرش تبعد عنك قوم نريح وبكرة أن شاءالله خير ومتنساش كتب كتابي يوم الخميس
سليم حضنه : مبروووك يا حبيبي
قاموا يناموا سيف طلع جناحه وسليم طلع لديجا الأول لقاها نايمه ودمعه نازله من عنيها خدها فى حضنه وباس رأسها واديها ومسح دمعتها وراح لجيداء لقاها لابسه لانچيرى شفاف وبيظهر اكتر ما بيخفى ابتسم لها
سليم:اى الحلاوة دى كلها
جيداء : بجد عجبتك وراحت حضنته
سليم: ممكن اخد دش واغير
فى الصباح الباكر سليم قام من جمب جيداء وراح عند ديجا عارف انها صاحيه فالوقت ده
سليم:اجهزى عشان نروح الشركه بعد شويه
ديجا: شغل ايه انا قدمت استقالتى ولا نسيت
سليم: طب لحد لما الاقى حد مكانك
ديجا : مش صعب عليك تلاقى حد مكانى بسهولة أنا هاخد البنات واروح ازور ماما بعد أذنك
سليم :بضيق تمام اللى يريحك طبعاً
ديجا: متشكرة عن أذنك بقى عشان هنام شويه
سليم::هتنامى آمال القهوة دى مين هيشربها
وخد الفنجان وقعد لقى قطعه كيك شوكولاته كل منها مع القهوة امممم تحفه بجد
ديجا بغيظ : الف هنا كلتهم اطلع بره بقى
سليم:باس خدها حاضر أنا ماشى
ديجا حطت أيدها على خدها وابتسمت بعد ما مشى يارب تطلع برئ زى ما بتقول
البنات صحيوا وراحت ديجا عند مامتها
////////////////بقلمي/ديجا❤️❤️❤️❤️❤️
عند مامت ديجا رحبوا بيها وفضلوا يتكلموا كتير وجه عمرو وتكلم مع ديجا بخصوص محل قريب من الكافيه واتفقت معاه تدفع باقى المبلغ وتبقى شريكه معاهم وجت أمل وقالت لها أنها لقت الشقه وراحت بصت عليها واتفقوا أنهم هيجيبوا مكن ويعملوا ورشه صغيرة واتكلموا مع كام بنت من المنطقه يشتغلوا
معاهم وظبتت أمورهم فالشغل الجديد وراحت الفيلا وقعدت مع ساميه وحسن وبلغتهم أنها هتعمل مشغل صغير مع أمل زعلوا فالاول وبعدين باركولها
جه سليم وعرف وما ابداش اى رد فعل وطلع الاوضه طلعت ديجا ولقيته مغير هدومه ولابس بنطلون قطن وتيشيرت نص كم وهينام
ديجا: أنت بتعمل ايه هنا
سليم:هنام هنا النهارده فى حاجه
ديجا: لا ابدا براحتك ..دخلت غيرت ونامت عالكنبه فى الريسبشن
سليم: ديجا تعالى نامى عالسرير وأنا هنام عالكنبه
ديجا : مفيش داعى أنا مرتاحه كده .. شالها وحطها عالسرير أنت بتعمل ايه
سليم:هشششش نامى وخدها فى حضنه ونام قامت قبل الفجر بساعه صليت القيام والفجر اذن صحى سليم اتوضى وصلى بيها وقعد جنبها قال الأذكار
والورد بتاعه وقام نام من غير ولا كلمه ..مر الأسبوع وسيف كتب كتابه على أمل فى حفله عائليه فى جو من البهجة والسرور والحب وسيف متابع الممرضه لأنها واخده اجازة من يوم الحادثه وده اللى اكد شاكه واخيرآ الاجازة خلصت ونورا الممرضه رجعت تانى شغلها
سيف:حضرتك الانسه نورا
نورا : ايوه أنا
سيف : ممكن اتكلم مع حضرتك كلمتين بره المستشفى
نورا : خير يا أستاذ
سيف : كل خير ان شاءالله انا طالب القرب
نورا بفرحه : مش فاهمه
سيف: ممكن نتكلم فى كافية..... جمب المستشفى
نورا : آوى آوى اتفضل
خرجوا برة المستشفى وركبت معاه العربية
كان حازم مستخبى فى العربيه من وراء
وأول لما ركبت حط منديل على وشها خدرها وطلعوا بيها على شقه سيف وفوقوها فاقت لقت نفسها مربوطة على كرسي على بوقها بلاستر عشان
متصرخش
سيف طلع كارنيه من جيبه : أنا الرائد سيف المنياوى وده الرائد حازم واحنا بنحقق فى قضيه تخص تجار سلاح وأعضاء بشريه وإنت من ضمن افراد العصابة دى وطلع صورة جيداء وصوره سليم ووراهم ليها وشال الاصق من على بوقها : لا والله أنا مش معاهم
أنا كل الحكايه الست دى جاتلى من يجى أقل من شهر كده وطلبت من اكلم طليقها واقوله أنها عامله حادثه عشان يردها تانى وخليتنى احطله حبوب هلوسه عشان تعرف تخليه يعمل اللى هى عايزاه من غير ما يقدر يتحكم فى نفسه وهى طلبت المأذون واتنين شهود وحتى المأذون استغرب حالته خلينا
واحد من التمريض بنتحل شخصية دكتور ويقول أنه لسه خارج من عمليه فى المخ ومأثره شويه على طريقه كلامه بس والله هى دى كل الحكايه
سيف : هسيبك تمشى بس لو جبتى سيرة لحد عن اللى حصل هسجنك وهعتبرك من العصابه
نورا : أنا مشفتكش يا باشا ولا أعرفك
سيف:جدعه يلا بالسلامه خدى دول اركبى تاكس يوصلك
نورا:مالوش لزوم يا باشا
سيف :لا خديهم واتوكلى على الله
يابن الايه يا حازم حلوة الفكرة
حازم : اى خدمه دلوقتى احنا معانا الفيديو اللى يثبت برائه سليم بس كده جوازهم يعتبر باطل لأنه مكنش فى وعيه
سيف: ما تقلقش اخوك مقربش منها كان بيحطلها منوم وكان بيوهمها أنه حصل حاجه بينهم لانه مش طايقها 😀😀احنا نصبر بقى عشان نعرف نمسك باقى الخيوط
فى جنينه الفيلا ديجا قاعده على المرجيحه وسمعت همس جاى من عند الباب الخلفى للفيلا راحت بأتجاه الصوت وشافت😲😲😲😲