رواية #حكايتى مع الزمان#
#الفصل الثامن والعشرون#
بقلم ديجا
بسم الله الرحمن الرحيم
عند دكتورة ديجا مزهوله من اللى باين فى السونار كانت شايفه جنين له ٣ أيدى و٣أرجل شكلهم غريب
كررت الاشاعه اكتر من مرة وكل مرة نفس المنظر
الدكتوره: أحنا ممكن نعملك اجهاض عشان كده الجنين بنسبه كبيره مشوه
ديجا بأنفعال: لا طبعاً أنا مش هعمل كده واموت روح ملهاش ذنب
الدكتوره: اهدى بس ضغطك عالى والانفعال مش كويس عليكى ده جنين مشوه ولازم ينزل وربنا يكرمك مرة تانيه أنت لسه صغيره
سليم بحزن : ده أخر كلام عند حضرتك
الدكتوره : أيوة حضرتك شوفت أنا عملت الاشاعه اكتر من مرة وشوفت شكل الجنين بعينك ياريت تقرروا فى أقرب وقت
سليم: خلاص هنفكر ونرجع لحضرتك ..يلا يا ديجا ..قامت ديجا ظبطت هدومها وهى دموعها نازله ومشيه بدون وعى مع سليم
سليم: حبيبتي ده نصيب واللى ربنا كاتبه أكيد فيه الخير لينا
ديجا:.............
سليم: ارجوكى اتكلمى زعقى ما تسكتيش كده وتقلقينى عليكى
ديجا بشرود: أنا كويسه ما تقلقش ممكن تروحنى البيت محتاجه أرتاح
سليم: تحبى نقعد فى مكان نتكلم قبل لما نروح البيت
ديجا: زى ما تحب بس ياريت ما نتأخرش
وصل سليم كافيه قريب من البيت نزلوا وقعدوا
سليم طلب ليهم عصير
سليم: أتكلمى طلعى اللى جواكى
ديجا ابتسمت بحزن: أحنا هنأجل اى حاجه واى كلام لحد لما يعدى فرح سيف وأمل الكل فرحان ومفيش داعى نزعلهم
سليم: عندك حق ياحبيبتي ومسك أيدها باسها
قعدوا شويه بدون كلام وقرروا يمشوا واتفقوا أنهم هيقولوا أن كل شئ تمام والجنين كويس
/////////////بقلمي/ديجا❤️❤️❤️❤️
فالفيلا الكل متجمع وبيتكلموا عن تجهيزات فرح سيف ويستعدوا لاستقبال الضيوف اللى هتيجى من الصعيد ..دخل سليم وديجا
سليم : متجمعين عند النبي
سيف: أن شاءالله أحنا وإنت
حسن:عملتوا ايه طمنونا
سليم: الحمد لله كل شئ تمام
ساميه: تعالى ياحبيبتي ارتاحى
روزا: ارتاحتى فى التعامل معاها ولا اشوفلك حد تاني
ديجا: لا تمام كويسه ما تتعبيش نفسك
البنات حضنوا ديجا :فين صوره البيبى
مليكه: أصل ماما شايله كل صورنا وأحنا بطنها
ديجا خرجت صوره السونار وورتها للبنات وفرحوا أوى وسألوها ولد ولا بنت
ديجا: مش باين اصله بضهره.. أنا هطلع ارتاح عشان تعبانه
حازم: شكلك مرهقه أوى اتغذى كويس وارتاحى
ساميه: اطلعى يا حبيبتي وهبعتلك الأكل فوق
طلعت ديجا اوضتها وغيرت هدومها واتوضت وصلت عسى الله يريح قلبها وقررت تستخير ربنا فى أمر الإجهاض ..طلعلها سليم بالاكل لقاها فى ركن الصلاة وساجده بتبكى فضل جنبها لحد ما خلصت واقومها عشان تأكل
سليم: يلا يا ملاكى عشان تاكلى
ديجا: ماليش نفس أنا محتاجه أنام
سليم: من امتى بتنامى بالنهار ولازم تاكلى مكلتيش حاجه من الصبح
ديجا: معلش سيبنى براحتى
سليم: طب كلى على قد نفسك ونامى براحتك.. وبدأ سليم ياكلها بأيده كلت القليل من الأكل وهو زيها وقام خدها فى حضنه عشان تنام لكنها انهارت من العياط وهو فضل يطبب عليها وسابها تخرج كل حزنها لحد ما هديت ونامت وفضل يتأمل ملامحها الحزينة ومسح دموعها
بعد مرور الوقت صحيت ديجا وكانت أحسن
ديجا: أنا هستخير ربنا واللى ربنا عايزة يكون
سليم: طبعاً ياحبيبتي وأنا هستخير معاكي
////////////بقلمي/ديجا❤️❤️❤️❤️❤️
عند عمرو فالمحل دخلت بنت بملامح جميله وهاديه عيونها رماديه وبشرتها فاتحه محجبه لكن شعرها بنى فاتح لابسه دريس بترولى بحزام اسود عريض طرحه باللون الاسود
نور: لو سمحت ممكن أقابل المدير
عمرو تنح😳😳: اؤمرى حضرتك عايزة المدير فى ايه
نور: هو مش موجود يعنى أصل كنت عايزاه ضروري جدا
عمرو: لأ هو مسافر اعتبرينى مكانه اقدر اساعدك أزاى
نور: بصراحه أنا طالبة جامعية وكنت عايزه اشتغل بعد الجامعة وكنت بسأل على شغل حتى ولو فالمطبخ
عمرو: أنت ساكنه فين
نور: فى .......
عمرو:طيب فى مشغل كلهم بنات وصاحبه المشغل أخت المدير أيه رأيك اكلمهالك تشغلك بالمواعيد اللى تناسبك لأن المطعم هنا كلنا شباب زى ما أنت شايفه
نور بفرحه: بجد ينفع ..ربنا يباركلك أنا ماشيه طول
الطريق بدخل كل محل بسأل على شغل والكل قال مش طالبين حد يشتغل.. الحمد لله يارب الحمدلله
عمرو : ادينى ثوانى هعمل تليفون وارجعلك اتفضلى هنا وشاور على طرابيزة فى جنب كده مش مجرح وطلب لها أكل وعصير
كلم ديجا وقالها عليها وديجا قالتله أنها هناك خليها تعدى عليها
نور: الأكل ده لمين على فكرة أنا طالبه شغل مش بشحت من حضرتك
عمرو: أهدى يا آنسه الأكل ده دعايه عشان لما تروحى المشغل تقولى للبنات ويطلبوا من عندنا خدمه قصاد خدمه يعنى يلا دوقى على ما اغير لبس الشغل وأجى اوصلك
نور بأحراج: أنا آسفه يا ... أسمك ايه اصل كل لما اروح اسأل عن شغل صاحب المكان بيعاملنى على أنى متسولة وفجأة الاقى شغل أكل وعصير
عمرو: أنا اسمى عمرو وإنت
نور: أنا نور
عمرو: حصل خير يا نور هغير واجيلك على ما تدوقى أكلنا
نور لنفسها : قمر يخربيتك بس يا بنت عيب استغفر الله العظيم غضى بصرك وكلى الصراحه أنا جعانه مكلتش من الصبح وكلت
عمرو: عجبك اكلنا
نور: ماشاءالله تحفه تسلم ايديكم
عمرو: ها هتعملنا دعايه بقى 😂😂
نور: أكيد طبعاً
راحوا لديجا المشغل
عمرو: السلام عليكم يا مدام خديجه
ديجا: وعليكم السلام اتفضلوا ..ها تشربوا ايه
نور: ما فيش داعى حضرتك
ديجا: لأ طبعاً أزاى لازم
عمرو: أنا هشرب نسكافيه
نور: أى عصير
طلبت لهم ديجا ..وبدأوا يتكلموا فالشغل
نور طالبه فى كليه تجاره وديجا قالت لها أنها هتشغلها معاها سكرتيرة لمكتبها
///////////////بقلمي/ديجا❤️❤️❤️❤️❤️
اليوم فرح سيف وأمل والكل بيستعد عشان يرحوا القاعه وأهل الصعيد وصلوا وراحوا يرتاحوا فالملحق المخصص للضيوف ويجهزوا عشان يروحوا كلهم مع بعض
ديجا لبست دريس من تصميمها هى وسليم
دريس لونه زيتونى بوشاح من كتف واحد نازل بوسع من عند الوسط الوشاح مطرز من الحرف بتطريز دهبى وحجاب من نفس اللون وحذاء ذهبي وبورتفيه دهبى وكانت شبه الأميرات
سليم ارتدى بدله سوداء وكرفت مزيج من الاسود والزيتونى وكان وسيم شبه أبطال المسلسلات والبنات دريسات دانتيل من نفس اللون بكم ومفتوحه حرف vمن الضهر ونازله بتل منفوش ورافعين شعرهم كحكه الدوناتس
روزا ارتدت دريس أحمر بكم مجسم ونازل بوسع من عند الركبة وعملت شعرها ويڤى وحازم ارتدى بدله رماديه بقميص ابيض وببيون أحمر
ومروان ابنهم بدله شبه والده
الحاج حسن بدله كحلى بدون كرفت والحاجة ساميه ارتدت تايير كحلى مطعم بسلڤر
أما العريس كان يرتدي بدله باللون الاسود وقميص أبيض وببيون سلڤر
ركبوا العربيات للبيوتى سنتر عشان يجيبوا أمل ووصلوا للقاعه واشتغلت اغنيه طلى بالابيض يا زهره نيسان وبعدها الرقصه السلو للعرسان
وبعدها للكابلز وديجا رفضت أنها ترقص
والكل فرحان وبيبارك
مجهول١ : كله تمام يا بوس
مجهول ٢: نفذ بعد العد التنازلي٥/٤/٣/٢/١
فجاءه النور قطع 😳😳😳😳