ملاك نورت حياتي
البارت التاسع
وكان المشهد كده
ان مراد نايم وراسه علي التربيزه وبوقه بينزل دم
اسر بعياط : مراد مراد انتا شايفني ردي عليا مراد حاول تركز بالله عليك انتا شايفني
امير بعياط : مراد بالله عليك رد علينا
اسر : حاسب بسرعه لازم ننقله من هنا
وداس علي الزرار وجم الممرضات
امير : حاسبوا براحه
اسر : امير بص امير فوق بص انتا هتشيله نحطه علي السرير وانا همسك رقبته امييير
امير : ماشي ماشي
وشالوه وحطوه علي السرير ونقلوه اوضه تانيه طبعا ساره كانت زي المغيبه عن الوعي بسبب الدوا اللي هيا اخدته
واسر خلا امير يروح نور ومنه باي حجه وبعد شويه مراد فاق
مراد : اااااه راسي اااااه
اسر : مراد مراد بصلي حاسس بايه
مراد : راسي هتنفجر مش قادر
اسر : طب انا مين
مراد بتالم : اسر
اسر : طب ايه اخر حاجه حصلت امبارح مراد بتالم : كنت كنت ااااه كنت بتكلم مع ساره بعد كده نمنا اااااه لا لا خلاص مش قادر الحقني يا اسر ابوس ايدك
اسر : طب طب خلاص اهدي
جه امير جري علي صوت وجع مراد
اسر : امير هاتلي حقنه **********
راح امير جاب الحقنه واداها لمراد ونام
اسر : ايه اللي بيحصلنا ده ياربي ياترا مراد ماله
امير بخوف : اسر مراد لازم يعمل تحاليل
اسر : وانا معاك اول ما يصحي يعمل تحليل دم بسرعه
وبعد ساعات فاق مراد
اسر : مراد مراد انتا كويس
امير : مراد مراد رد علينا انتا شايفنا
مراد : طب ادوني فرصه ارد
امير : يعني يعني انتا كويس دلوقتي مافيش حاجه وجعاك
مراد : ما انا زي الحصان اهو انا تمام
اسر : انتا لازم تعمل تحاليل لازم اطمن
مراد : تحاليل ايه وقرف ايه ياعم فكك انا تمام
امير : مراد ده مش هزار ده موضوع حياه او موت
مراد : فال الله ولا فالك ياعم بتفول عليا
اسر : مراد احنا مش بنهزر وهتعمل التحاليل دي يعني هتعملها
وبعد اصرار ومحاولات كتيره من امير واسر وافق مراد انه يعمل تحاليل وقالوله انها هتطلع بعد اسبوع
مراد : خلاص كده استريحتو عايز اشوف ساره بقا
اسر : ماشي تعالي اوديك
مراد : علي فكره بعرف امشي لوحدي
امير : انتا تسكت خالص
مراد : ماله الواد ده جد اوي كده ليه
امير بصراخ بس محدش سمع لانهم كانوا بره المستشفي : مالي عايزني اعمل ايه لما اعرف ان صاحبي واخويا احتمال تبقا حالته خطيره جدا ويبقا عنده
اسر بزعيق : امييير اسكت الاحتمال اللي انتا بتقوله ده مستحيل عارف يعني ايه مستحيل وانا مش هسمح بيه اصلا
وفجاه مراد داخ وكان هيقع بس سندوه
امير وهو بيحاول يفوقه : مراد مراد انتا كويس
اسر : مراد حاسس بايه
مراد : مش حاسس بحاجه ممكن نمشي بقا
امير : ازاي يعني مش حاسس بحاجه وانتا كنت هتقع دلوقتي
اسر : خلاص يا امير متكبرش الموضوع
وراحو عند ساره
ساره : انتو كنتو فين كل ده ايه ده مراد ماله مالكو ساندينه كده ليه
مراد : صحابي وبيدلعوني انتي مالك بقا
ساره : مراد قول الحقيقه انتا مالك
مراد وهو بيشيل ايده اللي كانت سانده عليهم : هقولك اصل اخوكي ياستي عجبته حته دين دكتوره برا ايه صارووخ ولما قولت انها حلوه ضربني في بطني ينفع كده
ساره : ههههههه لا والله العب غيرها
مراد : تصدقي انك بارده يابت انتي
وفي اللحظه دي دخل نور ومنه
منه : انتي يابنتي هتقومي امتا تعبتينا معاكي
ساره : وانا والله عايزه اخرج زهقت
مراد : زهقتي اومال عايزه تطلعي دكتوره ازاي
ساره : انتا مين قالك اني عايزه اطلع دكتوره
مراد : اسرر
ساره : ماشي يا اسر
اسر : لاحظ انك عمال تدبسني وانا ساكت
مراد : الاخوات لبعضيها ولا ايه يا امير
امير : هااا ااه اه
منه في سرها : ماله ده عامل كده ليه غريبه يعني ده بقاله شويه مبيهزرش مكانش كده لما خرجنا ياترا فيه ايه ايه ده وانا مالي مايتفلق فوقي يا منه فوقي
ساره : ياجماعه يلا انا عايزه اروح
اسر : طب يلا
ومشيوا من المستشفي ودلوقتي في طريقهم للبيت
كان في الكنبه اللي ورا امير ومنه وطبعا نايمين وقدامهم مراد وساره وبردو نايمين من التعب وقدام اسر بيسوق ونور جمبه
وفجاه بدات نور تسترجع ذكرياتها المؤلمه واللي مخلياها علي طول خايفه افتكرت قسوه جدها عليها بس افتكرت حنيته بردو لما كانت عيانه بس هو كان بيوريها علي طول القسوه وافتكرت ابشع موقف حصل معاها وازاي ساعتها كانت هتموت من الخوف
اسر : نور نور انتي فين يابنتي
نور : هاا
اسر : سرحانه في ايه
نور بخوف : م مافيش
اسر : انتي كويسه
نور : اااهه
اسر : طب بقولك ايه ناوليني التليفون علشان مش عارف اجيبه علشان بسوق
نور بخوف اكبر : حححاضر
اسر : نور انتي فيكي حاجه انتي مالك
وجه يطبطب عليها نور اترعشت
اسر. : نور مالك
نور بخوف : مش مش هتضربني
اسر وقف العربيه
اسر بنفاذ صبر: اضربك لا بقا انا تعبت اعمل ايه اكتر من كده علشان اثبتلك اني مش جدي بتفهميها ازاي انا مش جدي يانور انا تعبت بجد كل شويه اقول هتبقا كويسه معاك هيا مساله شويه وقت لازم تعزرها هتتعود عليك وهتحبك متخافش بس بجد خلاص انتي مش مدياني اي فرصه مش فتحالي اي باب اخشلك منه قافله كل الابواب في وشي ده انتي حته مبتحاوليش دي بقت حاجه تقرف
ومستناش منها رد وراح مكمل سواقه وحط الهاند فري في ودنه
وهيا عماله تلوم نفسها
وفضلوا علي الحال ده لحد لما وصلوا القاهره ونزلوا كلهم من العربيه
ودخلوا البيت
مراد بصوت عالي : يااا اهل الدار نحن هنا
ايمان : ايه ده انتو رجعتوا وحشتوني وحشتوني تعالوا كلكوا في حضني
مصطفي : ابعد ياض انتا وهو عن مراتي بدل ما اقتلكو
مراد : مش باعد بقا خالتي واحب فيها علي مزاجي
مصطفي : خلاص وانا احب في بنتي علي مزاجي
مراد : خلاص ياعم خد مراتك
ايمان : بتبعني علشان دي
مراد وهو يحضنها: وهيا دي اي حد دي مراتي
امير : الله ده الحب ولع في الدره ولا ايه ياسي مراد
مراد : انتا مالك يارخم
مصطفي : بس بجد البيت كان وحش من غيركوا
مراد : الله ده حتي الجو كان فاضي وكان في شموع وحب وكده ولا ايه ياصاصا
مصطفي : ما هو مكنش وحش اووي الصراحه
مراد : ايوه كده بقا
اسر : طب ايه مش هنام ولا ايه احنا تعبانين
امير : انا مش مروح انا لازق هنا
مراد وهو عارف ليه امير مش عايز يروح : لا ياحبيبي يلا علي بيتك معندناش مكان
امير : انت ليه محسسني ان هو بيتك ياعم انتا وبعدين السباكه في الفيلا ضاربه وهتاخد وقت علي ما تتصلح
وخلصوا كلام وهزار ومصطفي قال لاسر انه عايزه في مكتبه واسر طلع غير ونزله المكتب
اسر : ممكن ادخل
مصطفي : تعالا يااسر تعالا
اسر : ها عايزني في ايه بقا
مصطفي : ها عامل ايه مع نور بقا
اسر بكذب : كل حاجه تمام جدا
مصطفي : ياولا ده انتا ابني تفتكر هتعرف تضحك عليا ده انا اللي خابزك وعاجنك
اسر بحزن : تعبت مش عارف اعملها ايه اكتر علشان تفهم اني مش جدي دي حتي مش مدياني اي فرصه عمال اصبر نفسي واقول هتتعود وهتحبك بس هيا مش مدياني فرصه مصطفي : الحاجه اللي انتا عايزها مش هتجيلك بسرعه اووي كده
اسر بعدم فهم : ايه اللي انا عاوزه
مصطفي : قلبها عايزها تحبك بس انتا مش صابر لازم تصبر علشان لما تسلمك قلبها تسلمهولك وهيا مطمنه عليه وانك مش هتكسره
اسر : انتا عرفت ازاي اني بحبها
مصطفي: بقولك انا ابوك انا اعرف عنك حاجات انتا متعرفهاش علي نفسك طب اقولك حبتها امته من وانتا عندك 15 سنه كنت بتعتبرها بنتك وبتخاف عليها زي نفسك ولما جدك قالهم انهم يرجعوا البلد كنت زعلان جدا انها هتبعد عنك ولما كبرت كنت بتحاول تنساها وانا سبتك براحتك علشان عارف انك مش هتنساها اوعا تكونش بتحسبني مش عارف انا عارف وعارف كويس اووي كمان بس ساكت ولما جدك قالي فرحت جدا وكنت عارف انك هتفرح وتخبي اصبر عليها يا اسر اصبر عليها
اسر : حاضر هحاول والله علشان خاطرك انتا بس
مصطفى: طب يلا بقا امشي من هنا خليني اروح اشوف مراتي حببتي
اسر : ماشي ياعم الله يسهلو
اما عند ساره ومراد
ساره : علي فكره مكانش لازم تكذب عليهم تحت
مراد : اه وايه تاني
ساره : هو ايه اللي ايه تاني بقولك مكنش المفروض تضحك عليهم وتبينلهم ان احنا بنحب بعض
مراد : هو احنا مش كده
ساره : هاا يعني ايه
مراد راح حضنها وقالها : يعني انا مكذبتش في ولا كلمه قلتها تحت
ساره ببلاهه : يعني ايه
مراد : يعني انا بحبك معرفش امته وفين وازاي بس بحبك ولما كنتي في العمليات كنت خايف عليكي جدا كنت حاسس اني هموت كنت حاسس اني السبب انا اللي وصلتك للحاله دي انا اللي ضغط عليكي نفسيا حسيت اني وحش اووي بس لما رجعتي حسيت ان حياتي رجعتلي من تاني مهمنيش كميه الدم اللي اتسحبت مني اللي همني انك رجعتيلي تاني
ساره بعياط : وانا كمان والله العظيم بحبك وكنت بكدب نفسي
مراد : والله بموت فيكي
ساره : وانا كمان
وقضوا احلي ليله في حياتهم وفتحوا صفحه جديده مع بعض
اما عند اسر فا اسر مطلعش ينام نزل قعد في الجنينه ونور كانت قاعده عماله تلوم نفسها وانها فعلا غلطانه وانه عملها حاجات كتيره بس هيا اللي غبيه وكانت بتفكر هتصالحوا ازاي وطلعت البكلونه وشافته قاعد في الجنينه وقررت تنزل تكلمه وتقوله علي كل حاجه ونزلت
نور : اسرر ممكن اتكلم معاك شويه
اسر بسخريه : مش خايفه اضربك
نور : لا مش خايفه علشان عارفه انك مستحيل تعملها
اسر : سبحان مغير الاحوال شوفي الصبح كنتي خايفه ازاي ودلوقتي واثقه ازاي انتي هتجننيني والله
نور بعياط : اسر انا..........