#حكايتى مع الزمان #
#الفصل الثاني والثلاثون #
بقلم ديجا
بسم الله الرحمن الرحيم
نبدأ فصلنا بصباح جديد على أبطالنا
ديجا صحيت من النوم دخلت لاولادها اطمنت عليهم وغيرت ورضعت 😂😂
وراحت تصحى سليم لشغله
سليم :صباح الجمال هو فى كده يا ناس
ديجا :بطل بكش بقى وقوم يلا هتتاخر على شغلك ولا انت خدت عالراحه
سليم :اممم لو الراحه جنبك أنا موافق بس أنتى مش هتبقى فاضيالى
ديجا بابتسامه :انت غيران بقى من ولادك
سليم حط ايده على خدها بحب:بغير من الهوا اللى حواليكى ده ونفسى اخبيكى جوايا
ديجا :ربنا يخليك ليا وميحرمنيش منك يلا بقى هتتاخر أنا حضرتلك الحمام وبحضر الفطار عشان نفطر مع بعض
قام سليم خد شاور وخرج لبس بدله زرقاء بقميص أبيض والشوز جملى والحزام والساعه جملى بردو ورش برفانه اللى بيخطف قلب ديجا بيه
ديجا :امممم البيه متشيك ومتبرفن بالبرفن الجامد ده ورايح فين
سليم قرب عليها حضنها:مش أنا لوحدى اللى بغير بقى
ديجا : اكيد لازم اغير مش الغيره تعبير عن الحب ولا إيه
سليم :اكيد يا قلبي يلا نفطر ريحه الأكل يجنن
قعدوا يفطروا
سليم:كنت عايزك تنفيذى شغل ليا فى المشغل عندك
ديجا :انت عندك مصنعين ماشاءالله وعايز تنفذ عندى على فكرة أنا شغاله كويس
سليم ضحك بصوت كله رجوله: أنا مش بقولك كده عشان مش شغاله كل الحكايه إنك هتساعدينى
فافكار الموديلات هتبقى شريكتى فى البراند الجديد مع هاشم الصريطى عشان كانت أفكارك من الأول بس يا ستى فكرى على لما ارجع.. باس راسها ونزل لشغله
/////////////////بقلمي /ديجا ♥️♥️♥️
فالوقت ده كان سيف صحى وخد دوش وبعدين صحى أمل
سيف:الناس الكسوله اللى عايزة حد يصحيها
أمل بنعاس:إيه ده أنت نازل وهتسبنى هنا لوحدي
سيف:هو أنا سيبك فى الصحراء الجرداء كملى نومك براحتك وقضى يومك مع خديجة وهعدى عليكي بالليل بعد الشغل نروح سوا
أمل :ماشى كلامك أنا أصلا مش قادره انزل النهارده المشغل
سيف باس ايدها :باى يا قلبي كلى كويس شكلك هفتانه كده مش عجبانى
أمل :حاضر سيبنى أنام بقى قبل امافوق
خرج سيف ونزل تحت لقى الفطار جاهز والحاج حسن والحاجة ساميه وضيوف الصعيد اللى لسه موجودين قاعدين عالسفرة.. وسليم نازل عالسلم
حسن :تعالى يا بنى افطر أنت وهو
سيف :أنا هاخد سندويتش مع القهوه عالسريع كده
سليم :أنا الحمد لله فطرت وشربت القهوه هروح الشركه عندي شغل كتير
ساميه بفرحه:أصل ديجا بنتى لا يمكن تنزل سليم من غير الفطار والقهوه
حسنيه:طب ما نزلتش معاك ليه عاد لما هى صاحيه من بدري أكده
سليم :هى نامت تانى قبل الولاد ما يصحوا
حسنيه:يا دى الجلع الماسخ عاد حريم آخر زمن
سليم :يلا السلام عليكم
الكل وعليكم السلام
حسنيه :وأنت يا واكل ناسك مرتك ما جامتش فطرتك ليه عاد لساتها عروسه جديده إياك ولا ايه
سيف:هى تعبانه من التحضيرات امبارح وانا قولتلها ترتاح وبعدين إحنا هنا ضيوف
حسن :ايه كلامك الماسخ ده يا إبن اخويا انت زيك زى سليم وحازم هنا صاحب بيت اوعى تنسى ده وبعدين انتي مالك يا حسنيه عالصبح كل واحد حر مع أهل بيته
حسنيه :الحج بيزعل اليومين دول من خوفي عليهم دول كيف ولادى
حسن :يلا يا سيف يابنى روح خلص شغلك وحاول تيجى بدرى عالغدا
سيف :هحاول يا حاج سلام عليكم
الكل وعليكم السلام ورحمة الله وبركاته
///////////////بقلمي /ديجا ❤️❤️❤️
عند عمرو مش مستوعب الكلام اللى سمعه بالليل... فلاش باك👈
عمرو :السلام عليكم ورحمة الله
همسه:إزيك يا عمرو
عمرو:الحمد لله.. مين حضرتك؟؟
همسه:أنا همسه
عمرو : اهلآ يا آنسه خير فى حاجه ولا ايه
همسه :قولى يا همسه زى ما بقولك يا عمرو ما تعملش تكليف
عمرو: تمام.. خير
همسه :كل خير ان شاء الله نور قالتلي إنك عايز تخطبها الكلام ده بجد
عمرو :ايوة بجد
همسه :معقوله واحد بوسامتك وشريك فى مطعم كبير ويبص لواحدة زى نور دى واحده معقدة ومقفله ومستواها مش من مستواك
عمرو بعصبيه :انتي تخرسى خالص مش عايز اسمع منك اى كلام تاني
همسه :الحق عليا بوعيك انت لازم تاخد واحده تليق بيك وتشرفك قدام الناس
عمرو : والواحده دى انتي مش كده
همسه: اكيد يعنى أنا بابا تاجر جمله كبير وعندنا بدل العربية اتنين و....
عمرو: انتي بنى ادمه زباله وخساره فيكى الكلام اللى تتصل على شاب غريب فى نص الليل عشان تخطفه من صاحبتها أو اللى عامله أنها صاحبتها متبقاش غير زباله وأول حاجه هعملها أنى هخلى نور تقطع علاقتها بيكى سواء اتخطبنا أو لأ وقفل السكه وجفاه النوم طول الليل.. عوده من الفلاش باك👇👇
عمرو لنفسه:معقول فى ناس وحشه كده.. دخل عليه أكرم صاحبه
أكرم :اللى واخد عقلك يا مدير
عمرو : ها أنت بتكلمنى
أكرم :دى الحكايه شكلها واعرة أوى
عمرو حكى اللى حصل معاه
أكرم :أنت لازم تحذر نور بسرعه من البنت دى لاحسن توقعها فى مشكله بعد اللى حصل
عمرو :هتصل بيها واقولها
أكرم : اشطات روح اعمل تليفونك وتعالى نشوف شغلنا
عمرو راح يكلم نور
//////////بقلمي /ديجا ♥️♥️♥️♥️♥️❤️
فالجامعة عند سارة
سارة قاعده فى المدرج ودخل مؤمن وعينه عليها وابتسموا لبعض
سلمى : ده مغرور ورخم أوى
سهيله: اه يا اوختى أوى أوى بعد المحاضره لازم نعرف ماشى
مؤمن :الانسه اللى بترغى ورا هطلعك برا
سهيله: أنا يا دكتور
مؤمن:ايوة يا باشمهندسه
الكل ضحك عليها
مؤمن خبط عالمكتب: هششش كل واحد يخليه فى حاله يلا نبدأ وبعد المحاضرة هتتقسموا مجموعات عشان تشتغلوا على المشروع العملى عشان الامتحانات كل سنه وانتم طيبين
المحاضرة خلصت واتقسموا مجموعات ومؤمن خلاهم يقسموا نفسهم للمجموعات
ساره اختارت سلمى وسهيله ومعاهم شابين تاني... وده كان مضايق مؤمن أوى راحوا الكافتيريا
سلمى : يلا يا بت احكلنا ايه الابتسامات اللى الصبح دى
ساره : أبدا يا سلمى اتقابلنا امبارح فى العقيقة عند ديجا والراجل طلع جنتل واعتذر على سوء الفهم وطلعنا معارف بس كده
سهيله : لأ مش بس كده ده شكله اضايق لما الشابين اختارو فريقنا
ساره :وإيه اللى يضايق ده يعتبر شغل احنا هنعمل الجزئيه بتاعتنا مع بعض وهما مع بعض والفنيش هيبقى هنا فالجامعة
سلمي :ايوة صح وبعدين دول ملزقين كده مش استايلنا خالص
ضحكوا على كلامها وقاموا عشان يروحوا
///////////////بقلمي /ديجا ❤️❤️❤️❤️❤️
فالبيت عند ديجا
نزلت تودع ضيوف الصعيد وتشوف لو ساميه وحسن محتاجين حاجه
الأمن :فى ضيوف لمدام خديجة
سامية :خليهم يفضلوا... ضيوف عشانك يا ديجا
ديجا : مقالش مين يا ماما
سامية :لا يا بنتى دلوقتى يدخلوا يا خبر بفلوس
دخل الضيوف وكانوا خالد سماح وإبراهيم وإيمان وهيام حنان
ديجا بفرحه : أهلا وسهلا اتفضلوا ليه ما جبتوش الولاد معاكوا
خالد : مش كفايه إننا جاين من غير معاد
ساميه : عيب يا بنى البيت بيتكم تيجوا فى أى وقت
إبراهيم : تسلمي يا حاجه.. احنا جايين نبارك لديجا ونشوف البنات
حسن : تشرفونا فى اى وقت طبعا
ديجا نزلت الولاد وشافوهم وكانوا جايبين هدايا للبنات كمان.. حسن وساميه أصروا انهم يتغدوا كلهم سوا وجه سليم وسيف عالغدا وانضم ليهم أمل حازم وروزا اللي أعلنت عن حملها والكل فرح وبارك ليهم
وبعد مرور أسبوع أو أكتر على أبطالنا
سليم :الحمد لله الشغل طالع تحفه والطلبات زادت محتاج مصنع كمان يكمل الشغل معانا عشان نسلم فى الميعاد
ديجا :الحمد لله يا حبيبي ربنا يذيدك
سليم :البركه فيكى بعد ربنا لولا وقفتك معايا مكنتش وصلت لكل ده
ديجا : لأ طبعا مجهودك اللي وصلك لده أنا ساعدت بس وده واجب عليا
سليم : إنتى بتتعبى أوى يا حبيبتي معايا ومع الولاد كفايه سهرك بالولاد
ديجا : ده واجبى يا تجاهك أنت والولاد وربنا يقدرني واكون قدها
سليم :طبعآ قدها ااوى
ديجا :الحمد لله
سليم : ها إيه رأيك ترشحيلى مصنع يخلص معانا الشغل
ديجا : إيه رأيك يكون مصنعك أنت
سليم :إزاى يا ديجا
ديجا : أقولك يا سيدي
فجاءة فون سليم رن
سليم:ايوة يا هادم اللذات... ايه حصل أمتى أنا جاى حالا ما تقلقش