روايه احببتها رغم انتقامي لها ♥️
الجزء الحادي وعشرون
نفس الروتين عندهم الاختلاف أن الفيلا بقا ليها دوشه وضحك وبهجه سببها ملك وأحمد اخوات ساره دمهم خفيف والكل حبوهم اوي وسيف ونور بيفضلو يلعبو معاهم طول اليوم
الوقتي الكل بيتجمع على الفطار نور وسيف وساره وأخواتها ومديحه وسعاد بيكونو في جو عائلي جميل
قاطع هزارهم تلفون سيف
سيف / الو يا سالي
سالي بدلع / بقولك يا مستر سيف في أوراق لازم تمضي عليها
سيف ببرود / ماشي يا سالي انا هاجي شويه كده
كانت نور جنب سيف وسامعه كلام سالي واضيفت من دلعها المقرف ده
قام سيف / انا هروح الشركه يا جماعه
أحمد / خدني معاك يا اونكل سيف
سيف بابتسامه / لما تكبر يا حبيبي هخدك معايا
أحمد بضيق / منا كبير اهو يا اونكل سيف
سيف / لاء لما تكبر وتكون شبهي كده هخدك معايا
أحمد / بطفوليه يارب أكبر يارب أكبر
ضحك الكل على كلام أحمد
سيف / انا هروح الشركه يا جماعه عشان ورايا شغل
نور بسرعه / هاجي معاك يا سيف
سيف / مينفعش يا نور ورايا شغل
نور بترحي / عشان خاطري يا سيف وحياتي عندك
سيف/ خمس دقايق لو لقيتك لسه ملبستيش همشي يا... قاطعه نور وهي بتجري على على اوضتها
ضحك سيف علي طفولتها
بعدها بخمس دقايق
نور / انا جاهزه
كانت نور لابسه بنطلون اسود وتيشرت ابيض وعليه جاكيت اسود وطرحه بيضه وكوتش ابيض
سيف / يلا
ودعت نور أهلها ومشيت مع سيف
في العربيه
نور / ممكن اسال سؤال
سيف / اسألي
نور بحرج / هتقولهم أي يعني محدش يعرف ان انا مراتك
سيف / هقولهم انك مراتي
نور بفرحه / بجد
سيف بحب / هقول للعالم كله انك مراتي حبيبتي
فرحت جدا نور من كلام سيف
✨✨✨✨✨✨✨✨✨
بعدها بنص ساعه
كانو وصلو الشركه
اول ما نور شافت الشركه انبهرت حاجه كده فوق الخيال
سيف / عجبتك
نور / ماشاء الله تحفه
دخلو الشركه كانت نور ماشيه ورا سيف بس سيف مسك ايديها وجبها جنبه ومشيو جنب بعض
فرحت جدا نور من حركته
ركبو الاسانسير
كان سيف قريب جدا من نور
سيف / هو انت احلويتي كده ليه
نور بكسوف / هاااا
قاطع كلامهم فتح الاسانسير سيف قبل ما يطلع باس نور بسرعه في خدها وطلع وهو مبتسم
خطت نور ايدها مكان البوسه وكان مبسوطه
قاطع شرودها دخول سيف الاسانسير تاني
سيف / يلا هتفضلي واقفه كتير
نور / هااا لا جايه اهو
وطلعو وسيف مسك ايد نور تاني
سالي / نورت الشركه يا فندم
بصت سالي على أيديهم بغل
نور في سرها /انت لسه شوفتي حاجه
بصت نور لهدوم سالي باشمئزاز لأن هدومها لا تدل انها امراءه مسلمه ابدا
سيف / جهزيلي كل الاوراق وهتيهولي على المكتب
سالي بغضب / تحت امرك يا فندم
سيف / وهاتي قهوه ليا وعصير لنور
سالي بغضب واضح عليها / تحت امرك يا فندم
دخل سيف ونور المكتب بس قبل ما تقفل الباب طلعت لسانها بطريقه طفوليه لسالي وبعدين قفلت الباب
سالي بغضب / ودي مين دي انشاء الله يلهوي لتكون مراته
اتجهت سالي عشان تجيب القهوه والعصير والأوراق
✨✨✨✨✨✨✨✨✨✨
في فيلا مراد
ام مراد بابتسامه / لابس ومتشيك كده ليه يا مراد
رهف اخت مراد / شكل الصناره غمزت يا ماما
مراد بهزار / انت وامك عليا منك لله يا شيخه مفيش يا امي هنزل اتمشى في شوارع مصر عشان وحشتني اوي
رهف بهزار / شوارع مصر بردو ولا حد تاني
كان مراد ماسك فرشه الشعر ورماها عليها
مراد بهزار / يا شيخه غوري
رهف بمزح / بفكرك بس ان اختك موجوده يعني لو المزه بتاعتك ليها اخ او ابن عم يعني انا موجوده بردو انا اولي من الغريب
قالت رهف كلامها وجريت على اوضتها وهي بتضحك
مراد بعدم تصديق / البت بقت منحرفه اه والله
خلص مراد كلامه وطلع في اتجاهه لبيت سيف
✨✨✨✨✨✨✨✨✨✨
في فيلا الدمنهوري
كانت سعاد قاعده مع مديحه إنما ملك وأحمد كانو بيتفرجو على كرتون
مراد رن الجرس والخدامه فتحت ليه
مراد / صباحو فل
الكل / صباح الجمال
سعاد / اللي يشوفك يقول عليك مصري أصيل ميلاحظش انك عشت نص عمرك في باريس
مراد / اصل بابا طول ما احنا في باريس كان لازم يتكلم معانا مصري عشان كده عمرنا ما نسينا كلام بلادنا
سعاد / ربنا يخليكو لبعض
مراد بحرج/ امال فين ساره
مديحه / قاعده يابني في الجنينه حاول يا مراد تطلعها من اللي هي فيه طول ماهي قاعده
بتكون سرحانه وبتقطع قلبي
مراد / أن شاء الله يا طنط
دخل مراد لساره لقاها سرحانه
مراد بمرح / الجميل مضايق ليه
ساره بحزن / امي ماتت واتطردت من بيتي ومبقاش ليا حد وتقولي مضايقه لي
مراد / قولي الحمد لله كل ما يصيبنا إلا ما كتب الله لنا أكيد ربنا شايلك الأحسن زي ما كان في أيام وحشه وصعبة عليكي
اكيد ربنا هيرزقك وتلاقي ايام جميله وحلوه تعوضك عن الايام الوحشه اللي مريتي بيها بس المهم اننا نرضا ونقول الحمد لله
ساره بدموع / مبقاش ليا سند في الدنيا يا مراد امي وحشتني اوي
مراد / متقوليش كده يا ساره انا جنبك وكلنا هنا جنبك ادعي لها بالرحمه ولازم تكوني قويه عشان اخواتك
ساره / ربنا يرحمها ويغفر لها
مراد/ايوه كده كل ما توحشك ادعيلها
فضل يتكلم معاها عشان تفرح