ملاك نورت حياتي
البارت الواحد والعشرون والثاني والعشرون
اسر : اهي كملت تعالي تعالي
نور : بالله عليكي انتي عارفه يعني اي هجسوس
يارا بضحك : الحقيقه لا
امير : تعالي يابنتي تعالي دول بيتفرجو علي توايلايت
يارا : الله ده الكام
امير : التاني
يارا : حاسب كده هات ده
اسر : امسكي اطفحي اطفحي
يارا : الله باكل مكلش يعني
اسر : اطفحي حسبي الله ونعم الوكيل فيكو ضيعتو عليا اللحظه
نور : انا جعانه
اسر : احسن حاجه تعالي نخرج نروح ناكل
نور : نروح فين الساعة 12
اسر : يلا بس نطلع نلبس أحنا
نور : يلا
وطلعو يلبسو ونزلو
امير : رايحين فين خدونا معاكو
يارا : اه اه رايحين فين ها ها فين
نور : والله ما عارفه مين هيبقا فاتح الساعه 12باليل يعني
يارا : يابنتي احنا في فرنسا يعني مافيش حاجه بتقفل 24ساعه ده حتي المولات بتبقا فاتحه الفجر
اسر : متشكرين لخدماتك مش عارف من غيرك كنا هنعمل ايه الصراحه جبتي التايها
يارا : يا بارد يا غتت
نور : يلا بقا عايزه اخرج
اسر : يلا يا حب عمري.
اميير :. الله الله علي الحب اوعدنا يارب
اسر : نام نام مش ناقصه نبرك فيها هيا
امير : الله يسامحك اصاحبي
وخرجوا وركبوا العربيه
اسر : ها ياستي نبدا منين
نور : ما انا معرفش حته علشان نبدا منها
اسر : طب تعتمدي عليا
نور : تمام يلا بينا
وصلوا المول
نور : امممم نبدا بالمول اختيار حلو
ودخلوا المحلات
اسر : احنا داخلين هنا ليه
نور : ايه الذكاء ده علشان نشتري لبس
اسر : ماشي ده بتاع كابل
نور : هو ده اللي انا عايزاه بص ده حلو وده وده وده احلي طب بص ده
واسر كل ماتقول علي حاجه جميله ياخدها
نور : طب يلا بقا علي قسم البرفيوم
اسر : هو لسه فيه تاني
نور : شور
وبعد معاناه طويله من اسر خرجوا من المول بعد ساعتين
نور : الله انا فرحانه اووي
اسر بضحك : فرحتك دي عندي بالدنيا كلها يا حببتي
نور بخجل : هنروح
اسر : نروح ايه ده احنا قدامنا مشوار كبير اتقلي بس
نور : مستنيه
واخدها اسر للملاهي
نور : عاااا الملاهي يلا يلا نلعب
اسر : انا قولت طفله محدش صدقني
ولعبوا وخرجوا
اسر : غمضي عينك
نور : ماشي... اسر هقع انتا فين
اسر : متخافيش انا معاكي... 3-2-1 فتحي
نور : عااااااا عاااااااااا وراحت نطت عليه وحضنته
اسر : طب يلا بقا علشان نطلع المركب بقا
نوربفرحه : يلا يلا
وطلعوا وطلع محضرلها عشا وقعدو اتعشو بعد كده اسر قعد ونور حضنته وقعدت جمبه
اسر : ماتيجي احكيلك حدوته
نور : لا لا لا
اسر : ليه بس ده انا حواديتي حلوه
نور : لا انا عايزه اقعد معاك شويه
اسر : تعرفي يانور ايه اكتر حاجه بحبها فيكي
نور : ايه
اسر : طفولتك وفرحتك باقل حاجه انتي طفلتي وحببتي ومراتي انا وبس
وام عيالي ان شاء الله
نور : وانا بحبك اووي انتا خلتني اعيش تاني رجعتلي الحياه انا كنت شبه ميته انا معاك ببقا حاجه تانيه انا بره عصبيه وشريره اووي معاك ببقا طفله مستنياك تجبلها شوكلاته معاك ببقا علي حقيقتي
اسر : وانا عايز طفولتك دي متظهرش لاي حد بس متبقيش عصبيه اووي يعني خليها وسط خير الامور الوسط
يعني خليكي قويه مع اللي يتعرضلك وحنينه وطيبه مع اللي بيعاملك حلو
نور : حاضر
اسر : يالهوووي علي حاضر طالعه من بوقك زي العسل متيجي احكيلك حدوته
نور : بس يا اسر بقا بص بص الشروق
اسر : حلو بس انتي احلي
نور بخجل : بس بقا
اسر : طب والله انتي كده بتدفعيني للرزيله بنفسك بخدودك الحمر الحلوين دول
نور : خلاص خلاص قعدت ساكته اتفرج بقا علي الشروق
وناموا والصبح
عم سيد : قوم يابني مش حلوه النومه دي ليك انتا ومراتك
اسر : صباح الخير ياعم سيد انتا وقفت المركب ولا ايه
عم سيد : اه عقبال ما اصحيك بس
اسر قام باس ايده
اسر : تسلم ياعم سيد عارف اني بتعبك ياعم سيد
عم سيد : تعب اي يابني هو انتا بتخليني اسوق انت طول عمرك انتا اللي بتسوق
اسر : ربنا يخليك ياعم سيد انا رايح انام وانتا روح نام وخلي محمد هو اللي يسوق استريح شويه
عم سيد : حاضر يابني يلا انا هسيبك بقا تصحي مراتك
اسر : تسلم
ومشي عم سيد وراح اسر شال نور نيمها في الاوضه بس هي فضلت ماسكه في قميصه راح نام جمبها واخدها في حضنه
نور صحيت وفضلت قاعده مش عارفه تعمل ايه
نور : اسر اسر قوم بقا انتا جاي تنام انا زهقانه
اسر : يعني ينفع القمر ده يبقا زهقان
نور : طب قوم بقا علشان القمر ده قاعد لوحده من ساعتين
اسر : يعني انتي زهقانه
نور : اه وزعلانه منك علشان مش راضي تقوم
اسر : لا كله الا زعلك انا لازم اصالحك
نور : ابعد بقا خلاص مش عايزاك تصالحني
اسر : لا انا لايمكن اسيبك زعلانه
نور : والله ما زعلانه ابعد بقا ي اسر
واخدها معاه في علامهم هما وبس
وناموا واسر صحي بليل لاقاها نايمه
اسر : هيا دي اللي قعدت تقولي زهقانه نور نور قومي
نور : امممم عايز ايه
اسر : الساعه 8 واحنا مروحناش من امبارح
نور بنوم : مش بسببك انت اللي مرضتش تقوم
اسر : وعندي استعداد مروحش انهارده كمان
نور : بس بقا انا هقوم البس
اسر : ماشي وانا هخرج استناكي بره
وخرج اسر ولبست نور وخرجت وراه
اسر : تعالي يامالكة قلبي يا تعباني
نور بخجل : بس بقا بتكسف
اسر بضحك : والله انا مش فاهم هتفضلي لحد امتا تتكسفي مني
نور : ااا هو احنا كده راجعين الشط
اسر : غيري الموضوع غيري اه ياستي كده راجعين الشط .... ايه ده ده صوت تليفوني بس هو فين مش في جيبي شوفيه معاكي كده
نور : ومش معايا بص كده في الارض
اسر : ارض ايه يانور ارض ايه احنا في المركب
نور : تصدق انا الحق عليا اني بحاول اساعدك
اسر : خليها لنفسك يا حببتي
نور : اديني سكت اهو
محمد : استاذ اسر
اسر : محمد نعم
محمد : معلش بس عم سيد لقا تليفونك مرمي علي الارض ف ادهوني ودخل نام وقالي لما تصحي ادهولك
اسر : تمام شكرا يلا روح شوف شغلك
اسر بص لقي محمد سرحان وبيبص لنور
اسر بزعيق : محممد روح شوف شغلك
محمد بتوتر : ح حاضر
اسر : وانتي يازفته خشي غيري اللي انتي لابساه ده
نور : انتا بتزعق ليه
اسر : نووور انا قولت كلمه تتنفذ خشي غيري
دخلت نور غيرت وخرجت
اسر : ايه يا بابا
مصطفي : بابا مش عاويدك مالك
اسر : ماليش كويس
مصطفي : متخانق معاها
اسر : يابابا هيا اللي بتنرفزني يعني ينفع اقولها ادخلي غيري الزفت اللي انتي لابساه ده تقولي انتا بتزعق ليه بص كميه البرود
مصطفي : والله انتو هبل فكك بقا انتو فين احنا جينا مالقنكوش
اسر بتوتر : هااا احنا احنا سافرنا يومين الشاليه
مصطفي : ماشي هتيجو امته
اسر : مش عارف هسال ماهر واقولك
مصطفي : ماهر
اسر : بقولك الباقي الباقي ايه اللي جاب سيره ماهر
مصطفي : اه ماشي
اسر : فين ايمي وحشاني
مصطفي : دخلت تستريح شويه
اسر : ايه اخبار العمره
مصطفى : الحمد لله يااه مش قادر اوصفلك الراحه
اسر : تقبل الله
مصطفي : طب سلام بقا وخف عليها شويه دي غلبانه
اسر : حاضر سلام
وقعد مستنيها مطلعتش
اسر : هيا مجتش لحد دلوقتي ليه انا داخلها
ودخل لقاها قاعده واول مادخل لفت وشها
اسر : انتي لسه زعلانه مني
نور : ...............
اسر : طب اسف والله بس متزعليش
نور: ...................
اسر : طب رودي عليا طيب متخوفنيش عليكي
راحت نور حضنته وعيطت
اسر : بس بس خلاص انا جزمه وحمار بس متعيطيش
نور ضربته في كتفه
نور : متقولش علي نفسك كده
اسر بضحك : طب علشان خاطر الحمار حبيبك ده متعيطيش
نور : بس انتا زعقتلي جامد
اسر : يا حببتي طب ممكن تقوليلي كان المفروض اعمل ايه وانا شايف واحد عمال يبص علي مراتي
نور : تروح تزعقلي انا
اسر : طب ما انتي كنتي لابسه قصير
نور : علشان مكنتش اعرف ان في حد هنا اساسا
اسر : خلاص حقك عليا انا اسف
وباس راسها
اسر : خلاص بقا علشان خاطري
نور : خلاص مش زعلانه
اسر : لا زعلانه
نور : مش زعلانه
اسر بضحك : خلاص يلا بقا علشان نروح
وروحوا واول لما فتحوا الباب لقوهم كلهم واقفين صف واحد ومكشرين