البارت الثالث عشر
دخلت ليليان الغرفه مع مهاب وبعد ان اقفلت الباب وراءهم قال مهاب
- ممكن افهم بقى ايه اللعبه اللى انتى بتعلبيها ديه
ليليان - لعبه ايه مش فاهمه قصدك ايه
مهاب - ليليان بلاش لف ولا دوران ، ايه تفسير تصرفاتك ديه
ليليان - مش انت قولت ان الكل لازم يقتنع ان جوازنا عن حب ، انت كلمتنى وهما جنبى وكان لازم اعمل كده علشان يقتنعوا اننا بنحب بعض ، مش هو ده اللى انت عايزه
- ماشى يا ليلو انا وراكى لحد ما نشوف هتأخدينا على فين
ليليان - بخصوص الحفله انا هصمم فستانى بنفسى
- وانتى بتعرفى تصممى
ليليان - لا دخلت كليه تصميم ازياء علشان بحب العب بالقماش
- ليليان
ليليان - بلا ليليان بلا بتاع بقى ، يعنى انا داخله المجال ده ازاى لو ماكنتش كويسه فيه ، وبعدين يوم الحفله هتشوف ان فستانى هيكون احسن من فساتين شركتك
- هههههههههههه و بتقولى عليا انى مغرور ، ماشى يا ليليان انا موافق ولو الفستان عجبنى اوعدك انى هعمل عرض ازياء كامل من تصميمك
- والنبى بتتكلم جد
- طبعا ، مش مهاب الدالى اللى يرجع فى كلمته
اخذت ليليان بالتنطيط وهى سعيده للغايه وبدون ان تدرى رمت نفسها بحضنه
- شكرا شكرا شكرا
ضمها مهاب بقوه له واستنشق رائحتها التى تشبه الورود والتى اصبحت الرائحه المفضله له ، ابتعدت ليليان بخجل وقالت
- انا ، انا هنزل اجيب عصير تشرب معايا
ضحك مهاب على وجهها الاحمر وقال
- الجناح فيه ثلاجه على فكره مش محتاجه تنزلى لتحت
- معلش اصل النوع اللى بحبه مش هنا
ثم جرت للاسفل ، بمجرد ان وصلت للاسفل نادت عليها ليزا
- تعالى لي لى اريد التحدث معكى قليلا
- ايوه يا ماما فيه حاجه
- اريد اولا ان اشكرك لانكى تهتمين بأبنى ، ثانيا اريد ان اخبرك بعض الاشياء عن مهاب حتى تعلمى ما يحدث معك
بدأت ليزا بأخبارها كل ما حدث مع مهاب و نورهان وما فعلته وكيف تحول مهاب بسببها وفقد الثقه بالنساء و الحب واصبح متكبر مغرور هكذا وبعد ان انتهت
- لذلك ابنتى اريدك ان تعتنى بنفسك و تعتنى بمهاب فأنا لا أثق بنورهان او وفاء واخاف ان يفعلوا شئ يفسدوا بها سعاده العائله
- متخافيش يا ماما ، انا اهلى ربونى دايما انى ادافع عن حقى ومتنازلش عنه ابدا ، ومهاب حقى انا ومش هخلى حد يتدخل بنا
- الله يحميكى يا ابنتى
- انا رايحه المطبخ اجيب عصير لمهاب محتاجه حاجه يا ماما
- شكرا ابنتى
قامت ليليان للمطبخ وحضرت العصير وهى تلتفت وجدت نورهان امامها
ليليان : - وبعدين بقى يابت انتى انا مش قولتلك ابعدى من قدامى
نورهان : - انتى يا بيئه اللى هتحددى اقعد فين و ماقعدش فين ، انتى نسيتى نفسك ولا ايه
ليليان : - الظاهر انتى اللى نسيتى نفسك ومحتاجه حد يفكرك ان البيت ده بيتى وانا اللى اتحكم فيه وانتى هنا مجرد ضيفه
نورهان : - بكره مهاب يرميكى بره وساعتها هكون انا ست البيت ده ، انا حب مهاب الاول و الوحيد
قبل ان ترد ليليان لاحظت نزول مهاب على السلم فهى كانت امام الباب وترى من بالخارج وهو نزل يبحث عنها عندما تأخرت فقامت برمى صنيه العصير وقالت لنورهان بصوت واطى
ليليان : - انتى اصلا عاهره وده دايما هيكون مقامك
قامت نورهان بصفعها بقوه بدخول مهاب و ليزا وزينب و وفاء الذين جَاءُوا على صوت تحطم الاكواب ، صرخ مهاب
- نورهاااااان انتى اتجننتى
ارتمت ليليان بحضن مهاب وهى تبكى فقالت نورهان
- هى اللى بدأت يا مهاب واهنتنى
قالت ليليان بين دموعها
- انا كنت بجيب العصير لينا وقفت اقدامى وقعدت تقولى ان هى ست البيت وانها حبك الاول والاخير وانك بكره ترمينى بره وتتجوزها ، ولما قولتلها انك بتحبنى انا رمت الصينيه من ايدى وضربتنى بالقلم
- كذابه البت ديه كذابه يا مهاب
- اخرسى
قالها مهاب بغضب وقام بصفع نورهان وسط ذهول الجميع
- مراتى مش كذابه يا نورهان ، واللى تبيع شرفها وتخون خطيبها يبقى ممكن تعمل اى حاجه وانا مش ناسى اللى قولتيه فى الفرح وده اخر إنذار ليكى قربى جنب مراتى تانى وهتكونى بره القصر ، ليليان هى ملكه القصر ده ، هى اللى شايله اسم الدالى واللى يفكر يهينها هيكون اخر يوم بعمره
اخذ مهاب ليليان للاعلى ومسح دموعها
- خلاص يا ليليان بلاش عياط صدقينى محدش هيقرب منك تانى ، انتى مراتى وكرامتك من كرامتى وانا مستعد احرق اى حد يفكر يهينك نامى وارتاحى لحد ميعاد العشاء وانا هنزل المكتب اخلص شويه شغل
نزل مهاب للاسفل وليليان تنظر له بأستغراب ، هى لم تتوقع ان يقف بصفها هكذا ، هى كانت تعلم انه سيرى نورهان وهى تصفعها وبذلك اى كلام ستقوله على لسان نورهان سيصدق انه حقيقه لكن ان يدافع عنها هكذا لم تتوقعها
ليليان : - كده انا كسبت الجوله ديه ( ليليان ١ —— مهاب صفر )
قررت ليليان ان تحضر هى العشاء اليوم فنزلت للمطبخ وقامت بتحضير العشاء بمساعده الخادمات وبعد ان انتهت صعدت لاعلى ثم جاء ببالها فكره فقامت بلف يدها برباط ضاغط بعد ان قامت بتغيير ملابسها ثم نزلت للاسفل
تجمع الجميع على مائده العشاء حتى نورهان التى كانت تنظر لليليان بحقد لو كانت النظرات تقتل لكانت ليليان جثه هامده ،
جلس مهاب بجانبها وبدأ الجميع يأكل ماعدا ليليان
- الاكل تحفه النهارده هو فيه شيف جديد ولا ايه
قالها مهاب و هو يتلذذ بالطعام فردت زينب
- اه شيف زى القمر واسمه ليلو
- معقوله ، ليليان انتى اللى عملتى الاكل
ليليان : - ايوه انا
- وليه كده ، ليه ماخلتيش الخادمات يعملوا هما الاكل
- انا كنت عايزه اعمل الاكل لحبيبى بنفسى
- تسلم ايدك الاكل تحفه بس انتى مش بتأكلى ليه يا حبيبتى
اخرجت ليليان يدها اليمنى من تحت السفره وكانت مربوطه فامسكها مهاب بحنيه
- انتى كويسه يا ليلو حصل ايه
- انا كويسه مفيش حاجه بس الحله وقعت على ايدى وانا مش واخده بالى بس
زينب : - وانتى هتاكلى ازاى يا ليلو
- مش جعانه اوى ماتشغليش بالك يا زوزو
امسك مهاب معلقته وقرب الطعام من فمها ففتحت ببطء وقام هو بإطعامها
- زى ما انتى عملتى كده علشانى يبقى اقل حاجه انى أكلك بأيدى يا قلب
- ربنا ما يحرمنى منك يا حبيبى
- الله الله انتم الاثنين نحن هنا
قالتها زينب بضحك فضحكت معها ليليان و ليزا و مهاب اما نورهان و وفاء فكان الغضب يعميهم بأن هذه الفتاه اصبحت تتحكم بكل من فى البيت و هى لم يبقى على وجودها ايام فماذا ستفعل بالمستقبل
مرت الايام بهدوء نسبى بين مهاب وليليان لكنه لا يخلو من بعض المناورات بينهم وقامت ليليان بتصميم الفستان الذى ستذهب به للحفله كما قامت بدعوه مريم وجمال للحضور ايضا
نورهان و وفاء كانوا يحاولون ان يجمعوا معلومات عن ليليان ليستخدموها ضدها ويجعلوا مهاب يكرهها
زينب و ليزا كانتا بقمه السعاده لان مهاب اخيرا وجد من تقف له وتغيره للافضل
على علم ان مريم ستحضر للحفله فأرسل لها فستان لتحضر به ، واستلمت مريم هديته وكانت متردده بقبولها لكن جمال الفستان جعلها تقبلها واصبع عقلها يفكر كثيرا به
كانت ليليان تريد الخروج لشراء بعض المستلزمات الناقصه للحفله فأتصلت بمهاب فكان معه اجتماع فقامت السكرتيرة بالرد عليها بطريقه مائعه جعلت ليليان تغضب بشده وخصوصا انها اغلقت الخط بوجهها قبل ان تعطيها الفرصه
اتجهت ليليان لخزنتها واختارت فستان وقامت بوضع مكياجها وبعد ان انتهت توجهت لسيارتها واخذتها لشركه مهاب وهى تغلى من الغضب من ان الحقيره قفلت السكه بوجهها واخبرتها انه مشغول
وصلت ليليان للشركه ودخلت فمنعها الامن من الدخول لولا ان الحارس الخاص لمهاب اخبرهم انها زوجته فاعتذروا وافسحوا لها الطريق
صعدت ليليان للدور الاخير واتجهت لمكتب مهاب فوقفت امامها السكرتيره وهى ترتدى ملابس خليعه وتتكلم بطريقه مستفزه
- انتى مين وبتعملى ايه هنا من غير ميعاد
ليليان : - مهاب جوه
- مهاب مره واحده الظاهر انك مش عارفه بتتعاملى مع مين ، اطلعى بره بقى بدل ما انادى على الحرس يرموكى بره
ليليان : - الواضح انك انتى اللى هتترمى بره
فتحت ليليان الباب ودخلت وكان مهاب مع مجموعه من الاستشارين نظر ليرى من تجرأ وقاطعه ليرى ليليان تقف امامه بفستان قصير
تحولت صدمته لغضب شديد انها خرجت من المنزل هكذا
- انا اسفه يا مهاب باشا انا حاولت امنعها بس البتاعه ديه دخلت برده حالا الامن هيرميها بره
مهاب : - انتى اللى تطلعى بره وانتى مطروده من الشركه يا سعد
سعد : - نعم يا مهاب باشا
مهاب : - الامن يكون معاها وهى بتفضى مكتبها وتخرج بره الشركه حالا
- يا مهاب باشا انا معملتش حاجه
- وانتى عايزه تعملى ايه اكثر من انك تهينى مراتى
نظر الجميع بصدمه لبعض وقالت السكرتيره بذهول
- مممراتك
مهاب : - اتفضلى بره ، وانتم كمان الاجتماع اتأجل
خرج الجميع واقترب مهاب منها وامسك يدها بغضب
- انتى ازاى تخرجى من البيت كده انتى اتجننتى
- انا معملتش حاجه غلط انا كلمتك وتليفونك مقفول كلمت الشركه البتاعه ديه قفلت الخط فى وشى وانا كنت نازله اشترى حاجات ، الحق عليا يعنى انى ماردتش انزل من غير ما اقولك
- الفستان ده مايتلبسش تانى يا ليليان ، مش مراتى انا اللى تنزل كده وحد غيرى يشوفها
- ايه ده انت بتغير عليا يا مهاب
قالتها ليليان بتفاجئ مصطنع زاد من غضبه لانه فعلا يغير عليها
- اول و اخر مره تخرجى كده يا ليليان . ثم اخرج من محفظته كارت البنك وقال : الكارت اهو اشترى اللى انتى عايزاه وانا هفتحلك حساب من بكره
- انا مش محتاجه الكارت انا معايا فلوس انا بس كنت عايزه اعرفك انى هنزل
- خدى الكارت يا ليليان انا عفاريت الدنيا بتتنطط قدامى دلوقتى وتروحى البيت تغيرى الفستان ده الاول وبعدين تروحى تشترى اللى انتى عايزاه ولو شوفتك لابسه قصير تانى يا ليليان يبقى تتحملى النتائج
- ماشى يا بيبى طالما بتغير عليا يبقى هسمع الكلام يلا تشاو
قبلت خده و تركته واقف مذهول من تصرفاتها وخرجت و ابتسامه
نصر على وجهها ، هو يغير عليها والرجل لا يغير الا على من يهمه فقط وسوف تستغل هذه النقطه
- ليليان ٢ - مهاب صفر
ولسه يا مهاب انا هخليك تحلم بيا حتى وانت صاحى وهخلي اسمى
هو الاسم اللى قلبك و عقلك بيردده وده وعدى ليك