رواية فارس أحلامي
بقلم رانيا محمود
الشخصيات والفصل الاول
والفصل الثاني
1_فارس -اسم على مسمى فارس وهو فارس يملك كل أخلاق الفرسان بس
فيه عيب عصبي بزياده يمكن لأنه دقيق بزياده ..فارس شاب مواصفاته الجسمانيه رياضي بامتياز بيعشق
الخيل والعربيات بس الخيل ليه معزه خاصه عنده .هو الأخ الأكبر لاختين عليا ونيره أبوهم مات وهو في
سنه أولى في كليه الزراعة دخل الكليه دي لأنهم يمتلكوا مزرعه صغيره والده حببه في الزراعه والفلاحه وهو عاشق للأرضه
2ّّ_والده فارس سميره ليها أخ وأخت ..ست بيت مصريه كماقال الكتاب ....
3_فريده( خاله فارس) وزوجها محمد وعندهم بنت اسمها سلمى وهم عايشين معاهم في مزرعه ابو فارس لأن محمد زوج فريده مهندس زراعي وكان على علاقه جيده جدا بأحمد زوج سميره
4_سلمى بنت خاله فارس كانت بتعشقه وديما بتسميه فارس أحلامي ...أما فارس فشيفها أخته الثالثه وبس
سميره وفريده ليهم أخ واحد
5_ عبد الحميد راجل عصامي عنده شركه مقاولات كبيره زوجته رقيه ست جميله جدا وعندهم بنت واحده اسمها ساندي للأسف ماتت والدتها وهي عندها 10سنين ولم يتزوج والدها لأنه كان بيحب زوجته جدا
6_ساندي ..مش هنقول بنت مستهتره ولا أخلاقها وحشه بس هي حقيقي اتربت على العز وأن أحلامها أوامر وأنها عارفه ان والدها عايش علشان يسعدها وبس وهي نسخه مصغره من حبيبته وزوجته رقيه.الله يرحمها
(الأحداث)
الحلقه الاولى
في مزرعه فارس في البحيره كان يوم صعب علي فارس اوي كان يوم عزاء والده كان واقف يتلقى العزاء بكل حزن وانكسار داخلي أما أمام الناس فكان أسد واقف راجل بمعنى الكلمه
بعد العزاء .
.فارس ..-: شكرا يا جماعه علي و قفكم جنبي وربنا يجعلها آخر الأحزان .
بيخرج فارس من صوان العزاء و بيدخل بيته
فارس -:..عليا نيره حضروا العشا للناس ..هي ماما فين مش شايفاها من بدري
عليا .بدموع :_..اه يا فارس ماما تعبانه اوى من كتر العياط ومش بتاكل وكمان مش عاوزه تاخد الدوا
فارس .:_..ازاي سيبنها كده انتي واختك حسابكم معايا بعدين
دخل فارس في غرفه مامته وجد الكل فيها خالته فريده وسلمى ونيره وساندي وعمه على وابنه جمال وزوجه عمه زينب .طبعا
لم يتكلم أمامهم ولكن طلب من الجميع التوجه العشا فرفضوا ولكنه أصر ...
فارس :_...لازم ناكل لأن ما ينفعش الحزن يسيطر علينا..يا جماعه الحياه لازم تستمر و مش الجوع هو اللي يرجع اللي راح ..
ساندي كانت أول واحده قامت وقالت -: فعلا انا جعانه وتعبانه
.لم يستغرب أحد من كلامها لأن الكل يعلم طبعها .ذهب الجميع إلى منازلهم... نام فارس في غرفه مامته بجوارها لكي يطمئن عليها لأنه يشعر أنها ستتعب فهذه أول ليله لها تنام بمفردها
سميره ..:_.قوم يا فارس نام في سريرك يا ابني
فارس:_ ابدا يا ست الكل انا معاكي وهنام جنبك مش هسيبك ابدا وماتحوليش
سميره -: يا بني انا لازم اتعود و بعدين مش انتي اللي قايل بنفسك ان الحياه لازم تستمر ..انا راضيه بقضاء ربنا و الحمد لله علي كل حال ...قوم بقى ماتتعبنيش معاك
فارس -: معلش يا ماما سبيني النهارده انام في حضنك ...( واكمل بدموع ) علشان خاطري يا أمي أنا اللي محتاج وجودك معايا ..علشان خاطري
سميره بتمسح دموع ابنها -: خاطرك غالي عندي يا حبيبي..تعالي يا فارس في حضني ونام يا ابني ..ربنا يصبرنا جميعا و يعدي الايام الجايه برحمته الواسعة
تاني يوم وكأن لم يحدث شئ قام فارس بصمود قرر ان البيت يمشي بنفس نظام ابوه وانه لازم يكمل مسيره ابوه مع أمه و أخواته البنات واتجه إلى الأرض والاصطبل والحظيره يباشر عمله بكل نشاط ...اخر اليوم اجتمع مع عيلته الصغيره و طلب من أمه وأخواته الاستعداد للذهاب للمحامي
سميره:_ ليه يا فارس الموضوع مش مستاهل أنتم الوراثه الشرعيين لابوكم فامافيش داعي للمحامي
فارس -: ماما معلش دي حقوق لازم نعمل اعلام وراثه و ننهي الإجراءات
بسرعه و كمان حضرتك هتكوني الوصيه علي البنات و محتاجين فعلا نروح للمحامي
سميره-: طيب يا فارس اللي تشوفه بكره الصبح من بدري نروح يا ابني و ربنا يقدر لنا الخير و يعينك يا حبيبي علي الحِمل التقيل اللي وراك
فارس باس ايد مامته -: طول ما احنا حواليكي و راضيه عننا ربنا يساعدني و نقدر نعدي من الحزن ده علي خير ..انشالله يا ماما مافيش حاجه هتتغير بموت بابا و هنكمل حياتنا ..انا عندي امل فالله كبير ..بس انتي ارضي عني يا امي و ادعيلي ..انا ماشي في الدنيا دي ببركه دعاكي
مرت السنين وأنهى فارس دراسته والتحقت عليا بكليه السن جامعه القاهره واضطرت تسافر إلى القاهر
سميره -: لا مافيش سفر انتي بنت وانا اخاف عليكى
عليا بحزن -: ارجوكي يا ماما بلاش تقفي قدام مستقبلي انا جبت مجموع كبير و عاوزه ادخل الكليه دي وانا شايفه ان فيها مستقبلي ..انا بحب اللغات و كل صحباتي بيحسدوني
ان جاتلي كليه السن ..من فضلك وافقي و بعدين انا هقعد في المدينه الجامعيه متخافيش ..ارجوكي يا ماما
فارس -" خلاص بقي ياست الكل وافقي علشان خاطري انا كمان و ياستي احنا هنبقي نسافر ليها نطمن عليها و هي كمان تبقى تجلنا في الاجازه ..والله ماهسبها ابدا متخافيش و ده وعد مني .وحقيقي كليه الألسن ماتتعوضش و انشالله تتفوق فيها كمان
عليا بفرحه (-: ربنا يخليك ليا يا ابيه وانا اوعدك اني كل سنه هجيب تقدير محترم واخليكم كلكم تفتخروا بيا
سميره بزعل مكتوم -: خلاص سيبوني افكر و بكره انشالله نبقى نتصرف ...المهم دلوقتي روح يا احمد لعمك محمد كان عاوزك في المزرعه ..وانتوا يا بنات علي المطبخ قدامي علشان نحضر الغدا
عليا بزعل -: حاضر يا ماما بس ارجوكي انا ...
سميره -: خلاص يا عليا انا قولت بكره الصبح نبقى نتكلم وهقولك هنعمل ايه و صدقيني انا اكتر حد في الدنيا دي بيخاف عليكي و عاوز مصلحتك و عمري ابدا ما هقف قدام مستقبلك بس كله بالعقل ..نحسبها بس كويس واللي فيه خير ربنا يكتبهولك انتي و اخواتك
نيره بتطبطب علي كتف اختها -: متزعليش انشالله ربنا مش هيزعلك ابدا ..يلا اختي علي المطبخ علشان ماما متزعلش مننا و اضحكي كده و فرفشي و الله كله خير
عليا بأمل في ربنا -: ياااارب
سميره ..-: الله يبرك فيك يا اخويا تسلم يا حبيب اختك
عبد الحميد-: ومالك كده يا أم فارس بتقوليها وانتي مش مبسوطه ليه ده حتي البت عليا بسم الله ماشاءالله عليها جابت مجموع ميحلمش بيه ابن وزير وجالها كليه ممتازه
وهي الشهاده لله ماخلتكيش تدفعي فلوس كتير في الثانويه العامه ..بت بميه راجل صحيح مش زي
الخايبه ساندي اللي دخلت الجامعه الامريكيه بفلوس و تعليمها كله فلوس وبس ولا بتذاكر ولا فالحه في حاجه غير في الفساتين و الفسح والنافخه الكدابه..للأسف دلعت اوي و كنت فاكر اني بعوضها عن وجود امها بس انا للأسف اللي جنيت نتيجه الدلع ده ..
سميره -: ما تقولش كده علي ساندي حبيبتي و روحي كمان اوعي تزعلها انت عارف دي غاليه عليه قد ايه .و بعدين و ماله لما تدلع في خير ابوها و لو متدلعتش في حياتك تدلع امتي بقى.. بقولك ايه ماتتكلمش عن ساسو حبيبتي كده فاهم
عبدالحميد ضاحكة-: يا دي الخيبه بدل ما توقفي معايا و تقوليلي لا يا اخويا شد علي البت ساندي دي شويه ..عاوزاني اكمل دلع فيها
سميره -: طبعا دي الغاليه بنت الغاليه الله يرحمها
عبدالحميد-؛ الله يرحمها و يجمعني بيها على خير -" المهم انتي زعلانه ليه بقي
سميره -: مش زعلانه بس الدنيا عندي هنا مش مظبوطه وانا مش عارفه اتصرف
عبد الحميد-: خير فيه ايه عاوزه فلوس
سميره -: لا يا اخويا انشالله يخليك مستوره والله والحمد لله..بس انت عارف لو عاليا دخلت السن هيحصل ايه
عبدالحميد-: هيحصل كل خير .عاليا بنت شاطره و مايتخافش عليها في الدراسه
سميره-: مش في الدراسه قصدي لو دخلت الكليه دي هتضطر تسافر القاهره و فكره أنها تسافر لوحدها حتى لو هتقعد في المدينه الجامعيه بردوا مش هبقي متطمنه عليها دي هتبقى
اول مره تنام بره بيتها
عبدالحميد-: ومين يا هانم هايسمح لبنت تعيش في مدينه جامعيه ولا بيت طالبه هي مالهاش حد في القاهره ولا ايه انتوا مش
معتبريني في مقام ابو عاليا ولا ايه... بقى يكون ليكي أخ من دمك عايش في فيلا طويله عريضه في القاهره و لمة بنتك تيجي القاهره او اي حد من ولاد اخواتي يجوا علي القاهره .يدورا علي مكان يباتوا فيه ..لا بجد زعلت منك يا سميره و من فارس و من عاليا ..اقولك انا زعلت منكم كلكم
سميره بضحك -: اهدي يا عبده يا اخويا والاه ماجاش في بالنا كل اللي انت بتتكلم عنه ده
عبدالحميد-: و كمان ماجتش في بالكم ده عذر أقبح من ذنب لا انا مش هسكت ..انا جايلكم البحيره بنفسي و لينة كلام تاني
سميره بفرحه -: بجد صحيح يا اخويا
عبدالحميد-: ايوه بكره الصبح هنكون عندكم وعاوز فطار معتبر من ايدك الحلوين دول بس بردوا انا زعلان منك
سميره بضحك -: والنبي ما اقدر علي زعلاك يا نور عيني ..اللي انت عاوزه هيحصل بس تعالي وهات البت ساسو معاك ..مستنايكم نفطر سوا يا عبده ..مع السلامه يا اخويا
فارس كان واقف وارا مامته وعرف ان خاله و ساندي جايين بكره ..وحس قلبه هينط من مكانه من الفرحه
فارس -: بجد يا سوسو خالي و ساندي جايين بكره فعلا
سميره بابتسامه-: ايوه يا ابو الفوارس مالم كده الفرحه هتنط من عنيك
فارس -: طبعا يا سوسو مش خالي حبيبي جاي وانتي عارفه انا بحبك قد ايه
سميره -: بتحب خالك ولا بنت خالك
فارس بيهرش في شعره-: الاتنين يا ام فارس ..مش قالوا الخال ولد وبنته دي تبقي بنت ابويا يعني اختي
سميره -: لا مش اختك
..وانشالله يا حبيبي ربنا ينولك اللي في بالك وبالي يارب ..ده هيبقى يوم المنى يا حبيبي
فارس بإحراج -" هو ايه ده يا ست الكل اللي بتقوليه ..المهم سيبك من الكلام ده دلوقتي..انا سمعتك بتقولي لخالي اللي انت عاوزه هيكون ..ايه بقى اللي عاوزه
سميره -: عاوز عاليا تعيش معاه في القاهره وهي بتدرس في الجامعه هنام و ماتروحش ولت مدينه جامعيه ولا بيت طالبه و زعل اوي لما انا ماطلبتش منه كده
فارس -: والله كتر خيره ..انا موافق و ماعتقدش ولا انتي ولا عاليا نفسها ترفض
سميره -: لا انا مش معترضه ياريت بجد ..انا كده هكون مرتاحه ..حتي لو سافرت كل أسبوعين اطمن عليها ماحصلش هم هبات فين
فارس -: طل تمام نبلغ بقى الست عاليا
سميره -: لا استني لنا يجي خالك بكره و الكلام يبقى قدامها خاليها مفاجأه
فارس كان اسعد انسان بالقرار ده لانه هيقدر يكون علي اتصال ولو غير مباشر بساندي وخصوصا ان فارس عاشق لساندي بكل
تناقضتها فهو يعلم أنها مدللة ولكنه كان يراعي ظروف تربيتها فكانت فرصه لكي يسافر إلى القاهره
يطمأن على أخته ويقدر يشوف ساندي ...أما ساندي فكانت لا تهتم غير بساندي فقط علاقتها بأهل والدها تكاد تكون سطحيه
حضر الخال و ساندي و كانت مفاجأة رائعه لعاليا و استعدت بكل حماس للسفر للقاهره وتحقيق حلمها
ومرت أعوام الدراسه وانهت عليا دراستها وكذلك ساندي اتخرجت من الجامعه الامريكيه اداره أعمال ولكن لم تكن ساندي وعليا أصدقاء
ولكن الأيام لم تترك الأحداث تمر بسلام
كان لعبد الحميد صديق يدعى عيسى المصري كان رجل الأعمال ولكنه كان سئ السمعه الماليه ولكن مع ذالك كان عبدالحميد يحبه فهو صديقه يتقبله بيعيوبه ومميزاته
وفي احد الايام
عيسى .:_.عبد الحميد انا عندي مشكله وأنا واثق انك هتقف جنبي انت الصديق الوحيد الوفي عندي
عبدالحميد .-:. طبعا ياعيسي انت كمان ربنا يعلم اني لو كان ليا اخ ما كنش هيبقي قريب ليا ذيك كده ..المهم قولي مالك فيه ايه..و مشكله ايه اللي عندك
عيسى .:_..انا عندي مشكله سيولة وعاوز منك انك تضمني في البنك علشان اخد قرض
عبدالحميد .:_..طيب وليه قرض ما انا موجود عاوز كام
عيسى ..:_.لا يا عبدالحميد المبلغ كبير اوى 5مليون دولار
عبدالحميد..:_. كام ده مبلغ كبير ليه يا عيسى
عيسى...هدخل مشروع كبير في دبي مع ناس عرب وأجانب وأنا مش معايا سيوله وفي ظرف سنه ال 5مليون دولار هيكونوا 10 مليون دولار ..
عبد الحميد-" ليه يا عيسى تدخل نفسك في متاهات ذي دي ..النوع ده من الشغل مابيكونش مضمون ولا حلال كمان. الشركات دي بيكون فيها رؤوس أموال مشبوهه ..غسيل أموال و تجاره مخدرات و دعاره ..صدقني حتي لو كانت تجارتك فلوسها اقل منها بس كفايه انها فلوس حلال معروف مصدرها ..فكر كويس يا عيسي يا اخويا .مش كل حاجه الفلوس وبس ..فيه حاجات اهم بكتير وأهمها الأخلاق و الضمير
..
.لم يقتنع عبدالحميد ولكن عيسى ظل لأكثر من شهر يتحدث معه ولا يترك له فرصه يفكر كأنه مثل الشيطان الذي يوسوس له طوال الوقت وللأسف استجاب عبدالحميد وذهب إلى البنك وكان ضامن لعيسى الذي أخذ المبلغ وهنا كانت بدايه النهايه.
بعد 6شهور انقطعت أخبار عيسى ولكن عبدالحميد لم يكترث كثير فالقد التمس الأعذار لصديقه ولكن بعد فتره ليست بالطويله ابتدأ البنك يطالب بالاقساط وهنا ابتدت المشاكل
عبد الحميد-: اذاي يا فهمى يعني ايه عيسي مختفي ومافيش حد عارف عنه حاجه ..
فهمى سكرتير مكتب عبدالحميد-: والله يافندم انا مكلف صديق ليا في الشرطه يبحث عنه حتى أنه اكدلي ان عيسي بيه ماخرجش بره مصر خالص ..اسمه مش مدرج فى سجلات مطار القاهره
عبدالحميد-: طيب يبقى راح فين ..مات يعنى...ابنه فين شركته ...مافيش حد من مواظفيه يعرفوا عنه حاجه
فهمى ينظر في الأرض ولا يتحدث
عبدالحميد-: في ايه يا فهمى شكلك عارف حاجه قول بسرعه اعصابي مش متحمله
فهمي بحزن شديد-: أصله يا فندم باع الشركه والفيلا و كل ممتلكاته في مصر و حتي فلوسه ماحطهاش في اي بنك و فيه كلام انه حول فلوسه دي لدهب و هربها و فيه ناس بتقول انه اشتري بيها عقارات في أمريكا يعنى مالوش اي راس مال فى مصر نهائي
عبدالحميد لم يستطع تحمل ماسمعه وفقد وعيه مباشرا
اختفى عيسى نهائيا وعبدالحميد لم يعرف ماذا يفعل فهو الضامن وتوالت الأحداث
بشكل سريع ومخيف انتهى الأمر بأن حجز البنك على كل املاك عبدالحميد وأعلن إفلاسه وانتهى كل شي
في المزرعه عبدالحميد جالس مع أخواته البنات في شبه غيبوبه من أثر الصدمه
سميره .:_..يا اخويا لازم تقوم وتفوق بنتك محتجالك واحنا اخوات كمان محتاجينك مالناش غيرك
فريده:_ ...يا حبيبي احنا كلنا جنبك وقبل كل ده ربنا موجود وهو اللي رزقك قبل كده وهو اللي هيرزقك تاني خزائنه ما بتخلصش
لازم تقف على رجليك من تاني بلاش وضعك كده بنتك حبسه نفسها في اوضتها ضيعه من غيرك يا اخويا
عبدالحميد...بصوت ضعيف للغايه بسبب المرض:_ ...انا مش معايا أي فلوس حتى مجوهرات بنتي ومراتي كل شي كل شي ضاع راح
سميره .:_...لا يا اخويا انت نسيت الخمس فدادين اللي انت كتبها باسم ساندي
عبدالحميد:-....لالا إلا الأرض دي دي أرض ساااندي لا يمكن انااا اموت ولا الأرض دي تروح من بنتي لا وألف لا
فريده وسميره:- خلاص يا خويا اهدي خلاص كفايه صحتك
عبدالحميد-: ممكن اطلب منك طلب ..لا هو مش طلب هو رجاء ..اتوسل إليكم خالوا بالكم من ساندي ..ارجوكم انا خلاص مش هقدر اكمل ..انا حاسس أني هروح لرقيه
فارس يسمع كلام خاله -: ارجوك انت يا خالي متقولش كده انت هتخف و هتقوم وانشالله ماحدش هياخد باله مننا كلنا غيرك
عبدالحميد بيمسك يد فارس ويهمس في اذنه -: ارجوك يا فارس خالي بالك من ساندي ..اتجوزها وحافظ عليها ..انا عارف انك بتحبها كنت دايما بشوف ده في عيونك ..و انا كنت اتمنى اكون عايش و اسلمهالك بأيدي بس للأسف مافيش وقت
فارس بدموع تملأ عيونه -: خالي ارجوك بلاش الكلام ده ..ساندي في عنيا انت متعرفش مكانها في قلبي عامل اذاي
عبدالحميد-: عارف يا ابني و متأكد كمان ..ربنا يبارك في حياتكم انشالله..انت عارف هي عنيده و متدلعه كمان ..بس انت قدها يا حبيبي. ماتخذلنيش
فارس يقبل يد خاله -: من عنيا يا خالو بس يلا قوم لنا بالسلامه ..علشان احط ايدي في ايدك و تسلملي ساندي
عبد الحميد ابتسم وهز رأسه بالموافقه و طبطب علي يد فارس .عرفانا منه بالجميل
وفي المساء تدهور حاله عبدالحميد أكثر وينقله فارس للمستشفى ولكن يكون كل شي قد انتهى
ساندي في حاله حزن
شديد وصدمه لقد مات الأب و السند و الأمان..لقد أصبحت مثل فرع الشجره التي قصت من جذرها و عصفت بيها الرياح والقاتها علي الارض وقد دهساتها الدنيا بلا رحمه ولا هواده
فجأه وهي في العزا اختفت تماماوكان الجميع يبحث عنها لكن فارس كان مطمأن لأنه الوحيد الذي يعلم مكانها
ساندي فيها عاده غريبه جدا وهي لما تكون تحب تبكي أو تكون حزينه اوى لدرجه هي مش قادره تستحمل كانت تنزل تحت السرير وتبكي براحتها
...فارس انسحب و دخل غرفه ساندي دون أن يشعر بيه احد و نظر تحت السرير بهدؤ
فارس :_"انتي هتفضل عندك كتير
ساندي :_وانت عرفت مكاني اذاي
فارس :_لان دي عادتك
ساندي :_وانت تعرف عاداتي!؟
فارس :_طبعا عارفها كلها
ساندي :_عارف ايه مش فاهمه
فارس :عارف انك لما بتعيطي وتكوني متضايقه بتجري تحت الس رير وده حصل لما كونا في اوضتك وانا كنت معاكي بنلعب بالكوره وبعدين الكوره نزلت تحت السرير ولما نزلتي
تجبيها سمعنا الداداه بتصرخ لما مامتك ماتت وقتها حسيت انك اتجمدتي تحت السرير وكانت صدمه رهيبه وفضلتي تبكي وانتي تحت السرير ولأن انا اللي كنت موجود معاكي فشوفت ده وكان فيه أكثر من موقف كنتي بتعملي نفس الحركه ... لما خالي الله يرحمه بيزعلك كنتي بردوا بتهربي تحت الس رير وكأنه أمان ليكي وانا كانت حاضر معظم المواقف دي وعارف مكانك بس عمري ما قالت لحد عليه
ساندي تبكي في صمت وتنظر لفارس
# فارس# حلامي
الحلقه الثانيه
#رانيا #محمود
وفي اليوم ده خبط على اوضتها ولما مافاتحتش الباب اضطر فارس انه فتح الباب وأول حاجه عاملها بص تحت الس رير وفعلا لاقاها كانت هتموت من العياط وكانت حضنه نفسها في وضع الجنين كان فارس خايف عليها جدا لدرجه كبيره وأول مره يفكر يحضنها. ِ.. وفعلا حضنها وهي دفنت رأسها جواه وفضلوا كتير لحد ما هديت ونامت ولما الفجر اذن قام وحاول يقومها علشان تكمل نومها على السرير وقفل الأوضه عليه ومامته شافته ولأنها عارفه مدى حب فارس لساندي كانت مبسوطه ودعت ربنا أنها تكون أم عياله
ف الصباح :_
سميره :_فارس حبيبي اطلع صحي ساندي
فارس :_حاضر هحاول معاها أنها تنزل وتفطر
بعد شويه
سلمي :_خير نزلت لوحدك ليه
فارس :_مش راضيه حتي ترد عليا.. انا شايف نسيبها وهي لما تجوع هتنزل
اضطرت سميره تسيب ساندي براحتها لأنها عارفه ان بنت اخوها عنادية ولما الليل جه حاولوا تاني لأنها ماكلتش من الصبح بس بردوا مافيش فايده
. على نص الليل خبط فارس ومالقاهاش بص تحت السرير كانت موجوده اخد نفس طويل ونده عليها
فارس :_....اطلعي يا ساندي كفايه اللي بتعمليه في نفسك بس هي ما رديتش جرب كذا مره بدون استجابه فكان منه إلا أنه شدها من تحت السرير وهي صرخت جامد بصلها لاقي عنيها كلها دموع وورمه اوى من كتر البكاء
فارس كان هيموت ويحضنها بس تماسك لأن مش وقته انما وقت االصدمه لازم ساندي تفوق
فارس بصوت عالي وماسكها من كتافها:_ فوقي بقى لازم ترجعي لنفسك ما ينفعش الضعف ده خلاص ابوكي وأمك ماتوا هتعملي ايه هتموتي نفسك وراهم .الدنيا لازم تستمر ولو فضلتي كده مش هتغيري حاجه الحياه مش بتقف عند حد ولا علشان حد ...(.طبعا صوته عالي خلا الكل يجري ويشوف فيه ايه مامته زعقتله بس هو ولا كان سامع أو شايف حد غير ساندي وفضل يزعق فيها وهي بتبصله باستغراب و فاجاه ضربها قلم من شدته وقعت على الأرض والدم نزل من جانب شفايفها راحتلها سميره واخدتها في حضنها أما فارس فضل ثابت وهو بيكرر جمله واحده( الدنيا عمرها ما هتبطل تديكي بالقلم طول ما انتي هتفضلي مستسلمه يا تفوقي يا تموتي ورا أهلك )
وسبهم ومشى وسط زهول الكل
مامته عارفه أنه بيعمل الصح بس استغربت من التوقيت
سلمى كانت مبسوطة لأنها عارفه ان فارس بيحب ساندي واللي حصل ده خلاها تحس انه بطل يحب ساندي لأنها طفله مدلعه بس هي ماتعرفش أن ده قمه الحب لأنه هيموت وخايف على حبيبته
تاني يومي بردوا ساندي ما نزلتش فارس فعلا مش عارف يعمل ايه فضل طول اليوم في المزرعة علشان يشغل باله ونفسه عن التفكير بس بردوا مافيش فايده ...باليل بيبص على البلكونه شاف نور الاوضه مفتوح عرف أنها صاحيه
راح المطبخ عمل أكل وجابه على صنيه وحطه قدام بابها وخبط وقالها:_ الأكل قدام الباب ارجوكي كلي
( وسابها ودخل اوضته اللي هي قدام اوضتها وفعلا بعد شويه فتحت واخدت الصنيه وهو شافعها وكان مبسوط لأن حبيبته اخيرا هتاكل
تاني يوم الكل قاعد بيفطر فاجأه دخلت ساندي لبسه جينز اسود وتي شيرت اسود وربطه شعرها على ورا بشكل ديل حصان وصبحت على الكل بس مابصطش لحد كانت بتبص في الأرض وواضح على شكلها أنها مقرره حاجه وده اللي شافه فارس في عنيها
بعد الفطار كانت هتقوم لكن فارس وقفها وطلب منها هي ووالدته وخالتو أنهم يجوا معاه المكتب لأن في موضوع مهم جدا يخص العيله
اجتمعوا الاربعه في المكتب وكان سؤال فارس موجه لساندي
فارس .:_..ناويه على ايه يا ساندي
ساندي :_....كويس انك اتكلمت انا كنت اساسا عاوزه اتكلم معاكم انا عارفه ان بابا كاتب لي 5فدادين باسمي انا وبصراحه كده عاوزه ابيعهم دلوقتي
سميره .:_..ليه يا بنتي
ساندي ...علشان عاوزه معايا فلوس وأنا مسافره أمريكا
فريذه.:_...أمريكا ليه يا حبيبتي ليه الغربه خليكي معانا يا بنتي احنا أهلك
ساندي وبعصبيه:_ .....لا مش أهلي انا اساسا ماليش علاقه بيكم دي مجرد علاقه سطحيه وبس
فريده لسه هتتكلم بعصبيه هي كمان بس سميره بحكمتها وقفت الكلام وقامت اخدت ساندي في حضنها وقالتلها:- حبيبتي احنا أهلك وبنحبك واللي أنت عاوزاه هنعملهولك انا بحبك يا ساندي صدقيني وكنت اتمنى علاقتنا بيكي ماتكونش سطحيه زي ما بتقولي بس مالوش لزمه نتكلم في حاجه فاتت ..(صوتها كان مليان حب وحنان صادق من أم) وكملت وقالت :_والله يا بنتي انت غاليه علينا اوى (و حضنتها تاني. ساندي حست بدفئ مشاعر الأمومه وبكت في حضن عمتهاوكأنه اول مره تبكي في حضن امها)
بعد شويه قامت ساندي وبتقول بعد ما مسحت دموعها:- انا عاوزه اسافر انا دراستي تخليني اشتغل في شركات كثيره أحسن من مصر كمان ٠ارجوكم ٠من فضلكم سبوني اشوف مستقبلي انا عاوزه فلوس علشان ثمن تذكره السفر وكمان علشان اعرف اعيش هناك لحد ما الاقي شغل
فريده .:_...طيب فكري تاني
ولسه هتنفعل ساندي مره ثانيه فارس وقف وخبط بايده على المكتب:_ وقال كفايه بقى (الكل بص باستغراب)
فارس :_مافيش بيع أرض
ولسه هتتكلم ساندي
فارس مقاطعا:_ لأن الأرض مديونه وحالتها بايظه وأمي عارفه ده وهقول الحكايه من الأول اتفضلوا اقعدوا وهقولكم الحكايه من الاول ...عمي بعد اللي حصله باع محصول العنب وهو لسه في الأرض يعني قبل الزرعه ما تطرح لأنه كان محتاج فلوس علشان علاجه في الفتره الاخيره ولأنه مش عاوز يبع الأرض علشانك يا ساندي. ٍ. ولازم قبل ما تبيعي الأرض الأول نجمع المحصول ونديه لصاحبه علشان فيه عقود والأرض ما تروحش عليكي ٍودي المشكله الاولي
ساندي :_وهو فيه حاجه تاني
فارس ...أيوه للاسف الأرض مش هتقدر تطلع محصول لأن الصرف الزراعي مبهدل الأرض وللأسف الشجر ابتدأ يموت على فكره دي مش مشكله أرضك بس احنا كمان مزرعتنا و اراضي ثانيه حوالينا بتعاني من المشكله ده واحنا ابتدينا نشوف هنعمل ايه
ساندي بتسمع وتقريبا مغيبه مش عارفه ولا فاهمه هي فعلا في حقيقه ولا ده فيلم وهيخلص والسينما تنور وهتبقي كويسه فاقت من شرودها على حضن سميره اللي حقيقي مهون عليها كتير حتى لو هي ما قالتش ده هي حساه اوى
ساندي ..:_..يعني ايه هي كل أحلامي بتتحطم ليه هو انا عملت ايه علشان يحصلي كل ده
فارس..:-..لازم تفوقي..... ولسه هيكمل
ساندي:- كفايه محاضرات زهقت
فارس انتبه فعلا كفايه كلام لازم فعل
فارس:- ....عندك حق هو لازم الفعل فيه خطه وضعتها مع عمي على وجمال وجوز خالتي البشمهندس محمد وهنقولها ليكم النهارده بالليل
ساندي :-....خلاص بالليل لما تتجمعوا ابقوا قولولي ..وطلعت اوضتها من غير حتى ما تدي حد فرصه يكلمها
بالليل اجتمعوا كلهم و ابتدى فارس الكلام :_احنا خططنا هتكون قائمه على 3محاور اولا هنعمل كل حاجه تنفع بأرضنا علشان ننقذها
وثانيا هانوفر على قد ما نقدر وهنبتدي بالعمال والأكل والكهرباء وكل شي ينفع نوفر فيه
ثالثا والاهم هو أننا هننزل نشتغل بأيدينا( سلمى اتخضت وتقريبا اعترضت
بس حست بالاحراج لأنها الوحيده اللي اتكلمت
أما ساندي فكانت زي الكل سامع وساكت وكان ده اذن من الجميع بالموافقه)