رواية فارس حياة الفصل الثالث عشر13بقلم زينب سعيد

بقلم زينب سعيد .

               الحلقة الثالثة عشر 

يوسف بصدمة :أنتي. 

ميرا بسخرية:ليه هو حضرتك مستني حد ولا أيه. 

يوسف ببرود:ملكيش فيه عايزة أيه يا ميرا أنا مش فاضي ليكي. 

ميرا بسخرية:أمال حضرتك فاضي لمين يا دكتور. 

يوسف ببرود:ميرا قولي عايزة أيه لتطلعي بره.

ميرا بغيظ:بتحبها.

يوسف ببرود :هي مين. 

ميرا ببرود :إلي قاعد مستنيها إلي أسمها مريم. 

يوسف ببرود:أولا إسمها دكتورة مريم وأه يا ستي مش بحبها بس بعشقها. 

ميرا بدموع:أشمعني هي وأنا لا أنت عارف كويس أنا بحبك قد أيه سافرت سيبت حياتي كلها وسافرت عشانك ورفضت أتجوز بردو عشانك بعد ده كله تحب واحدة تانية غيري طيب ليه فيها أيه أحسن مني ليه يا يوسف ليه. 

ينهض يوسف من مقعده ويقف قبالتها ويتحدث بهدوء: أسمعني يا ميرا أنتي إنسانة جميلة وألف واحد يتمناكي سامحيني يا ميرا قلبي مش بإيدي. 

ميرا بدموع:يعني ده آخر كلام عندك يا يوسف. 

يوسف بهدوء :سامحيني يا ميرا قلبي بقي ملك واحدة دلوقتي. 

ميرا بدموع:عمرها ما هتحبك أدي. 

يوسف بهدوء :مش مهم المهم أني أنا بحبها ده أهم شئ عندي. 

ليطرق الباب في هذه اللحظة لينظر لميرا ثم للباب ليتحدث لميرا بهدوء:أمسحي دموعك يا ميرا أنتي غالية عندي أنتي أختي وصحبة عمري يا عبيطة. 

ميرا بحزن:ماشي يا يوسف لتمسح دموعها بهدوء وتجلس. 

ليذهب يوسف لمقعده ويجلس ويأذن لمن بالخارج. 

يوسف بهدوء :أدخل. 

ليفتح الباب ؟؟؟؟

……………..بقلم زينب سعيد…………

في شقة علي. 

نهي بمكر:هقولك أزاي أنت وأمك يوم كتب الكتاب شوفتوا القايمة والمؤخر ورجعتوا الورق تاني لأبويا كنا أحنا بقي مجهزين عقد تنازل عن الشقة عشان كنا شاكين في غدركوا ده وطبعا أنت مضيت علي الورق من غير ما تقرأ حاجة بس كده يا سيدي. 

علي بصدمة:يا ولاد النص*ابة والله ما أنا سا*يبكوا هود*يكوا في داهي*ة. 

إنتصار بعصبية:يا ولاد الح*رام*ية صبركوا عليا والله ما أنا سيباكوا لتدخل كي تضرب نهي .

لتزيحها والدة نهي بع*نف :أمشي من هنا يا ست أنتي بدل ما نطلب ليكي البوليس متنسيش أني عاملة ليكم محضر عدم التعرض. 

علي بعصبية: أمال عايزيين نعمل أيه.

نهي ببرود:عايز تطلق يبقي بالسلامة مع أمك عايز تفضل يبقي هتقعد بأدب قرر يلا يا ننوس عين أمك بالسلامة لتغلق الباب في وجههم .

لينظر علي ووالدته لبعضهم بصدمة ثم ينزلوا للأسفل لمعرفة ماذا سيفعلوا. 

……………..بقلم زينب سعيد…………

في منزل والد مريم. 

يجلس شاكر وزوجته أمام التلفاز ومعهم الصغيرة فرح. 

ليأتي شهاب من الخارج ووجهي لا يبشر بالخير :السلام عليكم. 

شاكر ورقية:وعليكم السلام. 

شاكر بإستغراب :مالك يا شهاب رجعت من مشوارك ليه. 

شهاب بضيق:مروحتش أصلاً.

رقية بإستغراب :ليه يا أبني. 

شهاب بضيق :علي رجع. 

رقية بصدمة :يا مص*بتي وده أيه إلي جابه. 

شاكر بهدوء :عرفت منين.

شهاب بضيق:وأنا نازل قبلت سليم جارنا وقالي شافه جاي في نصف الليل إمبارح. 

رقية بتوتر:طيب ومريم. 

شاكر بهدوء :أنتو مكبرين الموضوع مفهاش حاجة أنه رجع ده وارد جدا أنه يرجع في أي وقت ومالها مريم مش هيقدر يقرب منها.

رقية بقلة حيلة:خايفة بنتك تزعل لما تشوفه أحنا مصدقنا نفسيتها تتحسن. 

شهاب بهدوء :لا أطمني مريم طلعت علي من حسباتها للأبد.

رقية بلهفة :عرفت منين يا أبني. 

شهاب بهدوء :لو كانت لسه بتفكر في علي ماكنتش أشتغلت ولا بقت ترجع لطبيعتها تاني. 

شاكر بهدوء :عندك حق يا أبني ربنا يحميها ويصلح حالها ويرزقها بإلي يستهالها ويعوضها عن إلي شفته. 

رقية وشهاب :اللهم أمين. 

رقية بتساؤل:هو ممكن يطلب يشوف فرح. 

شاكر بهدوء :معتقدش ده مكلفش خاطره يتصل يطمئن عليها لكن لو طلب هيشوفها ده أبوها مهما كان. 

رقية بغيظ:أبوها منين هو كان سأل فيها أصلا من يوم ما أتولدت. 

شهاب بهدوء :ماما عندها حق يا بابا. 

شاكر بهدوء :علي كويس لكن مشكلته الوحيدة أنه إبن أمه فقط لا غير. 

رقية بغيظ:أنت هتقولي دي عقر*بة. 

شاكر بهدوء :يلا الحمد لله أننا خلصنا منها ربنا يسامحها. 

رقية بهدوء:الحمد لله علي كل شئ يلا روح يا شهاب علي مشوارك يا أبني. 

شهاب بهدوء :حاضر يا أمي يلا السلام عليكم. 

شاكر ورقية :وعليكم السلام. 

……………..بقلم زينب سعيد…………

في مكتب يوسف. 

يفتح الباب وتدخل مريم بإرتباك لتفاجئ بوجود ميرا لتحاول التحدث في أي شئ:السلام عليكم. 

ليرد يوسف بهدوء :وعليكم السلام. 

مريم بإرتباك:تقارير عمر حضرتك شوفتها النهاردة.

يوسف بهدوء :أه كنت محتاج أناقشك فيها يا دكتورة. 

مريم بتوتر:تمام يا دكتور. 

لتنظر لها ميرا بسخرية ثم تنظر ليوسف وتتحدث بهدوء:بعد إذنك يا دكتور نبقي نكمل كلامنا بعدين. 

يوسف بهدوء :تمام. 

لتغادر ميرا وهي تنظر لمريم بسخرية دون أن تتحدث معها. 

لتستغرب مريم من معاملتها هذه فهي لا تعرفها أصلا لتنظر لها هكذا. 

ليتحدث يوسف بهدوء :أقعدي يا دكتورة. 

لتجلس مريم بهدوء وتحاول التحدث لكن لا تدري من أين تبدأ. 

يوسف بهدوء :هتفضلي ساكتة يا دكتورة ولا أيه التقرير مجاش أصلا وأظن أنتي عارفة ده قولي أنتي عايزة أيه بقي. 

مريم بتوتر:أنا أسفة. 

يوسف بإستمتاع :أسفة هو أنتي عملتي حاجة يا دكتورة تتأسفي عليها. 

مريم بتوتر :يعني عشان إلي حصل إمبارح. 

يوسف بمكر:وأيه إلي حصل بقي. 

مريم بإرتباك:عشان إلي حصل مني والإستقالة إلي قدمتها. 

يوسف ببرود مصطنع:براحتك يا دكتورة لو لسه مصممة علي إستقالتك معنديش مانع. 

مريم بحزن:تمام يا دكتور بعد إذنك لتقف من مقعدها لكي تذهب. 

ليقف يوسف بلهفة قبالتها:راحة فين بس أنا مصدقت أنك جيتي. 

مريم بغيظ:يعني أنت قاعد تشتاغلني ومش فارق معاك حالتي دي. 

يوسف بإبتسامة:بصراحة أه بحب أشوفك وأنتي متوترة.

مريم بإرتباك :طيب بعد إذنك همشي عشان عندي شعل. 

يوسف بهدوء :تمام يا مريم بس قبل ما تمشي كنت عايز أقولك حاجة. 

مريم بتوتر:حاجة أيه. 

يوسف بتنهيدة :أنا بحبك يا مريم. 

مريم بصدمة ؟؟؟؟؟؟؟

……………..………

في شقة والدة علي. 

يجلس علي ووالدته وأشقائه يتناقشون في حل لما فعلته نهي وعائلتها. 

ليتحدث فريد بعصبية:هنعمل أيه دلوقتي هنسبهم يخدوا الشقة. 

ندي بصدمة :دي تبقي مصيبة. 

إنتصار بتوعد:صبرهم عليا بس وأنا هخليهم يدفعوا التمن غالي مبقاش إنتصار أما رمتهم في الشرع. 

علي بهم :يعني هعمل أسه دلوقتي يا ماما أطلقها ولا أعمل أيه. 

إنتصار بلهفة:طلاق أيه دلوقتي أصبر أحنا عايزيين نخطط عشان نقدر ننفذ وناخد الشقة وننتقم منها.

علي بإستغراب :يعني أعمل أيه يا أمي أسيبها علي زمتي بعد ده كله. 

إنتصار بخبث:هقولك.