رواية فارس احلامي
بقلم رانيا محمود
الفصل الخامس
صحيت الصبح على منظرها في السرير وكان المشهد بالنسبه لها
شارح نفسه كويس ...هما الاثنين من غير هدوم وفي حضن بعض ...وكانت صدمه عمرها
حاولت تقوم لكن اسامه صحي ومسكها وقالها بهدو وابتسامه وقحه:_ صباح الخير يا عروسه رايحه فين احنا لسه
مافطرناش (...اتخضت جدا وحست أنها اتخرست مش قادره حتى تطلع صوتها
بس حاولت تتكلم وكان سؤالها الوحيد) ...
ساندي ..:_...ليه ليه كده انا كنت هبقي مراتك
اسامه وبكل برود .:-...مش واحده زيك بنت نصاب حرامي البنوك اللي تفكر تكون مرات اسامه المصري
انا بس حبيت ادوق حاجه حلوه وخلاص وده مايمنعش إني عاوز أدوق تاني (وكان بيقرب ليها .فصرخت بكل صوتها
ساندي :_ أبعد عني ياحيوان
ضربها بالقلم ووقعت على الأرض
اسامه:-.مش بمزاجك انا صورت كل اللي حصل ولو في يوم طلبتك وماجتيش الفيديو في أقل من دقيقيه هيكون على اليوتيوب كل حاجه على الفيلاشه دي
ساندي. .:-..انت فاكر نفسك ايه انا هبلغ البوليس
اسامه بيضحك باستفزاز رهيب :-.عندي مليون شاهد انك جيتي بمزاجك يا حلوه
قامت على الحمام وهي بتحاول تلبس وتلم في نفسها أو حتى تظهر قدامه أنها متمسكه .وخرجت من الاوضه والاوتيل. وهي تقريبا شبه ميته وقفت تاكسي وجريت على نهله انهارت تمام وحكتلها اللي حصل قبل ما تقع مغمي عليها
نهله في حاله صدمه مابقيتش عارفه تعمل ايه اتصلت بجارتها الدكتوره وحضرت فعلا
الدكتوره :_الحاله واضحه مافيش جدال. هتك عرض لازم تبلغي البوليس قبل ما اثر الجريمه يختفي
ساندي :_ارجوكي مش عاوزه حاجه انا تعبانه مش هروح البوليس مش
عاوزه فضايح كفايه اللي حصل فيا (وتنهار مره اخري من كثره البكاء)
نهله :_"الحقيها يا دكتوره ارجوكي
الدكتوره :_"طيب عندك حد يجيب الادويه دي من اقرب صيدليه
نهله :_لا مافيش انا هتصل بالصيدلية
بعد شويه
الدكتوره :_خلاص صحبتك فاقت بس احب اعرفك انها بالطريقه دي بتضيع كل حقوقها
نهله ._انا هحاول معاها تاني
ساندي :_ارجوكم انا تعبانه وخلاص اخدت قراري من فضلكم انا تعبانه وعاوزه انام
نهله خرجت وقفلت الاوضه علي ساندي
نهله :_لو سمحتي يا دكتوره هي ساندي هتفضل كده كتير
الدكتوره :_يعني اسبوع علي الاقل لان الادويه اللي هي وخداها دي مهدئات ببس لازم تتعرض علي أخصائي نفسي
لأنها الفتره الجايه هتتعب اوي لو فضلت كده لوحدها
هي فين أهلها
نهله :_هي بنت وحيده وللأسف والدتها ووالدها متوفين
الدكتوره :_يعني فين باقي عيلتها سواء من الاب او الام
نهله :_علاقات تقريبا سطحيه... بصراحه الله يكون في عونها
بس انا وهي كنا مقررين اننا نسافر أمريكا
الدكتوره ._فكره كويسه ممكن السفر يخفف الضغط النفسي والعصبي عليها وتحاول تعدي الازمه بسلام
فارس:_الو نهله فين ساندي ومتقوليش نايمه انا بتصل بيها من اسبوع في اوقات مختلفه هي ايه في بيات صيفي
نهله :_اقسم بالله هي فعلا نايمه أصلها تعبانه شويه وانت عارف ساندي رقيقه ومش بتتحمل التعب
فارس '_طيب فيه جديد عن اسامه
نهله بارتباك :_لا مش عارفه اصلي مش بسأل عنه
طبعا فارس حس ان فيه مصيبه اخد عربيته وراح لنهله واتصل بيها وطلب أنها تفتح باب الفيلا
نهله ما كانتش عارفه تعمل ايه بس هي قررت تقابل فارس وأول ما شفها عرف أن كل تخميناته كلها صح وفيه كارثه كبيره فعلا
فارس ..:_..من غير لف ولا دوران فيه ايه
نهله وهي بتبكي :_...فيه كارثه
فارس ..:_.عملت ايه ساندي المجنونه في نفسها
نهله وهي حقيقي حزينه على صاحبتها حكتله كل اللي حصل فارس بيسمع
وهيموت مش عارف يعمل ايه حاجات كتير متلخبطه جواه يطلع يقتلها ولا يطلع يحضنها ويكون
جنبها مش عارف يعمل ايه واخيرا مشى واخد عربيته فضل يلف بيها. بس ماقدرش يرجع المزرعه اخد غرفه في فندق متواضع وقرر أنه يفضل
جنب ساندي ويفكر بشكل عقلاني أكثر بعيد عن العواطف وكان قدامه حل واحد يروح لساندي ويكون معاها هي فعلا غلطت غلط ما ينفعش يتصلح
بس لا يمكن يسبها مش علشان حبه ليها لأ كمان دي لحمه وشرفه دي بنت خاله وفارس ما ينفعش يعمل غير كده
راحلها بعد يومين كان وشه شاحب جدا من قله النوم والأكل ولما
شافها قلبه اتوجع جدا كانت شبه ميته ضعيفه بجد وخصوصا لما لاقى الدكتوره معلقالها محاليل طلب
،من الدكتوره ونهله أنهم يخرجوا وقعد جنبها ومسك ايدها وهي مش حاسه لأنها تايها في ملكوتها
فارس..:_ساندي انا عرفت كل حاجه =.واخد نفس طويل وطلعه براحه علشان يقدر يسيطر على دموعه قدمها)
فارس .:_انا مش هلومك ولا هعاتبك على الأقل مش دلوقتي انا هقولك حاجه واحده لو مش هتفوقي و توقفي ... على رجليكي علشان تاخدني حقك يبقى انا همشي
دلوقتي قدامك ومش هتشوفيني تاني ..انتي غلطتي وده صحيح بس نستسلم للغط ونسيب نفسنا لأ وألف لا انتي سمعاني
فاقت ساندي وبصت لعينه الحمرا ومليانه دموع كل شريط ذكرياتها مع فارس مر قدام عينيها وهي مش بس دمرت نفسها هي
كمان دمرت إنسان ماكنش عاوز من الدنيا دي غير أنه يسعدها وبس
ساندي :_..سيبني يا فارس انا مانفعكش ولا أنفع غيرك
فارس :_..ومين قالك انى جاي هنا علشان نفسي ولا علشان انا عاوز منك حاجه انا هنا علشان ما ينفعش اشوف بني
آدم بيدمر نفسه واسيبه واقف اتفرج عليه انا هنا علشان
اساعدك اجيبلك حقك يا بنت خالي ولما تقفي على رجليكي ويجيلك حقك ابقى كده خلصت مهمتي
بعد ما كانت نايمه على الس رير ظبطت قاعدتها وحست بمرار في بقها
من كلام فارس هو ده وضعها بالنسبه لفارس ماهو
ما ينفعش غير كده هي عملت في نفسها كده وتستحق العقاب ده
قام فارس وقالها. أنه مستني منك اتصال بكره الساعه 3 الظهر ولو ما اتصلتيش مش هوريكي وشي تاني