رواية قاتلي المتاجر
البارت: الثلاثون و (الأخير)
والحادي والثلاثون الخاتمه
بقلم: نادية ستارز
عند جين
جين بصدمة: أنت إكس
إكس: أه أنا يا جين في أيه
جين بمرح: أصل وشك ولا القمر أبيضيت و أحلويت قولي بيني و بيني من غير ما حد يسمعنا أستخدمت خلطة أم محمد و سمير و سامر لتفتيح الوجه في دقيقتين
إكس: أم محمد مين يا جين أنا غلطان إني عامل كل دا روحي يا جين مكان ما جيتي
جين: أهون عليك أمشي
إكس: لا ميهونش و كان يحمل باقة ورد يعطيها لجين
جين: أنت جبت الورد أبيض كله ليه أحنا في فرح
إكس: ميمشيش معاكي أنه فرحنا
جين: أه صح نسيت و تنظر حولها بصدمة: إكس دا بجد
إكس: كُنت عارف أنك حبيتي المكان دا قولت لازم نبدأ حياتنا فيه و بما أنه تبع لؤي و لؤي مات الدولة أخدت كل أملاكه عرضوا المكان دا في المزاد و أشتريته و بقى بأسمك
جين بصدمة أكبر: إكس متهزرش يعني الكوخ بقى بتاعك
إكس بضحك: و ما حول الكوخ
جين: أنت جبت الفلوس دي منين أنت نصاب دولي صح
إكس: كان عندي فيلا بعتها و حبة فلوس في البنك جمعتهم و أشتريت المكان دا
جين: أياك يكونوا رشاوي
إكس بضحك: متقلقيش أنا ظابط شريف
جين: أنا بحبك أوي يا إكس
إكس: مش هينفع أقول بحبك
جين: يعني أنت مش بتحبني
إكس: كلمة بحبك هتبقى واحد في المية من الحب ألِ في قلبي ليكي
جين تبتسم و تحتضنه: يعني بتحبني بجد يا إكس
إكس يبادلها الحضن بقوة: بعشقك يا روح إكس
جين: حيث كدا تعالى معايا أعرفك شوية قوانين ما بعد الجواز
إكس: تحبي ندخل جوا الأول
جين: ماشي
جين تمشي بصدمة من جمال المنظر إكس كان مزين المكان كله و الكوخ كان متزين كله بالورد و مكتوب بحبك
جين ببكاء: الكوخ شكله بقى حلو أوي إكس أحلف كدا أنك بتحبني
إكس: والله بحبك يا جين بس بتعيطي ليه
جين: دموع الفرح أنا مبسوطة أوي يا إكس أنك جنبي طب بص أقرصني كدا اتأكد أن أنا مش في حلم
إكس: ميهونش عليا أوجعك برغم إني زعلان منك
جين: زعلان ليه أنا عملت حاجة تزعلك
إكس: علشان مقولتليش أنك اتعالجتي و بقيتي تعرفي تقفي على رجلك
جين تقترب منه و تقف أمامه: أنت قولت نعطي لبعض فرصة لحد ما رجلي تتعالج أو شهرين خوفت تكون محبتنيش فقولت أخليني معاك الفترة دي علشان لو محبتنيش لقدر الله أبقى مجمعة ذكريات لينا
إكس: أنا بحبك من أول مرة شوفتك فيها
جين بغيظ: لما وقعتني في الطين يا أبو كمامة سوداء
إكس بضحك: ما أنتِ ألِ صغيرة و قصيرة يا جين مشوفتكيش
جين: بقى كدا ماشي و تستدير حتى تخرج إكس يمكسها و يلفها تجاهه تلتصق بهِ
جين تتوتر و تخرج من حضنه: هو أنا ليه حاسة بتغيير في الكوخ و تقول بصدمة: يا قليل الأدب فين السرير التاني مش كانوا سريرين لا و جايب سرير كبير
إكس بغمزة: طب ما أنتِ كنتِ بتنامي في حضني الشهرين ألِ فاتوا
جين تفرك في صوابعها: المخدة هي ألِ كانت بتقع
إكس بخبث: و المخدة هي ألِ كانت بتستناني أنام علشان تتقرب مني و أنا نايم و تشتغل ضعفي و تحضني طب كانت تقولي و أنا مش هخرجها منه
جين تتوتر و تخجل
إكس بحب: تقبلي أكون جوزك و حبيبك و أبو أطفالك تقبلي أكون الشخص ألِ هيفضل معاكي لأخر ثانية في حياته تقبلي نتشارك كل حاجة مع بعض و منبسبش بعض أبدًا تقبلي مشاكلنا ميطلعش عليها شمس غير لما تتحل تقبلي أكون جوزك أدام الله
جين تحتضنه بحب كبير: أقبل حتى لو هتروح الجحيم فأنا معاك دايمًا و مش هبعد عنك أوعدني متسبنيش في يوم من الأيام أو تكدب عليا أو تفكر كدا مجرد تفكير تبص لبنت غيري بص أنت متتفجرش على أفلام أو مسلسلات أو نشيل التليفزيون خالص أنا أش ضمني تحب ممثلة كدا ولا كدا من ورايا قولي بيني و بينك لو خيروك بيني و ما بين هيفاء وهبي تختار مين
إكس: دا سؤال برضوا يا جين أكيد أكيد هيفاء أنا أعرفك أصلاً
جين تضربه في كتفه: بقى كدا خليها تنفعك
إكس يحملها: و هو أنا عيني تقدر تشوف غيرك
جين: لو أنت فاكر أنك بالطريقة دي ثبتني فأحب أقولك أنت صح أنا أتثبت و تقول بأستغراب: أنت شلتني ليه
إكس بغمزة: حسيت أن رجلك وجعتك قولت ترتاحي على السرير
جين تشهق: نزلني كدا في نبرة خبث و نظرات خبث في الموضوع و كمان في غمزة و حاجة أستغفر الله العظيم
إكس يجلسها على السرير و يجلس بجانبها و ينظر لها ببرائة
جين: نظرات القطط البريئة دي متاكلش معايا عيش
إكس: طب ينفع أكلك
جين تبعد عنه قليلاً: أنت كُنت محترم لحد أول أمبارح حصل أيه علشان تبقى كدا حد شربك حاجة أصفرة أو أخضرة أو أحمرة
إكس: جين أنا مش إشارة مرور
جين: أومال أيه أنت بتشككني فيك فين إكس
إكس يقترب منها : إكس مات في حبك
جين: أنت بتقرب ليه كدا أبعد عشرة خمسين متر كدا علشان الأمراض
إكس: مش يلا بينا بقى كفاية كدا
جين بأستعباط: يلا أيه أحنا ورانا حاجة آه قصدك يلا ناكل طب يلا الأكل فين
إكس: جين مش وقت أكل في حاجات أهم
جين: الأكل أهم حاجة و أنكر بقى خلينا نخسر بعض
إكس: مقدرش أخسرك و مقدرش أبعد عنك أصلاً
جين: هو كلام يحترم و كل حاجة بس أنا واحدة ملهاش في الرومانسية خالص يا إكس أنت لو أتعاملت معايا كأني واحد صاحبك هفرح
إكس: روحي يا جين مكان ما جيتي أنا أيه ألِ جبته لنفسي دا
جين بغمزة: جبت السعادة و الفرح و الضحكة لحياتك بوجودي
إكس: مقدرش أنكر و يقترب منها ببطء حتى كاد أن يلتصق بوجهها جين تنهض سريعًا بتوتر
جين بتوتر: الأكل فين أنا جوعت
إكس يمسح جبينه بنفاذ صبر: على الترابيزة يا جين
جين: مش هتاكل معايا
إكس: مش عايز
جين: مش هاكل من غيرك
إكس: مش عايز يا جين
جين: خلاص مش هاكل خليني كدا جعانة
إكس يذهب أمام الطاولة و يجلس على الكرسي دون كلام
جين تجلس على الكرسي المقابل لهُ و يبدأوا ياكلوا بصمت
بعد وقت
إكس: الحمد لله أنا شبعت و ينهض و يخرج يذهب أمام البحر
إكس يحدث نفسه: هي قالت إنها بتحبني بس ليه لما جيت أقرب منها قعدت تبعد هي مش عيزاني
جين من خلفه: مين ألِ قال كدا
إكس يستدير لها : تصرفاتك يا جين مشوفتيش لما جيت أقرب منك بعدتي أزاي
جين: إكس أنا بحبك و عيزاك بس خايفة على متوترة على حاجات كتير كدا داخلة في بعض
إكس يقترب منها بحنان: و هو أنا هاكلك أنا بحبك يا جين يعني مستحيل أذيكي
جين ببكاء: يعني بعد ما تاخد ألِ عايزه مش هترميني رمية الصرصار في الزبالة أو تتجوز عليا الأحلى أو لما أحمل و أخلف و جسمي يبوظ تسيبني و عيونك هتدور على الأحلى لو أتشغلت عنك شوية بسبب البيت و الأطفال مش هتسبني و حبك يقل أنت المفروض مكنتش تدخل حياتي علشان متعودش عليك و تسبني
إكس يحتضنها: هشش أهدي متعيطيش أنا مستحيل أسيبك أو أشوف غيرك يا جين أنا حبيتك مش علشان جسمك أنا حبيتك لأنك جين محبتش جسم جين و بعدين فيها أيه لما جسمي يبوظ شوية ما أحنا الرجالة كمان بنتخن و بيطلعلنا كرش دا معناه أنكم هتسيبونا دا أنتوا بتبقوا متشعلقين في رقبتنا طول الحياة كلها
جين: أحنا بنفضل معاكم بكرشكم علشان بنحبكم و كفاية أحساس الأمان مش هنبص للكرش قد ما هنبص للأمان و الحب لكن أنتوا تترشق في عينكم ألف رصاصة عايزين واحدة مودل حتى فو فيكم عيوب الدنيا و بعدين أنت مش عايزني في رقبتك ولا أيه
إكس: هو أنا أطول و بعدين ما أنتِ كنتي في رقبتي شهرين أشيل و أحط و يا جين يا حبيبتي متعمميش في رجالة كدا و في رجالة تانية زي البنات مش كله حلو و مش كله وحش
جين: أوعدني أنك هتبقى من النوع الحلو طب طب أفرض و أنا بعملك الأكل أتحرقت و وشي و جسمي أتشوه هتسبني أكيد
إكس: مين ألِ قال كدا هو أنا متجوزك علشان جسمك أو وشك جين أنا قولتلهالك و هقولها تاني أنا حبيت روحك مش شكلك
جين: الكلام سهل بس الفعل أصعب
إكس يمسح على وجهه بنفاذ صبر: يعني عايزة أيه دلوقتي
جين: أحس أنك مش هتبعني في يوم
إكس يأخذ نفس حتى يهدأ: طب أضمنلك أزاي غير إني بحبك و عُمري ما هزعلك كلمة بحبك يعني قلبي حبك و خلاص كدا لا دا معنى كبير أوي الكلمة دي وعد إني مش هبص لبنت غيرك ولا أتخلى عنك كلمة بحبك إني مش هخلي دموعك تنزل بسببي أو علشان أي سبب كلمة بحبك يعني قلبي و عقلي و كل حاجة فيَّ مكتفيه بيكي و مش عايزة غيرك في الحياة كلمة بحبك يعني هكون ليكي كل حاجة و أنتِ ليَّ كل حاجة كلمة بحبك يعني هبقى أمانك و مصدر قوتك كلمة بحبك لما تعملي أي حاجة غلط تجيلي على طول علشان أحميكي و حاجات تانية كتير يا جين أنا بحبك
بحبك كلمة مش قليلة أبدًا ليها معنى كبير أوي
جين: أنا واثقة فيك بس مش واثقة في الأيام عندي أحساس هتيجي حاجة و تفرقنا
إكس: و أحنا و حبنا هيبقى أقوى من الأيام و أقوى من أي حاجة على الأرض
جين تحتضنه: بحبك و مش همل من إني أقولها لو كل ثانية هقولها فدا ميعبرش ولو سنتيمتر من حبي ليه
إكس يبادلها الحضن: عجبك الفستان
جين: أوي أوي يا إكس بس عرفت تاخد مقاسي إزاي
إكس بضحك: بالاحساس
جين بهمس في أذنه: أنا جاهزة أبقى ملكك و ليك للأبد
إكس: لو عاملة علشان أضايقت أنك بعدتي فجأه لما قربت دا علشان مكنتش أعرف السبب لكن دلوقتي لو عيزاني أصبر عليكي العُمر كله هصبر و بقولهالك للمرة التالتة أنا محبتكيش و قررت جوازنا يبقى حقيقي علشان جسمك لو عايزة تاخدي وقت لحد ما تتعودي عليا أنا معاكي في أي قرار
جين: طب والله بعشقك و أنا جاهزة يا إكس
إكس: أكيد
جين بضحك: أكيد
إكس: حيث كدا بقى استعنا على الشقا بالله
يحملها و يتوجهه بها داخل الكوخ و يغلق الباب برجله
و في هذه الليلة يزيد العشاق أثنين و يسجل التاريخ قصة حب جديدة
في صباح اليوم التالي
تستيقظ جين في الصباح تجد نفسها في حضن إكس تنظر لهُ بحب شديد و تطبع قبلة على خده و تنهض ترتدي ملابس كان إكس جلبها لها
تأخذ هاتفها و تذهب للخارج
تنظر في الساعة تجدها السابعة صباحًأ
جين: أوف الوقت بدري أوي مش هعرف أكلم ماما
تنظر للبحر بشرودو تتذكر جميع الوقت الذي قضته مع إكس
و تقول بصوت عالي
جين: يا بحر خليك شاهد أنا بحب إكس أكتر من حياتي
إكس يحتضنها من خلفها و عليه أثار النوم: السما شاهدة على حبي ليكي
جين تلف إليه و تلف أيدها حوالين رقبته
إكس: قومتي من جنبي ليه
جين: صحيت قولت أقوم لأني مش هنام تاني و خوفت أصحيك قولت أسيبك نايم بس أنت قومت ليه
إكس: حسيت بيكي قومتي جيت وراكي
جين تخرج من حضنه و تغمز: لا دا أنت تطورت و مبقتش تعرف تبقى في مكان من غيري
إكس بغمزة هو الأخر: صباحية مباركة يا عروسة
جين بخجل: أتلم يا إكس
إكس بوقاحة: ما تيجي نعيد ألِ حصل أمبارح تاني
جين تبعد قليلاً: أبعد عني بدل ما هموت و هلم عليك حديقة الحيوانات كلها
إكس يقترب منها: أهون عليكي
جين بتوتر: ل لا
إكس يحملها و يكمل بضحك: يبقى صرخي براحتك محدش هنا غيرنا ولا حد هيسمعك
مر شهرين جين و إكس ما زالوا في الكوخ و اليوم معاد رجوعهم
جين كانت تطمئن على شادية كل يوم
إكس و جين حبهم بيزيد لبعض و كلما مر وقت كلما جين تحبهُ أكتر و تدعي ربها أن لا تبتعد عنه و ما زال شعورها بأنهم سيفترقوا ملازمها
أحلام في الشهر التالت و إيوان بجانبها طول الوقت
إيوان ذهب لشغله و أشتري بيت إلى أحلام و كانت بجانبها فاطمة تهتم بها
إيوان كان يطمئن على أحلام كل وقت و عندما يذهب للمنزل يقضوا وقت جميل مليئ بالضحك و الحب
وسن أقتربت من ليث و أتعافت من حب كابوني تمامًا و بدأت تشعر بالحب تجاه ليث كابوني تأكد أنهُ لم يحبها لأنه إذا كان يحبها كان سيغار عليها من تقربها من ليث و لكن شعور اللامبالاة مسيطر عليه
ليث يخطط أن يهدم حياة جين و إكس بمعرفة جين الحقيقة
جين: إكس قبل ما نمشي مخبي عليا أي حاجة أنا عايزة حياتنا مفيهاش أي كدب أو خداع
إكس يتذكر شىء و يتوتر: ل ل لا مفيش حاجة مخبيها عليكي أكيد يا حبيبتي
جين بشك: أكيد يا إكس
إكس يخفي توتره: أكيد يا جين
جين: خليك فاكر الكدب بيخلي الثقة تقل و العلاقة تبوظ لو كدبت عليا هبعد عنك و هكرهك يا إكس هكرهك أياك تخليني في أي وقت أكرهك أنا عندي أكره نفسي ولا أكرهك
إكس يحتضنها و يتنهد تنهيدة طويلة ويقول: مش هكدب عليكي في حاجة أبدًا و يقول في سره: سامحيني يا أغلى ما أملك لازم أكدب مينفعش تعرفي الحقيقة لو عرفتي هتبعدي عني للأبد و أنا مش هستحمل هموت من بعدك
جين: إكس يا إكس أنت معايا بقالي وقت طويل بكلمك
إكس: أه معاكي يا جين يلا بين نمشي
جين بسعادة: دول أحلى شهرين في حياتي
إكس: وعد مني هخلي حياتك كلها سعادة
جين: طول ما أنا جنبك فأنا سعيدة بس أوعدني أننا نيجي هنا تاني
إكس: وقت لما تحبي تيجي قوليلي و هنيجي على طول
جين: ماشي يا حبيبي كدا أخدت كل حاجة ولا في حاجة نسيتها
إكس: كل حاجة حطتها في العربية
جين: يلا بينا نمشي سلام يا أحلى مكان في حياتي مع أحلى شخص في الحياة هجيلك قريب
إكس يضحك عليها و يركبوا السيارة
جين: بقولك يا إكس أنا عايزة الصندوق بتاعي من كابوني
إكس بتذكر طب هرن عليه أشوفه لو موجود أروح أجيب الصندوق بالمرة
جين بأبتسامة: ماشي
إكس يتصل على كابوني و كابوني يخبره إنهُ بالمنزل
يذهب إكس لفيلا كابوني و يسلم عليه و كابوني أعطاه الصندوق و غادر
إكس يعطيها الصندوق : مقعدتش مع صاحبي علشانك
جين تأخذ منهُ الصندوق و تكمل بضحك: أهم قانون في جواز مراتك أهم مش صاحبك و تفتح الصندوق تطمئن علبه و تغلقه مرة أخرى
ينطلقوا إلى منزله
بعد وقت يصل إكس و جين و كان في إنتظارهم شادية و الست التي كانت تجلس معها
جين تحتضنها بحرارة : وحشتيني أوي أوي يا ماما
شادية: و أنتِ وحشتيني أكتر يا روح ماما
إكس ينتبه للشنطة التي بجانبها
إكس: هي الشنطة ألِ جنبك دي أيه يا طنط و و بضحك أياكي تكوني بتاجري في المخدرات و أحنا منعرفش طب شغلينا معاكي
شادية بضحك: لا مش مخدرات دي شنطتي علشان همشي
جين بخضة: ليه أنا عملتلك حاجة فعايزة تمشي
شادية: لا بس خلاص بقى كفاية قعدتي هنا
إكس: حد زعلك مننا فعايزة تمشي
شادية: لا بس أسيبكم على راحتكم
جين: يا ماما حد قالك أنك معطلة راحتنا و تكمل و هي على وشك البكاء : لو هتمشي همشي معاكي و تغادر لغرفتها بزعل
إكس يتقدم خطوة شادية توقفه: خليك أنا هدخلها
شادية تخبط على الباب و تدخل تجد جين تبكي
شادية: بنتي بتعيط ليه
جين: علشان مامتها هتسبها
شادية: مين قال إني هسيبك هجيلك كل شوية و هقرفك
جين: يا ماما بقى لو بتحبيني متسبنيش مش بعد ما أتحرم من ماما أتحرم منها تاني
شادية: سيبيني على راحتي
جين: ألِ تشوفيه يا ماما هديكي المفتاح بتاع بيت ماما الله يرحمها تقعدي فيه
شادية: بس أ
جين: مفيش بس يا كدا يا تقعدي هنا
شادية: خلاص هاتي المفتاح
جين: حاضر هعمل مكالمة و هدهولك
جين تذهب لإكس
إكس: عرفتي تقنعيها
جين: لا بس هتقعد في الشقة بتاعت ماما و بابا بس جاية أقولك حاجة
إكس: قولي
جين: لازم أكلم ليث عل
إكس يقاطعها بغضب: متجبيش سيرة الزفت دي تاني المدام و ياترى المدام المحترمة عايزة تكلم واحد كان صاحبها ليه ردددي
جين تغادر دون النطق بكلمة
إكس يتعصب أكتر و يذهب خلفها بعد دقائق يجدها تكلم ليث
إكس بصوت مرتفع: جييين
جين تتجاهله: هستناك يا ليث متتأخرش سلام
إكس يذهب إليها و يمسكها من معصمها و يقول بغضب : بتكلميه ليه يا جين وحشتك أيامك معاه
جين: أيدك يا إكس نزلها و خلي بالك على كلامك
إكس يمكسها أكتر : أنا لحد دلوقتي مخلي بالي على كلامي بس لو منطقتيش مش هخلي بالي منه أبدًا
جين لم ترد و تنظر في عينيه فقط
إكس يتركها و يمسك هاتفها
إكس: الباسوورد أيه
جين بأبتسامة حزينة: أكتب أسمك
إكس يكتب أسمه يفتح الهاتف و يذهب لسجل المكالمات و يسمع المكالمة التي بين ليث و جين
ليث: جين بنفسها بترن عليا
جين: مش من حبي فيك أنا عايزة أعرف مفتاح بيتي فين
ليث بسخرية: ليه جوزك طلقك
جين بحدة: أحترم نفسك في الكلام و متتجاوزش حدودك معايا
المفتاح فين
ليث: عند عيسى هجبهولك منه و أجي أبعتيلي العنوان
جين: لا أستناني أدام البيت
ليث: ما أجيلك أحسن
جين: لا هستناك يا ليث متتأخرش
جين لإكس: أنا هروح مع ماما و هقعد معاها فترة
إكس يذهب أمامها و كأنه طفل أمام أمه لا يريدها أن تغادر
إكس: جين والله مكنش قصدي أنا أنا غيرت عليكي و مش بحبه دا بيكرهنا يا جين و عايز يوقع ما بينا أياكي تصدقي أي حاجة يقولهالك أنا بحبك
جين: دي مش غيرة دي قلة ثقة يادوب بقالنا شهرين مع بعض و أول لما جيت أقولك زعقت فيَّ و دلوقتي كانت أيدك هتتمد بعديها هتعمل أيه
إكس: هخبيكي عن عيون البشر بس متمشيش يا جين تتقطع أيدي ألِ مسكتك
جين بوجه خالي من المشاعر: جيتلك علشان استأذنك أكلمه لأنه يعتبر غريب عني و أنا بحبك و بحترمك بس لقيتك زعقت روحت كلمته و قولت لما تهدى هقولك بس سبقتني شكرًا على ثقتك ألِ مش موجودة لما تثق فيَّ تبقى تعالى خدني
إكس يمسك أيديها: دي أول مشكلة بينا يا جين متكبرهاش أنا أسف بس بلاش تمشي خليكي معايا
جين تفلت يدها من يده: لو أسف ينفع تخليك تثق فيَّ يبقى أنا مسمحاك
إكس يدمع: أنا بثق فيكي أكتر من حياتي
جين و دمعتها نزلت : فين الثقة دي مع أول موقف بانت الثقة
إكس: جين فرصة تانية
جين تسكت و تستدير حتى تمشي
إكس: جين مش قصدي أشك فيكي صدقيني
جين: أومال تسمي دا أيه
إكس يسكت قليلاً: غيرة بغير عليكي يا جين
جين: في فرق بين الغيرة والثقة
تستدير تجد شادية واقفة أمام الباب بخوف
جين تذهب إليها بأبتسامة: يلا بينا علشان نمشي
شادية: خليكي أنتِ
جين: والله ميحصل لازم أجي معاكي و هقعد معاكي كمان
شادية: خليكي يا جين
جين: لا مينفعش
تذهب تجاه الباب و تفتحه
إكس: أستني هوصلكم
جين من دون النظر إليه: شكرًا هنركب أي حاجة
إكس: هجيب مفتاح العربية و هاجي يا جين
جين: و أنا قولت هنركب أي حاجة
شادية: خلاص يا جين خليه يوصلنا
جين تتركهم و تنزل و الست تنزل خلفها حتى تمشي
شادية: خليها النهاردة تريح أعصابها و بكرة تعالى خدها
إكس يمسح على جبينه: أنا معرفش إزاي عملت كدا
شادية: حاول تفرق بين الغيرة و الشك
إكس: حاضر يأخذ الشنطة و ينزل هو و شادية
شادية تجلس في الخلف و جين تجلس بجانبها
إكس: جين ممكن تيجي جنبي
شادية: أه يا جين علشان أفرد أيدي
جين تنظر إليهم بغضب و تنزل تركب بجانب إكس بدون كلام
بعد وقت ليث يتصل
ليث: أنا وصلت أدام البيت
جين بهدوء: خلاص أنا قربت أدخل على البيت سلام
ينظر لها إكس بتركيز
جين بسخرية: المكالمة خلصت ركز في الطريق
إكس يشعر بالحرج و بعد ربع ساعة يصل أمام المبنى
ينزلوا الثلاثة يجدوا ليث قادم إليهم
ليث: أنا خليت عيسى يسيب مراته مع الدكتورة و يجيلي يديني المفتاح علشان عيونك الحلوين
جين تنزعج من كلامه و إكس يغضب
جين مغيرة الموضوع: مراته مالها هي كويسة
ليث: حامل
جين: المفتاح
ليث يعطيها المفتاح و يمسك أيدها ليغيظ إكس
جين تشدها بغضب : خلاص كدا شكرًا ليك
ليث: متقوليش كدا أحنا اصحاب و حبايب هشوفك قريب سلام
جين: خلاص كدا يا إكس تقدر تروح تشوف حياتك
إكس يميل عليها: والله مقصدي ألِ حصل أنا بحبك و مش هقبل أنك تبعدي عني بكرة هعدي عليكي علشان تنوري بيتك
جين تأخذ الشنطة و تذهب للمنزل و خلفها شادية
يدلفوا للمنزل يجدوا بهِ تراب كثير يكحوا من التراب
جين: الشقة محتاجة نضافة جامد
شادية: يلا بينا نستعد
جين بضحك: يلا
يغادر إكس و يذهب لمنزله يدلف للمنزل و يشعر بالحزن لأنهُ بكى حبيبته و جرحها
إكس يجلس على الكنبة بتعب يجد هاتفه يرن برقم ليث
يرد بغضب: عايز أيه
ليث بضحك: أتمنى أكون عرفت أعمل ما بينكم مشكلة شكلي عملت و نكدت عليكم
إكس: عايز أيه يا ليث
ليث: ولا حاجة هعدي عليك بعد بكرة في مكتبك و يغلق الخط
إكس: الموضوع دا لازم ينتهي لازم
أنتهت جين و شادية بعد ساعتين و يجلسوا بتعب
جين: آه يا عصعوصي آه يا رجلي
شادية: أنشفي كدا
جين: أنشف أيه بس دا أنا كُنت تلجاية و بقيت مياة مغلية
في الساعة أتناشر منتصف الليل
يدق إكس على جين تستيقظ على رنات الهاتف تجدهوا إكس لم ترد
يرن مرة و أثنان و ثلاثة ترد بنفاذ صبر
جين: أيوة نعم في أيه
إكس: أنا أدام الباب أفتحي
جين تنهض بخضة: باب أيه
إكس: الباب ألِ حايشني عنك و عن حضنك يا جمر
جين: أسمي جين مش جمر و هي مسمهاش جمر أسمها قمر متدلعنيش تاني و تنهض بكسل تفتح الباب
يدلف إكس يحتضنها بأقوى ما عنده و جين لم تبادله الحضن
جين بوجع من قوة الحضن: آه براحة يا إكس
إكس يمسك وجهها: أسف مكنش قصدي أوجعك
جين: بتتأسف لا عادي أنت موجعتنيش أنت شكيت فيَّ بس
و أيه ألِ جابك مش قولت بكرة هتيجي لما ييجي بكرة بقى أبقى أشوفك
إكس: الساعة عدت أتناشر أحنا كدا يوم جديد و أنا مش عارف أنام و أنتِ مش جنبي
جين: روح بيتك يا إكس كل ما هشوفك هفتكر شكك فيَّ
إكس: طب هنام معاكي هنا
جين: لا و يلا برا بدل ما ماما هتصحى
إكس: دخليني أنام لحد الصبح و همشي
جين بنفاذ صبر: أدخل
جين تجلب لهُ ثياب من عند والدها
يغير إكس ملابسه و جين تأخذ بطانية و مخدة
جين: السرير عندك نام عليه أول لما أصحى مش عايزة أشوف وشك
إكس: حاضر بس نامي جنبي
جين: لا
تنام جين على الكنبة و ينتظرها إكس حتى نامت و حملها و نامت بجانبه يحتضنها بتملك و ينام
في الصباح يستيقظ إكس قبل جين و ينهض يحضر لهم الفطار بحب شديد و يكتب ورقة و يضعها بجانب جين و يغير ملابسه و يغادر يذهب إلى عمله
تستيقظ جين بعد وقت طويل تجد بجانبها ورقة تفرك عينيها بنعاس و تمسكها و تبدأ تقرأها
(أنا جهزت الفطار يا سمو الأميرة لأنك تعبتي أمبارح أنا مش عارف أنام ولا أكل ولا أعمل أي حاجة من الندم وعلشان أنتِ بعيدة عني أرجعيلي أنا من غيرك طفل تايهه
إكس)
جين بحزن: أنت جرحتني يا إكس لما شكيت فيَّ مش هقدر أرجع بسهولة
تنهض تجد إكس محضر لها فطورها المفضل تظهر أبتسامة صغيرة و لكن تخفيها و تقول بغضب: و طبعًا الأستاذ هتلاقيه مهمل في صحته و مفطرش طب مش هاكل
تصل لها رسالة على موبايلها من إكس
أنا أكلت في الشغل عايزك تخلصي الأطباق كلها و مامتك سبلها تاكل متخلصيش الأطباق بحبك
تضحك جين و تبدأ تأكل و تلبس حتى تستعد للنزول
تجدها شادية التي أستيقظت قبل قليل
شادية: رايحة فين
جين: معاد الفحص جاه
شادية: فحص أيه
جين: فحص شامل بعمله كل ست شهور علشان أطمن على نفسي
شادية: طيب ربنا معاكي روحي
جين: تيجي معايا
شادية: مبحبش المستشفيات
جين: ماشي مش هطول سلام
تذهب جين للمستشفى و تذهب للمختبر للفحص
الممرضة: التحليل هيطلع بكرة
جين بأبتسامة: تمام شكرًا
تغادر و تذهب لمنزل إكس تعد لهُ وجبة الغداء و تظبط المنزل
جين: معرفش أيه ألِ جابني تاني بس مش هيهون عليا يعني متاكلش
تغادر المنزل و تذهب لبيتها
يرجع إكس في المساء بتعب شديد لتراكم الشغل عليه
إكس يجد البيت مرتب يبتسم و يذهب للمطبخ حتى يشرب يجد ورقة على التلاجة
يمكسها و يبدأ يقرأها
(الغدا في الحلل عايزة الاقي الجلل خالصة من الأكل تاكل كويس و مش خوف عليك ولا حاجة أنا أصلاً مش طيقاك و لكن أنا مش قادرة أروح مستشفيات لحد و أه أغسل الحلل و الأطباق المنظر ألِ شوفته في البيت النهاردة مشفهوش تاني
توقيع: المجروحة)
يسخن إكس الأكل و يأكل و يذهب لغرفته حتى ينام
يمسك هاتفه و يطلع صورة لهُ هو و جين
يبعث رسالة لجين
أتعودت منامش غير و أنتِ في حضني دلوقتي أنام أزاي
جين تشوف ولم ترد
و يأخذ الموبايل في حضنه و ينام
في الصباح إكس يذهب لعمله و جين تذهب للمستشفى حتى تأخذ التحاليل
تذهب جين للطبيبة
الطبيبة: تحاليلك كويسة جدًا بس في حاجة
جين بخوف: أيه
الطبيبة: أنتِ حامل
جين بصدمة: أحلفي و تكمل بفرحة: بجد يا دكتورة
الطبيبة: شوفي دكتورة متخصصة في المجال دا لأن دا مش مجالي
جين تأخذ التحاليل: طيب شكرًا شكرًا جدًا يا دكتورة
جين تحجز عند طبيبة مختصة و تنتظر دورها
مدام جين
جين: نعم
دورك جاه
تدلف جين للطبيبة و تعطي لها التحاليل
الطبيبة: التحليل بيقول أنك حامل بس هنعمل تحليل حمل
جين: ماشي بس ينفع يطلع في وقتها
الطبيبة: على حسب الحالة
جين: طب أنتِ هتمشي أمتى
الطبيبة: ساعة
جين: طب أستنيني الله يباركلك
الطبيبة بأبتسامة: حاضر
تذهب جين للمختبر و تعمل تحليل حمل
جين للممرضة: هو ينفع يطلع بعد ساعة بالكتير
الممرضة: لا صعب
جين تعطي لها فلوس : أرجوكي خلي الموضوع يخلص بسرعة و أنا هستنى هنا
الممرضة تأخذ فلوس: ساعة و التحليل هجبهولك
جين: هستنى هنا
بعد ساعة تشاور لها الممرضة بأن تأتي
جين: تأخذ التحليل و تشكرها و تذهب للطبيبة
الطبيبة تأخذ التحليل و تنظر لها بأبتسامة: مبروك أنتِ حامل في الشهر الأول
تبكي جين بفرحة و تأخذ التحليل و تذهب
جين في نفسها: لازم أروح لإكس و تضع يديها على بطنها تمن شهور و هتنور حياتنا يا روحي
تذهب جين للقسم و تقترب من مكتب إكس تجده غير مقفول و يوجد صوت عالي
تقف تستمع لما يدور في الداخل
إكس بزعيق: جين لو عرفت حاجة يا إكس هقتلك
ليث: هرن عليها تيجي أعرفها كدبة جوزها المحترم ألِ مخدوعة فيه الشهور ألِ فاتت تحب أبدأ منين
جين تدلف: هو أيه ألِ بيحصل
ليث: من غير ما أرن أهي جات
جين: في أيه يا ليث
إكس بزعيق: جيتي ليه دلوقتي و أنت أخرج برا
ليث: مش هخرج غير و هي عارفة الحقيقة
جين بخوف: قول في أيه يا ليث
ليث: في أن جوازتكم مش جوازة عادية دي مترتب ليها دا في الأساس طلع ابن إنتصار و متجوزك علشان أمه قالتله كدا علشان تنتقم منك لأنها بتكرهك و بالنسبة للدارك ويب دي حقيقية و لكن أخدها حجة علشان يتجوزك
إكس: أنت السبب أنت ألِ سمعت كلام أمي لما قالتلك أتقرب منها و خليها تحبك و بعدها سبها
ليث: و أنت بعدها أتجوزتها ليه لما لقتها حبتني زي أخويا أدخلت أنت و من حسن حظك أنك كُنت شغال في القضية دي و جين بقت مطلوبة و أنت أتجوزتها و مريم كمان بنت إنتصار و لكن إكس و مريم ميعرفوش و مريم إنتصار بعتتها ليكي علشان تدمرك
إكس يذهب أمامها: جين جين دي نص الحقيقة ردي عليا متسكتيش كدا جين والله كُنت مغصوب على كدا صدقيني
جين بهدوء: كُل كلمة بحبك طلعت منك كدب كُل لمسة منك كانت كدابة كُل وعد كان كداب كُل حاجة كانت كدب أنت نفسك طلعت كدبة كلكم كدبة في حياتي أنتوا أكبر كدبة حياتي كلها كدبة
إكس: جين متبقيش في الهدوء دا أضربيني أصرخي زعقي عيطي أعملي أي حاجة بس بلاش الهدوء دا
جين تردد: كُل حاجة كدب كلمة بحبك كدب
إكس يمسك وجهها: مش كدب والله مكدب مفيش حاجة حصلت كدب
جين: حُبك ليَّ كدا أحساسي بالأمان معاك كدب
ليث: كدا الحقيقة ظهرت أمشي أنا بقى و يقف أمام جين أنا مش وحش يا جين ولا وافقتها في أي حاجة قالتها أنا حبيتك كأختي و أتعاملت معاكي على الأساس دا
جين تنزل أيد إكس
إكس: أسمعيني هقول أيه دي الحقيقة
جين تضربه قلم بكل قوتها و تقول بصريخ: قولتلك لو في أي كدبة قولها لو كدبت هكرهك مبروك عليك كره جين أنا عقابي ليك إني هحرمك من حاجة الناس كلها تتمناها و تجري للخارج
إكس يلحقها و لكن لم يجدها
إكس يدلف مرة أخرى للمكتب و يكسر كل حاجة أمامه
إكس بأنهيار: مش هضيعي مني يا جين مش بعد ما لقيتك تضيعي أنا بحبك يأخذ مفتاح سيارته و يدور عليها لم يجدها و بعد ساعات يأس و تذكر شادية
إكس: أنا أزاي غبي كدا أكيد هي في بيتها يذهب سريعًا و يذهب أمام المبنى يقف أمام المنزل يجد عليه قفل
إكس: جين أرجوكي متعمليش فيَّ كدا أنتِ سمعتي نص الحقيقة سبيني أقولك النص التاني
بعد مرور ست شهور
إكس نمت لحيته و نحف بشدة و الهالات تملىء وجهه و وجهه بهتان تغير في الست شهور و صار عصبي و حياته شغل فقط
أحلام في شهرها الأخير من حملها و إيوان بجانبها طول الوقت قلق عليها و يهتم بها
ليث يشعر يتأنيب الضمير تجاه إكس و جين و ذهب إليه و طلب منهُ أن يسامحهُ و لكن إكس طرده ليث تقرب من وسن و بدأ يحبها و لكنه وعد نفسه لن يدخل في علاقة حتى يرجع إكس لجين
إكس بعصبية: يعني أيه لحد دلوقتي ملقتوهاش طيب أقفل أقفل
إكس بحزن : ست شهور مشوفتش فيهم الراحة ولا السعادة من غيرك يا جين أظهري و أنا مش هسيبك غير لما تعرفي الحقيقة فين وعدك أنك مش هتسبيني بقيت بنام على صورتك و أصحى عليها صورك مليانة البيت بس أنتِ فين إكس من غيرك مش إكس أنا بس مش عايز أموت و أنتِ بعيدة عني و فهماني غلط أنا مكدبتش في ولا حاجة
العسكري يدلف إليه
إكس بعصبية: مش تخبط يا غبي
العسكري بخوف: أنا أسف نسيت يا باشا اللواء عايز حضرتك في مكتبه
إكس: طيب
ينهض إكس من مكانه و يذهب للمكتب
إكس: تؤمر بحاجة يا فندم
اللواء: أقعد يا إكس
إكس: نعم يا فندم
اللواء: أنت هتروح القاهرة تخدم هناك
إكس: تمام يا فندم حاجة تانية
اللواء: لا
إكس يغادر و يذهب لمكتبه يلم أغراضه و يذهب لمنزله و يدخل المنزل و يتذكر كل شىء بينهما تدمع عينيه و يلم أغراضه و يأخذ صورة لجين و ينظر للمنزل نظرة أخيرة و يبتسم بحزن و يخرج يسافر القاهرة
في مكان أخر
شادية: يا بنتي هو أنتِ الست شهور من أول لما جينا القاهرة و أنتِ شغل شغل ألِ هو زي ضرب ضرب مفيش شتيمة
جين: تضع يديها على بطنها و تجلس بصعوبة: مش وقته يا ماما أنا دلوقتي الحمد لله بقيت محامية كبيرة فترة أجمع شوية فلوس تانيين و هفتح مكتب محاماة خاص بيَّ
شادية: أنتِ عاجبك حياتك كدا
جين: مالها حياتي
شادية: هي دي حياة بنت في سنك طب لو مش هامك نفسك فكري في ألِ بطنك أيه ذنبها بنتك تيجي من غير أب
جين: يووووه مش هنخلص من السيرة دي أنا ليل نهار بشتغل علشان أنساه و أنا تفكيري فيه بيزيد لو كان جاب خنجر و رشقه في قلبي كان هيبقى أرحم من ألِ حصل
شادية: يمكن مش دي الحقيقة
جين: أرجوكي متجبيش سيرته أدامي و تكمل ببكاء: أنا تعبانة لوحدي لو كان قتلني كان هيبقى أهون عليا من إني أعيش كدا هو ليه جرحني بالطريقة دي أنا مش عارفة أكرهوا بعد كُل ألِ حصل مش عارفة و تمسح دموعها مينفعش يكون في دموع في حياتي علشان بنتي هبقى ليها الأم و الأب همشي أنا علشان الحق معاد شغلي سلام
جين تغادر و في رأسها كل ذكرى لها مع إكس: بحبك و هفضل أحبك رغم ألِ حصل بس مش هينفع نبقى مع بعض تاني
أنتهت جين من عملها
و ذهبت إلى المول حتى تشتري لبس أطفال لطفلتها القادمة
تقف أمام محل أطفال تجد كل زوج و زوجة مع بعضهم تتذكر إكس و تضع أيدها على بطنها و تقول بهمس: أنا دقات قلبي بتزيد ليه كدا حساك قريب أوي يا إكس
ترجع خطوتان للخلف و كانت ستقع لولا يد لحقتها تفتح عينيها بخوف و هي محاوطة بطنها تجد إكس أمامها
تنظر بصدمة و تقول أنا أكيد بحلم
إكس ينصدم هو الأخر: لا أكيد أنا ألِ بحلم و يعدلها يجد بطنها كبيرة
إكس بصدمة زيادة: أنتِ حامل
جين بتوتر: لا لا دا كرش
إكس يضع أيدها على بطنها: لا مش كرش دا حمل و يحتضنها بأقوى ما عنده: جين يلمس على وجهها: ليه ليه سبتيني كل دا أنا بموت من غيرك
جين تنظر إليه و تنصدم من شكله فإكس لم ينتبه على حياته ولا مظهره
جين: أنت أيه ألِ عامله في نفسك دا
إكس: أسمعيني و بعدها هسيبك
جين تتذكر كل شىء و تقول بصريخ: أبعد عني يا إكس مش عايزة أشوف وشك
إكس يأخذها غصب و يركبها العربية و يسكها و يذهب لمكان خالي من الناس غير مهتم لصراخها ينزلها من السيارة
إكس: كُنت طفل زي أي طفل أهله ماته لقى راجل شكله غريب أخده بقى يأكله و يشربه كبرت و عرفت أن الراجل دا دجال كان حلمي أبقى ظابط شافني راجل كبير و محترم طلع لواء ساعدني أتعلم من وراه لحد ما دخلت كلية الشرطة في الفترة ألِ كُنت فيها طفل إنتصار و هكول أتجوزوا عرفي و بالرشوة سجلوني بأسمهم و أنا أصلاً مليش أهل اللواء دا يبقى اللواء حسنين و عايزني أدخل معاهم لما شافني و عجبته كبرت و أول لما دخلت كلية الشرطة هربت منه و أنا من صغري كان بيشغلني كُنت مجمع شوية فلوس و بقيت أشتغل أعتمدت على نفسي و أول لما أتخرجت قبضت على هكول و اللواء عرض عليا أشتغل قاتل وافقت علشان أدخل وسطهم و كان في لواء تاني أسمه فهمي كان شاكك فيه و أنا أتعاونت معاه و بقينا فريق كبير دخلنا الدارك ويب و أحنا أصلاً ظباط و بالنسبة ليكي فأنتِ علشان محامية كُنتي مطلوبة منهم علشان عايزين يقتلوكي علشان القضية ألِ مسكتيها أخر حاجة لشخص منهم و جبتيله مؤبد و أنا فضلت أراقبك فترة و خليت ليث يقرب منك علشان محدش يأذيكي و بالنسبة لإنتصار هي مش أمي هي طلبتني مرة و قالتلي أتجوزك لأنها بتكرهك و أنا كنت عايز أعرف نواياها نحيتك فوافقت أن و ليث أتجوزتك علشان أحميكي منها لأن لو مكنش أنا و ليث كانت هتجيب حد غيرنا أنا والله مكدبت عليكي في أي حاجة أنا فعلاً بحبك بس أنت ليع مقولتيش إنك حامل
جين ببكاء: فاكر لما قولتلك عقابك إني هحرمك من حاجة الكل بيتمناها هو دا قصدي على الحمل يومها لما جيتلك المكتب كُنت لسة عارفة إني حامل في الشهر الأول أحلف أنك مش بتكدب عليا
إكس: وحياة حبي ليكي أنا ندمان على الوقت ألِ فات
جين: أنا أسفة لو كُنت أستنيت كُنت عرفت الحقيقة و مكنتش أتعذبت كدا في بُعدك أنا كُنت بموت بالبطيء من غيرك يا إكس كُنت بشوف كل زوج و زوجة بيروحوا يكشفوا مع ب إلا أنا بروح لوحدي أنا شوفت شهور من غيرك وحشة أوي
إكس يحتضنها: خلاص أحنا دلوقتي بقينا مع بعض و مش هنبعد عن بعض أبدًا إلا موتي
جين تبادله الحضن بأقوى ما عندها و تبكي: بعد الشر مش هستحمل تبعد عني
إكس: مسمحاني يا جين
جين بوجع: آه آه آه
إكس: عرفت يا جين خلاص
جين بوجع زيادة: آه الحقني يا إكس أنا بولد الحقني
إكس يتوتر و يحملها و يتوجهه بها لأقرب مستشفى يصل إكس المستشفى جين تذهب لغرفة العمليات و لكن قبل أن تدخل تقول بصوت موجوع
جين: سامحني لأني بعدت بسبب غبائي أنا بحبك يا إكس لو مُت شيل بنتنا في عينك بحبك
تدلف لغرفة العمليات و إكس يتصل على شادية من هاتف جين
شادية تأتي المستشفى بخوف و تكون بجانب إكس
و بعد مرور ساعتين تخرج الممرضة و هي تحمل طفلة في غاية الجمال إكس يحملها و يقرأ عليها قرآن
إكس بخوف على جين: هي الأم كويسة
الممرضة: الحمد لله بخير و أتنقلت لغرفة دلوقتي
إكس و شادية يذهبوا لغرفة جين و بعد نص ساعة تستيقظ جين بتعب
جين تفتح عينيها و تنطق اسم إكس
إكس: نعم يا حبيبتي
جين: أنت مسامحني صح
إكس: مسامحك أهم حاجة أنتِ تسامحيني
جين: خلينا ننسى ألِ فات و منفكرش فيه تاني وريني بنتي
جين تتعدل في جلستها و إكس يعطيها الطفلة
جين تحملها بحب كبير: هنسميها أيه
إكس: أنتِ ألِ تعبتي فيه مش أنا
جين: أسميها روجينا علشان لو خلفنا ولد نسميه نيت
إكس بأستغراب: أيه العلاقة
جين بضحك: علشان يبقوا نيتروجين
إكس: أنتِ شدي حيلك و هنجيب دستتين عيال
جين: أنا بحبك يا إكس
إكس: أنا بحبك أكتر يا حياة إكس
أحلام في نفس اليوم ولدت توأم بنت و ولد و عايشة هي و إيوان حياة مليانة حب
ليث أعتذر من ليث و جين و هما سامحوا أعترف بحبه للوسن و وسن كذلك و الأتنين أتجوزوا
كابوني أعجب بزميلته و تزوجها و ما زال بيزور علي
و مراته بتحب علي
ليث بيعتبر علي أكتر من أبنه
و الكل عايش مع حبيبه و دا أهم حاجة أنهم مع بعض
خاتمة رواية قاتلي المتأجر
بعد مرور سنتين
إكس و جين
جين بصريخ: أصحىىىى يا إكس
إكس ينهض بخضة: في أيه حد مات روجينا حصلها حاجة
جين بزعل: يعني روجينا أهم عندك مني طيب خليها تنفعك
إكس يمسح على وشه بغضب: هرمونات حملك مطلعهاش عليا مصحياني بخضة ليه
جين: اتأخرت على المحكمة و أنت عارف إني في الشهر الأخير و تعبانة أتفضل يلا علشان توصلني
إكس: مش قولتلك خدي إجازة من الشغل علشان الحمل
جين: دي هتبقى أخر قضية أمسكها الشهر دا يلا قوم لبس روجينا و فطرها و أعملي أي حاجة أكلها أكون لبست
إكس: أيه حيلك حيلك أنا الدادة ولا الخدامة الفلبينية
جين ببكاء: إكس أنت مبقتش تحبني أنا تعبانة بسبب ابنك و أنت مش حاسس بيَّ و بنتك كل شوية تعيط مش عارفة أسكتها ولا عارفة أعمل حاجة أنا تعبت قولتك بلاش نجيب أطفال تاني دلوقتي و تكمل بتريقة و هي تحاول تقليد إكس: يا حبيبتي أنا عايز أعوض الفترة ألِ مكنتش فيها معاكي عايز أشوف بطنك و هي بتكبر عايز أعوض الوقت ألِ أتحرمت فيه من فترة حملك و أشوف أول نبضة قلب لطفلنا أروح معاكي عند الدكتورة و أنتِ بتابعي حملك معايا و تكمل ببكاء: حاسة نفسي أم فاشلة و زوجة فاشلة و محامية فاشلة
إكس يحتضنها و يكمل بحنان: أنتِ أنجح حد في الحياة أنا لو أقدر أخد كل الوجع عنك كُنت عملتها
و يمسح دموعها لكن لو فضلتي تعيطي كدا هتتأخري على المحكمة و الراجل المحبوس هياخد أعدام و هيدعي علينا
جين: طب يلا شدني علشان مش عارفة أقوم بسبب أبنك
إكس يحملها: أنتِ تخنتي يا جين
جين تبكي: بجد معنى كدا هتتجوز عليا
إكس: هو ألِ يتجوزك يفكر حتى يعرف بنت تانية
جين تسقف: هيييه أنا كرهتك في كل البنات لا دا أنا أستاهل جايزة دا أسعد خبر في حياتي أيدا ثانية ما أنا بنت
إكس بضحك على صدمتها: أنتِ روحي
جين تمسك خدوده: يا نوحي يا نوحي و تكمل بخضة روجينا بتعيط نزلني بسرعة
إكس ينزلها: روحي البسي و أنا هسكتها
جين بأبتسامة: بحبك
إكس يذهب لروجينا و يحملها و يلف بها الغرفة حتى تهدأ
إكس يلبسها و يذهب للمطبخ و ما زال محملها
إكس: أنتِ طالعة لأمك في العياط و الزن
جين من خلفه: و مالها أمها يا إكس
إكس بأبتسامة متوترة: أمها دي مفيش منها أتنين
جين: ماشي هعديها لأني تعبانة أنا جهزت لبسك روح البس و أنا هأكلها
إكس: تعبانة مالك فيكي حاجة
جين: بسبب ابنك أنا معرفش أنت ليه متخلفش مكاني يعني أنا حمل و خلفة و رضاعة و أنت تعمل أيه
إكس بغمزة: بجيب غيرهم
جين: أطلع برا المطبخ أنا مينفعش أدخل في نقاش معاك تاني و تنظر إلى الساعة و تشهق يالهوي فاضل نص ساعة بسرعة يا إكس
إكس: السندويشات عندك كوليهم كلهم
جين ببكاء: أنا تعباك معايا صح
إكس بأبتسامة: تعبك دا بالنسبالي كُل الراحة أمسحي دموعك مش بحب أشوفها
بعد وقت أنتهى إكس و أخذ جين و حمل روجينا و نزل
يصعدوا ألِ السيارة ويتوجه إكس إلى المحكمة
إكس بضحك: أياكي تجيبي للراجل مؤبد زي ما عملتي قبل كدا
جين بغيظ: لو مكنتش جبتله مؤبد مكنتش بقيت معاك دلوقتي ولا أفكرك
إكس يمسك يدها و يقبلها : ميبقاش قلبك أسود بقى
جين تسحب يدها: لا برضوا مش مسامحة على الست شهور
إكس: جين أنا أكتر شخص تعبت في الست شهور من بعدك كُنت دايمًا بسمع جملة أنا عايش جسد من غير روح لحد ما جربت أحساسهم
جين و عينيها ترقرقت بالدموع: خلاص أحنا دلوقتي مع بعض و معانا بنوتة زي القمر و أبن كلها كام يوم و ينور مش عايزة نفتكر الأيام دي تاني أحنا دلوقتي مع بعض و مش هنبعد عن بعض تاني بس كويس أننا بعدنا الفترة دي
إكس يضم حاجبيه باستغراب: ليه
جين بأبتسامة: علشان نعرف قيمة بعض و منخبيش عن بعض حاجة تاني و علشان كل واحد مننا يعرف قيمته عند التاني علشان محدش ينام و التاني زعلان منه ولا يعدي دقيقة و أحنا زعلانين من بعض و تكمل بغرور مصطنع: و علشان تعرف أنك من غيري كأنك بندق بقشره و مش محمص
إكس يضحك عليها: بعيدًا عن العك ألِ قولتيه دا بس أوافقك الرأي في ألِ قولتيه
وصلنا هاتي روجينا علشان تعرفي تنزلي
جين: طب والله بحبك
إكس: طب والله بحبك أكتر
إكس ينزل و هو يحمل روجينا و يساعد جين على النزول
جين تمسك ضهرها بوجع
إكس بخوف: مالك أنتِ كويسة
جين بغيظ : ابنك مش ناوي يعديها على خير معايا يلا بسرعة أحنا اتأخرنا
يدلفوا ألِ المحكمة
القاضي بزعيق: المحامية اتأخرت خمس دقايق ليه
جين بصوت منخفض و لكن الجميع سمعه: هو بيتعامل معايا كأنه جوز أمي ليه
القاضي: جوز أمك ابدأي بدل ما أديله أعدام و أحطك معاه
جين بمرح : متبقاش قفوش يا راجل فرفرش كدا كدا هنموت
القاضي بزعيق: أحنا هنا في محكمة
جين تلوي بوزها: عارفة و تكمل بجدية: حضرة القاضي حضرات المستعمين حضرات السادة المستشاريين حضرات المتهمين حضرات العساكر حضرات المشاهدين
القاضي: أدخلي في الموضوع ورانا قضايا تانية
جين: حاضر حاضر حضرات الكراسي حضرة الزنزانة حضرة البتاعة ألِ عمو بيدق بيها و بيقول محكمة معلش مش عارفة أسمها
القاضي بغضب: أدخلي في الموضوع
جين: حضرات الزائرين
القاضي: يخربيت الحضرات قولي ألِ عندك
جين: خلقك ضيق أوي إن موكلي برئ برئ برئ
القاضي: أحنا مش في فيلم الأستاذة فاطمة
جين: بص يا حضرة القاضي على نور كدا الموكل ألِ هناك دا غالبًا و الله أعلم قتل مراته و أنا نسوية و بدافع عن حقوق المرأة و مش هدافع عن شخص زي دا
المتهم: الله يخربيتك ودتيني في داهية
جين: بهزر يا راجل مبتهزرش يا مرسي هدافع عنك لأن قلبي طيب و تكمل بوجع إكس الحقني
إكس يذهب إليها سريعًا: في أيه مالك أنتِ كويسة
جين ببكاء و صريخ : أنا بولد
إكس يتوتر زيادة خاصةً أنه كان يحمل روجينا
إكس: أمسكي روجينا
جين بصريخ: أنت معندكش قلب هتمسكني البنت و تهرب
إكس: أمسكيها بسرعة يا جين
جين تحملها بوجع شديد و إكس يحمل جين و يتوجهه بها للخارج
المتهم يلطم: و القضية
القاضي: حظك فقر حكمت المحكمة حضوريًا بالأعدام شنقًا
جين تمسك يد إكس تعضها: منك لله يا إكس منك لله مش مسمحاك على الوجع دا بكرهكككككك
إكس بوجع: أيه يا مفترية أيدي أنا لسة مأكلك لحمة أمبارح
جين: كمان بتتريق بعد ما بوظتلي جسمي و خليت شكلي وحش بتتريق
إكس بحب: هتفضلي في نظري أجمل بنت في الحياة
جين بصريخ: مش وقت حب و رومانسية في حالة ولادة معاك و تكمل ببكاء: أنا مش قادرة أستحمل
إكس: خلاص قربنا نوصل أستحملي كام دقيقة
بعد وقت يصل إكس أمام مستشفى
يحمل جين و يجتمعوا الدكاترة حولها فهي في سنتين فقط أصبحت أشهر محامية في المدينة
تدلف ألِ العمليات و إكس يحمل ابنته بخوف و يتصل على شادية و كابوني و إيوان و ليث و ماجد
يأتوا جميعهم بعد وقت و معهم زوجاتهم
كابوني و معهُ زوجته لمياء و يحمل أبنهم
ليث و معهُ وسن و يحمل علي و وسن حامل
إيوان و معهُ أحلام و محملين أطفالهم
و أتى أمجد و مريم و يحملوا طفلتهم
يبقوا بجانب إكس حتى يطمئنوا عليه
إكس بخوف: هما اتأخروا ليه كدا
شادية: متقلقش دا الطبيعي و الولادة الأولى اتأخروا أكتر من كدا
إكس يدعي ربه
و الجميع يسلم على بعضه بحب
بعد ساعتين تخرج الطبيبة
إكس يذهب إليها: جين كويسة
الطبيبة: أه كويسة و هننقلها أوضة عادية دلوقتي و الممرضة هتجبلك أبنك
الممرضة تعطي لإكس ابنه و شادية تحمل روجينا
إكس ينظر للطفل بحب شديد و يحتضنه برفق و يسمي و يكبر في أذنه
الجميع يحمله و بعد وقت يدلفوا لغرفة جين
جين تحت تأثير البنج: سيبلي ورك الفرخة يا إكس
إكس أنت بتخوني صح طب البنت دي حلوة ولا لا إكس متتجوزش عليا علشان الشقة من حق الزوجة هشردك في المحاكم يا حيوان
إكس: كدا كتير أنا خايف تقول إنها كانت هتسممني
بعد وقت تفوق جين
جين تتعدل في جلستها: إكس هات ابني
إكس يعطي لها أبنها
جين بحب شديد: الله دا حلو أوي يا إكس ينفع أكله
إكس بضحك: لا مينفعش
جين بغضب: بص بقى و كلهم موجودين علشان يبقوا شاهدين دا آخر طفل أجيبه عايز أطفال أتفضل أنت شوف واحد في المية من التعب ألِ بتعبه
إكس: ألِ تعوزيه يا حبيبتي
جين: أنت بالهدوء دا ليه أنا عايزة أتعارك
شادية بحمحة: أنا عندي خبر ليكم
الكل ينظر لها بأهتمام
شادية تنظر لزوجها و تقول بكسوف كبير: أنا أنا
جين بفضول: أنتِ أيه
زوجها: شادية حامل
شادية: يعني كان لازم تقولهم تبقى بنتي لسة والدة و أنا حامل الناس تقول أيه
جين بغمزة: أيوة بقى يا ماما يا جامدة شوفتي أختياراتي ليكي العظيمة
شادية تسترجع كيف صار كل هذا
flash back
إكس و هو جالس مع جين: بقولك يا جين
جين تنيم روجينا: أيه يا إكس
إكس: فاكرة الدكتور ألِ كان بيعالج حماتي
جين: أه ماله
إكس: طلب أيدها للجواز مني
جين بضحك: طب والله كويس يارب بس توافق أحكيلي عنه
إكس: مش حاجة جديدة أكبر منها بسنة دكتور عنده شقته و عيادته متجوزش لحد دلوقتي و ملهوش تجارب سابقة كُل دا كان بيكون نفسه
جين باستغراب: يعني كلها كام سنة و يدخل على الخمسينات و كل دا بيكون نفسه
إكس بضحك: بتحصل عادي
جين: طيب نروحلها بكرة و نبقى نقولها
إكس: ماشي
في اليوم التالي
جين بزعيق و هي بتخبط على الباب: يا ماما أفتحي
طب في حرامي جوا حد قتلك حد أخد أعضائك
شادية تفتح الباب بنوم: في أيه حد ييجي لحد الساعه سبعة الصبح
جين تدلف هي و إكس: أه عادي
إكس: معلش يا حماتي سامحيني مصحياني من الفجر علشان نجيلك
جين: فوقي و تعالي عايزينك في موضوع
شادية: ربنا يستر
جين تعطي روجينا لإكس: خد رضعها لإني تعبت
إكس: و دي هعملها أزاي
جين: معرفش
شادية تأتي: كنتِ عايزة إيه
جين: فاكرة الدكتور الوسم القمر الحلو الجميل
إكس يضربها بخفة على رأسها
جين: الاه في أيه بس دا أد أبويا
نرجع لموضوعنا شافك و عجبك و شكل كدا قلبه وقع فيكي يا شادية يا قمر و طالب أيدك للجواز
شادية بخجل: بس يابت عيب جواز أيه في السن دا دا أنا بقيت جدة
جين: و فيها أيه بس يا ماما عوضي الأيام ألِ راحت منك و تكمل بغمزة و هاتي للبنت دي ولد يلعبوا سوا
شادية: بس يا بنت عيب أنا مش موافقة طبعًا عايزة الناس تقول أيه واحدة قربت تدخل على الخمسينات تتجوز
جين: ملكيش دعوة بالناس الناس ملهمش دعوة بيكي
شادية: مش موافقة يعني مش موافقة
تغادر جين و إكس
في اليوم التالي تأتي جين و إكس و معهم راشد(الدكتور)
تخبط جين و شادية تفتح الباب
شادية تنظر لراشد باستغراب
جين: مش هدخليني ولا أيه يا خالتي
شادية في سرها : خالتي و جايبة الدكتور معاها أكيد هدبس فيه
يدلفوا جميعهم و شادية تقدم لها الضيافة
جين: إكس تعالى كدا معايا ساعدني أغير لروجينا
إكس: بس ش
جين تجز على أسنانها: يلا يا إكس
إكس يفهم: أه ماشي
تدلف جين لأحد الغرف القريبة و تعطي روجينا لإكس و تقف خلف الباب تستمتع لحديثهم
راشد: ممكن أعرف أنتِ مش موافقة عليا ليه
شادية: عيب على سننا عايز الناس تقول علينا أيه أكبر لنفسك أنت دكتور معروف عيب كدا
راشد: هو أنا قولت هقتلك و فيها أيه يعني هو الجواز أو الحب بالسن
شادية: مش أخدت ضيافتك يلا اتفضل من هنا
جين: إكس أطلب المأذون بسرعة
إكس باستغراب: ليه
جين: هجوزهاله غصب يلا بسرعة
إكس يتصل على مأذون قريب
راشد: أنا مش هخرج براحتي بيت مراتي المستقبلية
شادية: يعني لو أتجوزتني هتقعد هنا
راشد: مش أنتِ مش موافقة متتكلميش هي الست جارتك أيه نظامها شايفها ست حلوة و جميلة ما تروحي تخطبيهالي
شادية تنظر لهُ بقرف: روحلها
يخبط الباب بعد وقت تفتح شادية تجد المأذون
شادية: حضرتك عايز حد
يأتي جين و إكس
جين: أتفضل يا حضرة المأذون دا أحنا مستنيينك من بدري
شادية: هو في أيه
راشد: أصل أنا هتجوز
شادية: طب أنا مالي أنت فاضل هنا ليه يلا برا
راشد للمأذون: معلش أصل المدام المستقبلية تعبانة شوية في عقلها
شادية: أتعدل في لسانك لو سمحت
جين تأخذ شادية للداخل و تلبسها فستان و تضع لها بعض من لمسات الميك آب تحت إعتراضها
جين: متبقيش أنتِ و حفيدتك عليا يلا أخرجي دا أنتِ الفرحة بتنط من عيونك تدرين ليش لأنك بتحبيه
شادية: حب أيه في السن دا يا هبلة
جين: يعني هو الحب بالسن طب والله بتحبيه متخليش بقى الناس يكون عائق يعني هتعيشي عُمرك كله لوحدك ما أنتِ عُمرك اللي فات كنتِ لوحدك كانت حياتك حلوة لا يبقى متخليش حياتك ألِ جاية وحيدة
شادية: طيب هقتنع بكلامك عديني لما أخرجلهم
جين تحمل روجينا التي كانت تبكي و تخرج خلف شادية
المأذون يكتب كتابهم و يغادر
راشد: في قاعة بتاعت صديقي خليتوا يحجزلي بكرة بالعافية الفرح بكرة
شادية: لا بقولك أيه مش علشان أتجوزتك تعمل فيها عريس بجد أحنا كبرنا على الحاجات دي
راشد: لو شايفة نفسك عجوزة براحتك لكن أنا لسة بشبابي و صحتي
شادية: كلكم برا عايزة أنام
جين: طيب يلا بينا يا إكس
إكس و جين يغادروا و يتبقى راشد
شادية: مش أنا قولت برا
راشد: بحب جوا مش برا
يجلسوا مع بعض و ظلوا يتحدثون عن كل شىء يخص حياتهم و عرفوا كل شىء عن حياة بعضهم
و غادر راشد في المساء
في اليوم التالي أقيم حفل زفاف عائلي و ذهبت شادية ألِ بيته و عاشوا مع بعضهم حياة سعيدة
Back
يطمئنوا جميعهم على جين و يباركوا لشادية و يغادروا
جين: أكلت بنتك
إكس: أه أكلتها و نامت كمان
جين بعصبية: أنا أبني هيتسجل نيت و بنتنا روجينا كدا نيتروجين أنا معرفش أنت سجلتها ليه روجينا مش أنا قولت روجين بس
إكس بهدوء: مفرقتش الألف يا حبيبتي
جين: لا تفرق زي الهمزة كدا
إكس: و أيه العلاقة
جين بغمزة: هقولك بعدين
إكس: بكرة هتخرجي من المستشفى و لما تحسي نفسك كويسة قوليلي علشان عاملك مفاجأه
جين بفضول: أنا بقيت كويسة دلوقتي يلا قول المفاجأه
إكس: لا مش هقول أرتاحي يلا أنتِ تعبانة
جين: أنت ماشي ولا أيه تعالى أقعد جنبي
إكس يقترب منها
جين: ما تيجي تقعد جنبي أحسن
إكس يجلس جانبها
جين ممسكة طفلها: الطفل قمور أوي شبهي واخد غمازتي هو دا ابن أمه حبيبته حلال فيه تسع شهور حمل
إكس يتغاظ و يشعر بالغيرة: طب ما أنا كمان بنتي حبيبتي روح قلبي قرة عيني و حياتي شبهي حلال فيها البامبرز ألِ بغيرهولها
جين: مش بغير على فكرة أنا أبني مكفيني و قوم من جنبي أنا مش عايزة أتكلم معاك تاني
إكس يحتضنها و يناموا الأثنين
و في الصباح يغادروا ألِ منزلهم
و جين تأخذ إجازة من عملها و إكس كذلك
إكس: الأسبوع الأول راحة ألِ واخده إجازة بعد كدا أنتِ يوم في البيت و أنا يوم لكن أنا هساعدك برضوا
جين تحتضنه: هو أنا قولتلك النهاردة إني بحبك
إكس بحزن مصطنع: ولا بموت فيك حتى
جين بضحك: طب بعشقك
وفي يوم جين تنظف المنزل تفتح دولاب إكس حتى تعدل ثيابه تجد ظرف يقع تفتح الظرف و كان مكتوب عليه إلى جين
تفتحه جين باستغراب تجد مكتوب بهِ
(لو بتقري الجواب دا يبقى أكيد أنا مُت سامحيني يا جين كُنت عارفة إني مفترية أوي معاكي و كُنت هدمرلك حياتك أكتر من مرة بس ربنا أخدلك حقك مني كفاية إني لما أموت مش هلاقي حد يفتكرني أنا صحيح بعتلك مريم تكون قريبة منك مع إنها مش بطقني بس هي إتغيريت و كانت هتتراجع كل شوية بس كُنت بشحن دماغها بالكره تجاهك و ليث خليته يثرب منك بس كمان منفعش و إكس ألِ لما لقيت ليث منفعش بعته ليكي و شادية ألِ كُنت بدفعلها فلوس علشان تفضل في المستشفى و أمك ألِ كُنت السبب في موتها لأنها عرفت إن أبوكي أتجوزني لكن مقالكيش و أنا كمان السبب في موت أبوكي سامحيني يا جين كفاية عليا تأنيب الضمير و إني مش عارفة أكفر عن ذنبي أنا طالبة منك طلبين الأول إكس هو مش ابني شاف أيام وحشة كتير بسببي أنا و هكول خليكي معاه أنا واثقة من أول ما شافك أنه حبك عوضيه عن الأيام ألِ فاتت و الطلب التاني سامحيني و متنسنيش
أنا أسفة
إنتصار)
تغلق جين الجواب و تبكي بشدة و تقول: مسمحاكي
يدلف جين إليها سريعًا عندما سمع صوت بكاء
إكس بخوف: في أيه يا جين أنتِ كويسة حصل حاجة أنتِ تعبانة
جين تحتضنه: مدتنيش الجواب دا من بدري ليه يا إكس
إكس ينظر للجواب و يقرأه و يضرب جبينه بخفة: كُنت ناسي خالص دا من وقت فرح أمجد و مريم
جين: الجواب مكتوب فيه إنك حبتني من أول ما شوفتني
إكس: من قبل ما أشوفك حتى و أنا حبيتك مجرد سيرتك لما كانت بتجبها كُنت بلاقي ضربات قلبي بتزيد كأني في حرب و لما شوفتك حبيتك مسمحاني و مسمحاها يا جين
جين: مقدرش أزعل منك يا إكس و بالنسبة ليها أنا سمحتها
إكس: عارف إن قلبك طيب جين أحنا كدا جبنا ولد و بنت ما تيجي نجيب توأم
جيت تجري منه و تذهب لغرفة الأطفال
إكس يذهب خلفها حتى يلحقها تغلق الباب
جين من الخلف تقول بضحك: دا عند إنتصار يا إكس
مر شهر على جميع الأبطال و اليوم معاد مفاجأه إكس لجين
إكس يغادر من الصبح و يأخذ أطفاله
تستيقظ جين و تبحث عنهم في جميع المنزل لم تجدهم تتصل عليه لم تتلقى رد
و بعد نصف ساعة تجد الباب يدق تفتح سريعًا تجد البنات جميعهم
جين تسلم عليهم و يدلفوا
جين: جيتوا ليه كلكم
وسن: محدش مننا تعرف كلهم جابونا هنا و أخدوا العيال و مشوا معرفش في أيه
جين على وشك البكاء: طب إكس فين يعني و أخد العيال معاه ليه
مريم: متعيطيش خلاص أكيد زمانه جاي
بعد نصف ساعة يجلسوا مع بعضهم و يتحدثوا في أمور مختلفة ما عدا جين التي كانت خائفة
تجد الباب يدق تجري تفتح تجد مجموعة من البنات
جين بيأس أن يكون إكس : أنتوا مين
أحد البنات: أجواز حضراتكم بعتونا ليكم مش أنتوا العرايس صح
جين: أنا مش فاهمة حاجة
هاتف البنت يدق ترد و تعطيه لجين
جين: إكس أنت فين
إكس: متقلقيش يا جين أنا بخير و كلهم بخير دخلي البنات و هما هيجهزوكم في كل فستان مكتوب أسم البنت و بعد ساعتين هتيجي لكل عربية بنت هتجبكم و آه طمني ألِ عندك كل الأطفال في مكان أمين و يغلق دون الأستماع للرد
البنت: طيب ممكن ندخل لأن ورانا شغل كتير
يدلفوا البنات و جين تحكي لهم ما قاله إكس و يطمئنوا
بعد مرور ساعتين كانوا البنات جهزوا و كانوا يرتدوا فساتين عرس
أحد البنات: العربيات جت يلا أنزلوا
ينزلوا جميعهم و كل فتاة تركب العربية المخصصة لها و يمشوا خلف بعضهم
بعد مرور ساعة العربيات تقف أمام فندق و ينزلوا
تنزل كل فتاة تجد زوجها أمامها
تقترب كل فتاة من زوجها و يأخذوهم و يتقدموا إلي الأمام في مكان معتم
جين بخوف: هو في ضلمة كتير ليه كدا أنا خايفة
إكس: هو ينفع تخافي و أنتِ معايا
جين: إكس لو سمحت وقت الرومانسية رومانسية و وقت الخوف رومانسية طبعًا
يدلفوا إلى قاعة أفراح و لكن مزين جميعه بصورهم و الورد
البنات جميعها تنبهر بالمكان
تشتغل موسيقى و كل زوجين يبدأوا بالرقص
جين بانبهار: لحقت تعمل كل دا أمتى
إكس: بجهز فيه من قبل ما تولدي و لسة في مفاجأه تانية هتعجبك أكتر من دي
جين: يا عم بقى بحبك
إكس بضحك: ياست بقى بحبك
وسن بخجل: يعني ينفع الرقص دا و أنا بطني كبيرة كدا
ليث بضحك: يا حبيبتي أنتِ لسة في الشهر الخامس
وسن: برضوا بطني كبيرة
ليث: في كل الأحوال قمر و بحبك
وسن: روح يا ليث يا ابن أم ليث و أنا بحبك
ليث: لو مكناش في وسط ناس كُنت عملت حاجات كتير
وسن: قلة أدب مبحبش لم نفسك
ليث بضحك: حاضر عجبك المكان
وسن: أوي أوي يا ليث أنا بحبك جدًا
ليث: و أنا بعشقك أوي
إيوان: ساكتة ليه حد مزعلك
أحلام: أه زعلانة
إيوان: ليه بس أنا عملت أيه
أحلام: مش بتستحمل هرموناتي
إيوان: نعممم مش بستحمل و لما دلقتي عليا و أنا نايم يا مفترية خل علشان هرمونات حملك و سكت و معملتش حاجة يبقى دا أيه
أحلام بخجل: إفتراء مني
إيوان: بحب خدودك و هي حمراء
أحلام: أتفضلها
إيوان يقبلها من خدها و أحلام تخجل بشدة و تضربه في كتفه
لمياء: كابوني أنا فرحانة أوي
كابوني بأبتسامة حب: و أنا مبسوط أكتر إنك فرحانة ربنا يقدرني و أفرحك دايمًا
لمياء: وجودك لوحده كفاية عليا
كابوني بغمزة: نجيب بنت ولا ولد
لمياء: ولد عيب لم نفسك مش أدام الناس
كابوني بغمزة: كلها شوية و تبقي بين أيديا
لمياء: مش هتعرف تمسكني
كابوني: هنشوف
أمجد : أيه بصالي ليه كدا
مريم: طول عُمري بسمع عن الصدف لكن مش بقتنع بيها دايمًا بقتنع إن دا تدبير من الله بشكر ربنا أنك دخلت حياتي أنا حياتي من قبلك مكنتش حياة
أمجد : أنا دلوقتي أقدر أقول إني عايش بجد من قبلك كانت حياة مملة أنتِ و بنتنا ألِ ضفتلها نكهة
مريم تمسك يده و تضعها على بطنها وتقرب من أذنه و تقول بهمس: و زود عليهم أبننا أو بنتنا تاني
أمجد بصدمة: أنتِ حامل تاني
مريم: أه
أمجد يحملها و يلف بها: أنا مش مصدق نفسي دا بجد أنا أنا مش عارف أقول أيه
مريم: متقولش كفاية عليا فرحتك
أمجد: أنا هفضل عايش علشان أسعدك دايمًا
مريم تنظر لجين بحب: طول ما جين مبسوطة أنا سعيدة أنا سعيدة علشان هي سامحتني لو مكنتش سمحتني كُنت هفضل عايشة في تعاسة طول حياتي
ظلوا يرقصوا ويغنوا لمدة ساعة مع بعضهم و الفرحة تغامرهم
ليث يحمل وسن ويقول: أنا هطلع أوضتي مراتي محتاجة راحة فهسبكم يا جماعة و أكمل السهرة فوق
كابوني بغمزة: الله يسهلك طب أنا هطلع أنا كمان لأن ضهري وجعني من الرقص
إيوان: طب هستأذن أنا كمان معاكم أشوف التليفزيون في قنوات إيه
إكس ينظر لأمجد: ها قول أنت كمان
أمجد: أنا مراتي حامل و محتاجة هي كمان راحة بعيدًا عن الدوشة و الرقص
الجميع يهنيهم و يغادروا ما عدا إكس و جين
إكس: يلا المفاجأه التانية
جين بحماس: يلا
يغادر جين و إكس المكان و إكس يشغل أغنية رومانسية
جين: هو ليه عملت المناسبة دي
إكس: النهاردة مش بيفكرك بحاجة
جين بتفكير: أفتكرت بعد ما مر شهرين و تممنا جوازنا في الكوخ
إكس: بالظبط و دا كان أعظم و أهم إنتصار في حياتي و لازم أحتفل بيه
جين: سامحني يا حبيبي بس الضغوط الكتير ألِ عليا خلتني أنسى أسمي حتى
إكس يقبل يدها: أنا مقدر يا حبيبتي
في غرفة ليث و وسن
ليث: عجبتك الأوضة
وسن: تحفة حلوة أوي يا ليث
ليث: إكس زين كل الأوض و هو ألِ أقترح إننا نجدد جوازنا
وسن بزعل مصطنع: يعني إكس من حبه لجين عمل كدا و أنت حتى مفكرتش فيَّ لا أنا زعلانة
ليث: أحنا كلنا كُنا بنفكر أزاي نعمل حاجة جديدة لحد ما كُل حد مننا فكر في حاجة مختلفة و نفذناهم
وسن: حتى لو مكنتش عملت حاجة كفاية إني دلوقتي معاك و بين أيديك
ليث: بتحبيني يا وسن
وسن: عرفت الحب على أيدك
ليث: يعني مش بتفكري في كابوني
وسن: يؤسفني أقولك أنك غلطت دلوقتي مينفعش تجيب سيرة شخص كان في حياتي أدامي أو حتى أدام نفسك زي ما أنا مجبتش ليك سيرة عنود لما كُنت معجب بيها أنت كمان مينفعش تجيب سيرة راجل تاني المفروض يكون عندك ثقة في حبي ليك كابوني أنا بتعامل معاه كأنه أخويا و مراته أنا و هي علاقتنا قوية و بنحب بعض و أكتر من أخوات لأن كل واحدة فينا عندها ثقة في جوزها هي بتحب علي و بتعتبره ابنها و أنا أبنه بعتبره زي أبني لو كُنت شاكك و لو واحد في المية إني بحبه مكنتش هتخليني في أي مكان هو فيه حتى صدفة أنا أتخلصت من حب كابوني في قلبي من زمان أوي يا ليث ياريت يكون في ثقة في حبي ليك أكتر من كدا
ليث: أنا أسف يا وسن
وسن: خلاص يا ليث عادي عديني عايزة أنام
ليث: وسن أفهميني
وسن: أفهم أيه يا ليث لما الاقي جوزي بيقولي يعني مش بتفكري في كابوني
ليث: وسن أفهمي أنا بس عايز اتأكد
وسن بزعيق: تتأكد من أيه يا ليث أنت واعي للي بتقوله بعد سنتين جاي تسأل السؤال دا أنت معندكش إحساس ياريتك ما أتكلمت أصلاً أنت كسرت فرحتي في اليوم دا
تستدير حتى تدلف إلى الحمام يوقفها ليث
ليث: وسن أنا مكنش قصدي أنا بس بغير عليكي حتى من أبننا علي هدومك دي بغير عليها منك لما تمسكي حاجة أنا وصلت للهوس ببقى خايف لما تشوفيه تحني لأيام زمان
وسن: أنت جيت تصلحها عمتها و تمسك بطنها بوجع
ليث بخضة: أنتِ كويسة
وسن بوجع: أبنك لو أنا مرات أبوه مش هيضربني بالطريقة دي
ليث يمكسها: تعالي أرتاحي يجلسها على السرير و يجلس أمامها و يضع يده على بطنها
ليث بحنية: بلاش شقاوة يا ولد خليك هادي و متتعبش مامتك أنت كدا بتتعبني قبلها
وسن تزيل يده و تنهض
ليث ينهض و يقف أمامها و يرفع وجهها و ينظر لعينيها
ليث: أنا بالنسبة ليَّ سعادتك رقم واحد في حياتي لو بعدتي عني أموت خايف أصحى في يوم ملاقيش دوشة علي و نكدك مش هتبقى حياة أنا واثق فيكي و في حبك ليَّ بس الأيام ملهاش ثقة أنا أسف
وسن: مسمحاك لسبب إني كمان عندي نفس حاجة بس أرجوك خلي في ثقة في حبنا لبعض أرجوك
ليث يحتضنها : حاضر أهم حاجة أنك تكوني جنبي
وسن بهمس: بحبك
ليث بنفس الهمس: عديت المرحلة دي
_______________________
في غرفة كابوني و لمياء
كابوني: قولتلك قبل كدا أنك جيتي نورتي حياتي أخدتيني من الضلمة و ودتيني النور
لمياء بدلع: لا
كابوني بتنهيدة: أنا قبلك مكنتش عايش حياتي كانت وحشة أوي كلها ضياع عايش أشتغل و بس
لمياء: و وسن
كابوني: مكنتش بحبها كُنت فاكر إني بحبها بس طلعت مبحبهاش
لمياء: و نسرين مراتك
كابوني: إعجاب بس الحب عرفته على أيدك أنتِ
لمياء: في رومانسية كبيرة في الموضوع و أنا بتحرج
كابوني يضحك عليها
لمياء: هو ينفع بعد ما نرجع علي يقعد معانا كام يوم بجد أنا بحبه أوي
كابوني: و أنا بحبك أوي شكرًا إنك بتحبي ابني و مش بتتعاملي على أنه ابني بس
لمياء بحزن: أنا والله بعتبره ابني مش زي ابني أنا بجد هزعل لو قولت كدا تاني دا ابني قبل ما يكون ابنك
كابوني: و علي محظوظ أنك بتحبيه كُل الحب دا
لمياء: و أنا محظوظة أنك جوزي و حبيبي و معايا قولي يا كابوني يا حبيبي
كابوني: الكلام دا بيقلقني قولي يا حبيبتي عايزة أيه
لمياء: بتحبني يا كابوني
كابوني: مر إك
لمياء: اللهم إن كان سحرًا فأبطلهُ أنت بتشتمني
كابوني: لا بقولك بحبك بالهيروغليفي
لمياء: بحسب
كابوني: طب بحبك
لمياء: طب بحبك أكتر
كابوني: طب بعشقك
لمياء: طب بعشقك أوي
كابوني بتفكير: طب هتجوز عليكي
لمياء دون وعي: طب هتجوز عل و تدرك الذي قاله كابوني
لمياء تشهق: عايز تتجوز بعد كل دا و عايز تتجوز عليا يا ناكر الجميل
كابوني بغمزة: أنتِ الشرع كله
لمياء: بحسب
كابوني يحملها: أنا كدا عندي ولدين يبقى نجيب البنت النهاردة
لمياء: نزلني بدل ما هصرخ و الفندق كله يتلم
كابوني: عادي
لمياء تصرخ و كابوني يكتم فمها
كابوني: يا مجنونة هتفضحينا
لمياء: تستاهل
كابوني: بحبك يا أجمل ما رأت عنيا
لمياء: أصول الحب أتعلمتها على أيدك بحبك
_______________________
في غرفة إيوان و أحلام
إيوان: ما تدخلي يا أحلام في أيه
أحلام تدلف بخجل
إيوان بضحك: أحلام أنتِ لسة بتتكسفي مني لحد دلوقتي
أحلام بخجل: بصراحة كدا أه
إيوان: سبع سنين يا مفترية و لسة بتتكسفي
أحلام: شيل منهم سنتين يبقوا خمسة
إيوان بضحك زيادة: دا لو سنة مش هتتكسفي كدة
أحلام بغرور مصطنع: أنا أختلف عن الآخرون
إيوان بحب: أختلافك دا ألِ مخلي عيوني و قلبي و روحي و كل حاجة فيَّ ميالة ليكي أنتِ بس و بتحبك أنتِ مكتفية بيكي مش عايزة غيرك
أحلام تتورد خدودها و تقول بخجل: يا إيوان بقى بس بتكسف
إيوان بضحك: أنا بكسفك مخصوص علشان خدودك
أحلام تلقائي تضع يدها على خدها
إيوان بغمزة: على فكرة أنتِ كنتي عايزة أربعة توأم و جبنا منهم أتنين فاضل أتنين
أحلام: و هنجبهم منين دول
إيوان بغمزة و ضحك : زي ما جبنا الأتنين الأوليين
أحلام: يا سافل
إيوان: أنا يا بنتي شكرًا على ثقتك الغالية
أحلام تتاوب: يلا علشان ننام يا إيوان
إيوان: حد ينام المغرب فوقيلي كدا دي ليلتنا طويلة
أحلام: ولد عيب خليك مؤدب و على خلق
إيوان: أحلام أخلاق أيه أنتِ سخنة هل أنا ببقى مؤدب و على خلق معاكي
أحلام: بصراحة أطلاقًا بص أقطع علاقتك بيَّ
إيوان بغمزة: تعرفي تصحي الصبح من غير ما تتأكدي إني جنبك تعرفي قبل ما أروح الشغل توقفيني على الباب علشان تحضنيني و أول لما أرجع من الشغل الاقيكي مستنياني علشان نفس الحضن و تنسي الأكل على النار و يتحرق و نعمل غيره
أحلام: بصراحة كدة مقدرش ولا أقدر أبعد عنك كلك مقدرش أتخيل حياتي من غيرك ثانية مش هتبقى حياة يا إيوان أنا الحاجة الوحيدة ألِ هتبعدني عنك هي الموت غير كدة هفضل فوق راسك
إيوان: أنتِ جوا قلبي مش فوق راسي
أحلام: و أنت نفسي ألِ بتنفسه يا إيوان
إيوان: كل ما أفتكر أنك كُنتي بعيدة عني سنتين أحس روحي بتتسحب مني مكُنتش عايش في السنتين دول
أحلام: الحياة بقت حياة علشان أنت فيها يا إيوان
إيوان يحملها
أحلام باستغراب: أنت شلتني ليه
إيوان بغمزة: علشان نجيب التوأم
أحلام: نزلني يا إيوان
إيوان: طب لو قولتلك بحبك
أحلام: بسيطة هقولك أنا مهووسة بيك
___________________________
يصل إكس و جين أمام الكوخ
جين تنزل و تنظر للكوخ بحب شديد: دي أحلى مفاجأه في الحياة كلها يا إكس أنت جبتني لأكتر مكان أنا بحبه
إكس: بتحبيه أكتر مني
جين: أكيد لا أنت أول و أخر حب في الحياة و بعدك تيجي أي حاجة
إكس: تعالي ندخل الجو شكله هيقلب
جين بضحك: خلي بالك لمن قوة الهوا الكوخ و أحنا نطير
إكس: و الكوخ يتشال من مكانه و نغرق في البحر
جين: و تطلع سمكة قرش تاكلنا
إكس: و نتحمس في بطنها
جين: و السمكة تقابل سمكة قرش زيها بس مذكر و يتجوزوا إكس: و القرش تبقى حامل و السمك ألِ في بطنها يقوم بالعنا
جين: و العملية دي تفضل تتكرر لحد ما نموت صح
إكس: صح
جين تتنطط بفرحة: إكس أنت أتعديت مني بجد أنا مبسوطة
إكس يضحك عليها
إكس: عملتلك مفاجأه جوا
جين تدلف بحماس تجد الغرفة متزينة بالأحمر و جميعها ورد و السرير مطبوع عليه صورتها
جين تنط على السرير و الورد يتناثر و تحضن صورتها
إكس بحب: حلوة المفاجأه
جين تجري تحتضنه: أوي أوي أنا عايزة قلوب فوق قلبي علشان يكفوا مقدار حبي ليك و مش هيكفوا أنت مظهرتش في حياتي ليه من أول لما أتولدت
إكس: الوقت المناسب حلو يا حبيبتي المهم إني ظهرت و أنك ظهرتي في حياني
جين: في نظرية أنا أكتشتفها تدل على إننا مكتوبين لبعض من قبل ما نتولد
إكس: أيه هي
جين: لو الهمزة ألِ تحت أسمك بقت همزة على الألف بدل تحت الألف و لزقت أسمي جنبها هتتنطق أكسجين هل ينفع الأكسجين يخلص من الحياة لا لو خلصت يبقى أحنا كلنا هنموت
إكس: أقنعتيني حتى لو مكُنتيش قولتي النظرية دي فأحنا مكتوبين لبعض و مينفعش نبعد عن بعض أصلاً
جين: تمسك أيده و يخرجوا لما جيت هنا شهدت البحر على حبي ليك و أنت شهدت السما بس دلوقتي بشهد الأكسجين على حبي ليك و بقولك أهو لو فكرت تزعلني أو تضايقني أو عينك تنحرف يمين أو شمال الأكسجين يجبلي حقي
إكس: أنا عيني مستقيم عليكي أنتِ وبس
جين: ماشي هصدقك لأني مصدقاك أصلاً
جين هما ولادي فين
إكس الأولاد كلهم عند شادية و راشد و يكمل بضحك قولت أخليهم ياخدوا خلفية عن تربية الأطفال
جين: ماما صعبت عليا بس أبني شهر يعني ملحقتش أشبع منه
إكس يقترب منها: أعتبريني هو و أشبعي مني
جين تزقه: أحترم نفسك يا إكس أدامنا بحر منتبه لينا
إكس باستغراب: منتبه لينا
جين: الموج البسيط أوي دا بيتجهه تجاهنا معنى كدا الأهتمام بيطلب عادي
إكس: نظرية تانية لا تحترم و لكن أنا هحترمها
جين تلوي شفتها مثل الأطفال
إكس بضحك: لا مش قد الحركة دي أنا
كدة أنتِ زعلانة و لازم أصالحك و يحملها و يتوجهه بها للداخل
تحت ضحك جين
في صباح اليوم التالي تستيقظ جين بكسل هي و إكس
جين تتاوب: صباح الخير يا حبيبي
إكس: صباح النور يا حبيبتي
جين: هو أحنا هنرجع النهاردة
إكس: لا شهرين نفصل فيهم عن العالم شوية
جين: أحيه شهرين و الولاد
إكس: مع ستهم فعادي
جين: ماشي أنا هكلمهم فيديو دلوقتي
إكس: أصبري هتكلميهم كدا البسي حاجة
جين تنهض بخجل و تلف نفسها بالملاية و ترتدي ثيابها
إكس بضحك و صوت عالي: بيقولوا إني جوزك و في أطفال ما بينا
جين تخرج بعد أن أرتدت ملابسها بخجل: لم نفسك يا إكس أنا لسة مش متعودة عليك لحد دلوقتي
إكس: جين أنتِ بتهزري صح
جين: أكدب يعني لسة بتكسف منك يا إكس
إكس ينهض: لا دا أنا كدة محتاج أجي اشوف بنفسي
جين تصرخ بضحك و تخرج سريعًا من الكوخ
إكس يخرج و يجري خلفها
بعد مدة قصيرة
جين: أنا تعبت من الجري أستسلمت
إكس يمسكها و يحملها و يلف بها
جين: بحبك يا أكسجين حياتي
إكس: لو في كلمة أكبر من بحبك هقولها أنا عديت كل المراحل و دخلت في مراحل ملهاش مسمى
جين تضع رأسها على رأسه: بعشقك
بعد مرور أربعون عامًا
جين تظهر عليها علامات كُبر السن
تضع كرسي أمام البحر و تجلس: الرواية خلصت دي كانت النهاية بس كل قصة حب هنا مخلصتش و لا هتخلص حبنا ملهوش بداية علشان يبقى ليه نهاية حياتنا مش مثالية و أكيد بنتشاكل مع بعض بس كل واحد مننا مواعد التاني إنه مينمش و هو زعلان بنتعارك كتير لأن مفيش حياة مفيهاش مشاكل بس حبنا بيمحي كل دا
لما الأكسجين يخلص من الحياة وقتها حبي لإكس هينتهي
إكس يجلس بجانبها: قولتلك النهاردة إني بحبك
جين: لا من أمبارح مقولتهاش بس أنت مزهقتش
إكس: عُمري ما هزهق هفضل أقولها لحد ما الأكسجين يخلص مني بحبك
جين: بعشقك يا أكسجين حياتي