رواية عذراء بعد الاغتصاب
الفصل العاشر والحادي عشر
مها بالم وكسره وقله حيله:هادى اتجوزنى علشان يستر عليا ياعزه
وقعدت ف الارض
عزه قربت منها :انتى بتقولى ايه
مها بحرقه قلب:اه ياعزه اتجوزنى علشان يستر عليا وعمروا مكان
غير اخويا تعالى معايا حرام حياتكم تضيع بسببى
عزه:ايه الى انتى عملتيه دا اسكتى
مها:لا مش هسكت ا تجوزنى علشان يستر عليا و
هنا كانت خدت قلم من عزه
بصت لها وسكتت
عزه:اسكتى اسكتى
وخدتها ف حضنها وفضلت تعيط
والكل مصدوم من اللى بيسمعه
بعدت عزه عن مها ومسحت دموعها ودموع مها ومسكتها من ايدها
عزه:يلا بينا
مها بصت لها ب امل:بجد
عزه بصت ل كرم
كرم:روحى معاها ياعزه
عزه:كرم انا
كرم قطعها :روحى معاها يا عزه لو مش علشان
هادى راجل وعمل كل دا علشان يستر عليها
يبقا علشانها انا عمرى مشوفتش زيها فضحت نفسها
علشانك انتى وهادى روحى ربنا يوفقك
وخرجوا عزه ومها من القاعه ووراهم اسامه
اسامه:استنوا انا هوصلكم مينفعش تمشوا كدا
متكلموش غير انهم هزوا دماغهم ب الموافقه
وركبوا مع اسامه العربيه وطول الطريق ساكتين
غير انهم كانوا بيبصوا للطريق ووصلو للعماره اخيرا
ونزلوا من العربيه
وموبيل اسامه رن
اسامه:ثوانى ارد
مردوش الاتنين
اسامه:الو كرم
اسامه:ايوه ياعمى ثوانى
اسامه:عزه ابوكى
خدت عزه الفون بايد بتترعش
عزه:يا بابا
ابوها:يابنتى متخافيش انا مطمن ومش خايف عليكى
عزه:انا شويه وهرجع يا بابا
ابوها:يابنتى انا مينفعش اقلق عليكى وانتى مع هادى
بعد الى سمعته عنه او مع بنت زى الى جت خدتك
عزه:ربنا يخليك يا بابا
ابوها:خالى بالك من نفسك
عزه:حاضر
وقفلت واديت الفون ل اسامه
مها:يلا
اسامه:طيب استاذن انا
مها:لا تعالى وابقى انزل تانى
اسامه:لا هستنى هنا علشان ارجع عزه البيت
مها:لا اركن العربيه وتعال ف الدور الثالث الشقه ع اليمين
اسامه:ماشى
وطلعوا الشقه ودخلت عزه ووراها مها
وسابت الباب مفتوح علشان لما يطلع اسامه
ودخلت عزه شافت هادى مولع سيجاره
عزه بندم ع انها استعجلت وظلمت هادى
عزه / هادى
هادى قام وقف مش مصدق نفسه وان عزه قدامه
بفستانها الابيض
عزه:انت لسه هتبصلى انت بتشرب سجاير
وخدت من السيجاره وطفتها
هادى ب اندهاش مش مصدق:عزه
وهنا فاق وصدق ع القلم الى اخده من عزه
بص لها من غير كلام
اترمت عزه ف حضنه وانهارت من العياط
ضمها ليه بحنان
وبص لقى مها واقفه عند بابا الاوضه وع وشها ابتسامه
من قلبها بس هو اتخض هى ازاى جبتها من الفرح
بعد عزه عنه وقرب من مها
هادى بغضب باين عليه :انتى عملتى ايه
وهنا كان وصل اسامه ودخل لكن الى بيسمعه مخلهوش يكمل
مها بدموع:انا عملت اللى كان لزم يحصل مينفعش تتهد
حياتكم علشان اعيش انا
هادى ب عصبيه خوف مها:انا بسال تانى عملتى ايه
هنا اتدخل اسامه بطريقه غريبه هو مش عارف
معقول يكون خاف ان هادى يضرب مها
اسامه:سلام عليكم
هادى بص بتعجب
عزه:هادى دا اسامه صاحب كرم الى كنت هتجوزه النهارده
انت عارف كرم طبعا قريبي وهو كان هناك ولما حصل الى
حصل مشي ورانا واصر انه يوصلنا
هادى ازداد غضب ورجع نظره ل مها:ايوا ايه اللى حصل
مها دموعها نازله ومبتردش
هادى :عزه ايه اللى حصل
اسامه:اللى حصل يدل ان حضرتك مفيش منك دلوقت
هادى عينه وسعت ع اخرها حتى الغريب عارف
هادى قعد ب عصبيه ع الكنبه :افهم اللى حصل ب الظبط
مها:........
عزه:مها جت وقالت لى انك اتجوزتها علشان تستر عليها
وانكم اخوات مش اكتر
نط هادى من مكانه وقرب من مها ونزل ب القلم ع وشها
وهنا بعده اسامه عنها
هادى:انتى مجنونه ايه اللى انتى عملتيه ف نفسك دا
ومها خايفه ووااقفه ورا اسامه ماسكه ف هدومه زى العيال الصغيره
عزه وقفت قدام هادى :هى اضطرت علشان طلبت منى كذا مره
انى اروح معاها وانا رفضت وكانو بيخرجوها ب العافيه من
القاعه ف اضطرت ل كدا
هادى:الكلام دا قدام الناس كلها
عزه:اه
هادى:انتى اتجننتى صح انتى ازى تعملى كدا ف نفسك حرام عليكى
عزه :مها مفيش زيها انها تيجى تفضح نفسها علشانى انا وانت
هادى بعصبيه:تفضح نفسها ب ايه دى انظف واحده
وكانت ضحيه للعبه رخيصه من كلب ولا يسوى
كل ذنبها انها حبته وقبل ما تتكلمى هى مسلمتهوش نفسها
دا ضحك عليها وحبسها ب القوه واعتدى عليها ازاى
ازاى يا مها تعملى كدا
انتى ليه مصممه دايما تظلمى نفسك
اسامه الدنيا لفت بيه معقول لسه فى بنات كدا معقول
مها:وعلشان متظلمش اظلمك واظلم عزه مستحيل
واستخبت ورا اسامه تانى
هادى بحنان قلبه وجعه عليها وحس انو كدا بيظلمها
قرب من اسامه اسامه كان هيبعدها بس لما شاف
عيون هادى متحركش لان عيونه بتلمع حزن والغضب شبه زال
قرب هادى وشد مها من ورا اسامه وحضنها
وانفجرت من العياط ومسكت فيه كانها كانت بتدور ع حد يحضنها
هادى:خلاص متعيطيش انا عارف انى زودتها بس متتصرفيش تانى
من دماغك علشان خاطرى
مها :حاضر
وبعدت عنه وحاولت تلطف الجو
مها:يالهوى يا هادى عزه هتقتلنى شوف بتبصلى ازاى
الكل ضحك
عزه قربت منها :وحضنتها انا عمرى ما اغير منك يا عبيطه
انتى اختى واخت هادى كمان ربنا يخليكى لينا يارب
مها زقتها :امممم ماشي ماشي انا هنزل اجيب حاجه
ساقعه علشان معنديش حاجه ااقدمهالكم ماشى
عزه اتكسفت وبصت ف الارض فهمت انها عاوزه تسيبهم يتكلموا
هادى :متتاخريش
مها:هههههه فعلا حاضر يلا يا اسامه انت اللى هتشيل الحاجه
اسامه ابتسم:ههههه حاضر حاضر
ونزلوا سوى
هادى:ايوا نعم عاوزه ايه
عزه:لا والله
هادى:ايوا امال ايه
عزه بندم:انا اسفه
هادى :انا اللى اسف بس صدقينى مكنش ينفع اقول
عزه:انا مقدره كل دا ومش زعلانه وكفايه الفرحه
الى انا شايفها ف عين مها بجد فرحانه لنا من قلبها
هادى بحنان:طب وب النسبه للفرحه الى ف عينى انا
عزه ووشها احمر:الله بقى
هادى:ياخربيت كده
عزه :الله ما قولنا بكسف
هادى:ههههه وانا بحبك اوى
عزه بكسوف:انا اكتر ع فكره
هادى :فين دا
عزه:بس اسكت
هادى:واهون عليكى طيب
عزه:توءتوء
هادى:هههه المهم مها هترجع واوصلك واحدد معاد فرحنا مع
الحاج ومش هنعمل خطوبه ماشي
عزه:هههه لا هنعمل خطوبه اربع سنين
هادى بمزاح:تعرفى تقومى تمشى دلوقت يلا من هنا يابت
عزه:هههههه لا مش همشي
هادى:لا بجد الفرح ف ااقرب وقت
عزه :بس بشرط
هادى:كمان قولى
عزه :مها مش هطلقها
هادى:مها مش هطلقها غير ما اجيب حقها
عزه:هو ايه الى حصل معاها
هادى:عزه خلاص كفايه الى عرفتيه هى هتحكيلك صدقينى
لكن انا لا كفايه عليها كده
عزه :حاضر بس فى شرط كمان
هادى:اه اه ليكى حق قولى
عزه:ههههه لا بجد هتجوز هنا فى الشقه دى ومها هتعيش معانا
هادى:باس ع راسها:ريحتى قلبى انا كنت شايل هم ان اسيبها لوحدها
ربنا يخليكى ليا يا قلبى
ويخليك ليا
*****
اسامه:اممم اجيب العربيه
مها:لا السوبر ماركت قريب
اسامه:ماشى
وفضلوا ساكتين شويه
اسامه:انتى ازاى كدا
مها:كدا ازى يعنى
اسامه:انتى مش مقدره الى عملتيه النهارده مفيش
واحده هتقبل تقول الكلام الى قولتيه ع نفسك قدام الناس
مها :علشان هادى وعزه ميستحقوش منى غير كده
اسامه:امممم انتى جدعه اوى
مها وشها احمر:شكرا
اسامه هتجيبى ايه من السوبر ماركت
مها : اى حاجه استنى
اسامه:لا جاى معاكى انتى امانه
مها ابتسمت ومشيت معاه
دخلوا السوبر ماركت جابوا شويه حاجات
وطبعا اسامه دفع ومخلهاش تدفع ثمن حاجه
ورجعوا ع الشقه ودخلوا لقوهم قاعدين ف الصاله
مها برخامه:احم احم احم احم احم
عزه اتكسفت لان اسامه كمان كان واقف
حدفتها ب مخده صغير كانت ع الكنبه
مها :هههه خلاص هدخل اجهزلكم حاجه تشربوها
هادى:اتفضل يا اسامه ومتشكر جدا
اسامه:ع ايه مفيش حاجه
ودخلت مها المطبخ ووراها عزه
مها :تعالى ياختى ساعدينى
عزه :اه وعرفينى مكان كل حاجه علشان انا لما اتجوز هادى مش هغير اى حاجه ف الشقه
مها :اممممم افكر
عزه:تفكرى ف ايه لا وفى امر تانى
مها:افندم
عزه:انا شرط ع هادى انك هتعيشى معانا
مها بمزاح:والله افكر
عزه:امشى يابت من هنا
مها:هههههههه
وحضروا الحاجه وطلعوا قعدوا شويه
عزه :الوقت اتاخر انا عاوزه اروح
اسامه:طيب يلا
هادى بتعجب:نعم
اسامه:ههههههه لا لا براحه عليا دى امانه
يلا انت كمان علشان الحاج عاوز يشوفك
هادى:اه اذا كان كدا ماشى
عزه:يلا يا مها
مها:لا معلشى روحوا انتوا انا تعبانه وعاوزه ارتاح شويه
عزه :مهاااا
هادى عارف انه كان يوم صعب جدا ع مها وطبعا محتاجه تقعد لوحدها
هادى:عزه سيبيها براحتها
ونزلوا الثلاثه
وبمجرد ان الباب اتقفل انهارت مها من العياط
كان لازم تعيط اليوم مش سهل عليها بس ابتسمت لما افتكرت فرحه
هادى لما شاف عزه وفرحه عزه ب هادى وانها مخسرتش عزه
ونامت من كتر التعب زى الاطفال الصغيره
ووصل هادى ل بيت عزه واستقبله والدها
ودخلت عزه حضنت ابوها ودخلت ع اوضتها
اسامه:عن اذنك يا عمى
ابو عزه:لا مينفعش ادخل
اسامه:لا معلش تعبان ومحتاج ارتاح
ابو عزه:الى يريحك يا ابنى
اسامه:عن اذنكم
هادى:شكرا يا اسامه وخالينى اشوفك اديك عرفت البيت
بس ممكن طلب لو سمحت
اسامه:اتفضل
هادى:الى حصل النهارده والكلام الى مها قلته كانه محصلش
اسامه:اكيد طبعا وعيب كدا عن اذنكم
ابو عزه:امال هى فين
هادى فهم انو بيسال ع مها:لا ياعم هى تعبانه شويه ف نامت
ابو عزه:انا
هادى:ياعمى مش محتاج تقول حاجه انا الى عاوز اقول
ابو عزه:اتفضل
انا عاوز اتجوز عزه الاسبوع الجاى
ابو عزه:طيب والبنت
هادى:هى ملهاش دعوه وعزه موافقه
ابو عزه:الظلم وحش يابنى
هنا خرجت عزه:بعد اذنك يا بابا مها موافقه وهتعيش معانا
لحد مشكلتها ما تتحل
ابو عزه:ع بركه الله انا كنت شايل همها
وفات اسبوع ع الكل
الى ب زعل والى بفرح والى بيدبر لمصيبه
والى بيفكر والى خايف
*****
رنا:الحق يا حازم فرح هادى ع عزه النهارده
حازم:بس كدا جه وقت اننا نتصرف قومى
البسي وروحى الفرح
لازم تبقى موجوده وتعرفى الدنيا ماشيه ازاى ب الظبط
رنا:نفسى افهم دماغك
حازم:ساعتين كدا وروحى ع الكوافير وتابعينى ب الفون
*******
مها بفرح :مبروووك بقا ياعريس
هادى :الله يبارك فيكى يارب عقبال ما اشوفك
سعيده ومستقره ف حياتك
مها:امممم هادى انا هبات عند بابا النهارده ماشى
هادى:النهارده بس ها
مها:هههههه لا النهارده اسبوع كدا
هادى :هههههههه لا مطوليش علينا علشان بتوحشينا
مها بمرح:اه يا اخويا ما انا عارف
يلا نعدى ع عزه بقا علشان هروح معاها الكوافير
هادى :ماشى هوديكى وارجع ل يوسف ومحسن علشان
مش هيعرفوا يجهزوا حاجه واسامه بصراحه واقف معايا
مها:اه شكله جدع
هادى :اها يلااااااااا ............
🌹🌹🌹🌹🌹🌹
روايه عذراء بعد الاغتصاب
الحلقه (11)
ووصل هادى ومها بيت عزه
هادى :يلا
مها:لا انزل انده لها وتعالى انا مش قادره اتحرك منمتش كويس امبارح
هادى:طيب يااختى اتدلعى مش هتاخر عليكى
ونزل هادى وخبط ابو عزه فتح الباب
هادى:صباح الخير ياعمى
ابو عزه:اتفضل ياهادى
عزه:انا جييت هلف الطرح بس
هادى:انا مكلمك من امتا ها
عزه:عاوز ايه يعنى وبعدين فين مها
هادى:ف العربيه خلصي
ابو عزه:نعم بتعمل ايه ف العربيه
عزه:هتيجى معايا الكوافير يا بابا
ابو عزه:لا كدا كتير انتوا مبهدلنها اوى وميوصلش الذل للدرجه دى وسع كده
وخرج واتجه ناحيه العربيه وعزه وهادى وراه حتى عزه خرجت بشعرها من الخضه
وقرب من العربيه وفتح الباب بكل غضب
مها اتخضت قامت بسرعه
مها:فى ايه انتوا كويسين
وقف ابو عزه مصدوم من الموقف باين عليها انها قلقانه عليهم بجد
محدش اتكلم
مها:فى اى ياجماعه انتوا كويسين فى حاجه حصلت وقربت من عزه وهزتها شويه
كده بت ياعزه يخربيتك فى ايه
ابو عزه:يابنتى انتى مش مجبره انك تروحى معاهم
مها:انا مش مجبره ياعمى بعد اذن حضرتك انا رايحه علشان اكون جنب عزه
ابو عزه:ملكيش دعوه ب هادى هو ميقدرش يجبرك ع حاجه
هادى:انا
مها فهمت انو مستغرب وعنده حق بصراحه ازاى يعنى دا انا ضرتها
فقربت منه شويه وابتسمت بوجهها الطفولى :ههههههه لا ياعمى مفيش
الكلام دا هادى عمروا مجبر حد ع حاجه انا الى قولتله انى عاوزه ابقى جنب
عزه دى اختى وصاحبتى وعشره
ابو عزه ب ارتياح:الله يبارك لك يابنتى
مها حبت تلطف الجو شويه بصت ل عزه :هااااا عزه فين الطرحه
هادى بص ل عزه بصه كده
وهنا ادركت عزه انها بشعرها وشها احمر وخافت من رد فعل هادى
مها كاتمه ضحكتها ب العافيه بس مقدرتش قعدت ع الارض وفضلت تضحك
وهادى مقدرش يمسك نفسه ع ضحك مها وشكل عزه وهى مرعوبه منه
عزه :والله طب ماشي
هادى:ههههههه مش قادر انتى خايفه من ايه انا عارف انه غصب عنك
هههههههههه يخرب عقلك يا مها
مها:هههههه خلاص خلاص سماح المره دى
عزه مده بوزها بزعل او دلع بقا(واخدين بالكم عروسه بقا)
هادى مسك ايدها تعالى بس متزعليش وباس ايدها
مها :احم احم عمى تعالى عاوزه اقولك ع حاجه
وخدت ابو عزه ودخلت بيه علشان ياخدوه راحتهم
رجت تانى ثوانى ياعمى عزززه متطوليش متنسيش انك ب شعرك
ههههههههه وبعدين هى كانت لفه طرحتين فكت واحده ودتهالها ودخلت
ابو عزه:دمك زى العسل ربنا يحميكى
مها بضحك :انتا بتعاكسنى يا حج
ابو عزه:هههههههه اه بعاكس
مها:اذا كان كدا ماشي
ابو عزه:انا مطمن انك هتكونى مع عزه
مها:ربنا يخليك وبعدين دى مده ولا هفضل عندهم دا بس ل
وسكتت افتكرت ف سكتت
ابو عزه:اتكلمى انا سامعك يمكن اقدر اساعدك
مها :لا ياعمى انا اقصد بس يجيبوا بيبى صغير كدا ف الشقه هتبقا ضيقه
هو عرف انها بتكذب بس توه الكلام علشان مش يضايقها كفايه
انها بتحاول تسعد بنته على قد ما تقدر
ودخل هادى وعزه
عزه:هلف الطرحه ونمشى
هادى برومانسيه :بسرعه ها
مها:ياحنين انتا
عزه:يابت اسكتى
ومشيوا ووصلوا ع الكوافير
وكانت رنا سبقت ع هناك
البنات سلموا عليها وطبعا هى مذهوله ازاى مها جايه مع عزه
بعد ما دخلو
هادى :مها تعالى دقيقه
مها:حاضر
وخرجوا
*****
رنا بمكر:انتى غريبه اوى
عزه :ليه كدا
رنا:يعنى جايب ضرتك معاكى لا وخدها بيكلمها بعيد عنك
عزه:انتى اللى بتقولى كدا
رنا:بصي متستغربش انا بحب مها اه بس انتى كمان صحبتى
عزه سكتت ومردتش
(الله يخربيت شيطانه اهى وقعتهم ف بعض)
*******
هادى:زى ماقولتلك كدا
مها:دا ليه طب ماهى عارفه
هادى:انا قولت ايه
مها:انتا عندك حق خايف صورتك تتهز انك متجوز واحده زى دي قدام اختك
هادى بعصبيه:انتى هبله صح انا مش هرد عليكى دلوقتى غورى
مها ودموعها خلاص:حاضر
هادى:كلامى يتسمع ماشي
مها هزت راسها ومشيت
هادى:بقولك متقوليش ل عزه حاجه انا هتصل بيها
*******
رجعت قعدت جنبهم وصوتها مبيطلعش خالص
وعزه الكلمتين بتوع رنا اشتغلوا ف دماغها
لحد ما هادى رن عليها
ردت عليه بسرعه:الو
هادى:بصى انا هتكلم ولو رنا جنبك قولى حاضر وبس
عزه:مش فاهمه
هادى:مش مهم انا هلقاها منك ولا من الحماره التانيه
عزه:طب مالك
هادى:رنا متعرفش الى بينى وبين مها هى فاهمه اننا متجوزين عادى
عزه:اها
هادى :هو ايه الى اها
عزه:امممم فهمت يعنى
هادى:الحمدلله اسمعى بقا متعرفش حاجه عن الى بينا احنا الثلاثه
عزه:هقولك حاضر بس افهم بعدين
هادى:عاوزه حاجه دلوقت هشوف العيال عمالوا ايه
عزه:اه بقولك انا مش معايا رصيد خالص وعاوزه اكلم
شيماء من امبارح مشوفتهاش وعاوزها تيجى لى ع هنا
هادى:هشحنلك وانا ماشى ولا اقولك هحولك من فونى ناو
عزه:ماشي انا عاوزه 5كنيه بس
هادى مش قادر يمسك نفسه من الضحك:كام ياعزه الشبكه بتقطع
عزه:5كنيه
هادى :هههههههههههه ههههههه ابعتلك 5 كنيه بس
عزه:اانتا بتتريق طب ماشي
هادى :انا مش بتريق ياقلبى
عزه:لا بتتريق ع كلمه كنيه
هادى:ههههههههههه كلمه ايه
عزه:اقولك اقفل انا الى حماره انا هتكلم من عند مها سلام
هادى:ههههههههه لا لا ياقلب هادى هبعتلك الرصيد ناو
وهكلمك شويه كدا خالى بالك ع نفسك
عزه:سلام يارخم
هادى:ههههههههههه
وقفلواوراح هادى ع القاعه وكل شي بقا جاهز واح هادى ياخد العروسه من الكوافير
هادى:مالك ياقلبى مبوز ليه
عزه :البت شيماء مردتش تيجى وقالتلى هتيجى ع القاعه
هادى:يمكن مشغوله ولا حاجه معلش ابقي اضربيها
عزه:طيب
ووصلوا ع القاعه وداخل هادى ف ايده عزه زى البرنسيسه
اوصف لكم هادى بقا
طويل وعريض وبشرته قمحى عيونه عسليه شعره اسود
سودا الليل وعنده الدقن الى محلياه جدا ملامح وشه كلها رجوله
وسييييم جدا وعليه ضحكه بقا ساحره
داخل بقا القاعه وماسكه عزه ف ايده
لابس البدله الى مخليه يطير عقل عزه جنبه زى اميرات الحكايات
لابسه فستان ضيق من فوق وواسع جدا من تحت وطويل جدا من ورا
وتحت منه بدى كرينه كم الا ربع كدا وراسمه ايدها
ولا بس الحجاب ع نص شعرها اللى خصلاته نازله ع وشها
والتاج الى ع الحجاب والميكب الرقيق كانوا ف قمه الروعه جنب بعض
والكل فرحان بيهم طبعا مش الكل اوى
ودخلوا وشيماء جت
وقربت من عزه ع الكوشه
عزه:مش هسلم عليكى ع فكره
شيماء:ههههه بطلى رخامه وهاتى حضن وست بوسات مش 2
عزه ضحكت وبعدين مسكت نفسها وهى بتمثل الزعل
عزه:انتى ايه الى جايبك بقا امشي
شيماء:ياعزه والله بابا ف المستشفى من امبارح محجوز
عزه:انتى مجنونه ازاى متقوليش
شيماء:ولما تلغي الفرح هفرح بيكى انا صح
عزه:طيب تعالى نروحله
شيماء:انتى مجنونه ه و بقا كويس الحمدلله مبروك يا عريس بقا
هادى:الله يبارك فيكى عقبالك بقا
عزه:ههههه ياااارب
شيماء تليفونها رن طب دقيقه وجايه
خرجت ترد ع الفون
ورنا كانت بتتكلم ف الفون بعيد برضوا
رنا:متجيش ياحازم محسن ويوسف هنا مش هتعرف توصله
وهادى لو طالك مش هيسيبك وايه بقا البهوات بيستقبلوا الناس ع الباب
ومعاهم دلفه كدا معرفش اسمه اسامه دا طلع منين
(ههههه فرحانين فيها ولا عرفت توقع بينها ولا حازم هيعرف يجى)
**********
والفرحه مش سايعه حد والكل سعيد والبنات رقص بقا وايه وهادى وعزه الدنيا مش سيعاهم ومها فرحانه قوى
******
رجعت لهم شيماء :عزه انا همشى عاوزه حاجه
عزه:فى حاجه لسه شويه
شيماء:لا مش هقدر
عزه:عمى كويس
شيماء:اه بس اختى هتروح علشان جوزها وانتى عارفه بابا
ملهوش غيرى
(شيماء مامتها متوفيه وعيشه هى وابوها بس وليها اخت متجوزه)
عزه:طب هتمشى لوحدك
شيماء:هههه لا هاخد هادى يوصلنى
هادى قام من ع الكوشه:يلا
شيماء:اقعد يا عم المجنون
هادى :هههههه لا تعالى يوسف يوصلك مينفعش تمشى لوحدك
شيماء:لا مش محتاجه المستشفى قريبه
هادى:قدامى يا بت انتى
شيماء:ههههه حاضر
وخد هادى شيماء ووصل بيها لحد الباب عند يوسف واسامه ومحسن
(ها محسن واخدين بالكم هههههه)
محسن اول مشاف شيماء افتكرها ع طول
هى مكنتش واخده بالها
هادى:يوسف وصل شيماء للمستشفى
يوسف:انتى كويسه
شيماء:اه الحمدلله
هادى:حمااار افهم ابوها هناك وهى رايحه له
محسن:هادى انا هوصلها
هادى:اه والنبي يامحسن علشان دا حمار وهيطلع عينى ع ما يفهم
وخد محسن شيماء ومشيوا
*****
والفرح انتهى وقبل ما يمشوا اقترح اسامه انو يوصل مها وهادى معترضش.....