رواية المغرور والدلوعه
الفصل الرابع والخامس والسادس
بقلم ميرو محمد
حياه : صباح الخير .
محمود والجميع : صباح الخير .
محمود : تعالي ياحبيبتي .
حياه : نعم يابابي .
محمود : تعالي نخرج نكلم شويا .
حياه : حاضر يابابي .ثم خرج محمود وحياه إلي الخارج .
ساره : هي حياه هتشرفنا كتير ولا ايه .
بسنت : ايوه وهتستقر هنا علي طول في حاجه ياساره .
ساره : بص ياخالو بسنت بكلمني ازاي .
عامر : بس يابسنت عيب .
بسنت : ماهي البتكلم بطريقه وحشه عن حياه يابابا .
ساره : وانتي كنتي المحامي بتاعها ولا ايه ياست بسنت .
حنان : بس يابنات عيب كده .
بسنت : هو دا ال قدرك ربنا عليه ياعمتو .
هاله : بس يابسنت عيب كده قومي ذاكري .
حسام : دي اخرت قعدت النسوا.ن
😂😂
قام حسام وبسنت صاعدو إلي أعلي
.....
عند حياه ومحمود .....
محمود : مالك ياحبيبتي حاسس انك مش مرتاحه هنا لو مش عاوزا تقعدي هنا نروح القاهره ونقعد في الڤيله الهناك .
حياه : لاء يابابي مش كده بس مخنوقه شويا .
محمود : انا عارف ان الحياه هنا صعبه عليكي عشان كنتي في امريكا .
حياه : يعني بس مش دا السبب .
محمود : طب ايه رائيك اخدك وتركبي خيل وتفوكي انا عارف انك بتحبي الخيل .
حياه : بجد ياريت .
ابتسم محمود وأخذ حياه وذهبو الي الإسطبل .......
في بيت حنين .....
حنين جالسه وبتفكر في القادم.
حنين في عقلها : اخيرا هشوفك ياصقر
لاء وكمان هعيش معاك في بيت واحد . ثم قطع تفكيرها دخول اخوها هيثم .
هيثم : سرحانه في اي ياحنين .
حنين : ها لاء مفيش حاجه .
هيثم : انا عارف انك زعلانه اني وافقت تمشي بس خالتك هاله هي الصممت علي كده والله وانا متاكد انك هكوني بخير هناك .
حنين : لاء ياخوي انا مبسوطه اني هروح عشان كمان هكون مع بسنت .
هيثم : طب الحمد لله جهزتي حاجاتك .
حنين : ايوه ياخويا .ابتسم هيثم لحنين ثم ذهب وسرحت حنين تاني .......
في الإسطبل الخيل ......
كان صقر يجلس علي حصان اسود قوي ويتمشي بي في الساحه .
دخلت حياه ومحمود الي الإسطبل .
محمود للراجل : عاوزين فرسه تكون هاديه .
حياه : لاء لاء انا هختار . ثم دخلت تختار فاختارت فرسه بني الون قويه جدا وفي السرعه مثل الطائره
الرجل : لاء ياست هانم دي سريعه جدا .
حياه : بس انا حبتها وهخدها .
محمود : بلاش ياحياه شوفي واحده غيرها .
حياه وهي بتركب متخفش ياحوده انا بحب الخيل وبحب المغامرات والقط بوسه في الهوا لمحمود .
ذهبت حياه بلفرسه وبتجري بيها بسرعه رهيبه واكنها بطلع الطاقه والغض.ب والكبت كله فيها .
شافها صقر ودب القلق في قلبه .وطلع يجري وراها .
صقر : حياه حياه اقفي.
حياه :..... دون كلام .
صقر : بقولك اقفي ياحياه .
حياه :........
صقر : حياه عشان خاطري اقفي حياه هتقعي اقفي .
حياه :..ملكش....... وليسه هتكلم راحت وقعت .
صقر : حيااااااااااه.
جري محمود عليها ونزل صقر من علي الخيل وجري عليها .
حياه : اااااه رجلي .
محمود : مالك ياحبيبتي قولتلك بلاش تركبي دي .
صقر : بنتك دماغها ناشفه انت فاكر أنها هتسمع كلامك .
حياه : انت تسكت خالص كله بسببك اااااه .
صقر : اسكتي اوعي اسمع نفسك . ثم رافعها علي أيده وذهب بيها علي القصر .......
بعد قليل وصلو الي القصر ودخل بيها صقر ..
عامر : في ايه يابني مالها حياه .
محمود : وقعت من علي الفرسه .
هاله : وانت خلتها تركب ليه ياخويا .
ساره : لما مبيعرفوش يركبه بيركبو ليه اصلا .
صقر : هشششش مش عاوز اسمع نفس حسام اطلب دكتوره .
حسام : حاضر .
صقر : سمعت قولت ايه دكتوره مش دكتور .
حسام : مخلاص ماشي .
حياه : ااااه رجلي وجعاني اوي .
صقر: تستاهلي عشان تسمعي كلام.
حياه : عارف لو مسكتش هعمل ايه .
صقر وهو بيضحك علي منظرها : هتعملي ايه انتي عارفه تقومي اصلا .
حياه : ماشي ياصقر ماشي.
ثم جاءت الدكتورة.
وكشفت عليها وربطت رجلها .
محمود : مالها يادكتوره .
الدكتوره : اطمنو دا التواء الكاحل بس مع شوية كدمات بس هكون كويسه أن شاء الله .
الكل الحمدلله .دخل الكل لحياه .
صقر: انتي كويسه دلوقتي .
حياه : ايوه الحمدلله الوجع خف عن الاول .
عامر : طب الحمدلله يابنتي خوفتينا عليكي .ثم وجه كلام لصقر .
عامر : صقر يلا عشان نروح نجيب حنين .
حياه بزعل وضيق : ممكن تتفضلو عاوزا ارتاح .
هاله : طبعا ياحبيبتي يلا احنا .
ثم خرج الكل وتبقي صقر في الغرفه .
صقر : لو احتاجتي حاجه كلمني .
حياه : هو هو بس ..
صقر باستغراب : في اي اتكلمي .
حياه : انت هتروح تجيب حنين .
ابتسم صقر فاهو يعرف حياه عندما تغير .
صقر : ايوه بنت خالتي ولازم اجبها وتقعد معانا وانا فرحان أنها هتيجي تقعد معانا .
حياه بصدمه وغيره : نعم فرحان ليه أن شاء الله .
صقر : عشان هتقعد معانا يابطه 😹 ثم خرج وسابها تحر.ق في .د.مها
ذهب صقر وعامر الي بيت حنين ....
عامر : جهزتي يابنتي .
حنين : ايوه ياعمي .
صقر : طب يلا ياحنين انزلي اركبي في العربيه تحت . ابتسمت حنين ثم نزلت الي أسفل .
عامر : يلا عن ازنك ياهيثم يابني ثم سلمو علي بعض ونزل عامر وصقر الي أسفل وركبو العربيه وذهبوا الي بيتهم ...
حياه جالسه علي السرير هي وبسنت وبيكلمو .
حياه : احم قوليلي يابسنت اي حكاية حنين دي .
بسنت : مفيش ياستي أهلها اتوفو خالتي وجوز خالتي وهي كانت قاعده مع اخوها ومرات اخوها بس ماما بقا اتفقت مع بابا أنها تعيش معانا .
حياه : هي احم هي حلوه .
بسنت : ايوه حلوه ودلوقتي تيجي وتشوفيها .
حياه : وهو ايه البينها هي وصقر .
بسنت : مفيش بس..... ولم تكمل حتي سمعت صوت عربية صقر.
قامت بسنت وسندت حياه وكانو نازلين علي السلم .
دخلت حنين وصقر وعامر .جريت حنين علي هاله وحضنتها .
هاله : نورتي ياحبيبتي .
حنين : شكرا ياخالتو .
ساره عشان تغيظ حياه : نورتي ياحنين دا حتي صقر صمم أن هو اليروح يجيبك .
كان صقر هيكلم حتي نظر الي تلك التي كانت ستفقد وعيها من كثرة البكاء .
بسنت : براحه ياحياه عشان رجلك .
حياه : مالها رجلي يابسنت ماهي كويسه لو علي رجلي تبقا سهله .وكانت تتكلم بكل ندم علي رجوعها الي المصر .
نزلت حياه وبسنت وجلس الكل في غرفة الجلوس .
عامر : عامله ايه ياحياه دلوقتي .
حياه : الحمدلله ياعمي .
حنين : هو انتي حياه .
حياه : ايوه اشمعنا .
حنين : ابدا بس كنت بكلم صقر من يومين وقال إنه كان رايح يجيبك من المطار .
حياه والدموع في عينها تحجرت : وهو صقر بيكلمك .
صقر : احم ايوه كنت بكلمها عش.... ولم يكمل حتي قطعتها حياه بهذا الخبر .
حياه : ..........
الفصل الخامس
حنين : انا فكرت في كلامك يابابي وانا موافقه
محمود : خلاص جهزي شنطك ومن بكرا نمشي .
صقر : نعم تمشو فين ياعمي .
عامر : في ايه ياخويا مالك حد زعلك انت ولا حياه .
محمود : ياجماعه مش كده بس حياه مش مرتاحه
هاله : مالك ياحياه في حاجه مزعلاكي مننا .
حياه : لاء والله ياطنط بس عشان تاخدو راحتكم . ثم نظرت لحنين ثم لصقر .
صقر : ممكن نكلم شويا .
حياه : ماشي .
صقر : تعالي نتمشي شويا .
حياه قامت لذهب هي وصقر وقطعهم هذا الصوت .
حنين : انت هتتاخر ياصقر .
نظر صقر لحياه ثم لحنين وقال .
صقر : في حاجة ياحنين .
حنين : ايوه عاوزا نكلم شويا .
صقر : بعدين بعدين ثم ذهب هو وحياه إلي الخارج ....
ساره : معلش بقا أصلها حب زمان ميقدرش يتأخر عليها .
حنين : تقصدي ايه يا ساره .
ساره : ابدا مفيش عن ازنك .
ظلت حنين تفكر في كلام ساره ....
عند صقر وحياه .....
صقر : احم عاوزا تمشي ليه .
حياه : مفيش بس دا مش مكاني .
صقر : مين قال مش مكانك .
حياه : من اول مجيت وانا حاسه ان كل حاجه اتغيرت حتي انت ياصقر .
صقر : ايوه اتغيرت لما بعدتي عني زمان لما كنت بقولك خليكي متسبنيش .
حياه : انا مسبتكش انا فضلت ابعتلك رسايل حتي انت مفكرتش ترد عليا لو ساعتها قولتلي ارجعي والله كنت هرجع بس قولت خلاص انت نستني ياصقر وشكلك مصدقت ولقيت غيري .
صقر باستغراب : غيرك ازاي .
حياه : علي اساس انك مش عارف أن حنين بتحبك .
صقر بضحك : بس المهم مين في قلبي .
حياه : مين في قلبك ياصقر قول .
صقر : كل نبضه في قلبي بتقول اسمك ياحياه انا ليسه بحبك .
حياه : بجد ياصقر بتحبني .
صقر : ايوه بحبك وهفضل احبك للآخر لحظه في حياتي.
حياه : هشششش ثم حض.نت صقر وانا بحبك اوي اوي ياصقري .
صقر : روح قلب صقرك ياحياتي .
حياه تذكرت مقالتو حنين : وان شاء الله الست حنين دي عاوزا ايه .
صقر بضحك : ياحبيبتي مفيش اي حاجه بيني وبينها والله .
حياه : طيب بس بلاش تضحكلها ولا تكلم معاها .
صقر : حاضر يادلوعتي .
حياه : طب يلا ندخل عشان بابي ميقلقش عليا .
صقر : يلا ياروحي . ثم دخل صقر وحياه إلي الداخل وهم ممسكين بيد بعض .
بسنت بفرحه : هتقعدي صح .
حياه : ايوه صح 😂😂
حسام : بركاتك ياعم صقر 😂😂
حنين : صقر ممكن نكلم شويا .
نظر صقر لحياه التي تنظر إليه بعينها وهي تقول له لاء .
صقر : احم بعدين ياحنين عشان عندي شغل ثم وجه كلامه لعامر ومحمود : انا هنزل القاهره الاسبوع المقبل .
محمود : هتنزل تمضي العقد مع ماهر بيه .
صقر : ايوه اتصل بيا انهارده وقال إنه وصل القاهره هو وعيلتو وممكن يجي بس مش اكيد .
هاله : هيجي هنا يابني .
صقر : ايوه ياامي فخليكم مستعدين لكده .
حياه : لو نزلت القاهره هنزل معاك .
ساره : وهتنزلي مع ليه محتاج مربيه واحنا منعرفش .
صقر : سارررره إلزامي حدودك .
ساره خافت من صقر وسكتت .
حنين : ايوه مااحنا مش فاهمين هي هتنزل ليه معاك 😒
صقر كان هيرد ولاكن قطعتو حياه .
حياه : انا بفهم في شغل الملابس وانا اصلا ديزاينر ودرست فيها وبدل الملل دا هروح اشتغل .
بسنت : برافو عليكي يايويو .
صقر بضحك علي أخته : يويو امممم طب وانتي مبسوطه اوي كده ليه .
بسنت : ها احم لاء ياابيه عادي .
صقر : ماشي ياستي .ثم وجه كلامه لحياه .
صقر : بصي انتي خليكي جاهزا لو مجاش ماهر بيه هنا هننزل القاهره انا وانتي .
حياه بمرح : قشطه بقا 😂 .
حسام : حلاوتك ياقشطه بلبن .
صقر بغيره : حسام لسانك لمو مع حياه .
هاله وهي تنظر إلي ابنها وهي تفهم أنه يحب حياه ولاكن هي رافضه فكرت أن حياه تتجوز ابنها .
حنين بضيق : ممكن اطلع ارتاح .
هاله : طبعا ياحبيبتي خديها يابسنت علي غرفتها .
بسنت : حاضر ياماما قومي ياحنين .ثم قامت حنين وهي تنظر لحياه بغل.
محمود : قومي ياحياه اطلعي انتي كمان ارتاحي عشان رجلك .
حياه : حاضر يابابي قامت حياه ولاكن رجلها شدت عليها .
صقر بخوف : لاء لاء تعالي انا هطلعك .
هاله : لاء خليك انا هطلعها .
صقر باستغراب من رد فعل أمه : لاء خليكي ياامي انا هطلعها ارتاحي . جلست هاله تاني وذهب صقر وحياه إلي أعلي .
ساره : خليكي يامرات خالي شكلها حياه هتقلب عقل صقر انا خايفه عليه اوي .
ظلت تفكر هاله في كلام ساره .قم صعد الجميع إلي النوم .
عند حياه وصقر ....
حياه : خليك معايا لحد ما نام ياصقر .
صقر : عيوني ياروحي .ثم جلس صقر بجانب حياه وظل يلعب في شعرها حتي نامت حياه وذهب الي الخارج . في نفس اللحظه خرجت بسنت من غرفة حنين .
بسنت : هي حياه نامت ياابيه .
صقر : ايوه ياحبيبتي وانتي كمان يلا روحي نامي .
بسنت : حاضر . ثم ذهب بسنت الي غرفتها . وخرجت حنين علي طول وقالت .
حنين : صقر ممكن نكلم شويا .
صقر نظر اليها وقال : ماشي ياحنين تعالي في الجنينه .
خرجت حنين وصقر الي الجنينه ..
عند حياه فاقت علي دخول بسنت وجلست علي السرير وقالت : هو صقر خرج ولا انا كنت بحلم .
بسنت بضحك : ايوه خرج وبعدين ايه صاحكي .
حياه : ماانتي لازم تدخلي تفتحي نور وانا طبيعي اقوم وبعدين خلاص النوم طار من عيني تعالي نقعد في الجنينه نكلم شويا .
بسنت : بس كده انا موافقه جدا يلا بينا ونجيب عصير كمان . ابتسمت حياه وذهبت هي وبسنت إلي الجنينه .
عند صقر وحنين .....
صقر : ها ياستي قولي بقا في ايه .
حنين : صقر انا مخنوقه جدا وحاسه اني مجيتي عليكو مش في وقتها .
صقر : لاء طبعا ليه بتقولي كده انا مبسوط انك جيتي اصلا .
حنين مسكت ايد صقر وقالت : بجد ياصقر يعني انت بتحبني .
صقر : لاء بس.... ولم يكمل لأن كانت في عيون تحجرت الدموع فيها وقلب ينبض بلجر.ح من هذه الكلمات التي نزلت كلصعقه علي حياه التي تصنمت مكانها .....
الفصل السادس
نظر صقر وجد حياه وبسنت يقفون في الجنينه وتنظر حياه اليه بغض.ب ثم ذهبت حياه مسرعه الي صقر .
حياه : هو دا الهتنام يااستاذ صقر .
حنين : وانتي مالك .
حياه : نعم ياختي مالي وكل حاجه تخصني انتي مجنو.نه .
حنين : والله انتي مش محتر.مه.
بسنت : ياجماعه عيب كده وانتي ياحنين خلاص اطلعي انتي دلوقتي .
حياه : اصبري يابسنت مين المش محتر.مه يزباله يلما.مات البيوت .
صقر بز.عيق وغض.ب : حياااااه متنسيش انها بنت خالتي ولو غلطي فيها يبقا غلطي فيا بظبط فاهمه .
حياه بدموع : انت بكلمني كده .
صقر : إيوه واتفضلي بقا علي اوضتك . ذهبت حياه مسرعه الي الداخل وذهبت وراها بسنت . وظل صقر وحنين .
صقر : انا اسف علي كلام حياه .
حنين : ولا يهمك المهم كنت عاوزا اقولك اني بح.... ولم تكمل
صقر : هششش حنين انا مش بفكر في كلام دا ونصيحه بلاش تعترفي بمشاعرك لحد قبل متتاكدي انه هو كمان بيبدلك نفس الشعور تصبحي علي خير . ثم ذهب صقر الي غرفته . وظلت حنين وقالت .
حنين : بكرا اخليك تحبني ياصقر انت ملكي وحبيبي انا .ثم ذهبت هي كمان لنوم ..
عند حياه .......
حياه بدمو.ع ونهيا.ر جامد : انا انا ياصقر تكلمني كده .
بسنت : اهدي ياحبيبتي اهدي هيحصلك حاجه .
ظلت تبكي حياه وبسنت تهديها حتي جاء الصباح وعيون حياه لم تنام .......
بسنت قامت من النوم شافت حياه زي ماهي . قامت بسنت وذهبت اليها .
بسنت : حياه انتي ماانتي كده من امبارح .
حياه : ......
بسنت : ياحبيبتي خلاص مش كده ..
حياه : ........
يوه طب انا هقوم أجيب فطار .
ظلت حياه شارده في حزنها وكلام صقر ليها ودفاعو عن حنين ........
نزلت بسنت واخدت صنيه عليها فطار وذهبت اتجه غرفة حياه . شافها صقر وقال .
صقر بستغراب : بسنت انتي واخده الاكل دا ليه فوق .
بسنت : لحياه ياابيه حياه من امبارح منمتش وعامله تعيط فقولت اجبلها اكل احسن تتعب .
صقر بحزن : ماشي ياحبيبتي خلي بالك منها .
بسنت : ماشي بس عاوزا اقولك حاجه ياابيه .
صقر : حاجة أيه ياحبيبتي .
بسنت : انت زعقت لحياه اوي مع انها حنين كمان غلطانه وهي لما شفتكم كده أضيقت ودا كان رد فعلها . ياريت تصالحها ياابيه .....
صقر بندم علي الحصل : حاضر ياحبيبتي . ثم ذهب صقر وذهبت بسنت الي غرفة حياه .
نزل صقر الي اسفل وهو يلوم نفسه ازاي اتعصب اوي كده علي حياه ازي وهي قلبه . بعد تفكير طويل قرر صقر انه يصالح حياه اول متنزل.
عند حياه....
بسنت : يلا ياحبيبتي عشان تفطري.
حياه : معلش يابسنت مليش نفس ممكن انام .
بسنت : بس ياحبيبتي كده مينفعش هتتعبي .
حياه : معلش سبيني دلوقتي انام .
ظلت حياه كده طول اليوم ولم تنزل الي اسفل حتي قلق محمود والدها فصعد اليها الي غرفتها ...
في غرفة حياه .....
محمود : مالك ياحبيبتي فيكي أيه.
حياه : مفيش يابابي.
محمود : اومال مالك ياحبيبتي منزلتيش ليه .
حياه : تعبانه بس يابابي يعني تعب كده .
محمود وتفاهم الامر : ماشي ياحبيبتي كنت هقولك اني هنزل القاهره بكرا عشان هجيب ماهر بيه وعيلتو هنا .
حياه : ماشي يابابي 🥺.
طبع محمود بوسه وخرج الي الخارج ونزل الي اسفل . كان الكل جالس علي السفره وكمان صقر...
عامر : مالها حياه يامحمود .
محمود : معرفش ياعامر بس البنت فيها حاجه . انا هنزل القاهره بكرا خلو بالكم منها لحد مرجع .
هاله : متقلقش ياخويا في عيني .
صقر بزعل وهو يندم نفسه الف مره فكل هذا بسببه .
حنين وهي تفكر كيف تقرب من صقر وانه يحبها .
عدا اليوم علي الكل . وظلت حياه كما هي لم تخرج من الغرفه .
ومحمود سافر القاهره .
وطبعا صقر خلاص جاب اخره عاوز يشوف حياه ويعتذر منها
ولاكن مفيش فرصه وحياه لم تخرج من غرفتها .
ومحولات حنين في القرب من صقر .
عدا الاسبوع دون احداث وكانت حياه مثل الورده الدبلانه التي اهملت .
لم تاكل كويس ولم تنام وتظل شارده وتبكي وظهرت
العلامات السوداء تحت عيونها . وخست جدا .
جاء اليوم لرجوع محمود وعائلة ماهر بيه .....