رواية اسيرة قلبي
الفصل العاشر
_ الف مبروك المدام حامل
نطقت بها الطبيبه ، ليبتسم ادم بأتساع بينما اختفت ابتسامته
ميان وحل محلها الحزن والأسى وكأنها تلقت نبأ وفاه احدهم ، نظر لها ادم بدهشه
ادم :
_ مالك يا حببتي
ميان بحزن :
_ مفيش
ادم :
_ طيب يلا ، عشان نقول لعمتو ونفرحها
امسك يدها وذهبوا الي المنزل ، طوال الطريق هي شارده وحزينه
ادم :
_ مالك يا ميان
نظرت له بحزن وقالت :
_ مفيش
اوقف السياره جانبا وقال :
_ مالك ، انتي في حاجه مدايقاكي
هزت رأسها ب لا
ليقول مجددا :
_ طب في حاجه بتوجعك
ميان :
_ لا يا أدم انا كويسه ، ممكن نروح بقا
نظر لها ادم واكمل طريقه الي البيت
________
(بعد قليل)
توقفت السياره امام منزلهم الخاص ، ترجلت ميان من السياره ، واتخذت طريقها الي المنزل
اغلق ادم باب السياره وهو يتابعها بنظره الي ان دخلت المنزل ، دلف هو الاخر علي عجل من امره ليعرف ما بها ، ليجد نظرات لوسي المستفهمه
لوسي بقلق :
_ مالها بتعيط ليه
ادم :
_ مش عارف من ساعت ما عرفت انها حامل وهيا مدايقه
تركها وذهب الي زوجته المجنونه ، ليجدها تجلس في الحمام وصوت شهقاتها يصل له ، طرق علي الباب مره واثنان ولكن لا مجيب
ادم :
_ طب انتي بتعيطي ليه دلوقتي
.......
ادم :
_ طب انتي مش عايزه تخلفي مني
ادم :
_ طب ردي عليا يا حببتي ، عشان خاطري ، مش انا صاحبك يا ميان ، فين الصحوبيه ، اخري يا حببتي واحكيلي مالك
فتحت الباب لتظهر ميان بعيناها الحمراء ، ارتمت بين ذراعيه تبكي بشده وهي تشد علي قميصه
ربت علي ظهرها بحنو وقال :
_ احكيلي مالك يا حببتي
ميان ببكاء :
_ مش عايزه ابقا حامل
ادم :
_ طب ليه يا حببتي حد يكره يبقا عنده عيال صغيرين يتنطتو حواليه ، مش انتي دايما بتقولي انك نفسك تجيبي عيال كتير
خرجت من بين ذراعيه ووضعت يدها علي عيناها بحسره وقالت :
_ هتخن وهيبقا شكلي وحش وهتكرهني
انفجر ادم ضاحكا ، ازاحت يدها عن عيناها ونظرت له بدهشه وقالت :
_ انت بتضحك علي ايه
ادم بضحك :
_ عشان هبله ، بتعيطي عشان كده
مسحت ميان عيناها بطرف فستانها ، امسك ادم يدها وابعدها عنها ومسح هو دموعها ، وضع يده علي وجنتيها وقال بحنو :
_ انا عمري ما هكرهك يا هبله ، وكمان عشان شكلك ، انا اخترتك بقلبي مش بعيني ولا بعقلي ، مهما تخنتي وشكلك اتغير هتفضلي ميان البنت النكديه الي انا حبيتها
قبل مقدمه رأسها واكمل :
_ بطلي التفكير دا يا حببتي ، حتي لو تخنتي وبقا وشك كلو خدود ، ومبقتيش بتعدي من الباب ، هشيلك برضو في عيني
ميان بحذر :
_ يعني انت مش هتكرهني اما اتخن
ادم بضحك :
_ بالعكس دا انا اتمني ، بدل ما انتي رفيعه كده وهفتانه
اخذها بين ذراعيه وقبل احدي وجنتيها ، ليقطع تلك اللحظه طرق الباب ، ابتعد عنها ادم وقال بصوت اجش :
_ ادخل
دلفت لوسي الي الغرفه وقالت :
_ انا سمعت صوت ضحك قولت يبقا اتصالحتوا ، الف مبروك يا ميمو
واحتضنتها لوسي وقالت :
_ ايه الي كان مزعلك للدرجادي
قال ادم بسرعه :
_ لا مفيش دي هرومونات بس
لوسي :
_ انتي واخده الحمل من اوله ، صحيح ايمان تحت هيا وراجل غريب وبتسأل عليك
اندهش ادم من زيارتها وقال :
_ طيب انا نازل
تركتهم لوسي وهبطت الي ايمان ، اما ادم فنظر لميان بلؤم وقال :
_ انقذتك اهو ومطلعتكيش هبله قودام عمتو ، بس انا هاخد مكفئتي بليل
عرفت ميان ما يرمي عليه لتقول :
_ لا انا تعبانه اول الحمل مرهق شويه 😂
ادم :
_ مبخدش من الكلام دا ، مليش دعوه
ميان وهي تسحبه للأسفل :
_ يلا بس ننزل للناس الي تحت دي بعدين نفكر في قله ادبك
هبطوا سويا يمسكون بيد بعضهم البعض ، وجدوا لوسي تتحدث مع ايمان ويوجد رجل غريب يجلس بجانب ايمان ، رحب بهم ادم وميان
ايمان :
_ محمد خطيبي يا ادم
ابتسم ادم وقال