رواية اسيرة قلبي الفصل التاسع9بقلم ريم محمد
(يوم الزفاف)
دلف امجد الي القاعه ينظر حوله يبحث بعينه عن صديقه عمار ، لفت يدها حول ذراعه لينظر لها بأبتسامه وقبل رأسها
امجد بأبتسامه جميله :
_ شجعتك انك تيجي معايا بجد فرحتني جدا
ابتسمت ايمان وقالت :
_ وايه المشكله انا وادم كنا صحاب بعيدا عن الي حصل ، بس لازم نكون معاه في يوم زي دا
نظروا لموقع العروسين ليبتسم ادم ما ان رأهم ، نهض من مجلسه وذهب الي امجد الذي احتضنه بشده
ادم :
_ كده يا عمي تيجي كـــ ضيف برضو دا احنا كنا محتاسين من غيرك
امجد :
_ معلش يا ادم عقبال ما ايمان جهزت انت عارف دلع البنات
ضحكت ايمان بمرح وقالت :
_ الف مبروك يا عريس ، ليقين علي بعض
ابتسم لها ادم بدهشه لكنه قرر ان لا يفتح ما اغلق من قبل ، ذهب الي ميان لتقبل عليهم بحب وهي تبتسم لهم بصدق ، استقبلتهم بترحيب بالغ ، تعجب منه ادم .
كانوا يجلسون في (الكوشة) ونظرت ميان حولها بتعب وقالت :
_ هو احنا مش هنرقص slow
رفع ادم احدي حاجبيه وقال :
_ مين دي الي ترقص
ميان :
_ احنا
وضع قدم علي الأخري وقال :
_ لا يا ماما انا مراتي مترقصش وسط الناس وتقعد تتمرجح كده والناس تبص
ميان :
_ تتمرجح ، دا انا هبقا معاك
ادم بغيره :
_ لا في بيتنا بقا نبقا نعمل الي احنا عايزينه
ميان بضحك :
_ هنبدئها غيره من اولها
ادم بضحكه سخيفه :
_ لا يا ماما انا طول عمري كده
ضحكت من قلبها علي غيرته
نظر لها بدهشه وقال :
_ بتضحكي علي ايه
ميان :
_ دايما بسمع عن غيره الراجل الشرقي ، عمري ما شوفتها
ادم :
_ ولسه هتشوفي حاجات احلي بكتير
_________
بعد رحله طويله استقرت سياره ادم في المزرعه ، ليقضوا شهر عسل ، ترجلت ميان من السياره ودلفت للمنزل بأرهاق ووراءها ادم وهو يحمل الحقائب ، صعدت الي الغرفه الخاصه بها
ليوقفها ادم قائلا :
_ رايحه فين
نظرت صوب غرفتها وقالت :
_ هروح اوضتي
قال لها مصححا :
_ لا يا حببتي تعالي اوضتي
دلفت الي غرفته دون نقاش ، وضع ادم الحقائب علي الأرض وقال :
_ غيري هدومك واتوضي عشان نصلي يلا
ابتسمت له ثم فتحت حقيبتها واخذت تقلب بين ملابسها لتاخذ منامه بأكمام و ببنطال يصل الي كاحلها واسدال صلاه ، وخرجت من الغرفه متجهه الي الحمام .
بعد قليل خرجت من الحمام وهي ترتدي اسدال الصلاه ، ذهبت الي غرفتهم لتجد ادم يجلس علي طرف الفراش ينتظرها .
اقام ادم الصلاه ، ودعا كثيرا بجعل هذا الزواج زواجا صالحا مباركا ، وان يرزقه الذريه الصالحه من ميان حبيبته وزوجته .
انتهوا من الدعاء الجميل ، لملمت ميان سجاده الصلاه الخاصه بها ونزعت عنها اسدال الصلاه ، لتجد نظرات ادم المستفهمه من تلك المنامه التي لا تظهر منها شيئا
ادم بدهشه :
_ انتي هتنامي كده
نظرت ميان للمنامه بدهشه واجابته بتساؤل :
_ اه في حاجه ولا ايه
شعر انه اخذ مقلب حياته وخصوصا عندما قبلته في احدي وجنتيه وقالت :
_ تصبح علي خير يا حبيبي
تسطحت علي الفراش وغاصت في نومً عميق ، جلس ادم بجانبها بصدمه هل انتهى الامر هكذا ، هل هذه ليلته الذي حلم بجعلها اجمل ليله في حياته ، وضع رأسه علي الوساده وهو يشعر بأنه اخذ اكبر مقلب في حياته
_________
اليوم التالي
بعد اتصال لوسي وعمار ليطمئنو علي احوالهم كانوا يجلسون امام التلفاز يشاهدون فيلم ما ، ابتسم لها بهدوء وقال :
_ تعرفي ان شكلك كان حلو امبارح وانتي نايمه
ابتسمت له بخجل وقالت :
_ شكرا
اقترب منها برومانسيه وقال :
_ وكل ما بشوفك بحسك بتحلوي اكتر
ابتعدت ميان قليلا عنه وقالت :
_ شكرا
كشر انيابه وقال :
_انتي مالك مسكالي في شكرا كده ليه
ميان :
_ اومال اقول ايه
اقترب منها بحب وهو يركز علي رقبتها وقال :
_ بحبك ، وحشتني ، كده يعني
وقبل رقبتها بحب ولكنها تفاجأ بنفورها منه
رفع رأسه ونظر لها بدهشه وقال بشك :
_ مالك يا ميان
توترت وقالت :
_ لا مفيش
قال بشك :
_ انتي في حاجه مخبياها عليا
ميان :
_ لا مفيش هيكون في ايه يعني ، انا بس تعبانه شويه ، عن اذنك اروح اشوف الغدا
وذهبت من امامه بسرعه اما هو فالشك حاوطه
________
اصبح كلما حاول الاقتراب منها او حتي الحديث معها تبتعد عنه وتنفر بأي حجه ، اعطى لها اكثر من عذر واولهم ان كان لديها عذر شرعي لكن هيا انكرت وقالت انه لا يوجد شئ بها ، عزم علي الحديث معها وانهاء هذه الشكوك فــ هو رجل يكره الشك .
هبط الي بهو المنزل يبحث عنها ، سمع صوت صهيل الخيول ذهب سريعا الى الأسطبل خوفا من ان تكون ميان هناك ، لكنه تفاجأ بها تركب خيله المفضل
نظر لها بدهشه وقال :
_ انتي بتعرفي تركبي خيل
ظلت تتحرك بالحصان وقالت :
_ يعني مش اوي
ادم :
_ عجبك رماح ، دا بتاعي
هبطت من علي حصانه ونظرت له وقالت :
_ مكنتش اعرف انه بتاعك ، انا لقيت نفسي فاضيه قولت اجرب الخيول هنا ، خدت بالي منهم لما فرجتني هند علي المزرعه
ادم :
_ كويس انك بتعرفي تركبي خيل
ابتسمت بهدوء وصمتت ، طال النظر وطال السكوت وكان الصمت سيد المكان عدا صهيل الخيول
قال بحذر :
_ ميان هو انتي في حاجه مخبياها عني
ميان :
_ لا ليه
ادم :
_ متاكده
حاولت التهرب منه وقالت :
_ ايوه ، انا هروح اكلم ماما شويه
باغتها بمسك يدها بعنف وقال :
_ احنا محتاجين نتكلم شويه
ميان :
_ بخصوص ايه
ادم :
_ كتير ، تهربك مني الدائم وانتي فاهمه قصدي بدون توضيح حتي الكلام مبقتش اطوله منك ، حتي انك تقعدي معايا لا ، انتي مبقتيش موجوده يا اما في المطبخ يا اما نايمه ، ودايما بتتهربي مني كأنك عامله عامله وبتخبيها عليا
نظرت له بصدمه من حديثه وقالت :
_ ادم انت فاهم غلط ، انا بس قلقانه شويه
ادم :
_ وانا مش مصدقك يا ميان ، دي مش حجه ، ماشي متوتره من قربي ، انما حتي الكلام بطلتي تتكلمي معايا ، لما تلاقي حجه مناسبه تعالي قوليلي يمكن اقدر اتفهم
وذهب وتركها وحدها حزينه مما قاله هيا حقا قلقه من قربه الشديد لها
________
كانت نائمه علي الفراش او تمثل النوم ، وجدته يتحسس وجهها بنعومه ويقرب منها بحب
ادم بهمس في اذنها :
_ عارف انك صاحيه ، انا اسف علي الي انا قولته الصبح انا كنت سخيف
قبل رأسها ثم ربت علي شعرها واكمل :
_ انا اسف يا ميمو حقك عليا ، بس انتي عصبتيني
لم تمثل النوم اكثر من ذلك فتحت عيناها وجلست ثم قالت :
_ انت حتي متدنيش فرصه اشرحلك
ابتسم بحب وقال :
_وانا اهو قودامك ، اشرحيلي
واقترب من شفتيها يقبلها قبلات متفرقه ، استسلمت له فيبدو انه لن يهدء حتي ينال مراده ، لكن عنوه عنها تذمرت ، هي خائفه ومتوتره وقلقه نفرت منه بحزن لتجده ينظر لها بغضب
ادم :
_ انتي ليه بتبعدي عني ، في ايه
بكت بحزن وقال :
_ مقصدش انا بس ....
قاطعها قائلا :
_ مش عايز اعرف ، انا مش هتحايل عليكي ، تعرفي انا الي مبقتش عايز قربك دا
وتركها وذهب ، بكت بشده الي ان غلبها النوم
_______
بعد عده ايام
ابتعد ادم عنها كثيرا حتي انه لا يقبل الحديث معاها اصبح يتجنبها بكل الطرق ، حتي انه لا ينام معاها في نفس الغرفه ، عزمت علي اصلاح الأمر ، اتصلت بــ والدتها لتفيدها بخبرتها القديمه
لوسي بحب :
_ قلب ماما ، وحشاني
ميان بتوتر :
_ وانتي كمان
لاحظت لوسي توترها وقالت :
_ مالك يا ميان في حاجه حصلت
ميان بأحراج :
_ ايوه
لوسي :
_ عملتي ايه يا مصيبه
ميان :
_ هحكيلك
وبدءت في سرد ما حدث معها منذ ايام
_______
اخذت تقلب بين اغراضها باحثه عن شئ ما ، وجدته اخيرا قميص نوم اسود قصير جدا نظرت له بأحراج هل يجب حقا ان ترتدي هذا لن تتمكن من فعلها ، اخذت نفس عميق وتحلت بالشجاعه الكافيه وبدلت ثيابها بهذا القميص ، نظرت لنفسها في المرآه بأنبهار فهي ذات قوام جذاب ابتسمت لنفسها في المرآه ، ولكن كيف ستتمكن من الخروج هكذا امامه ، تكاد تموت خجلا ان فعلتها
فتح الباب فجأه ليظهر ادم الذي ظهر علي وجهه الصدمه من ملابسها ، عقد حاجبيه بصدمه ، مثل ان الأمر اصبح لا يهمه ولكنها فاتنه بحق ، نظر للكومود بتوتر والعرق بدء يأخذ طريقه علي جبهته اخذ هاتفه من علي الكومود وذهب الي الباب لتوقفه ميان
ميان بخجل :
_ هو انت مش واخد بالك ان في حاجه متغيره
اغمض عينه وهو يكبح رغبته في ان يحبسها بين ذراعيه
التفت لها وهو يمثل الامبالاه وقال :
_ عادي ، انتي في بيتك تلبسي الي انتي عايزاه
وخرج سريعا من الغرفه نظرت له بغضب ونزعت عنها ذلك القميص ثم ارتدت احدي منامتها القطنيه وخلدت الي النوم ودموعها تعرف طريقها من مقلتيها وعلي وجنتيها
________
حزن من تلك الطريقه التي عاملها بها ، لكنها تستحقها بعدما فعلته به ، قلبه لا يطاوعه بذلك هي فعلت ذلك من اجله وهو في المقابل عاملها ببرود وكأنها لم تفعل شئ ، ايمكن ان يكون حقا هذا بفعل التوتر والخوف الذي شعرت به خصوصا ان والدتها بعيده عنها وهذه اول مره تبتعد ميان عن والدتها كما قالت لوسي اذا هو الحق عليه انه تركها ، هكذا اقنع نفسه ان يذهب لمصالحتها
صعد الي غرفتهم ليجدها نائمه بهدوء ، اقترب منها وحاول ان يوقظها بهدوء ، لتستيقظ فازعا
ميان بفزع :
_ مالك انت كويس ، فيك حاجه
ادم بهدوء:
_ لا انا تمام ، انا بس عايز اتكلم معاكي شويه
ميان بنعاس :
_ ايه
ادم :
_ بخصوص موضوع الصبح
اتسعت حدقتيها وهي تتذكر ما حدث لتظهر الدموع في ملقتيها
ادم :
_ بتعيطي ليه دلوقتي
ميان ببكاء :
_ عشان انت مخاصمني
تمالكت نفسها واكملت
_ انا مقصدش انا كنت خايفه كل حاجه معاك جديده عليا وانا مش عارفه اتاقلم بسهوله ، وانت بدل ما تساعدني خوفتني منك
ادم :
_ خوفتك ايه بس انا لحقت اعمل حاجه دا هيا بوسه حزينه الي طولتها منك
ابتسمت ميان علي ذكره لقبلتهم
ليقول بمرح :
_ احنا عندنا الي بيضحك يبقى مسامح ، مسامحه
هزت رأسها بأيجاب ليبتسم بحب لها ، ويقترب منها بهدوء وكاد ان يقبلها الا ان قال :
_ هتبعدي عني زي كل مره ولا خلاص
احتضنته بخجل تخبئ وجهها منه
ليبتسم بأتساع وهو يقول :
_ دا احنا ليلتنا عنب انشاء الله
(وتصمت شهرزاد عن الكلام المباح )
________
بعد عده اشهر
كانت تقف امام باب الحمام تساند ابنتها الذي تتقيئ بشده
لوسي :
_ دي اعراض حمل يا ميان ، لازم تروحي تكشفي
نظفت ميان حلقها وقالت :
_ لا يا ماما دا شويه برد في بطني وخلاص
لوسي :
_ برضو لازم تروحي تكشفي عشان نتأكد
جاء ادم من الخارج ، نظرت له ميان بدهشه وقالت :
_ انت ايه الي جابك ، حصل حاجه ولا ايه
حملها بين ذراعيه وقال :
_ لا بس عمتو اتصلت بيا وقالت انك تعبانه ، فرجعت
وضعها علي الفراش ثم ذهب الي الخزانه ليجلب لها بعض الثياب
ميان بتعب :
_ انت بتعمل ايه
ادم وهو يمسك بيده فستان زهري :
_ بطلعلك هدوم احنا لازم نروح للدكتوره
ميان :
_ انا كويسه ولله
ادم :
_ طاوعيني ومتوجعيش قلبي ، يلا
بدل لها ملابسها وذهب بها الي الطبيبه
________
_الف مبروك المدام حامل